കേരളാ കൾച്ചറൽ അസോസിയേഷൻ റെഡിച്ചിന് പുതിയ ഭാരവാഹി തിരഞ്ഞെടുപ്പ് നടത്തിപ്പുമായി ബന്ധപ്പെട്ട ജനറല്‍ ബോഡി യോഗം 23/03/2023 ശനിയാഴ്ച വൈകിട്ട് ആറ് മണിക്ക് കമ്മ്യൂണിറ്റി ഹൗസ്, റെഡിച്ചിൽ വച്ച് നടത്തി.

സ്ഥാനമൊഴിയുന്ന പ്രസിഡന്റ് ബിഞ്ചു ജേക്കബ് തിരഞ്ഞെടുപ്പ് യോഗത്തിന് എത്തിയ ഭാരവാഹികളെയും അംഗ അസോസിയേഷന്‍ പ്രതിനിധികളെയും യോഗത്തിലേക്ക് സ്വാഗതം ചെയ്തു. ഇക്കഴിഞ്ഞ കാലയളവില്‍ റെഡിച്ചിലെ എല്ലാ പരിപാടികള്‍ക്കും നിര്‍ലോഭമായ സഹായ സഹകരണങ്ങള്‍ നല്‍കിയ എല്ലാവരേയും അനുസ്മരിക്കാനും അവരോടുള്ള നന്ദി രേഖപ്പെടുത്താനും അദ്ദേഹം ഈ അവസരം ഉപയോഗിച്ചു. തുടര്‍ന്ന് സ്ഥാനമൊഴിയുന്ന സെക്രട്ടറി അഭിലാഷ് സേവ്യർ കാലാവധി പൂര്‍ത്തിയാക്കിയ കേരളാ കൾച്ചറൽ അസോസിയേഷൻ റെഡിച്ച് സമിതിയുടെ പ്രവര്‍ത്തനങ്ങളുടെ അവലോകനം നടത്തുകയും, വിപുലങ്ങളായ പരിപാടികള്‍ സംഘടിപ്പുക്കുവാന്‍ സംഘടനയെ പ്രാപ്തരാക്കിയ അംഗ അസോസിയേഷന്‍ ഭാരവാഹികളുടെ സേവനങ്ങളെ ശ്ലാഹിക്കുകയും അവരോടുള്ള കടപ്പാടും സ്‌നേഹവും രേഖപ്പെടുത്തുകയും, കഴിഞ്ഞ വര്‍ഷത്തെ പ്രവര്‍ത്തന റിപ്പോര്‍ട്ട് വായിക്കുകയും സ്ഥാനമൊഴിയുന്ന ട്രെഷറർ ജസ്റ്റിൻ മാത്യു ഫിനാൻസ് റിപ്പോർട്ട് അവതരിപ്പിക്കുകയും ചെയ്തു.

സ്ഥാനമൊഴിയുന്ന പ്രസിഡന്റ് ബിഞ്ചു ജേക്കബ് തിരഞ്ഞെടുപ്പ് നീതിപൂര്‍വവും കാര്യക്ഷമവുമായി നടത്താനായി അവലംബിക്കുന്ന നടപടിക്രമങ്ങളെക്കുറിച്ചു വിശദീകരിച്ചു സംസാരിക്കുകയും പുതിയ ഭാരവാഹികളെ തിരഞ്ഞെടുക്കുന്നതിന് വേണ്ടിയുള്ള പ്രക്രിയ സുഗമമായി നടത്താനായി അവലംബിക്കുന്ന നടപടിക്രമങ്ങളെക്കുറിച്ചു വിശദീകരിച്ചു സംസാരിക്കുകയും തിരഞ്ഞെടുപ്പ് പ്രക്രിയ സുഗമമായി നടത്തുവാന്‍ എല്ലാവരുടേയും സഹകരണം അഭ്യര്‍ത്ഥിക്കുകായും ചെയ്തു.

സുജു ജോസഫ്

സാലിസ്ബറി: പുതുമുഖങ്ങളെയും പരിചയസമ്പന്നരെയുമുൾപ്പെടുത്തി സാലിസ്ബറിബറി മലയാളി അസ്സോസിയേഷൻ 2023 – 25 കാലയളവിലേക്കുള്ള ഭരണസമിതി നിലവിൽ വന്നു. റ്റിജി മമ്മു പ്രസിഡന്റായും സിൽവി ജോസ് സെക്രട്ടറിയായും ജയ്‌വിൻ ജോർജ്ജ് ട്രഷററായുമുള്ള ഭരണസമിതിയാകും സംഘടനയ്ക്ക് നേതൃത്വം നൽകുക.

മാർച്ച് 3 വെള്ളിയാഴ്ച്ച നടന്ന വാർഷിക പൊതുയോഗത്തിലാണ് തിരഞ്ഞെടുപ്പിനായുള്ള ഒരുക്കങ്ങൾ തുടങ്ങിയത്. രക്ഷാധികാരി ജോസ് കെ ആന്റണിയും മുൻ എക്സിക്യൂട്ടീവ് കമ്മിറ്റിയംഗം മേഴ്‌സി സജീഷിന്റെയും നേതൃത്വത്തിലാണ് തിരഞ്ഞെടുപ്പിനായുള്ള ഒരുക്കങ്ങൾ ആരംഭിച്ചത്. വൈസ് പ്രസിഡന്റായി ജോബിൻ ജോണും ജോയിന്റ് സെക്രട്ടറിയായി ജോഷ്‌ന പ്രശാന്തും ജോയിന്റ് ട്രഷററായി ലൂയിസ് തോമസും തിരഞ്ഞെടുക്കപ്പെട്ടപ്പോൾ നിർവ്വാഹക സമിതിയംഗങ്ങളായി പിങ്കി ജെയ്ൻ, പ്രശാന്ത് ബാലകൃഷ്ണൻ, നിഷാന്ത് സോമൻ, സെന്തിൽ പ്രഭു തുടങ്ങിയവരും തിരഞ്ഞെടുക്കപ്പെട്ടു. എക്സ് ഒഫീഷ്യോമാരായി മുൻ പ്രസിഡന്റ് ഷിബു ജോണും മുൻ സെക്രട്ടറി ഡിനു ഡൊമിനിക് ഓലിക്കലും കമ്മിറ്റിയംഗങ്ങളാകും. നിലവിലെ യുക്മ പ്രതിനിധികളായി സുജു ജോസഫ്, എം പി പദ്മരാജ്, ഡിനു ഓലിക്കൽ എന്നിവരും കമ്മിറ്റിയംഗങ്ങളാകും. പി ആർ ഓ ആയി സുജു ജോസഫിനെ പൊതുയോഗം ചുമതലപ്പെടുത്തി.

മാർച്ച് 3 ശനിയാഴ്ച വൈകുന്നേരം ഏഴുമണിയോടെ മുൻ പ്രസിഡന്റ് ഷിബു ജോണിന്റെ അദ്ധ്യക്ഷതയിൽ ആരംഭിച്ച പൊതുയോഗത്തിൽ പ്രവർത്തന റിപ്പോർട്ട് സെക്രട്ടറി ഡിനു ഡൊമിനിക്‌ ഓലിക്കലും ഫിനാൻഷ്യൽ റിപ്പോർട്ട് ട്രഷറർ ഷാൽമോൻ പങ്കെതും അവതരിപ്പിച്ചു. പൊതുയോഗത്തിന് ശ്രീമതി രമ്യ ജിബി സ്വാഗതവും നിധി ജയ്‌വിൻ നന്ദിയും രേഖപ്പെടുത്തി.

സംഘടനയുടെ പ്രവർത്തനങ്ങൾ കൂടുതൽ സജീവമാക്കാനും മുതിർന്നവർക്കും കുട്ടികൾക്കും കലാ കായിക രംഗങ്ങളിൽ കൂടുതൽ അവസരങ്ങൾ ഒരുക്കുന്നതിനുള്ള ശ്രമങ്ങൾക്കായിരിക്കും പ്രഥമ പരിഗണനയെന്ന് പ്രസിഡന്റ് റ്റിജി മമ്മു പറഞ്ഞു. ഭാരവാഹികൾക്ക് രക്ഷാധികാരി ജോസ് കെ ആന്റണി ആശംസകൾ നേർന്നു.

ഉണ്ണികൃഷ്ണൻ ബാലൻ

സമീക്ഷ യു കെയുടെ ആറാമത് ദേശീയ സമ്മേളനത്തിന്റെ ഭാഗമായി, വെയിൽസ് -കാർഡിഫ് ബ്രാഞ്ച് സമ്മേളനം ഏപ്രിൽ 2 ഞായറാഴ്ച 6 മണിക്ക് ബ്രാഞ്ച് പ്രസിഡൻറ് പ്രിൻസ് എം ജോർജിന്റെ അദ്ധ്യഷതയിൽ നടന്നു. സമീക്ഷ യുകെ ദേശീയ സെക്രട്ടറി ശ്രീ. ദിനേശ് വെള്ളാപ്പള്ളി സമ്മേളനം ഉത്‌ഘാടനം ചെയ്തു. സമീക്ഷ യു കെയുടെ പ്രവർത്തനങ്ങളെക്കുറിച്ചും അതിൽ ബ്രാഞ്ചിന്റെ പങ്കാളിത്തത്തെ കുറിച്ചും ഉത്ഘാടന പ്രസംഗത്തിൽ അദ്ദേഹം വിവരിച്ചു. ബ്രാഞ്ച് സെക്രട്ടറി ശ്രീ. ബിബി തോമസ് സ്വാഗതം പറയുകയും, ബ്രാഞ്ചിന്റെ പ്രവർത്തന റിപ്പോർട്ട്‌ അവതരിപ്പിക്കുകയും ചെയ്തു. റിപ്പോർട്ടിന്മേലും തുടർന്ന് ദേശീയ സമ്മേളനത്തേ സംബന്ധിച്ചും നടന്ന ചർച്ചയിൽ എല്ലാ അംഗങ്ങളും സജീവമായി പങ്കെടുത്തു.

നാഷണൽ കമ്മിറ്റി അംഗം അഡ്വ. ദിലീപ് കുമാർ സമ്മേളനത്തിനു ആശംസകൾ നേർന്നു സംസാരിച്ചു. ശ്രീ. പ്രിൻസ് എം ജോർജ് ബ്രാഞ്ച് പ്രസിഡന്റ്‌ ആയും, ശ്രീ. അലക്സ്‌ ജോർജ് വൈസ് പ്രസിഡന്റ്‌ ആയും, ശ്രീ.ബെന്നി തോമസ് ട്രെഷറർ ആയി തുടരാനും, പുതിയ ബ്രാഞ്ച് സെക്രട്ടറി ആയീ ശ്രീ. ബാലചന്ദ്രൻ സി എമ്മിനെയും, ജോയിന്റ് സെക്രട്ടറിയായി ശ്രീ.ജോജി ഈപ്പനേയും സമ്മേളനം തിരഞ്ഞെടുത്തു. അവരോടൊപ്പം പുതിയ എക്സിക്യൂട്ടീവ് കമ്മിറ്റി അംഗങ്ങളായി ശ്രീ. ബിബി തോമസ്, ശ്രീ. ബിനു ദാമോദരൻ, ശ്രീ. രാഹുൽ മാത്യു, ശ്രീ. ബിജോൺ ജോസ്, ശ്രീ. എൽദോസ് വർഗീസ്, ശ്രീ. എബ്രഹാം മാത്യു എന്നിവരും സ്ഥാനമേറ്റു. സമീക്ഷയുകെ യുകെയിൽ ആകമാനം നടപ്പിലാക്കി കൊണ്ടിരിക്കുന്ന ഷെയർ & കെയർ കമ്മ്യൂണിറ്റി പ്രോഗ്രാം വെയിൽസ് ബ്രാഞ്ചിലും നടപ്പിലാക്കാൻ തീരുമാനം ആയി.

ചടങ്ങിൽ പങ്കെടുത്ത എല്ലാവർക്കും ട്രെഷറർ ബെന്നി തോമസ് നന്ദി പറഞ്ഞു. ദേശീയ സമ്മേളനത്തിനു എല്ലാ പിന്തുണയും അറിയിച്ച സമ്മേളനം ബ്രാഞ്ചിന്റെ പ്രവർത്തനങ്ങൾ കൂടുതൽ സജീവമാക്കുവാനും തീരുമാനിച്ചു.

ടോം ജോസ് തടിയംപാട്

ഇടുക്കി ചാരിറ്റി നടത്തുന്ന ഈസ്റ്റർ ചാരിറ്റിക്ക് ഇതുവരെ 1680 പൗണ്ട് ലഭിച്ചു ബാങ്കിന്റെ സമ്മറി സ്റ്റേറ്റ് മെന്റ് പ്രസിദ്ധീകരിക്കുന്നു .ചാരിറ്റി ഏപ്രിൽ 10 തിങ്കളാഴ്ച അവസാനിക്കും. തൊടുപുഴ ആലക്കോട് ചിലവ് സ്വാദേശി കമല ശ്രീധരന്റെ ചികിത്സക്ക് വേണ്ടി ഇടുക്കി ചാരിറ്റി ഗ്രൂപ്പ് നടത്തുന്ന ഈസ്റ്റർ ചാരിറ്റിക്ക് ഇതുവരെ 1680 പൗണ്ട് ലഭിച്ചു . സമ്മറി സ്റ്റേറ്റ് മെന്റ് താഴെ പ്രസിദ്ധീകരിക്കുന്നു ചാരിറ്റി ഏപ്രിൽ 10 തിങ്കളാഴ്ച അവസാനിക്കും , ലഭിക്കുന്ന തുക തൊട്ടടുത്ത ദിവസം കമല ശ്രീധരനു വീട്ടിലെത്തി കൈമാറും എന്നറിയിക്കുന്നു.

പെയിന്റ് പണികൊണ്ടു രോഗിയായ അമ്മയെയും രോഗിയായ പിതാവിനെയും ചികിൽസിക്കാൻ നിവർത്തിയില്ലാതെ വിഷമിക്കുകയാണ് മകൻ ശ്രീജിത് ശ്രീധരൻ .ഫോൺ വിളിച്ചു കരഞ്ഞു കൊണ്ട്
ശ്രീജിത് പറഞ്ഞത് എന്റെ അമ്മയുടെ ഹൃദയ സംബദ്ധമായ അസുഖത്തിന് ചികിൽസിക്കാൻ എന്റെ നാട്ടിൽ സഹായിക്കാത്തവരായി ആരുമില്ല, നാട്ടിൽ ഇനി ആരോടും ചോദിക്കാനുമില്ല അമ്മയെ ആഴ്ചയിൽ രണ്ടുപ്രാവശ്യം ഡയലിസിസിനു കൊണ്ടുപോകണം കൂടാതെ പിതാവിനും രോഗമാണ് ദയവായി ഒന്ന് സഹായിക്കാമോ എന്നായിരുന്നു.

തകർന്നു വീഴാറായ ഒരു വീട്ടിലാണ് ഈ കുടുംബം കഴിയുന്നത് ..ഈ കുടുംബത്തിന്റെ ദയനീയാവസ്ഥ ഞങ്ങളെ അറിയിച്ചത് യു കെ യിലെ ചെംസ്ഫോർഡ്, എസെക്സിൽ താമസിക്കുന്ന തൊടുപുഴ മുതലക്കുടം സ്വദേശി ടോമി സെബാസ്റ്റ്യനാണ് . ഒരു സോഷ്യൽ വർക്കർ കൂടിയായ ടോമി നാട്ടിൽ പോയപ്പോൾ ശ്രീജിത്തിന്റെ വീട്ടിൽ പോകുകയും ഇവരുടെ വിഷമങ്ങൾ നേരിട്ട് മനസിലാക്കുകയും ചെയ്തിരുന്നു . ടോമിയുടെ അഭ്യർത്ഥന മാനിച്ചു ഈ കുടുംബത്തിനു വേണ്ടി ഈസ്റ്റർ ചാരിറ്റി ചെയ്യാൻ ഞങ്ങൾ തീരുമാനിക്കുകയായിരുന്നു എല്ലാവരും ഈസ്റ്റർ ആഘോഷിക്കാൻ തയ്യറെടുക്കുന്ന ഈ സമയത്തു ഈ അമ്മക്കു൦ മകനും ഒരു കൈത്താങ്ങാകാൻ നമുക്കു ശ്രമിക്കാം .

നിങ്ങളുടെ സഹായങ്ങൾ താഴെ കാണുന്ന ഞങ്ങളുടെ അക്കൗണ്ടിൽ ദയവായി നിക്ഷേപിക്കുക ”
ദാരിദ്രൃം എന്തെന്നറിഞ്ഞവർക്കെ പാരിൽ പരക്ലേശവിവേകമുള്ളു.””,

ACCOUNT NAME , IDUKKI GROUP
ACCOUNT NO 50869805
SORT CODE 20-50.-82
BANK BARCLAYS.

ഇടുക്കി ചാരിറ്റിക്കു നേതൃത്വ൦കൊടുക്കുന്നത് സാബു ഫിലിപ്പ് 07708181997 ടോം ജോസ് തടിയംപാട് 07859060320 സജി തോമസ്‌ 07803276626.. .എന്നിവരാണ് .ഞങ്ങളുടെ രക്ഷാധികാരി ബഹുമാനപ്പെട്ട തമ്പി ജോസാണ്‌ .

മറക്കാനാകാത്ത മറ്റൊരു സായാഹ്നം മലയാളി സമൂഹത്തിന് സമ്മാനിച്ചിരിക്കുകയാണ് യുകെയിലെ പ്രമുഖ അസോസിയേഷനായ ഗ്ലോസ്റ്റര്‍ മലയാളി അസോസിയേഷന്റെ ഓര്‍ക്കസ്ട്ര ടീം . ഒരുപിടി മികച്ച കലാകാരന്മാര്‍ വേദി കീഴടക്കിയപ്പോള്‍ ‘ രാഗ സന്ധ്യ അവിസ്മരണീയമായി. ഗ്ലോസ്റ്ററിലെ ചര്‍ച്ച് ഡൗണ്‍ കമ്യൂണിറ്റി ഹാളില്‍ ശനിയാഴ്ച വൈകിട്ട് അവതരിപ്പിച്ച രാഗ സന്ധ്യ ഒട്ടനവധി സുന്ദര മുഹൂര്‍ത്തങ്ങളാണ് ഗാന ആസ്വാദകര്‍ക്ക് നല്‍കിയത്.

കേള്‍ക്കാന്‍ ആഗ്രഹിക്കുന്ന ഗാനങ്ങളും നാടന്‍ പാട്ടുകളും ഒക്കെയായി വേദിയെ കീഴടക്കുകയായിരുന്നു കലാകാരന്മാര്‍. രവീന്ദ്രന്‍ മാസ്റ്റര്‍ ഹിറ്റ്‌സ്, ഓള്‍ഡ് ഈസ് ഗോള്‍ഡ്, നാടന്‍ പാട്ടുകള്‍, ഹിന്ദി ആന്‍ഡ് തമിഴ് റൗണ്ട് എന്നീങ്ങനെ നാലു റൗണ്ടുകളായി ഗാനങ്ങള്‍ ആലപിച്ച സംഗീത സായാഹ്നമായിരുന്നു അരങ്ങേറിയത്.
പ്രേക്ഷകര്‍ ആവശ്യപ്പെട്ട ലൈവ് ഗാനങ്ങള്‍ അവതരിപ്പിച്ച് ഏഷ്യാനെറ്റ് ഫെയിം ആന്റണി ജോണ്‍ കൈയ്യടി നേടുകയായിരുന്നു.

കാണികളെ ആവേശത്തിലാഴ്ത്തി അനിലയും രമ്യ മനോജും പരിപാടിയുടെ ആങ്കറിങ്ങ് ഭംഗിയാക്കി.
ആന്റണി ജോണ്‍, ബിന്ദുലേഖ സോമന്‍,ഷെറിന്‍ ജോസഫ്, ഷൈനി മനോജ്, നീതു ചാക്കോ എന്നിവരാണ് ജോണ്‍സണ്‍മാസ്റ്റര്‍ ഹിറ്റുകള്‍ വേദിയില്‍ അവതരിപ്പിച്ചത്. സിറില്‍, രമ്യ, റിന്നി, അനെറ്റ്, നിനു, ദീപ, മേഘ്‌ന ജോണ്‍ എന്നിവര്‍ പഴയ പാട്ടുകള്‍ കൊണ്ട് ഏവരുടേയും ഹൃദയം കീഴടക്കി. സിബി ജോസഫ്, ഫ്‌ളോറന്‍സ് ഫെലിക്‌സ്, സഞ്ജന ,ജീന, മനോജ് എന്നിവര്‍ രവീന്ദ്രന്‍ മാസ്റ്റര്‍ ഹിറ്റ്‌സ് അവതരിപ്പിച്ചു.

റിയ, അജി ഡേവിഡ്,ദേവലാല്‍, ടിജു ആന്‍ഡ് ടിനു, മനോജ് ജേക്കബ്, ബെനിറ്റ ബിനു, രഞ്ജിത്ത് എന്നിവര്‍ തമിഴും ഹിന്ദി ഗാനങ്ങളും കൊണ്ട് ആഘോഷ രാവാക്കി രാഗ സന്ധ്യയെ മാറ്റി. അരുണ്‍, ജെഡ്‌സന്‍, സാലി, സജി, ചിത്ര, ബിനുമോന്‍, പോള്‍സണ്‍ എന്നിവരുടെ നാടന്‍ പാട്ട് കാണികളില്‍ ആവേശം നിറയ്ക്കുകയായിരുന്നു.

ഗ്ലോസ്റ്റര്‍ മലയാളികള്‍ക്ക് മികച്ചൊരു കലാസന്ധ്യയാണ് ഒരുക്കിയത്. ഗ്ലോസ്റ്റര്‍ ഓര്‍ക്കസ്ട്രയുടെ കോര്‍ഡിനേറ്റേഴ്‌സായ ബിനുമോന്‍ കുര്യാക്കോസും സിബി ജോസഫും ആസ്വദിക്കാനെത്തിയ ഓരോരുത്തര്‍ക്കും നന്ദി പറഞ്ഞു. മികച്ച ഭക്ഷണവും ഒരുക്കിയിരുന്നു. നാലു മണി മുതല്‍ രാത്രി പത്തു മണിവരെ എല്ലാം മറന്ന് ആഘോഷിക്കുകയായിരുന്നു ഗാന ആസ്വാദകര്‍. ജിഎംഎ പ്രസിഡന്റ് ജോ വില്‍ടണ്‍ കലാകാരന്മാര്‍ക്ക് ആശംസകള്‍ അറിയിച്ചു.

ഉണ്ണികൃഷ്ണൻ ബാലൻ

സമീക്ഷ യുകെ യുടെ ആറാമത് ദേശീയ സമ്മേളനത്തിന്റെ ഭാഗമായി എക്സിറ്റർ ബ്രാഞ്ച് സമ്മേളനം ഏപ്രിൽ 1 ശനിയാഴ്ച്ച വൈകിട്ട് 5 മണിക്ക് ദേശിയ ട്രഷറർ. ശ്രീമതി രാജി ഷാജിയുടെ അദ്ധ്യഷതയിൽ നടന്നു. സമീക്ഷ യുകെ ദേശീയ പ്രസിഡന്റ് ശ്രീ. ശ്രീകുമാർ ഉള്ളപ്പിള്ളിൽ സമ്മേളനം ഉത്‌ഘാടനം ചെയ്യ്തു. സംഘടനയുടെ പ്രവർത്തനങ്ങളെക്കുറിച്ചും അതിൽ ബ്രാഞ്ചിന്റെ പങ്കാളിത്തത്തെ കുറിച്ചും ഉത്ഘാടന പ്രസംഗത്തിൽ അദ്ദേഹം വിവരിച്ചു.

ബ്രാഞ്ച് പ്രസിഡന്റ് ജസ്റ്റിൻ ജെയിംസ് സ്വാഗതം പറഞ്ഞുകൊണ്ട് ആരംഭിച്ച സമ്മേളനത്തിൽ ബ്രാഞ്ച് മെമ്പർ കീർത്തന ഗോപൻ അനുശോചന പ്രമേയം അവതരിച്ചു. ബ്രാഞ്ച് സെകട്ടറി വിനു ചന്ദ്രൻ കഴിഞ്ഞ ഒരു വർഷത്തെ പ്രവർത്തന റിപ്പോർട്ട് അവതരിപ്പിച്ചു. റിപ്പോർട്ടിന്മേലും തുടർന്ന് ദേശീയ സമ്മേളനത്തേ സംബന്ധിച്ചും നടന്ന ചർച്ചയിൽ എല്ലാ അംഗങ്ങളും സജീവമായി പങ്കെടുത്തു. സമ്മേളനത്തിൽ നിലവിലുള്ള ഭാരവാഹികളെ തന്നെ നിലനിർത്താൻ തീരുമാനിച്ചു.

സമ്മേളനത്തിന് ആശംസയറിച്ചുകൊണ്ട് എക്സിറ്റർ മലയാളി അസോസിയേഷൻ ട്രഷറർ ബിനോയി വർഗീസും സമീക്ഷ കെറ്ററിംഗ്‌ ബ്രാഞ്ച് സെക്രട്ടറി എബിൻ സാബുവും സംസാരിച്ചു. ഷെയർ & കെയർ ചാരിറ്റി പ്രവർത്തനം ഏറ്റെടുത്തുകൊണ്ട് ബ്രാഞ്ചിന്റെ പ്രവർത്തനം കൂടുതൽ സജീവമാക്കാൻ തീരുമാനിച്ചു. ഷെയർ &കെയർ പ്രൊജക്റ്റ് ആദ്യ കളക്ഷൻ ഉത്‌ഘാടനം ചെയ്തുകൊണ്ട് ഷെയർ ആൻഡ് കെയർ പ്രൊജക്റ്റ് നാഷ്ണൽ കോർഡിനേറ്റർ കൂടിയായ ശ്രീകുമാർ ഉള്ളപ്പിള്ളിൽ ആദ്യ കളക്ഷൻ വിനു ചന്ദ്രനിൽ നിന്നും ഏറ്റുവാങ്ങി.

സമ്മേളനത്തിന് മാറ്റുകൂട്ടുവാൻ എക്സിറ്ററിലെ പ്രിയ ഗായകരായ ക്രിസ്റ്റീൻ ജോണും ജോയ് ജോണും അതിമനോഹരങ്ങളായ ഗാനങ്ങൾ ആലപിച്ചു. ചടങ്ങിൽ പങ്കെടുത്ത എല്ലാവർക്കും കീർത്തന നന്ദി അറിയിച്ചു. ദേശീയ സമ്മേളനത്തിനു എല്ലാ പിന്തുണയും അറിയിച്ച സമ്മേളനം ബ്രാഞ്ചിന്റെ പ്രവർത്തനങ്ങൾ കൂടുതൽ സജീവമാക്കുവാനും തീരുമാനിച്ചു.

ടോം ജോസ് തടിയംപാട്

തൊടുപുഴ ആലക്കോട് ചിലവ് സ്വദേശി കമല ശ്രീധരന്റെ ചികിത്സയ്ക്ക് വേണ്ടി ഇടുക്കി ചാരിറ്റി ഗ്രൂപ്പ് നടത്തുന്ന ഈസ്റ്റർ ചാരിറ്റിക്ക് ഇതുവരെ 1020 പൗണ്ട് ലഭിച്ചു. സമ്മറി സ്റ്റേറ്റ് മെന്റ് താഴെ പ്രസിദ്ധീകരിക്കുന്നു. ചാരിറ്റി ഏപ്രിൽ 10 തിങ്കളാഴ്ച അവസാനിക്കും . ലഭിക്കുന്ന തുക തൊട്ടടുത്ത ദിവസം കമല ശ്രീധരനു വീട്ടിലെത്തി കൈമാറും എന്നറിയിക്കുന്നു.

കൂടാതെ പേരുവെളിപ്പെടുത്താൻ താൽപ്പര്യമില്ലാത്ത യു കെ യിലെ ഒരു നല്ല സമരിയക്കാരൻ 40000 രൂപ നേരിട്ട് നൽകി, ഇദ്ദേഹം ഇതിനുമുൻപും പലപ്രാവശ്യം വലിയ തുകകൾ നൽകി നേഴ്സിംഗ് പഠനത്തിനു ബുദ്ധമുട്ടുന്നു എന്ന് ഇടുക്കി ചാരിറ്റി അറിയിച്ച കുട്ടികളെ സഹായിച്ചിട്ടുണ്ട് .ഇങ്ങനെ വലിയ തുകനൽകി സഹായിക്കാൻ കാരണം എന്താണ് എന്ന് ചോദിച്ചപ്പോൾ ഞാൻ 2010 ൽ സ്റ്റുഡൻറ് വിസയിൽ യു കെയിൽ എത്തിയപ്പോൾ ഒരു ബ്രെഡ് മേടിക്കാൻ വിഷമിച്ചിട്ടുണ്ട്. ദൈവസഹായത്താൽ എനിക്ക് ഇപ്പോൾ ബിസിനസ് ചെയ്തു പണം ലഭിക്കുന്നുണ്ട്. അതിന്റെ ഒരു വിഹിതം ഞാൻ നൽകുന്നു എന്നാണ് പറഞ്ഞത്. എന്താണെങ്കിലും അദ്ദേഹത്തിന്റെ നല്ല മനസിനു മുൻപിൽ ഞങ്ങൾ തലകുനിക്കുന്നു .

പെയിന്റ് പണികൊണ്ടു രോഗിയായ അമ്മയെയും രോഗിയായ പിതാവിനെയും ചികിൽസിക്കാൻ നിവർത്തിയില്ലാതെ വിഷമിക്കുകയാണ് മകൻ ശ്രീജിത് ശ്രീധരൻ. ഫോൺ വിളിച്ചു കരഞ്ഞു കൊണ്ട് ശ്രീജിത് പറഞ്ഞത് എന്റെ അമ്മയുടെ ഹൃദയ സംബദ്ധമായ അസുഖത്തിന് ചികിൽസിക്കാൻ എന്റെ നാട്ടിൽ സഹായിക്കാത്തവരായി ആരുമില്ല, നാട്ടിൽ ഇനി ആരോടും ചോദിക്കാനുമില്ല അമ്മയെ ആഴ്ചയിൽ രണ്ടുപ്രാവശ്യം ഡയലിസിസിന് കൊണ്ടുപോകണം ദയവായി ഒന്ന് സഹായിക്കാമോ എന്നായിരുന്നു.

തകർന്നു വീഴാറായ ഒരു വീട്ടിലാണ് ഈ കുടുംബം കഴിയുന്നത് .ഈ കുടുംബത്തിന്റെ ദയനീയാവസ്ഥ ഞങ്ങളെ അറിയിച്ചത് യു കെ യിലെ ചെംസ്ഫോർഡ്, എസെക്സിൽ താമസിക്കുന്ന തൊടുപുഴ മുതലക്കുടം സ്വദേശി ടോമി സെബാസ്ററ്യനാണ് . ഒരു സോഷ്യൽ വർക്കർ കൂടിയായ ടോമി നാട്ടിൽ പോയപ്പോൾ ശ്രീജിത്തിന്റെ വീട്ടിൽ പോകുകയും ഇവരുടെ വിഷമങ്ങൾ നേരിട്ട് മനസിലാക്കുകയും ചെയ്തിരുന്നു . ടോമിയുടെ അഭ്യർത്ഥന മാനിച്ചു ഈ കുടുംബത്തിനു വേണ്ടി ഈസ്റ്റർ ചാരിറ്റി ചെയ്യാൻ ഞങ്ങൾ തീരുമാനിക്കുകയായിരുന്നു. എല്ലാവരും ഈസ്റ്റർ ആഘോഷിക്കുന്ന തയ്യറെടുക്കുന്ന ഈ സമയത്തു ഈ അമ്മക്കു൦ മകനും ഒരു കൈത്താങ്ങാകാൻ നമുക്കു ശ്രമിക്കാം .

നിങ്ങളുടെ സഹായങ്ങൾ താഴെ കാണുന്ന ഞങ്ങളുടെ അക്കൗണ്ടിൽ ദയവായി നിക്ഷേപിക്കുക “
ദാരിദ്രൃം എന്തെന്നറിഞ്ഞവർക്കെ പാരിൽ പരക്ലേശവിവേകമുള്ളു.””,

ACCOUNT NAME , IDUKKI GROUP
ACCOUNT NO 50869805
SORT CODE 20-50.-82
BANK BARCLAYS.

ഇടുക്കി ചാരിറ്റിക്കു നേതൃത്വ൦കൊടുക്കുന്നത് സാബു ഫിലിപ്പ് 07708181997 ടോം ജോസ് തടിയംപാട് 07859060320 സജി തോമസ്‌ 07803276626.. .എന്നിവരാണ് .ഞങ്ങളുടെ രക്ഷാധികാരി ബഹുമാനപ്പെട്ട തമ്പി ജോസാണ്‌ .

യുകെയിലെ പ്രശസ്തമായ ഗ്രെയ്റ്റര്‍ മാഞ്ചസ്റ്റര്‍ മലയാളി ഹിന്ദു കമ്മ്യൂണിറ്റിയുടെ പ്രൗഢ ഗംഭീരമായ വിഷു മഹോത്സവം പൂര്‍വ്വാധികം ഭംഗിയായി അഘോഷിക്കുവാന്‍ മാഞ്ചസ്റ്റർ ഒരുങ്ങുകയാണ്. 2023 ഏപ്രിൽ 15നു ശനിയാഴ്ച രാവിലെ 10 മുതല്‍ വൈകിട്ട് 6 മണി വരെ മാഞ്ചസ്റ്ററില്‍ ഗീത ഭവൻ ക്ഷേത്രത്തിൽ വെച്ച് ഭക്ത്യാദരപൂര്‍വ്വം ആഘോഷിക്കപ്പെടും.

അന്നേ ദിവസം രാവിലെ 10മണിക്ക് സർവ്വ വിഭൂഷണനായ ഭഗവാൻ കൃഷ്ണനെ കണികാണുന്നതോടെ പരിപാടികൾക്ക് തുടക്കം കുറിക്കും. തുടർന്ന് GMMHC യിലെ ബാലിക ബാലൻ മാർക്ക് വിഷുകൈനീട്ടവും നൽകുന്നതാണ് ,തുടർന്ന് വിഷു സ്പെഷ്യൽ ഭജനയും നടത്തപ്പെടും .

ആയതിനുശേഷം GMMHC കുടുംബാംഗങ്ങൾ ഒരുക്കുന്ന സ്വാദിഷ്ടവും വിഭവ സമൃദ്ധമായ വിഷു സദ്യയും ഉണ്ടായിരിക്കും. തുടർന്ന് കൾച്ചറൽ പരിപാടികൾക്ക് തുടക്കം കുറിക്കുന്നതാണ് . GMMHC കലാകാരന്മാർ നയന ശ്രവണ സുന്ദരമായ കലാപരിപാടികൾ അവതരിപ്പിക്കുവാനുള്ള ഒരുക്കത്തിലാണ് . കലാപരിപാടികൾക്ക് വൈകീട്ട് 6 മണിയോടെ തിരശ്ശീല വീഴും. ഈവർഷത്തെ വിഷുമഹോത്സാവത്തിനു ഏകദേശം 400 ഓളം ആളുകളെ പ്രതീക്ഷിക്കുന്നതായി സംഘാടകർ അറിയിച്ചു . പരിപാടി അതിഗംഭീരമാക്കുവാൻ ഏവരുടെയും സഹായ സഹകരണങ്ങൾ കമ്മിറ്റി അഭ്യർത്ഥിക്കുന്നു. ഇനിയും പ്രവേശന ടിക്കറ്റുകൾ കരസ്ഥമാക്കാത്തവർ വൈകാതെ കമ്മിറ്റിയുമായി ദയവായി ബന്ധപ്പെടുക .

കൂടുതൽ വിവരങ്ങൾക്ക്
രാധേഷ് നായർ…07815819190 (പ്രസിഡണ്ട് )
ധനേഷ് ശ്രീധർ….07713154374 (സെക്രട്ടറി
സുനില്‍ ഉണ്ണി….07920142948 ( ട്രഷറര്‍)

വക്കച്ചൻ കൊട്ടാരം

ഒരുമയുടേയും, സ്നേഹത്തിന്റേയും തേരിലേറി കലയുടെ നൂപുരധ്വനി മുഴക്കി ഒരു പതിറ്റാണ്ടിന്റെ അജയ്യ കാഹളത്തോടെ മുന്നേറുന്ന കലാകേരളം ഗ്ലാസ്ഗോ ഒരു പിടി മിന്നും പ്രതിഭകളെ അണിനിരത്തിയാണ് ഈവർഷത്തെ പ്രവർത്തനങ്ങൾക്ക് നേതൃത്വം നൽകുന്നത്. സംഘടനയുടെ ചരിത്രത്തിൽ ഇതാദ്യമായി പ്രസിഡന്റും വൈസ് പ്രസിഡന്റും വനിതകൾ. സംഘടനയെ പുതിയ തലങ്ങളിലേക്കെത്തിക്കാൻ ആത്മാർത്ഥത നിറഞ്ഞ ഉറച്ച കാൽവയ്പുകളോടെ മിനി സേവ്യർ പ്രസിഡന്റ് സ്ഥാനത്തേക്ക് തിരഞ്ഞെടുക്കപ്പെട്ടപ്പോൾ, അളവറ്റ പിന്തുണയും, അകമഴിഞ്ഞ മനസ്സുമായി ഡെയ്സി സിബി വൈസ് പ്രസിഡന്റായി തിരഞ്ഞെടുക്കപ്പെട്ടു.

കലാകേരളത്ത്തിന്റ തുടക്കം മുതൽ പല കമ്മറ്റികളിലായി തന്റെ പ്രവർത്തന മികവിന്റെ നിപുണത തെളിയിച്ച ജയ്ബി പോൾ സെക്രട്ടറിയായപ്പോൾ, പുതു തലമുറയുടെ ആവേശമായി ജോ: സെക്രട്ടറിയായി അലൻ ബാബുവും ചേരുന്നു. പരിചയസമ്പന്നതയുടെ മികവോടെ തോമസ് വറുഗീസ് ട്രഷറർ സ്ഥാനത്തേക്ക് തിരഞ്ഞെടുക്കപ്പെട്ടു. കാര്യക്ഷമതയും, പ്രവർത്തിപരിചയവും, ഊർജ്വസ്വല തയും കൈമുതലാക്കിയ കമ്മറ്റി അംഗങ്ങളായി റെജി ജോസഫ്, നിക്കി ബോയ് ജൂലിയാനസ് , ജോജി സെബാസ്റ്റ്യൻ, ടെസ്സി കാട്ടടി , സിസ് മോൾ ഷൈൻ, സ്റ്റെല്ലാ മാത്യു എന്നിവർ അണിചേരുമ്പോൾ കാലഘട്ടത്തിന്റെ മാറ്റങ്ങൾക്കൊപ്പം കലാകേരളത്തിന്‌ പുതു ചൈതന്യം നിറക്കാൻ യുവത്വത്തിന്റെ പ്രസരിപ്പോടെ നയന ജയിൻ, നേഹ ടോമി, ഡെൽന തോമസ് , ഡിയ തോമസ് , ജെസ്വിൻ കാട്ടടി , സാം സോജോ എന്നിവരും കൈകോർക്കുമ്പോൾ ഗ്ലാസ്‌ഗോ മലയാളികളുടെ കലാ, സാമൂഹ്യ, സാംസ്കാരിക മേഖലകളിൽ അനുദിനം മുഴങ്ങുന്ന ഒരേയൊരു ശബ്ദമായ കലാകേരളം പുതിയ മാനങ്ങൾ കൈവരിക്കും.

ഈ കഴിഞ്ഞ മാർച്ച് 19ന് ഈസ്റ്റ് കിൽബ്രൈഡ് ഔവർ ലേഡി ഓഫ് ലൂർദ് ഹാൾൽ വച്ച് നടത്തപ്പെട്ട മാതൃ ദിനം പെൺകരുത്തിന്റെ സംഘാടനാ മികവിന്റെ ഉത്തമോദാഹരണമായി. മെയ് ഒന്നിന് കാംബുസ്ലാംഗിൽ വച്ച് നടത്തുന്ന വാർഷികാഘോഷത്തോടുകൂടി ഈ വർഷത്തെ പ്രവർത്തനങ്ങൾക്ക് ആരംഭം കുറിക്കുകയായി . അന്നേ ദിവസം കലാകേരളത്തിന്റെ കഴിവുറ്റ കലാകാരികളും ,കലാകാരന്മാരും അണിനിരക്കുമ്പോൾ കണ്ണിനും, കരളിനും കുളിരേകുന്ന കലാ സന്ധ്യക്കായിരിക്കും തിരി തെളിയുക. ഒരു ചെറിയ കൂട്ടായ്മ തീർത്ത വലിയ വിജയങ്ങളുടെ ഉൾക്കരുത്ത് എല്ലാ അംഗങ്ങളുടേയും നിസ്വാർത്ഥമായ സ്നേഹത്തിന്റേയും സഹകരണത്തിന്റേയും പ്രതിഫലനമാണെന്ന ഉറച്ച വിശ്വാസത്തോടെ കലാകേരളം മുന്നോട്ട് …

യൂറോപ്പിൽ ഗുരുവിന്റെ ദർശനങ്ങൾ പ്രചരിപ്പിക്കുവാൻ ഭാഗ്യം ലഭിച്ച ഒരു പറ്റം ഗുരുദേവ വിശ്വാസികൾ ആണ് ഇന്ന് സേവനം യു കെ യുടെ ഭാഗമായിക്കൊണ്ടിരിക്കുന്നത്. യു കെയുടെ വടക്ക് പടിഞ്ഞാറ് പ്രദേശത്തുള്ള അംഗങ്ങളെ ഉൾപ്പെടുത്തി നോർത്ത് വെസ്റ്റ് യൂണിറ്റിനു തുടക്കം കുറിക്കുകയാണ്.

ഏപ്രിൽ 29ന് മാഞ്ചസ്റ്ററിൽ നടക്കുന്ന സമ്മേളനത്തിൽ സേവനം യു കെ യുടെ പുതിയ യൂണിറ്റിനു തുടക്കമാകും. മാഞ്ചസ്റ്റർ, ബ്ലാക്ക്പൂൾ, ലിവർപൂൾ, പ്രെസ്റ്റൺ, ഷെഫീൽഡ്, ബ്ലാക്ക്ബേൺ, ലീഡ്സ് തുടങ്ങിയ പ്രദേശങ്ങളിൽ വസിക്കുന്ന സേവനത്തിന്റെ കുടുംബങ്ങൾ ഒരുമിക്കുവാൻ ഒരു അവസരം ആണ് ഈ യൂണിറ്റിലൂടെ ലക്ഷ്യമിടുന്നത്. ഈ പുതിയ യൂണിറ്റുമായി ബന്ധപ്പെട്ട് പ്രവർത്തിക്കുവാൻ താല്പര്യമുള്ളവർ ഈ യൂണിറ്റ് രൂപീകരണത്തിന് നേതൃത്വം നൽകുന്നവരുമായി ബന്ധപ്പെടുക.

കൂടുതൽ വിവരങ്ങൾ ദയവായി ബന്ധപ്പെടുക:-

ശ്രീ ഗണേഷ് ശിവൻ -07405513236
ശ്രീ അഭിലാഷ് കുട്ടപ്പൻ -07587676556
ശ്രീ ജീമോൻ ഗോവിന്ദൻ – 07817237111
ശ്രീ ബിനു സോമരാജ് പ്രിസ്റ്റ്ൻ – 07828303288
ശ്രീ ബ്രജീഷ് ഗോപി ബ്ലാക്ക്പൂൾ – 07832803203
ശ്രീ വിപിൻ കുമാർ ഷെഫീൽഡ് – 07799 249743
ശ്രീ അനീഷ്‌ ഗോപി മാഞ്ചസ്റ്റർ – 07407101589