യു.കെ യിലെ വളരെ സുപരിചിതമായ മലയാളി കൂട്ടായ്മ ആയ സഹൃദയ ദി വെസ്റ്റ് കെന്റ് കേരളൈറ്റ്സിൻ്റെ 2022- 2023 വർഷത്തേക്കുള്ള ഭരണസമതിയെ തിരഞ്ഞെടുത്തു.

മാർച്ച് അഞ്ച്, ശനിയാഴ്ച്ച ടൺ ബ്രിഡ്ജ് വെൽസിലെ, സൗത്ത് ബോറോയിലുള്ള സിവിക്ക് ഹാളിൽ നടന്ന വാർഷിക പൊതുയോഗത്തിലാണ് സഹൃദയയുടെ പുതുനേതൃത്വം ചുമതലയേറ്റെടുത്തത്.

നിലവിലെ പ്രസിഡന്റ് ശ്രീ. ടോമി വർക്കിയുടെ അധ്യക്ഷതയില്‍ കൂടിയ യോഗത്തിൽ ജനറല്‍ സെക്രട്ടറി ശ്രീ. ബേസിൽ ജോൺ സമഗ്രമായ പ്രവർത്തന റിപ്പോര്‍ട്ടും, ട്രഷറർ ശ്രീ. മോസു ബാബു 2021-2022 ലെ വരവു ചിലവു കണക്കുകളും അവതരിപ്പിച്ചു. തുടര്‍ന്ന് റിപ്പോർട്ടും, കണക്കും, ദേദഗതികളും മുന്നോട്ടുള്ള പ്രവര്‍ത്തനങ്ങളുടെ മാർഗനിർദേശങ്ങളും അംഗങ്ങൾ ചർച്ച ചെയ്തു പാസാക്കി. തുടർന്നു 2022-2023 വർഷത്തേക്ക് ആറു പേരടങ്ങുന്ന ഓഫീസ് ബേയ്റേഴ്സും, രണ്ടു എക്സ് ഒഫിഷ്യൽസും, പതിനൊന്ന് എക്സിക്യൂട്ടിവ് അംഗങ്ങളും ഉൾകൊള്ളുന്ന പത്തൊമ്പതംഗ ഗവേർണിംഗ് ബോഡിയെ ജനറൽ ബോഡി തിരഞ്ഞെടുത്തു.

പുതിയതായി തിരഞ്ഞെടുക്കപ്പെട്ട എക്സിക്യൂട്ടിവ് കമ്മിറ്റി ഇപ്രകാരം.

പ്രസിഡന്റ്- ശ്രീ. അജിത്ത് വെൺമണി,

വൈസ് പ്രസിഡന്റ്- ശ്രീമതി. ലിജി സേവ്യർ

സെക്രട്ടറി- ശ്രീ. ബിബിൻ എബ്രഹാം

ജോയിന്റ് സെക്രട്ടറി – ശ്രീ. ബ്ലെസ്സൻ സാബു

ട്രഷറർ- ശ്രീ. മനോജ് കൂത്തൂർ

പ്രോഗ്രാം കോ ഓർഡിനേറ്റർ – ശ്രീ. വിജു വർഗീസ്

എക്സ് ഒഫീഷോ – ശ്രീ. ടോമി വർക്കി, ശ്രീ. ബേസിൽ ജോൺ.

കമ്മറ്റിയംഗങ്ങൾ.

ജോഷി സിറിയക്ക്, ബിജു ചെറിയാൻ, മജോ തോമസ്, സിജു ചാക്കോച്ചൻ, സതീഷ് കുമാർ, സ്നേഹ സുജിത്ത്, ബിജി മെറിൻ ജോൺ, അബി കൃഷ്ണ, നിയാസ് പുഴയ്ക്കൽ, നായണൻ. പി, സുരേഷ് ജോൺ.

ഓഡിറ്റേഴ്സ് – ഫെബി ജേക്കബ്, സതീഷ് കമ്പാരത്ത്, ആൽബർട്ട് ജോർജ്.

തുടർന്നു നടന്ന ഭരണ കൈമാറ്റ വേളയിൽ കഴിഞ്ഞ ഒരു വർഷം തനിക്ക് തന്ന എല്ലാ സഹകരണത്തിനും സ്ഥാനം ഒഴിഞ്ഞ പ്രസിഡന്റ് ശ്രീ. ടോമി വർക്കി നന്ദി പ്രകാശിപ്പിച്ചപ്പോൾ, മുന്നോട്ടുള്ള കൂട്ടായ പ്രവർത്തനങ്ങളിൽ പുതിയതായി ചുമതലയേറ്റെടുത്ത പ്രസിഡൻ്റ് ശ്രീ അജിത്ത് വെൺമണി ഏവരുടെയും നിസ്തുലമായ സഹായ സഹകരണങ്ങൾ അഭ്യർത്ഥിച്ചു.

ലെസ്ററിലെ മലയാളികളുടെ സംഘടനയായ ലെസ്റ്റർ കേരള കമ്മ്യുണിറ്റിയെ പുതുമുഖങ്ങൾ നയിക്കും. ഈ കഴിഞ്ഞ 5 ന് ശനിയാഴ്ച ലെസ്റ്ററിലെ ജഡ്ജ്മെഡോ കമ്മ്യുണിറ്റി കോളേജിലെ മഹനീയ അങ്കണത്തിൽ വെച്ച് നടന്ന പൊതുയോഗത്തിൽ വെച്ചായിരുന്നു പുതിയ കമ്മറ്റിയെ തിരഞ്ഞെടുത്തത് . ഇക്കഴിഞ്ഞ കാലയളവിലെ ലെസ്റ്ററിലെ മലയാളികളുടെ മാത്രമല്ല യുകെയിലെ മിഡ്‌ലാൻസിൽ താമസിക്കുന്ന മുഴുവൻ മലയാളികളുടെയും സാമൂഹിക സാംസ്‌കാരിക രംഗത്തെ മറക്കാൻ കഴിയാത്ത ചലനങ്ങൾ സൃഷ്ടിച്ചു മുന്നേറുന്ന ലെസ്റ്റർ കേരള കംമ്യുണിറ്റി നിരവധി ചാരിറ്റി പ്രവർത്തനങ്ങളിലും ഭാഗഭാക്കായാണ് മുൻപോട്ടു പോകുന്നത് .

മുൻ പ്രസിഡന്റ് ലൂയിസ് കെന്നഡിയുടെ അധ്യക്ഷതയിൽ കൂടിയ യോഗത്തിൽ . സെക്രട്ടറി സുബിൻ സുഗുണൻ വാർഷിക റിപ്പോർട്ടു പൊതുയോഗ സമക്ഷം അവതരിപ്പിച്ചു . മുൻ ട്രെഷറർ ജെയിൽ ജോസഫ് കണക്കവതരിപ്പിക്കുകയും പാസാക്കുകയും ചെയ്തു .

പിന്നീട് 2022 /2023 ലെ കമ്മറ്റിയെ തിരഞ്ഞെടുക്കുകയും ചെയ്തു .27 അംഗ കമ്മറ്റിയിൽ നിന്നും പ്രസിഡന്റായി ജോസ് തോമസിനെയും സെക്രട്ടറിയായി അജീഷ് കൃഷ്ണനെയും ട്രെഷറർ ആയി ബിനു ശ്രീധരനെയും ഐക്യകണ്ഠേന തെരെഞ്ഞെടുത്തു. കൂടാതെ കമ്മറ്റിയുടെ എക്സിക്യൂട്ടീവിലേക്കു വൈസ് പ്രെസിഡന്റായി രമ്യ ലിനേഷിനെയും ജോയിന്റ് സെക്രട്ടറിയായി ജിതിൻ വിജയനെയും തെരഞ്ഞെടുത്തു.

കമ്മറ്റി അംഗങ്ങളായി അജയ് പെരുമ്പലത്ത് , സോണി ജോർജ് , ബെന്നി പോൾ , രമേശ് ബാബു , ജോസഫ് ജോൺ (ടിറ്റി ), ബിജു പോൾ , ലൂയിസ് കെന്നഡി , സുബിൻ സുഗുണൻ , അനീഷ് ജോൺ , അഷിത വിനീത , രെഞ്ചു നായർ , ടോംസൺ തോമസ് , ലിജോ ജോൺ , ജോസ് പി ജെ ,ബിജു മാത്യു , ഷിബു പുന്നൻ , ജെയിൻ ജോസഫ് ,അനു അംബി , അക്ഷയ് കുമാർ പി ജി , പൗലോസുകുട്ടി സി മത്തായി , മനു പി ഷൈൻസ്,സനിഷ് വി എസ് എന്നിവരെ തെരഞ്ഞെടുത്തു.

പൊതുയോഗത്തിൽ യുക്മ കലാമേളയിൽ സീനിയർ വിഭാഗം മോഹിനിയാട്ടത്തിൽ ഒന്നാം സമ്മാനം വാങ്ങിയ അഷിത വിനീതിനെ അഭിനന്ദിക്കുകയും ട്രോഫി കൈ മാറുകയും ചെയ്തു .സോച്ചാറോ ഡാൻസിംഗ് ടീമിന്റെ അത്യുഗ്രൻ ഡാൻസോടെയാണ് പരിപാടികൾ അവസാനിച്ചത് . ലെസ്റ്ററിലെ കലാകാരന്മാരുടെ കലാപരിപാടികളും പരിപാടിക്ക് മാറ്റു കൂട്ടി . ഭാവി പരിപാടികളെ പറ്റിയുള്ള ചർച്ചകളിൽ കമ്മ്യുണിറ്റിക്കു സ്വന്തമായി ഒരു ആസ്ഥാനം നേടിയെക്കുന്നതിനു വേണ്ടിയുള്ള വീക്ഷണങ്ങൾ പൊതുയോഗത്തിൽ പങ്കുവെക്കുകയുണ്ടായി .

പുതിയതായി ലെസ്റ്ററിൽ എത്തിയ മുഴുവൻ മലയാളികളെയും ലെസ്റ്റർ കേരളാ കമ്മ്യൂണിറ്റിയുമായി ബന്ധിപ്പിച്ചു കൊണ്ട് പ്രവർത്തന മണ്ഡലം വ്യാപിപ്പിക്കുവാൻ തീരുമാനിക്കുകയും
ചെയ്തു .

കോവിഡിന്റെ പശ്ചാത്തലത്തിലും ഓൺലൈനിലും അല്ലാതെയും ബാർബിക്യു് സ്പോർട്സ് ഡേ , ഓണാഘോഷവും ഉൾപ്പെടെ നിരവധി പരിപാടികൾ സംഘടിപ്പിച്ചു കൊണ്ടാണ് ലെസ്റ്റർ കേരള കമ്മ്യുണിറ്റി മുൻപോട്ടു പോയത് . പരിചയ സമ്പന്നരും പുതുമുഖങ്ങളും ഒരുമിക്കുമ്പോൾ പരിപാടികൾ ഗംഭീരമാകും എന്നുറപ്പിക്കാം . ലെസ്റ്ററിലെ മുഴവൻ മലയാളികളെയും ഒരുമിപ്പിച്ചു കൊണ്ട് കൂടുതൽ വർണ്ണശബളമായ പരിപാടികൾ സംഘടിപ്പിച്ചു മുൻപോട്ടു കൊണ്ട് പോകുവാൻ കഴിയും എന്ന ആത്മവിശ്വാസത്തിലാണ് പുതിയ കമ്മറ്റി .

സ്ത്രീകളുടെ ഉന്നമനത്തിനായി സമീക്ഷ യുകെയുടെ ഭാഗമായി പ്രവർത്തിക്കുന്ന സ്ത്രീ സമീക്ഷ ഈ വർഷത്തെ പ്രവർത്തനപരിപാടികൾക്ക് തുടക്കം കുറിച്ചു. ഇന്നലെ നടന്ന പ്രവർത്തക സമിതി സമ്മേളനത്തിൽ മാർച്ച്‌ 20, ഞായറാഴ്ച ഓൺ ലൈനായി വിവിധ പരിപാടികളോടെ വനിതാ ദിനം ആഘോഷിക്കാൻ തീരുമാനം ആയി. ഉച്ചക്ക് രണ്ടു മണിമുതൽ തുടങ്ങുന്ന പരിപാടിയിൽ കലാ സാംസ്‌കാരിക രാഷ്ട്രീയ മേഖലയിലെ പ്രമുഖരായ സ്ത്രീകൾ പങ്കെടുക്കും എന്ന് സ്ത്രീ സമീക്ഷ പ്രവർത്തകർ അറിയിച്ചു.

ഈ വർഷത്തെ ഇന്റർനാഷണൽ തീം ആയ “Break The Bias and looks at how we can live in a gender equal world” എന്ന വിഷയവുമായി ബന്ധപ്പെട്ട പരിപാടികൾ ആണ് നടക്കുക. 100 പേർക്ക് പങ്കെടുക്കാൻ കഴിയുന്ന zoom ലിങ്കിലൂടെ ആണ് ഒന്നര മണിക്കൂർ നീണ്ടു നിൽക്കുന്ന പരിപാടികൾ പ്ലാൻ ചെയ്യുന്നത് എന്ന് പ്രോഗ്രാം കോ – ഓർഡിനേറ്റർമാരായ സ. സ്വപ്ന പ്രവീൺ, സ. സീമ സൈമൺ, സ. ജൂലി ജോഷി എന്നിവർ അറിയിച്ചു. സമീക്ഷ നാഷണൽ ട്രഷറർ സ. രാജി ഷാജി, ജോയിന്റ് സെക്രട്ടറി സ. ചിഞ്ചു സണ്ണി, യൂത്ത് കോർഡിനേറ്റർ സ. കീർത്തന ഗോപൻ, സ. മായ ഭാസ്കർ, സ. ക്രിസ്റ്റീന വർഗീസ്, സ. ഐശ്വര്യ നിഖിൽ എന്നിവർ മീറ്റിംങ്ങിൽ പങ്കെടുത്തു.

സമീക്ഷ യുകെയുടെ എല്ലാ ക്യാമ്പയിനുകളും വിജയിപ്പിക്കാൻ സ്ത്രീ സമീക്ഷ നടത്തിയ പ്രവർത്തനങ്ങൾ വില മതിക്കുന്നതാണ്. സമീക്ഷയുടെ ചരിത്രത്തിലെ നാഴിക കല്ലായ വനിതാ മതിൽ സംഘടിപ്പിച്ചതിൽ സ്ത്രീസമീക്ഷ വഹിച്ച പങ്കു സ്തുത്യാർഹമാണ്. കഴിഞ്ഞ വർഷങ്ങളിലെ പോലെ പരിപാടികൾ വിജയിപ്പിക്കാൻ യുകെയിലെ ജനങ്ങളുടെ സഹായസഹകരണങ്ങൾ പ്രതീക്ഷിക്കുന്നു എന്ന് സംഘാടകകർക്കൊപ്പം സമീക്ഷ നാഷണൽ കമ്മിറ്റി അഭ്യർത്ഥിച്ചു.

ബ്ലാക്ക്ബെൺ മലയാളി കമ്മിറ്റിയുടെ ഭാഗമായി പ്രവർത്തിക്കുന്ന UMA എന്ന മലയാളി അസോസിയേഷന്റെ ആനുവൽ ജനറൽ ബോഡി മീറ്റിംഗ് പ്രസിഡന്റ്‌ അനിൽകുമാർ സദാനന്ദൻ സെക്രട്ടറി ജിജി സന്തോഷ്‌ ട്രെഷറർ സഞ്ചു ജോസഫ് വൈസ് പ്രസിഡന്റ്‌ ഷിജോ ചാക്കോ ജോയിന്റ് സെക്രട്ടറി രാകേഷ് പിള്ളൈ ജോയിന്റ് ട്രെഷറർ പ്രവീൺ കുമാർ എന്നിവരുടെ നേതൃത്വത്തിൽ സംഘടനയിലുള്ള എല്ലാ അഗങ്ങളും ഒത്തു കൂടി കഴിഞ്ഞ ദിവസം നടത്തുകയുണ്ടായി. അതിനു ശേഷം ഈ വർഷത്തെ സംഘടനയുടെ പ്രവർത്തനങ്ങൾ നടത്തുന്നതിന് പുതിയ ഭാരവാഹികളെ തിരഞ്ഞെടുക്കുകയുണ്ടായി.

പ്രസിഡന്റ്‌ ആയി സുനിൽ തോമസ് സെക്രട്ടറി ആയി സിനി ബിജു ട്രഷറർ ആയി ജിബു ജോൺ വൈസ് പ്രസിഡന്റ്‌ ജിബു മോഹൻ ജോയിന്റ് സെക്രട്ടറി രെമ്യ ഗോൾഡി ജോയിന്റ് ട്രഷറർ ആയി ബിൻസി രാജേഷ് എന്നിവരെയും എക്സിക്യൂട്ടീവ് അഗങ്ങളായി അനിൽ കുമാർ, ജിജി സന്തോഷ്‌, സഞ്ചു ജോസഫ്, ജോസ് മെലോഡ്, റെൻസി സെബാസ്റ്റ്യൻ. മിനു ജിജോ, ജോയ് ജോസഫ് എന്നിവരെയും അക്കൗണ്ട് ഓഡിറ്റർ ആയി റെജി ചാക്കോ, സഞ്ചു ജോസഫ് എന്നിവരെയും സംഘടനയുടെ വെബ്സൈറ്റ് കൈകാര്യം ചെയ്യുന്നതിനായി ബിജോയ്‌ കോര, ലിജോ ജോർജ് എന്നിവരെയും തിരഞ്ഞെടുക്കുകയുണ്ടായി.

രാജി രാജൻ

കേരള ഗവൺമെൻറിന്റെ സാംസ്കാരിക വകുപ്പിന്റെ കീഴിൽ പ്രവർത്തിക്കുന്ന മലയാളം മിഷൻ ചാപ്റ്ററുകളിൽ മാതൃഭാഷാ പ്രചാരണത്തിനായി നടത്തിയിട്ടുള്ള വിവിധ പരിപാടികളിൽ മികച്ച പ്രവർത്തനം കാഴ്ച വച്ചിട്ടുള്ള ചാപ്റ്ററിന് നൽകുന്ന പ്രഥമ കണിക്കൊന്ന പുരസ്കാരം മുഖ്യമന്ത്രി പിണറായി വിജയൻ മലയാളം മിഷൻ യുകെ ചാപ്റ്ററിന് സമ്മാനിച്ചു. ഒരു ലക്ഷം രൂപയും പ്രശസ്തിപത്രവുമടങ്ങുന്നതായിരുന്നു പുരസ്കാരം.

മലയാളഭാഷയെ കാലത്തിനൊത്ത് നവീകരിക്കാനുള്ള ശ്രമങ്ങൾ സർക്കാർ നടത്തുമെന്ന് മുഖ്യമന്ത്രി പിണറായി വിജയൻ പ്രസ്‌താവിച്ചു. അത്തരത്തിലുള്ള ശ്രമങ്ങൾക്ക് മലയാളം മിഷൻ കരുത്ത് പകരണമെന്നും മുഖ്യമന്ത്രി പറഞ്ഞു. പുരസ്കാരങ്ങൾക്ക് അർഹരായ എല്ലാവരെയും അഭിനന്ദിച്ച മുഖ്യമന്ത്രി ഈ പുരസ്കാരം മാതൃഭാഷാ പ്രചാരണത്തിന് കൂടുതൽ ഊർജ്ജം പകരുവാൻ ഇടയാകട്ടെയെന്നും ആശംസിച്ചു.

ലോക മാതൃഭാഷാ ദിനത്തോടനുബന്ധിച്ച് തിരുവനന്തപുരത്ത് അയ്യങ്കാളി ഹാളിൽ മലയാളം മിഷൻ സംഘടിപ്പിച്ച മലയാൺമ 2022 ഉദ്ഘാടനം ചെയ്തു സംസാരിക്കുകയായിരുന്നു മുഖ്യമന്ത്രി.

പുരസ്കാര തുകയായ ഒരു ലക്ഷം രൂപ പിറന്ന നാട്ടിൽ ദുരിതമനുഭവിക്കുന്നവർക്ക് ഉപകരിക്കുന്നതിനുവേണ്ടി മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന ചെയ്യുവാൻ തയ്യാറാണെയെന്ന് മലയാളം മിഷൻ യു കെ ചാപ്റ്റർ പ്രസിഡന്റ് സി എ ജോസഫും സെക്രട്ടറി എബ്രഹാം കുര്യനും മലയാളം മിഷൻ ഓഫീസിൽ അറിയിച്ചിരുന്നു. ഈ വിവരം മലയാളം മിഷൻ ഡയറക്ടറും പ്രശസ്ത കവിയുമായ മുരുകൻ കാട്ടാക്കട പുരസ്കാര വേദിയിൽ അറിയിച്ചത് എല്ലാ യുകെ മലയാളികൾക്കും അഭിമാനമായി.

ചടങ്ങിൽ സാംസ്കാരിക വകുപ്പ് മന്ത്രി സജി ചെറിയാൻ അധ്യക്ഷത വഹിച്ചു. ഇന്നത്തെ സുദിനം ലോകമെമ്പാടുമുള്ള പ്രവാസി മലയാളികൾക്ക് വളരെയധികം സന്തോഷം പകരുന്നതാണെന്നും ലോകത്ത് എവിടെയെല്ലാം മലയാളികളുണ്ടോ അവിടെയെല്ലാം മലയാളം ഉണ്ടാവണമെന്നാണ് ഇടതുപക്ഷ ഗവൺമെൻറ് ലക്ഷ്യമിടുന്നതെന്നും തന്റെ അധ്യക്ഷ പ്രസംഗത്തിൽ മന്ത്രി സജി ചെറിയാൻ സൂചിപ്പിച്ചു.

കണിക്കൊന്ന പുരസ്കാരത്തിന് പുറമേ മലയാളഭാഷയെ സാങ്കേതികവിദ്യാ സൗഹൃദമാക്കുന്നതിനുള്ള നൂതന ആശയം ആവിഷ്കരിച്ച് അവതരിപ്പിക്കുന്ന വ്യക്തികൾക്കോ സ്ഥാപനങ്ങൾക്കോ നൽകുന്ന പുരസ്കാരമായ ഭാഷാ പ്രതിഭാ പുരസ്കാരത്തിന് അർഹനായ അദ്ധ്യാപകൻ പ്രവീൺ വർമ്മ എംകെ ക്ക് ഗതാഗത വകുപ്പ് മന്ത്രി അഡ്വ ആൻറണി രാജു പുരസ്കാരം നൽകി. ഒരു ലക്ഷം രൂപയും പ്രശസ്തിപത്രവുമടങ്ങുന്നതാണ് ഭാഷാ പ്രതിഭാപുരസ്കാരം.

ഭാഷയുടെ പ്രചാരണത്തിനും വളര്‍ച്ചയ്ക്കും മികച്ച സംഭാവന നല്‍കിയ പ്രവാസ സംഘടനയ്ക്കു നല്‍കുന്ന പ്രഥമ സുഗതാഞ്ജലി പ്രവാസി പുരസ്‌ക്കാരത്തിന് ബറോഡ കേരള സമാജം അര്‍ഹമായി. ഒരു ലക്ഷം രൂപയും പ്രശസ്തിപത്രവും അടങ്ങുന്ന ഈ പുരസ്കാരം ബറോഡ കേരള സമാജം ഭാരവാഹികൾക്ക് നൽകിയത് ധനമന്ത്രി കെ എം ബാലഗോപാലാണ്. വിദ്യാഭ്യാസമന്ത്രി വി ശിവൻകുട്ടിയും കൃഷി വകുപ്പ് മന്ത്രി ജി ആർ അനിലും ചടങ്ങിൽ സന്നിഹിതരായിരുന്നു.

സാംസ്കാരിക കാര്യ പ്രിൻസിപ്പൽ സെക്രട്ടറി റാണി ജോർജ് ഐ എ എസ് , ഐ എം ജി ഡയറക്ടറും പുരസ്ക്കാര നിർണയ കമ്മിറ്റി ചെയർമാനുമായ കെ ജയകുമാർ ഐഎഎസ് എന്നിവർ ആശംസകളർപ്പിച്ചു. മലയാളം മിഷൻ ഡയറക്ടർ മുരുകൻ കാട്ടാക്കട സ്വാഗതവും രജിസ്ട്രാർ ഇൻചാർജ് സ്വാലിഹ എം വി നന്ദിയും പറഞ്ഞു. ചടങ്ങിൽ രാഷ്ട്രീയ-സാമൂഹിക-സാംസ്കാരിക മേഖലകളിൽ നിന്നുള്ള നിരവധി നേതാക്കളും സന്നിഹിതരായിരുന്നു.

മലയാളം സർവ്വകലാശാല മുൻ വൈസ് ചാൻസലറും മുൻ കേരള ചീഫ് സെക്രട്ടറിയുമായ കെ ജയകുമാർ ഐ എ എസ്, പ്രമുഖ സാഹിത്യകാരൻ ഡോ ജോർജ് ഓണക്കൂർ, കഥാകൃത്തും നോവലിസ്റ്റും മുൻ പൊതുവിദ്യാഭ്യാസ ഡയറക്ടറുമായ കെ വി മോഹൻകുമാർ ഐ എ എസ് എന്നിവരടങ്ങിയ സമിതിയാണ് പുരസ്കാരങ്ങൾ നിർണ്ണയിച്ചത്.

മലയാളം മിഷൻ യുകെ ചാപ്റ്ററിന് ലഭിച്ച കണിക്കൊന്ന പുരസ്കാരം യുകെ ചാപ്റ്ററിന്റെ കീഴിലുള്ള പഠന കേന്ദ്രങ്ങളിൽ നിസ്വാർത്ഥമായ സേവനം ചെയ്യുന്ന അധ്യാപകർക്കും, ചാപ്റ്റർ ഭാരവാഹികൾക്കും, പഠിതാക്കൾക്കും അവരുടെ മാതാപിതാക്കളുമുൾപ്പെടെയുള്ള യുകെയിലെ മുഴുവൻ ഭാഷാസ്നേഹികൾക്കുമായി സമർപ്പിക്കുന്നുവെന്ന് മലയാളം മിഷൻ യുകെ ചാപ്റ്റർ പ്രസിഡെന്റ് സി. എ.ജോസഫ് അറിയിച്ചു.

മലയാളം മിഷന്റെ ചാപ്റ്ററുകളിലെ മികച്ച മാതൃഭാഷാ പ്രചാരണ പരിപാടികൾക്കുള്ള പ്രവർത്തനത്തിനങ്ങൾക്ക് നൽകുന്ന പ്രഥമ കണിക്കൊന്ന പുരസ്കാരത്തിന് അർഹമായ മലയാളം മിഷൻ യുകെ ചാപ്റ്ററിന്റെ മുഴുവൻ ഭാരവാഹികളെയും തന്റെ ഫേസ് ബുക്ക് പേജിലൂടെ കേരള കോൺഗ്രസ് (എം) ചെയർമാൻ ജോസ്‌ കെ മാണി എം പി അഭിനന്ദിച്ചു. പുരസ്‌കാര തുകയായ ഒരു ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവനയായി നൽകുവാനായുള്ള മലയാളം മിഷൻ യുകെ ചാപ്റ്റർ പ്രസിഡന്റ് സി എ ജോസഫിന്റെയും സെക്രട്ടറി ഏബ്രഹാം കുര്യന്റെയും തീരുമാനം അങ്ങേയറ്റം പ്രശംസനീയമാണെന്നും അഭിപ്രായപ്പെട്ട ജോസ് കെ മാണി എം പി മലയാള ഭാഷയ്ക്കായി വിദേശരാജ്യങ്ങളിലും ഇതര സംസ്ഥാനങ്ങളിലും സമർപ്പിത സേവനം നടത്തുന്ന എല്ലാ പ്രിയപ്പെട്ടവർക്കും ആശംസകളും നേർന്നു.

കേരള ജലസേചന വകുപ്പ് മന്ത്രി റോഷി അഗസ്റ്റിനും പുരസ്കാരങ്ങൾ ലഭിച്ച എല്ലാവർക്കും ഹൃദയാശംസകൾ നേർന്നു. കണിക്കൊന്ന പുരസ്കാര തുകയായ ഒരു ലക്ഷം രൂപ മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന നൽകുവാനുള്ള മാതൃകാപരമായ തീരുമാനമെടുത്ത മലയാളം മിഷൻ യുകെ ചാപ്റ്റർ പ്രസിഡന്റ് സി എ ജോസഫിന്റെയും സെക്രട്ടറി ഏബ്രഹാം കുര്യന്റെയും നേതൃത്വത്തിലുള്ള ചാപ്റ്റർ ഭാരവാഹികളെ തന്റെ ഫേസ്ബുക്ക് പേജിലൂടെ മന്ത്രി റോഷി അഗസ്റ്റിൻ ഹാർദ്ദമായി അഭിനന്ദിക്കുകയും ചെയ്തു.

യുകെയിലെ സാമൂഹ്യ സാംസ്കാരിക രംഗങ്ങളിലുള്ള നിരവധി ആളുകളാണ് കേരള ഗവൺമെന്റിന്റെ പ്രഥമ കണിക്കൊന്ന പുരസ്കാരം ലഭിച്ച മലയാളം മിഷൻ യു കെ ചാപ്റ്ററിനെയും സമ്മാനത്തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകുവാനായി ചാപ്റ്റർ ഭാരവാഹികൾ എടുത്ത തീരുമാനത്തെയും അഭിനന്ദിക്കുന്നത്.

മലയാൺമ 2022 ന്റെ ഭാഗമായി മലയാളം മിഷൻ പ്രവാസി മലയാളികൾക്കായി മൂന്ന് ദിവസങ്ങളിലായി തിരുവനന്തപുരം മരിയ റാണി സെന്ററിൽ ഭാഷാപരമായ ശില്പശാലയും നടത്തിയിരുന്നു. മലയാളം മിഷന്റെ വിവിധ ചാപ്റ്ററുകളിൽ നിന്നുമെത്തിയിട്ടുള്ള ഭാരവാഹികളും അധ്യാപകരുമാണ് ഭാഷാസംബന്ധിയായ നേതൃത്വ പരിശീലന കളരിയിൽ പങ്കെടുത്തത് . ക്യാമ്പിലെ വിവിധ സെഷനുകളിലായി കവി പ്രൊഫ. വി മധുസൂദനന്‍ നായര്‍, കഥാകൃത്ത് അശോകന്‍ ചരുവില്‍, ഭാഷാവിദഗ്ധന്‍ എം സേതുമാധവന്‍, കവി വിനോദ് വൈശാഖി, കവി വി എസ് ബിന്ദു, ഭാഷാധ്യാപകന്‍ ഡോ. ബി ബാലചന്ദ്രന്‍, നാടന്‍പാട്ട് ഗായകന്‍ ജയചന്ദ്രന്‍ കടമ്പനാട്, കവി ഗിരീഷ് പുലിയൂര്‍ തുടങ്ങിയവര്‍ ക്‌ളാസുകള്‍ നയിച്ചു.

സമാപന ദിവസം തിരുവിതാംകൂർ ചരിത്ര സ്മാരകങ്ങളും സാംസ്കാരിക ശേഷിപ്പുകളും ക്യാമ്പ് അംഗങ്ങളെ പരിചയപ്പെടുത്തുന്നതിനുള്ള വിജ്ഞാന യാത്രയും നടത്തി മലയാളം മിഷൻ സംഘടിപ്പിച്ച മലയാൺമ -2022 ന്റെ ആഘോഷങ്ങൾക്ക് സമാപനം കുറിച്ചു.

രാജി രാജൻ

ലണ്ടൻ: കേരള ഗവൺമെന്റിന്റെ സാംസ്കാരിക വകുപ്പിനു കീഴിൽ പ്രവർത്തിക്കുന്ന മലയാളം മിഷന്റെചാപ്റ്ററുകളിൽ മാതൃഭാഷാ പ്രചാരണത്തിനായി സംഘടിപ്പിക്കുന്ന വിവിധ പരിപാടികളിൽ ഏറ്റവുംസ്തുത്യർഹമായ പ്രവർത്തനവും പങ്കാളിത്തവും കാഴ്ചവെക്കുന്ന ചാപ്റ്ററിന് നൽകുന്ന പ്രഥമ കണിക്കൊന്നപുരസ്കാരത്തിന് മലയാളം മിഷൻ യുകെ ചാപ്റ്റർ അർഹമായി.ഒരു ലക്ഷം രൂപയുംപ്രശസ്തിപത്രവുമടങ്ങുന്നതാണ് പുരസ്കാരം.

മലയാള ഭാഷ ലോകമെമ്പാടും പ്രചരിപ്പിക്കുന്നതിന് ഭാഗമായി നൽകുന്ന മൂന്ന് പുരസ്കാരങ്ങൾ സാംസ്കാരികവകുപ്പ് മന്ത്രി സജി ചെറിയാൻ ഇക്കഴിഞ്ഞ വെള്ളിയാഴ്ച്ച വാർത്താസമ്മേളനത്തിലാണ് അറിയിച്ചത്. കണിക്കൊന്ന പുരസ്കാരത്തിന് പുറമേ മലയാള ഭാഷയെ സാങ്കേതികവിദ്യാ സൗഹൃദമാക്കുന്നതിനു നൂതനആശയം ആവിഷ്കരിച്ച് അവതരിപ്പിക്കുന്ന വ്യക്തികൾക്കോ സ്ഥാപനങ്ങൾക്കോ ലഭിക്കുന്ന പുരസ്കാരമായഭാഷാ പ്രതിഭാ പുരസ്കാരത്തിന് അധ്യാപകനായ പ്രവീൺ വർമ്മ എം കെയും അർഹനായി. ഭാഷയുടെപ്രചാരത്തിനും വളർച്ചയ്ക്കും മികച്ച സംഭാവന നൽകിയ പ്രവാസ സംഘടനയ്ക്കുള്ള പ്രഥമ സുഗതാഞ്ജലിപ്രവാസി പുരസ്കാരത്തിന് ബറോഡ കേരളസമാജവും അർഹമായി.

2021 ജനുവരി ഒന്നു മുതൽ ഡിസംബർ 31 വരെയുള്ള ഒരു വർഷത്തെ പ്രവർത്തനങ്ങളെ മുൻനിർത്തിയാണ് കണിക്കൊന്ന പുരസ്കാരം മലയാളം മിഷൻ യുകെ ചാപ്റ്ററിന് ലഭിച്ചത്.

ലോക മാതൃഭാഷാദിനമായ ഫെബ്രുവരി 21 ന് തിരുവനന്തപുരം അയ്യങ്കാളി ഹാളില്‍ ഉച്ചയ്ക്ക് 12 മണിക്ക് നടക്കുന്ന മലയാണ്‍മ 2022 മുഖ്യമന്ത്രി പിണറായി വിജയന്‍ ഉദ്ഘാടനംചെയ്യുകയും പ്രഥമ കണിക്കൊന്ന പുരസ്‌ക്കാരം

സമ്മാനിക്കുകയും ചെയ്യും. ഭാഷാപ്രതിഭാപുരസ്‌ക്കാരം ഗതാഗത വകുപ്പ് മന്ത്രി അഡ്വ. ആന്റണി രാജു നല്‍കും, പ്രഥമ സുഗതാഞ്ജലി പ്രവാസി പുരസ്‌ക്കാരം ധനമന്ത്രി കെ എന്‍ ബാലഗോപാല്‍ സമ്മാനിക്കും. സാംസ്‌കാരികകാര്യ വകുപ്പ് മന്ത്രി സജി ചെറിയാന്‍ അധ്യക്ഷത വഹിക്കുന്ന ചടങ്ങില്‍ പ്രതിപക്ഷ നേതാവ് വി ഡി സതീശന്‍വിശിഷ്ടാതിഥിയും വിദ്യാഭ്യാസ മന്ത്രി വി ശിവന്‍കുട്ടി മുഖ്യാതിഥിയുമായി പങ്കെടുക്കും. ചടങ്ങില്‍ ശശി തരൂര്‍എംപി, മേയര്‍ ആര്യ രാജേന്ദ്രന്‍, സാംസ്‌കാരികകാര്യ പ്രിന്‍സിപ്പല്‍ സെക്രട്ടറി റാണി ജോര്‍ജ് ഐഎഎസ്, നോര്‍ക്ക വൈസ് ചെയര്‍മാന്‍ പി ശ്രീരാമകൃഷ്ണന്‍, കവി കെ. ജയകുമാര്‍ (ഡയറക്ടര്‍ ഐ.എം.ജി.), പ്രൊഫ. വി. മധുസൂദനന്‍ നായര്‍ (മലയാളം മിഷന്‍ഭരണസമിതി അംഗം), മലയാളം മിഷന്‍ ഡയറക്ടര്‍ മുരുകന്‍ കാട്ടാക്കട എന്നിവരും പങ്കെടുക്കും.

കോവിഡ് മഹാമാരിയുടെ വിഷമതകളിലൂടെയും നിയന്ത്രണത്ങ്ങളിലൂടെയും കടന്നുപോയ കാലഘട്ടമായിട്ടുംമലയാളം മിഷൻ യുകെ ചാപ്റ്ററിന്റെ മികവാർന്നതും മാതൃകാപരവുമായ പ്രവർത്തനങ്ങളുടെ അംഗീകാരമാണ്കണിക്കൊന്ന പുരസ്കാരമെന്ന് മലയാളം മിഷൻ യുകെ ചാപ്റ്റർ പ്രസിഡന്റ് സി എ ജോസഫ് അഭിപ്രായപ്പെട്ടു.

പ്രമുഖ പ്രവാസി സംഘടനയായ യുക്മയുടെ സാംസ്കാരിക വേദി രക്ഷാധികാരിയായും മികച്ച സംഘാടകനായുംഅറിയപ്പെടുന്ന സി എ ജോസഫ് 2020 നവംബറിലാണ് മലയാളം മിഷൻ യുകെ ചാപ്റ്റർ പ്രസിഡണ്ട് ആയിനിയമിതനായത്. യുകെയിലെ വളർന്നു വരുന്ന കുട്ടികളിൽ മലയാള ഭാഷയും സംസ്കാരവും എത്തിക്കുവാനായിദീർഘവീക്ഷണത്തോടും അതോടൊപ്പം നിശ്ചയദാർഢ്യത്തോടും മലയാളം മിഷൻ യുകെ ചാപ്റ്റർ ചിട്ടയോടെകഴിഞ്ഞ വർഷം നടത്തിയ എല്ലാ പ്രവർത്തനങ്ങൾക്കും പ്രസിഡൻറ് എന്ന നിലയിൽ നേതൃത്വം നൽകുവാൻകഴിഞ്ഞത് അഭിമാനമായി കരുതുന്നുവെന്നും ഈ അംഗീകാരം യുകെയിലെ മലയാള ഭാഷാസ്നേഹികളോടൊപ്പംവിനയപൂർവ്വം ഹൃദയത്തോട് ചേർത്ത് വെക്കുന്നുവെന്നും ഇനിയും വരും തലമുറയ്ക്ക് വേണ്ടി കൂടുതൽപ്രവർത്തനങ്ങൾ നടത്തുവാനുള്ള പ്രചോദനമായി ഈ പുരസ്‌കാരത്തെ കരുതുന്നുവെന്നും സി. എ ജോസഫ് സൂചിപ്പിച്ചു.

2021 ജനുവരി മുതൽ ഡിസംബർ വരെയുള്ള കാലയളവിൽ മലയാളം മിഷൻ യുകെ ചാപ്റ്റർ നടത്തിയിട്ടുള്ളവ്യത്യസ്തങ്ങളായ മുപ്പതോളം പ്രവർത്തനങ്ങളും പരിപാടികളും അവയുടെ തെളിവിനായി നൽകിയ വാർത്താലിങ്കുകളും ഫോട്ടോകളും ഉൾപ്പെടുത്തി 9 / 1 / 2022ൽ മലയാളം മിഷന് നൽകിയ റിപ്പോർട്ട് വിലയിരുത്തിയതിന്റെഅടിസ്ഥാനത്തിലാണ് കണിക്കൊന്ന പുരസ്കാരത്തിനായി മലയാളം മിഷൻ യുകെ ചാപ്റ്ററിനെതെരഞ്ഞെടുത്തത്.

കവിയും ഗാനരചയിതാവും മലയാളം സർവ്വകലാശാല മുൻ വൈസ് ചാൻസലറും മുൻ ചീഫ് സെക്രട്ടറിയുമായകെ ജയകുമാർ ഐഎഎസ്, പ്രമുഖ സാഹിത്യകാരൻ ഡോ ജോർജ് ഓണക്കൂർ, കഥാകൃത്തും നോവലിസ്റ്റും മുൻപൊതുവിദ്യാഭ്യാസ ഡയറക്ടറുമായ കെ വി മോഹൻകുമാർ എന്നിവരടങ്ങിയ സമിതിയാണ് പുരസ്കാരങ്ങൾനിർണ്ണയിച്ചത്.

കണിക്കൊന്ന പുരസ്കാരത്തിന് അർഹമായ മലയാളം മിഷൻ യുകെ ചാപ്റ്ററിന്റെ നേതൃത്വത്തിൽ 2021ൽനടത്തിയിട്ടുള്ള പ്രധാനപ്പെട്ട ചില പരിപാടികളെക്കുറിച്ചും അവയുടെ വാർത്താ ചിത്രങ്ങളും ലിങ്കുകളും മലയാളംമിഷൻ യുകെ ചാപ്റ്റർ പ്രസിഡൻറ് സി എ ജോസഫ് തന്റെ ഫേസ്ബുക്ക് പേജിലൂടെ കഴിഞ്ഞ ദിവസംപങ്കുവെച്ചിരുന്നു.

കണിക്കൊന്ന’പുരസ്കാരം ലഭിക്കുന്നതിനായി പരിഗണിച്ച 2021 ൽ മലയാളം മിഷനെ നയിച്ചിരുന്ന മുൻഡയറക്ടർ പ്രൊഫ സുജ സൂസൻ ജോർജ്, മുൻ രജിസ്ട്രാർ എം സേതുമാധവൻ, മുൻ ഭാഷാധ്യാപകൻ ഡോ എംടി ശശി എന്നിവർ നൽകിയ സഹായസഹകരണങ്ങൾ വളരെ വിലപ്പെട്ടതായിരുന്നുവെന്നും അനുസ്മരിച്ചപ്രസിഡന്റ് മലയാളം മിഷന്റെ പുതിയ ഡയറക്ടറായി ചുമതലയേറ്റ പ്രശസ്ത കവി മുരുകൻ കാട്ടാക്കടയുടെനേതൃത്വത്തിലുള്ള മലയാളം മിഷന്റെ പുതിയ സാരഥികളുടെ വിലയേറിയ മാർഗ്ഗ നിർദ്ദേശങ്ങൾ ചാപ്റ്റർപ്രവർത്തകരെ കൂടുതൽ കർമ്മനിരതരായി മുന്നോട്ടു നയിക്കുവാൻ ഉപകരിക്കുമെന്നും അഭിപ്രായപ്പെട്ടു.

മലയാളം മിഷൻ യുകെ ചാപ്റ്ററിന്റെ പ്രവർത്തനങ്ങൾക്കെല്ലാം സഹായിച്ച സെക്രട്ടറി ഏബ്രഹാം കുര്യൻ,വിദഗ്ധസമിതി ചെയർമാൻ ജയപ്രകാശ് എസ് എസ്,കൺവീനർ ഇന്ദുലാൽ സോമൻ, ജോയിന്റ് സെക്രട്ടറിമാരായസ്വപ്ന പ്രവീൺ, രാജി രാജൻ, വൈസ് പ്രസിഡൻറ് ഡോ സീന ദേവകി, റീജിയണൽ കോർഡിനേറ്റർമാരായആഷിക് മുഹമ്മദ് നാസർ, ബേസിൽ ജോൺ, ജിമ്മി ജോസഫ് ബിന്ദു കുര്യൻ, പ്രവർത്തക സമിതി അംഗങ്ങളായമുരളി വെട്ടത്ത്, സുജു ജോസഫ്, ബിൻസി എൽദോ, വിനീതചുങ്കത്ത്, ദീപ സുലോചന, ശ്രീജിത്ത് ശ്രീധരൻഎന്നിവരോടുള്ള ഹൃദയം നിറഞ്ഞ നന്ദിയും സി എ ജോസഫ് അറിയിച്ചു.

സംഘടനയുടെ സുഖമമായ പ്രവർത്തനത്തിന് ബ്രാഞ്ചുകളെ ഏരിയകൾ ആക്കി തിരിച്ചു കൊണ്ട് ഒരോ ഏരിയകൾക്കും സമീക്ഷയുകെ ഏരിയ സെക്രട്ടറിമാരെ തീരുമാനിച്ചു. സഖാവ് പ്രവീൺ രാമചന്ദ്രൻ സഖാവ് ജിൻസ്സ് തയ്യിൽ ,സഖാവ് വിനു ചന്ദ്രൻ, സഖാവ് ഫിദിൽ മുത്തുകോയ എന്നിവരാണ് ഏരിയ സെക്രട്ടറിമാർ.

മിഡ്ലാൻഡ്സ്, നോർത്തേൺ ഇംഗ്ലണ്ട് & സ്കോട്ട്ലൻഡ്, സൗത്ത് വെസ്റ്റ് & കാർഡിഫ്, അയർലണ്ട് നോർത്തേൺ അയർലണ്ട് സൗത്ത് ഈസ്റ്റ് & ലണ്ടൻ എന്നിങ്ങനെയാണ് ഏരിയ തിരിച്ചിരിക്കുന്നത്. ഓരോ ഏരിയയും ഉൾപ്പെടുന്ന ബ്രാഞ്ചുകളും ചുവടെ ചേർക്കുന്നു.

മിഡ് ലാൻഡ് സ്
ഏരിയസെക്രട്ടറി : സഖാവ് പ്രവീൺ രാമചന്ദ്രൻ

ബർമിങ്ഹാം,കൊവൻട്രി,ബെഡ്ഫോർഡ്,

പീറ്റർബോറോ,ബോസ്റ്റൺ, കെറ്ററിംഗ്, നോർത്താംപ്റ്റൺ
,

നോർത്തേൺ ഇംഗ്ലണ്ട് & സ്കോട്ട്ലൻഡ്
ഏരിയസെക്രട്ടറി : സഖാവ് ജിൻസ് തയ്യിൽ

ഇൻവെർനസ്സ്,എഡിൻബോറോ,

ഷെഫീൽഡ്, വിഗാൻ, മാഞ്ചസ്റ്റർ, ന്യൂകാസ്റ്റിൽ

സൗത്ത് വെസ്റ്റ് & കാർഡിഫ്
ഏരിയസെക്രട്ടറി : സഖാവ് വിനു ചന്ദ്രൻ

ഗ്ലോസ്റ്റർഷെയർ,എക്സിറ്റർ, സാലീസ്ബറി, ബ്രിസ്റ്റോൾ, വെയിൽസ്

അയർലണ്ട് , നോർത്തേൺ അയർലണ്ട് , സൗത്ത് ഈസ്റ്റ് & ലണ്ടൻ
ഏരിയസെക്രട്ടറി : സഖാവ് ഫിദിൽ മുത്തുകോയ

ബെൽഫാസ്റ്റ്, ലണ്ടൻഡെറി, ഹീത്രൂ, ഇപ്സ്വിച്ച്, ഈസ്റ്റ്ഹാം

യുകെയിലെ ഏറ്റവുംവലിയ ഇടതുപക്ഷ പുരോഗമന കലാ-സാംസ്കാരിക സംഘടനയായ സമീക്ഷ യുകെയുടെ പ്രവർത്തനം വിപുലീകരിക്കുന്നതിന്റെ ഭാഗമായി ഈ വർഷത്തെ അംഗത്വ വിതരണ ക്യാമ്പയിന് തുടക്കം കുറിച്ചു .ഫെബ്രുവരി 13 ഞായറാഴ്ച കൊവൻട്രിയിൽ ചേർന്ന വർക്കിംഗ് കമ്മിറ്റി മീറ്റിങ്ങിൽ വെച്ചാണ് ക്യാമ്പയിന് തുടക്കം കുറിച്ചത് . ഫെബ്രുവരി പതിനഞ്ചാം തീയതി മുതൽ മാർച്ച് 31 വരെയാണ് ക്യാമ്പയിൻ കാലാവധി.

ഇടതുപക്ഷ പുരോഗമന ആശയങ്ങൾ ചിന്തിക്കുകയും പ്രചരിപ്പിക്കുകയും ചെയ്യുന്നവരെയും പുതുതായി യുകെയിൽ എത്തുന്നവരിലെ സമാന ചിന്താഗതിക്കാരെയും സംഘടനയോട് ചേർത്തു നിർത്തുക എന്നതാണ് അൻപത് ദിവസം നീണ്ടുനിൽക്കുന്ന മെമ്പർഷിപ്പ് ക്യാമ്പയിനിലൂടെ സംഘടന ലക്ഷ്യമിടുന്നത്.
2019 ൽ സിപിഎം ജനറൽസെക്രട്ടറി സഖാവ് സീതാറാം യെച്ചൂരി ആണ് സമീക്ഷ യുകെ യുടെ ആദ്യത്തെ മെമ്പർഷിപ്പ് ക്യാമ്പയിൻ ഉത്‌ഘാടനം ചെയ്തത് .

ഒരു നൂറു ദിനങ്ങൾ ഒരായിരം മെമ്പറുമാർ എന്ന ലക്ഷ്യത്തോടെ തുടങ്ങിയ ആവർഷത്തെ ക്യാമ്പയിനിലൂടെ യുകെ യുടെ വിവിധ ഭാഗങ്ങളിൽ നിന്നായി അനേകം ഇടതുപക്ഷ സഹയാത്രികരെ സംഘടനയിൽ എത്തിക്കാനായി .സമീക്ഷ യുകെയുടെ ബ്രാഞ്ചുകൾ ഉള്ള പ്രദേശങ്ങളിലെ പുരോഗമന ആശയഗതിക്കൊപ്പം നിലകൊള്ളുന്ന സുഹൃത്തുക്കളെയും സഖാക്കളെയും ഇടതുപക്ഷ സാംസ്കാരിക സംഘടനയുടെ കാലിക പ്രസക്തി ബോധ്യപ്പെടുത്തി ഒപ്പം നിർത്തിക്കൊണ്ട് സംഘടനയുടെ മുന്നൊട്ടുള്ള പ്രവർത്തനങ്ങൾ കൂടുതൽ ശക്തമാക്കാൻ സാധിക്കും എന്ന് പ്രത്യാശിക്കുന്നതായി സമീക്ഷ യുകെ ഭാരവാഹികൾ പറഞ്ഞു .

വർഗീയതയെ ചെറുത്തുതോൽപ്പിക്കാനും മതനിരപേക്ഷതയും മാനവിക മൂല്യങ്ങളും ഊട്ടിയുറപ്പിക്കുവാനും സമൂഹത്തിൽ ഇടതുപക്ഷ പുരോഗമന കലാ സാംസ്കാരിക സംഘടനകൾ ശക്തി പ്രാപിക്കേണ്ടത് കാലഘട്ടത്തിന്റെ ആവശ്യമാണ് , നല്ലൊരു നാളേയ്ക്കായ് സമീക്ഷ യുകെയിലൂടെ ഒരുമിച്ച് പ്രവർത്തിക്കാൻ എല്ലാവരും മുന്നോട്ടു വരാൻ തയ്യാറാവണം എന്ന് സമീക്ഷ യുകെ നാഷണൽ സെക്രട്ടറി സഖാവ് ദിനേശ് വെള്ളാപ്പള്ളി അഭ്യർത്ഥിച്ചു . സമീക്ഷ യുകെ ബ്രാഞ്ചുകൾ ഇല്ലാത്ത സ്ഥലങ്ങളിലെ സംഘടനയോട് ചേർന്ന് പ്രവർത്തിക്കുവാൻ ആഗ്രഹിക്കുന്നവർ. താഴെ കൊടുത്തിരിക്കുന്ന സമീക്ഷ യുകെ സെക്രട്ടറിയേറ്റ് മെമ്പർമാരെ ബന്ധപ്പെടാൻ അഭ്യർത്ഥിക്കുന്നു .

ഉണ്ണികൃഷ്ണൻ ബാലൻ – 07984744233 , ജോഷി ഇറക്കത്തിൽ – 07577531527 , മോൻസി തൈക്കൂടൻ – 07904314940

ഉണ്ണികൃഷ്ണൻ ബാലൻ

സമീക്ഷ യുകെ യുടെ വർക്കിംഗ് കമ്മറ്റി പതിമൂന്നാം തീയതി ഞായറാഴ്ച കൊവൻട്രിയിൽ നടന്നു. അഞ്ചാം ദേശീയ സമ്മേളനത്തിന് ശേഷം നടന്ന ആദ്യ വർക്കിംഗ് കമ്മറ്റിയായിരുന്നു ചേർന്നത് . സമീക്ഷUK നാഷ്ണൽ പ്രസിഡൻറ് സഖാവ് ശ്രീകുമാർ അദ്ധ്യക്ഷത വഹിച്ച ചടങ്ങിലേക്ക് ജോയിന്റ് സെക്രട്ടറി സഖാവ് ചിഞ്ചു സണ്ണി ഏവരെയും സ്വാഗതം ചെയ്തു കൊണ്ട് സംസാരിച്ചു. സമീക്ഷ യുകെ നാഷണൽ സെക്രട്ടറി സഖാവ് ദിനേശ് വെള്ളാപള്ളി മീറ്റിങ് ഉത്ഘാടനം ചെയ്തു കൊണ്ട് സംസാരിച്ചു. സമീക്ഷ ഏറ്റെടുക്കാൻ ഉദ്ദേശിക്കുന്ന പ്രവർത്തനങ്ങളെ കുറിച്ച് അദ്ദേഹം പ്രവർത്തകർക്ക് വിശദീകരിച്ചു. ഒരോ ബ്രാഞ്ചിൽ നിന്നും നാഷ്ണൽ കമ്മറ്റി അംഗങ്ങൾ അടക്കം 3 പേരാണ് പങ്കെടുത്തത് . 60 ഓളം പേർ പങ്കെടുത്ത മീറ്റിങിൽ സമീക്ഷ യുകെ വരുന്ന ഒരു വർഷക്കാലം ഏറ്റെടുക്കേണ്ട പ്രധാന പ്രവർത്തനങ്ങൾ ഉൾപ്പെടുത്തിക്കൊണ്ട് പ്രവർത്തന കലണ്ടർ തയ്യാറാക്കി .

സംഘടനയുടെ സുഗമമായ പ്രവർത്തനത്തിന് ബ്രാഞ്ചുകളെ ഏരിയകൾ ആക്കി തിരിച്ചു കൊണ്ട് ഏരിയ കമ്മറ്റികൾ രൂപീകരിക്കാൻ തീരുമാനിച്ചു. പഠനത്തിനും മറ്റുമായി യുകെയിൽ എത്തുന്ന മലയാളികളായ യുവജനങ്ങളെയും ഒപ്പം തന്നെ യുകെയിൽ തന്നെ പഠിച്ചു വളർന്ന നമ്മുടെ ഇടയിൽ ഉള്ള യുവതി യുവാക്കളെയും സംഘടനയിലേക്കു കൂടുതൽ അടുപ്പിക്കുന്നതിനായി യുവജന കോർഡിനേറ്റർമാരായി സഖാവ് കീർത്തന ടി എസ് , സഖാവ് ജോമിൻ ജോ , സഖാവ് ശരത്ത് അയിലൂർ രവീന്ദ്രൻ എന്നിവരെ തിരഞ്ഞെടുത്തു. നാട്ടിൽ നിന്നും ജോലിക്കായും വിദ്യാഭ്യാസത്തിനായും യുകെയിലേക്കെത്തുന്ന മുഴുവൻ ആൾക്കാരെയും സഹായിക്കുന്നതിനുവേണ്ടി സമീക്ഷ യുകെയുടെ ഹെൽപ്പ് ഡെസ്ക് രൂപീകരിക്കും.

ഹെൽപ് ഡെസ്കിലേക്ക് യുവജന കോർഡിനേറ്റേഷ്സും ഒപ്പം നിയമോപദേശകരായി സോളിസിറ്റർമാരുകൂടിയായ സഖാവ് അഡ്വ.ദിലീപ് കുമാർ, സഖാവ് അഡ്വ.ചാൾസ് വർഗ്ഗീസ് എന്നിവരെയും തിരഞ്ഞെടുത്തു. നമ്മുടെ കൊച്ചു കുട്ടികൾക്കിടയിൽ നേതൃപാടവം വളർത്തുന്നതിനും അവരിലെ സർഗ്ഗവാസനകളെ പ്രോത്സാഹിപ്പിക്കുന്നതിനുമായി സമീക്ഷ യുകെ ബാലസംഘം രൂപീകരിക്കാനും വർക്കിങ് കമ്മറ്റി തീരുമാനിച്ചു. നാഷ്ണൽ കമ്മറ്റി അംഗം സഖാവ് സ്വപ്ന പ്രവീണിനേയും , സഖാവ് സീമ സൈമണിനേയും ബാലസംഘം കോർഡിനേറ്റർമാരായി തിരഞ്ഞെടുത്തു. സമീക്ഷ സർഗ്ഗവേദി കൂടുതൽ സജീവമാക്കാനും ഞായറാഴ്ച്ച നടന്ന വർക്കിങ് കമ്മറ്റിയിൽ തീരുമാനിച്ചു. കോവിഡ് മൂലം സമീക്ഷ യുകെയുടെ കഴിഞ്ഞ രണ്ടു വർഷത്തെ പരുപാടികൾ എല്ലാം ഓൺലൈനിൽ ആയിരുന്നു നടന്നിരുന്നത്. ഏറെക്കാലത്തിനു ശേമാണ് യുകെയിലെ വിവിധ ഭാഗങ്ങളിലുള്ള പ്രവർത്തകർക്ക് ഒത്തു ചേരാൻ കഴിഞ്ഞത് അത് ഏവരിലും ആവേശമുണർത്തി.

എല്ലാ ബ്രാഞ്ചുകളും സജീവമായി ചർച്ചയിൽ പങ്കെടുത്തു. രാവിലെ 11 മണിക്കു ആരംഭിച്ച യോഗം വൈകുന്നേരം 6 മണി വരെ നീണ്ടു. സമീക്ഷയുകെ വൈസ് പ്രസിഡൻറ് സഖാവ് ഭാസ്കര പുരയിലിന്റെ നന്ദി പ്രകാശനത്തോടെ യോഗം സമാപിച്ചു.

കോവിഡ് മഹാമാരിയുടെ പശ്ചാത്തലത്തിൽ കഴിഞ്ഞ വർഷം നടത്താനിരുന്ന, യുകെയിലെ തന്നെ മികച്ച മലയാളി സംഘടനകളിലൊന്നായ ഡോർസെറ്റ് കേരള കമ്മ്യൂണിറ്റി (DKC) യുടെ പത്താം വാർഷികം “ദശപുഷ്‌പോത്സവം 2022” മാർച്ച് പന്ത്രണ്ടാം തീയതി ഡോർസെറ്റിലെ പൂളിൽ അതിവിപുലമായി ആഘോഷിക്കുന്നു.

ദശാബ്ദി ആഘോഷങ്ങളോടനുബന്ധിച് സിനിമാ-കലാസാംസ്‌കാരിക രംഗത്തുനിന്നുള്ള പ്രശസ്ത വ്യക്തിത്വങ്ങളും കൂടാതെ യുകെയിലെ മറ്റു മലയാളി സംഘടനകളും, യുക്മാ പ്രതിനിധികളും ഉൾപ്പെടെ അതിവിപുലമായ അതിഥി പട്ടികയാണ് സംഘാടകർ ഒരുക്കിയിരിക്കുന്നത്.

ഗാനമേളയും, ബോളിവുഡ് നൃത്തചുവടുകളും, നാടകവും, മറ്റുകലാപരിപാടികളും, തനതു രുചിവൈവിധ്യങ്ങളടങ്ങിയ ഭക്ഷണ സ്റ്റാളുകളും മുതൽ അന്നേദിവസം രണ്ടുമണിമുതൽ ദിവസം മുഴുവൻ നീളുന്ന ഉത്സവാഘോഷങ്ങൾ ഡോർസെറ്റ് ഇന്നുവരെ കാണാത്തതരത്തിലുള്ള അനുഭവമായിരിക്കുമെന്ന് DKC പ്രസിഡന്റ് ശ്രീ. ഷാജി തോമസ് അറിയിച്ചു.

കോവിഡ് കാലത്ത് അംഗങ്ങൾക്കുമാത്രമല്ല സമൂഹത്തിലൊന്നാകെ മാതൃകാപരമായ സേവനങ്ങൾ കാഴ്ചവച്ചതുൾപ്പെടെ എല്ലാകാലത്തും ആവശ്യത്തിനൊത്തു ഉണർന്നുപ്രവർത്തിക്കുന്ന ഡോർസെറ്റ് കേരളാ കമ്മ്യൂണിറ്റിക്ക് യുക്മ ദേശീയ അധ്യക്ഷൻ ശ്രീ. മനോജ് പിള്ള പത്താം വാർഷികത്തിനും ആഘോഷപരിപാടികൾക്കും എല്ലാവിധ ആശംസകളും പിന്തുണയും അറിയിച്ചു.

മാർച്ച് പന്ത്രണ്ടാം തീയതി ശനിയാഴ്ച ദശപുഷ്‌പോത്സവം 2022 ലേയ്ക്ക് യുകെയിലുള്ള മുഴുവൻ മലയാളികളെയും കുടുംബസമേതം ക്ഷണിക്കുന്നതായി DKC പ്രസിഡന്റ് ശ്രീ. ഷാജി തോമസും സംഘാടകസമിതി കൺവീനർ ബിബിൻ വേണുനാഥും അറിയിച്ചു.