കോഴിക്കോട് ബാലുശേരി നര്മ്മലൂരിലാണ് നാടിനെ നടുക്കിയസംഭവത്തിന്റെ ബാക്കി പത്രം. ഉള്ളേരി സ്വദേശിയായ പ്രജീഷിന്റെ ഭാര്യയാണ് റിന്ഷ. ദാമ്പത്യബന്ധത്തിലെ അസ്വാരസ്യതകള് മൂലം റിന്ഷ വിവാഹശേഷം രണ്ടര വര്ഷമായി ഭര്ത്താവുമായി അകന്ന് സ്വകാര്യ ആശുപത്രിയില് ജോലി നോക്കി വരികയായിരുന്നു . സംഭവത്തില് അമ്മ റിന്ഷയെ പോലീസ് കസ്റ്റഡിയിലെടുത്തു. ഇവർ നാല് വർഷമായി ഭർത്താവുമായി വേർപിരിഞ്ഞ് കഴിയുകയായിരുന്നു. ഇന്ന് പുലർച്ചെയാണ് സംഭവം. ബാലുശ്ശേരി നിർമ്മല്ലൂർ സ്വദേശിനിയായ റിൻഷ വീട്ടിൽ വെച്ച് പെൺകുഞ്ഞിന് ജന്മം നൽകിയ ഉടൻ കുഞ്ഞിനെ ബ്ലേഡ് ഉപയോഗിച്ച് കഴുത്തറുത്ത് കൊന്നുവെന്നാണ് പൊലീസ് പറയുന്നത്. പുലർച്ചെ ഇവരുടെ വീട്ടിൽ നിന്ന് ബഹളം കേട്ടതിനെ തുടർന്ന് നാട്ടുകാരാണ് പൊലീസിനെ അറിയിച്ചത്. പൊലീസ് എത്തുമ്പോൾ ചോര വാർന്ന് തുണിയിൽ പൊതിഞ്ഞ നിലയിൽ കുഞ്ഞിന്റെ മൃതദേഹം കണ്ടത്.
പുലര്ച്ചെ രണ്ടു മണിക്കായിരുന്നു നാട്ടുകാര് ആ അസാധാരണ ശബ്ദങ്ങള് കേട്ടത്. ആദ്യം അമ്മയുടെ നിലവിളി അതിനൊടുവില് കുഞ്ഞിന്റെ കരച്ചില്. പിറന്ന ഉടനെ നവജാതശിശുവിന്റെ കഴൂത്ത് ബ്ളേഡിന് മുറിച്ച നിര്മല്ലൂര് പാറമുക്ക് വലിയമലക്കുഴി കോളനിയിലെ റിന്ഷയുടെ അരുംകൊല നാട്ടുകാര് അറിയാനും പിടിക്കപ്പെടാനും കാരണമായത് അമ്മയുടെയും കുഞ്ഞിന്റെയും കരച്ചിലില് നിന്നുമായിരുന്നു. രണ്ടു വര്ഷമായി ഭര്ത്താവുമായി പിണങ്ങിക്കഴിയുന്ന യുവതി പ്രസവിച്ചത് നാട്ടുകാര് അറിഞ്ഞാല് ഉണ്ടാകാവുന്ന മാനഹാനി ഭയന്ന് ജനിച്ച ഉടനെ കുഞ്ഞിനെ ജീവനോടെ സംസ്ക്കരിക്കാനായിരുന്നു ആദ്യ തീരുമാനം. എന്നാല് കരച്ചില് കേട്ട് നാട്ടുകാര് എത്തിയത് എല്ലാം തകിടം മറിഞ്ഞു. അയല്ക്കാര് വിവരം അറിഞ്ഞില്ലായിരുന്നെങ്കില് റിന്ഷ തീരുമാനിച്ചപോലെ എല്ലാം നടപ്പാക്കുമായിരുന്നു. റിന്ഷ ഗര്ഭിണിയാണെന്ന വിവരം സ്വന്തം മാതാവിനും ഏതാനും ചിലര്ക്കുമല്ലാതെ ആര്ക്കുമറിയില്ലായിരുന്നു.
രണ്ടുമണിയോടെ കരച്ചില് കേട്ട നാട്ടുകാര് വിവരം പോലീസിനെ അറിയിക്കുകയായിരുന്നു. മൂന്ന് മണിയോടെ പോലീസ് എത്തുമ്പോള് റിന്ഷ തളംകെട്ടിയ രക്തത്തിന് നടുവില് അവശയായി കിടക്കുകയായിരുന്നു. തൊട്ടടുത്ത് പ്ളാസ്റ്റിക് ബാഗില് പൊതിഞ്ഞ നിലയില് ജീവന് പോയ കുഞ്ഞും. പ്രസവ സമയത്ത് ഒപ്പമുണ്ടായിരുന്ന റിന്ഷയുടെ അമ്മ റീനയേയും സഹോദരന് റിന്ഷാദിനെയും ചോദ്യം ചെയ്യാനുള്ള നീക്കത്തിലാണ് പോലീസ്. കുഞ്ഞിന്റെ പിതാവ് ആരെന്ന ചോദ്യത്തിന് റിന്ഷയ്ക്കു മൗനമായിരുന്നു മറുപടി. റിന്ഷയുടെ സഹോദരനെത്തേടി പതിവായി വീട്ടിലെത്തിയിരുന്ന യുവാക്കളെ കേന്ദ്രീകരിച്ചാണ് അന്വേഷണം പുരോഗമിക്കുന്നത്. രാപകല് വ്യത്യാസമില്ലാതെ പലരും വീട്ടിലെത്തിയിരുന്നതായി നാട്ടുകാര് പറയുന്നു. വരവിനെ ചോദ്യം ചെയ്താല് ഭീഷണിയും അസഭ്യവര്ഷവും പതിവായിരുന്നു. ഇതെത്തുടര്ന്ന് നാട്ടുകാര് പിന്വാങ്ങി. വീട്ടുകാര് അധികം ആരോടും ഇടപെടുന്ന ശീലവുമില്ലായിരുന്നു. റിന്ഷ ഗര്ഭിണിയാണെന്ന സംശയം ആറ് മാസം മുന്പ് നാട്ടുകാരില് ചിലര് മാതാവ് റീനയോട് പറഞ്ഞിരുന്നു.
എന്നാല് സംശയം ഉന്നയിച്ചവരെ കുടുംബം വഴക്കുപിടിച്ച് അകറ്റുമായിരുന്നു. പൂര്ണ്ണ വളര്ച്ചയെത്തിയ പെണ്കുഞ്ഞിനെ പ്രസവിച്ച് മിനിറ്റുകള്ക്കുള്ളിലാണ് റിന്ഷ അതിന്റെ കഴുത്തില് ബ്ളേഡിന് വരഞ്ഞത്. വനിതാ പൊലീസിനെ കണ്ടപ്പോള്ത്തന്നെ തനിക്കുണ്ടായ അബദ്ധത്തെക്കുറിച്ച് റിന്ഷ തുറന്നുപറഞ്ഞു. വിവിധയിടങ്ങളില് ജോലിചെയ്തു. വീട്ടുജോലിയും കടകളില് സഹായിയായും പ്രവര്ത്തിച്ചു. ഒറ്റയ്ക്കാണ് സാറെ കുടുംബം നോക്കിയിരുന്നത്. ഒരിടത്തും പിടിച്ചുനില്ക്കാനായില്ല. അതിനിടയില് പറ്റിപ്പോയതാണ്. കുഞ്ഞിനെ കൊല്ലണമെന്നുണ്ടായിരുന്നില്ല. എന്നാല് കുഞ്ഞിന് ചിലപ്പോള് ഒരുനേരത്തെ ആഹാരം പോലും തനിക്ക് നല്കാന് കഴിയില്ലെന്ന് ബോധ്യമുള്ളതു കൊണ്ടാണ് കൊലപ്പെടുത്താന് തീരുമാനിച്ചതെന്നായിരുന്നു റിന്ഷ പറഞ്ഞത്. സഹോദരൻ റിനീഷിനെയും ചോദ്യം ചെയ്യലിനായി താമരശ്ശേരി ഡിവൈഎസ്പിയുടെ നേതൃത്വത്തിലുള്ള സംഘം കസ്റ്റഡിയിലെടുത്തിട്ടുണ്ട്. കസ്റ്റഡിയിലെടുത്ത റിൻഷയെ പൊലീസ് കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി. ഇവരെ പിന്നീട് ചോദ്യം ചെയ്യും.പൊലീസും ഫൊറൻസിക് സംഘവുമെത്തി ഇൻക്വസ്റ്റ് നടപടി പൂർത്തിയാക്കി.
ലീഡ്സ്. ഗ്രേറ്റ് ബ്രിട്ടണ് സീറോ മലബാര് രൂപതയുടെ ലീഡ്സ് സെന്റ്. മേരീസ് സീറോ മലബാര് കമ്മ്യൂണിറ്റിയില് പരി. കന്യകാ മാതാവിന്റെ പിറവിത്തിരുന്നാളിനും എട്ടുനോമ്പാചരണത്തിനും ഇന്നലെ കൊടിയേറി. ലീഡ്സ് സെന്റ്. വില്ഫ്രിഡ്സ് ദേവാലയത്തില് ഞായറാഴ്ച രാവിലെ പത്തു മണിക്ക് റവ. ഫാ. മാത്യൂ മുളയോലില് കൊടിയുയര്ത്തി പരി. കന്യകാ മാതാവിന്റെ തിരുസ്വരൂപം ദേവാലയത്തില് പ്രതിഷ്ഠിച്ചു. തുടര്ന്ന് റവ. ഫാ. സെബാസ്റ്റ്യന് ചാമക്കാല ആഘോഷമായ ദിവ്യബലി അര്പ്പിയ്ക്കുകയും വചന സന്ദേശം നല്കുകയും ചെയ്തു. തിരുന്നാളുകള് ഹൃദയത്തിന്റെ നടുവിലൂടെ കടന്നു പോകുകയും ജീവിതത്തിന്റെ തിരുത്തലാവുകയും വേണം. 
നിങ്ങളുടെ ഭവനത്തിലെ കര്ത്താവിന്റെ ആലയമാണ് ആദ്യം പടുത്തുയര്ത്തേണ്ടതുണ്ട്. മക്കളുടെ ജീവിതത്തില് മാതാപിതാക്കള് പ്രാര്ത്ഥനയാവണം. അതിനുള്ള ഓര്മ്മപ്പെടുത്തല് കൂടിയാവണം തിരുന്നാളുകള്. ഫാ. സെബാസ്റ്റ്യന് ചാമക്കാല തന്റെ സന്ദേശത്തില് പറഞ്ഞു. വിശുദ്ധ കുര്ബാനയ്ക്ക് ശേഷം
ദിവ്യകാരുണ്യ പ്രദക്ഷിണം നടന്നു.
സെപ്റ്റംബര് 3 മുതല് 7വരെ വൈകുന്നേരം 6.45 ന് നൊവേനയും വിശുദ്ധ കുര്ബാനയും
നേര്ച്ചവിതരണവും നടക്കും. എട്ടാം തീയതി ശനിയാഴ്ച രാവിലെ 10ന് വി. കുര്ബാനയും നൊവേനയും നേര്ച്ചവിതരണവും നടക്കും. പ്രധാന തിരുന്നാള് ദിവസമായ 9 ഞായര് രാവിലെ പത്ത് മണിക്ക് റവ. ഫാ. തോമസ്സ് തയ്യില് (തലശ്ശേരി അതിരൂപത) ആഘോഷമായ തിരുന്നാള് കുര്ബാന അര്പ്പിക്കും. തുടര്ന്ന് നൊവേന, പ്രസംഗം, ലദീഞ്ഞ്, ദേവാലയംചുറ്റി ആഘോഷമായ പ്രദക്ഷിണം എന്നിവ നടക്കും.
തിരുന്നാള് ദിവസങ്ങളില് വിശുദ്ധ കുര്ബാനയ്ക്ക് മുമ്പ് കുമ്പസാരിക്കുന്നതിനുള്ള അവസരം ഉണ്ടായിരിക്കുന്നതാണ്. പ്രധാന തിരുന്നാള് ദിവസം അടിമ വയ്ക്കുന്നതിനും മാതാവിന്റെ കഴുന്ന് മുടി എന്നിവ എടുക്കുന്നതിനും അവസരം ഉണ്ടായിരിക്കുന്നതാണ്.
ഉപവാസത്തിന്റെയും പ്രാര്ത്ഥനയുടെയും പുണ്യ പ്രവര്ത്തികളുടെയും എട്ടു ദിനങ്ങളാണ് ഇനിയുള്ളത് . 2013 മുതല് യുകെയില് പ്രസിദ്ധമായ ലീഡ്സ് എട്ടു നോമ്പാചരണത്തിലും പരി. കന്യകാ മാതാവിന്റെ പിറവിത്തിരുന്നാളിലും പങ്ക് ചേര്ന്ന് അനുഗ്രഹം പ്രാപിക്കാന് ബ്രിട്ടണിലെ എല്ലാ വിശ്വാസികളേയും സ്വാഗതം ചെയ്യുന്നതായി റവ. ഫാ. മാത്യൂ മുളയോയില് അറിയ്ച്ചു.
സോഷ്യല് മീഡിയ ഏറ്റവും കൂടുതല് ട്രോൾ ഏറ്റുവാങ്ങിയത് ഏഷ്യാനെറ്റിലെ പരസ്പരം സീരിയലിലെ കേന്ദ്രകഥാപാത്രങ്ങളായ ദീപ്തി ഐപിഎസും സൂരജും ആണ്. 1524 എപ്പിസോഡുകള് സംപ്രേഷണം ചെയ്ത സീരിയല് അപ്രതീക്ഷിതമായി അവസാനിച്ചതുമായി ബന്ധപ്പെട്ട് നിരവധി ട്രോളുകളാണ് പ്രത്യക്ഷപ്പെട്ടത്. എന്നാലിപ്പോള് ഇവയില് പല ട്രോളുകളും കൈവിട്ടുപോവുന്ന സ്ഥിതിയാണ്.
എന്നാല് ട്രോളുകള് കൈവിട്ടു പോയപ്പോള് സീരിയല് ഐപിഎസ് ഓഫിസറുടെ മരണം യഥാര്ത്ഥ ഐപിഎസ് ഓഫിസറുടെ മരണമാണെന്ന് വിശ്വസിച്ചിരിക്കുകയാണ് പലരും. ഉത്തരന്ത്യേക്കാരാണ് ദീപ്തി ഐപിഎസിന്റെ മരണം യഥാര്ത്ഥ ജീവിതത്തില് സംഭവിച്ചതാണെന്ന് വിശ്വസിച്ച് സര്ക്കാരിനെതിരെ വിമര്ശനവുമായി രംഗത്തെത്തിയിരിക്കുന്നത്.
ദീപ്തി എന്ന പൊലീസ് ഓഫീസറും ഭര്ത്താവും ജിഹാദികളുടെ ബോബ് സ്ഫോടനത്തില് മരിച്ചുവെന്നും ഇവിടത്തെ സര്ക്കാര് ഒന്നും ചെയ്യുന്നില്ലെന്നുമുള്ള ട്രോളാണ് ഉത്തരേന്ത്യക്കാര് സീരിയസ് ആയി ഷെയര് ചെയ്യുന്നത്.
പരസ്പരം സീരിയലിലൂടെ ജനങ്ങള് നെഞ്ചേറ്റിയ കഥാപാത്രമായിരുന്നു ദീപ്തി ഐപിഎസ്. 1524 എപ്പിസോഡുകളാണ് ഈ സീരിയല് സംപ്രേഷണം ചെയ്തത്. വെള്ളിയാഴ്ച്ച സംപ്രേഷണം ചെയ്ത എപ്പിസോഡിലാണ് ഇരുവരും മരണപ്പെടുന്ന രംഗം സംപ്രേക്ഷണം ചെയ്തത്.
നീലക്കുറിഞ്ഞി വീണ്ടും പൂത്തുതുടങ്ങി. പ്രളയക്കെടുതികള്ക്കു ശേഷം സഞ്ചാരികളെ വരവേല്ക്കാന് മൂന്നാറും തയ്യാറെടുക്കുന്നു. കാലവര്ഷം ഏല്പ്പിച്ച ആഘാതം മറികടന്ന് അതിജീവനത്തിന്റെയും പ്രതീക്ഷകളുടെയും കുറിഞ്ഞിക്കാലത്തിനായി ഒരുങ്ങുകയാണ് ഒരു ജനത.
മഴക്കെടുതിയില് തകര്ന്ന മൂന്നാറിന്റ അതിജിവനത്തിലേയ്ക്കുള്ള ചവിട്ടുപടികൂടിയാണ് രാജമലയില് പൂവിട്ട നീലക്കുറിഞ്ഞികള് . പ്രളയത്തിന്റെ കൊഴിഞ്ഞ്പോക്കിനു ശേഷമുള്ള ഒരു പൂക്കാലത്തിന്റെ പ്രതീക്ഷകള്.
അതീതീവ്രമഴയില് പൊലിഞ്ഞു പോയ പൂക്കാലം വീണ്ടും സജീവമായി. ഇരവികുളം ദേശീയോധ്യാനത്തിലെ രാജമലയിലാണ് വ്യാപകമായി നീലക്കുറിഞ്ഞികള് പൂവിട്ടുതുടങ്ങിയിരിക്കുന്നത്. കാലാവസ്ഥ കനിയുകയാണെങ്കില് രണ്ടാഴ്ചയ്ക്കുള്ളില് രാജമലനിരകളില് നീലവസന്തം കൂടുതല് തെളിയും. ഓഗസ്റ്റ് ആദ്യവാരം തന്നെ പൂത്തു തുടങ്ങിയ ചെടികള് കഴിഞ്ഞ മാസം 15 ന് തന്നെ പൂക്കുമെന്ന് കരുതിയിരുന്നുവെങ്കിലും പ്രതികൂല കാലാവസ്ഥ കുറിഞ്ഞിക്കാലം വൈകിച്ചു.
പ്രളയക്കെടുതിയില് മരവിച്ചു പോയ മൂന്നാറിലെ ടൂറിസം മേഖലയ്ക്ക് നീലക്കുറിഞ്ഞിക്കാലം ഉണര്വേകുമെന്നാണ് പ്രതീക്ഷ. സഞ്ചാരികള് എത്തുമെന്ന പ്രതീക്ഷയില് വനം വകുപ്പും ഒരുക്കങ്ങള് ആരംഭിച്ചിട്ടുണ്ട്. നേരത്തേ നടത്തി വന്ന ഒരുക്കങ്ങള് പേമാരിയിലും പ്രളയത്തിലും ഒലിച്ചു പോയിരുന്നു. കാലാവസ്ഥ തിരിച്ചടിയായതോടെ അടച്ചിട്ടിരുന്ന ഇരവികുളം ദേശീയ ഉദ്യാനം കഴിഞ്ഞ ദിവസം തുറന്നു.
കുറിഞ്ഞിക്കാലം മുന്നില്ക്കണ്ട് തകര്ന്ന പെരിയവര പാലം എത്രയും വേഗം സഞ്ചാരയോഗ്യമാക്കുന്നതിനുള്ള പണികള് പുരോഗമിക്കുകയാണ്.
24 വിരലുകളുള്ള മകനെ ബലികഴിക്കണമെന്ന് ബന്ധുക്കളുടെ ആവശ്യത്തിനു മുന്നില് ഭയന്ന് വീടിനു പുറത്തിറങ്ങാനാകാത്ത അവസ്ഥയിലാണ് ഉത്തര്പ്രദേശിലെ ബരബങ്കി ഗ്രാമത്തിലുള്ള ഫുനിലാല് എന്ന അച്ഛന്.
12 കൈവിരലുകളും കാല്വിരലുകളുമായാണ് മകന് ജനിച്ചത്. അസാധാരണ ശാരീരിക സവിശേഷതകളുള്ള മകനെ ബലികഴിച്ചാല് കുടുംബം സാമ്പത്തികമായി അഭിവൃദ്ധിപ്പെടുമെന്നാണ് ബന്ധുക്കളില് ചിലര് പറയുന്നത്. പുറത്തിറങ്ങിയാല് മകനെ ആരെങ്കിലും കൊന്നുകളയുമോ എന്നു ഭയന്ന് ഇപ്പോള് സ്കൂളില് പോലും വിടുന്നില്ല. ഫുനിലാലും ജോലിക്കു പോകുന്നില്ല. ഇതേക്കുറിച്ച് പൊലീസില് ഇയാള് പരാതി നല്കിയിട്ടുണ്ട്.
തങ്ങള്ക്ക് പരാതി ലഭിച്ചിട്ടുണ്ടെന്നും ഫുനിലാലിന്റെ മകന്റ വിദ്യാഭ്യാസം പുനരാരംഭിക്കാന് വേണ്ട നടപടികള് സ്വീകരിക്കുമെന്നും പൊലീസ് അറിയിച്ചു.
Barabanki: Parents of a boy with 12 fingers & 12 toes claim that relatives are trying to kill their son after a ‘tantrik’ said that sacrificing a child with a disorder will make them wealthy. Father says, ‘we’ve stopped sending him to school. We have sought help from police also’ pic.twitter.com/MyltHK9vej
— ANI UP (@ANINewsUP) September 2, 2018
കെന്റക്കി: വിഷപ്പാമ്പിനെ കൈയ്യിലെടുത്ത് പ്രഭാഷണം നടത്തിയ പാസ്റ്റര് പാമ്പ് കടിയേറ്റ് ഗുരുതരാവസ്ഥയില്. അമേരിക്കയിലെ കെന്റക്കിയിലെ ക്രിസ്തു ദേവാലയത്തി വചന പ്രഘോഷണം നടത്തുന്നതിനിടയിലാണ് കോഡി കൂട്ട്സ് എന്ന പാസ്റ്റര്ക്ക് കടിയേറ്റത്. ഇദ്ദേഹത്തിന്റെ പിതാവ് സമാനരീതിയിലാണ് മരണം സംഭവിച്ചത്. അതീവ വിഷമുള്ള റാറ്റില് ഇനത്തില്പ്പെട്ട പാമ്പാണ് പാസ്റ്ററെ കടിച്ചത്. കഴുത്തില് ചുറ്റിപ്പിടിക്കാനുള്ള ശ്രമത്തിനിടയിലായാണ് പാമ്പ് കടിച്ചത്.
കെന്റക്കിയിലെ ക്രിസ്തു ദേവാലയത്തില് പാമ്പിനെ കൈയ്യിലെടുത്ത പ്രഭാഷണം നടത്തുന്ന രീതി വളരെക്കാലം മുന്പ് തന്നെ നിലനില്ക്കുന്നുണ്ട്. പാമ്പിനെ ചുംബിക്കുകയും തലോടുകയും കഴുത്തില് ചുറ്റുകയുമൊക്കെ ചെയ്യുന്നത് ഇവിടുത്ത രീതികളിലൊന്നാണ്. തീ കയ്യിലെടുത്തും, വിഷം കുടിച്ചുമുള്ള ആരാധനയും ഈ ദേവാലയത്തില് സാധാരണമാണ്. പാമ്പ് കടിയേറ്റിട്ടും പ്രസംഗം തുടര്ന്ന കോഡിയുടെ കഴുത്തില് നിന്ന് രക്തമൊഴുകുന്നത് ആളുകളുടെ ശ്രദ്ധയില്പ്പെട്ടതോടെ പ്രസംഗം നിര്ത്തിവെക്കുകയായിരുന്നു.
ക്ഷീണിതനായി കോഡിനെ ഉടന് തന്നെ ആശുപത്രിയിലെത്തിച്ചതാണ് ജീവന് രക്ഷിക്കാനായത്. രണ്ട് ദിവസത്തോളം ബോധമില്ലാതിരുന്ന പാസ്റ്റര് ആരോഗ്യം വീണ്ടെടുക്കാന് ആരംഭിച്ചതായി ഡോക്ടര്മാര് അറിയിച്ചു.
വീഡിയോ കാണാം.
മീന് വില്പനയിലൂടെ ജനശ്രദ്ധ നേടിയ ഹനാൻ സഞ്ചരിച്ചിരുന്ന കാർ കൊടുങ്ങല്ലൂരില് അപകടത്തിൽപ്പെട്ടു. നിയന്ത്രണം വിട്ട് വൈദ്യുത പോസ്റ്റിൽ ഇടിക്കുകയായിരുന്നു. അപകടത്തില് ഹനാന്പ നിസ്സാര പരിക്കുകള് ഉണ്ട്.
മീൻ വിറ്റും കച്ചവടങ്ങൾ നടത്തിയും ഈവന്റ് മാനേജ്മെന്റിന് പോയുമൊക്കെയാണ് കോളജ് പഠനത്തിനുള്ള പണം ഹനാൻ സമ്പാദിക്കുന്നത്. തൊടുപുഴയിലെ അല്അസര്കോളജിലെ വിദ്യാർഥിനിയാണ് ഹനാൻ. മൂന്നാംവര്ഷ കെമിസ്ട്രി വിദ്യാർത്ഥിനിയാണ് ഹനാൻ.
തമ്മനത്ത് സ്കൂൾ യൂണിഫോമിൽ മീൻ വിറ്റതോടെയാണ് ഹനാൻ മാധ്യമശ്രദ്ധ പിടിച്ചുപറ്റുന്നത്. ഹനാന്റെ കഷ്ടപ്പാടുകൾ വായിച്ചറിഞ്ഞ് സംവിധായകൻ അരുൺഗോപി പ്രണവ് മോഹൻലാൽ നായകനാകുന്ന ചിത്രത്തിലേക്ക് അവസരം നൽകാമെന്ന് വാഗ്ദാനം ചെയ്തിരുന്നു.
ന്യൂയോര്ക്ക്: ആപ്പിള് കമ്പനിയുടെ ഏറ്റവും പുതിയ കണ്ടുപിടിത്തമായ ഡ്രൈവറില്ലാതെ ഓടുന്ന കാര് പരീക്ഷണ ഓട്ടത്തിനിടയില് അപകടത്തില്പെട്ടു. ഓട്ടത്തിനിടയില് കാറിന്റെ പിന്നില് മറ്റൊരു കാര് വന്നിടിക്കുകയായിരുന്നു. അതീവരഹസ്യമായാണ് ആപ്പിള് സ്വയമോടുന്ന കാറിന്റെ പരീക്ഷണം നടത്തുന്നത്. എന്നാല്, അപകടമുണ്ടായത് മോട്ടോല് വാഹനവകുപ്പില് റിപ്പോര്ട്ട് ചെയ്തപ്പോഴാണ് വിവരം പുറത്തറിയുന്നത്.
കഴിഞ്ഞ ഓഗസ്റ്റ് 24നാണ് അപകടം നടന്നത്. കലിഫോര്ണിയയിലെ കുപെര്ടിനോയിലുള്ള ആപ്പിളിന്റെ ആസ്ഥാനത്തുനിന്നു പ്രധാന റോഡിലേക്കു തിരിയാന് ശ്രമിക്കുമ്പോഴാണു പിന്നില് മറ്റൊരു കാറിടിച്ചത്. തീരെ കുറഞ്ഞ സ്പീഡിലായിരുന്നു ആളില്ലാ കാര്. ആര്ക്കും പരുക്ക് പറ്റിയിട്ടില്ല.
ന്യൂസ് ഡെസ്ക്
ബിഷപ്പ് ഫ്രാങ്കോ ഉൾപ്പെട്ട പീഡനകേസിന്റെ അന്വേഷണം അട്ടിമറിക്കാൻ അണിയറ പ്രവർത്തനങ്ങൾ സജീവമാകുന്നു. ജലന്ധര് ബിഷപ്പിനെതിരായ പീഡന കേസ് അന്വേഷിക്കുന്ന സംഘത്തിന്റെ ജീവന് ഭീഷണി ഉയർത്തിയാണ് നീക്കങ്ങൾ. വൈക്കം ഡിവൈ.എസ്.പിയെ അപകടത്തില്പ്പെടുത്താന് ശ്രമമുണ്ടായി. തണ്ണീര്മുക്കം ഭാഗത്ത് വെച്ച് ഡിവൈ.എസ്.പി സഞ്ചരിച്ച വാഹനത്തിന് നേരെ അതിവേഗത്തില് ലോറി കുതിച്ചെത്തി. തലനാരിഴക്കാണ് ഡിവൈ.എസ്.പി.രക്ഷപ്പെട്ടത്. അറസ്റ്റ് ഒഴിവാക്കാന് ഭരണപക്ഷത്ത് നിന്നും അന്വേഷണ സംഘത്തിനുമേല് കടുത്ത സമ്മര്ദ്ദവും ഉയരുന്നു. അന്വേഷണ സംഘത്തിന്റെ റിപ്പോര്ട്ടുകള് ഉന്നതര് ചോര്ത്തി ബിഷപ്പിന് നല്കുന്നതായും സൂചനയുണ്ട്. കേസൊതുക്കാന് വേണ്ടി അന്വേഷണ ഉദ്യോഗസ്ഥര്ക്ക് കോടികള് വാഗ്ദ്ധാനം ചെയ്തതായും വിവരമുണ്ട്
എന്നാല് അറസ്റ്റ് വേണമെന്ന നിലപാടിലുറച്ച് നില്ക്കുകയാണ് അന്വേഷണ സംഘം. അറസ്റ്റിനായി ജലന്ധറിലേക്ക് വീണ്ടും പോകാനും ആലോചിക്കുന്നുണ്ട്. അറസ്റ്റില്ലെങ്കില് അന്വേഷണ ചുമതല ഒഴിയാനാണ് സംഘത്തിന്റെ തീരുമാനം. അദ്ദേഹത്തിന്റെ മൊഴില് ഏറെയും വാസ്തവിരുദ്ധമായ കാര്യങ്ങളാണ് ഉള്ളത്. അറസ്റ്റ് ചെയ്യാന് ആവശ്യമായ തെളിവുകളും ലഭിച്ചിട്ടുണ്ട്. ബിഷപ്പ് മഠത്തില് തങ്ങിയതിനും മറ്റു കന്യാസ്ത്രീകളുടെ മൊഴികളും നിര്ണായകമാണ്. ഈ സാഹചര്യങ്ങളില് അറസ്റ്റില് നിന്ന് പിന്നോട്ട്പോകേണ്ടെന്ന നിലപാടിലാണ് അന്വേഷണ സംഘം. 2014-16 കാലഘട്ടത്തില് നാടുകുന്നിലെ മഠത്തില്വെച്ചു 13 തവണ പീഡിപ്പിച്ചെന്നാണ് കന്യാസ്ത്രീയുടെ പരാതി.
യൂസഫലി കേച്ചേരിയുടെ വരികള്ക്ക് ബോംബെ രവി ഈണമിട്ട ചലച്ചിത്ര ഗീതമാണ് ഇത്. ചിത്രയും യേശുദാസും മാര്ക്കോസും ഈ പാട്ട് പാടിയിട്ടുണ്ട്. ആരു പാടിയാലും ആത്മീയാനുഭൂതി തരുന്ന പാട്ട്. ഫൈവ് സ്റ്റാര് ഹോസ്പിറ്റലെന്ന ചിത്രം ഒരുപാട് നല്ല പാട്ടുകളുള്ള ചിത്രമായിരുന്നു. ആ ചിത്രത്തിലൂടെ മലയാളത്തിന് സുന്ദരമായ ഒരു ക്രിസ്മസ് ഗീതവും കിട്ടി. കരുണാര്ദ്രമായ ഒരു ഗാനമാണിത്. ആയിരം മെഴുകുതിരി വെട്ടത്തില് തിളങ്ങുന്ന പള്ളിക്കുള്ളില് നിന്ന് തിരുരൂപത്തെ നോക്കി നിറകണ്ണുകളോടെ ആരോ നിന്നു പാടുന്ന ചിത്രം മനസിലേക്ക് തരുന്ന ഗാനം. കടലിന്നു മീതേ നടന്നവനെന്ന് പാടി യേശുനാഥന്റെ ജീവിത വഴികളിലേക്ക് കേഴ്വിക്കാരനെ നയിക്കുന്ന പാട്ട്. മരണസമയത്ത് മെയ് തളര്ന്ന് കിടക്കുമ്പോള് അരികില് വരണമെന്ന് പറഞ്ഞ് ആ വിശുദ്ധ ജന്മത്തോട് പച്ചയായ മനുഷ്യര് എത്രത്തോളം ചേര്ന്ന് നില്ക്കുന്നുവെന്ന് പറയുന്ന പാട്ട്. മറ്റുള്ളവരുടെ പാപങ്ങള്ക്ക് വേണ്ടി കുരിശിലേറിയ ഈശോയോട് വേദന നിറഞ്ഞ സ്വരത്തില് ഭക്തിമാത്രം തുളുമ്പുന്ന ഒരു മനസ്, ഉള്ളം തുറന്നു പാടിയ ഈ പാട്ട് കാലാതീതം തന്നെയാണ്.
കഴിഞ്ഞു പോയ കുറച്ചു ദിവസങ്ങളായി ഒരു ‘സ്നേഹ സ്വരൂപന്റെ’ മധുര സ്വരത്തിനു പിന്നാലെയായിരുന്നു സോഷ്യല് മീഡിയ. തന്റെ കുടിലിന്റെ ഓരത്ത് കുഞ്ഞിത്തോര്ത്തുമുടുത്ത് നിന്ന് അവന് മധുര സ്വരം പൊഴിക്കുകയായിരുന്നു. പ്രായത്തെ വെല്ലുന്ന ആ ശബ്ദ സൗകുമാര്യത്തിനു മുന്നില് മലയാളക്കര കണ്ണു നട്ടിരുന്ന നിമിഷങ്ങളായിരുന്നു പിന്നെ കടന്നു പോയത്. ‘വാതില് തുറക്കൂ നീ കാലമേ, കണ്ടോട്ടെ സ്നേഹ സ്വരൂപനേ’…അവന് മധുര സ്വരം മീട്ടുകയാണ്. കാതുകളില് നിന്നും ഹൃദയങ്ങളിലേക്ക് അവന്റെ ശബ്ദം പ്രവഹിച്ചതോടെ പിന്നെ അതാരാണെന്നറിയാനുള്ള ശ്രമമായി. ലൈക്കുകളും ഷെയറുകളും കൊണ്ട് ആ ‘കുഞ്ഞിക്കലാകാരനെ’ ഏവരും വാനോളം ഉയര്ത്തി. ഇപ്പോഴിതാ തിരശ്ശീലയുടെ മറ നീക്കി ആ മധുര സ്വരം പുറത്തു വന്നിരിക്കുകയാണ്. ഒരു രാപ്പകല് നീണ്ട അന്വേഷണത്തിനൊടുവില് പ്രശസ്തനാക്കിയ അതേ സോഷ്യല് മീഡിയ തന്നെ അവനെ കണ്ടെത്തി.
കാസര്കോട് വെള്ളരിക്കുണ്ട് സ്വദേശി വൈശാഖ് ആണ് ആ ഗായകന്. ചെമ്പഞ്ചേരി എഎല്പി സ്കൂളിലെ ഒന്നാംക്ലാസ് വിദ്യാര്ഥി ആ പാട്ട് വൈശാഖിന് വെറുമൊരു നേരമ്പോക്കല്ലെന്ന് അച്ഛന് രാഘവന് പറയുന്നു. ദൈവത്തോടുള്ള അവന്റെ പ്രാര്ത്ഥനയാണ് ആ വരികള് നിറയെ. ജന്മനാ ഇരു കണ്ണിനും കാഴ്ചയില്ല. ഗര്ഭാവസ്ഥയില് അമ്മയ്ക്കുണ്ടായ പ്രമേഹമാണ് വൈശാഖിന്റെ കണ്ണുകളെ ബാധിച്ചതെന്നും രാഘവന് പറഞ്ഞു. ആറു വയസ്സിനുള്ളില് വൈശാഖിന്റെ കണ്ണുകള്ക്കു രണ്ടു ശസ്ത്രക്രിയകളാണു നടത്തിയത്. ഇപ്പോള് വലതുകണ്ണിനു ചെറിയ കാഴ്ചയുണ്ടെന്നും രാഘവന് പറഞ്ഞു.
കോഴിക്കോട് മെഡിക്കല് കോളജ് ആശുപത്രിയില് വൈശാഖിനു ചികില്സ തുടരുകയാണ്. സെപ്റ്റംബര് 15നു വൈശാഖ് വീണ്ടും ശസ്ത്രക്രിയയ്ക്കു വിധേയനാകും. കാസര്കോട്ടെ ഒരു ഹോട്ടലില് ജീവനക്കാനാണ് വൈശാഖിന്റെ അച്ഛന് രാഘവന്. അമ്മ ബിന്ദു വീട്ടമ്മയാണ്. വൈശാഖിന്റെ സഹോദരിക്കും കാഴ്ചയ്ക്കു ചെറിയ പ്രശ്നമുണ്ട്. രാഘവനു ഹോട്ടലില്നിന്നു ലഭിക്കുന്ന തുച്ഛമായ വരുമാനം മാത്രമാണ് ഈ കുടുംബത്തിന്റെ ഏക ആശ്രയം. നല്ല ചികിത്സ കൊടുത്താല് ഒരു പക്ഷേ വൈശാഖിന് കാഴ്ച തിരിച്ചു കിട്ടിയേക്കാം. വൈശാഖിനെ ഹൃദയത്തിലേറ്റു വാങ്ങിയ സുമനസുകള് അവന്റെ കണ്ണില് വെളിച്ചമെത്തിക്കാനും ഒപ്പമുണ്ടാകുമെന്ന പ്രതീക്ഷയിലാണ് ഇപ്പോള് രാഘവന്.
[ot-video][/ot-video]
