ന്യൂസ് ഡെസ്ക്, മലയാളം യുകെ

അൾട്രാ പ്രോസസ്ഡ് ഫുഡ് ഉത്പന്നങ്ങൾ ഗുരുതരമായ ആരോഗ്യപ്രശ്നങ്ങൾക്ക് കാരണമാകുന്നതായുള്ള ഒട്ടേറെ ഗവേഷണ റിപ്പോർട്ടുകൾ പുറത്തു വന്നിരുന്നു. ഫ്ലേവറുകൾ, നിറങ്ങൾ, പ്രിസർവേറ്റീവുകൾ, അഡിറ്റീവുകൾ പോലുള്ള പദാർത്ഥങ്ങൾ ഉപയോഗിച്ചാണ് ഇവ നിർമ്മിക്കുന്നത്. പായ്ക്ക് ചെയ്ത ലഘുഭക്ഷണങ്ങൾ (ചിപ്‌സ്, കുക്കികൾ) , പഞ്ചസാര പാനീയങ്ങൾ (സോഡ , എനർജി ഡ്രിങ്കുകൾ) , ഇൻസ്റ്റൻസ് നൂഡിൽസ് , ശീതീകരിച്ച ഭക്ഷണങ്ങൾ, ഫാസ്റ്റ് ഫുഡ് (ബർഗറുകൾ, നഗ്ഗറ്റുകൾ ) , മധുരമുള്ള പ്രഭാതഭക്ഷണങ്ങൾ എന്നിവയെല്ലാം ഈ ഗണത്തിൽ പെടുന്നവയാണ് . അമിതമായ വണ്ണവും, പ്രമേഹം, ഹൃദയരോഗങ്ങൾ, ക്യാൻസർ , ദഹന പ്രശ്നങ്ങൾ തുടങ്ങിയ ഒട്ടനവധി ആരോഗ്യപ്രശ്നങ്ങൾക്ക് അൾട്രാ പ്രോസസ്ഡ് ഫുഡ് ഗണത്തിൽപ്പെടുന്ന ഭക്ഷണം കഴിക്കുന്നതു കൊണ്ട് ഉണ്ടാകുന്നതായാണ് ആരോഗ്യ പ്രവർത്തകർ പറയുന്നത്.

യുകെ ഗവൺമെൻറ് അൾട്രാ പ്രോസസ്ഡ് ഭക്ഷണ വിഭാഗങ്ങളുടെ ഉപയോഗം കുറയ്ക്കുന്നതിനുള്ള നടപടികളിൽ നിന്ന് പിന്നോട്ട് പോയതായുള്ള ഗുരുതരമായ ആരോപണങ്ങൾ ആണ് ഉയർന്ന് വന്നിരിക്കുന്നത്. പോഷകസമൃദ്ധമായ ഭക്ഷണ ഉത്പന്നങ്ങൾ കൂടുതൽ ആകർഷകമാകുന്നതിന് നടപടികൾ സ്വീകരിക്കുന്നതിൽ നിന്ന് സർക്കാർ പിന്നോക്കം പോയത് ലോകത്തിലെ പ്രോസസ്ഡ് ഭക്ഷണ ഉത്പാദകരുടെ ഇടപെടലുകളെ തുടർന്നാണെന്ന ഗുരുതരമായ ആരോപണം കടുത്ത രീതിയിലുള്ള രാഷ്ട്രീയ പ്രത്യാരോപണങ്ങൾക്ക് വഴിവെക്കുമെന്നാണ് കരുതപ്പെടുന്നത്. ഒക്ടോബർ മുതൽ ജങ്ക് ഫുഡുകൾ പ്രമോട്ട് ചെയ്യുന്ന പരസ്യങ്ങൾ നിയന്ത്രിക്കാൻ നിയമം നിലവിൽ വന്നിരുന്നു. നിയമം പാലിക്കാൻ സഹായിക്കുന്നതിന് ആരോഗ്യ, സാമൂഹിക പരിപാലന വകുപ്പ് ആയിരക്കണക്കിന് കടകൾ, സൂപ്പർമാർക്കറ്റുകൾ, ഓൺലൈൻ റീട്ടെയിലർമാർ, മറ്റ് ബിസിനസുകൾ എന്നിവയ്ക്ക് ഉപദേശം നൽകിയിരുന്നു.

എന്നാൽ പോഷകസമൃദ്ധമായ ഭക്ഷണം പ്രമോട്ട് ചെയ്യാനുള്ള നടപടി സ്വീകരിക്കുന്നത് വൻ മാറ്റങ്ങൾക്ക് വഴിവെക്കുമെന്നാണ് ഈ രംഗത്തെ വിദഗ്ധർ അഭിപ്രായപ്പെടുന്നത്. ഇത് ദശലക്ഷക്കണക്കിന് ആളുകളുടെ ഭക്ഷണക്രമം മെച്ചപ്പെടുത്തുന്നതിന് സഹായകരമാകുമായിരുന്നു. എന്നാൽ സർക്കാർ ബോധപൂർവ്വം പോഷകസമൃദ്ധമായ ഭക്ഷണത്തെ പ്രോത്സാഹിപ്പിക്കാനുള്ള പ്രമോഷൻ മനപ്പൂർവ്വം ഇല്ലാതാക്കിയെന്നാണ് പുറത്തുവരുന്ന വിവരങ്ങൾ സൂചിപ്പിക്കുന്നത്. ഇതിന് പിന്നിൽ നെസ്‌ലെ, മൊണ്ടെലെസ്, കൊക്കകോള, മാർസ്, യൂണിലിവർ എന്നിവയുൾപ്പെടെയുള്ള കോർപ്പറേഷനുകളെ പ്രതിനിധീകരിക്കുന്ന ഫുഡ് ആൻഡ് ഡ്രിങ്ക് ഫെഡറേഷൻ ആണെന്നാണ് ആരോപണം.

ന്യൂസ് ഡെസ്ക്, മലയാളം യുകെ

യുകെ പാസ്‌പോർട്ട് ഉടമകൾക്ക് യൂറോപ്പിലുടനീളം ഇ-ഗേറ്റുകൾ ഉപയോഗിക്കാൻ അനുവദിക്കുന്ന കരാറിൻെറ അന്തിമ തീരുമാനത്തോട് അടുത്ത് യുകെയും യൂറോപ്യൻ യൂണിയനും. ഇനി യുകെ യാത്രക്കാർക്ക് വിമാനത്താവളങ്ങളിൽ നീണ്ട ക്യൂ നിൽക്കേണ്ട ആവശ്യം വരില്ല. നിലവിൽ, ബ്രിട്ടീഷ് യാത്രക്കാർ പ്രത്യേക ക്യൂകൾ ഉപയോഗിക്കണം. എന്നാൽ ചർച്ച ചെയ്യപ്പെടുന്ന കരാർ പ്രകാരം EU, EEA പൗരന്മാർക്ക് മാത്രമായി പരിമിതപ്പെടുത്തിയിരിക്കുന്ന ഇ-ഗേറ്റുകൾ ബ്രിട്ടീഷുകാർക്കും ആക്‌സസ് ചെയ്യാൻ സാധിക്കും.

ബ്രിട്ടീഷുകാർ നേരിടുന്ന യാത്രാ കാലതാമസം ലഘൂകരിക്കുക എന്നതാണ് ഈ വികസനത്തിന്റെ ലക്ഷ്യം. ലണ്ടനിൽ നടക്കുന്ന യുകെ-ഇയു ഉച്ചകോടിക്ക് മുന്നോടിയായി നടക്കുന്ന ചർച്ചയിലാണ് വിഷയം മുന്നോട്ട് വച്ചിരിക്കുന്നത്. സുരക്ഷാ, പ്രതിരോധ കരാറിനെ കുറിച്ചും ചർച്ചകൾ നടക്കും. ബ്രെക്സിറ്റിനുശേഷം, യൂറോപ്യൻ വിമാനത്താവളങ്ങളിൽ പാസ്‌പോർട്ട് സ്റ്റാമ്പിംഗിന്റെ ആവശ്യകത കാരണം ബ്രിട്ടീഷ് യാത്രക്കാർക്ക് കൂടുതൽ സമയം ക്യൂവിൽ നിൽക്കേണ്ടതായി വരുന്നുണ്ട്. ഇ-ഗേറ്റുകൾ പൊതുവെ EU, EEA പൗരന്മാർക്കായി നീക്കിവച്ചിരിക്കുന്നതാണ് ഇതിന് കാരണം.

പോർച്ചുഗലിലെയും സ്‌പെയിനിലെയും ചില വിമാനത്താവളങ്ങളിൽ ബ്രിട്ടീഷ് പാസ്‌പോർട്ട് ഉടമകൾക്ക് ഇ-ഗേറ്റുകൾ ഉപയോഗിക്കാൻ അനുവാദം ലഭിച്ചെങ്കിലും യുകെ വിദേശകാര്യ ഓഫീസ് ഇപ്പോഴും യാത്രക്കാരോട് അവരുടെ പാസ്‌പോർട്ടുകൾ സ്റ്റാമ്പ് ചെയ്യണമെന്ന് നിർദ്ദേശിക്കുന്നു. നിലവിൽ ചർച്ചയിലിരിക്കുന്ന ഒരു കരാർ ബ്രിട്ടീഷ് യാത്രക്കാർക്ക് യൂറോപ്യൻ ഇ-ഗേറ്റുകളിലേയ്ക്ക് കൂടുതൽ പ്രവേശനം അനുവദിക്കും. സ്റ്റാമ്പിങ്ങിൻെറ ആവശ്യകത നീക്കം ചെയ്യുന്നതിലൂടെ കാത്തിരിപ്പ് സമയം കുറയും. അതേസമയം, ബ്രിട്ടീഷ് യാത്രക്കാരിൽ നിന്ന് ബയോമെട്രിക് ഡാറ്റ ആവശ്യമുള്ള ഒരു പുതിയ എൻട്രി/എക്സിറ്റ് സംവിധാനം ഒക്ടോബറിൽ അവതരിപ്പിക്കാൻ EU പദ്ധതിയിടുന്നുണ്ട്.

ന്യൂസ് ഡെസ്ക്, മലയാളം യുകെ

പ്രധാനമന്ത്രി കെയർ സ്റ്റാർമറും ആയി ബന്ധപ്പെട്ട വീടുകളിൽ ഉണ്ടായ തീപിടുത്തത്തിൽ ഒരാൾ കൂടി അറസ്റ്റിലായി. ഇയാളെ ശനിയാഴ്ച ലണ്ടൻ ലൂട്ടൺ വിമാനത്താവളത്തിൽ വെച്ചാണ് അറസ്റ്റ് ചെയ്തത്. 26 വയസ്സുള്ള ഇയാൾ നിലവിൽ പോലീസ് കസ്റ്റഡിയിൽ തുടരുകയാണ്.

പുതിയതായി അറസ്റ്റ് ചെയ്തയാളുടെ കൂടുതൽ വിവരങ്ങൾ പോലീസ് പുറത്തുവിട്ടിട്ടില്ല . ഈ സംഭവത്തിൽ കഴിഞ്ഞ ദിവസം 21കാരനായ ഒരാൾക്കെതിരെ പോലീസ് കുറ്റപത്രം സമർപ്പിച്ചിരുന്നു. ഉക്രേനിയൻ പൗരനായ റോമൻ ലാവ്‌റിനോവിച്ചിനെതിരെ വ്യാഴാഴ്ച ജീവൻ അപകടപ്പെടുത്താൻ ഉദ്ദേശിച്ച് തീയിട്ടതിനാണ് കേസെടുത്തത് . ചൊവ്വാഴ്ച പുലർച്ചെ ഇയാളെ തെക്ക് കിഴക്കൻ ലണ്ടനിലെ സിഡെൻഹാമിലെ ഒരു വിലാസത്തിൽ വെച്ച് അറസ്റ്റ് ചെയ്യുകയായിരുന്നു. പ്രതിയെ വെള്ളിയാഴ്ച വെസ്റ്റ്മിൻസ്റ്റർ മജിസ്‌ട്രേറ്റ് കോടതിയിൽ ഹാജരാക്കും. വടക്കൻ ലണ്ടനിലെ കെന്റിഷ് ടൗണിൽ ഒരു വാഹനത്തിന് തീപിടിച്ചത്, പ്രധാനമന്ത്രിയുടെ അതേ തെരുവിലെ സ്വകാര്യ വീട്ടിൽ തീപിടിച്ചത്, വടക്കുപടിഞ്ഞാറൻ ലണ്ടനിൽ അദ്ദേഹം മുമ്പ് താമസിച്ചിരുന്ന ഒരു വിലാസത്തിൽ തീപിടുത്തം നടന്നത് എന്നിങ്ങനെ മൂന്ന് സംഭവങ്ങളുമായി ബന്ധപ്പെട്ടാണ് കുറ്റങ്ങൾ ചുമത്തിയിരിക്കുന്നത്. പ്രധാനമന്ത്രിയുമായി ബന്ധപ്പെട്ട കേസായതിനാൽ തീവ്രവാദ വിരുദ്ധ പോലീസാണ് അന്വേഷണം നടത്തുന്നത്.

ന്യൂസ് ഡെസ്ക്, മലയാളം യുകെ

ഇറാനിയൻ വംശജരായ ചാരന്മാരെ കോടതിയിൽ ഹാജരാക്കി. ഇസ്രയേൽ എംബസി ലക്ഷ്യമിട്ട് ആക്രമണം നടത്താനുള്ള ഇവരുടെ പദ്ധതികളെ കുറിച്ച് നേരത്തെ തന്നെ പോലീസ് സൂചന നൽകിയിരുന്നു. എന്നാൽ പ്രതികളെ വെസ്റ്റ്മിൻസ്റ്റർ മജിസ്‌ട്രേറ്റ് കോടതിയിൽ ഹാജരാക്കിയപ്പോൾ ഇവരുടെ പ്രവർത്തനങ്ങളെ കുറിച്ചുള്ള കൂടുതൽ വിവരങ്ങൾ പുറത്തുവന്നു.

യുകെയിൽ പ്രവർത്തിക്കുന്ന പത്രപ്രവർത്തകരെ ലക്ഷ്യം വെച്ചുള്ള പ്രവർത്തനങ്ങൾ ഇവരുടെ ഭാഗത്തു നിന്ന് നടന്നതായുള്ള തെളിവുകളാണ് പോലീസ് കോടതിയിൽ സമർപ്പിച്ചിരിക്കുന്നത്. ലണ്ടൻ ആസ്ഥാനമായുള്ള ഒരു സ്വതന്ത്ര മാധ്യമ സംഘടനയായ ഇറാൻ ഇന്റർനാഷണലിൽ പ്രവർത്തിക്കുന്ന വ്യക്തിഗത പത്രപ്രവർത്തകരെ ലക്ഷ്യമിട്ടതിന് ഇവർക്കെതിരെ കുറ്റം ചുമത്തിയിട്ടുണ്ട്. ലണ്ടനിൽ നിന്നുള്ള മുസ്തഫ സെപാഹ്‌വന്ദ് (39), ഫർഹാദ് ജവാദി മനേഷ് (44), ഷാപൂർ ഖലെഹാലി ഖാനി നൂരി (55) എന്നിവരെ വെസ്റ്റ്മിൻസ്റ്റർ മജിസ്‌ട്രേറ്റ് കോടതിയിൽ ഇന്നാണ് ഹാജരാക്കിയത്.

മൂന്ന് പേരും യുകെയിൽ എത്തിയത് അനധികൃതമായാണെന്ന വിവരങ്ങളും പുറത്ത് വന്നിട്ടുണ്ട്. സെപാഹ്‌വന്ദ് 2016 ൽ ഒരു ലോറിയിൽ കയറിയാണ് യുകെയിലെത്തിയത്. മറ്റു രണ്ടുപേരും 2016 നും 2022 നും ഇടയിൽ ചെറിയ ബോട്ടുകളിൽ ആണ് യുകെയിൽ എത്തി. യുകെയിൽ അഭയം തേടിയതിനുശേഷം മൂന്നു പേരെയും രാജ്യത്ത് തുടരാൻ താൽകാലികമായി അനുവദിക്കുകയായിരുന്നു. 2024 നും ഈ വർഷത്തിനും ഇടയിൽ ദേശീയ സുരക്ഷാ നിയമപ്രകാരം കുറ്റകൃത്യങ്ങൾ ചെയ്തതിനാണ് ഇവർക്കെതിരെ കേസെടുത്തിരിക്കുന്നത്. രണ്ടാഴ്ച മുമ്പാണ് മൂന്ന് പേരെയും അറസ്റ്റ് ചെയ്തത്. നിലവിൽ ആരോപിച്ചിരിക്കുന്ന കുറ്റങ്ങളുടെ മേൽ ഒരു കുറ്റസമ്മതം പ്രതികൾ നടത്തിയിട്ടില്ലെന്നാണ് അറിയാൻ സാധിച്ചത്.

ന്യൂസ് ഡെസ്ക്, മലയാളം യുകെ

ലക്ഷക്കണക്കിന് ആളുകൾ ഈ സമയം വരെയും ഇ വിസകൾ രജിസ്റ്റർ ചെയ്തിട്ടില്ലെന്ന വാർത്തകൾ പുറത്തുവന്നു. ഇത് ഗുരുതരമായ പ്രശ്നങ്ങൾ ആണ് കുടിയേറ്റക്കാർക്ക് സൃഷ്ടിക്കുന്നത്. ഇ വിസയ്ക്കായി രജിസ്റ്റർ ചെയ്യാത്തതു മൂലം അന്തിമ സമയപരിധിക്ക് ദിവസങ്ങൾക്ക് മുമ്പ് അവരുടെ ഇമിഗ്രേഷൻ സ്റ്റാറ്റസ് തെളിയിക്കാൻ മറ്റ് രേഖകൾ ഇല്ലെന്ന സ്ഥിതിവിശേഷമാണ് ഇത്തരക്കാർക്ക് ഉണ്ടാകാൻ പോകുന്നത് .

ദശലക്ഷക്കണക്കിന് കുടിയേറ്റക്കാരുടെ കടലാസ് തിരിച്ചറിയൽ രേഖകൾ മാറ്റി ഓൺലൈൻ വിവരങ്ങൾ ആക്കി മാറ്റുന്ന പ്രക്രിയ ഹോം ഓഫീസ് ആരംഭിച്ചിരുന്നു. തിരിച്ചറിൽ രേഖകളായും വീട് വാടകയ്ക്ക് എടുക്കാനും ഉൾപ്പെടെയുള്ള വിവിധ കാര്യങ്ങൾക്കായി ഇനിമുതൽ ഓൺലൈൻ തിരിച്ചറിയൽ രേഖകളാണ് ഉപയോഗിക്കേണ്ടത്. ഹോം ഓഫീസ് ഡാറ്റ അനുസരിച്ച് 2024 അവസാനത്തോടെ അവ ആവശ്യമുള്ള ഏകദേശം 4 ദശലക്ഷം പേരിൽ 3.2 ദശലക്ഷം ആളുകൾ ഇവിസകൾക്കായി രജിസ്റ്റർ ചെയ്തിട്ടുള്ളൂ.

ഇതിനിടെ ഹോം ഓഫീസിൽ തിരിച്ചറിയൽ രേഖകൾ ലഭിക്കാനുള്ള ഓൺലൈൻ സംവിധാനത്തെ കുറിച്ച് വ്യാപകമായ പരാതികളും ഉയർന്നു വരുന്നുണ്ട്. പല സമയവും വെബ്സൈറ്റ് ലഭിക്കാറില്ലെന്നതാണ് പ്രധാനമായും ഉയർന്നു വരുന്ന പരാതി. ഏതെങ്കിലും രീതിയിൽ ഓൺലൈൻ സംവിധാനം പരാജയപ്പെടുന്ന അവസരത്തിൽ ഉപയോഗപ്പെടുത്താൻ ഉചിതമായ മറ്റൊരു സംവിധാനം വേണമെന്ന് വാദിക്കുന്ന കേസ് ഹൈക്കോടതിയിൽ നില നിൽക്കുന്നുണ്ട്. ഇ വിസകളുമായി ബന്ധപ്പെട്ട് നിരവധി പരാതികളാണ് ദിനംപ്രതി ഉയർന്ന് വരുന്നത്. വിദേശ വിമാനത്താവളങ്ങളിലെ ജീവനക്കാർ ഇവിസകൾ സ്വീകരിക്കാത്തതിനാലോ അവ ഓൺലൈനിൽ ലഭ്യമല്ലാത്തതിനാലോ പല ആളുകൾക്കും യുകെയിലേക്കുള്ള റിട്ടേൺ ഫ്ലൈറ്റുകളിൽ കയറാൻ കാലതാമസം നേരിട്ടിട്ടുണ്ട്.

കൂടുതൽ ആളുകളെ രജിസ്റ്റർ ചെയ്യിപ്പിക്കുന്നതിനായി ഹോം ഓഫീസ് ഇതിനകം രണ്ടുതവണ സമയപരിധി നീട്ടിയിട്ടുണ്ട്. ആദ്യം 2024 ഡിസംബർ 31 മുതൽ 2025 മാർച്ച് 31 വരെയും പിന്നീട് ജൂൺ 1 വരെയും ആണ് സമയപരിധി നീട്ടിയത്.

ന്യൂസ് ഡെസ്ക്, മലയാളം യുകെ

മാരകരോഗം മൂലം ആറുമാസത്തിനുള്ളിൽ മരിക്കാൻ സാധ്യത ഉള്ള മുതിർന്നവർക്ക് അസ്സിസ്റ്റഡ് ഡയിങിന് അനുമതി നൽകുന്ന ബിൽ പരിഗണിച്ച് ഇംഗ്ലണ്ടിലും വെയിൽസിലും. നിലവിൽ ഈ ബിൽ പാർലമെന്റിന്റെ പരിഗണനയിലാണ്. കഴിഞ്ഞ നവംബറിൽ ഹൗസ് ഓഫ് കോമൺസിൽ ഈ ബില്ലിൻെറ ആദ്യ ഘട്ടം പാസായി. ഇതിന് പിന്നാലെ വിശദമായ പരിശോധനയ്ക്ക് വിധേയമായ ബില്ലിൽ നിരവധി ഭേദഗതികൾ നിർദ്ദേശിക്കപ്പെട്ടിട്ടുണ്ട്. എംപിമാർക്കിടയിൽ അടുത്തിടെ നടന്ന ചർച്ചകൾക്ക് പിന്നാലെ കൂടുതൽ മാറ്റങ്ങൾക്കുള്ള സാധ്യത മുന്നോട്ട് വന്നിരിക്കുകയാണ്.

ഒരു രോഗിയുടെയും ഇഷ്ടത്തിന് വിരുദ്ധമായി ഈ പ്രക്രിയയിൽ അവരെ പങ്കെടുക്കാൻ നിർബന്ധിക്കുന്നില്ലെന്ന് ഉറപ്പാക്കണമെന്നും എംപിമാർ പറയുന്നു. ഇത് കൂടാതെ രോഗികളുമായി അസിസ്റ്റഡ് ഡൈയിംഗിനെ കുറിച്ചുള്ള ചർച്ചകൾ ആരംഭിക്കുന്നതിൽ നിന്ന് മെഡിക്കൽ ജീവനക്കാരെ വിലക്കുകയും ചെയ്യും. സമയപരിധി കഴിഞ്ഞതിനാൽ അസിസ്റ്റഡ് ഡൈയിംഗ് ബില്ലിലെ കൂടുതൽ മാറ്റങ്ങൾക്ക് വോട്ട് ചെയ്യാൻ എംപിമാർ കൂടുതൽ ചർച്ചയും വോട്ടെടുപ്പും നടത്തും. കൂടാതെ, ബിൽ അടുത്ത ഘട്ടത്തിലേക്ക് പാസാക്കണോ വേണ്ടയോ എന്നതിനെ കുറിച്ചുള്ള അന്തിമ വോട്ടെടുപ്പ് അതേ ദിവസമോ അതിനു ശേഷമോ നടക്കും.

മെഡിക്കൽ പ്രൊഫഷണലോ ആരോഗ്യ വിദഗ്ദ്ധനോ ദയാവധത്തിൽ പങ്കെടുക്കാൻ ബാധ്യതയില്ലെന്ന് യഥാർത്ഥ ബില്ലിൽ പറയുന്നു. ലേബർ എംപി കിം ലീഡ്ബീറ്റർ നിർദ്ദേശിച്ചതും എംപിമാർ അംഗീകരിച്ചതുമായ ഒരു ഭേദഗതിയിൽ ഈ സംരക്ഷണ പ്രക്രിയയിൽ ഉൾപ്പെട്ടിരിക്കുന്ന എല്ലാ ജീവനക്കാരെയും ഉൾപ്പെടുത്തി വിപുലീകരിച്ചു. അതായത് ഇതിൽ സാമൂഹിക പരിപാലന പ്രവർത്തകർ ഫാർമസിസ്റ്റുകൾ എന്നിവരെയും ഉൾപ്പെടുത്തി. ലേബർ എംപി കിം ലീഡ്‌ബീറ്റർ, പ്രിയപ്പെട്ടവരെ നഷ്ടപ്പെടുമ്പോൾ നിരവധി കുടുംബങ്ങൾ നേരിടുന്ന ആഘാതം എടുത്തുകാണിച്ചു. എന്നിരുന്നാലും, ബിൽ തിടുക്കത്തിൽ അവതരിപ്പിച്ചതാണെന്നും ദുർബലരായ വ്യക്തികൾക്ക് മതിയായ സംരക്ഷണം ഇല്ലെന്നും വിമർശകർ ആശങ്ക പ്രകടിപ്പിച്ചു. കൺസർവേറ്റീവ് എംപി റെബേക്ക പോൾ, അസിസ്റ്റഡ് ഡൈയിംഗ് അവതരിപ്പിക്കുന്നതിനു പകരം ജീവിതാവസാന പരിചരണം മെച്ചപ്പെടുത്തേണ്ടതിന്റെ ആവശ്യകത ചൂണ്ടിക്കാട്ടി.

ന്യൂസ് ഡെസ്ക്, മലയാളം യുകെ

നോർത്ത് വെസ്റ്റ് ലണ്ടനിൽ രണ്ട് പൂച്ച കുട്ടികളുടെ മരണവുമായി ബന്ധപ്പെട്ട് രണ്ട് കൗമാരക്കാർ അറസ്റ്റിലായി. മൃഗങ്ങളോടുള്ള ക്രൂരത ആരോപിച്ചാണ് 16 വയസ്സുള്ള ആൺകുട്ടിയെയും 15 വയസ്സുള്ള പെൺകുട്ടിയെയും അറസ്റ്റ് ചെയ്തത്.

അറസ്റ്റിലായ കുട്ടികൾ ഇപ്പോഴും കസ്റ്റഡിയിൽ തുടരുകയാണെന്ന് പോലീസ് അറിയിച്ചു. സംഭവത്തെ കുറിച്ചുള്ള തങ്ങളുടെ അന്വേഷണത്തിൽ സഹായിച്ച എല്ലാവർക്കും നന്ദി പറയുന്നതായി മെറ്റ് പോലീസ് ഒരു പ്രസ്താവനയിൽ പറഞ്ഞു. ഇക്കൻഹാം റോഡിൽ രണ്ട് കൗമാരക്കാർ രണ്ട് പൂച്ചക്കുട്ടികളെ അംഗഭംഗം വരുത്തിയതായി ആരോപിച്ച് പൊതുജനങ്ങളിൽ നിന്ന് ഒരു റിപ്പോർട്ട് ലഭിച്ചതായി പോലീസ് മുമ്പ് പറഞ്ഞിരുന്നു. ആയുധങ്ങൾ ഉപയോഗിച്ച് മൃഗങ്ങൾക്ക് നേരെയുള്ള ആക്രമണങ്ങൾ വർദ്ധിച്ചുവരുന്ന റിപ്പോർട്ട് കിട്ടിയിട്ടുണ്ടെന്ന് സേന പറഞ്ഞു. മൃഗങ്ങൾക്കെതിരെയുള്ള ക്രൂരതയെ കുറിച്ച് അവബോധം വളർത്തുന്നതിനും ആക്രമണങ്ങളെ കുറിച്ച് കുട്ടികളോട് സംസാരിക്കാൻ മാതാപിതാക്കളോട് ആവശ്യപ്പെടുന്നതിനുമായി പോലീസ് പ്രാദേശിക സ്കൂളുകൾ വഴി രക്ഷിതാക്കൾക്ക് കത്തെഴുതിയിട്ടുണ്ട്.

ന്യൂസ് ഡെസ്ക്, മലയാളം യുകെ

യുകെയിൽ ദശലക്ഷക്കണക്കിന് ആളുകൾ സാമ്പത്തികമായി പുറകിലാണെന്ന റിപ്പോർട്ടുകൾ പുറത്തുവന്നു. മുതിർന്നവരുടെ കാര്യമെടുത്താൽ പത്തു പേരിൽ ഒരാൾ സാമ്പത്തികമായി നീക്കിയിരിപ്പ് ഒന്നുമില്ലാത്തവരാണ്. ഈ സാഹചര്യം പലരെയും സാമ്പത്തികമായി പ്രതിസന്ധിയിലാക്കുന്നതായി ഫിനാൻഷ്യൽ കണ്ടക്ട് അതോറിറ്റിയുടെ (എഫ്‌സി‌എ) ഫിനാൻഷ്യൽ ലൈവ്സ് സർവേയിൽ പറയുന്നു.

കടബാധ്യത പലരെയും ശാരീരിക ദുരിതത്തിലാക്കുന്നതായും കണ്ടെത്തിയിട്ടുണ്ട്. കടബാധ്യത ഉള്ളവരുടെ ഉത്കണ്ഠയും സമ്മർദ്ദവും കടുത്ത തോതിലാണെന്നും റിപ്പോർട്ടിൽ പറയുന്നുണ്ട്. എഫ്‌സി‌എയുടെ ഫിനാൻഷ്യൽ ലൈവ്സ് സർവേ രാജ്യത്തിന്റെ സാമ്പത്തിക സ്ഥിതിയുടെ ഒരു മാനദണ്ഡമാണ്. ഏകദേശം 18, 000 ആളുകളോട് അവർ എങ്ങനെ പണം വിനിയോഗിക്കുന്നു എന്നതിനെ കുറിച്ച് വിവരങ്ങൾ ശേഖരിച്ചാണ് കാര്യങ്ങൾ വിശകലനം ചെയ്തിരിക്കുന്നത്.

യുകെയിലെ മുതിർന്ന ജനസംഖ്യയുടെ നാലിലൊന്ന് വരുന്ന 13 ദശലക്ഷം ആളുകൾക്ക് സാമ്പത്തിക പ്രതിരോധശേഷി കുറവാണെന്ന് കണ്ടെത്തലുകൾ സൂചിപ്പിക്കുന്നു. ഈ വിഭാഗത്തിൽപ്പെട്ട ആളുകൾക്ക് കൈകാര്യം ചെയ്യാൻ സാധിക്കുന്നതിനുമപ്പുറം കടബാധ്യത ഉണ്ടെന്നാണ് കണ്ടെത്തിയിരിക്കുന്നത്. അതുകൊണ്ടു തന്നെ ഇവരുടെ ഭാഗത്തു നിന്നും തുടർച്ചയായി ബിൽ പേയ്മെൻ്റുകൾ മുടങ്ങാനുള്ള സാഹചര്യവും ഉണ്ട്. ആകെ 2.8 ദശലക്ഷം ആളുകൾക്ക് സ്ഥിരമായ ക്രെഡിറ്റ് കാർഡ് കടമുണ്ട്. പലർക്കും കടുത്ത രീതിയിൽ സാമ്പത്തിക ബുദ്ധിമുട്ടുകൾ അനുഭവപ്പെടുന്നുണ്ടെന്ന് ഞങ്ങളുടെ ഡാറ്റ കാണിക്കുന്നതായി എഫ്‌സി‌എയിൽ നിന്നുള്ള സാറാ പ്രിച്ചാർഡ് പറഞ്ഞു.

ന്യൂസ് ഡെസ്ക്, മലയാളം യുകെ

പുതിയ കുടിയേറ്റ നയത്തിനായുള്ള ധവളപത്രം പുറത്തിറക്കിയ സാഹചര്യത്തിൽ യുകെയിൽ വിദ്യാർത്ഥി വിസയിൽ വന്ന ഒരു വ്യക്തിയുടെ കുറിപ്പുകളാണ് വാർത്തകൾ സ്ഥാനം പിടിച്ചിരിക്കുന്നത്. യുകെ ഗ്രാജുവേറ്റ് വിസ വൻ തട്ടിപ്പാണെന്ന് ലണ്ടൻ സ്കൂൾ ഓഫ് ഇക്കണോമിക്സ് (എൽഎസ്ഇ) ഗവേഷക വിദ്യാർത്ഥിയാണ് വിളിച്ചു പറഞ്ഞിരിക്കുന്നത് . സത്യസന്ധവും വൈകാരികവുമായ ലിങ്ക്ഡ് ഇൻ പോസ്റ്റ് ഓൺലൈനിൽ തരംഗം സൃഷ്ടിക്കുകയാണ്. ഇത് യുകെ ഗ്രാജുവേറ്റ് വിസകളെ കുറിച്ച് വൻ ചർച്ചകൾക്കാണ് വഴി വച്ചിരിക്കുന്നത്. യുകെ സമ്പദ് വ്യവസ്ഥയെ ഉത്തേജിപ്പിക്കുന്നതിന് നിങ്ങളുടെ സമയവും ഊർജ്ജവും പണവും വെറുതെ പാഴാക്കരുതെന്നാണ് ഗവേഷക വിദ്യാർഥി സമൂഹമാധ്യമങ്ങളിൽ കുറിച്ചത്. സ്പോൺസർഷിപ്പ് ലഭിച്ചാലും പി ആർ ലഭിക്കാൻ അടുത്ത പത്ത് വർഷം കഴിയണമെന്ന ധവള പത്രത്തിൽ നിർദ്ദേശത്തെ കുറിച്ചും പോസ്റ്റിൽ പരാമർശിച്ചിട്ടുണ്ട് . വിദ്യാർത്ഥികളെ അനുകൂലിച്ച് ലക്ഷങ്ങൾ മുടക്കി പഠിക്കാനായി യുകെയിലെത്തിയവരെ പെരുവഴിയിലാക്കുന്ന സർക്കാർ സമീപനത്തെ വിമർശിച്ച് നിരവധി പേരാണ് കമൻറ് ചെയ്തിരിക്കുന്നത്.

വിദ്യാർത്ഥി വിസയിൽ യുകെയിൽ എത്തിയവർ നേരിടുന്നത് കനത്ത തിരിച്ചടിയാണെന്ന റിപ്പോർട്ടുകൾ ആണ് പുറത്ത് വന്നുകൊണ്ടിരിക്കുന്നത് . ഗ്രാജുവേറ്റ് റൂട്ട് വിസയുടെ ദൈർഘ്യം രണ്ട് വർഷത്തിൽ നിന്ന് 18 മാസമായി കുറയ്ക്കുക എന്ന തീരുമാനം ധവള പത്രത്തിലെ പ്രധാന നിർദ്ദേശമാണ്. ഇതിനു പുറമെ സർവകലാശാലകളിൽ ചേരുന്ന ഓരോ വിദ്യാർത്ഥിയ്ക്കും ലെവി ഏർപ്പെടുത്താനും സർക്കാർ ആലോചിക്കുന്നു. ഇതിനോട് അനുബന്ധിച്ചുള്ള അന്തിമ തീരുമാനങ്ങൾ ശരത്കാല ബഡ്ജറ്റിൽ ഉണ്ടാകുമെന്നാണ് പ്രതീക്ഷിക്കുന്നത്. അന്താരാഷ്ട്ര വിദ്യാർത്ഥികൾക്ക് തൊഴിൽ നൽകുന്ന സ്ഥാപനങ്ങളെ വരിഞ്ഞു മുറുക്കാനും സർക്കാർ നടപടികൾ സ്വീകരിക്കുന്നുണ്ട് . അന്താരാഷ്ട്ര വിദ്യാർഥികളെ സ്പോൺസർ ചെയ്യുന്ന സ്ഥാപനങ്ങളുടെ ആനുവൽ ബേസിക് കംപ്ലൈൻസ് അസസ്മെൻറ് (BCA) പരുധി ഉയർത്തുവാനും സർക്കാർ ആലോചിക്കുന്നുണ്ട്. അതായത് മോശം പ്രകടനം നടത്തുന്ന വിദ്യാഭ്യാസ സ്ഥാപനങ്ങൾക്ക് കുട്ടികളുടെ എണ്ണത്തിൽ കുറവ് വരുത്താനുള്ള നടപടി സർക്കാർ സ്വീകരിക്കും.

മെയ് 12 തിങ്കളാഴ്ച ആണ് യുകെ സർക്കാർ കുടിയേറ്റം കുറയ്ക്കുന്നതിനുള്ള ധവളപത്രം പുറത്തിറക്കിയത് . പുതിയ നയങ്ങൾ മൂലം എൻഎച്ച്എസ് ഉൾപ്പെടെയുള്ള ആരോഗ്യ മേഖലയിൽ പ്രവർത്തിക്കുന്ന ജീവനക്കാരുടെ കാര്യത്തിൽ കാര്യമായ മാറ്റം ഉണ്ടാകില്ലെന്നത് കഴിഞ്ഞദിവസം മലയാളം യുകെ ന്യൂസ് റിപ്പോർട്ട് ചെയ്തിരുന്നു. യുകെ മലയാളികളിൽ ഭൂരിഭാഗവും എൻഎച്ച്എസിൽ ആണ് ജോലി ചെയ്യുന്നത്. എൻഎച്ച്എസിലും സ്വകാര്യ ആരോഗ്യ മേഖലയിലും ജോലി ചെയ്യുന്നവരെ പുതിയ നയങ്ങളിൽ നിന്ന് ഒഴിവാക്കാനാണ് സാധ്യത കൂടുതൽ എന്നാണ് ഈ രംഗത്തെ വിദഗ്ധർ അഭിപ്രായപ്പെടുന്നത്. നേഴ്സിംഗ് മേഖലയിൽ ജോലി ചെയ്യുന്ന തദ്ദേശീയരായ ജീവനക്കാരുടെ എണ്ണത്തിലെ കുറവാണ് ഇതിന് പ്രധാന കാരണമായി ചൂണ്ടി കാണിക്കപ്പെടുന്നത്. തദേശീയരായ ഉദ്യോഗാർത്ഥികൾക്ക് പരമാവധി ജോലി ലഭിക്കുന്നതിന് വഴിയൊരുക്കുന്നതിലൂടെ കുടിയേറ്റം കുറയ്ക്കുവാനാണ് സർക്കാർ ലക്ഷ്യമിടുന്നത്. ആരോഗ്യമേഖലയിൽ മിക്ക ജോലികളിലും വിദഗ്ധരായ തദ്ദേശീയരുടെ അഭാവം മൂലം ഈ നയം നടപ്പിലാക്കുന്നത് സർക്കാരിന് കടുത്ത വെല്ലുവിളി സൃഷ്ടിക്കും.

ധവള പത്രത്തിൽ പ്രതിപാദിച്ചിരിക്കുന്നതു പോലെ കുടിയേറ്റ നയം കെയർ മേഖലയിലും നടപ്പിലാക്കുന്നത് പ്രായോഗികതലത്തിൽ ബുദ്ധിമുട്ട് സൃഷ്ടിക്കും എന്നാണ് പൊതുവെ ഉയർന്ന് വരുന്ന അഭിപ്രായം. ഈ മേഖലയിലെ വിദഗ്ധരായ തദ്ദേശീയരായ തൊഴിലാളികളുടെ അഭാവമാണ് ഇതിന് പ്രധാന കാരണമായി ചൂണ്ടി കാണിക്കപ്പെടുന്നത്. കുറഞ്ഞ ശമ്പളമുള്ള കെയർ മേഖലയിൽ ജോലി ചെയ്യാൻ തദ്ദേശീയരായ തൊഴിലാളികൾ വച്ചു പുലർത്തുന്ന താല്പര്യ കുറവും മറ്റൊരു കാരണമാണ്. ധവളപത്രം പുറത്തിറക്കി അധികം താമസിയാതെ തന്നെ കെയർ മേഖലയിൽ കനത്ത പ്രതിസന്ധിയുണ്ടാകുമെന്ന അഭിപ്രായം ഈ രംഗത്ത് പ്രവർത്തിക്കുന്നവർ ഉയർത്തിയിരുന്നു.

എന്നാൽ വിദ്യാർത്ഥി വിസയിൽ യുകെയിൽ എത്തിയവർ നേരിടുന്നത് കനത്ത തിരിച്ചടിയാണെന്ന റിപ്പോർട്ടുകൾ ആണ് പുറത്ത് വന്നുകൊണ്ടിരിക്കുന്നത് . ഗ്രാജുവേറ്റ് റൂട്ട് വിസയുടെ ദൈർഘ്യം രണ്ട് വർഷത്തിൽ നിന്ന് 18 മാസമായി കുറയ്ക്കുക എന്ന തീരുമാനം ധവള പത്രത്തിലെ പ്രധാന നിർദ്ദേശമാണ്. ഇതിനു പുറമെ സർവകലാശാലകളിൽ ചേരുന്ന ഓരോ വിദ്യാർത്ഥിയ്ക്കും ലെവി ഏർപ്പെടുത്താനും സർക്കാർ ആലോചിക്കുന്നു. ഇതിനോട് അനുബന്ധിച്ചുള്ള അന്തിമ തീരുമാനങ്ങൾ ശരത്കാല ബഡ്ജറ്റിൽ ഉണ്ടാകുമെന്നാണ് പ്രതീക്ഷിക്കുന്നത്. അന്താരാഷ്ട്ര വിദ്യാർത്ഥികൾക്ക് തൊഴിൽ നൽകുന്ന സ്ഥാപനങ്ങളെ വരിഞ്ഞു മുറുക്കാനും സർക്കാർ നടപടികൾ സ്വീകരിക്കുന്നുണ്ട് . അന്താരാഷ്ട്ര വിദ്യാർഥികളെ സ്പോൺസർ ചെയ്യുന്ന സ്ഥാപനങ്ങളുടെ ആനുവൽ ബേസിക് കംപ്ലൈൻസ് അസസ്മെൻറ് (BCA) പരുധി ഉയർത്തുവാനും സർക്കാർ ആലോചിക്കുന്നുണ്ട്. അതായത് മോശം പ്രകടനം നടത്തുന്ന വിദ്യാഭ്യാസ സ്ഥാപനങ്ങൾക്ക് കുട്ടികളുടെ എണ്ണത്തിൽ കുറവ് വരുത്താനുള്ള നടപടി സർക്കാർ സ്വീകരിക്കും.

ന്യൂസ് ഡെസ്ക്, മലയാളം യുകെ

പ്രധാനമന്ത്രി കെയർ സ്റ്റാർമറുമായി ബന്ധപ്പെട്ട വസതികൾക്ക് തീയിട്ട സംഭവത്തിൽ ഒരാൾക്കെതിരെ പോലീസ് കുറ്റപത്രം സമർപ്പിച്ചു. 21 വയസ്സുകാരനായ യുവാവിനെതിരെയാണ് കുറ്റം ചുമത്തിയിരിക്കുന്നത് എന്ന് മെട്രോപോളിറ്റൻ പോലീസ് പറഞ്ഞു. ഉക്രേനിയൻ പൗരനായ റോമൻ ലാവ്‌റിനോവിച്ചിനെതിരെ വ്യാഴാഴ്ച ജീവൻ അപകടപ്പെടുത്താൻ ഉദ്ദേശിച്ച് തീയിട്ടതിനാണ് കേസെടുത്തത് .

ചൊവ്വാഴ്ച പുലർച്ചെ ഇയാളെ തെക്ക് കിഴക്കൻ ലണ്ടനിലെ സിഡെൻഹാമിലെ ഒരു വിലാസത്തിൽ വെച്ച് അറസ്റ്റ് ചെയ്യുകയായിരുന്നു. പ്രതിയെ വെള്ളിയാഴ്ച വെസ്റ്റ്മിൻസ്റ്റർ മജിസ്‌ട്രേറ്റ് കോടതിയിൽ ഹാജരാക്കും. വടക്കൻ ലണ്ടനിലെ കെന്റിഷ് ടൗണിൽ ഒരു വാഹനത്തിന് തീപിടിച്ചത്, പ്രധാനമന്ത്രിയുടെ അതേ തെരുവിലെ സ്വകാര്യ വീട്ടിൽ തീപിടിച്ചത്, വടക്കുപടിഞ്ഞാറൻ ലണ്ടനിൽ അദ്ദേഹം മുമ്പ് താമസിച്ചിരുന്ന ഒരു വിലാസത്തിൽ തീപിടുത്തം നടന്നത് എന്നിങ്ങനെ മൂന്ന് സംഭവങ്ങളുമായി ബന്ധപ്പെട്ടാണ് കുറ്റങ്ങൾ ചുമത്തിയിരിക്കുന്നത്. പ്രധാനമന്ത്രിയുമായി ബന്ധപ്പെട്ട കേസായതിനാൽ തീവ്രവാദ വിരുദ്ധ പോലീസാണ് അന്വേഷണം നടത്തുന്നത്.

തിങ്കളാഴ്ച പുലർച്ചെ വടക്കൻ ലണ്ടനിലെ കെന്റിഷ് ടൗണിലുള്ള പ്രധാനമന്ത്രിയുടെ സ്വകാര്യ വീട്ടിൽ ഉണ്ടായ തീപിടുത്തത്തിൽ അടിയന്തിര സേവനങ്ങളെ വിളിച്ചിരുന്നു . വീടിൻറെ പ്രവേശന കവാടത്തിന് കേടുപാടുകൾ സംഭവിച്ചെങ്കിലും ആർക്കും പരിക്കില്ലെന്ന് മെട്രോപൊളിറ്റൻ പോലീസ് പറഞ്ഞു. ഞായറാഴ്ചയും സമാനമായ ഒരു സംഭവം നടന്നിരുന്നു. രാവിലെ മൂന്ന് മണിക്ക് ഇസ്ലിംഗ്ടണിൽ ഫ്ലാറ്റുകളായി മാറ്റിയ ഒരു വീടിന്റെ മുൻവാതിലിൽ ഉണ്ടായ ചെറിയ തീപിടുത്തത്തിൽ അടിയന്തിര സേവനങ്ങളെ വിളിച്ചു. ഇതും പ്രധാനമന്ത്രിയുമായി ബന്ധപ്പെട്ട സ്ഥലമാണ്.