ഫാ. ഹാപ്പി ജേക്കബ്
ജിവിത വിശുദ്ധിയുടെ പടവുകള്‍ തേടി ഒരു തീര്‍ത്ഥയാത്ര നാം ആരംഭിക്കുകയാണ്. കാരണങ്ങള്‍ ധാരാളം മനസില്‍ ഉള്‍കൊണ്ടുകൊണ്ടാണ് നമ്മില്‍ പലരും ഈ യാത്രയില്‍ പങ്കുകാരാവുന്നത്. എന്നാല്‍ ആന്തരിക വിശുദ്ധി അതിന്റെ പാരമൃത്തില്‍ എത്തി നമ്മുടെ ജീവദാതാവോടൊപ്പം സമന്വയപ്പെടുക എന്നതാവട്ടെ നോമ്പിന്റെ അത്യന്തിക ലക്ഷ്യം. മറ്റൊരു കാര്യം കൂടി പ്രസ്താവിക്കട്ടെ. നോമ്പ് നോറ്റ് രൂപാന്തരം നേടുക എന്നാണ് പലരും ലക്ഷ്യമായി കാണുന്നത്. എന്നാല്‍ അങ്ങനെയല്ല! നോമ്പിന്റെ ആരംഭദിനം തന്നെ രൂപാന്തരണം നാം നേടിയിരിക്കണം. അതിനാലാണ് നോമ്പിന്റെ പ്രാര്‍ത്ഥന ആരംഭിക്കുമ്പോള്‍ തന്നെ നിരപ്പിന്റേയും സമാധാനത്തിന്റേയും പ്രതീകമായി ക്ഷമ യാചിച്ചുകൊണ്ട് ആരംഭിക്കുന്നത്. കാലികമായി നാം നോക്കുമ്പോള്‍ ഇത് എഴുതുന്ന സമയം വന്ന വാര്‍ത്ത തന്നെ നാം പ്രചോദനമായി കാണുകയാണ്. യുദ്ധ തടവുകാരനായി പിടിക്കപ്പെട്ട യോദ്ധാവിനെ ആദരിച്ച് മാതൃരാജ്യത്തിന് നല്‍കി സമാധാനത്തിന്റെയും ക്ഷമയുടെയും ഒരു തിരി കൊളുത്തിയ വാര്‍ത്ത. ഇന്ന് നമ്മുടെ ഭവനത്തിലുള്ള ആളുകളോട് നമുക്ക് ക്ഷമിക്കാം, ക്ഷമ ചോദിക്കാം. വി. മത്തായി 5:23. ആകയാല്‍ നിന്റെ വഴിപാട് യാഗപീഠത്തിങ്കല്‍ കൊണ്ട് വരുമ്പോള്‍ സഹോദരന് നിന്റെ നേരെ വലതും ഉണ്ടെന്ന് അവിടെ വെച്ച് ഓര്‍മ്മ വന്നാല്‍ നിന്റെ വഴിപാട് അവിടെ വെച്ചേച്ച്, ഒന്നാമത് ചെന്ന് സഹോദരനോട് നിരന്ന് കൊള്ളുക. പിന്നെ വന്ന് നിന്റെ വഴിപാട് കഴിക്ക.
രൂപാന്തരീകരണത്തിന്റെ ഏറ്റവും ഉദാത്തമായ വേദരാഗമാണ് വി. യോഹന്നാന്‍ 2: 1-11 വരെയുള്ള ഭാഗങ്ങളില്‍ നാം വായിക്കുന്നത്. യേശു ഇത് അടയാളങ്ങളുടെ ആരംഭമായി ഗലീലയിലെ കാനാവില്‍ വെച്ച് ചെയ്ത് തന്റെ മഹത്വം വെളിപ്പെടുത്തി.
പ്രിയ സഹോദരങ്ങളെ, ഭക്ഷണ പദാര്‍ത്ഥങ്ങള്‍ വെടിഞ്ഞാല്‍ അത് നോമ്പാവില്ല. ഒരുക്കത്തോടെ നിശ്ചയദാര്‍ഢ്യത്തോടെ വിശുദ്ധിയോടെ ഈ നോമ്പിനെ വരവേല്‍ക്കാം. കര്‍ത്താവ് നാല്‍പ്പത് ദിവസം നോമ്പെടുത്തപ്പോള്‍ പിശാച് അങ്ങനെ പരീക്ഷിക്കുവാന്‍ വന്നു. ബലഹീനരായ നാം തീരുമാനം എടുക്കുമ്പോള്‍ തന്നെ പരീക്ഷണങ്ങളും കടന്നുവരും. പ്രലോഭനങ്ങള്‍ വരും, അതിനാല്‍ നാം മനസിലാക്കുക, ഈ നോമ്പ് ഒരു യുദ്ധമാണ്. സാത്താനെതിരെയുള്ള യുദ്ധം! തോറ്റു പോകാതെ നിലനില്‍ക്കണമെങ്കില്‍ നാല് കാര്യങ്ങള്‍ പരിശീലിക്കുക. ഒന്ന് വി. വചനം നിശ്ചയമായും ദിവസേന വായിച്ച് ധ്യാനിക്കുക. രണ്ട്. കുമ്പിട്ട് നമസ്‌കരിക്കുക, മൂന്ന് ഉപവസിക്കുക, നാല് ദാന ധര്‍മ്മങ്ങള്‍ ചെയ്യുക.
വിരുന്ന് ശാലയിലുള്ള കുറവ് പരിഹരിക്കേണ്ടതുണ്ട്. ഇത് നമ്മെ തന്നെ പ്രതിധാനം ചെയ്യുന്നു. വെള്ളത്തിന്റെ ഗുണങ്ങളില്‍ നിന്ന് മേല്‍ത്തരം വീഞ്ഞിന്റെ ഭാവമായി നാം മാറണം. അപ്പോഴും നോമ്പിന്റെ ആരംഭം തന്നെ മാറ്റത്തിന്റെ അനുഭവം നമുക്ക് നല്‍കട്ടെ. അന്യ വിചാരങ്ങളെ വെടിഞ്ഞ് ആത്മീയ കാര്യങ്ങളില്‍ തൃപ്തി നേടുക. ഭക്ഷണത്തില്‍ ക്രമീകരണം ചെയ്ത് ശരീരത്തെ ശോഷിപ്പിച്ച് ആത്മീയ ബലം നേടുക. സമാധാനത്തോടെ ഈ നോമ്പ് അനുഗ്രഹത്തിന്റെ ദിനങ്ങള്‍ നമുക്ക് നല്‍കട്ടെയെന്ന പ്രാര്‍ത്ഥനയോടെ നമുക്ക് ഒരുമിച്ച് നോമ്പിനെ സ്വീകരിക്കാനായി ഒരുങ്ങാം.
ശുദ്ധമുള്ള നോമ്പേ സമാധാനത്താലെ വരിക.
സ്റ്റീവനേജ്: ഗ്രേറ്റ് ബ്രിട്ടണ്‍ രൂപതയുടെ അഭിവന്ദ്യ അദ്ധ്യക്ഷന്‍ മാര്‍ ജോസഫ് സ്രാമ്പിക്കല്‍ ഇന്ന് സ്റ്റീവനേജില്‍ വിശുദ്ധ ബലി അര്‍പ്പിച്ചു സന്ദേശം നല്‍കുന്നതാണ്. പ്രശസ്ത ധ്യാനഗുരു ഫാ.ആന്റണി പറങ്കിമാലില്‍ നയിക്കുന്ന ത്രിദിന ധ്യാനത്തിന്റെ സമാപന ശുശ്രുഷയായാണ് കുര്‍ബ്ബാന അര്‍പ്പിക്കുന്നത്. ഫാ. ഫാന്‍സുവ പത്തില്‍, ഫാ.ആന്റണി എന്നിവര്‍ സഹകാര്‍മികത്വം വഹിക്കും.
ഫാ.ആന്റണി പറങ്കിമാലില്‍ സ്റ്റീവനേജില്‍ നടത്തിപ്പോരുന്ന ത്രിദിന ധ്യാനം ഇന്ന് സമാപിക്കും. ആത്മീയ ചൈതന്യം വിതച്ച തിരുവചന ശുശ്രുഷ വലിയ നോമ്പിലൂടെയുള്ള വിശുദ്ധ തീര്‍ത്ഥയാത്രയില്‍ സഭാ മക്കള്‍ക്ക് അനുഗ്രഹദായകമായി.
‘പാപം മറച്ചുവെക്കുന്നവര്‍ക്ക് അഭിവൃദ്ധിയുണ്ടാവില്ലെന്നും, നമ്മെ നാശത്തിലേക്കാണത് നയിക്കുന്നതെന്നും, തടസ്സപ്പെട്ട ദൈവ കൃപയുടെ അനുഗ്രഹ വര്‍ഷത്തിനായി കുമ്പസാരം അനിവാര്യമാണെന്നും അത് നമ്മെ ശക്തമായ നിലയില്‍ പടുത്തുയര്‍ത്തുമെന്നും’ ആന്റണി അച്ചന്‍ ഓര്‍മ്മിപ്പിച്ചു.
‘മാതാപിതാക്കളുടെ ശരിയായ കുമ്പസാരം കുട്ടികള്‍ക്ക് മാനസാന്തരത്തിനും അനുഗ്രഹങ്ങള്‍ക്കും ഇടയാക്കും. ഏറ്റവും വലിയ നിധിയായ ക്ഷമയും സ്‌നേഹവും കാത്തു സംരക്ഷിക്കപ്പെടണം എന്നും അത് സ്വര്‍ഗ്ഗരാജ്യത്തിലേക്കുള്ള പ്രവേശന താക്കോല്‍ കൂടി ആണെന്നും’ പറങ്കിമാലില്‍ അച്ചന്‍ പറഞ്ഞു.
സ്റ്റീവനേജ്, ലൂട്ടന്‍, വെയര്‍ തുടങ്ങിയ സ്ഥലങ്ങളില്‍ നിന്നുമുള്ള സീറോ മലബാര്‍ വിശ്വാസി സമൂഹമാണ് ധ്യാനത്തില്‍ മുഖ്യമായി പങ്കു ചേരുന്നത്. ഇന്ന് സമാപന ധ്യാന ശുശ്രുഷ ഉച്ചക്ക് ഒരു മണിക്ക് സെന്റ് ഹില്‍ഡാ ദേവാലയത്തില്‍ ആരംഭിക്കും. വൈകുന്നേരം അഞ്ചരക്ക് ആഘോഷമായ വിശുദ്ധ കുര്‍ബ്ബാനയും ആരാധനയും തുടര്‍ന്ന് സമാപന ആശീര്‍വാദത്തോടെ ത്രിദിന ധ്യാന ശുശ്രുഷകള്‍ സമാപിക്കും.
പ്രീസ്റ്റ് ഇന്‍ ചാര്‍ജ്ജ് ഫാ.സെബാസ്റ്റ്യന്‍ ചാമക്കാല കുമ്പസാര ശുശ്രുഷക്കു നേതൃത്വം വഹിക്കും. പള്ളിക്കമ്മിറ്റി ഏവരെയും സ്‌നേഹപൂര്‍വ്വം ഈ അനുഗ്രഹീത ശുശ്രുഷയിലേക്കു സ്വാഗതം ചെയ്യുന്നു.
കൂടുതല്‍ വിവരങ്ങള്‍ക്ക് ബന്ധപ്പെടുക.
സാംസണ്‍: 07462921022,
മെല്‍വിന്‍: 07456281428,
ജോസ് (ലൂട്ടന്‍): 07888754583
പള്ളിയുടെ വിലാസം:
ST. HILDA CATHOLIC CHURCH,
9 BREAKSPEAR,
STEVENAGE, HERTS,
SG2 9SQ.
Car Park( Free): Shephall Centre, Shephall Way, Stevenage, SG2 9SB ( 2 minute walk)
സ്റ്റീവനേജ്: ‘പ്രതിസന്ധികളും പ്രയാസങ്ങളും പരാജയങ്ങളും വരുമ്പോള്‍ ദൈവ ശിക്ഷയായി മാനിക്കരുതെന്നും മറിച്ച് രക്ഷിക്കുവാന്‍ മാത്രം ആഗ്രഹിക്കുന്ന ദൈവത്തിന്റെ വിളിയാണിതെന്നും ശ്രവിക്കുവാനായി മനസ്സ് തുറന്നാല്‍ തീര്‍ച്ചയായും അത്ഭുതങ്ങള്‍ ദര്‍ശിക്കുവാന്‍ തീര്‍ച്ചയായും സാധിക്കും’ എന്ന് പ്രശസ്ത ധ്യാന ഗുരു ഫാ.ആന്റണി പറങ്കിമാലില്‍.
സ്റ്റീവനേജില്‍ വലിയ നോമ്പിനോടനുബന്ധിച്ചു നടത്തുന്ന വാര്‍ഷിക ധ്യാനത്തിന്റെ പ്രഥമ ദിനത്തില്‍ നടത്തിയ ഒരുക്ക ധ്യാനവും, മരിച്ചവരുടെ അനുസ്മരണ ബലിയും നയിച്ച് സംസാരിക്കുകയായിരുന്നു ഫാ. ആന്റണി പറങ്കിമാലില്‍.
‘ ജനനം മുതല്‍ ഇന്നത്തെ നിലയിലേക്ക് കൈപിടിച്ച് ഉയര്‍ത്തിയ മണ്മറഞ്ഞുപോയവരെ അനുസ്മരിക്കുകയും അവര്‍ക്കായി പ്രാര്‍ത്ഥിക്കുകയും ചെയ്യേണ്ടത് ക്രൈസ്തവ വിശ്വാസത്തില്‍ അതി പധാനമാണെന്നും, വിജയങ്ങള്‍ക്കും പലവിധ വിഘ്‌നങ്ങള്‍ മാറുന്നതിനും പ്രത്യുത ശുശ്രുഷ അനുഗ്രഹദായകമാവുമെന്നും ‘ പറങ്കിമാലില്‍ അച്ചന്‍. എല്ലാ തലത്തിലുമുള്ള വിജയങ്ങള്‍ക്കു അനിവാര്യമായ അനുതാപവും,മാനസാന്തരവും, ക്ഷമയും ഉള്ള വിനീതമായ ഹൃദയം ആര്‍ജ്ജിക്കുന്നതിലേക്കുള്ള ആഴത്തിലുള്ള ജ്ഞാനം ആമുഖ ഒരുക്ക ധ്യാനത്തിലൂടെ നല്‍കുകയായിരുന്നു ആന്റണി അച്ചന്‍. ധ്യാനം ഇന്നും നാളെയും തുടരും.
ഇന്ന് ശനിയാഴ്ച പതിനൊന്നു മണിക്ക് സ്റ്റീവനേജ് സെന്റ് ഹില്‍ഡാ ദേവാലയത്തില്‍ വെച്ച് ധ്യാനം തുടരും. കുമ്പസാരത്തിനായുള്ള അവസരം ഒരുക്കിയിട്ടുണ്ട്. നാളെ ഞായറാഴ്ച ഉച്ചക്ക് ഒരു മണിക്ക് സമാപന ദിനത്തിലെ ധ്യാനം ആരംഭിക്കുന്നതാണ്.
സ്റ്റീവനേജ്, ലൂട്ടന്‍, വെയര്‍ തുടങ്ങിയ കേന്ദ്രങ്ങളില്‍ നിന്നായി നിരവധി കുടുംബങ്ങളാണ് തിരുവചന ശുശ്രുഷയില്‍ പങ്കു ചേര്‍ന്നത്. പ്രീസ്റ്റ് ഇന്‍ ചാര്‍ജ് ഫാ.സെബാസ്റ്റ്യന്‍ ചാമക്കാല വിശുദ്ധബലിയില്‍ മുഖ്യകാര്‍മ്മികനായിരുന്നു. ആരാധനയും ഉണ്ടായിരുന്നു.
ചാമക്കാല അച്ചനും പള്ളിക്കമ്മിറ്റിയും ഏവരെയും സ്‌നേഹപൂര്‍വ്വം ഈ അനുഗ്രഹീത ശുശ്രുഷയിലേക്കു സ്വാഗതം ചെയ്യുന്നു.
കൂടുതല്‍ വിവരങ്ങള്‍ക്ക് ബന്ധപ്പെടുക.
സാംസണ്‍: 07462921022, മെല്‍വിന്‍: 07456281428, ജോസ് (ലൂട്ടന്‍): 07888754583
പള്ളിയുടെ വിലാസം:
ST. HILDA CATHOLIC CHURCH,
9 BREAKSPEAR, STEVENAGE,
HERTS., SG2 9SQ.
Car Park( Free): Shephall Centre, Shephall Way, Stevenage, SG2 9SB ( 2 minute walk)
സീറോമലബാര്‍ സഭ സെയിന്റ് മോനിക്ക മിഷന്റെ ആഭിമുഖ്യത്തില്‍ സോജി ഓലിക്കല്‍ അച്ചന്റെ നേതൃത്വത്തില്‍ ലണ്ടന്‍ റൈന്‍ഹാമില്‍ നോമ്പുകാല ഒരുക്ക ധ്യാനം, നാളെ മാര്‍ച്ച് ഒന്നു മുതല്‍ മൂന്നു വരെ നടത്തപ്പെടുന്നു. ഈ ധ്യാനത്തില്‍ ആദ്യാവസാനം പങ്കുകൊണ്ടു ദൈവാനുഗ്രഹവും പാപമോചനവും ആന്തരിക സൗഖ്യവും രോഗശാന്തിയും പ്രാപിക്കാന്‍ ഏവരെയും ഈശോയില്‍ സ്‌നേഹപൂര്‍വ്വം ക്ഷണിക്കുന്നു.
സമയം: വെള്ളിയാഴ്ച 5 പിഎം- 10 പിഎം
ശനിയാഴ്ച 11 എഎം-5 പിഎം
ഞായറാഴ്ച 2 പിഎ9 പിഎം.
സ്‌നേഹപൂര്‍വം.
Fr Jose Anthiamkulam
07472801507
Address:
Our lady of La Salette Church
1 Rainham Road
Rainham
RM13 8SR
Contact:
Shiju 07853345383
Jeethu 07886720385
ഫാ. ബിജു കുന്നയ്ക്കാട്ട് പി.ആര്‍.ഒ
പ്രെസ്റ്റണ്‍: നവമായ ഒരു പ്രേഷിത മുന്നേറ്റം ലക്ഷ്യം വച്ചുകൊണ്ട് ഗ്രേറ്റ് ബ്രിട്ടണ്‍ സീറോ മലബാര്‍ രൂപതയില്‍ ഒരുക്കിയിരിക്കുന്ന വലിയനോമ്പുകാല ധ്യാനം ‘ഗ്രാന്‍ഡ് മിഷന്’ ഇന്ന് ആരംഭിക്കുന്നു. ഓരോ റീജിയണിലും ഇടവക/ മിഷന്/ വി. കുര്‍ബാന കേന്ദ്രങ്ങള്‍ എന്നിവിടങ്ങളിലായി നടക്കുന്ന ധ്യാനങ്ങള്‍ക്കു ഒരുക്കമായുള്ള ‘ഹോം മിഷന്’ ഭവന സന്ദര്‍ശനങ്ങളും നടന്നു വരുന്നു. ധ്യാനത്തിലേക്കു കുടുംബങ്ങളെ പ്രത്യേകമായി ക്ഷണിക്കാനും പ്രാര്‍ത്ഥിച്ചു ഒരുക്കാനുമായാണ് ഹോം മിഷന് സന്ദര്‍ശനങ്ങള്‍ സംഘടിപ്പിച്ചിരിക്കുന്നത്.
വി. പോള്‍ ആറാമന്‍ മാര്‍പാപ്പ ഇറ്റലിയിലെ മിലാനില്‍ ആര്‍ച്ചുബിഷപ്പായിരിക്കെയാണ് ആദ്യമായി ‘ഗ്രാന്‍ഡ് മിഷന്’ പരിപാടി വിജയകരമായി നടപ്പാക്കിയത്. ഗ്രേറ്റ് ബ്രിട്ടണ്‍ രൂപതയിലെ വിവിധ ഇടവക/ മിഷന്/ വി. കുര്‍ബാന കേന്ദ്രങ്ങളിലായി നടക്കുന്ന ധ്യാനങ്ങളില്‍ പ്രശസ്തരായ പതിനഞ്ചിലധികം വചനപ്രഘോഷകരാണ് സുവിശേഷപ്രഘോഷണം നടത്തുന്നത്. വാരാന്ത്യങ്ങള്‍ ഉള്‍പ്പെടുന്ന മൂന്നു ദിവസങ്ങളിലായി ക്രമീകരിച്ചിരിക്കുന്ന ധ്യാനങ്ങളില്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കലിന്റെ ഹ്രസ്വ സന്ദര്‍ശനവും സന്ദേശവും ഉണ്ടായിരിക്കുന്നതാണ്.
ഇന്ന് ആരംഭിക്കുന്ന ധ്യാന ശുശ്രുഷകള്‍ ഏപ്രില്‍ 28 നാണ് സമാപിക്കുന്നത്. ധ്യാനത്തിന്റെ പൊതുവായ നടത്തിപ്പിനായി എല്ലാ ഇടവക/ മിഷന്/ വി. കുര്‍ബാന കേന്ദ്രങ്ങളിലും ജനറല്‍ കോ ഓര്‍ഡിനേറ്ററും ഹോം മിഷന് സന്ദര്ശനങ്ങളുടെ ക്രമീകരണത്തിനായി കുടുംബ കൂട്ടായ്മ പ്രതിനിധിയും തിരഞ്ഞെടുക്കപ്പെട്ടിട്ടുണ്ട്. ഓരോ സ്ഥലത്തെയും ഗാന ശുശ്രുഷകള്‍ക്ക് അതാതു സ്ഥലത്തെ ഗായക സംഘം നേതൃത്വം നല്‍കും. ഓരോ സ്ഥലത്തെയും വികാരി/മിഷന് ഡയറക്ടര്‍/ പ്രീസ്‌റ് ഇന്‍ ചാര്‍ജ് വൈദികരുടെ നേതൃത്വത്തില്‍ ഒരുക്കങ്ങള്‍ പൂര്‍ത്തിയായി വരുന്നു.
ദൈവം നമുക്കുവേണ്ടി ഒരുക്കുന്ന കൃപയുടെ ദിനങ്ങളാണ് ഇതെന്നും വിശ്വാസത്തിന്റെ ആഘോഷവും കൈമാറ്റവും ലക്ഷ്യം വച്ചാണ് ഗ്രാന്‍ഡ് മിഷന് സംഘടിപ്പിച്ചിരിക്കുന്നതെന്നും മാര്‍ ജോസഫ് സ്രാമ്പിക്കല്‍ പറഞ്ഞു. ഗ്രാന്‍ഡ് മിഷന് വഴി ദൈവം രൂപതയിലെ എല്ലാ വിശ്വാസികളുടെയും ഹൃദയങ്ങള്‍ തുറക്കട്ടെയെന്നും അതുവഴി രൂപത നല്ല ദൈവ ഭവനമായി മാറട്ടെയെന്നും അദ്ദേഹം പ്രത്യാശ പ്രകടിപ്പിച്ചു. ധ്യാനത്തിന്റെ വിജയത്തിനായി എല്ലാവരും പ്രാര്‍ത്ഥിക്കണമെന്നും എല്ലാവരുടെയും സജീവ പങ്കാളിത്തം ഗ്രാന്‍ഡ് മിഷന് ഉണ്ടാകണമെന്നും മാര്‍ സ്രാമ്പിക്കല്‍ അഭ്യര്‍ത്ഥിച്ചു.
വെംബ്ലി: സീറോ മലബാര്‍ സഭ ഗ്രേറ്റ് ബ്രിട്ടന്‍ രൂപതയുടെ ലണ്ടന്‍ റീജിയനിലെ കുര്‍ബ്ബാന കേന്ദ്രമായ വെംബ്ലി സെന്റ് ജോസഫ്‌സ് ദേവാലയത്തില്‍ വെച്ച് വാര്‍ഷിക ത്രിദിന ധ്യാനം മാര്‍ച്ച് 8, 9, 10 (വെള്ളി, ശനി, ഞായര്‍) തീയതികളില്‍ നടത്തപ്പെടുന്നു.
വലിയ നോമ്പു കാലത്ത് ആത്മീയ ധാരയിലേക്ക് നയിക്കപ്പെടുവാനും, വിശുദ്ധവാരത്തിലേക്ക് മാനസികമായി ഒരുങ്ങി, ഉദ്ധിതനായ യേശുവിലൂടെ അനുഗ്രഹങ്ങള്‍ പ്രാപിക്കുന്നതിനും ഉതകുന്ന വാര്‍ഷിക ധ്യാന ശുശ്രൂഷകള്‍ പ്രശസ്ത വചന പ്രഘോഷകനും, വിന്‍സന്‍ഷ്യന്‍ കോണ്‍ഗ്രിഗേഷന്‍ സഭാംഗവുമായ ഫാ. ജോസ് പള്ളിയില്‍ വീ സിയാണ് നയിക്കുന്നത്.
തിരുവചന ശുശ്രുഷകളില്‍ പങ്കുചേര്‍ന്ന് മാനസാന്തരവും, അതിലൂടെ ആത്മീയവും ഭൗതീകവും ശാരീരികവുമായ അനുഗ്രഹങ്ങളും പ്രാപിക്കുന്നതിനായി ഏവരെയും സസ്‌നേഹം സ്വാഗതം ചെയ്യുന്നതായി ഫാ.സെബാസ്റ്റ്യന്‍ ചാമക്കാലയും, ഫാ. ജോസഫ് കടുത്താനവും അറിയിച്ചു.
കുമ്പസാരത്തിന് സൗകര്യം ഉണ്ടായിരിക്കുന്നതാണ്.
കൂടുതല്‍ വിവരങ്ങള്‍ക്ക്:
ജോസഫ് കുട്ടംപേരൂര്‍: 07877062870
ധ്യാന സമയം:
വെള്ളി: 17: 00 PM – 20:00
ശനി: 14:30 AM- 17.30 PM
ഞായര്‍: – 14.30 PM- 18:30 PM.
പള്ളിയുടെ വിലാസം:
St Joseph’s Church,
339 High Road,
Wembley,
HA9 6AG.
സ്റ്റീവനേജ്: ഗ്രേറ്റ് ബ്രിട്ടന്‍ സീറോ മലബാര്‍ രൂപതയുടെ ലണ്ടന്‍ റീജണിലെ കുര്‍ബ്ബാന സെന്ററായ സ്റ്റീവനേജില്‍ വെച്ച് മാര്‍ച്ച് 1, 2, 3 തീയതികളില്‍ വാര്‍ഷിക ധ്യാനം സംഘടിപ്പിക്കുന്നു. പ്രശസ്ത ധ്യാന ഗുരു ഫാ. ആന്റണി പറങ്കിമാലില്‍ വി.സി.യാണ് ഈ ത്രിദിന വചന ശുശ്രുഷകള്‍ക്കു നേതൃത്വം വഹിക്കുന്നത്.
സ്റ്റീവനേജ്, ലൂട്ടന്‍, വെയര്‍ തുടങ്ങിയ കേന്ദ്രങ്ങളെ ഏകോപിപ്പിച്ചു സംഘടിപ്പിക്കുന്ന അനുഗ്രഹദായകമായ ഈ തിരുവചന ശുശ്രുഷയില്‍ പങ്കു ചേരുവാനും, ദൈവ കൃപകള്‍ പ്രാപിക്കുവാനും ഏവരെയും സസ്‌നേഹം ക്ഷണിച്ചു കൊള്ളുന്നതായി പ്രീസ്റ്റ് ഇന്‍ ചാര്‍ജ് ഫാ. സെബാസ്റ്റ്യന്‍ ചാമക്കാലയും, പാരീഷ് കമ്മിറ്റിയും അറിയിച്ചു.
കൂടുതല്‍ വിവരങ്ങള്‍ക്ക് ബന്ധപ്പെടുക
മെല്‍വിന്‍: 07456281428,
സാംസണ്‍: 07462921022,
ജോസ്(ലൂട്ടന്‍): 07888754583
ധ്യാന സമയ ക്രമം.
മാര്‍ച്ച് 1, വെള്ളിയാഴ്ച -17:00 മുതല്‍ 21:00 വരെ
മാര്‍ച്ച് 2, ശനിയാഴ്ച -11:00 മുതല്‍ 16:00 വരെ
മാര്‍ച്ച് 3, ഞായറാഴ്ച -13:00 മുതല്‍ 19:00 വരെ
പള്ളിയുടെ വിലാസം:
ST. HILDA CATHOLIC CHURCH,
9 BREAKSPEAR,
STEVENAGE,
HERTS., SG2 9SQ.
Car Park (Free) : Shephall Centre, Shephall Way, Stevenage, SG2 9SB ( 2 minute walking distance)
റാംസ്ഗേറ്റ്/കെന്റ്: ഗ്രേറ്റ് ബ്രിട്ടണ്‍ സീറോ മലബാര്‍ രൂപതയില്‍ ശുശ്രുഷ ചെയ്യുന്ന വൈദികര്‍ക്കായുള്ള നാല് ദിവസത്തെ വാര്‍ഷിക ധ്യാനം ഇന്നാരംഭിക്കും. കെന്റിലുള്ള റാംസ്ഗേറ്റ്, ഡിവൈന്‍ ധ്യാനകേന്ദ്രത്തിലാണ് (St. Augustine’s Abbey, Ramsgate, Kent, CT11 9PA) ധ്യാനം നടക്കുന്നത്. ഇന്ന് വൈകിട്ട് ആറ് മണിക്ക് വി. കുര്‍ബാനയോടെയാണ് ധ്യാനം ആരംഭിക്കുന്നത്.
അട്ടപ്പാടി സെഹിയോന്‍ ധ്യാനകേന്ദ്രത്തിന്റെ ഡിറക്ടറും പ്രീച്ചേഴ്‌സ് ഓഫ് ഡിവൈന്‍ മേഴ്സി (PDM) സഹസ്ഥാപകനും പ്രശസ്ത ധ്യാനഗുരുവുമായ റവ. ഫാ. ബിനോയി കരിമരുതുംകലും അഭിഷേകാഗ്നി സിസ്റ്റേഴ്‌സ് ഓഫ് ജീസസ് ആന്‍ഡ് മേരി സഭാസ്ഥാപക റവ. സി. എയ്മി ഇമ്മാനുവേല്‍ ASJM ഉം ആണ് ധ്യാനം നയിക്കുന്നത്. ഇന്ന് വൈകിട്ട് ആറ് മണിക്ക് ആരംഭിക്കുന്ന ധ്യാനം 28 വ്യാഴാഴ്ച വൈകിട്ട് ഒരു മണിക്ക് സമാപിക്കും.
ധ്യാനത്തില്‍ പങ്കെടുക്കാന്‍ വരുന്ന വൈദികര്‍ വി. കുര്‍ബാനക്കുള്ള തിരുവസ്ത്രങ്ങള്‍ കൊണ്ടുവരേണ്ടതാണ്. വൈദികര്‍ക്കായുള്ള ഈ ധ്യാനത്തില്‍ സമൃദ്ധമായി ദൈവാനുഗ്രഹം ഉണ്ടാകുന്നതിനും അജപാലന ശുശ്രുഷകളില്‍ കൂടുതല്‍ തീക്ഷ്ണത നേടുന്നതിനായി എല്ലാ വിശ്വാസികളും ഈ ദിവസങ്ങളില്‍ പ്രാര്‍ത്ഥിക്കണമെന്ന് രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ പറഞ്ഞു.
സീറോമലബാര്‍ സഭ സെയിന്റ് മോനിക്ക മിഷന്റെ ആഭിമുഖ്യത്തില്‍ സോജി ഓലിക്കല്‍ അച്ചന്റെ നേതൃത്വത്തില്‍ ലണ്ടന്‍ റൈന്‍ഹാമില്‍ നോമ്പുകാല ഒരുക്ക ധ്യാനം മാര്‍ച്ച് ഒന്നു മുതല്‍ മൂന്നു വരെ നടത്തപ്പെടുന്നു. ഈ ധ്യാനത്തില്‍ ആദ്യാവസാനം പങ്കുകൊണ്ടു ദൈവാനുഗ്രഹവും പാപമോചനവും അന്തരീകസൗഖ്യവും രോഗശാന്തിയും പ്രാപിക്കാന്‍ ഏവരെയും ഈശോയില്‍ സ്‌നേഹപൂര്‍വ്വം ക്ഷണിക്കുന്നു .
സമയം : വെള്ളിയാഴ്ച 5 പിഎം- 10 പിഎം
ശനിയാഴ്ച 11 എഎം-5 പിഎം
ഞായറാഴ്ച 2 പിഎ9 പിഎം.
സ്‌നേഹപൂര്‍വം
Fr Jose Anthiamkulam
07472801507
Address:
Our lady of La Salette Church
1 Rainham Road
Rainham
RM13 8SR
Contact:
Shiju 07853345383
Jeethu 07886720385
ലണ്ടന്‍: സീറോ മലബാര്‍ ഗ്രേറ്റ് ബ്രിട്ടണ്‍ രൂപത 2019-2020 യുവജന വര്‍ഷമായി ആഘോഷിക്കുമ്പോള്‍ വ്യത്യസ്തമായ കര്‍മ്മ മേഖലകളില്‍ ശ്രദ്ധേയമായ പദ്ധതികളുമായും, അതിനൊപ്പം ശക്തമായ സഭാ സ്‌നേഹത്തിന്റെ വക്താക്കളുമായും ലണ്ടനിലെ മോനിക്ക മിഷന് സീറോ മലബാര്‍ യൂത്ത് മൂവ്‌മെന്റ് യുണിറ്റ് ശ്രദ്ധയാകര്‍ഷിക്കുന്നു.
‘പാശ്ചാത്യ മണ്ണില്‍ സംസ്‌കാര സമന്വയത്തിന്റെ പേര് പറഞ്ഞു തങ്ങളുടെ ആരാധനാ ക്രമങ്ങളെ വെള്ള പൂശാന്‍ അനുവദിക്കരുതെന്നും, സീറോ മലബാര്‍ ആരാധനാക്രമത്തിന്റെ ആന്തരിക സൗന്ദര്യവും, അര്‍ത്ഥവും, പാരമ്പര്യ-പൈതൃകങ്ങളുടെ അന്തര്‍ലീനമായ സത്തും നഷ്ടപ്പെടുത്താതെ സഭ ഏതു സംസ്്കാരത്തിന്റെയും, ഭാഷയുടെയും വിശ്വാസത്തിന്റെയും നാട്ടിലും തങ്ങളുടെ തായ്വഴികളിലൂടെ തന്നെ മുന്നോട്ടു പോകണമെന്നും’ SMYM.
‘മലയാളി മക്കളെന്ന നിലയില്‍ നവ തലമുറ അഭിമാനം കൊള്ളുന്നുവെന്നും നമ്മുടെ ഭാഷയുടെയും നാടിന്റേതുമായ സംസ്‌കാരവും, സഭയുടെ നാമവുമാണ് ഈ നാട്ടില്‍ നമ്മള്‍ക്കുണ്ടാക്കിത്തന്ന ഐഡന്റിറ്റിയും ശക്തിയുമെന്നും വിസ്മരിക്കുവാനാവില്ല.’
‘സീറോ സഭയുടെ പ്രവര്‍ത്തനങ്ങളില്‍ ശക്തമായ യുവജന പ്രാതിനിദ്ധ്യം ഉണ്ടാവേണ്ടത് അനിവാര്യമാണെന്നും ‘നാളെയുടെ ചക്രം ചലിപ്പിക്കേണ്ടവര്‍ ‘ ഇന്ന് പിന്‍ ബെഞ്ചില്‍ ഇരുത്തപ്പെടുന്ന അവസ്ഥാ വിശേഷം മാറ്റണമെന്നും’ അവര്‍ ചൂണ്ടിക്കാട്ടി.
‘ആരാധനാ ക്രമങ്ങളില്‍ പൂര്‍ണമായും സമന്വയിക്കുക’ എന്ന സുസ്ഥിരമായ അജണ്ട മാത്രമാണ് തങ്ങളുടെ മുന്നിലുള്ളതെന്നും’ SMYM പറയുന്നു. തങ്ങളുടെ പ്രഥമ മീറ്റിംഗില്‍ യുവജനങ്ങള്‍ തന്നെയാണ് ഇങ്ങനെയൊരു ചര്‍ച്ച ക്രമീകരിച്ചതും ആശയങ്ങള്‍ ശേഖരിച്ചതും.
വചനവേദിയിലും വിശുദ്ധബലി അര്‍പ്പണത്തിലും ശുശ്രൂഷകരായും, ഗായക സംഘമായും, യുവജനങ്ങള്‍ സ്വയം മുന്നോട്ടു വന്നത് ദൈവജനത്തിനു വേറിട്ട അനുഭവമായി. ആദ്യ മീറ്റിങ്ങിന് ശേഷമുള്ള മോനിക്ക മിഷന്റെ പ്രഥമ കുര്‍ബ്ബാനയില്‍ത്തന്നെ യുവജനങ്ങള്‍ തങ്ങളുടെ ശുശ്രുഷകള്‍ ആത്മീയ അനുഭവമാക്കി മാറ്റുന്നതില്‍ നിസ്തുല പങ്കാണ് വഹിച്ചത്. സഭയുടെ നാഡീ സ്പന്ദനത്തില്‍ ആവേശമായും ഉണര്‍വ്വായും യുവജനങ്ങള്‍ തങ്ങളുടെ വരവറിയിച്ചപ്പോള്‍, ഇനിയുള്ള അവരുടെ പ്രവര്‍ത്തനങ്ങളിലേക്ക് ആകാംക്ഷയോടെ ഉറ്റുനോക്കുകയാണ് ഇടവക സമൂഹങ്ങള്‍.
വിശുദ്ധ കുര്‍ബ്ബാനക്കുശേഷം ജീവകാരുണ്യ നിധിക്കും, SMYM പ്രവര്‍ത്തന ഫണ്ടിനുമായി യുവജനങ്ങള്‍ തന്നെ തയ്യാറാക്കികൊണ്ടുവന്ന കേക്കുകള്‍ വില്‍പ്പനക്ക് വെച്ചപ്പോള്‍ മാതാപിതാക്കളുടെയും സുഹൃത്തുക്കളുടെയും പൂര്‍ണ പിന്തുണയും പ്രോത്സാഹനവും ദൃശ്യമായിരുന്നു.
ആല്‍വിന്‍ ആന്റണിയുടെയും, അലീനാ ആന്റണിയുടെയും നേതൃത്വത്തിലാണ് SMYM സെന്റ് മോണിക്ക മിഷന്, റെയിന്‍ഹാം-ല്‍ പ്രവര്‍ത്തനം തുടങ്ങിയത്.
സീറോ മലബാര്‍ യൂത്ത് മൂവ്‌മെന്റിന്റെ എല്ലാ പ്രവര്‍ത്തനങ്ങള്‍ക്കും പ്രീസ്റ്റ് ഇന്‍ ചാര്‍ജ്ജ് ജോസ് അന്ത്യാംകുളം അച്ചനും മതബോധന സ്‌കൂള്‍ ഹെഡ്ടീച്ചര്‍ ജെയ്മോനും ഇടവകാ സമൂഹവും യുവജനങ്ങളുടെ പ്രചോദനമായി ആവേശപൂര്‍വ്വം ഒപ്പമുണ്ടായിരുന്നു.
സെന്റ് മോനിക്ക മിഷന് ഇന്‍ ചാര്‍ജ്ജ് ജോസ് അന്ത്യാംകുളം അച്ചനും, കമ്മറ്റിഅംഗങ്ങളും ഇടവകാംഗങ്ങളും യുവജനങ്ങളെ മുക്തകണ്ഡം പ്രശംസിക്കുകയും അവരുടെ എല്ലാ പ്രവര്‍ത്തങ്ങളും, സഭയുടെയും അതിലൂടെ സഭാമക്കളുടെയും ഉന്നമനത്തിന് കാരണമാകട്ടെ എന്നാശംസിക്കുകയും ചെയ്തു.
