ഫാ. ബിജു കുന്നയ്ക്കാട്ട് പി. ര്‍. ഓ.
ബെര്‍മിംഗ്ഹാം: കഴിഞ്ഞ ഡിസംബറില്‍ ഗ്രേറ്റ് ബ്രിട്ടണ്‍ സീറോ മലബാര്‍ രൂപതയില്‍ ആരംഭിച്ച കുട്ടികളുടെ വര്‍ഷത്തിന്റെ ഔദ്യോഗിക സമാപനം ഇന്ന് ബര്‍മിങ്ഹാം ബെഥേല്‍ കണ്‍വെന്‍ഷന്‍ സെന്ററില്‍ നടക്കും. രൂപത ആവിഷ്‌കരിച്ച ‘പഞ്ചവത്സര അജപാലന പദ്ധതി’യിലെ ആദ്യ വര്‍ഷമായിട്ടാണ് കുട്ടികളുടെ വര്‍ഷം ആചരിച്ചത്. അടുത്ത തലമുറയിലേക്കു വിശ്വാസവും ദൈവചിന്തയും പകരുകയാണ് രൂപതയുടെ പ്രധാന ദൗത്യമെന്ന തിരിച്ചറിവില്‍ നിന്നാണ് ആദ്യവര്‍ഷം കുട്ടികള്‍ക്ക് പ്രാധാന്യം നല്‍കുന്ന പരിപാടികള്‍ ആവിഷ്‌കരിച്ചത്. രൂപതയുടെ വിവിധ മിഷന്‍/വി.കുര്‍ബാന സെന്ററുകളില്‍ നിന്നായി ഏഴാം ക്ലാസ്സിനു മുകളില്‍ പഠിക്കുന്ന രണ്ടായിരത്തിയഞ്ഞൂറിലധികം കുട്ടികളും, മാതാപിതാക്കളും അധ്യാപകരും ചടങ്ങുകളില്‍ പങ്കുചേരും. ഇന്ന് തന്നെ യൂവജന വര്‍ഷത്തിന്റെ ആരംഭവും നടക്കും.
സീറോ മലബാര്‍ സഭയുടെ തലവന്‍ കര്‍ദ്ദിനാള്‍ മാര്‍ ജോര്‍ജ്ജ് ആലഞ്ചേരിയാണ് ചടങ്ങുകളില്‍ മുഖ്യാതിഥി. ഗ്രേറ്റ് ബ്രിട്ടണ്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍, രൂപതയില്‍ ശുശ്രുഷ ചെയ്യുന്ന വൈദികര്‍, സന്യാസിനികള്‍, അല്‍മായര്‍ തുടങ്ങിയവര്‍ ചടങ്ങുകളില്‍ സംബന്ധിക്കും. ബൈബിള്‍ കലോത്സവത്തില്‍ മികച്ച പ്രകടനം നടത്തിയ കുട്ടികളുടെ കലാപരിപാടികളും ഉണ്ടായിരിക്കും. രൂപത ഗായകസംഘം ഡയറക്ടര്‍ റവ. ഫാ. സെബാസ്റ്റ്യന്‍ ചാമക്കാല പരിശീലിപ്പിച്ച, നൂറ്റിയൊന്ന് കുട്ടികള്‍ നേതൃത്വം നല്‍കുന്ന ഗായകസംഘം തിരുക്കര്‍മ്മങ്ങള്‍ ഭക്തിസാന്ദ്രമാക്കും. വികാരി ജനറാള്‍ റവ. ഫാ. സജിമോന്‍ മലയില്‍ പുത്തന്‍പുരയിലിന്റെ നേതൃത്വത്തിലാണ് സമ്മേളനത്തിന്റെ ഒരുക്കങ്ങള്‍ പൂര്‍ത്തിയായിരിക്കുന്നത്.
പങ്കെടുക്കാനെത്തുന്നവരുടെ സൗകര്യാര്‍ത്ഥം വിപുലമായ ഒരുക്കങ്ങള്‍ ക്രമീകരിച്ചിട്ടുണ്ട്. വാഹന പാര്‍ക്കിങ്ങിനും ഭക്ഷണത്തിനും സൗകര്യമൊരുക്കിയിട്ടുണ്ട്. മിതമായ നിരക്കില്‍ ഫുഡ് കൗണ്ടര്‍ തുറന്നു പ്രവര്‍ത്തിക്കുന്നതാണ്. ഭക്ഷണം വാങ്ങാനുള്ള താമസവും അതിനായുള്ള നീണ്ട ക്യുവും ഒഴിവാക്കാന്‍ കുട്ടികള്‍ രാവിലെയുള്ള രജിസ്ട്രേഷന് സമയത്തുതന്നെ ഭക്ഷണസാധനങ്ങളുടെ ലിസ്റ്റ് നല്‍കുന്നത് സഹായകമാണെന്നു നിര്‍ദ്ദേശിച്ചിട്ടുണ്ട്. റീജിയന്‍ അടിസ്ഥാനത്തിലാണ് ഹാളില്‍ ഇരിക്കേണ്ടത്. കുട്ടികളുടെ മേല്‍നോട്ടത്തിനായി അധ്യാപകരും മാതാപിതാക്കളും ഉണ്ടാവണം. പത്തു മണിക്ക് മുന്‍പായി ഉള്ളവയും എത്തിച്ചേരാന്‍ ശ്രമിക്കണം. വി. കുര്‍ബാനയില്‍ പങ്കെടുക്കാന്‍ വരുന്ന വൈദികര്‍ തിരുവസ്ത്രങ്ങള്‍ കൊണ്ടുവരേണ്ടതാണ്. പരിപാടികളുടെ സുഗമമായ നടത്തിപ്പിനായി എല്ലാവരും സമയക്രമം കൃത്യമായി പാലിക്കണമെന്ന് സംഘാടകസമിതി ചെയര്‍മാന്‍ റവ. ഫാ. സജിമോന്‍ മലയില്പുത്തന്പുരയില് അറിയിച്ചു.
പരിപാടി നടക്കുന്ന സ്ഥലത്തിന്റെ അഡ്രസ്:
Bethel Convention Center,
Kelvin Way,
Birmingham, B70 7JW.
ഫാ. ബിജു കുന്നയ്ക്കാട്ട് പി.ആര്‍.ഒ
കേംബ്രിഡ്ജ്: ഗ്രേറ്റ് ബ്രിട്ടണ്‍ സീറോ മലബാര്‍ രൂപതയുടെ വളര്‍ച്ചയിലെ നിര്‍ണ്ണായക കാല്‍വെപ്പായ മിഷന്‍ സെന്ററുകളുടെ സ്ഥാപനത്തില്‍, ഇന്നലെ രണ്ടു പുതിയ മിഷനുകള്‍ കൂടി ആരംഭിച്ചു. പീറ്റര്‍ബറോയും കേംബ്രിഡ്ജും കേന്ദ്രമാക്കി പ്രവര്‍ത്തിക്കുന്ന മിഷനുകളുടെ സാരഥിയായി റവ. ഫാ. ഫിലിപ് പന്തമാക്കലിനെ സീറോ മലബാര്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ പുറപ്പെടുവിച്ച വിജ്ഞാപനത്തിലൂടെ (ഡിക്രി) നിയമിച്ചു. ഇന്നലെ വൈകിട്ട് 7. 15 നു സെന്റ്. ജവശഹശു Howard Catholic Churchല്‍ നടന്ന ഭക്തിനിര്‍ഭരമായ തിരുക്കര്‍മ്മങ്ങളില്‍ സീറോ മലബാര്‍ സഭാതലവന്‍ കര്‍ദ്ദിനാള്‍ മാര്‍ ജോര്‍ജ്ജ് ആലഞ്ചേരി മുഖ്യകാര്‍മ്മികനായിരുന്നു.
റവ. ഫാ. തോമസ് പാറക്കണ്ടം മിഷന്‍ സ്ഥാപന വിജ്ഞാപന വായനയെത്തുടര്‍ന്ന് മാര്‍ ജോര്‍ജ്ജ് ആലഞ്ചേരി ഡിക്രിയുടെ കോപ്പി ഫാ. ഫിലിപ്പ് പന്തമാക്കലിന് നല്‍കി മിഷന്‍ ഡയറക്ടറായി നിയമിച്ചു. കേംബ്രിഡ്ജ് കേന്ദ്രമാക്കി ‘ഔര്‍ ലേഡി ഓഫ് വാല്‍സിംഗ്ഹാം’ മിഷനും പീറ്റര്‍ബറോ കേന്ദ്രമാക്കി ‘ഔര്‍ ലേഡി ഓഫ് ലൂര്‍ദ്ദ്’ മിഷനുകളാണ് പ്രഖ്യാപിക്കപ്പെട്ടത്. തുടര്‍ന്ന് വിളക്ക് തെളിച്ചു ഔദ്യോഗിക ഉദ്ഘാടനം നിര്‍വ്വഹിക്കപ്പെട്ടു. വി. കുര്‍ബാനക്കും കര്‍ദ്ദിനാള്‍ മാര്‍ ആലഞ്ചേരി നേതൃത്വം നല്‍കി വചനസന്ദേശം പങ്കുവച്ചു. ഗ്രേറ്റ് ബ്രിട്ടണ്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍, റവ. ഫാ. ജോര്‍ജ്ജ് പനയ്ക്കല്‍ വി. സി; റവ. ഫാ. ആന്റണി പറങ്കിമാലില്‍ വി. സി, റവ. ഫാ. ജിജി പുതുവീട്ടിക്കളം, റവ. ഫാ. തോമസ് പാറക്കണ്ടത്തില്‍, സെക്രട്ടറി റവ. ഫാ. ഫാന്‍സ്വാ പത്തില്‍, മിഷന്‍ ഡയറക്ടര്‍ റവ. ഫാ. ഫിലിപ് പന്തമാക്കല്‍ എന്നിവര്‍ സഹകാര്‍മികരായി. തിരുക്കര്‍മ്മങ്ങള്‍ക്ക് ശേഷം സ്നേഹവിരുന്നും നല്‍കപ്പെട്ടു.
ഇന്ന് വൈകിട്ട് 6. 30ന് ബെര്‍മിംഗ്ഹാമില്‍ മിഷന്‍ പ്രഖ്യാപനം നടക്കും. Our Lady of the Rosary & St. Therese of Lisieux Church (Parkfield Road, Saltley, Birmingham, B8 3BB) ല്‍ നടക്കുന്ന തിരുക്കര്‍മ്മങ്ങളില്‍ റവ. ഫാ. ടെറിന്‍ മുള്ളക്കര ബെര്‍മിംഗ്ഹാം മിഷന്‍ ഡയറക്ടര്‍ ആയി നിയമിതനാകും. തിരുക്കര്‍മ്മങ്ങള്‍ക്ക് കര്‍ദ്ദിനാള്‍ മാര്‍ ജോര്‍ജ്ജ് ആലഞ്ചേരി, മാര്‍ ജോസഫ് സ്രാമ്പിക്കല്‍ തുടങ്ങിയവര്‍ മുഖ്യകാര്‍മ്മികരായിരിക്കും. ഒരുക്കങ്ങള്‍ പൂര്‍ത്തിയായതായി മിഷന്‍ കമ്മറ്റി അറിയിച്ചു. ഏവരെയും സ്‌നേഹത്തോടെ ക്ഷണിക്കുന്നു.
ഫാ. ബിജു കുന്നയ്ക്കാട്ട് പി.ആര്‍.ഒ
ബെര്‍മിംഗ്ഹാം: ഗ്രേറ്റ് ബ്രിട്ടണ്‍ സീറോ മലബാര്‍ രൂപത ആവിഷ്‌കരിച്ച ‘പഞ്ചവത്സര അജപാലന പദ്ധതിയിലെ ആദ്യ വര്‍ഷമായി ആചരിച്ചുവരികയായിരുന്ന ‘കുട്ടികളുടെ വര്‍ഷത്തിന്റെ ഔദ്യോഗിക സമാപനം നാളെ ബെര്‍മിംഗ്ഹാം ബെഥേല്‍ കണ്‍വെന്‍ഷന്‍ സെന്ററില്‍ വെച്ചു നടക്കും. ഗ്രേറ്റ് ബ്രിട്ടണ്‍ സീറോ മലബാര്‍ രൂപതയില്‍ ഔദ്യോഗിക സന്ദര്‍ശനം നടത്തുന്ന കര്‍ദ്ദിനാള്‍ മാര്‍ ജോര്‍ജ് ആലഞ്ചേരിയുടെ മുഖ്യകാര്‍മ്മികത്വത്തിലാണ് തിരുക്കര്‍മ്മങ്ങള്‍. രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍, പരിപാടിയുടെ കോ ഓര്‍ഡിനേറ്ററും വികാരി ജനറാളുമായ റവ. ഫാ. സജിമോന്‍ മലയില്‍ പുത്തന്‍പുരയില്‍ എന്നിവരുടെ നേതൃത്വത്തിലാണ് ഒരുക്കങ്ങള്‍.
ഏഴുമുതല്‍ മുകളിലേക്കുള്ള ക്ലാസ്സുകളില്‍ മതപഠനം നടത്തുന്ന കുട്ടികളെയും അദ്ധ്യാപകരെയും മാതാപിതാക്കളെയുമാണ് അന്നേ ദിവസം പ്രധാനമായും പ്രതീക്ഷിക്കുന്നത്. കുട്ടികള്‍ നേതൃത്വം നല്‍കുന്ന ഗായകസംഘം വി. കുര്‍ബാനയില്‍ ഗാനങ്ങളാലപിക്കും. ഡേവിഡ് വെല്‍സ്, ഓല സ്‌റ്റൈന്‍ തുടങ്ങിയവരുടെ പ്രഭാഷണങ്ങളും രൂപത ബൈബിള്‍ കലോത്സവത്തില്‍ വിജയികളായവരുടെ കലാപ്രകടനങ്ങളും പരിപാടികള്‍ക്ക് മാറ്റ് കൂട്ടും. അന്നേദിവസം മറ്റു വി. കുര്‍ബാന കേന്ദ്രങ്ങളിലെ തിരുക്കര്‍മങ്ങള്‍ മാറ്റി വെയ്ക്കണമെന്നും രൂപതയുടെ ഈ പൊതു പരിപാടിയില്‍ സംബന്ധിക്കണമെന്നും രൂപതാധ്യക്ഷന്‍ നിര്‍ദ്ദേശിച്ചിട്ടുണ്ട്.
കുട്ടികളുടെ വര്‍ഷത്തിന്റെ സമാപനം കുറിക്കുന്നതോടൊപ്പം യൂവജനവര്‍ഷത്തിന്റെ ഉദ്ഘാടനവും മാര്‍ ആലഞ്ചേരി നിര്‍വഹിക്കും. രൂപത മൈനര്‍ സെമിനാരി റെക്ടര്‍ റവ. ഡോ. ബാബു പുത്തന്‍പുരക്കലാണ് യൂവജന വര്‍ഷത്തിന് രൂപതാതലത്തില്‍ നേതൃത്വം കൊടുക്കുന്നത്. കുട്ടികളുടെ വര്‍ഷത്തിന്റെ സമാപനത്തില്‍ പങ്കെടുക്കാനെത്തുന്ന എല്ലാ കുട്ടികളുടെയും പേരുവിവരങ്ങള്‍ മുന്‍കൂട്ടി നല്‍കണമെന്ന് രൂപതാകേന്ദ്രം നിര്‍ദ്ദേശിചിരുന്നു. യൂറോപ്പിലെ കത്തോലിക്കാ കുട്ടികളുടെ ഏറ്റവും വലിയ കൂട്ടായ്മയ്ക്ക് ഒരുക്കങ്ങള്‍ പൂര്‍ത്തിയായതായും സാധിക്കുന്നത്ര നേരത്തെ എത്തണമെന്നും കോ ഓര്‍ഡിനേറ്റര്‍, റവ. ഫാ. സജിമോന്‍ മലയില്‍ പുത്തന്‍പുരയില്‍ അറിയിച്ചു.
ഫാ. ബിജു കുന്നയ്ക്കാട്ട് പി. ആര്‍. ഓ
ഇപ്സ്വിച്: ഗ്രേറ്റ് ബ്രിട്ടണ്‍ സീറോ മലബാര്‍ രൂപതയില്‍ രണ്ടു മിഷന്‍ സെന്ററുകള്‍ കൂടി ഇന്ന് പ്രഖ്യാപിക്കപ്പെട്ടു. ഇപ്സ്വിച്ച് സെന്റ് മേരീസ് കത്തോലിക്കാ ദൈവാലയത്തില്‍ നടന്ന ഭക്തിനിര്‍ഭരമായ ചടങ്ങുകളില്‍ സീറോ മലബാര്‍ സഭയുടെ പിതാവും തലവനുമായ കര്‍ദ്ദിനാള്‍ മാര്‍ ജോര്‍ജ്ജ് ആലഞ്ചേരിയാണ് ഇപ്സ്വിച്ച് കേന്ദ്രമാക്കി ‘സെന്റ് അല്‍ഫോന്‍സാ’ മിഷനും നോര്‍വിച് കേന്ദ്രമാക്കി ‘സെന്റ് തോമസ്’ മിഷനും പ്രഖ്യാപിച്ചത്. ഗ്രേറ്റ് ബ്രിട്ടണ്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കലിന്റെ സാന്നിധ്യത്തിലായിരുന്നു പ്രഖ്യാപനം. റവ. ഫാ. തോമസ് പാറക്കണ്ടത്തിലാണ് രണ്ടു മിഷനുകളുടെയും ഡയറക്ടര്‍. കേംബ്രിഡ്ജ് റീജിയണല്‍ കോ ഓര്‍ഡിനേറ്റര്‍ റവ. ഫാ. ഫിലിപ്പ് പന്തമാക്കല്‍ മിഷന്‍ സ്ഥാപന ഡിക്രികള്‍ വായിച്ചു. സെക്രട്ടറി റവ. ഫാ. ഫാന്‍സുവ പത്തിലും തിരുക്കര്‍മ്മങ്ങളില്‍ സഹകാര്‍മ്മികനായിരുന്നു.
തിരുക്കര്‍മ്മങ്ങളുടെ തുടക്കത്തില്‍ പ്രീസ്റ്റ് ഇന്‍ ചാര്‍ജ് റവ. ഫാ. തോമസ് പാറക്കണ്ടത്തില്‍, മിഷന്‍ സെന്ററുകളുടെ മുന്‍വര്‍ഷങ്ങളിലെ ചരിത്രം വിവരിച്ചു. വൈകിട്ട് 6.30ന് ആരംഭിച്ച തിരുക്കര്‍മ്മങ്ങളില്‍ ഡിക്രി വായനയ്ക്കു ശേഷം മിഷനുകളുടെ ഔദ്യോഗിക ഡയറക്ടര്‍ ചുമതലയുടെ നിയമനപത്രം റവ. ഫാ. തോമസ് പാറക്കണ്ടത്തിനു കര്‍ദ്ദിനാള്‍ കൈമാറി. മിഷന്‍ ഉദ്ഘാടനത്തിന് ശേഷം നടന്ന വി. കുര്‍ബാനക്ക് കര്‍ദ്ദിനാള്‍ മാര്‍ ജോര്‍ജ്ജ് ആലഞ്ചേരി മുഖ്യകാര്‍മ്മികത്വം വഹിച്ചു. സെന്റ് മേരീസ് പള്ളി വികാരി റവ. ഫാ. ടോണി റോജേഴ്‌സും ചടങ്ങുകളില്‍ പങ്കുചേര്‍ന്നു. ഇംഗ്ലീഷ് കമ്മ്യൂണിറ്റിയെ പ്രതിനിധീകരിച്ചു ഇടവകഅംഗങ്ങളും തിരുക്കര്‍മ്മങ്ങളില്‍ സന്നിഹിതരായിരുന്നു. തുടര്‍ന്ന് നടന്ന സ്‌നേഹവിരുന്നില്‍ പങ്കുചേര്‍ന്നു മിഷന്‍ സ്ഥാപന സന്തോഷം വിശ്വാസികള്‍ പങ്കുവച്ചു.
ഇന്ന് കേംബ്രിഡ്ജില്‍ രണ്ടു മിഷന്‍ സെന്ററുകളുടെ ഉദ്ഘാടനം നടക്കും. വൈകിട്ട് 7. 15 നു St. Philip Howard Catholic Church (33, Walpole Road, Cambridge, CH1 3TH) ല്‍ നടക്കുന്ന മിഷന്‍ ഉദ്ഘാടനത്തിനും വി. കുര്‍ബാനക്കുമുള്ള ഒരുക്കങ്ങളെല്ലാം പൂര്‍ത്തിയായതായി പ്രീസ്റ്റ് ഇന്‍ ചാര്‍ജ്, റവ. ഫാ . ഫിലിപ്പ് പന്തമാക്കല്‍, കമ്മറ്റി അംഗങ്ങള്‍ എന്നിവര്‍ അറിയിച്ചു. മാര്‍ ജോസഫ് സ്രാമ്പിക്കലിന്റെ സാന്നിധ്യത്തില്‍, കര്‍ദ്ദിനാള്‍ മാര്‍ ജോര്‍ജ്ജ് ആലഞ്ചേരി കേംബ്രിഡ്ജ് കേന്ദ്രമാക്കി ‘ഔവര്‍ ലേഡി ഓഫ് വാല്‍സിംഗ്ഹാം’ മിഷനും പീറ്റര്‍ബറോ കേന്ദ്രമാക്കി ‘ഔവര്‍ ലേഡി ഓഫ് ലൂര്‍ദ്ദ്’ മിഷനാണ് ഇന്ന് പ്രഖ്യാപിക്കുന്നത്. ഏവരെയും തിരുക്കര്‍മ്മങ്ങളിലേക്കു സ്‌നേഹപൂര്‍വ്വം സ്വാഗതം ചെയ്യുന്നു.
എ. പി. രാധാകൃഷ്ണന്‍
ക്രോയ്ഡന്‍ ഹിന്ദു സമാജത്തിന്റെ മണ്ഡല മഹോത്സാവം മൂന്ന് ദിവസങ്ങളിലായി വളരെ വിപുലമായി നടത്തുവാന്‍ ഭാരവാഹികളുടെ യോഗം തീരുമാനിച്ചു. ഡിസംബര്‍ മാസം 23,24,25 എന്നീ ദിവസങ്ങളില്‍ വിപുലമായ പരിപാടികള്‍ ആണ് ആസൂത്രണം ചെയ്തിരിക്കുന്നത്. സ്വാമി ശരണം വിളികളാല്‍ എല്ലാ വാരാന്ത്യങ്ങളും വിവിധ ഹിന്ദു സമാജങ്ങള്‍ നടത്തുന്ന മണ്ഡലകാല പൂജകള്‍ കൊണ്ട് ഇതിനോടകം തന്നെ യുകെയില്‍ എമ്പാടും ഭക്തിയുടെ നിറമാലകള്‍ ചാര്‍ത്തപ്പെടുമ്പോള്‍ ക്രോയ്‌ടോന്‍ ഹിന്ദു സമാജവും അതിനോടൊപ്പം ചേരുകയാണ്. വിവിധ മത സാമൂദായിക സാംസ്‌കാരിക സംഘടനകള്‍ സജീവമായി പ്രവര്‍ത്തിക്കുന്ന ക്രോയ്ഡനില്‍ നിന്നും ശബരിമല യുവതി പ്രവേശന വിഷയത്തില്‍ തുടക്കം മുതല്‍ വ്യക്തമായ നിലപാടുകളുമായി നാട്ടിലെയും യുകെയിലെയും പ്രതിഷേധ പരിപാടികളില്‍ സഹകരണ മനോഭാവത്തോടെ സജീവമായി പങ്കെടുക്കുന്ന സംഘടനയാണ് ക്രോയ്‌ഡോന്‍ ഹിന്ദു സമാജം. സ്വാമി അയ്യപ്പനോടുള്ള അചഞ്ചലമായ ഭക്തിതന്നെയാണ് തങ്ങളെ ഇത്രയും വിപുലമായി മണ്ഡല പൂജ സംഘടിപ്പിക്കാന്‍ പ്രാപ്തരാക്കുന്നത് എന്ന് ഭാരവാഹികള്‍ അറിയിച്ചു.
ഡിസംബര്‍ 23 നു ഞായറാഴ്ച വൈകുന്നേരം യു കെ യിലെ ഒട്ടുമിക്ക ഹിന്ദു സമാജങ്ങളില്‍ നടക്കുന്ന പോലെയുള്ള സാമ്പ്രദായിക മണ്ഡല പൂജയും ഭജനയും നടക്കും, 24 നു വൈക്കീട്ടു വ്രതശുദ്ധിയില്‍ ഉള്ള ഭക്തര്‍ക്ക് കെട്ടുനിറയും അതിനുശേഷം നിറച്ച കെട്ടുമായി 25നു കാലത്തു മുന്‍കൂട്ടി തയ്യാറാക്കിയ വാഹനത്തില്‍ ബര്‍മിങ്ഹാം ബാലാജി ക്ഷേത്രത്തില്‍ നടക്കുന്ന വാര്‍ഷിക മണ്ഡലപൂജയില്‍ പങ്കെടുക്കുന്നതിന് തീര്‍ത്ഥയാത്രയും സംഘടിപ്പിച്ചിരുന്നു. വിവിധ സ്ഥലങ്ങളില്‍ നിന്നും നിരവധി അയ്യപ്പ ഭക്തര്‍ എത്തിച്ചേരുന്ന മണ്ഡലപൂജയില്‍ ക്രോയ്ഡനിലെ ഭക്തര്‍ക്കും പങ്കെടുക്കാന്‍ കഴിയുന്ന ഒരു അവസരം ആണ് ക്രോയ്ഡന്‍ ഹിന്ദു സമാജം ഒരുക്കിയിരിക്കുന്നത്. ക്രിസ്മസ് ദിനം തന്നെ തീര്‍ത്ഥാടനം നടത്താന്‍ തിരഞ്ഞെടുക്കുക വഴി നിരവധി ഭക്തര്‍ക്ക് ബര്‍മിങ്ഹാം ബാലാജി ക്ഷേത്ര മണ്ഡലപൂജയില്‍ പങ്കെടുക്കാന്‍ കഴിയും എന്ന് ഭാരവാഹികള്‍ വിശ്വസിക്കുന്നു. കെട്ടുനിറക്കാന്‍ താല്പര്യമുള്ള ഭക്തരും ബാലാജി ക്ഷേത്ര തീര്‍ത്ഥാടനം നടത്താന്‍ താല്പര്യമുള്ള ഭക്തരും എത്രയും നേരത്തെ സംഘാടകരുമായി ബന്ധപ്പെടുക.
ശ്രീ കുമാര്‍ സുരേന്ദ്രന്‍ – 07979352084
ശ്രീ പ്രേംകുമാര്‍ – 07551995663
ഇമെയില്‍: [email protected]
ഫാ. ബിജു കുന്നയ്ക്കാട്ട് പി. ആര്‍. ഓ
നോട്ടിംഗ്ഹാം: വിശ്വാസ തീക്ഷ്ണതയില്‍ കനത്ത മഴയെ അവഗണിച്ചെത്തിയ നൂറുകണക്കിന് വിശ്വാസികളുടെ സാന്നിധ്യത്തില്‍ ഡെര്‍ബി സെന്റ് ഗബ്രിയേല്‍, നോട്ടിംഗ്ഹാം സെന്റ് ജോണ്‍സ് സീറോ മലബാര്‍ മിഷനുകള്‍ ഉദ്ഘാടനം ചെയ്യപ്പെട്ടു. വൈകിട്ട് 6.30 നു നോട്ടിംഗ്ഹാമിലുള്ള ഗുഡ് ഷെപ്പേര്‍ഡ് ദൈവാലയത്തില്‍ നടന്ന മിഷന്‍ ഉദ്ഘാടനത്തിനും വി. കുര്‍ബാനക്കും കര്‍ദ്ദിനാള്‍ മാര്‍ ജോര്‍ജ്ജ് ആലഞ്ചേരി മുഖ്യകാര്‍മ്മികനായി. ഗ്രേറ്റ് ബ്രിട്ടണ്‍ സീറോ മലബാര്‍ ബിഷപ് ജോസഫ് സ്രാമ്പിക്കല്‍, നോട്ടിങ്ഹാം രൂപത ബിഷപ്പ് പാട്രിക് ജോസഫ് മക്കിനി, വികാരി ജനറാള്‍ സജിമോന്‍ മലയില്പുത്തന്പുരയില്, കാനന്‍ ആന്റണി ഡോളന്‍, ഫാ. ജോര്‍ജ്ജ് തോമസ് ചേലക്കല്‍, ഫാ. വില്‍ഫ്രഡ് പെരേപ്പാടന്‍, ഫാ. ഫാന്‍സ്വാ പത്തില്‍, പ്രീസ്‌റ് ഇന്‍ ചാര്‍ജ്, ഫാ. ബിജു കുന്നയ്ക്കാട്ട് എന്നിവര്‍ സഹകാര്‍മികരായിരുന്നു.
ബാര്‍ട്ടന്‍ ഓണ്‍ ട്രെന്‍ഡും ഡെര്‍ബിയും ഒന്നിച്ചു ചേര്‍ന്ന് ഡെര്‍ബി സെന്റ് ഗബ്രിയേല്‍ മിഷനും വര്‍ക്സോപ്, ക്ലേ ക്രോസ്സ്, മാന്‍സ്ഫീല്‍ഡ്, നോട്ടിങ്ഹാം എന്നിവ ഒന്നിച്ചുചേര്‍ന്നു നോട്ടിംഗ്ഹാം സെന്റ് ജോണ്‍സ് എന്നിവയാണ് ഇന്നലെ മിഷന്‍ തലത്തിലേക്ക് ഉയര്‍ന്നത്. പ്രതികൂല കാലാവസ്ഥയും സാധാരണ ജോലിദിവസത്തിന്റെ മടുപ്പും അവഗണിച്ചും സ്‌കാന്‍തോര്‍പ്പ്, ബോസ്റ്റണ്‍, ഡെര്‍ബി, മാന്‍സ്ഫീല്‍ഡ്, ക്ലേ ക്രോസ്സ്, ബര്‍ട്ടന്‍ ഓണ്‍ ട്രെന്‍ഡ്, വര്‍ക്സോപ്, നോട്ടിങ്ഹാം എന്നിവിടങ്ങളില്‍ നിന്നും നിരവധിയാളുകള്‍ ചരിത്രനിമിഷങ്ങള്‍ക്കു സാക്ഷികളാകാനെത്തി. ദൈവം നമ്മളില്‍ നിന്നാഗ്രഹിക്കുന്ന വിശുദ്ധീകരണത്തിനായി ദൈവം ഒരുക്കിത്തരുന്ന വഴിയായിട്ടാണ് മിഷനേയും അതിലൂടെയുള്ള സജീവ പ്രവര്‍ത്തനത്തെയും കാണേണ്ടതെന്നു വചനസന്ദേശത്തില്‍ കര്‍ദ്ദിനാള്‍ മാര്‍ ജോര്‍ജ്ജ് ആലഞ്ചേരി പറഞ്ഞു. നോട്ടിംഗ്ഹാമിലുള്ള സീറോ മലബാര്‍ വിശ്വാസികളുടെ വിശ്വാസജീവിതവും ദൈവികകാര്യങ്ങളിലുള്ള താല്പര്യവും മാതൃകാപരമാണെന്നും അനുകരണീയമാണെന്നും ആശംസയര്‍പ്പിച്ചു സംസാരിച്ച നോട്ടിങ്ഹാം ബിഷപ്പ് പാട്രിക് ജോസഫ് മക്കിനിയും പറഞ്ഞു.
തിരുക്കര്‍മ്മങ്ങളുടെ തുടക്കത്തില്‍ പ്രീസ്റ്റ് ഇന്‍ ചാര്‍ജ് ഫാ. ബിജു കുന്നയ്ക്കാട്ട് എല്ലാവര്‍ക്കും സ്വാഗതമാശംസിച്ചു. തുടര്‍ന്ന് നടന്ന ഡിക്രി വായനകള്‍ക്ക് വികാരി ജനറാള്‍ റെവ. ഫാ. സജിമോന്‍ മലയില്പുത്തന്പുരയില്, റെവ. ഫാ. ജോര്‍ജ്ജ് തോമസ് ചേലക്കല്‍ തുടങ്ങിയവര്‍ നേതൃത്വം നല്‍കി. വിശ്വാസികള്‍ ആദരപൂര്‍വം എഴുന്നേറ്റുനിന്നു ഡിക്രി വായിച്ചുകേട്ടു. ഡിക്രി വായനയുടെ സമാപനത്തില്‍ വി. ഗബ്രിയേല്‍, വി. ജോണ്‍ എന്നീ മിഷന്‍ മധ്യസ്ഥരുടെ ഐക്കണ്‍ ചിത്രത്തിന്റെ അനാച്ഛാദനം, നിലവിളക്കു തെളിച്ചു ഉദ്ഘാടനം എന്നിവ നടന്നു. തുടര്‍ന്ന് നടന്ന ആഘോഷമായ വി. കുര്‍ബാനയുടെ സമാപനത്തില്‍, മിഷന്‍ മധ്യസ്ഥരായ വി. ഗബ്രിയേല്‍, വി. ജോണ്‍ എന്നിവര്‍ക്ക് സഭയിലുള്ള പ്രാധാന്യത്തെപ്പറ്റി വിവരണം നല്‍കപ്പെട്ടു. സ്‌നേഹവിരുന്നില്‍ പങ്കുചേര്‍ന്നു മിഷന്‍ പ്രഖ്യാപനത്തിന്റെ സന്തോഷം വിശാസികള്‍ പങ്കുവച്ചു. നോട്ടിങ്ഹാം കത്തീഡ്രല്‍ ഡീന്‍ റെവ. ഫാ. മലാക്കി ബ്രെറ്റ്, അസിസ്റ്റന്റ് വികാരി റെവ. ഫാ. ജോണ്‍ അലക്‌സ് എന്നിവരും ചടങ്ങുകളില്‍ പങ്കുചേര്‍ന്നു.
ഇന്ന് ഇപ്സ്വിച്ചും നോര്‍വിച്ചും മിഷനുകളായി പ്രഖ്യാപിക്കപ്പെടും. തിരുക്കര്‍മ്മങ്ങള്‍ നടക്കുന്ന ദൈവാലയത്തിന്റെ അഡ്രസ്: സെന്റ് മേരീസ് കത്തോലിക്ക ചര്‍ച്,(322 , Woodbridge Road, Ipswich, IP4 4BD). പ്രീസ്റ്റ് ഇന്‍ ചാര്‍ജ് റെവ. ഫാ. തോമസ് പാറക്കണ്ടത്തിന്റെയും കമ്മറ്റി അംഗങ്ങളുടെയും നേതൃത്വത്തില്‍ ഒരുക്കങ്ങള്‍ പൂര്‍ത്തിയായി. ഏവരെയും തിരുക്കര്‍മ്മങ്ങളിലേക്കു സ്വാഗതം ചെയ്യുന്നു.
ന്യൂകാസില്‍ : കേരളത്തിലെ വിവിധ ക്രൈസ്തവ സമൂഹങ്ങളുടെ നേതൃത്വത്തില്‍ വര്‍ഷം തോറും നടത്തിവരാറുള്ള എക്യുമെനിക്കല്‍ ക്രിസ്മസ് കരോള്‍ സംഗീത സന്ധ്യ ഈ വര്‍ഷം ജനുവരി 19, ശനിയാഴ്ച വൈകുന്നേരം 5.00ന് ന്യൂകാസില്‍ സെ. തോമസ് ഇന്ത്യന്‍ ഓര്‍ത്തഡോക്‌സ് ദേവാലയത്തില്‍ വെച്ച് വിശിഷ്ട വ്യക്തികളുടെ മഹനീയ സാന്നിധ്യത്തില്‍ നടക്കുന്നു. ക്രൈസ്തവ വിശ്വാസവും പൈതൃകവും മുറുകെ പിടിച്ചുകൊണ്ട് തങ്ങള്‍ക്കു കിട്ടിയ വിശ്വാസദീപത്തെ വരും തലമുറയ്ക്ക് കൈമാറാനും അതനുസരിച്ച് ജീവിക്കാനും വെമ്പുന്ന മലയാളി ക്രൈസ്തവര്‍, സ്‌നേഹത്തിന്റെ ക്രിസ്മസ് സന്ദേശം സഹോദരങ്ങള്‍ക്ക് കൈമാറാനുള്ള എളിയ സംരംഭത്തില്‍ കത്തോലിക്കാ, ഓര്‍ത്തഡോക്‌സ്, ജാക്കോബൈറ്റ്, മാര്‍ത്തോമാ സഭകളുടെ സാന്നിധ്യം കൊണ്ട് സമ്പന്നമാകും. വിവിധ സഭകളുടെ വൈദിക ശ്രേഷ്ഠന്മാരും മറ്റു വിശിഷ്ടാതിഥികളും സാക്ഷ്യം വഹിക്കുന്ന ചടങ്ങില്‍ നോര്‍ത്ത് ഈസ്റ്റിലെ മലയാളികളുടെ ശൈത്യകാല സമ്മേളനമാകുമെന്ന് പ്രതീക്ഷിക്കുന്നു. ഇത്തവണ ക്രിസ്തുമസ് ആഘോഷങ്ങള്‍ക്ക് മാറ്റുകൂട്ടിക്കൊണ്ട്, കരോള്‍ ആഘോഷത്തില്‍ നിന്നും കിട്ടുന്ന വരുമാനം സമൂഹത്തിലെ അശരണരായവര്‍ക്കു കൈത്താങ്ങാകാന്‍ ഉപയോഗപ്പെടുത്താന്‍ ആഗ്രഹിക്കുന്നു. ക്രിസ്തീയ സ്‌നേഹത്തിന്റെ ചൈതന്യം മറ്റുള്ളവരില്‍ എത്തിക്കാനുള്ള എളിയ ശ്രമത്തിനു സമൂഹത്തിന്റെ നാന വിഭാഗങ്ങളില്‍ നിന്നും വലിയ പിന്തുണയാണ് ലഭിക്കുന്നത്. ഇതൊരു വലിയ തുടക്കത്തിന്റെ ചെറിയ ആരംഭമാകട്ടെയെന്നു ഇതിന്റെ സംഘാടകര്‍ ആശിക്കുന്നു.
കൂടുതല്‍ വിവരങ്ങള്‍ക്ക് : 07962200998 സംഗമ വേദി : St. Thomas Indian Orthodox Church, Front Street, Blaydon, Newcastle upon Tyne. NE21 4RF.
മരിയന്‍ മിനിസ്ട്രിയുടെ നേതൃത്വത്തില്‍ ഫസ്റ്റ് സാറ്റര്‍ഡേ റിട്രീറ്റ്, ഡിസംബര്‍ 1ന് നടത്തപ്പെടുന്നു. മരിയന്‍ മിനിസ്ട്രി സ്പിരിച്വല്‍ ഡയറക്ടര്‍ ബഹുമാനപ്പെട്ട ടോമി ഏടാട്ട് അച്ചനോടൊപ്പം മരിയന്‍ മിനിസ്ട്രി ടീമും ശുശ്രൂഷകള്‍ക്ക് നേതൃത്വം നല്‍കും. രാവിലെ 9 മണിക്ക് ജപമാലയോടെ ആരംഭിച്ച്, ദിവ്യബലി, പ്രെയ്സ് ആന്‍ഡ് വര്‍ഷിപ്പ്, വചന പ്രഘോഷണം, ആരാധന എന്നിവയോടെ വൈകുന്നേരം 3 മണിക്ക് എല്ലാ ശുശ്രൂഷകളും അവസാനിക്കുന്നതായിരിക്കും.
കൂടുതല്‍ വിവരങ്ങള്‍ക്ക് മരിയന്‍ മിനിസ്ട്രി യുകെ ഡയറക്ടറും ചീഫ് കോ-ഓര്‍ഡിനേറ്ററുമായ ബ്രദര്‍ ചെറിയാന്‍ സാമുവലിനെയോ (07460499931) ഡാനി ഇന്നസെന്റിനെയോ (07852897570) ബന്ധപ്പെടുക.
സീറോ മലബാര്‍ സഭ പിതാവ് കര്‍ദിനാള്‍ മാര്‍ ജോസഫ് ആലഞ്ചേരി നവംബര്‍ മാസം 30-ാം തിയതി വെള്ളിയാഴ്ച്ച വൈകീട്ട് 6.30ന് ബര്‍മിംഹാമിലെ സാള്‍ട്ട്‌ലി ദേവാലയം സന്ദര്‍ശിക്കുമ്പോള്‍ ഏറ്റവും വലിയ സവിശേഷത എതിരേല്‍ക്കാന്‍ സീറോ മലബാര്‍ സഭാ വിശ്വാസികളെക്കാള്‍ കൂടുതല്‍ ആവേശത്തോടെ മുന്‍നിരയില്‍ നില്‍ക്കുന്നത് ആര്‍ച്ച് ബിഷപ്പ് ബര്‍ണാഡ് ലോങ്‌ലി പിതാവിന്റെ നേതൃത്വത്തിലുള്ള ഇംഗ്ലീഷ് സമൂഹമാണെന്നുള്ളതാണ്. മറ്റു പ്രധാന പരിപാടികള്‍ മാറ്റിവെച്ചിട്ട് ബഹുമാനപ്പെട്ട് ബര്‍ണാഡ് ലോങ്‌ലി പിതാവ് നേരിട്ട് പങ്കെടുക്കുന്നത് സീറോ മലബാര്‍ സമൂഹം ഇംഗ്ലണ്ടിലെ കത്തോലിക്കാ സഭയില്‍ മുഴുവനിലും ഉളവാക്കിയ ഉണര്‍വ്വിന്റെയും ആത്മവിശ്വാസത്തിന്റെയും അലയടികളുടെ വ്യക്തമായ അടയാളമാണ്.
ഡാള്‍ട്ടിലിയിലെ ചരിത്രപ്രാധാന്യമുള്ള ദേവാലയം സീറോ മലബാര്‍ സഭയുടെ ഉപയോഗത്തിനായി ദാനമായി നല്‍കുകയും കുട്ടികളുടം വിശ്വാസ പരിശീലനത്തിനായി അടുത്തുള്ള കാത്തലിക് സ്‌കൂളില്‍ സൈകര്യം അനുവദിക്കുകയും ചെയ്ത ഇംഗ്ലീഷ് സമൂഹം ഇപ്പോള്‍ വെദികരുടെ താമസത്തിനും ഉപയോഗത്തിനുമായി പള്ളിയോടു ചേര്‍ന്നുള്ള പ്രസ്ബിറ്ററി ആധുനിക രീതിയില്‍ പുനരുദ്ധരിക്കുകയാണ്.
വര്‍ഷങ്ങളായി സീറോമലബാര്‍ സഭയുടെ ചാപ്ലിയന്മാരായി സേവനമനുഷ്ഠിച്ച ഫാ. സെബാസ്റ്റ്യന്‍ അരീക്കാട്ട്, ഫാ. സോജി ഓലിക്കല്‍, ഫാ. ജോമോന്‍ തൊമ്മന, ഫാ. ജെയ്‌സണ്‍ കരിപ്പായി തുടങ്ങിയവരുടെയും നാമത്തില്‍ ഫാ. ടെറിന്‍ മുല്ലക്കര, ഫാ ജോര്‍ജ് എട്ടുപറയില്‍ എന്നിവരുടേയും ശ്രമത്തിന്റെ ഫലമായി ഇംഗ്ലീഷ് സമീഹവും സീറോ മലബാര്‍ വിശ്വാസികളും തമ്മില്‍ രൂപപ്പെട്ട വലിയ സൗഹൃദത്തിന്റെയും സാഹോദര്യത്തിന്റെയും പ്രതിഫലനമായിരിക്കും ഈ വെള്ളിയാഴ്ച്ച നടക്കുന്ന വലിയ പിതാവിന്റെ സന്ദര്‍ശനവും മിഷന്‍ പ്രഖ്യാപനവും. നോര്‍ത്ത്ഫീല്‍ഡ്, സ്റ്റെച്ച്‌ഫോര്‍ഡ്, വാംലി എന്നീ ചെറിയ സമൂഹങ്ങള്‍ ചേര്‍ന്ന് സെന്റ് ബനഡിക്ട് മിഷനും സെഡ്ജലി, വാല്‍ഡാല്‍, ടെല്‍ഫോര്‍ഡ്, എന്നീ സമൂഹങ്ങള്‍ ചേര്‍ന്ന് ഔവര്‍ ലേഡി ഓഫ് പെര്‍ച്ച്യല്ഡ ഹെല്‍പ്പ് മിഷനും രൂപികരിക്കപ്പെടുന്ന ധന്യ നിമിഷത്തിങ്ങള്‍.
ബര്‍മിംഹാമിലെ വലിയൊരു വിശ്വാസ സമൂഹത്തിന്റെ വര്‍ഷങ്ങളോളമുള്ള ആഗ്രഹങ്ങളുടെയും പ്രാര്‍ത്ഥനകളുടെയും പരിശ്രമങ്ങളുടെയും കാത്തിരിപ്പിന്റെയും സാക്ഷാത്കാരമായി കര്‍ത്താവില്‍ നിന്ന് ലഭിക്കുന്ന വലിയൊരു അനഗ്രഹമാണ്. പിതാക്കന്മാരുടെ സന്ദര്‍ശനത്തിന്റെയും മിഷന്‍ പ്രഖ്യാപനത്തിന്റെയും അവസാനഘട്ട ഒരുക്കങ്ങളിലാണ് വികാരി ഫാ. ടെറിന്‍ മുള്ളക്കരയുടെ നേതൃത്വത്തിലുള്ള ബര്‍മിംഹാമിലെ വിശ്വാസി സമൂഹം.
ലണ്ടന്‍: റവ.ഫാ.സേവ്യര്‍ ഖാന്‍ വട്ടായില്‍ നയിക്കുന്ന യൂത്ത് കോണ്‍ഫറന്‍സ് ഡിസംബര്‍ 26 മുതല്‍ 29 വരെ അഭിഷേകാഗ്‌നി കാത്തലിക് മിനിസ്ട്രിയുടെ നേതൃത്വത്തില്‍ യുകെ യില്‍ നടക്കും. റവ.ഫാ.സോജി ഓലിക്കല്‍,റവ.ഫാ.ഷൈജു നടുവത്താനിയില്‍ എന്നിവരും ബ്രദര്‍ ജോസ് കുര്യാക്കോസിന്റെ നേതൃത്വത്തില്‍ അഭിഷേകാഗ്‌നി ടീമും നാലുദിവസത്തെ ക്രിസ്മസ് അവധിക്കാല കോണ്‍ഫറന്‍സില്‍ പങ്കെടുക്കും.മള്‍ട്ടികള്‍ച്ചറല്‍ സംസ്‌കാരം നിലകൊള്ളുന്ന യുകെയില്‍ ബര്‍മിങ്ഹാമില്‍ നടന്നുവരുന്ന പ്രതിമാസ രണ്ടാം ശനിയാഴ്ച ബൈബിള്‍ കണ്‍വെന്‍ഷന്റെ ദൈവിക അനുഗ്രഹ പാതയില്‍ ഫാ.സോജി ഓലിക്കല്‍ തുടക്കമിട്ട കുട്ടികള്‍ക്കായുള്ള നിരവധിയായ ശുശ്രൂഷകള്‍ അതിന്റെ ഫലപ്രാപ്തിയിലെത്തിക്കൊണ്ടിരിക്കുന്നതില്‍ ദൈവമഹത്വത്തിന് നന്ദിയര്‍പ്പിച്ചുകൊണ്ടാണ് എല്ലാ യുവജനങ്ങളെയും ക്ഷണിച്ചുകൊണ്ടുള്ള യൂത്ത് കോണ്‍ഫറന്‍സ് ഗ്രേറ്റ് ബ്രിട്ടണ്‍ രൂപതയുമായി ചേര്‍ന്ന് നടത്തപ്പെടുന്നത്. ഇതിലേക്കുള്ള രജിസ്ട്രേഷന് തുടരുന്നു.
കുട്ടികളായിരിക്കുമ്പോള്‍ മുതല്‍ മാതാപിതാക്കളോടൊപ്പം സെഹിയോന്‍ ശുശ്രൂഷകളില്‍ പങ്കെടുത്തതും അത് യേശുവില്‍ അര്‍പ്പിച്ച ജീവിതം നയിക്കാന്‍ അനുഗ്രഹമായി മാറിയതും നിരവധി യുവതീ യുവാക്കള്‍ സാക്ഷ്യപ്പെടുത്തുന്നു. ഈ ശുശ്രൂഷകളുടെ ഭാഗമായി സെമിനാരി പഠനത്തിന് ചേര്‍ന്നവര്‍ വിശ്വാസ ജീവിതത്തില്‍ അടിയുറച്ചു നിന്നുകൊണ്ട് പഠനത്തില്‍ ഉന്നത വിജയം നേടി മികച്ച ജീവിത മേഖലകള്‍ കണ്ടെത്തിയവര്‍, ഏറ്റവും മാതൃകാപരമായി വിവാഹ ജീവിതത്തിലേക്ക് പ്രവേശിച്ചവര്‍, എല്ലാറ്റിലുമുപരിയായി പഠനത്തോടൊപ്പം അല്ലെങ്കില്‍ ജോലിയോടൊപ്പം സുവിശേഷ വത്ക്കരണത്തിന് പ്രാധാന്യം നല്‍കി ക്രൈസ്തവ സഭയോടുചേര്‍ന്നും മറ്റ് വിവിധ മിനിസ്ട്രികളിലൂടെയും പ്രവര്‍ത്തിക്കുന്നവര്‍ തുടങ്ങി നിരവധിപേര്‍ ഇന്ന് കുടുംബത്തിനും സമൂഹത്തിനും അനുഗ്രഹവും ആശ്വാസവുമായി മാറിക്കൊണ്ടിരിക്കുകയാണ്.
കുട്ടികളുടെയും യുവതീയുവാക്കളുടെയും നേതൃത്വത്തില്‍ നിരവധി സ്‌കൂളുകളിലും യൂണിവേഴ്‌സിറ്റികളിലും പ്രയര്‍ ഗ്രൂപ്പുകള്‍ പ്രവര്‍ത്തിക്കുന്നു. യുവത്വത്തിന്റെ വിശ്വാസ തീഷ്ണതയെ നേരിട്ടറിഞ്ഞ അനുഭവത്തില്‍ ഗ്രേറ്റ് ബ്രിട്ടണ്‍ രൂപത ബിഷപ്പ് മാര്‍.ജോസഫ് സ്രാമ്പിക്കല്‍ യൂത്ത് കോണ്‍ഫറന്‍സിനെപ്പറ്റി നല്‍കുന്ന സന്ദേശത്തിന്റെ വീഡിയോ യുകെയിലെ നിരവധി യുവജന സാക്ഷ്യങ്ങളോടൊപ്പം കാണാം
https://www.youtube.com/channel/UCQ1UrCYmN-rKc96Jkci2xFg
അഭിഷേകാഗ്‌നി മിനിസ്ട്രിയോട് ചേര്‍ന്നുകൊണ്ട് യുവജനങ്ങള്‍ ഡാനിയേല്‍ ഫാസ്റ്റിംങ് എന്ന ഇരുപത്തിയൊന്ന് ദിവസത്തെ ഉപവസിച്ചുള്ള പ്രാര്‍ത്ഥനയ്ക്കുശേഷം സെപ്റ്റംബര്‍ 22 മുതല്‍ എല്ലാദിവസവും ഹോളി സ്പിരിറ്റിന്റെ നൊവേന ചൊല്ലിയും വൈകിട്ട് സ്‌കൈപ്പ് വഴി ഒരുമിച്ചും ഈ ശുശ്രൂഷയ്ക്കായി പ്രാര്‍ത്ഥിക്കുന്നു. ഓസ്‌ട്രേലിയ, അമേരിക്ക, കാനഡ, അയര്‍ലന്‍ഡ്, ഇറ്റലി, ഓസ്ട്രിയ, സ്വിറ്റ്‌സര്‍ലാന്റ്, ബെല്‍ജിയം, ബള്‍ഗേറിയ തുടങ്ങിയ വിവിധ രാജ്യങ്ങളില്‍ നിന്നുമുള്ള യുവതീയുവാക്കള്‍ യൂത്ത് കോണ്‍ഫറന്‍സില്‍ പങ്കെടുക്കുന്നുണ്ട്.
ലോകത്തിലെ വിവിധ രാജ്യങ്ങളില്‍ ക്രൈസ്തവ സുവിശേഷവത്ക്കരണത്തിന് നേതൃത്വം കൊടുത്തുകൊണ്ട് പ്രവര്‍ത്തിക്കുന്ന കാലഘട്ടത്തിന്റെ ദൈവികോപകരണം ഫാ.സേവ്യര്‍ ഖാന്‍ വട്ടായില്‍ നയിക്കുന്ന യൂത്ത് കോണ്‍ഫറന്‍സിലേക്ക് അഭിഷേകാഗ്‌നി മിനിസ്ട്രീസ് യേശുനാമത്തില്‍ എല്ലാ യുവതീയുവാക്കളെയും ക്ഷണിക്കുന്നു. www.sehion.org എന്ന വെബ്സൈറ്റില്‍ നേരിട്ട് ഇനിയും രജിസ്റ്റര്‍ ചെയ്യാവുന്നതാണ്.
കൂടുതല്‍ വിവരങ്ങള്‍ക്ക് ;
ജോസ് കുര്യാക്കോസ് 07414 747573
ജാക്‌സണ്‍ 07889 756688.
അഡ്രസ്സ് ;
ALL SAINTS PASTORAL CENTRE
SHENLEY LANE
LONDON COLNEY, ST ALBANS
HEARTFORDSHIRE
AL2 1AF.
