സി. ഗ്രേസ് മേരി പിആര്‍ഓ
കര്‍മ്മല മാതാവിന്റെ തിരുനാള്‍ ദിനമായ ജൂലൈ 16-ാം തിയതി നടക്കുന്ന ഗ്രേറ്റ് ബ്രിട്ടന്‍ സീറോ മലബാര്‍ രൂപതയുടെ പ്രഥമ വാല്‍സിംഹാം തീര്‍ത്ഥാടനത്തിന് ബ്രിസ്റ്റോള് കാര്‍ഡിഫ് (SMBCR) നിന്നുള്ള ഒരുക്കങ്ങള്‍ പൂര്‍ത്തിയായി. റീജിയണിന്റെ മുഴുവന്‍ കുര്‍ബാന കേന്ദ്രങ്ങളില്‍ നിന്നുള്ള വിശ്വാസികളുടെ സാന്നിധ്യം ഉറപ്പാകുംവിധം അഞ്ച് കോച്ചുകളാണ് ക്രമീകരിച്ചിരിക്കുന്നത്. അതുപോലെ പല കുടുംബങ്ങളും സ്വന്തം വാഹനങ്ങളില്‍ തീര്‍ത്ഥാടനത്തില്‍ പങ്കെടുക്കാനുള്ള ഒരുക്കത്തിലാണ്. ഗ്ലോസ്റ്റര്‍, ബ്രിസ്റ്റോള്, കാര്‍ഡിഫ്, എക്‌സെറ്റര്‍, യോവില്‍ എന്നിവിടങ്ങളില്‍ നിന്നാണ് കോച്ചുകള്‍ പുറപ്പെടുക. സമീപപ്രദേശങ്ങളിലുള്ള കുര്‍ബാന കേന്ദ്രങ്ങളില്‍ നിന്ന് തീര്‍ത്ഥാടനത്തിന് പോകുവാന്‍ ആഗ്രഹിക്കുന്നവര്‍ റീജിയണല്‍ ട്രസ്റ്റീസുമായി ബന്ധപ്പെടണം.
യുകെയിലെ സീറോ മലബാര്‍ സമൂഹത്തിന് തനത് ആരാധനാക്രമത്തില്‍ വളരാന്‍ അവസരമൊരുക്കുക എന്ന ലക്ഷ്യത്തോടെ ഗ്രേറ്റ് ബ്രിട്ടന്‍ രൂപത സ്ഥാപിച്ചതിന്റെയും മാര്‍ ജോസഫ് സ്രാമ്പിക്കലിനെ ബിഷപ്പായി പ്രഖ്യാപിച്ചതിന്റെയും ഒന്നാം പിറന്നാള്‍ ദിനവുമാണ് ജൂലൈ 16. ഇംഗ്ലണ്ടിലെ നസ്രത്ത് എന്ന് വിശേഷിപ്പിക്കുന്ന ഔവര്‍ ലേഡി ഓഫ് വാല്‍സിംഹാമിലേക്ക് റീജിയനില്‍ നിന്ന് കഴിയുന്ന അത്രയും പേര്‍ സംബന്ധിച്ച് പരിശുദ്ധ അമ്മയുടെ അനുഗ്രഹം പ്രാപിക്കുകയം ഈ രൂപതാ തീര്‍ത്ഥാടനം വിപുലമാക്കുകയും ചെയ്യണമെന്ന് ബ്രിസ്റ്റോള് കാര്‍ഡിഫ് റീജിയന്‍ കോര്‍ഡിനേറ്ററായ റവ.ഫാ.പോള്‍ വെട്ടിക്കാട്ടും മറ്റ് കുര്‍ബാന സെന്ററുകളില്‍ നേതൃത്വം നല്‍കുന്ന ഫാ. ജോയി വയലില്‍, ഫാ. സിറില്‍ ഇടമന, ഫാ. സണ്ണി പോള്‍, ഫാ. ജോസ് മാളിയേക്കല്‍, ഫാ.സിറില്‍ തടത്തില്‍, ഫാ. ജോര്‍ജ് പുത്തൂര്‍, ഫാ. ആംബ്രോസ് മാളിയേക്കല്‍, ഫാ.സജി അപ്പൂഴിപറമ്പില്‍, ഫാ.പയസ്, ഫാ.ജിമ്മി പുളിക്കകുന്നേല്‍, ഫാ.ചാക്കോ പനന്തറ എന്നിവര്‍ എല്ലാവരെയും സാദരം ക്ഷണിക്കുന്നു.
കൂടുതല്‍ വിവരങ്ങള്‍ക്കും രജിസ്‌ട്രേഷനുമായി താഴെപ്പറയുന്ന ട്രസ്റ്റികളുമായി ബന്ധപ്പെടുക
ഗ്ലോസ്റ്റര്‍- ഫിലിപ്പ് കണ്ടോത്ത് 07703063836
ബ്രിസ്റ്റോള്- റോയി സെബാസ്റ്റിയന്‍ 07862701046
കാര്‍ഡിഫ്- ജോസി മാത്യു 07916334280
സ്വാന്‍സി- ജോണ്‍സണ്‍ പഴംപള്ളി 07886755879
എക്‌സറ്റര്‍- ഷിജോ തോമസ് 07578594094
യോവല്‍- റോജന്‍ 07723343013
ഫാ.ബിജു കുന്നയ്ക്കാട്ട് പിആര്‍ഒ
പ്രസ്റ്റണ്‍: എഡിന്‍ബര്‍ഗ് അതിരൂപതയില്‍ ശുശ്രൂഷ ചെയ്തിരുന്ന റവ.മാര്‍ട്ടിന്‍ വാഴച്ചിറയുടെ ആകസ്മിക വേര്‍പാടില്‍ സീറോ മലബാര്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ അഗാധമായ ദുഃഖം രേഖപ്പെടുത്തി. മാര്‍ട്ടിന്‍ അച്ചനെ കാണാതായതു മുതല്‍ എഡിന്‍ബറോയിലെ സീറോ മലബാക് ചാപ്ലിന്‍ റവ.ഫാ.സെബാസ്റ്റ്യന്‍ തുരുത്തിപ്പള്ളി രൂപതാധ്യക്ഷനുമായി നിരന്തരം ബന്ധപ്പെടുകയും നിര്‍ദേശങ്ങള്‍ സ്വീകരിക്കുകയും ചെയ്തുകൊണ്ടിരുന്നു. മാര്‍ ജോസഫ് സ്രാമ്പിക്കല്‍ നാളെത്തന്നെ എഡിന്‍ബറോയിലേക്ക് പോകുന്നതും തുടര്‍ന്നുള്ള കാര്യങ്ങള്‍ക്ക് നേതൃത്വം വഹിക്കുന്നതുമാണ്.
പാ.മാര്‍ട്ടിനുവേണ്ടി സീറോ മലബാര്‍ സഭയുടെ എല്ലാ വിശുദ്ധ കുര്‍ബാന കേന്ദ്രങ്ങളിലും വി.ബലിമധ്യേ അദ്ദേഹത്തെ ഓര്‍ക്കണമെന്നും പ്രത്യേക പ്രാര്‍ത്ഥനാ ശുശ്രൂഷകള്‍ ദേവാലയങ്ങളിലും കുടുംബപ്രാര്‍ത്ഥനയിലും നടത്തണമെന്നും മാര്‍ സ്രാമ്പിക്കല്‍ നിര്‍ദേശിച്ചു. മാര്‍ട്ടിന്‍ അച്ചന്റെ വേര്‍പാടില്‍ രൂപതാ കുടുംബം ഒന്നാകെ അനുശോചിക്കുകയും പ്രാര്‍ത്ഥനാ സഹായം വാഗ്ദാനം ചെയ്യുകയും ചെയ്യുന്നെന്നും മാര്‍ സ്രാമ്പിക്കല്‍ പറഞ്ഞു.
സാബു ചുണ്ടക്കാട്ടില്‍
മാഞ്ചസ്റ്റര്‍: യുകെയുടെ മലയാറ്റൂര്‍ എന്ന് പ്രശസ്തമായ മാഞ്ചസ്റ്റര്‍ നാളെ മുതല്‍ തിരുന്നാള്‍ ലഹരിയിലേക്ക്. ഒരാഴ്ചക്കാലം നീണ്ടു നില്‍ക്കുന്ന തിരുന്നാള്‍ ആഘോഷങ്ങള്‍ക്ക് തുടക്കം കുറിച്ചുകൊണ്ട് ഇടവക വികാരി റെവ.ഡോ.ലോനപ്പന്‍ അറങ്ങാശേരി പതാക ഉയര്‍ത്തുന്നതോടെ മാഞ്ചസ്റ്റര്‍ ഉത്സവ ലഹരിയില്‍ ആവും. വര്‍ഷത്തില്‍ ഒരിക്കല്‍ മാത്രം എത്തുന്ന തോമാശ്‌ളീഹായുടെ ദുക്‌റാന തിരുന്നാള്‍ അതിന്റെ പൂര്‍ണതയില്‍ ആഘോഷിക്കുവാന്‍ കാത്തിരിക്കുകയാണ് തദ്ദേശവാസികള്‍. പൊന്നിന്‍കുരിശുകളും മുത്തുക്കുടകളും വാദ്യമേളങ്ങളും പ്രദക്ഷിണവും ഒക്കെയായി നടക്കുന്ന തിരുന്നാള്‍ ആഘോഷങ്ങള്‍ വിശ്വാസ സമൂഹത്തിന് ആത്മ നിര്‍വൃതിയാണ്.
നാളെ വൈകുന്നേരം 5 ന് ആരംഭിക്കുന്ന പ്രദക്ഷിണം സെന്റ് ആന്റണീസ് ദേവാലയത്തില്‍ പ്രവേശിച്ച ശേഷം ലദീഞ്ഞും തിരുസ്വരൂപ വെഞ്ചരിപ്പും,പ്രസുദേന്തി വാഴ്ചയും നടക്കും. ദിവ്യബലിയെ തുടര്‍ന്നാണ് കൊടിയേറ്റും പരമ്പരാഗതമായ ഉല്‍പ്പന്ന ലേലവും നടക്കുക. ഇടവ വികാരി റെവ.ഡോ.ലോനപ്പന്‍ അരങ്ങാശേരി തിരുക്കര്‍മ്മങ്ങളില്‍ മുഖ്യ കാര്‍മ്മികന്‍ ആകും.
തുടര്‍ന്ന് ദിവസവും വൈകുന്നേരം 5ന് ദിവ്യബലിയും മധ്യസ്ഥ പ്രാര്‍ത്ഥനകളും നടക്കും. 26-ാം തീയതിയിലെ തിരുക്കര്‍മങ്ങളില്‍ ഫാ.തോമസ് തൈക്കൂട്ടത്തിലും 27ന് ഫാ.നിക്കോളാസ് കേണ്‍, 28 ന് ഗ്രേറ്റ് ബ്രിട്ടന്‍ രൂപതാ വികാരി ജനറല്‍ ഫാ.സജി മലയില്‍പുത്തന്‍പുര, 29 ന് ഫാ.ജിനോ അരീക്കാട്ട്, 30 ന് ഗ്രേറ്റ് ബ്രിട്ടന്‍ രൂപതാ വികാരി ജനറല്‍ റെവ.ഡോ തോമസ് പാറയടിയില്‍ എന്നിവരും കാര്‍മ്മികരാകും.
പ്രധാന തിരുന്നാള്‍ ദിനമായ ജൂലൈ ഒന്നാം തിയതിയിലെ തിരുന്നാള്‍ തിരുക്കര്‍മ്മങ്ങളില്‍ ഗ്രേറ്റ് ബ്രിട്ടന്‍ രൂപതാ ബിഷപ്പ് മാര്‍.ജോസഫ് സ്രാമ്പിക്കല്‍ മുഖ്യ കാര്‍മ്മികന്‍ ആകും. മാഞ്ചസ്റ്ററിന്റെ ഹൃദയ ഭാഗത്തു രാജകീയ പ്രൗഢിയോടെ നില്‍ക്കുന്ന വിഥിന്‍ഷോ സെന്റ് ആന്റണീസ് ദേവാലയത്തില്‍ ആണ് തിരുന്നാള്‍ ആഘോഷങ്ങള്‍ നടക്കുക. തിരുന്നാള്‍ തിരുക്കര്‍മങ്ങളെയും പ്രദക്ഷിണത്തെയും തുടര്‍ന്ന് പ്രശസ്ത പിന്നണി ഗായകന്‍ ജി.വേണുഗോപാല്‍ നയിക്കുന്ന ഗാനമേളയാണ് ഇ വര്‍ഷത്തെ മുഖ്യ ആകര്‍ഷണം. വേണുഗോപാലിനൊപ്പം ഐഡിയ സ്റ്റാര്‍ സിങ്ങര്‍ ഡോ. വാണിജയറാം ഉള്‍പ്പെടെയുള്ള ഗായകര്‍ അണിനിരക്കുമ്പോള്‍ ഗാനമേള ഏവര്‍ക്കും മികച്ച വിരുന്നാകും.
തിരുന്നാള്‍ തിരുക്കര്‍മങ്ങളെ തുടര്‍ന്ന് വിഥിന്‍ഷോ ഫോറം സെന്ററിലാണ് യുകെയിലെ പ്രമുഖ മ്യൂസിക് ബാന്‍ഡായ റെയിന്‍ബോ രാഗാസ് ഒരുക്കുന്ന ലൈവ് ഓര്‍ക്കസ്ട്രയുടെ അകമ്പടിയോടെയുള്ള ഗാനമേള നടക്കുക. 2015ല്‍ കെ.ജി.മാര്‍ക്കോസും 2016ല്‍ ബിജു നാരായണനും മാഞ്ചസ്റ്റര്‍ തിരുനാളില്‍ സംഗീത വിരുന്നൊരുക്കിയപ്പോള്‍ ഇക്കുറി മലയാളത്തിന്റെ പ്രശസ്ത പിന്നണി ഗായകന്‍ ജി.വേണുഗോപാലിന്റെ മാസ്മരിക വിരുന്നിനായി യുകെ മലയാളികള്‍ കാത്തിരിക്കുകയാണ്.സീറ്റുകള്‍ പരിമിതമായതിനാല്‍ പ്രോഗ്രാം നടക്കുന്ന വിഥിന്‍ഷോ ഫോറം സെന്ററിലേക്കുള്ള പ്രവേശനം പാസുകള്‍ മൂലം നിയന്ത്രിക്കും.
നാടിന്റെ നാനാഭാഗങ്ങളില്‍ നിന്നായി ആയിരങ്ങള്‍ ഒത്തുചേരുന്ന യുകെ മലയാളികളുടെ ആത്മീയ ഉത്സവമാണ് മാഞ്ചസ്റ്റര്‍ തിരുന്നാള്‍. പ്രധാന തിരുന്നാള്‍ ദിനമായ ജൂലൈ ഒന്നാംതീയതി രാവിലെ 10ന് തിരുന്നാള്‍ തിരുക്കര്‍മ്മങ്ങള്‍ക്ക് തുടക്കമാകും. തിരുന്നാളില്‍ മുഖ്യ കാര്‍മ്മികനാകുവാന്‍ എത്തിച്ചേരുന്ന ഗ്രേറ്റ് ബ്രിട്ടന്‍ രൂപതയുടെ ബിഷപ്പ് മാര്‍.ജോസഫ് സ്രാമ്പിക്കല്‍ പിതാവിനെയും വൈദിക ശ്രേഷ്ഠരെയും മുത്തുക്കുടകളുടെയും വാദ്യ മേളങ്ങളുടെയും അകമ്പടിയോടെ സെന്റ് ആന്റണീസ് ദേവാലയത്തിലേക്ക് സ്വീകരിച്ചാനയിക്കുന്നതോടെ അത്യാഘോഷപൂര്‍വ്വമായ പൊന്തിഫിക്കല്‍ കുര്‍ബാനക്ക് തുടക്കമാകും. യുകെയുടെ നാനാ ഭാഗങ്ങളില്‍ നിന്നായി ഒട്ടേറെ വൈദികര്‍ ദിവ്യബലിയില്‍ സഹ കാര്‍മ്മികരാകും.
ദിവ്യബലിയെത്തുടര്‍ന്ന് തിരുന്നാള്‍ പ്രദക്ഷിണത്തിന് തുടക്കമാകും. പൊന്‍ -വെള്ളി കുരിശുകളുടെയും മുത്തുക്കുടകളുടെയും, വാദ്യമേളങ്ങളുടെയും അകമ്പടിയോടെ വിശുദ്ധ തോമാശ്ലീഹായുടെയും, വിശുദ്ധ അല്‍ഫോന്‍സയുടെയും തിരുസ്വരൂപങ്ങളും വഹിച്ചുകൊണ്ട് മാഞ്ചസ്റ്ററിന്റെ തെരുവീഥികളെ പുളകച്ചാര്‍ത്തണിയിച്ചു നടക്കുന്ന തിരുന്നാള്‍ പ്രദക്ഷിണം വിശ്വാസ സമൂഹത്തിനു ആത്മ നിര്‍വൃതിയാണ്. മേളപ്പെരുക്കം തീര്‍ത്തു മാഞ്ചസ്റ്റര്‍ മേളവും, സ്‌കോട്ടിഷ് പൈപ്പ് ബാന്‍ഡും പ്രദക്ഷിണത്തില്‍ അണിനിരക്കും.
പ്രദക്ഷിണം തിരികെ പള്ളിയില്‍ പ്രവേശിച്ച ശേഷം സമാപന ആശീര്‍വാദവും, നേര്‍ച്ച വിതരണവും, സ്നേഹവിരുന്നും ഉണ്ടായിരിക്കും. തിരുന്നാള്‍ ദിവസം വിശ്വാസികള്‍ക്ക് കഴുന്നുനേര്‍ച്ച എടുക്കുന്നതിനും, അടിമ വെക്കുന്നതിനും സൗകര്യം ഉണ്ടായിരിക്കുന്നതാണ്.
ഇതേ തുടര്‍ന്ന് ഫോറം സെന്ററില്‍ പ്രശസ്ത പിന്നണി ഗായകന്‍ ജി.വേണുഗോപാലും,ഐഡിയ സ്റ്റാര്‍ സിങ്ങര്‍ ഡോ.വാണിജയറാമും ചേര്‍ന്ന് നയിക്കുന്ന ഗാനമേളക്ക് തുടക്കമാകും. യുകെയിലെ പ്രമുഖ മ്യൂസിക് ബാന്‍ഡായ റെയിന്‍ബോ രാഗാസ് ആണ് പത്തിലേറെ ഉപകരണങ്ങളുമായി ലൈവ് ഓര്‍ക്കസ്ട്ര ഒരുക്കുന്നത്. മൂന്ന് മണിക്കൂറില്‍ ഏറെ നീണ്ടുനില്‍ക്കുന്ന സഗീതവിരുന്ന് കാണികള്‍ക്ക് വിസ്മയ വിരുന്നായിത്തീരും എന്നതില്‍ സംശയം ഇല്ല.
കഴിഞ്ഞ 12 വര്‍ഷക്കാലമായി ജൂലൈ മാസത്തിലെ ആദ്യ ശനിയാഴ്ചകളിലാണ് മാഞ്ചസ്റ്റര്‍ തിരുന്നാള്‍ നടക്കുന്നത്. യുകെയില്‍ ആദ്യമായി തിരുന്നാള്‍ ആഘോഷങ്ങള്‍ക്ക് തുടക്കം കുറിച്ചതും മാഞ്ചസ്റ്ററില്‍ ആയിരുന്നു. അന്ന് മുതല്‍ രാജ്യത്തിന്റെ പല ഭാഗങ്ങളില്‍ നിന്നായി നാനാ ജാതി മതസ്ഥരായ ആയിരങ്ങള്‍ ഒത്തുചേരുന്ന യുകെമലയാളികളുടെ ആത്മീയ ഉത്സവമായി മാഞ്ചസ്റ്റര്‍ തിരുന്നാള്‍ മാറുകയായിരുന്നു.
ഇടവ വികാരി റെവ.ഡോ.ലോനപ്പന്‍ അരങ്ങാശേരിയുടെ നേതൃത്വത്തില്‍ പ്രവര്‍ത്തിക്കുന്ന വിവിധ കമ്മറ്റികള്‍ തിരുന്നാള്‍ ആഘോഷങ്ങള്‍ക്ക് നേതൃത്വം നല്‍കിവരുന്നു. തിരുന്നാള്‍ തിരുക്കര്‍മ്മങ്ങളില്‍ പങ്കെടുത്തു വിശുദ്ധരുടെ അനുഗ്രഹങ്ങള്‍ പ്രാപിക്കുവാന്‍ ഏവരെയും റെവ.ഡോ.ലോനപ്പന്‍ അരങ്ങാശേരി സ്വാഗതം ചെയ്യുന്നു.
പതിനാറാമത് യു. കെ. കെ. സി. എ കണ്‍വന്‍ഷന്റെ സ്വാഗത ഗാനത്തിനുള്ള വരികള്‍ (Lyrics) യുകെയിലെ ക്നാനായ അംഗങ്ങളില്‍ നിന്നും ക്ഷണിച്ചപ്പോള്‍ ലഭിച്ച ഏഴ് എന്‍ട്രികളും ഉള്‍പ്പെടുത്തിക്കൊണ്ടുള്ള പ്രൊഫഷണല്‍ മ്യൂസിക് സിഡി യില്‍ പാടുവാനുള്ള അവസരമാണ് നിങ്ങളെ കാത്തിരിക്കുന്നത്. സ്വാഗത ഗാനമടക്കം ഏഴ് പാട്ടുകള്‍ക്കും സംഗീത സംവിധാനം നിര്‍വഹിച്ചിരിക്കുന്നത് ഷാന്റി ആന്റണി അങ്കമാലിയാണ്. ഇതില്‍ സ്വാഗതഗാനമൊഴിച്ചുള്ള ആറ് പാട്ടുകളാണ് നിങ്ങളുടെ സ്വരമാധുരിക്കായി കാത്തിരിക്കുന്നത്.
യു. കെ. കെ. സി. എ എന്ന സംഘടനയെ കൂടുതല്‍ ജനകീയമാക്കുന്നതിനോടൊപ്പം യൂണിറ്റംഗങ്ങളുടെ കഴിവുകള്‍ കൂടുതല്‍ ഉയരങ്ങളില്‍ എത്തിക്കുന്ന ഈ സംരംഭത്തില്‍ നല്ല സ്വരമാധുരിയും ശബ്ദഗാംഭീര്യവും ഉള്ള ആര്‍ക്കും പങ്കെടുക്കാം. പക്ഷേ ഓഡിഷന്‍ റൗണ്ടില്‍ തിരഞ്ഞെടുക്കപ്പെടുന്നവര്‍ക്കായിരിക്കും സിഡിയില്‍ പാടാനുള്ള അവസരം ലഭിക്കുക. ഓഡീഷനിലേയ്ക്കായി ഒരു മിനിറ്റില്‍ കുറയാത്ത, നിങ്ങള്‍ക്കിഷ്ടമുള്ള ഏതെങ്കിലും ഒരു ഗാനം കരോക്കെ (karaoke) യോട് കൂടിയോ അല്ലാതെയോ സ്വന്തം ശബ്ദത്തില്‍ പാടി സെന്‍ട്രല്‍ കമ്മിറ്റിക്കയച്ച് തരിക. ഷാന്റി ആന്റണി ഉള്‍പ്പെടുന്ന പാനലായിരിക്കും അന്തിമതീരുമാനം കൈക്കൊള്ളുക.
നിബന്ധനകള്‍
1) 18 വയസ്സോ അതിനു മുകളിലോ പ്രായമുള്ള എല്ലാവര്‍ക്കും (Male & Female) പങ്കെടുക്കാം.
2) യൂണിറ്റ് ഭാരവാഹികളുടെ അനുമതിയോടെ ആയിരിക്കണം മത്സരത്തില്‍ പങ്കെടുക്കേണ്ടത്.
3) 2017 ജൂണ്‍ 25 (ഞായറാഴ്ച്ച) വൈകുന്നേരം 5 മണിക്ക് മുന്‍പായി അപേക്ഷകള്‍ UKKCA പ്രസിഡന്റ്‌റ് അല്ലെങ്കില്‍ സെക്രട്ടറിയുടെ പക്കല്‍ എത്തിച്ചേരേണ്ടതാണ്.
4) തിരഞ്ഞെടുക്കപ്പെടുന്നവര്‍ സ്റ്റുഡിയോ റിക്കോര്‍ഡിംഗിന്റെ ചിലവിലേക്കായി £75 നല്‍കേണ്ടതാണ്.
5) കൂടുതല്‍ പേര്‍ക്ക് അവസരം കൊടുക്കുന്നതിന്റെ ഭാഗമായി ഒരു കുടുംബത്തില്‍ നിന്നും ഒരു എന്‍ട്രി മാത്രമായിരിക്കും സ്വീകരിക്കുക.
6) സിഡിയുടെ നിര്‍മ്മാണം, വിതരണം, പാട്ടുകളുടെ കോപ്പിറൈറ്റ് തുടങ്ങിയ കാര്യങ്ങളിലെല്ലാം അന്തിമതീരുമാനം UKKCA സെന്‍ട്രല്‍ കമ്മിറ്റിക്കായിരിക്കും.
എല്ലാവരുടെയും സാന്നിധ്യ സഹകരണങ്ങള്‍ പ്രതീക്ഷിക്കുന്നുവെന്ന് യു. കെ. കെ. സി. എ സെന്‍ട്രല്‍ കമ്മിറ്റി അറിയിച്ചു.
സഖറിയ പുത്തന്‍കളം
ബര്‍മിങ്ങ്ഹാം: യു.കെ.യിലെ ക്നാനായ കത്തോലിക്കര്‍ക്ക് അഭിമാനമായി പ്രഥമ ക്നാനായ ചാപ്പലിന്റെ വെഞ്ചരിപ്പ് കര്‍മ്മം ജൂലൈ ആറിന് നടക്കും. കോട്ടയം അതിരൂപതാ സഹായ മെത്രാന്‍ അഭിവന്ദ്യ മാര്‍ ജോസഫ് പണ്ടാരശ്ശേരി സെന്റ് മൈക്കിള്‍സ് ചാപ്പല്‍ വിശ്വാസികള്‍ക്കായി തുറന്നു കൊടുക്കും.
ജൂലൈ ആറിന് വൈകുന്നേരം ആറിന് മുത്തുക്കുടകളുടെയും ക്നാനായ പരമ്പരാഗത വേഷവിധാനത്തിലും അഭിവന്ദ്യ മാര്‍ ജോസഫ് പണ്ടാരശ്ശേരിയെ എലയ്ക്കാമാല അണിയിച്ച് യു.കെ.കെ.കെ.സി.എ പ്രസിഡന്റ് ബിജു മടക്കക്കുഴിയും മറ്റ് സെന്‍ട്രല്‍ കമ്മിറ്റി അംഗങ്ങളും ചേര്‍ന്ന് സ്വീകരിക്കും.
തുടര്‍ന്ന് സെന്റ് മൈക്കിള്‍സ് ചാപ്പലിന്റെ വെഞ്ചരിപ്പ് കര്‍മ്മവും ദിവ്യബലിയും മാര്‍ ജോസഫ് പണ്ടാരശ്ശേരിയുടെ മുഖ്യകാര്‍മ്മികത്വത്തില്‍ നടക്കും. ഫാ. സജി മലയില്‍ പുത്തന്‍പുര, ഫാ. സജി തോട്ടം, ഫാ. മാത്യു കട്ടിയാങ്കില്‍, ഫാ. ജസ്റ്റിന്‍ കാരയ്ക്കാട്ട് എന്നിവര്‍ സഹകാര്‍മ്മികരാകും.
”സഭാ സമുദായ സ്‌നേഹം ആത്മാവില്‍ അഗ്നിയായി ക്നാനായ ജനത’ എന്ന ആപ്തവാക്യത്തിലധിഷ്ഠിതമായി പ്രവര്‍ത്തിക്കുന്ന യു.കെ.കെ.സി.എ സെന്‍ട്രല്‍ കമ്മിറ്റിയും ഓരോ ക്‌നാനായക്കാര്‍ക്കും തിലകക്കുറിയാവുകയാണ് യു.കെയിലെ പ്രഥമ ക്നാനായ ചാപ്പല്‍.
വെഞ്ചരിപ്പ് കര്‍മ്മത്തിനും തുടര്‍ന്നുള്ള സ്‌നേഹവിരുന്നിലും എല്ലാവരെയും ഹാര്‍ദ്ദവമായി സ്വാഗതം ചെയ്യുന്നതായി യു.കെ.കെ.സി.എ പ്രസിഡന്റ് ബിജു മടക്കക്കുഴി, സെക്രട്ടറി ജോസി നെടുംതുരുത്തി പുത്തന്‍രപുര, ട്രഷറര്‍ ബാബു തോട്ടം, വൈസ് പ്രസിഡന്റ് ജോസ് മുഖച്ചിറ, ജോ. സെക്രട്ടറി സഖറിയ പുത്തന്‍കളം, ജോ. ട്രഷറര്‍ ഫിനില്‍ കളത്തില്‍കോട്ട്, ഉപദേശക സമിതി അംഗങ്ങളായ ബെന്നി മാവേലില്‍, റോയി സ്റ്റീഫന്‍ എന്നിവര്‍ അറിയിച്ചു.
ബാബു ജോസഫ്
ഷെഫീല്‍ഡ്: യുകെയിലെ മലയാളി തിരുനാള്‍ ആഘോഷങ്ങളില്‍ പ്രസിദ്ധമായ ഷെഫീല്‍ഡിലെ വി. തോമ്മാശ്ലീഹായുടെയും വി. അല്‍ഫോന്‍സാമ്മയുടെയും സംയുക്ത തിരുനാള്‍ ഭക്തി നിര്‍ഭരമായ തിരുക്കര്‍മങ്ങളോടെ 16 മുതല്‍ 25 വരെ പത്തുദിവസത്തേക്ക് വിവിധ തിരുക്കര്‍മങ്ങളോടെ നടന്നുവരുന്നു. 2017 ജൂണ്‍ 16 വെള്ളിയാഴ്ച്ച ഷെഫീല്‍ഡ് സെന്റ് പാട്രിക് പള്ളിയില്‍ വി. അല്‍ഫോന്‍സാമ്മയുടെ നൊവേനയോടും ആഘോഷമായ തിരുനാള്‍ കുര്‍ബാനയോടും കൂടി ആരംഭിച്ച പത്തു ദിവസത്തെ ഭക്തിനിര്‍ഭരമായ തിരുനാള്‍ ആഘോഷങ്ങള്‍ 25ന് സമാപിക്കും.
തിരുനാളിനോടനുബന്ധിച്ച് ജൂണ്‍ 16 മുതല്‍ 25 വരെ എല്ലാ ദിവസവും വി. കുര്‍ബാനയും നൊവേനയും തുടര്‍ന്ന് സ്നേഹവിരുന്നും സെന്റ് പാട്രിക് പള്ളിയില്‍ നടന്നുവരുന്നു. ഷെഫീല്‍ഡില്‍ സീറോ മലബാര്‍ മലയാളം വി. കുര്‍ബാനയും കുട്ടികള്‍ക്ക് വേദപാഠവും ആരംഭിച്ചിട്ട് 2017 ല്‍ പത്തുവര്‍ഷം പൂര്‍ത്തിയാകും. വിവിധ വൈദികര്‍ തിരുനാള്‍ ദിവസങ്ങളില്‍ വിശുദ്ധ കുര്‍ബാനയിലും നൊവേനയിലും കാര്‍മ്മികരാകുന്നു. 24ന് വൈകിട്ട് തിരുനാള്‍ കുര്‍ബാനയും നൊവേന സമാപനവും വി. അല്‍ഫോന്‍സാമ്മയുടെ തിരുശേഷിപ്പ് വണക്കം, പാച്ചോര്‍ നേര്‍ച്ച എന്നിവയും നടക്കും.
25 ന് വൈകിട്ട് ആഘോഷമായ തിരുനാള്‍ കുര്‍ബാനയ്ക്കു റവ. ഫാ. ജിന്‍സണ്‍ മുട്ടത്തുകുന്നേല്‍ മുഖ്യ കാര്‍മ്മികത്വം വഹിക്കും. ഫാ. സന്തോഷ് വാഴപ്പള്ളി തിരുനാള്‍ സന്ദേശം നല്‍കും. ഭക്തി നിര്‍ഭരമായ തിരുനാള്‍ പ്രദക്ഷിണം, ബാന്റുമേളം, കരിമരുന്ന്, മാജിക് ഷോ, ഗാനമേള എന്നിവയുണ്ടായിരിക്കും. തുടര്‍ന്ന് ഷെഫീല്‍ഡിലെ നൂതന മലയാളി സംരംഭം നീലഗിരി റെസ്റ്റോറന്റ് ഒരുക്കുന്ന സ്നേഹവിരുന്നോടുകൂടി രാത്രി 8.30ന് പത്തു ദിവസത്തെ ആഘോഷ പരിപാടികള്‍ സമാപിക്കും.
തിരുനാളിനോടനുബന്ധിച്ചു കുമ്പസാരിക്കുന്നതിനും കഴുന്ന് എടുക്കുന്നതിനും അടിമവയ്ക്കുന്നതിനും സൗകര്യമുണ്ടായിരിക്കും. 24 ന് ശനിയാഴ്ച്ച തിരുനാള്‍ കുമ്പസാരദിനമായിട്ട് (ഇംഗ്ലീഷ് /മലയാളം) നടത്തപ്പെടുന്നതായിരിക്കും. തിരുനാള്‍ തിരുക്കര്‍മ്മങ്ങളില്‍ പങ്കെടുത്ത് വിശുദ്ധരുടെ മാധ്യസ്ഥം തേടി പ്രാര്‍ത്ഥിക്കുവാന്‍ ചാപ്ലയിന്‍ റവ.ഫാ. മാത്യു മുളയോലിലും ഇടവക സമൂഹവും എല്ലാവരെയും സ്നേഹപൂര്‍വം ക്ഷണിക്കുന്നു.
കൂടുതല്‍ വിവരങ്ങള്‍ക്ക്
ബിജു മാത്യു 07828 283353.
ദേവാലയത്തിന്റെ അഡ്രസ്സ്
ST.PATRICK CATHOLIC CHURCH
851 BARNSLEY ROAD
SHEFFIELD
S5 0QF
ബാബു ജോസഫ്
മാഞ്ചസ്റ്റര്‍: പ്രമുഖ വചനപ്രഘോഷകനും രോഗശാന്തി ശുശ്രൂഷകനുമായ സ്റ്റീവ് ലെവാരി സെഹിയോന്‍ അഭിഷേകാഗ്നി മിനിസ്ട്രിയുമായി ചേര്‍ന്നു നയിക്കുന്ന ഹോളി സ്പിരിറ്റ് ഈവനിങ് നാളെ സാല്‍ഫോര്‍ഡില്‍ നടക്കും. നാളെ വൈകിട്ട് 5.30 മുതല്‍ രാത്രി 8.30 വരെ സാല്‍ഫോര്‍ഡ് സെന്റ് പീറ്റര്‍ ആന്‍ഡ് സെന്റ് പോള്‍ പള്ളിയിലാണ് പൂര്‍ണമായും ഇംഗ്ലീഷിലുള്ള ഈ ധ്യാനം നടക്കുന്നത്.
റവ .ഫാ.സോജി ഓലിക്കല്‍ നയിക്കുന്ന സെഹിയോന്‍ ടീം ലോക സുവിശേഷവത്കരണത്തിനായി ഇതര മിനിസ്ട്രികളോടും ശുശ്രൂഷകളോടും ചേര്‍ന്ന് ലോകവ്യാപകമായി വിവിധ ഭാഷാ ദേശക്കാര്‍ക്കായി നടത്തിക്കൊണ്ടിരിക്കുന്ന അഭിഷേകാഗ്നി മിനിസ്ട്രി ശുശ്രൂഷകളുടെ ഭാഗമായി നടത്തപ്പെടുന്ന ഹോളി സ്പിരിറ്റ് ഈവനിങ് ഇന്ന് അനേകര്‍ക്ക് ദൈവികാനുഭവം പകരുന്ന വേദിയായി മാറിക്കൊണ്ടിരിക്കുന്നു. വചന പ്രഘോഷണം, വിശുദ്ധ കുര്‍ബാന, ദിവ്യകാരുണ്യ ആരാധന എന്നിവയും ധ്യാനത്തിന്റെ ഭാഗമാകും. പരിശുദ്ധാത്മ അഭിഷേകം നിറയുന്ന നാളത്തെ ഈ സായാഹ്ന ശുശ്രൂഷയിലേക്ക് സംഘാടകര്‍ ഏവരെയും യേശുനാമത്തില്‍ ക്ഷണിക്കുന്നു.
അഡ്രസ്സ്
സെന്റ് പീറ്റര്‍ & സെന്റ് പോള്‍ ചര്‍ച്ച്
പാര്‍ക്ക് റോഡ്
സാല്‍ഫോര്‍ഡ്
M68JR
കൂടുതല്‍ വിവരങ്ങള്‍ക്ക്
രാജു ചെറിയാന്‍ 0744360066
സഖറിയ പുത്തന്‍കളം
ചെല്‍ട്ടണ്‍ഹാം: ”സഭാ-സമുദായ സ്‌നേഹം ആത്മാവില്‍ അഗ്നിയായി ക്നാനായ ജനത എന്ന ആപ്ത വാക്യത്തിലധിഷ്ഠിതമായി 16-ാമത് യു.കെ.കെ.സി.എ കണ്വെന്ഷന് ജൂലൈ എട്ടിന് ചെല്‍ട്ടണ്‍ഹാമിലെ ജോക്കി ക്ലബ്ബില്‍ നടക്കുമ്പോള്‍ മൂന്ന് വൈദികശ്രേഷ്ഠരാല്‍ കണ്വെന്ഷന് അനുഗ്രഹീതമാകും. കോട്ടയം അതിരൂപതാ സഹായ മെത്രാന്‍ മാര്‍ ജോസഫ് പണ്ടാരശ്ശേരി മുഖ്യാതിഥിയാകുമ്പോള്‍ കര്‍ദ്ദിനാള്‍ മാര്‍ വിന്‍സെന്റ് നിക്കോളസിന്റെ പ്രതിനിധിയായി വെസ്റ്റ് മിനിസ്റ്റര്‍ അതിരൂപതാ സഹായമെത്രാന്‍ മാര്‍ പോള്‍ മക്ക്‌ലീന്‍ അനുഗ്രഹ പ്രഭാഷണം നടത്തും. എത്തിനിക് ചാപ്ലിന്‍സിയുടെ ചുമതല വഹിക്കുന്ന ബിഷപ്പ് മാര്‍ പോള്‍ മക് ക്ലീന്റെ സാന്നിധ്യം ഓരോ ക്‌നാനായക്കാരനും അഭിമാനവും അനുഗ്രഹവുമാവുകയാണ്. ഇതാദ്യമായിട്ടാണ് കര്‍ദ്ദിനാള്‍ വിന്‍സന്റ് നിക്കോളിന്റെ പ്രതിനിധി യു.കെ.കെ.സി.എ കണ്‍വെന്‍ഷനില്‍ പങ്കെടുക്കുന്നത്.
കണ്‍വെന്‍ഷനില്‍ മാര്‍ ജോസഫ് പണ്ടാരശ്ശേരി മുഖ്യ കാര്‍മികത്വം വഹിക്കുന്ന ദിവ്യബലിയില്‍ ഗ്രേറ്റ് ബ്രിട്ടണ്‍ സീറോ – മലബാര്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ വചന സന്ദേശം നല്‍കും. ഓരോ കണ്വെന്ഷന് കഴിയുമ്പോളും കൂടുതല്‍ മനോഹരമാകുന്ന സ്വാഗത ഗാനത്തിന്റെ പ്രമോ വീഡിയോ റിലീസായി. നവ സംഗീത സംവിധായകനായ ഷാന്റി ആന്റണി അങ്കമാലി സംഗീത സംവിധാനം ചെയ്ത സ്വാഗതഗാന രചന സുനില്‍ ആല്‍മതടത്തിലും ഗായകര്‍ പിറവം വില്‍സണും അഫ്‌സലുമാണ്.
പ്രസിഡന്റ് ബിജു മടക്കക്കുഴി ചെയര്‍മാനായി സെക്രട്ടറി ജോസി നെടുംതുരുത്തി പുത്തന്‍പുര, ട്രഷറര്‍ ബാബു തോട്ടം, വൈസ് പ്രസിഡന്റ്, ജോസ് മുഖച്ചിറ, ജോ. സെക്രട്ടറി സഖറിയ പുത്തന്‍കളം, ജോ. ട്രഷറര്‍ ഫിനില്‍ കളത്തില്‍കോട്ട്, അഡൈ്വസര്‍മാരായ ബെന്നി മാവേലില്‍, റോയി സ്റ്റീഫന്‍ എന്നിവരുടെ നേതൃത്വത്തില്‍ പ്രവര്‍ത്തനങ്ങള്‍ നടന്നുവരുന്നു.
ലിവർപൂൾ: ‘യേശുവിന്റെ ഊർജ്വസ്വലനായ ശിഷ്യൻ’ എന്നറിയപ്പെടുന്ന വി. തോമാശ്ലീഹായുടെ തിരുന്നാൾ യൂ.കെയിലെ വിവിധ ദേവാലയങ്ങളിൽ ഭക്തിപൂർവ്വം ആഘോഷിക്കുവാൻ തയ്യാറെടുത്തുകൊണ്ടിരിക്കുമ്പോൾ ആയതിന് ഈ വരുന്ന ഞായറാഴ്ച ലിവർപൂളിൽ തുടക്കം കുറിക്കുകയാണ്. സീറോ മലബാർ യു.കെ രൂപം കൊണ്ടതിനു ശേഷം ആദ്യമായി വരുന്ന ദുക്രാന തിരുന്നാൾ ഏറ്റവും ഭക്തിയോടെയും വിശുദ്ധിയോടെയും കൊണ്ടാടുവാൻ ലിവർപൂൾ സമൂഹം തയ്യാറെടുത്തുകഴിഞ്ഞു.
ഈ വരുന്ന ഞായറാഴ്ച രാവിലെ 9.15ന് ക്രോക്സ്റ്റത് ഡെലാ സാലെ അക്കാദമിയിൽ പ്രസുദേന്തി വാഴ്ചയോടെ തിരുന്നാൾ ചടങ്ങുകൾ ആരംഭിക്കും.തുടർന്ന് അഭിവന്ദ്യ പിതാക്കന്മാരെയും വിശിഷ്ടാതിഥികളെയും സ്വീകരിച്ചാനയിക്കുന്നു. 9.45 നു ഗ്രേറ്റ് ബ്രിട്ടന്‍ സീറോമലബാര്‍ രൂപതയുടെ അഭിവന്ദ്യ പിതാവ് മാർ ജോസഫ് സ്രാമ്പിക്കലിൻറെ മുഖ്യ കാർമ്മികത്വത്തിൽ നടക്കുന്ന തിരുന്നാൾ കുർബ്ബാനയിൽ ലിവർപൂൾ അതിരൂപതയുടെ സഹായ മെത്രാൻ അഭിവന്ദ്യ മാർ തോമസ് ആൻറണി വില്യംസ് തിരുന്നാൾ സന്ദേശം നൽകും. വിശുദ്ധ കുർബ്ബാനക്ക് ശേഷം വിശുദ്ധരുടെ തിരുസ്വരുപങ്ങൾ വഹിച്ചുകൊണ്ടുള്ള ആഘോഷമായ തിരുന്നാൾ പ്രദക്ഷിണവും തുടർന്ന് വിഭവസമൃദ്ധമായ സ്നേഹവിരുന്നും ഉണ്ടായിരിക്കും.
രണ്ടുമണിയോടെ പൊതുസമ്മേളനം ആരംഭിക്കും. ഹോണറബിൾ ലിവർപൂൾ മേയർ മാൽക്കം കെന്നഡി മുഖ്യാതിഥിയായി പങ്കെടുക്കുന്ന സമ്മേളനത്തിൽ അഭിവന്ദ്യ ഓക്സിലറി ബിഷപ്പ് വിൻസന്റ് മെലോൺ, മേഴ്‌സിസൈഡ് പോലീസ് ഹേറ്റ് ക്രൈം കോ ഓർഡിനേറ്റർ ശ്രീ.അൽ റൂസ്സോ, ഹേറ്റ് ക്രൈം ഇൻവെസ്റ്റിഗേറ്റർ ശ്രീ. നദീം വാഹിദ് തുടങ്ങിയവർ പങ്കെടുക്കും.
തുടർന്ന് ലിവർപൂൾ സമൂഹത്തിലെ പ്രതിഭകൾ അവതരിപ്പിക്കുന്ന വിവിധ കലാപരിപാടികളോടെ ‘ലയവിസ്മയ 2017’ ന് തിരശ്ശീലയുയരും. ലോകപ്രശസ്ത വയലിനിസ്റ്റും ഗ്രാമി അവാർഡ് ജേതാവുമായ ശ്രീ.മനോജ് ജോർജ്ജും, പ്രശസ്ത കീബോർഡിസ്റ്റ് ജോബ് സജോവും, പ്രശസ്ത ഗായകനായ ഫാദർ.വിത്സൺ മേച്ചേരിയും ചേർന്നൊരുക്കുന്ന സംഗീത വിരുന്ന് കാണികൾക്ക് ഒരു വിസ്മയം തന്നെയായിരിക്കും എന്നതിൽ സംശയമില്ല.
തിരുന്നാൾ തിരുക്കർമ്മങ്ങളിൽ പങ്കെടുക്കുവാനും വിശുദ്ധന്റെ അനുഗ്രഹങ്ങൾ നേടുവാനും തിരുന്നാൾ കമ്മറ്റി അംഗങ്ങളും സീറോ മലബാർ ചാപ്ലയിൻ ഫാദർ. ജിനോ അരിക്കാട്ടും ഏവരെയും സ്നേഹപൂർവ്വം ക്ഷണിക്കുന്നു .
സഖറിയ പുത്തന്‍കളം
ചെല്‍ട്ടണ്‍ഹാം: ഇത്തവണത്തെ യു.കെ. ക്നാനായ കാത്തലിക് അസോസിയേഷന്റെ പ്രധാന ആകര്‍ഷണങ്ങളില്‍ ഒന്ന് സ്വാഗതഗാനവും നൃത്തവുമായിരിക്കും. പതിവിന് വ്യത്യസ്തമായി ക്നാനായ സമുദായ ആവേശം അലതല്ലുന്ന സ്വാഗത ഗാനം അതീവ മനോഹരമായി സംഗീത സംവിധാനം ചെയ്തിരിക്കുന്നത് സിനിമാ സംഗീത സംവിധായകനായ ഷാന്റി ആന്റണി അങ്കമാലിയാണ് ആലാപനം പിറവം വില്‍സണനും അഫ്‌സലും. രചന ലെസ്റ്റര്‍ യൂണിറ്റിലെ സുനില്‍ ആല്‍മതടത്തിലാണ്.
100ലധികം ക്നാനായ യുവതി യുവാക്കള്‍ അണിനിരക്കുന്ന സ്വാഗത നൃത്തം അതി ബൃഹത്തായ വേദിയില്‍ നിറഞ്ഞാടുമ്പോള്‍ പാട്ടിന്റെ ചടുലതയും ആവേശവും മൂലം ഓരോ ക്‌നാനായക്കാരനും എഴുന്നേറ്റ് നിന്ന് കയ്യടിക്കും എന്ന കാര്യത്തില്‍ സംശയമില്ല.
സ്വാഗതനൃത്ത പരിശീലനം ഈ മാസം 30, ജൂലൈ ഒന്ന്, രണ്ട് തീയതികളില്‍ യു.കെ.കെ.സി.എ ആസ്ഥാന മന്ദിരത്ത് നടത്തപ്പെടും. കലാഭവന്‍ നൈസ് ആണ് നൃത്താവിഷ്‌കാരം പരിശീലിപ്പിക്കുന്നത് വിദൂരത്ത് നിന്നും വരുന്നവര്‍ക്ക് താമസസൗകര്യം ഏര്‍പ്പെടുത്തിയിട്ടുണ്ട്.
ജൂലൈ എട്ടിന് ചെല്‍ട്ടണ്‍ഹാമിലെ ജോക്കി ക്ലബ്ബിലാണ് ഇത്തവണത്തെ കണ്വെന്ഷന് നടത്തപ്പെടുന്നത്. സ്വാഗതഗാന നൃത്തത്തിന്റെ കോ -ഓര്‍ഡിനേറ്റര്‍ യു.കെ.കെ.സി.എ വൈസ് പ്രസിഡന്റ് ജോസ് മുഖച്ചിറയും ട്രഷറര്‍ ബാബു തോട്ടവുമാണ്.
യു.കെ.കെ.സി.എ പ്രസിഡന്റ് ബിജു മടക്കക്കുഴി ചെയര്‍മാനായിട്ടുള്ള കണ്വെന്ഷന് പ്രവര്‍ത്തനങ്ങള്‍ക്ക് സെക്രട്ടറി ജോസി നെടുംതുരുത്തി പുത്തന്‍പുര, ട്രഷറര്‍ ബാബു തോട്ടം, വൈസ് പ്രസിഡന്റ് ജോസ് മുഖച്ചിറ, ജോ. സെക്രട്ടറി സഖറിയ പുത്തന്‍കളം, ജോ. ട്രഷറര്‍ ഫിനില്‍ കളത്തില്‍കോട്ട്, അഡൈ്വസര്‍മാരായ ബെന്നി മാവേലില്‍, റോയി സ്റ്റീഫന്‍ എന്നിവരുടെ നേതൃത്വത്തില്‍ നടന്നു വരുന്നു.
