കൊല്ക്കത്ത: ഇന്ത്യന് പേസര് മുഹമ്മദ് ഷമിക്കെതിരെ ലൈംഗിക അതിക്രമത്തിനും സ്ത്രീധനം ആവശ്യപ്പെട്ട് അക്രമിച്ചതിനും കേസ് ചാര്ജ് ചെയ്തു. കൊല്ക്കത്ത പൊലീസാണ് താരത്തിനെതിരായ ചാര്ജ് ഷീറ്റ് കോടതിയില് സമര്പ്പിച്ചത്. ഐപിസി 498A, 354A എന്നിവ പ്രകാരമാണ് കേസ് ചാര്ജ് ചെയ്തിരിക്കുന്നത്. ലോകകപ്പ് അടുത്തിരിക്കെ ഇന്ത്യന് ടീമിന് കനത്ത തിരിച്ചടിയായിരിക്കുകയാണ് ഷമിക്കെതിരായ ചാര്ജ് ഷീറ്റ്.
ഭാര്യയ ഹസിന് ജഹാന്റെ പരാതിയില് മേല് നടത്തിയ അന്വേഷണത്തിലാണ് ഷമിക്കെതിരെ പൊലീസ് കുറ്റം ചുമത്തി ചാര്ജ് ഷീറ്റ് സമര്പ്പിച്ചത്. ഷമിക്ക് മറ്റ് സ്ത്രീകളുമായി ബന്ധമുണ്ടെന്നും തന്നെ മര്ദ്ദിക്കുകയും ശാരീരികവും മാനസികവുമായി പീഡിപ്പിച്ചെന്നുമായിരുന്നു ഹസിന്റെ പരാതി. ഷമിയുടെ കുടുംബത്തിനെതിരേയും ഹസിന് ആരോപണം ഉന്നയിച്ചിരുന്നു.
സമീപ കാലത്ത് ഇന്ത്യന് ക്രിക്കറ്റ് ലോകത്തെ പിടിച്ചുലച്ച സംഭവമായിരുന്നു ഷമിക്കെതിരായ കേസ്. താരത്തിന്റെ കരിയര് തന്നെ അവസാനിച്ചെന്ന് വിലയിരുത്തപ്പെട്ടിരുന്നു. ഷമിക്കെതിരെ വാതുവെപ്പ് ആരോപണവും ഹസിന് നേരത്തെ ഉയര്ത്തിയിരുന്നു. എന്നാല് ഇത് ബിസിസിഐ അന്വേഷിക്കുകയും താരത്തിന് ക്ലിന് ചിറ്റ് നല്കുകയുമായിരുന്നു.
ഐപിഎല് ആരംഭിക്കാന് ദിവസങ്ങള് മാത്രം അവശേഷിക്കെ നിര്ണായക നീക്കവുമായി ഡല്ഹി ക്യാപ്പിറ്റല്സ്. ടീമിന്റെ ഉപദേശകനായി മുന് ഇന്ത്യന് നായകന് സൗരവ് ഗാംഗുലിയെ നിയമിച്ചിരിക്കുകയാണ് അവര്. ടീം പരിശീലകന് റിക്കി പോണ്ടിങ്ങുമായി ചേര്ന്നായിരിക്കും ഗാംഗുലി പ്രവര്ത്തിക്കുകയെന്നും ഡല്ഹി ക്യാപിറ്റല്സ് വ്യക്തമാക്കി.
ബംഗാള് കടുവയുല്ടെ വരവ് ശ്രേയസ് അയ്യര് നയിക്കുന്ന ഡല്ഹി ടീമിന് പുതിയ ഊര്ജ്ജമാകും. ഐപിഎല് പന്ത്രണ്ടാം സീസണിലേക്ക് എത്തുമ്പോഴും ഇതുവരെ കിരീടം സ്വന്തമാക്കാന് ഡല്ഹിയ്ക്ക് സാധിച്ചിട്ടില്ല. ഇത്തവണ രണ്ടും കല്പിച്ചാണ് ഡല്ഹിയുടെ വരവ്.
ക്രിക്കറ്റ് ലോകത്തിലെ ബുദ്ധിശാലികളില് ഒരാളാണ് ഗാംഗുലി. ഇന്ത്യന് ക്രിക്കറ്റില് ഇപ്പോള് നാം കാണുന്ന പലതിനും പിന്നില് ഗാംഗുലിയായിരുന്നു. അദ്ദേഹത്തിന്റെ അഗ്രഷനും, പോസിറ്റീവ് ചിന്തകളും, ഒരിക്കലും വിട്ടുകൊടുക്കാത്ത മനോഭാവവുമാണ് ഡല്ഹി ക്യാപിറ്റല്സിന് വേണ്ടത്’ ഗാംഗുലിയെ ഉപദേശകനായി നിശ്ചയിച്ചു കൊണ്ടുളള പ്രസ്താവനയില് ഡല്ഹി ക്യാപിറ്റല്സ് പറയുന്നു.
ജെഎസ്ഡബ്ല്യു ഗ്രൂപ്പിനെ വര്ഷങ്ങള്ക്ക് മുമ്പേ അറിയാം. അവര്ക്കൊപ്പം ഐപിഎല്ലില് പ്രവര്ത്തിക്കുവാന് സാധിച്ചതില് സന്തോഷമുണ്ടെന്നും ഗാംഗുലി പറഞ്ഞു.
ശ്രേയസ് അയ്യര് നായകനായ ഡല്ഹി ക്യാപിറ്റല്സിന്റെ ഈ സീസണിലെ ആദ്യ മത്സരം മാര്ച്ച് 24നാണ്. മുംബൈ ഇന്ത്യന്സാണ് എതിരാളികള്. മാര്ച്ച് 26നാണ് അവരുടെ ആദ്യ ഹോം മത്സരം.
ന്യൂഡല്ഹി: വരുന്ന ക്രിക്കറ്റ് ലോകകപ്പില് ആതിഥേയരായ ഇംഗ്ലണ്ടിന് വിജയ സാധ്യത കല്പ്പിച്ച് മുന് ക്രിക്കറ്റ് താരം സുനില് ഗവാസ്കര്. കഴിഞ്ഞ രണ്ട് മൂന്ന് ലോകകപ്പുകളില് ആതിഥേയര് കപ്പുയര്ത്തിയത് ചൂണ്ടിക്കാണിച്ചായിരുന്നു സുനില് ഗവാസ്കറിന്റെ പ്രസ്താവന.
കഴിഞ്ഞ രണ്ട് മൂന്ന് ലോകകപ്പുകളുടെ ചരിത്രം പരിശോധിച്ചാല് ഇത് വ്യക്തമാകുമെന്ന് ചൂണ്ടിക്കാണിച്ചായിരുന്നു സുനില് ഗവാസ്കറിന്റെ പ്രതികരണം പുറത്തുവന്നത്. 2011 ല് ഇന്ത്യ വീണ്ടും ലോകകപ്പ് ഉയര്ത്തി. ഇന്ത്യയായിരുന്നു ആതിഥേയര്. 2015ല് ഓസ്ട്രേലിയയായിരുന്നു ആതിഥേയര്. ഇവിടെയും ആതിഥേയര്ക്ക് തന്നെയായിരുന്നു വിജയം. ഇതെല്ലാം കണക്കിലെടുത്ത് വരുന്ന ലോകകപ്പില് ഇംഗ്ലണ്ടിന് ജയിക്കാനുളള സാധ്യത കൂടുതലാണെന്ന് ഗവാസ്കര് പറഞ്ഞു.
2019 ലോകകപ്പില് ഇംഗ്ലണ്ട് വിജയകിരീടം ചൂടാന് വലിയ സാധ്യതയുണ്ടെന്ന് സുനില് ഗവാസ്കര് പറഞ്ഞു. അവര് ജയിക്കുമെന്ന്് താന് പറയുന്നില്ല. ഇംഗ്ലണ്ടിന് അനുകൂലമായ സാഹചര്യം ഉണ്ടെന്നു മാത്രമേ പറയാന് സാധിക്കുകയുളളുവെന്നും സുനില് ഗവാസ്കര് പറഞ്ഞു.
ചാംപ്യന്സ് ലീഗ് ഫുട്ബോളിന്റെ പ്രീക്വാര്ട്ടറില് അത്ലറ്റിക്കോ മഡ്രിഡിനെ തരിപ്പണമാക്കിയ യുവന്റസിന്റെ വിജയ ശില്പി മറ്റാരുമായിരുന്നില്ല. ഒന്നും രണ്ടുമല്ല മൂന്നുഗോളടിച്ചാണ് റൊണാള്ഡോ അത്്ലറ്റിക്കോയുടെ തട്ടകത്തില് തോറ്റതിന് കണക്ക് തീര്ത്തത്.
സ്പെയിനിലെ മഡ്രിഡില് (അത്്ലറ്റിക്കോയുടെ തട്ടകം) എതിരില്ലാത്ത രണ്ടുഗോളിന് തോറ്റുമടങ്ങുമ്പോള് മുന് റയല് മഡ്രിഡ് താരമായിരുന്ന റൊണാള്ഡോയെ ആരാധകര് കൂവിയാര്ത്തു. എന്നാല് അവരോടെ അഞ്ചുവിരലും ഉയര്ത്തി റൊണാള്ഡോ പറയാതെ പറഞ്ഞു. ‘ ഒന്നും രണ്ടുമല്ല അഞ്ചു കിരീടം ഞാന് നെഞ്ചോട് ചേര്ത്തിട്ടുണ്ടെന്ന്.’ യുവന്റസിന്റെ തട്ടകത്തില് രണ്ടാം പാദത്തിന് അത്ലറ്റിക്കോ എത്തുമ്പോള് റൊണാള്ഡോ ഒരുങ്ങിയിറങ്ങി. മുടിവെട്ടി മിടുക്കനായ റൊണാള്ഡോ കളത്തിലിറങ്ങും മുമ്പ് ആരാധകരോട് പറഞ്ഞു. നിങ്ങളുടെ പിന്തുണ വേണം, എന്നാല് നമുക്ക് ജയിക്കാമെന്ന്. അവര് ആര്പ്പുവിളിച്ചു, അവന് 27ാം മിനിറ്റില് സ്വതസിദ്ധമായ ഹെഡര് ഗോളില് യുവയെ മുന്നിലെത്തിച്ചു. 49ാം മിനിറ്റിലും 86ാം മിനിറ്റിലും വീണ്ടും ഗോള് നേടി യുവന്റസിനെ ക്വാര്ട്ടറിലേക്ക് നയിച്ചു.
വര്ഷങ്ങളായി അകന്നു നിന്നിരുന്ന കിരീടം കൈപ്പിടിയില് ഒതുക്കാനാണ് റൊണാള്ഡോയെ യുവന്റസ് പൊന്നുംവിലയ്ക്ക് റയല് മഡ്രിഡില് നിന്ന് ഇറ്റലിയില് എത്തിച്ചത്. കഴിഞ്ഞ മൂന്നുവര്ഷവും റൊണാള്ഡോയുടെ റയലാണ് ചാംപ്യന്സ് ലീഗ് കിരീടം നേടിയത്. റൊണാള്ഡോയെ എത്തിച്ചാല് ആ കിരീടം ഇറ്റലിയിലെത്തിക്കാമെന്ന് യുവന്റസ് കണക്ക് കൂട്ടി. യുവന്റസിനായി റൊണാള്ഡോയുടെ ആദ്യഹാട്രിക്കാണ് അത്്ലറ്റിക്കോയ്ക്കെതിരെ നേടിയത്. അതുകൊണ്ട് തന്നെ ടീമിനെ ക്വാര്ട്ടറിലെത്തിച്ച ശേഷം റൊണാള്ഡോ പറഞ്ഞു. ‘ ഇതിനാണ് യുവ എന്നെ വാങ്ങിയത്, ഇതുപൊലെയുള്ള മാന്ത്രിക രാത്രികള്ക്കായിട്ട് യുവന്റസ് കൊതിച്ചിരുന്നു.’ സെറി എയില് യുവയാണ് ഒന്നാമത്.
ബെല്ജിയം സര്വകലാശാല നടത്തിയ പഠനത്തില് സമ്മര്ദങ്ങളെ ഫലപ്രദമായി പ്രതിരോധിക്കുന്നവനാണ് റൊണാള്ഡോ. സമ്മര്ദം കൂടുമ്പോള് കൂടുതല് മികവുകാട്ടുന്നവനായി റൊണോ മാറും. ചാംപ്യന്സ് ലീഗിന്റെ പ്രീക്വാര്ട്ടര് പോരാട്ടം അത് വ്യക്തമാക്കുന്നു. ഏഴായിരം ഫുട്ബോള് താരങ്ങളില് നടത്തിയ പഠനത്തിലാണ് റൊണാള്ഡോയെ സമ്മര്ദം കീഴടക്കില്ലെന്ന് കണ്ടെത്തിയത്.
മൊഹാലി: ഇന്ത്യയ്ക്കെതിരായ നാലാം ഏകദിനത്തില് ഓസീസിന് ഉജ്വല വിജയം. 359 റണ്സിന്റെ കൂറ്റന് വിജയലക്ഷ്യം പിന്തുടര്ന്ന ഓസീസ് 47.5 ഓവറില് ആറു വിക്കറ്റ് മാത്രം നഷ്ടപ്പെടുത്തി ലക്ഷ്യത്തിലെത്തി.
സെഞ്ചുറി നേടിയ പീറ്റര് ഹാന്ഡ്സ്കോമ്പ് (117) അര്ധ സെഞ്ചുറി നേടിയ ഉസ്മാന് ഖ്വാജ (91) അവസാന നിമിഷം ആഞ്ഞടിച്ച ആഷ്ടണ് ടര്ണര് എന്നിവരാണ് ഓസീസിനെ വിജയത്തിലെത്തിച്ചത്. കരിയറിലെ രണ്ടാം ഏകദിനം മാത്രം കളിക്കുന്ന ഓസീസ് യുവതാരം ആഷ്ടണ് ടര്ണറാണ് മത്സരം പൂര്ണമായും ഇന്ത്യയില് നിന്ന് തട്ടിയെടുത്തത്. 42 പന്തുകള് നേരിട്ട ടര്ണര് ആറു സിക്സും അഞ്ചു ബൗണ്ടറിയുമടക്കം 82 റണ്സോടെ പുറത്താകാതെ നിന്നു.
മൊഹാലിയില് ഏറ്റവും ഉയര്ന്ന റണ്സ് പിന്തുടര്ന്നു ജയിക്കുന്ന ടീമെന്ന റെക്കോഡും ഓസീസ് സ്വന്തമാക്കി. 2007-ല് ഇന്ത്യയ്ക്കെതിരെ പാകിസ്താന് പിന്തുടര്ന്ന് ജയിച്ച 322 റണ്സായിരുന്നു ഇവിടത്തെ ഉയര്ന്ന റണ്ചേസ്. 2013-ല് ഓസീസ് ഇവിടെ 304 റണ്സ് പിന്തുടര്ന്നും ജയിച്ചിട്ടുണ്ട്.
മികച്ച ഡെത്ത് ഓവര് സ്പെഷലിസ്റ്റുകള് എന്നറിയപ്പെടുന്ന ജസ്പ്രീത് ബുംറയും ഭുവനേശ്വര് കുമാറും ചേര്ന്നെറിഞ്ഞ അവസാന 23 പന്തില് 62 റണ്സാണ് ടര്ണറിന്റെ നേതൃത്വത്തില് ഓസീസ് അടിച്ചുകൂട്ടിയത്. ഇന്ത്യന് ഫീല്ഡര്മാരുടെ ചോരുന്ന കൈകള് കൂടിയായപ്പോള് ഓസീസിന് വിജയം എളുപ്പമായി. ടര്ണറിന്റെ രണ്ടു ക്യാച്ചുകളാണ് അവസാന നിമിഷം ഇന്ത്യന് ഫീല്ഡര്മാര് കൈവിട്ടത്. ഋഷഭ് പന്ത് ഒരു സ്റ്റംമ്പിങ് അവസരവും നഷ്ടപ്പെടുത്തി.
ഇന്ത്യക്കായി വേണ്ടി ജസ്പ്രീത് ബുംറ 8.5 ഓവറില് 63 റണ്സ് വഴങ്ങി മൂന്ന് വിക്കറ്റ് വീഴ്ത്തി. ഭുവനേശ്വര് കുമാര് ഒമ്പത് ഓവറില് 67 റണ്സ് വഴങ്ങി. യൂസ്വേന്ദ്ര ചാഹല് 10 ഓവറില് 80 റണ്സും കുല്ദീപ് 10 ഓവറില് 64 റണ്സും വഴങ്ങി.
ഇതോടെ അഞ്ചു മത്സരങ്ങളടങ്ങിയ പരമ്പരയില് ഓസീസ് 2-2 ന് ഓപ്പമെത്തി. ബുധനാഴ്ച ഡല്ഹിയില് നടക്കുന്ന അഞ്ചാം ഏകദിനം പരമ്പര വിജയികളെ നിശ്ചയിക്കും.
തകര്ച്ചയോടെയായിരുന്നു ഓസീസിന്റെ തുടക്കം. 12 റണ്സിനിടെ ക്യാപ്റ്റന് ആരോണ് ഫിഞ്ച് (0), ഷോണ് മാര്ഷ് (6) എന്നിവരെ നഷ്ടമായ ഓസീസിനെ മൂന്നാം വിക്കറ്റില് ഒത്തു ചേര്ന്ന ഉസ്മാന് ഖ്വാജ – പീറ്റര് ഹാന്ഡ്സ്കോമ്പ് സഖ്യം മത്സരത്തിലേക്ക് തിരികെയെത്തിച്ചത്. മൂന്നാം വിക്കറ്റ് കൂട്ടുകെട്ടില് ഇരുവരും 192 റണ്സ് ഓസീസ് സ്കോറിലേക്ക് ചേര്ത്തു. ഫിഞ്ചിനെ ഭുവനേശ്വര് കുമാറും മാര്ഷിനെ ജസ്പ്രീത് ബുംറയും പുറത്താക്കി. ഇടവേളയ്ക്കുശേഷം ടീമിലേക്കു മടങ്ങിയെത്തിയ ഭുവനേശ്വര് ഈ വര്ഷം ഇതു മൂന്നാം തവണയാണ് ഫിഞ്ചിനെ പുറത്താക്കുന്നത്.
105 പന്തില് നിന്ന് മൂന്നു സിക്സും എട്ടു ബൗണ്ടറികളും സഹിതം 117 റണ്സെടുത്ത ഹാന്ഡ്സ്കോമ്പിനെ ചാഹല് പുറത്താക്കുകയായിരുന്നു. 99 പന്തില് നിന്ന് ഏഴു ബൗണ്ടറികളടക്കമാണ് ഖ്വാജ 91 റണ്സെടുത്തത്. പിന്നീടെത്തിയ മാക്സ് വെല് തകര്ത്തടിച്ച് തുടങ്ങിയെങ്കിലും 23 റണ്സില് നില്ക്കെ കുല്ദീപിന്റെ പന്തില് പുറത്തായി. അലക്സ് കാരിയാണ് (21) പുറത്തായ മറ്റൊരു താരം.
നേരത്തെ ടോസ് നേടി ആദ്യ ബാറ്റു ചെയ്ത ഇന്ത്യ നിശ്ചിത 50 ഓവറില് ഒമ്പതു വിക്കറ്റ് നഷ്ടത്തില് 358 റണ്സെടുത്തിരുന്നു. സെഞ്ചുറി നേടിയ ശിഖര് ധവാനും സെഞ്ചുറിക്ക് അഞ്ചു റണ്സകലെ പുറത്തായ രോഹിത് ശര്മയും ചേര്ന്നാണ് ഇന്ത്യയെ മികച്ച സ്കോറിലെത്തിച്ചത്. 97 പന്തില് നിന്ന് 12 ബൗണ്ടറിയും ഒരു സിക്സും സഹിതമാണ് ധവാന് ഏകദിന കരിയറിലെ 16-ാം സെഞ്ചുറി നേടിയത്. ഇന്ത്യന് മണ്ണിലെ ധവാന്റെ അഞ്ചാം സെഞ്ചുറിയായിരുന്നു ഇത്. ഓസീസിനെതിരെ മൂന്നാമത്തേതും.
115 പന്തുകളില് നിന്ന് 18 ബൗണ്ടറികളും മൂന്നു സിക്സുമടക്കം 143 റണ്സെടുത്ത ധവാനെ പാറ്റ് കമ്മിന്സ് പുറത്താക്കുകയായിരുന്നു. ഏകദിനത്തില് ധവാന്റെ ഏറ്റവും ഉയര്ന്ന സ്കോറാണിത്.
ഇന്ത്യയ്ക്കായി മികച്ച തുടക്കമിട്ട ധവാന് – രോഹിത് ഓപ്പണിങ് സഖ്യം 193 റണ്സിന്റെ കൂട്ടുകെട്ടുണ്ടാക്കിയ ശേഷമാണ് പിരിഞ്ഞത്. റാഞ്ചിയില് നടന്ന കഴിഞ്ഞ മത്സരത്തില് ഓസീസിന്റെ ആരോണ് ഫിഞ്ച് – ഉസ്മാന് ഖ്വാജ സഖ്യവും ഓപ്പണിങ് വിക്കറ്റില് 193 റണ്സായിരുന്നു നേടിയത്. ഇന്ത്യയ്ക്കായി ഇത് ആറാം തവണയാണ് രോഹിത് – ധവാന് സഖ്യം 150-ന് മുകളില് കൂട്ടുകെട്ടുണ്ടാക്കുന്നത്.
സെഞ്ചുറിയിലേക്ക് കുതിക്കുകയായിരുന്ന രോഹിത്തിനെ ജേ റിച്ചാഡ്സണിന്റെ പന്തില് പീറ്റര് ഹാന്ഡ്സ്കോമ്പ് പിടികൂടുകയായിരുന്നു. 92 പന്തുകള് നേരിട്ട രോഹിത്ത് ഏഴു ബൗണ്ടറിയും രണ്ടു സിക്സുമടക്കം 95 റണ്സെടുത്തു. കഴിഞ്ഞ രണ്ടു മത്സരങ്ങളിലും സെഞ്ചുറി നേടിയ ക്യാപ്റ്റന് വിരാട് കോലി ഏഴു റണ്സെടുത്ത് പുറത്തായി.
പരമ്പരയിലാദ്യമായി അവസരം ലഭിച്ച ലോകേഷ് രാഹുല് 26 റണ്സെടുത്ത് പുറത്തായി. തകര്ത്തടിച്ച ഋഷഭ് പന്ത് 24 പന്തില് നിന്ന് 36 റണ്സെടുത്ത് പുറത്തായി. അവസാന നിമിഷം തകര്ത്തടിച്ച വിജയ് ശങ്കറാണ് (15 പന്തില് 26 റണ്സ്) ഇന്ത്യന് സ്കോര് 350 കടത്തിയത്. ഇന്നിങ്സിന്റെ അവസാന പന്ത് സ്ക്സര് പറത്തിയ ബുംറ എല്ലാവരെയും ഞെട്ടിച്ചു.
നേരത്തെ രോഹിത്തും ധവാനും ആഞ്ഞടിച്ചപ്പോള് 18-ാം ഓവറില് തന്നെ ഇന്ത്യ 100 കടന്നിരുന്നു. ഇതിനിടെ ഇന്ത്യയ്ക്കായി ഏകദിനത്തില് ഏറ്റവും കൂടുതല് റണ്സ് നേടുന്ന രണ്ടാമത്തെ സഖ്യമെന്ന നേട്ടവും ധവാന് – രോഹിത് കൂട്ടുകെട്ട് സ്വന്തമാക്കി. 8227 റണ്സെടുത്തിട്ടുള്ള സച്ചിന് തെണ്ടുല്ക്കര് – സൗരവ് ഗാംഗുലി സഖ്യം മാത്രമാണ് ഇവര്ക്കു മുന്നിലുള്ളത്. 4387 റണ്സെടുത്തിട്ടുള്ള സച്ചിന് – സെവാഗ് സഖ്യത്തെയാണ് രോഹിത്തും ധവാനും മറികടന്നത്.
ഏകദിനത്തില് ഇത് 15-ാം തവണയാണ് ധവാനും രോഹിതും ഓപ്പണിങ് വിക്കറ്റില് 100 റണ്സിന് മുകളില് കൂട്ടുകെട്ടുണ്ടാക്കുന്നത്. 21 തവണ സെഞ്ചുറി കൂട്ടുകെട്ടുണ്ടാക്കിയ സച്ചിന് തെണ്ടുല്ക്കര്-സൗരവ് ഗാംഗുലി, 16 തവണ 100 റണ്സ് പിന്നിട്ട ആഡം ഗില്ക്രിസ്റ്റ്-മാത്യു ഹെയ്ഡന് എന്നിവരാണ് ധവാന്-രോഹിത് ജോഡിക്ക് മുന്നിലുള്ളത്.
ഓസീസിനായി അഞ്ചു വിക്കറ്റ് വീഴ്ത്തിയ പാറ്റ് കമ്മിന്സ് 10 ഓവറില് വഴങ്ങിയത് 70 റണ്സാണ്. ഇതോടെ ഏറ്റവും കൂടുതല് റണ്സ് വഴങ്ങി അഞ്ചു വിക്കറ്റെടുത്ത താരങ്ങളില് കമ്മിന്സ് അഞ്ചാം സ്ഥാനത്തെത്തി. മൂന്നു വിക്കറ്റ് വീഴ്ത്തിയ ജേ റിച്ചാഡ്സണും നന്നായി തല്ലു വാങ്ങി. ഒമ്പത് ഓവറില് 85 റണ്സാണ് താരം വഴങ്ങിയത്.
മൊഹാലി: ഓസ്ട്രേലിയയുടെ ഇന്ത്യൻ പര്യടനത്തിലെ നാലാം ഏകദിനത്തിൽ ഇന്ത്യ ആദ്യം ബാറ്റ് ചെയ്യും. ടോസ് നേടിയ ഇന്ത്യ ബാറ്റിങ് തിരഞ്ഞെടുക്കുകയായിരുന്നു. റാഞ്ചിയിൽ കൈവിട്ട ജയം മൊഹാലിയിൽ സ്വന്തമാക്കി പരമ്പര നേടാനാകും ഇന്ത്യ ഇറങ്ങുക. നാല് മാറ്റങ്ങളുമായാണ് ഇന്ത്യ മൊഹാലിയിൽ ഇറങ്ങുന്നത്. ആദ്യ രണ്ട് മത്സരങ്ങളും ജയിച്ച ഇന്ത്യ പരമ്പരയിൽ 2-1ന് മുന്നിലാണ്. അഞ്ച് മത്സരങ്ങളാണ് ഇന്ത്യ-ഓസ്ട്രേലിയ ഏകദിന പരമ്പരയിലുള്ളത്.
സീനിയർ താരവും വിക്കറ്റ് കീപ്പർ ബാറ്റ്സ്മാനുമായ എംഎസ് ധോണിയ്ക്ക് വിശ്രമം അനുവദിച്ചതിനാൽ യുവതാരം ഋഷഭ് പന്ത് വിക്കറ്റിന് പിന്നിൽ ഗ്ലൗസണിയും. മൂന്നാം ഏകദിനത്തിൽ പരിക്കേറ്റ പേസർ മുഹമ്മദ് ഷമിയ്ക്ക് പകരം ഭുവനേശ്വർ കുമാർ ടീമിലിടം പിടിച്ചു. അമ്പാട്ടി റയിഡുവിന് പകരം കെഎൽ രാഹുലും ജഡേജയ്ക്ക് പകരക്കാരനായി യുസ്വേന്ദ്ര ചാഹലും ടീമിൽ ഇടം പിടിച്ചു.
01.28 PM: ഇന്ത്യൻ ടീം: വിരാട് കോഹ്ലി, ശിഖർ ധവാൻ, രോഹിത് ശർമ്മ, കെ എൽ രാഹുൽ, കേദാർ ജാദവ്, വിജയ് ശങ്കർ, കുൽദീപ് യാദവ്, ജസ്പ്രീത് ബുംറ, യുസ്വേന്ദ്ര ചാഹൽ, ഭുവനേശ്വർ കുമാർ, ഋഷഭ് പന്ത്.
ഇന്ത്യന് പ്രീമിയര് ലീഗ്(ഐപിഎല്) തുടങ്ങാന് ആഴ്ചകള് ശേഷിക്കെ താരങ്ങളുടെ ഐപിഎല് സാനിധ്യം സംബന്ധിച്ച് ആശയ കുഴപ്പം നിലനില്ക്കുകയാണ്. ഏകദിന ലോകകപ്പ് അടുത്തിരിക്കുന്ന സാഹചര്യത്തില് പല ദേശീയ ടീമുകളും തങ്ങളുടെ താരങ്ങളെ എപ്പോള് വേണമെങ്കിലും പിന്വലിച്ചേക്കാന് സാധ്യതയറെയാണ്. ഇതിനോടകം ഐപിഎല് ടീമുകള് മത്സരങ്ങള്ക്കായുള്ള മുന്നൊരുക്കം
ആരംഭിച്ച് കഴിഞ്ഞു.നേരത്തെ ലോകകപ്പ് ടീമിലുള്ള ഇന്ത്യന് ബോളര്മാര് ഐപിഎല്ലില് നിന്ന് പിന്മാറണമെന്ന ഇന്ത്യന് നായകന് കോഹ്ലി അടക്കമുള്ളവര് അഭിപ്രായപ്പെട്ടിരുന്നു. പിന്നീട് ഇത് വിവാദമാകുകയും ചെയ്തു.
താരങ്ങളുടെ ഐപിഎല് പങ്കാളിത്തത്തിന്റെ കാര്യത്തില് അഭിപ്രായം വ്യക്തമാക്കി ബിസിസിഐ ആക്ടിംഗ് സെക്രട്ടറി അമിതാഭ് ചൗധരി രംഗത്ത് വന്നിരിക്കുകയാണ്. ചില താരങ്ങള്ക്ക് ഐപിഎല്ലില് നിന്ന് വിശ്രമം അനിവാര്യമാണെന്ന നിലപാടിലാണ് അമിതാഭ് ചൗധരി. താരങ്ങള്ക്ക് വിശ്രമം അനുവദിക്കുന്നതോടെ ‘ലോകകപ്പിനുള്ള ഇന്ത്യന് ടീമില് ഏതൊക്കെ താരങ്ങളാവും ഉണ്ടാവുക ഏകദേശം ഉറപ്പിക്കാം. എന്നാല് ഐപിഎല് ഫ്രാഞ്ചൈസി ഉടമകള് താരങ്ങള്ക്ക് വിശ്രമം അനുവദിക്കുന്നതില് ശക്തമായ എതിര്പ്പാണ്. വലിയ തുകയ്ക്കാണ് താരങ്ങളെ ടീമിലെത്തിച്ചിരിക്കുന്നത്. അതുകൊണ്ട് തന്നെ താരങ്ങളുടെ അഭാവം മത്സര ഫലത്തെ കാര്യമായി ബാധിക്കുമെന്നും ടീം മാനേജ്മെന്റുകള് പറയുന്നു.
ലോകകപ്പിന് മുന്പ് താരങ്ങളുടെ ജോലിഭാരം കുറയ്ക്കുകയെന്നലക്ഷ്യം ബിസിസിഐയ്ക്ക് മുന്നിലുണ്ട്. സെലക്ടര്മാര് ടീം പ്രഖ്യാപിച്ചതിന്ശേഷം ടീമിന്റെ പരിശീലകരുടേയും അഭിപ്രായം നോക്കിയാകും ഐപിഎല്ലിനിടയിലെ താരങ്ങളുടെ വിശ്രമം അനുവദിക്കുന്നത് സംബന്ധിച്ച് തീരുമാനത്തിലെത്തുക.
ക്രിക്കറ്റ് ലോകകപ്പില് നിന്ന് പാകിസ്ഥാനെ ഒഴിവാക്കണമെന്ന ഇന്ത്യയുടെ ആവശ്യം ഐസിസി തള്ളി. ഐസിസിക്ക് ക്രിക്കറ്റ് കാര്യങ്ങളില് മാത്രമേ നിലപാടെടുക്കാന് കഴിയൂ എന്ന് ഐസിസി നിലപാടെടുത്തു. പുല്വാമ ഭീകരാക്രമണത്തിന്റെ പശ്ചാത്തലത്തിലാണ് ബിസിസിഐ കത്തുനല്കിയത്
ഭീകര പ്രവർത്തനങ്ങൾക്ക് ഉൽഭവമാകുന്ന രാജ്യങ്ങളെ വിലക്കണമെന്നാവശ്യപ്പെട്ടുള്ള കത്ത് ബിസിസിഐ രാജ്യാന്തര ക്രിക്കറ്റ് കൗൺസിലിന് (ഐസിസി) അയച്ചിരുന്നു. ‘‘ജൂൺ 16 (ഇന്ത്യ–പാക്ക് ലോകകപ്പ് മൽസരത്തീയതി) വളരെ അകലെയാണ്. അതു കൊണ്ട് സർക്കാരുമായി ആലോചിച്ചതിനു ശേഷം സാവധാനത്തിൽ തീരുമാനമെടുക്കും..’’– ബിസിസിഐ ഭരണസമിതി തലവൻ വിനോദ് റായ് അറിയിച്ചു. ലോകകപ്പിൽ ഇന്ത്യൻ താരങ്ങളുടെ സുരക്ഷയിൽ കൂടി ആശങ്കയുള്ളതിനാലാണ് ഐസിസിക്ക് കത്തയച്ചതെന്നും റായ് പറഞ്ഞു.
പാക്കിസ്ഥാനെതിരെ ക്രിക്കറ്റ് കളിക്കുന്നതിൽ താരങ്ങൾ വ്യത്യസ്ത നിലപാടെടുത്തത് വാർത്തയായിരുന്നു. പാക്കിസ്ഥാനെതിരെ കളിക്കാതെ ഇന്ത്യ രണ്ടു പോയിന്റ് അടിയറവ് വയ്ക്കരുതെന്നും എല്ലായ്പ്പോഴും പോലെ അവരെ കളിച്ചു തോൽപ്പിക്കണമെന്നുമായിരുന്നു മുൻ ഇന്ത്യൻ നായകൻ സൗരവ് ഗാംഗുലിയുടെ അഭിപ്രായം. സർക്കാരും ബിസിസിഐയും സ്വീകരിക്കുന്ന നിലപാട് അംഗീകരിക്കുമെന്നായിരുന്നു ഇന്ത്യൻ നായകൻ വിരാട് കോഹ്ലിയുടെ വാക്കുകൾ.
പരസ്യ ചിത്രങ്ങളിലൂടെയും സിനിമകളിലൂടെയും ശ്രദ്ധേയമായ താരം തമന്നയും ഇന്ത്യൻ ക്രിക്കറ്റ് നായകൻ വിരാട് കോഹ്ലിയും തമ്മിൽ പ്രണയത്തിലായിരുന്നുവെന്നൊരു ഗോസിപ്പ് നേരത്തെ ഉണ്ടായിരുന്നു.അതിനു കാരണം ഒരു പരസ്യ ചിത്രമായിരുന്നു.2012 ല് ക്രിക്കറ്റ് താരം വിരാട് കൊഹ്ലിക്കൊപ്പം തമന്ന വേഷമിട്ട ആ പരസ്യ ചിത്രം വന്നതോട് കൂടിയാണ് അഭ്യൂഹങ്ങൾക്ക് ആക്കം കൂടിയത്.
തുടര്ന്ന് തമന്നയും കൊഹ്ലിയും പിരിഞ്ഞുവെന്നും പിന്നീട് അനുഷ്ക ശര്മയുമായി പ്രണയത്തിലായെന്നും അന്ന് പ്രചരണങ്ങളുണ്ടായിരുന്നു. വര്ഷങ്ങള്ക്ക് ശേഷം ഇതെക്കുറിച്ച് പ്രതികരണവുമായി രംഗത്ത് വന്നിരിക്കുകയാണ് തമന്നയിപ്പോള്. ഒരു അഭിമുഖത്തിലാണ് തമന്ന മനസ്സു തുറന്നത്.
പരസ്യം ചിത്രീകരിക്കുന്നതിനിടയില് ഞാനും കൊഹ്ലിയും അധികം സംസാരിച്ചിട്ടില്ല. കൂടിപ്പോയാല് നാല് വാക്കുകള് പരസ്പരം പറഞ്ഞു കാണും. അതിന് ശേഷം ഞാന് കൊഹ്ലിയെ കണ്ടിട്ടും സംസാരിച്ചിട്ടുമില്ല. ഞാന് ജോലി ചെയ്തിട്ടുള്ള ചില നടന്മാരേക്കാള് മികച്ച സഹതാരമായിരുന്നു കൊഹ്ലി. അത് പറയാതെ വയ്യയെന്നും തമന്ന പറഞ്ഞു.
ബെംഗളൂരു ചിന്നസ്വാമി സ്റ്റേഡിയത്തിൽ റൺമഴ പെയ്യിച്ച് ആടിത്തിമിർത്ത ഗ്ലെൻ മാക്സ്വെല്ലിന്റെ സെഞ്ചുറി മികവിൽ ഇന്ത്യയ്ക്കെതിരായ രണ്ടാം ട്വന്റി20യിലും ഓസ്ട്രേലിയയ്ക്ക് തകർപ്പൻ ജയം. ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ ഇന്ത്യ നിശ്ചിത 20 ഓവറിൽ നാലു വിക്കറ്റ് നഷ്ടത്തിൽ 190 റൺസാണെടുത്തത്. മറുപടി ബാറ്റിങ്ങിൽ മാക്സ്വെൽ തകർത്തടിച്ചതോടെ ഓസീസ് രണ്ടു പന്തു ശേഷിക്കെ മൂന്നു വിക്കറ്റ് മാത്രം നഷ്ടത്തിൽ ലക്ഷ്യത്തിലെത്തി. വിജയം ഏഴു വിക്കറ്റിന്. ഇതോടെ രണ്ടു മൽസരങ്ങളടങ്ങിയ പരമ്പരയും അവർ 2–0ന് സ്വന്തമാക്കി. 11 വർഷത്തിനുശേഷമാണ് ഇന്ത്യ ഓസീസിനോട് ദ്വിരാഷ്ട്ര ട്വന്റി20 പരമ്പര അടിയറവു വയ്ക്കുന്നത്.
രാജ്യാന്തര ട്വന്റി20യിലെ മൂന്നാം സെഞ്ചുറിയുമായി മിന്നിത്തിളങ്ങിയ മാക്സ്വെൽ 55 പന്തിൽ ഏഴു ബൗണ്ടറിയും ഒൻപതു സിക്സും സഹിതം 113 റൺസുമായി പുറത്താകാതെ നിന്നു. പീറ്റർ ഹാൻഡ്സ്കോംബ് 18 പന്തിൽ ഒരു ബൗണ്ടറി സഹിതം 20 റൺസെടുത്ത് മാക്സ്വെല്ലിന് കൂട്ടുനിന്നു. പിരിയാത്ത നാലാം വിക്കറ്റിൽ മാക്സ്വെൽ – ഹാൻഡ്സ്കോംബ് സഖ്യം 52 പന്തിൽ 99 റൺസാണ് കൂട്ടിച്ചേർത്തത്.
ഓപ്പണർ ഡാർസി ഷോർട്ട് (28 പന്തിൽ 40), മാർക്കസ് സ്റ്റോയ്നിസ് (11 പന്തിൽ ഏഴ്), ആരോൺ ഫിഞ്ച് (ഏഴു പന്തിൽ എട്ട്) എന്നിവരാണ് ഓസീസ് നിരയിൽ പുറത്തായത്. ഒരു ഘട്ടത്തിൽ രണ്ടു വിക്കറ്റ് നഷ്ടത്തിൽ 22 റൺസ് എന്ന നിലയിൽ പതറിയ ഓസീസിനെ മൂന്നാം വിക്കറ്റിൽ ഡാർസി ഷോർട്ടിനൊപ്പവും (73), പിരിയാത്ത നാലാം വിക്കറ്റിൽ ഹാൻഡ്സ്കോംബിനൊപ്പവും (99) അർധസെഞ്ചുറി കൂട്ടുകെട്ട് തീർത്താണ് മാക്സ്വെൽ കരകയറ്റിയത്. മാക്സ്വെൽ തന്നെ കളിയിലെ കേമൻ.
നാല് ഓവറിൽ 30 റൺസ് വഴങ്ങിയ ജസ്പ്രീത് ബുമ്രയാണ് ഇന്ത്യൻ ബോളർമാരിൽ കുറച്ചു ‘തല്ലുവാങ്ങി’യത്. വിജയ് ശങ്കർ നാല് ഓവറിൽ 38 റൺസ് വഴങ്ങി രണ്ടു വിക്കറ്റ് വീഴ്ത്തി. യുസ്വേന്ദ്ര ചാഹൽ നാല് ഓവറിൽ 47 റൺസും ക്രുനാൽ പാണ്ഡ്യ 33 റൺസും സിദ്ധാർഥ് കൗൾ 3.4 ഓവറിൽ 45 റൺസും വിട്ടുകൊടുത്തു