ബെംഗളൂരു ക്രിക്കറ്റ് ടെസ്റ്റില്‍ ഒാസ്ട്രേലിയയ്ക്കെതിരെ ഇന്ത്യയ്ക്ക് 75 റൺസ് ജയം. 188 റൺസ് വിജയലക്ഷ്യവുമായി ഇറങ്ങിയ ഒാസ്ട്രേലിയ 112 റൺസിന് പുറത്തായി. ആറ് വിക്കറ്റ് വീഴ്ത്തിയ അശ്വിനാണ് ഇന്ത്യയുടെ വിജയശിൽപി. വാര്‍ണര്‍ 17റണ്‍സും റെന്‍ഷോ അഞ്ചുറണ്‍സും സ്മിത്ത് 28 റണ്‍സും ഷോണ്‍ മാര്‍ഷ് ഒന്‍‌പത് റണ്‍സും മിച്ചല്‍ മാര്‍ഷ് 13 റണ്‍സും നേടി. ഉമേഷ് യാദവ് രണ്ടു വിക്കറ്റ് വീതം വീഴ്ത്തി.
രണ്ടാമിന്നിങ്സിലും ഇന്ത്യന്‍ ബാറ്റിങ് നിര തകർന്നടിയുന്ന കാഴ്ചയാണ് രാവിലെ കണ്ടത്. നാലിന് 213 എന്ന സ്കോറില്‍ നാലാം ദിനം ബാറ്റിങ് ആരംഭിച്ച ഇന്ത്യ 274 റൺസിനാണ് പുറത്തായത്. ഓസീസ് നിരയില്‍ ജോഷ് ഹേസല്‍വുഡ് ആറ് വിക്കറ്റുകള്‍ സ്വന്തമാക്കി. മിച്ചല്‍ സ്റ്റാര്‍ക്കും ഒക്കെഫിയും രണ്ട് വിക്കറ്റു വീതം നേടി. കെ.എൽ രാഹുൽ(51), പൂജാര(92), രഹാനെ (52) എന്നിവർ അർധസെഞ്ചുറിനേടി. മിച്ചൽ സ്റ്റാർക്കിന്റെ പന്തിൽ കരുൺ നായർ പൂജ്യത്തിന് പുറത്തായി.
രണ്ടാം ടെസ്റ്റില്‍ ഇന്ത്യയ്‌ക്കെതിരെ ഓസ്‌ട്രേലിയക്ക് 87 റണ്‍സിന്റെ ലീഡ്. ഓസീസിന്റെ ഒന്നാം ഇന്നിംഗ്‌സ് സോകര്‍ 276 റണ്‍സിനാണ് അവസാനിച്ചത്. രവീന്ദ്ര ജഡേജ ഇന്ത്യയ്ക്കായി ആറ് വിക്കറ്റ് വീഴ്ത്തി. നേരത്തെ ഒന്നാം ഇന്നിംഗ്സില് ഇന്ത്യ 189 റണ്‍സിന് ഓള്‍ഔട്ടായിരുന്നു.
ആറിന് 237 റണ്‍സ് എന്ന നിലയില്‍ മൂന്നാം ദിനം ബാറ്റിംഗിനിറങ്ങിയ ഓസ്‌ട്രേലിയക്കായി വാഡും സ്റ്റാര്‍ക്കും അല്‍പനേരം പിടിച്ചു നിന്നും വാഡ് 40ഉം സ്റ്റാര്‍ക്ക് 26ഉം റണ്‍സെടുത്തു. പിന്നീട് രണ്ട് വിക്കറ്റുകള്‍ ഇന്ത്യയ്ക്ക് എളുപ്പം വീഴ്ത്തായനായി. ലിയോണ്‍ പൂജ്യനായി പുറത്തായപ്പോള്‍ ഒരു റണ്‍സാണ് ഹസില്‍വുഡിന്റെ സംഭാവന. നാല് റണ്‍സുമായി ഓകീഫ് പുറത്താകാതെ നിന്നു.
21.4 ഓവറില്‍ 63 റണ്‍സ് വഴങ്ങിയാണ് ജഡേജ ആറ് വിക്കറ്റ് വീഴ്ത്തിയത്. അശ്വിന്‍ രണഅടും ഇശാന്ത് ശര്‍മ്മയും ഉമേശ് യാദവും ഓരോ വിക്കറ്റും വീതം വീഴ്ത്തി.
രണ്ടാം ദിനം ഇന്ത്യന്‍ ബൗളിഗ് ആക്രമണത്തെ ഓസീസ് ബാറ്റ്സ്മാന്മാര് ധീരമായി ചെറുക്കുകയായിരുന്നു. ഓസ്‌ട്രേലിയക്കായി യുവതാരം മാത്ത് റിന്‍ഷായും ഷോണ്‍ മാര്‍ഷും അര്‍ധ സെഞ്ച്വറി നേടി. റിന്‍ഷാ 196 പന്തില്‍ അഞ്ച് ഫോറും ഒരു സിക്‌സും സഹിതം 60 റണ്‍സെടുത്തപ്പോള്‍ മാര്‍ഷ് 197 പന്തില്‍ നാല് ബൗണ്ടറി സഹിതം 66ഉം റണ്‍സെടുത്തു.
വിക്കറ്റ് നഷ്ടമാകാതെ 29 റണ്‍സ് എന്ന ഒന്നാം ദിവസത്തെ സ്‌കോറിനൊപ്പം ബാറ്റിംഗ് തുടങ്ങിയ ഓസ്‌ട്രേലിയ അച്ചടക്കത്തോടെയാണ് ഇന്നിംഗ്‌സ് മുന്നേറിയത്. ടീം സ്‌കോര്‍ 52ല്‍ നില്‍ക്കെ 33 റണ്‍സെടുത്ത വാര്ഞണറെ അവര്‍ക്ക് നഷ്ടമായി. അശ്വിന്റെ പന്തില്‍ ക്ലീന്‍ ബൗള്‍ഡായിരുന്നു വാര്‍ണര്‍. തുടര്‍ന്ന് എട്ട് റണ്‍സുമായി കഴിഞ്ഞ മത്സരത്തിലെ സെഞ്ച്വറി വീരനും നായകനുമായ സ്മിത്ത് പെട്ടെന്ന് പുറത്തായി. പിന്നീടാണ് റെന്‍ഷായും മാര്‍ഷും കൂടി ഓസീസിനെ മുന്നോട്ട് നയിച്ചത്. ഹാന്‍കോമ്പ് (16) മിച്ചല്‍ മാര്‍ഷ് (0) എന്നിവരാണ് ഓസീസ് നിരയില്‍ പുറത്തായ മറ്റ് താരങ്ങള്‍.
നേരത്തെ ആദ്യ ഇന്നിംഗ്സില് ഇന്ത്യ 189 റണ്‍സിന് പുറത്തായിരുന്നു. എട്ട് വിക്കറ്റ് വീഴ്ത്തിയ സ്പിന്നര്‍ നഥാന്‍ ലിയോണ്‍ ആണ് പേരുകേട്ട ഇന്ത്യന്‍ ബാറ്റിങ്ങ് നിരയുടെ നടുവൊടിച്ചത്. അര്‍ധസെഞ്ച്വറി നേടിയ ഓപ്പണര്‍ കെഎല്‍ രാഹുല്‍(90) മാത്രമാണ് ഇന്ത്യന്‍ നിരയില്‍ പൊരുതിയത്. 205 പന്തില്‍ നിന്നും ഒമ്പത് ബൗണ്ടറികളുടെ അകമ്പടിയോടെ ആണ് രാഹുലിന്റെ അര്‍ധസെഞ്ച്വറി പ്രകടനം. മൂന്ന് ബാറ്റ്സ്മാന്മാര് ഒറ്റയക്കത്തിലും രണ്ട് താരങ്ങള്‍ റണ്ണൊന്നുമെടുക്കാതെയും മടങ്ങി.
ടോസ് നേടി ബാറ്റിങ്ങിനിറങ്ങിയ ഇന്ത്യ 71.2 ഓവറില്‍ കൂടാരം കയറി. ഓപ്പണര്‍ അഭിനവ് മുകുന്ദ്(0) ചേതേശ്വര്‍ പൂജാര(17), വിരാട് കോഹ്ലി(12), രഹാനെ(17), കരുണ്‍ നായര്‍(26), അശ്വിന്‍(7), വൃദ്ധിമാന്‍ സാഹ(1), രവീന്ദ്ര ജഡേജ(3), ഇശാന്ത് ശര്‍മ്മ(0) എന്നിങ്ങനെയാണ് താരങ്ങളുടെ സ്‌കോറുകള്‍. ഉമേഷ് യാദവ് പുറത്താകാതെ നിന്നു.
വിരാക് കോഹ്ലി, രാഹുല്‍, പൂജാര, അശ്വിന്‍, സാഹ, ജഡേജ, ഇശാന്ത് ശര്‍മ്മ എന്നിവരുടെ വിക്കറ്റുകളാണ് ലിയോണ്‍ വീഴ്ത്തിയത്. ലിയോണിന്റെ ടെസ്റ്റ് കരിയറിലെ ഏറ്റവും മികച്ച പ്രകടനാണ് ബെംഗളൂരിലേത്. 22.2 ഓവറില്‍ അമ്പത് റണ്‍സ് വിട്ടുകൊടുത്താണ് താരത്തിന്റെ എട്ട് വിക്കറ്റ് പ്രകടനം. ആദ്യ ടെസ്റ്റില്‍ ഇന്ത്യയെ തകര്‍ത്ത സ്റ്റീവ് ഒക്കീഫും മിച്ചല്‍ സ്റ്റാര്‍ക്കും ഓരോ വിക്കറ്റുകള്‍ വീതം വീഴ്ത്തി.
ഓസ്‌ട്രേലിയയ്ക്കെതിരായ രണ്ടാം ക്രിക്കറ്റ് ടെസ്റ്റില്‍ ടോസ് നേടി ബാറ്റിങ് തെരഞ്ഞെടുത്ത ഇന്ത്യയ്ക്ക് രണ്ടു വിക്കറ്റ് നഷ്ടമായി. ലഞ്ചിന് പിരിയുമ്പോള്‍ രണ്ടിന് 72 റണ്‍സ് എന്ന നിലയിലാണ് ഇന്ത്യ. അഭിനവ് മുകുന്ദ്(പൂജ്യം), ചേതേശ്വര്‍ പൂജാര(17) എന്നിവരുടെ വിക്കറ്റുകളാണ് ഇന്ത്യയ്ക്ക് നഷ്‌ടമായത്. മുകുന്ദിനെ മിച്ചല്‍ സ്റ്റാര്‍ക്ക് വിക്കറ്റിന് മുന്നില്‍ കുടുക്കിയപ്പോള്‍ പൂജാരയെ നഥാന്‍ ലിയോണ്‍ ഹാന്‍ഡ്സ്‌കോംബിന്റെ കൈകളിലെത്തിച്ചു. 48 റണ്‍സുമായി ലോകേഷ് രാഹുല്‍ ക്രീസിലുണ്ട്.
ആദ്യ ടെസ്റ്റില്‍ തോറ്റ ഇന്ത്യ രണ്ടു മാറ്റങ്ങളുമായാണ് ബംഗളുരുവില്‍ കളിക്കാന്‍ ഇറങ്ങിയത്. തോള്‍ വേദനയെ തുടര്‍ന്ന് പിന്മാറിയ മുരളി വിജയ്‌ക്ക് പകരം അഭിനവ് മുകുന്ദ് ഓപ്പണറായി എത്തി. ജയന്ത് യാദവിന് പകരം കരുണ്‍ നായര്‍ ടീമിലെത്തി. ബാറ്റിങ് ശക്തിപ്പെടുത്തുന്നതിന്റെ ഭാഗമായാണ് കരുണ്‍ നായരെ ടീമിലെടുത്തത്.
ആദ്യ ടെസ്റ്റില്‍ തോറ്റ ഇന്ത്യ നാലു മല്‍സരങ്ങളുടെ പരമ്പരയില്‍ 0-1ന് പിന്നിലാണ്.
ഇടുക്കി ജില്ലാ സംഗമം ഒരുക്കുന്ന രണ്ടാമത് ബാഡ്മിന്റണ്‍
ടൂര്‍ണമെന്റിന്റെ എല്ലാ ഒരുക്കങ്ങളും പൂര്‍ത്തിയായി. നാളെ 32 ടീമുകള്‍ നോട്ടിംഗ്ഹാമില്‍ മാറ്റുരക്കുന്നു. ആദ്യം വന്ന 32 ടീമുകള്‍ക്കാണ് രജിസ്ട്രേഷന് ചെയ്യാന്‍ അവസരം കിട്ടിയത്. അവസാനം വന്ന പത്തോളം ടീമുകള്‍ക്ക് അവസരം ലഭിക്കാത്തതില്‍ ഖേദം പ്രകടിപ്പിക്കുന്നു. ഇടുക്കി ജില്ലാ സംഗമം അടുത്ത വര്‍ഷം കുടുതല്‍ ടീമുകളെ ഉള്‍പ്പെടുത്തുവാനുള്ള ക്രമീകരണങ്ങള്‍ നടത്തുന്നതാണ്.
കളികാര്‍ക്കും കാണികള്‍ക്കും ഉച്ചക്ക് ഫുഡ് ഉണ്ടായിരിക്കുന്നതാണ്.
ഇടുക്കി ജില്ലാ സംഗമത്തിന്റെ മുന്‍ കണ്‍വീനര്‍ ജസ്റ്റിന്‍ ഏബ്രഹാം, ഈ വര്‍ഷത്തെ ജോയിന്റ് കണ്‍വീനര്‍ ബാബു തോമസ് തുടങ്ങിയവരാണ് ബാഡ്മിന്റണ്‍ കളികള്‍ക്ക് നേത്യത്വം നല്‍കുന്നത്. കഴിഞ്ഞ വര്‍ഷം ഇവരുടെ നേതൃത്വത്തില്‍ യുകെയില്‍ ആദ്യമായി നടത്തിയ ടൂര്‍ണമെന്റ് വിജയകരവും ബാഡ്മിന്റണ്‍ സ്നേഹികളുടെ പിന്‍ന്തുണയും ഉറപ്പാക്കാന്‍ കഴിഞ്ഞു. ഈ വര്‍ഷം ഇവരോട് ഒപ്പം മറ്റ് കമ്മിറ്റിക്കാരും കൈ കോര്‍ക്കുന്നു.
സമ്മാനങ്ങള്‍ സ്പോണ്‍സര്‍ ചെയ്യുന്നത്, മലയാളികളുടെ പുതിയ സംരഭമായ NEELAGIREE Indian Restauratn Rotherham, Allied Financial Service, ANRC Physiotherapy & Aurvedic Massage Clinic, London. TRUMARK TRAVEL, London. തുടങ്ങിയവരാണ്. വിജയികള്‍ക്ക് കാഷ് പ്രൈസായി യഥാക്രമം £251,£151,£101,£75. പിന്നെ ട്രാഫികളും സമ്മാനിക്കുന്നതാണ്.
കൂടാതെ പ്രോത്സാഹന സമ്മാനമായി ക്വാര്‍ട്ടര്‍ ഫൈനല്‍ കളിക്കുന്നവര്‍ക്ക് £50 കാഷ് പ്രൈസും നല്‍കുന്നതാണ്. അതോട് ഒപ്പം ഈ വര്‍ഷം മത്സരങ്ങളോട് ഒപ്പം മറ്റ് സമ്മാനങ്ങളും കാണികള്‍ക്കും കളിക്കാര്‍ക്കും ഉണ്ടായിരിക്കുമെന്ന് സംഘാടകര്‍ അറിയിച്ചിട്ടുണ്ട്. യുകെയില്‍ ഉള്ള എല്ലാ ബാഡ്മിന്‍ണ്‍ സ്നേഹികളെയും മാര്‍ച്ച് 4 ന് നോട്ടിംഗ്ഹാമിലേക്ക് ഹാര്‍ദവമായി ക്ഷണിച്ച് കൊള്ളുന്നൂ. മല്‍സര വേദിയുടെ വിലാസം.
Billbrough Sports Center
College way
Nottingham
NG8 4DQ
സ്പാനിഷ് ലാ ലിഗയില്‍ ബാഴ്സിലോണ തകര്‍പ്പന്‍ജയം നേടിയപ്പോള്‍ ചിരവൈരികളായ റയല്‍ മാഡ്രിഡിന് സമനിലയില്‍ കുരുങ്ങി. ബാഴ്‌സലോണ സ്പോര്ട്ടിംഗ് ഗിജോണിനെ 6-1 ന് തകര്‍ത്തപ്പോള്‍ റയല്‍ ദുര്‍ബ്ബലരായ ലാസ്പാസിനോട് 3-3ന് സമനിലകൊണ്ട് രക്ഷപ്പെടുകയായിരുന്നു. ഇതോടെ പോയിന്റ് നിലയില്‍ റയലിനെ ബാഴ്സ മറികടന്നു.സ്പോര്ട്ടിംഗ് ഗിജോണിനെതിരായ മത്സരത്തില്‍ സുവാരസ് രണ്ടു ഗോളടിച്ചപ്പോള്‍ മെസിയും നെയ്മറും റാകിടിക്കും അല്‍ക്കാസറും ഓരോഗോള്‍ വീതം നേടി. ഹെഡ്ഡര്‍ ഗോളിലൂടെ സ്‌കോറിംഗ് തുടങ്ങിവെച്ചത് സൂപ്പര്‍താരം മെസിയായിരുന്നു. പിന്നാലെ ഇടവേളയില്ലാതെ തന്നെ ബാഴ്സ ഗോളടിച്ചു കൊണ്ടേയിരുന്നു. മികച്ച ഫ്രീകിക്കിലായിരുന്നു നെയ്മറുടെ ഗോള്‍.
അതെ,സമയം റയലിനായി ക്രിസ്ത്യാനോ ഇരട്ട ഗോള്‍ നേടിയെങ്കിലും അവര്‍ക്ക് ജയത്തിലെത്താനായില്ല. നാല്‍പ്പത്തേഴാം മിനിറ്റില്‍ ഗെരത് ബെയ്ല്‍ ചുവപ്പു കാര്‍ഡ് കണ്ട മത്സരത്തില്‍ ഇസ്‌കോയുടെ വകയായിരുന്നു റയലിന്റെ ആദ്യ ഗോള്‍. മറുവശത്ത് ലാസ് പാല്‍മസ് ഡൊമിംഗസ്, വിയേര, ബോട്ടെംഗ് എന്നിവരിലൂടെയാണ് സമനില പിടിച്ചത്. പത്തുപേരായി ചുരുങ്ങുമ്പോള്‍ 3-2 ന് പിന്നിലായ റയലിനെ അവസാന നാലു മിനിറ്റിനിടയില്‍ ക്രിസ്ത്യാനോ പെനാല്‍റ്റിയില്‍ നിന്നും അല്ലാതെയും ഗോളുകള്‍ നേടി കഷ്ടിച്ച് തോല്‍വി ഒഴിവാക്കിയത്.
ഇതോടെ ലാലിഗയില്‍ കിരീടപ്പോരാട്ടം കനക്കുകയാണ്. ഒരു കളി ബാഴ്‌സയേക്കാള്‍ പിന്നാലാണെങ്കിലും പോയന്റ് പട്ടികയില്‍ ബാഴ്സ ഒരു പോയന്റിന് മുന്നിലെത്തിയത് അവരെ ആശങ്കപ്പെടുത്തുന്നു. 57 പോയന്റാണ് ബാഴ്‌സക്കുളളത്
തോമസ് ജോണ്‍
ലിവര്‍പൂള്‍: കായിക പ്രേമികള്‍ക്ക് എന്നും ആവേശമായ ലിവര്‍പൂള്‍ മലയാളികളുടെ സ്വന്തം ലിംകയുടെ നേതൃത്വത്തില്‍ നടക്കുന്ന അഖില യുകെ ബാറ്റ്മിന്ടന്‍ ടൂര്‍ണമെന്റ് ഏപ്രില്‍ 30 ശനിയാഴ്ച ലിംകയുടെ ഹോം ഗ്രൌണ്ടായ ബ്രോട്ഗ്രീന്‍ സ്‌കൂള്‍ അംഗണത്തില്‍ വച്ച് നടക്കുന്നതാണ്. ഒന്നും രണ്ടും മൂന്നും സമ്മാനങ്ങള്‍ക്ക് പുറമേ ക്വാര്‍ട്ടര്‍ ഫൈനലില്‍ വരുന്ന എല്ലാ ടീമുകള്‍ക്കും സമ്മാനം വാഗ്ദാനം ചെയ്യുന്ന യുകെയിലെ ഏക മത്സരമാണ് ലിംകയുടെത്.
രാവിലെ 8 മണിക്ക് ആരംഭിച്ച് വൈകിട്ട് 6 മണിക്ക് സമാപിക്കുന്ന രീതിയില്‍ നടക്കുന്ന മത്സരത്തിലേക്ക് ആദ്യം രജിസ്റ്റര്‍ ചെയ്യുന്ന 40 ടീമുകള്‍ക്ക് മാത്രമേ പങ്കെടുക്കാന്‍ സാധിക്കുകയുള്ളൂ. രജിസ്ട്രേഷന് ആരംഭിച്ച ദിവസം തന്നെ മികച്ച പ്രതികരണമാണ് ലഭിച്ചിരിക്കുന്നത്. പങ്കെടുക്കാന്‍ താല്‍പര്യമുള്ള ടീമുകള്‍ എത്രയും പെട്ടെന്ന് രജിസ്റ്റര്‍ ചെയ്യുവാന്‍ സംഘാടകര്‍ അറിയിക്കുകയുണ്ടായി.
സംഘാടനത്തിലും മികവിലും യുകെ മലയാളികള്‍ക്ക് മാതൃകയായ ലിവര്‍പൂള്‍ മലയാളി കള്‍ച്ചറല്‍ അസോസിയേഷന്‍ (ലിംക) വിജയകരമായി നടത്തി വരുന്ന ലിംക ബാറ്റ്മിന്ടന്‍ പരിശീലന കളരിയും കരാട്ടെ പരിശീലനവും എല്ലാം നല്‍കുന്ന ആവേശം ഈ മത്സരത്തിലും ഉണ്ടാവും എന്നതിനാല്‍ വളരെ ഉത്സാഹത്തോടെയാണ് ലിവര്‍പൂള്‍ മലയാളികള്‍ മത്സര ദിവസത്തിനായ് കാത്തിരിക്കുന്നത്. കൂടുതല്‍ വിവരങ്ങള്‍ക്കും രജിസ്‌ട്രേഷനും ലിംക സ്പോര്ട്സ് ക്‌ളബ് ഭാരവാഹികളായ ജേക്കബ് 07967018955, ഡോണ്‍ 07903708244 എന്നിവരെബന്ധപ്പെടേണ്ടതാണ്.
മെല്‍ബണ്‍: ലോക ഒന്നാം സീഡ് അമേരിക്കയുടെ സെറീന വില്യംസിനെ അട്ടിമറിച്ച് ജര്‍മനിയുടെ ആഞ്ചലിക് കെര്‍ബറിന് ഓസ്‌ട്രേലിയന്‍ ഓപ്പണ്‍ വനിതാ സിംഗിള്‍സ് കിരീടം. ആദ്യമായാണ് കെര്‍ബര്‍ ഗ്രാന്‍ഡ്സ്ലാം കിരീടം നേടുന്നത്. കെര്‍ബറിന്റെ ആദ്യത്തെ ഗ്രാന്‍ഡ്സ്ലാം ഫൈനലാണിത്. സ്‌കോര്‍ 6-4, 3-6, 6-4.
21 തവണ ഗ്രാന്‍ഡ്സ്ലാം കിരീടം നേടിയ സെറീന വില്യംസിന്റെ 22 ഗ്രാന്‍ഡ്സ്ലാം എന്ന സ്വപ്‌നമാണ് കെര്‍ബര്‍ തകര്‍ത്തത്. ജര്‍മനിയുടെ ഇതിഹാസ താരം സ്റ്റെഫി ഗ്രാഫിന്റെ റെക്കോര്‍ഡിനൊപ്പം എത്താമെന്ന സെറീനയുടെ മോഹവും ഇതോടെ പൊലിഞ്ഞു. ആദ്യം പതറിയെങ്കിലും ലോക ഒന്നാം നമ്പര്‍ താരത്തിനെതിരെ കെര്‍ബര്‍ മികച്ച തിരിച്ചുവരവാണ് നടത്തിയത്.
1994ല്‍ സ്റ്റെഫി ഗ്രാഫാണ് കെര്‍ബറിന് മുമ്പ് ഓസ്‌ട്രേലിയന്‍ ഓപ്പണില്‍ കിരീടം നേടിയ ജര്‍മന്‍ വനിതാ താരം.
യുകെ മലയാളികളുടെ ഇടയില്‍ അസൂയാവഹമായ സംഭാവനകള്‍ നല്‍കിയ മാഞ്ചസ്റ്റര്‍ ഫ്രണ്ട്‌സ് സ്‌പോര്‍ടിംഗ്ക്ലബ്ബിന്റെ പത്താം വാര്‍ഷികം വര്‍ണാഭമായ ചടങ്ങുകളോടെ പര്യവസാനിച്ചു. കഴിഞ്ഞ ഏപ്രിലില്‍ ഒളിമ്പ്യന്‍ ബോബി അലോഷ്യസ് ആയിരുന്നു ചടങ്ങുകള്‍ ഉദ്ഘാടനം ചെയ്തത്. ആ ചടങ്ങില്‍ ബോബി അലോഷ്യസിന് ആജീവനാന്ത മെമ്പര്‍ഷിപ്പ് നല്‍കി ആദരിക്കുകയും ചെയ്തിരുന്നു. 2016 ജനുവരി 23ആം തീയതി മാഞ്ചസ്റ്ററിലെ സെന്റ് ജോസഫ് ചര്‍ച്ച് ഹാളില്‍ വച്ച് നടന്ന സമാപന ചടങ്ങില്‍ യുകെ മലയാളികള്‍ക്ക് സുപരിചിതനായ കവിയും എഴുത്തുകാരനുമായ ശ്രീ മുരുകന്‍ പനയറ, യുകെ മലയാളികളുടെ പ്രിയഗായകനും സാമൂഹ്യ പ്രവര്‍ത്തകനുമായ ശ്രീ അജിത്ത് പാലിയത്ത് ആനി പാലിയത്ത്, ബ്രിട്ടീഷ് മലയാളി ചാരിറ്റബിള്‍ ഫൗണ്ടേഷന്‍ ട്രസ്റ്റിയും ബോള്‍ട്ടണ്‍ മലയാളി അസോസിയേഷന്‍ വൈസ് പ്രസിഡന്റുമായ ഷിനുക്ലാര മാത്യുസ് എന്നിവരും പങ്കെടുത്തു.
സ്വപ്‌ന വിന്‍സെന്റ്, വില്‍ഫി ബിജു എന്നിവര്‍ അണിയിച്ചൊരുക്കിയ ഫ്രണ്ട്‌സ് ജൂനിയേഴ്‌സിന്റെ വിവിധ കലാപരിപാടികളും ഫാഷന്‍ഷോയും അജിത്, ആനി, ബെന്നി, ബിനീഷ് എന്നിവരുടെ ഗാനമേളയും കൂടിയയായപ്പോള്‍ മാഞ്ചസ്റ്ററിലെ ചാറ്റല്‍മഴയില്‍ കുതിര്‍ന്ന തണുത്ത സന്ധ്യ ആവേശത്തിമിര്‍പ്പിലായി. റിന്‍സി സജിത്ത്, സീമാ ജിജു എന്നിവര്‍ ആങ്കറിംഗില്‍ തങ്ങളുടെ സാനിധ്യം തെളിയിച്ചപ്പോള്‍ ഫ്രണ്ട്‌സ് ഗേള്‍സ് ടീമിന്റെ കൈസി പഹേലി ഡാന്‍സ് കാണികളുടെ മുക്തകണ്ഠമായ പ്രശംസ പിടിച്ച് പറ്റി. കലാപരിപാടികളില്‍ പങ്കെടുത്ത എല്ലാ കലാകാരികള്‍ക്കും കലാകാരന്‍മാര്‍ക്കും മെഡലുകള്‍ വിതരണം ചെയ്തു.
പ്രസ്തുത ചടങ്ങില്‍ ഗ്രേറ്റര്‍ മാഞ്ചസ്റ്റര്‍ ക്രിക്കറ്റ് ലീഗില്‍ ഏപ്രിലില്‍ ആരംഭിക്കുന്ന മത്സരങ്ങളില്‍ പങ്കെടുക്കാന്‍ പോകുന്ന ഫ്രണ്ട്‌സ് ജൂനിയര്‍ അണ്ടര്‍ ഇലവന്‍ ടീമിനെ ഇന്‍ട്രൊഡ്യൂസ് ചെയ്യുകയും ചെയ്തു. യുകെയില്‍ ധാരാളം മലയാളി അസോസിയേഷനുകളും സ്പോര്ട്സ് ക്ലബ്ബുകളും ഉണ്ടെങ്കിലും കുട്ടികളെ മുഖ്യധാരാ സ്‌പോര്‍ട്‌സിലേക്ക് കൊണ്ടുവരികയും യുകെ മലയാളികളുടെ ചരിത്രത്തിലാദ്യമായി ഒരു ജൂനിയര്‍ ടീമിനെ തന്നെ ലീഗ് ക്രിക്കറ്റിലേക്ക് കൊണ്ടു വരുന്നത് ഫ്രണ്ട്‌സ് സ്പോര്ട്ടിംഗ് ക്ലബ്ബാണെന്ന് ക്ലബ്ബ് പ്രസിഡന്റ് ജീജു ഫിലിപ്പ് സൈമണ്‍ അനുസ്മരിച്ചു.
ജൂനിയര്‍ ക്രിക്കറ്റ് കോച്ചിംഗ് ക്യാമ്പ്, സിക്‌സ് എ സൈഡ് ക്രിക്കറ്റ് ടൂര്‍ണമെന്റ്, ആള്‍ യുകെ ബാഡ്മിന്റണ്‍ ടൂര്‍ണമെന്റ്, ഇസിബി ക്ലബ്ബ് ഓപ്പണ്‍ ഡേ, ആള്‍ യുകെ ക്രിക്കറ്റ് ടൂര്‍ണമെന്റ്, ജൂനിയര്‍ അത്‌ലറ്റിക്‌സ് മുതലായ സ്പോര്ട്സ് റിലേറ്റഡ് ആക്ടിവിറ്റീസിനൊപ്പം തന്നെ ചാരിറ്റി വര്‍ക്ക്, ടീം ബൗണ്ടിംഗ് ട്രിപ്പ്, ഫാമിലി ഗെറ്റ് ടുഗതര്‍, സമ്മര്‍ ബിബിക്യു, ഓണം സെലിബ്രേഷന്‍ തുടങ്ങിയ വിശദമായ പ്രവര്‍ത്തന റിപ്പോര്‍ട്ട് ക്ലബ്ബ് സെക്രട്ടറി തോമസ് ജോര്‍ജ് അവതരിപ്പിച്ചു.
കഴിഞ്ഞ ഒരു വര്‍ഷക്കാലം ക്ലബ്ബിന്റെ വിവിധ പരിപാടികള്‍ ഉള്‍പ്പെട്ട ദശാബ്ദി ആഘോഷങ്ങളില്‍ പങ്കെടുത്ത മാഞ്ചസ്റ്റര്‍ സെന്‍ട്രല്‍ എംപി ലൂസി പവല്‍, വിറ്റിംഗ്ടണ്‍ എംപി ജെഫ് സ്മിത്ത്, എക്‌സ് എംപി ജോണ്‍ ലീച്ച്, ഓണാഘോഷ പരിപാടിയിലെ മുഖ്യാതിഥി ആയിരുന്ന ഹണ്ടിംഗ്ടണ്‍ കൗണ്‍സിലര്‍ ലീഡോ ജോര്‍ജ്, കോച്ചിംഗ് ക്യാമ്പിന് നേതൃത്വം നല്‍കിയ ലങ്കാഷെയര്‍ ക്യാപ്റ്റന്‍ ടോം സ്മിത്ത്, ലങ്കാഷെയര്‍ അണ്ടര്‍ 19 ക്യാപ്റ്റന്‍ അഭിഷേക് കുല്‍ക്കര്‍ണി, മാഞ്ചസ്റ്റര്‍ ക്രിക്കറ്റ് ഡെവലപ്പ്‌മെന്റ് ഓഫീസര്‍ പോണ്ട് മക്‌ഗോഫോഗ്, ലങ്കാഷെയര്‍ കോച്ചുമാര്‍, മീഡിയ സപ്പോര്‍ട്ട് നല്‍കിയ ബ്രിട്ടീഷ് മലയാളി, ക്ലബ്ബിന്റെ സ്‌പോണ്‍സേഴ്‌സ് എല്ലാ നല്ലവരായ സപ്പോര്‍ട്ടേഴ്‌സിനെയും ചടങ്ങില്‍ പ്രത്യേകം ആദരിച്ചു. ക്ലബ്ബ് ട്രഷറര്‍ രാംകിയുടെ നന്ദി പ്രകാശനത്തോട് കൂടി ചടങ്ങുകള്‍ക്ക് തിരശീല വീണു.
ക്ലബ്ബ് മെമ്പര്‍ഷിപ്പ്
ഏപ്രില്‍ ഇരുപത്തിമൂന്നാം തീയതി ആരംഭിക്കുന്ന ജിഎംസിസി ലീഗില്‍ ഫ്രണ്ട്‌സ് സ്‌പോര്‍ടിംഗ് ക്ലബ്ബിന്റെ ജൂനിയര്‍ ആന്‍ഡ് സീനിയര്‍ ഫസ്റ്റ് ടീമിലേക്ക് പുതിയ കളിക്കാരെ ക്ഷണിക്കുന്നതായി പ്രസിഡന്റ് ജിജു ഫിലിപ്പ് സൈമണ്‍ അറിയിച്ചു. ഫുള്‍ അടല്‍ട്ട് പ്ലേയിംഗ് മെമ്പര്‍, സ്റ്റുഡന്റ് മെമ്പര്‍, ജൂനിയര്‍ മെമ്പര്‍ എന്നീ വിഭാഗങ്ങളില്‍ മെമ്പര്‍ഷിപ്പ് എടുക്കാവുന്നതാണ്. സ്‌പോര്‍ട്‌സില്‍ താത്പര്യമുളള എന്നാല്‍ കളിക്കാന്‍ താത്പര്യമില്ലാത്തവര്‍ക്ക് ഈ വര്‍ഷം മുതല്‍ സോഷ്യല്‍ മെമ്പര്‍ഷിപ്പും എടുക്കാവുന്നതാണ്. താത്പര്യമുളളവര്‍ [email protected]എന്ന ഈമെയില്‍ ഐഡിയിലോ പ്രസിഡന്റ് ജിജു 07886410604, സെക്രട്ടറി തോമസ് ജോര്‍ജ് 07852174354, ട്രഷറര്‍ രാംകി 07983640632 എന്ന നമ്പരിലോ ബന്ധപ്പെടുക.
ബ്രിസ്‌ബേന്‍: ബ്രിസ്‌ബേനില്‍ നടന്ന രണ്ടാം ഏകദിനത്തില്‍ ഇന്ത്യയ്‌ക്കെതിരെ ആസ്‌ട്രേലിയയ്ക്ക് ഏഴ് വിക്കറ്റ് ജയം. എട്ട് വിക്കറ്റ് നഷ്ടത്തില്‍ 308 റണ്‍സാണ് ഇന്ത്യ നേടിയത്. കളി തീരാന്‍ ഒരു ഓവര്‍ ബാക്കി നില്‍ക്കെയാണ് മൂന്ന് വിക്കറ്റ് മാത്രം നഷ്ടപ്പെടുത്തി ആസ്‌ട്രേലിയ വിജയലക്ഷ്യം മറികടന്നത്. ഇതോടെ അഞ്ച് മത്സരങ്ങളുള്ള പരമ്പരയില്‍ ആസ്‌ട്രേലിയ 2-0ന് മുന്നിലെത്തി.
ആസ്‌ട്രേലിയയ്ക്ക് വേണ്ടി ജോര്‍ജ് ബെയ്‌ലിയും (76) ഷോണ്‍ മാര്‍ഷും (71) ആരോണ്‍ ഫിഞ്ചും (71) അര്‍ദ്ധസെഞ്ചുറി നേടി. ഇന്ത്യയ്ക്ക് വേണ്ടി തുടര്‍ച്ചയായ രണ്ടാം മത്സരത്തിലും സെഞ്ചുറി നേടിയ രോഹിത് ശര്‍മ്മയ്ക്ക് (124) പെര്‍ത്തിലെ ആദ്യ മത്സരത്തിലെന്ന പോലെ ഇത്തവണയും ടീമിന്റെ പരാജയം കാണേണ്ടി വന്നു. ഷോണ്‍ മാഷിനെ പുറത്താക്കാന്‍ ലഭിച്ച നാല് അവസരങ്ങള്‍ ഇന്ത്യ തുലച്ചു. ഇന്ത്യയ്ക്ക് വേണ്ടി നേരത്തെ അജിങ്ക്യ രഹാനെയും (89) വിരാട് കോഹ്‌ലിയും അര്‍ദ്ധ സെഞ്ചുറി നേടിയിരുന്നു, ഇഷാന്ത് ശര്‍മ്മ, രവീന്ദ്ര ജഡേജ, ഉമേഷ് യാദവ് എന്നിവര്‍ ഓരോ വിക്കറ്റ് വീതം വീഴ്ത്തി.
സ്‌കോര്‍ പിന്തുടര്‍ന്ന് നേടുന്ന വിജയത്തിന്റെ കാര്യത്തില്‍ ബ്രിസ്‌ബേനിലെ ഗാബ സ്റ്റേഡിയത്തില്‍ ഇത് റെക്കോര്‍ഡാണ്. നേരത്തെ ഇംഗ്ലണ്ടിന്റെ സ്‌കോര്‍ പിന്തുടര്‍ന്ന് ആസ്‌ട്രേലിയ നേടിയ 301 റണ്‍സായിരുന്നു ഉയര്‍ന്ന ചേസിംഗ് സ്‌കോര്‍. 330നും മുകളിലെങ്കിലും സ്‌കോര്‍ ചെയ്താല്‍ മാത്രമേ വിജയം സംബന്ധിച്ച് ആത്മവിശ്വാസമുണ്ടാക്കാനാവൂ എന്ന അവസ്ഥയാണുള്ളതെന്നും ഇത് വരും മത്സരങ്ങളില്‍ വലിയ സമ്മര്‍ദ്ദമുണ്ടാക്കുമെന്നും മത്സരശേഷം ക്യാപ്റ്റന്‍ എം.എസ്.ധോണി അഭിപ്രായപ്പെട്ടു. സെഞ്ചുറി അടിച്ച ശേഷം ടീം തോല്‍ക്കുകയെന്നത് ഏറെ നിരാശയുണ്ടാക്കുന്ന കാര്യമാണെന്ന് രോഹിത് ശര്‍മ്മ പറഞ്ഞു.
ബ്രിസബെയ്‌ന്‍: 2105-ല്‍ നിര്‍ത്തിയടത്തു നിന്ന് സാനിയ മിര്‍സ-മാര്‍ട്ടിന ഹിംഗിസ്‌ സഖ്യത്തിന്റെ തേരോട്ടം. 2016-ലെ ആദ്യ കിരീടം നേടി തങ്ങള്‍ ഈവര്‍ഷവും മികച്ച ഫോമിലാണെന്ന്‌ ഇന്തോ-സ്വിസ്‌ ജോഡി തെളിയിച്ചു. കഴിഞ്ഞ വര്‍ഷത്തെ ഫോം അതേപടി തുടരുന്ന അവര്‍ ഇന്നലെ ബ്രിസ്‌ബെയ്‌ന്‍ ഓപ്പണിലാണ്‌ കിരീടമുയര്‍ത്തിയത്‌. ജര്‍മനിയുടെ ആഞ്ചലിക് കെര്‍ബര്‍ – ആന്‍ഡ്രിയ പെറ്റകോവിച്ച്‌ സഖ്യത്തെ തോല്‍പിച്ചാണ്‌ അവര്‍ ജേതാക്കളായത്‌. 7-5, 6-1 എന്ന സകോറിന്‌ നേരിട്ടുള്ള സെറ്റുകള്‍ക്കായിരുന്നു ജയം.
69 മിനിറ്റ്‌ നീണ്ട മത്സരത്തിന്റെ ആദ്യ സെറ്റില്‍ ജര്‍മന്‍ സഖ്യം പോരാട്ടവീര്യം പ്രദര്‍ശിച്ചെങ്കിലും രണ്ടാം സെറ്റില്‍ സാനിയയും ഹിംഗിസും തകര്‍ത്തുവാരി. ഇന്തോ-സ്വിസ്‌ സഖ്യത്തിന്റെ തുടര്‍ച്ചയായ ഇരുപത്താറാം ജയമാണിത്‌.രണ്ടു ജയങ്ങള്‍ കൂടി നേടിയാല്‍ തുടരന്‍ ജയങ്ങള്‍ക്കുള്ള ലോകറെക്കോഡ്‌ സ്വന്തമാക്കാം.
