ചാരിറ്റി പ്രവർത്തനങ്ങൾക്ക് എന്നും മുൻ നിരയിൽ നില്ക്കുന്ന ഇടുക്കി ജില്ലാ സംഗമം യുകെയുടെ നേതൃത്വത്തിൽ ഓൾ യുകെ വടംവലി മത്സരം ഓണത്തോട് അനുബന്ധിച്ച് ഒക്ടോബർ 5 ന് ബർമിംങ്ങ്ഹാമിൽ വെച്ച് പ്രൗഡ ഗംഭീരമായി നടത്തപ്പെടുന്നു. യുകെയുടെ വിവിധ ഭാഗങ്ങളില്‍ നിന്നായി കരുത്തിന്റെയും, ഒരുമയുടെയും ആള്‍രൂപങ്ങള്‍ ബിർമിങ്ഹാമിൽ മാറ്റുരക്കുമ്പോൾ,
യു കെയിലുള്ള കരുത്തന്മാരെ നിർണ്ണയിക്കുന്നതോട് ഒപ്പം ഈ വടംവലി മത്സരം എല്ലാ വടംവലി സ്നേഹികൾക്കും തീർച്ചയായും ഒരു ആവേശം ആയി തീരും എന്ന് നിസംശയം പറയാം.

ഈ വടംവലി മത്സരത്തിൽ
ഒന്നാം സമ്മാനം: 801 പൗണ്ടും, ഫുൾ റോസ്റ്റ് പന്നിയുമാണ്,
രണ്ടാം സമ്മാനം: 501 പൗണ്ടും, താറാവും, മൂന്നാം സമ്മാനം 301 പൗണ്ടും, പൂവൻ കോഴിയും, നാല്, അഞ്ച്, ആറ് സമ്മാനങ്ങളായി 150, 100, 75 പൗണ്ടുമാണ് വിജയികളെ കാത്തിരിക്കുന്നത്.

ഇടുക്കി ജില്ലാ സംഗമത്തിന്റെ ഈ വടംവലി മത്സരത്തിന് BCMC വടംവലി ടീം (ബർമിംങ്ഹാം) പൂർണ്ണ പിന്തുണയുമായി ഈ വടംവലി മാമാങ്കത്തിൽ ഇടുക്കി ജില്ലാ സംഗമത്തോട് ഒപ്പംചേരുന്നു. അമേരിക്കയിൽ ചിക്കാഗോ സോഷ്യൽ ക്ലബിന്റെ ഏഴാമത് അന്താരാഷ്ട്ര വടംവലി മത്സരത്തിൽ വിജയികളായ യു കെ വടംവലി ടീമിന്റെ മാനേജറും കോച്ചുമായ സാൻറ്റോ ജേക്കബ് ഇടുക്കി ജില്ലാ സംഗമത്തിന്റെ ജോയിന്റ് കൺവീനർ കൂടിയാണ്.

എല്ലാ മലയാളികളുടെയും സ്വകാര്യ അഹങ്കാരവും ആവേശവുമായ ഈ കരുത്തിന്റെ പോരാട്ടത്തില്‍ പങ്കാളിയാകുവാന്‍ ഞങ്ങള്‍ സ്‌നേഹത്തിന്റെയും ഐക്യത്തിന്റെയും ഭാഷയില്‍ നിങ്ങളെ എല്ലാവരെയും ഇടുക്കി ജില്ലാ സംഗമം സ്വാഗതം ചെയ്യുന്നു.
വേദി :
NORTH SOLIHULL LEISURE CENTRE
BIRMINGHAM
B37 5LA

കൂടുതല്‍ വിവരങ്ങള്‍ക്ക്
കൺവീനർ
ജിമ്മി: 07572 880046
ജോയിൻറ് കൺവീനർ:
സാൻറ്റോ: 07896 301430

 റീജൻ അലക്സ്

യു കെയിലെ മലയാളി ബാഡ്മിന്റൺ പ്രേമികൾക്കായി ഫീനിക്സ് സ്പോർട്സ് ക്ലബ് നോർത്താംപ്ടൺ നടത്തുന്ന ഓൾ യു കെ ബാഡ്മിന്റൺ ടൂർണമെന്റ് സെപ്റ്റംബർ 28ന് നോർത്താംപ്ടൺ മൗൾട്ടൻ സ്പോർട്സ് കോംപ്ലക്സിൽ വെച്ച് നടത്തപ്പെടുന്നതാണ്. പങ്കെടുക്കുവാൻ താൽപ്പര്യമുള്ള ടീമുകൾ സംഘാടകരുമായി എത്രയും പെട്ടെന്ന് ബന്ധപ്പെടേണ്ടതാണ് . വിജയികൾക്ക് ആകർഷകമായ ക്യാഷ് പ്രൈസും ട്രോഫിയും നൽകി ആദരിക്കുന്നതാണ്. ഈ ബാഡ്മിന്റൺ ടൂർണമെന്റിലേക്ക് യു കെയിലെ എല്ലാ മലയാളി ബാഡ്മിന്റൺ പ്രേമികളെയും സംഘാടകാർ ക്ഷണിച്ചു കൊള്ളുന്നു.
രജിസ്ട്രേഷൻ ചെയ്യാൻ ബന്ധപെടുക:
റോസ്ബിൻ – ‭07428 571013‬
ജിനി – ‭07872 049757‬
ജോമേഷ് – ‭07468 562437‬

ടൂർണമെന്റ് നടത്തപ്പെടുന്ന സ്ഥലത്തിന്റെ അഡ്രസ്സ്:
Moulton Sports Complex
Pound lane
Moulton
Northampton
NN3 7SD

ലണ്ടൺ :സമീക്ഷ യുകെയുടെ മൂന്നാം ദേശീയ സമ്മേളനത്തോട് അനുബന്ധിച്ച ഒരുക്കങ്ങൾ അവലോകനം ചെയ്തതായി ഇന്നലെ ചേർന്ന സമീക്ഷ കേന്ദ്ര സമിതി അറിയിച്ചു .സെപ്റ്റംബർ 7ന് പൊതുസമ്മേളന നടക്കുന്ന സമ്മേളന നഗരിക്ക് കാപാലികരുടെ കൊലപാതകത്തിന് ഇര ആയ പ്രസിദ്ധ കന്നഡ സാഹിത്യകാരൻ ശ്രീ കൽബുർഗി യുടെ നാമധേയം നല്കാനും സെപ്റ്റംബർ 8ന് നടക്കുന്ന സമീക്ഷ ദേശീയ പ്രതിനിധി സമ്മേളന നഗരിക്ക് മതാന്ധത ബാധിച്ച വർഗീയ ഫാസിസ്റ്റുകളുടെ കൊലക്കത്തിക്ക് ഇര യായ വിദ്യാർഥി നേതാവ് സ :അഭിമന്യു വിന്റെ പേര് നൽകുവാനും കേന്ദ്ര സമിതി തീരുമാനിച്ചു .

പൊതുസമ്മേളനം നഗരി അലങ്കരിക്കുവാനും സമ്മേളനത്തിന് എത്തിച്ചേരുന്ന വിശിഷ്ടതിഥികളായ ശ്രീ എം സ്വരാജ് MLA യെയും ശ്രീ സുനിൽ പി ഇളയിടത്തിനെയും സ്വീകരിക്കുവാനും സമ്മേളന നഗരിക്ക് സമീപത്തുള്ള സമീക്ഷ പ്രവർത്തകർ തയ്യാറായി കഴിഞു എന്ന് സ്വാഗത സംഘത്തിനുവേണ്ടി ശ്രീ മോൻസി , ശ്രീ ബിനോജ് ശ്രീ അബ്ദുൾ മജീദ്‌ എന്നിവർ അറിയിച്ചു .
ദേശീയ സമ്മേളനത്തിന്റ ആവേശം ഉൾക്കൊണ്ടു സമീക്ഷ UK യുടെ 14 മ്മത്തെ ബ്രാഞ്ച് വ്യാഴാഴ്ച പീറ്റർ ബൊരൊ യിൽ ഉദ്ഘാടനം ചെയുന്നു എന്ന് സമീക്ഷ ദേശീയ സമിതി സെക്രെട്രി ശ്രിമതി സ്വപ്ന പ്രവീണും ശ്രീ ദിനേശ് വെള്ളാപ്പിള്ളിയും അറിയിച്ചു ..
മതേതരമൂല്യങ്ങൾ ഉൾക്കൊണ്ടു പുരോഗമന കലാ സാംസ്ക്കാരിക പ്രവർത്തനങ്ങളിൽ പങ്കാളി ആകുവാൻ സമീക്ഷയിൽ അണി ചേരണമെന്ന് യുകെയിലെ മത നിരപേക്ഷ പ്രവർത്തകരോട് സമീക്ഷ കേന്ദ്ര സമിതി ആവശ്യപ്പെട്ടു .
ഈ കഴിഞ്ഞ അദ്ധ്യയന വർഷത്തിൽ GCSE , A level പരീക്ഷകളിൽ ഉന്നത വിജയം നേടിയ കുട്ടികൾക്കായി ഈ വർഷം മുതൽ സമീക്ഷ ഏർപ്പെടുത്തിയിരിക്കുന്ന സമീക്ഷ അക്കാദമിക് ടാലെന്റ്റ് അവാർഡിനായുള്ള അപേക്ഷകൾ ക്ഷണിക്കുന്നു.
2019ൽ ആദ്യമായി ഇത്തരം പരീക്ഷകൾ എഴുതുകയും അതിൽ ഉന്നതവിജയം നേടുകയും ചെയ്ത കുട്ടികളെയാണ് അവാർഡിനായി പരിഗണിക്കുന്നത്.
നിങ്ങളുടെ പരിചയത്തിൽ ആരെങ്കിലും ഉണ്ടെങ്കിൽ, ദയവായി ഈ അവാർഡിനായുള്ള അപേക്ഷ [email protected] എന്ന ഈമെയിലിൽ അയക്കുക. ഷോർട്ട് ലിസ്റ്റ് ചെയ്യുന്നവരെ സമീക്ഷ ദേശീയസമിതി അംഗങ്ങൾ നേരിട്ട് വിളിക്കുകയോ ഈമെയിലിൽ ബന്ധപ്പെടുകയോ ചെയ്യുന്നതാണ്. പേര്, മാർക്ക്‌ ലിസ്റ്റ് (സ്കാൻ കോപ്പി) അഡ്രസ്, ഫോൺ നമ്പർ, ഇമെയിൽ എന്നിവ കൃത്യമായും വ്യക്തമായും അയക്കണം.

സെപ്റ്റംബർ 7 ന്, ലണ്ടൻ ഹീത്രുവിൽ വെച്ച് നടക്കുന്ന സമീക്ഷയുടെ മൂന്നാമത് ദേശീയ പൊതുസമ്മേളനത്തിൽ വെച്ച്
ശ്രീ എം സ്വരാജ് എംഎൽഎ
ശ്രീ സുനിൽ പി ഇളയിടം ചേർന്ന്
ഈ അവാർഡുകൾ വിതരണം ചെയ്യുന്നതാണ്.

കൂടുതൽ വിവരങ്ങൾക്ക് സമീക്ഷ ദേശീയ സമിതി അംഗങ്ങളുമായി ബന്ധപ്പെടുക.

Swapna praveen – 07449145145

Dinesh Vellappalli – 07828659608

കേരളത്തിലുണ്ടായ പ്രകൃതിദുരന്തത്തില്‍ വേദന അനുഭവിക്കുന്നവരെ സഹായിക്കാന്‍ ഇടുക്കി ചാരിറ്റി ഗ്രൂപ്പ്‌ യു കെ നടത്തിയ ചാരിറ്റി അവസാനിച്ചപ്പോള്‍ .3174 പൗണ്ട് (ഏകദേശം 2,70000 രൂപ) ലഭിച്ചു . ഇന്നു 3174 പൗണ്ടിന്‍റെ ചെക്ക് വയനാട് സ്വദേശി സജി തോമസിന് ഇടുക്കി ചാരിറ്റി ഗ്രൂപ്പ്‌ കണ്‍വീനര്‍ സാബു ഫിലിപ്പ് കൈമാറി അദ്ദേഹം പണം നാട്ടില്‍ എത്തിച്ചു അര്‍ഹിക്കുന്നവര്‍ക്ക് സാമൂഹിക പ്രവര്‍ത്തകരുടെ സാനൃതൃത്തില്‍ കൈമാറും എന്നറിയിക്കുന്നു ഞങളുടെ ഈ എളിയ പ്രവര്‍ത്തനത്തില്‍ സഹായിച്ച എല്ലാവരോടും നന്ദി അറിയിക്കുന്നു

ഇതില്‍ ഞങള്‍ ഏറ്റവുകൂടുതല്‍ കടപ്പെട്ടിരിക്കുന്നത് കേറ്ററിങ്ങിലെ വാരിയെഴ്സ് ക്ലബ് ഭാരവാഹികളായ പ്രസിഡന്റ്‌ സിബു ജോസഫ്‌, സെക്രെട്ടെറി ജോം മാക്കില്‍ ,ട്രെഷര്‍ ലെനോ ജോസഫ്‌ മനോജ്‌ മാത്യു ,അബു വടക്കന്‍ ,എന്നിവരോടാണ് . . അവര്‍ സ്വിറ്റ്സര്‍ലന്‍ഡിലേക്ക് ഹോളിഡെ പോകാന്‍ സ്വരുകൂട്ടിയ 800 പൗണ്ടാണ് നാട്ടില്‍ വേദന അനുഭവിക്കുന്ന മനുഷൃരെ സഹായിക്കുന്നതിനു ഇടുക്കി ചാരിറ്റി ഗ്രൂപ്പ്‌ യു കെ യ്ക്കു നല്‍കിയത് .

ഇടുക്കി  ചാരിറ്റി  ഗ്രൂപ്പിന്റെ  വാര്‍ത്തകള്‍ ഷെയര്‍ ചെയ്തു  സഹായിച്ച കുറുപ്പ് അശോക, നീക്സന്‍ തോമസ്‌ ,ജീന മാത്യു എന്നിവരെയും നന്ദിയോടെ സ്മരിക്കുന്നു .ഇടുക്കി ചാരിറ്റി ഗ്രൂപ്പ്‌ എന്നത് കേരളത്തില്‍ നിന്നും യു കെ യില്‍ കുടിയേറിയ കഷ്ട്ടപ്പാടും ബുദ്ധിമുട്ടും അറിഞ്ഞു ജീവിച്ചവരുടെ ഒരു കൂട്ടായ്മയാണ് . ഞങ്ങള്‍ ജാതി ,മത ,വര്‍ഗ്ഗ , വര്‍ണ്ണ , സ്ഥലകാല വൃതൃാസമില്ലാതെയാണ് ആളുകളെ സഹായിച്ചുകൊണ്ടിരിക്കുന്നത് .

ചെക്കും ബാങ്കിന്‍റെ സമ്മറി സ്റെറ്റ്മെന്റ് താഴെ പബ്ലിഷ് ചെയ്യുന്നു,ഫുള്‍ സ്റ്റെമെന്റ്റ്‌ പണം അയച്ച എല്ലാവര്ക്കും നല്‍കിയിട്ടുണ്ട് ഇനിയും ലഭിക്കാത്തവര്‍ ഞങ്ങളുമായി ബന്ധപ്പെടുക .
കഴിഞ്ഞ പ്രളയത്തില്‍ ഞങളുടെ ശ്രമഫലമായി 7 ലക്ഷത്തോളം രൂപ പല സംഘടനകളില്‍ നിന്നും ശേഖരിച്ചു നാട്ടിലെ ആളുകള്‍ക്ക് വിതരണം ചെയ്യാന്‍ കഴിഞ്ഞു .ഞങ്ങൾ ഇതു വരെ ഏകദേശം 75 ലക്ഷം രൂപ നാട്ടിലെ ആളുകള്‍ക്ക് നല്‍കി സഹായിച്ചിട്ടുണ്ട് ,ഇടുക്കി ചാരിറ്റി ഗ്രൂപ്പ്‌ യു കെ യ്ക്ക് നേതൃത്വംകൊടുക്കുന്നത് സാബു ഫിലിപ്പ് ,ടോം ജോസ് തടിയംപാട്, സജി തോമസ്‌ എന്നിവരാണ്‌, ഞങ്ങളുടെ രക്ഷാധികാരി ബഹുമാനപ്പെട്ട തമ്പി ജോസാണ്.,ഞങ്ങള്‍ നടത്തിയ എല്ലാ പ്രവര്‍ത്തനങ്ങളും ഇടുക്കി ചരിറ്റി ഗ്രൂപ്പ്‌ എന്ന ഫേസ് ബുക്ക്‌ പേജില്‍ പ്രസിധികരിച്ചിട്ടുണ്ട്
ഭാവിയിലും ഞങ്ങള്‍ നടത്തുന്ന എളിയ പ്രവര്‍ത്തനത്തിന് നിങളുടെ സഹായങ്ങള്‍ നല്‍കണമെന്ന് അപേക്ഷിക്കുന്നു.
ടോം ജോസ് തടിയംപാട്

സതീഷ് പി.വി

ഓമ്‌നിയുടെ ഓണാഘോഷം “പൊന്നോണം 2019 ” നാളെ (സെപ്റ്റബർ ഒന്ന് ) ബെൽഫാസ്റ് ഡെപ്യൂട്ടി മേയർപീറ്റർ മക്റെയ്നോൾഡ്സ് ഉദ്‌ഘാടനം ചെയ്യും .പ്രസിഡന്റ സന്തോഷ്‌ജോൺ സ്വാഗതം ആശംസിക്കുന്ന ചടങ്ങിന് സെക്രട്ടറി ബിനു മാനുവൽ നന്ദി പ്രകാശിപ്പിക്കും .രാവിലെ പതിനൊന്നിന് ആരംഭിക്കുന്ന ചടങ്ങുകൾക്ക് പൂക്കളം,സംഗീത വിരുന്ന്, ചെണ്ടമേളം ,തിരുവാതിര,ഓണസദ്യ ,മറ്റു കലാപരിപാടികൾ എന്നിവ ചടങ്ങിന് കൊഴുപ്പേകും.ഓണസദ്യയിൽ പങ്കെടുക്കാൻ ആഗ്രഹിക്കുന്നവർ എല്ലാവരും മുൻകൂട്ടി ടിക്കറ്റുകൾ ബുക്ക് ചെയ്യേണ്ടതാണ്.

നന്മയുടെ ഉറവകള്‍ വറ്റുന്നില്ല എന്നതിന്റെ തെളിവാണ് കേറ്ററിങ്ങിലെ വാരിയെഴ്സ് ക്ലബുകാര്‍ കാണിച്ചു തന്നത്. അവര്‍ സ്വിറ്റ്സര്‍ലന്‍ഡിലേക്ക് ഹോളിഡെ പോകാന്‍ സ്വരുകൂട്ടിയ പണം നാട്ടില്‍ വേദന അനുഭവിക്കുന്ന മനുഷൃരെ സഹായിക്കുന്നതിനു ഇടുക്കി ചാരിറ്റി ഗ്രൂപ്പ്‌ യു കെ യ്ക്കു നല്‍കികൊണ്ട് മലയാളി സമൂഹത്തിനു തന്നെ മാതൃകയായി .

എല്ലാവരും ഒരേ മനസോടെയാണ്‌ അത്തരം ഒരു തീരുമാനം കൈകൊണ്ടതെന്ന് ക്ലബിനു നേതൃത്വം കൊടുക്കുന്ന പ്രസിഡന്റ്‌ സിബു ജോസഫ്‌, സെക്രെട്ടെറി ജോം മാക്കില്‍ ,ട്രെഷര്‍ ലെനോ ജോസഫ്‌ മനോജ്‌ മാത്യു ,അബു വടക്കന്‍ എന്നിവര്‍ പറഞ്ഞു.കഴിഞ്ഞ വര്‍ഷത്തെ വെള്ള പൊക്കത്തില്‍ വീട് നഷ്ട്ടപ്പെട്ടവര്‍ക്ക് വീടുവയ്ക്കാന്‍ എറണാകുളത്തുള്ള പത്തുസെന്റ്‌ സ്ഥലം പ്രസിഡന്റ്‌ സിബു ജോസഫ്‌ നല്‍കിയിരുന്നു .

ഇടുക്കി ചാരിറ്റിക്ക് ഇതുവരെ  3099 പൗണ്ട് ലഭിച്ചു. കളക്ഷന്‍ നാളെ (വെള്ളിയാഴ്ച) അവസാനിക്കുന്നുവെന്ന്  ഇടുക്കി ചാരിറ്റി ഗ്രൂപ്പ് കണ്‍വീനര്‍ സാബു ഫിലിപ്പ് അറിയിച്ചു ..‍ ഞങ്ങള്‍ നടത്തുന്ന ഈ എളിയ പ്രവര്‍ത്തനത്തിനു യു കെ മലയാളികള്‍ നല്കുന്ന പിന്തുണയെ ഞങ്ങള്‍ നന്ദിയോടെ ഓര്‍ക്കുന്നു . ബാങ്ക് സമ്മറി സ്റെറ്റ്മെന്റ് താഴെ പബ്ലിഷ് ചെയ്യുന്നു,

പ്രകൃതിദുരന്തം ഏറ്റവും കൂടുതല്‍ ജീവനെടുത്ത മലപ്പുറത്തെ കവളപ്പാറയിലെജനങ്ങളെയും വയനാട്ടിലെ പുത്തുമലയിലെ ജനങ്ങളെയും സഹായിക്കുന്നതിനുവേണ്ടി ഇടുക്കി ചാരിറ്റി ഗ്രൂപ്പ് യു കെ നടത്തിയത് .ഇടുക്കി ചാരിറ്റി ഗ്രൂപ്പ്‌ എന്നത് കേരളത്തില്‍ നിന്നും യു കെ യില്‍ കുടിയേറിയ കഷ്ട്ടപ്പാടും ബുദ്ധിമുട്ടും അറിഞ്ഞു ജീവിച്ചവരുടെ ഒരു കൂട്ടായ്മയാണ് .കഴിഞ്ഞ പ്രളയത്തില്‍ ഞങ്ങളുടെ ശ്രമഫലമായി 7 ലക്ഷത്തോളം രൂപ പല സംഘടനകളില്‍ നിന്നും ശേഖരിച്ചു നാട്ടിലെ ആളുകള്‍ക്ക് വിതരണം ചെയ്യാന്‍ കഴിഞ്ഞു .

ഞങ്ങൾ ഇതു വരെ 72 ലക്ഷം രൂപ നാട്ടിലെ ആളുകള്‍ക്ക് നല്‍കി സഹായിച്ചിട്ടുണ്ട് ,ഇടുക്കി ചാരിറ്റി ഗ്രൂപ്പ്‌ യു കെ യ്ക്ക് നേതൃത്വംകൊടുക്കുന്നത് സാബു ഫിലിപ്പ് ,ടോം ജോസ് തടിയംപാട് , സജി തോമസ്‌ എന്നിവരാണ്‌ ഞങ്ങളുടെ രക്ഷാധികാരി ബഹുമാനപ്പെട്ട തമ്പി ജോസാണ്.

നിങ്ങള്‍ ഈ ജനങ്ങളുടെ കണ്ണുനീര്‍ കാണാതിരിക്കരുത്. ,നിങ്ങള്‍ തരുന്ന ഓരോ ചില്ലികാശും മലപ്പുറത്തെ കവളപ്പാറയിലും വയനാട്ടിലെ പുത്തുമലയിലും വേദന അനുഭവിക്കുന്നവരുടെയും കൈകളില്‍ നേരിട്ട് എത്തിച്ചേരുമെന്ന് ഞങ്ങള്‍ നിങ്ങൾക്ക് ഉറപ്പുതരുന്നു.

ഞങ്ങള്‍ ഇതുവരെ സുതാര്യവും സത്യസന്ധവുമായി നടത്തിയ പ്രവര്‍ത്തനത്തിന് നിങ്ങള്‍ നല്‍കിയ വലിയ പിന്തുണയെ നന്ദിയോടെ ഓര്‍ക്കുന്നു

ലിവര്‍പൂളില്‍ താമസിക്കുന്ന വയനാട് സ്വദേശി സജി തോമസിനോടും , ബെര്‍മിംഗാമില്‍ താമസിക്കുന്ന മലപ്പുറം നിലമ്പൂര്‍ ,സ്വദേശി സുനില്‍ മേനോനോടും ഈ രണ്ടു സ്ഥലങ്ങളില്‍ താമസിക്കുന്ന ഏറ്റവും ആര്‍ഹതപ്പെട്ടവരെ കണ്ടെത്താന്‍ ഇടുക്കി ചാരിറ്റി ഗ്രൂപ്പ്‌ അഭൃര്‍ഥിച്ചതിന്റെയടിസ്ഥാനത്തില്‍ അവര്‍ ഈ രണ്ടു സ്ഥലത്തു ള്ളവരുമായി ബന്ധപ്പെട്ടു അര്‍ഹിക്കുന്നവരെ കണ്ടെത്തികഴിഞ്ഞു എന്നാണ് അറിയുന്നത് . കളക്ഷന്‍ പൂര്‍ത്തിയാവുന്ന മുറക്ക് പണം എത്രയും പെട്ടെന്ന് കൈമാറുന്നതാണ്.
.

പണം തരുന്ന ആരുടെയും പേരുകള്‍ ഒരു പൊതുസ്ഥലത്തും പ്രസിദ്ധികരിക്കുന്നതല്ല.. വിശദമായ ബാങ്ക് സ്റ്റെമെന്റ്റ്‌ മെയില്‍വഴിയോ, ഫേസ് ബുക്ക്‌ മെസ്സേജ് വഴിയോ ,വാട്ടസാപ്പു വഴിയോ എല്ലാവര്‍ക്കും അയച്ചു തരുന്നതാണ്.. ഞങ്ങള്‍ നടത്തിയ എല്ലാ പ്രവര്‍ത്തനങ്ങളും ഇടുക്കി ചരിറ്റി ഗ്രൂപ്പ്‌ എന്ന ഫേസ് ബുക്ക്‌ പേജില്‍ പ്രസിധികരിച്ചിട്ടുണ്ട് ..നിങ്ങളുടെ സഹായങ്ങള്‍ താഴെ കാണുന്ന ഇടുക്കി ചാരിറ്റി ഗ്രൂപ്പ്‌ അക്കൗണ്ടില്‍ ദയവായി നിക്ഷേപിക്കുക..

ACCOUNT NAME , IDUKKI GROUP
ACCOUNT NO 50869805
SORT CODE 20-50.-82
BANK BARCLAYS.
“ദാരിദ്രൃം എന്തെന്നറിഞ്ഞവര്‍ക്കെ പാരില്‍ പരക്ലേശവിവേകമുള്ളു.””,
ഇടുക്കി ചാരിറ്റി വേണ്ടി സാബു ഫിലിപ്പ് 07708181997 ടോം ജോസ് തടിയംപാട് 07859060320 സജി തോമസ്‌ 07803276626..

സ്വിറ്റസർലണ്ടിലെ ബാസലിലെ മലയാളി സൗഹൃദയ കൂട്ടായ്മയിൽ നിന്നും രൂപം കൊണ്ട കേരളാ കൾച്ചറൽ & സ്പോർട്സ് ക്ലബ് (KCSC) സാമൂഹ്യ സേവനത്തിലും, ജീവകാരുണ്യ പ്രവർത്തനങ്ങളിലും സജീവമാകുവാൻ തീരുമാനിച്ചതിന്റെ പശ്ചാത്തലത്തിൽ 2014 ൽ തുടക്കം കുറിച്ച വനിതാ ചാരിറ്റി വിഭാഗമായ “Angelsbasel” ആരംഭകാലം മുതൽ തന്നെ വിവിധ ജീവകാരുണ്യ പ്രവർത്തനങ്ങൾ ഏകോപിപ്പിച്ചു നടത്തിക്കൊണ്ടിരിക്കുന്നു.
2018 -ൽ മലയാള നാടിനെ ഏറെ ദുരിതത്തിൽ ആഴ്ത്തിയ മഹാജലപ്രളയ കെടുതിയിൽ Angelsbasel തങ്ങളാൽ ആകുന്ന സഹായ ഹസ്തവുമായി കുട്ടനാടിലെയും, മറ്റു മേഖലകളിലെയും ദുരിതാശ്വാസ പ്രവർത്തനങ്ങളിൽ പങ്കാളിത്തം വഹിക്കുകയുണ്ടായി.

ഇതിന്റെ തുടർനടപടികളുടെ ഭാഗമായി “ANGELSBHAVAN” എന്ന നാമധേയത്തിൽ ഒരു വീട് നിർമിച്ചു നൽകുവാൻ തീരുമാനിച്ചതിന്റെ അടിസ്ഥാനത്തിൽ പ്രമുഖ ധ്യനഗുരുവും, ക്രിസ്‌തീയ ഭക്തി ഗാന മേഖലയിൽ തന്റേതായ വ്യക്തിമുദ്രപതിപ്പിച്ച സംഗീതജ്ഞനും, സംഗീത സംവിധായകനുമായാ ബഹു. ഫാദർ ഷാജി തുരുമ്പെൽച്ചിറയിൽ നിർദേശിച്ചത് അനുസരിച്ചു ആലപ്പുഴയിലെ നീലംപേരൂർ പഞ്ചായത്തിൽ ശ്രീ.ബെന്നി പൊറ്റപറമ്പിലിനും കുടുംബത്തിനും വേണ്ടി നിർമാണം പൂർത്തീകരിക്കപ്പെട്ട വീടിൻറെ വെഞ്ചിരിപ്പ് കർമ്മവും, താക്കോൽ ധനച്ചടങ്ങും ലൂർദ്‌മാതാ ഇടവക അംഗങ്ങളുടെയും, ഇതര തദ്ദേശവാസികളുടെയും, യുവദീപ്തി പ്രതിനിധികളുടെയും സാന്നിധ്യത്തിൽ ബഹു. ഫാദർ എബി പുതുശ്ശേരിയും,മുൻ വികാരി ബഹു. ഫാദർ അജോ കേവലവും ചേർന്ന് നിർവ്വഹിക്കുകയുണ്ടായി. തുടർന്ന് നടന്ന ഹ്രസ്വ സമ്മേളനത്തിൽ പാരിഷ് കൗൺസിലർ ശ്രീ. സോജൻ സ്വാഗതം ആശംസിക്കുകയും, ഗൃഹനാഥൻ ശ്രീ. ബെന്നി നന്ദി പ്രകാശിപ്പിക്കുകയും ചെയ്തു.

ഈ ജീവകാരുണ്യ സംരംഭം പൂർത്തീകരിക്കുവാൻ Angelsbasel ചാരിറ്റി പ്രസ്ഥാനത്തോട് സഹകരിച്ച എല്ലാ അത്യുദയകാംഷികൾക്കും, സുഹൃത്തുകൾക്കും,വിവിധസ്ഥാപനങ്ങൾക്കും, അതോടൊപ്പം ലൂർദ്‌മാതാ പാരിഷ് കൗസിലർ ശ്രീ. സോജനും, ഇടവകയിലെ എല്ലാ യുവദീപ്തി അംഗങ്ങൾക്കും, Angelsbasel-ൻറെ പ്രസിഡൻറ് ബോബി ചിറ്റാറ്റിലിനും, സെക്രട്ടറി സിമ്മി ചിറക്കലിനും, മറ്റു Angelsbasel-ൻറെ മറ്റ് മെമ്പേഴ്സിനും ഈ അവസരത്തിൽ പ്രത്യേകം നന്ദി രേഖപ്പെടുത്തുന്നു.

കോലഞ്ചേരി: രണ്ടു ദശാബ്ദങ്ങളായി നിലനിന്നുപോരുന്ന സെമിത്തേരി തര്‍ക്കത്തിനൊടുവില്‍ ഗത്യന്തരമില്ലാതെ മൃതദേഹം തിരുവനന്തപുരം മെഡിക്കല്‍ കോളജിന് നല്കാന്‍ ബന്ധുക്കളുടെ തീരുമാനം. സാറാ വര്‍ക്കി കാരക്കാട്ടില്‍ എന്ന 86 കാരിയുടെ മൃതദേഹമാണ് മെഡിക്കല്‍ കോളജിന് പഠനത്തിനായി വിട്ടുനല്കാന്‍ മക്കള്‍ തീരുമാനിച്ചത്.  കഴിഞ്ഞ ആഗസ്റ്റ് മാസത്തിൽ കോലെഞ്ചേരിക്കാരനായ മറ്റൊരാളുടെ  സംസ്ക്കാര ചടങ്ങുകൾ നടന്നപ്പോൾ ഉണ്ടായ തരത്തിൽ ഒരു പ്രശ്നം ഉണ്ടാക്കാൻ ആഗ്രഹിക്കാത്ത മക്കളുടെ തീരുമാനം ആണ് ബോഡി മെഡിക്കൽ കോളേജിന് നൽകാൻ പ്രധാന കാരണം.

യാക്കോബായക്കാരിയായ പരേതയുടെ ശവസംസ്‌കാരശുശ്രൂഷകള്‍ ഓര്‍ത്തഡോക്‌സ് സെമിത്തേരിയില്‍ നടത്താന്‍ അനുവാദമില്ലാത്ത സാഹചര്യത്തിലാണ് മൃതദേഹം സംസ്‌കരിക്കുന്നതിന്റെ പേരില്‍ സംഘര്‍ഷം സൃഷ്ടിക്കാന്‍ ആഗ്രഹിക്കാതെ മെഡിക്കല്‍ കോളജിന് നല്കിയതെന്ന് മകന്‍ കെജി പൗലോസ് മാധ്യമങ്ങളോട് പറഞ്ഞു. സ്വര്‍ഗ്ഗം യാഥാര്‍ത്ഥ്യമാണെങ്കില്‍ ഞങ്ങളുടെ അമ്മ ഇപ്പോള്‍ സ്വര്‍ഗ്ഗത്തിലായിരിക്കും. അമ്മ സ്വര്‍ഗ്ഗത്തിലെത്തണമെന്നാണ് ഞങ്ങളുടെ ആഗ്രഹവും. പക്ഷേ അതിന് വേണ്ടി സെമിത്തേരിയുടെ അതിരുകള്‍ തകര്‍ക്കാനോ പ്രശ്‌നം സൃഷ്ടിക്കാനോ ഞങ്ങള്‍ ആഗ്രഹിക്കുന്നില്ല, അദ്ദേഹം പറഞ്ഞു.

എന്നാല്‍ ഏതെങ്കിലും തരത്തിലുള്ള ശവസംസ്‌കാരശുശ്രൂഷകള്‍ക്ക് ഇവിടെ തടസം പറഞ്ഞിട്ടില്ലെന്നും സോഷ്യല്‍ മീഡിയായിലൂടെയാണ് താന്‍ വിവരം അറിഞ്ഞതെന്നും മലങ്കര ഓര്‍ത്തഡോക്‌സ് പിആര്‍ ഒ ഫാ. ജോണ്‍സ് അബ്രഹാം വ്യക്തമാക്കി. രണ്ട് വിഭാഗങ്ങൾ തമ്മിലുള്ള പ്രശ്നങ്ങൾ 2017 ലെ കോടതി വിധിയോടെയാണ് കൂടുതൽ വഷളായത്.