2019 ജനുവരി 26 തീയതി കെന്റിലെ ടോൺബ്രിഡ്ജിൽ തുടക്കം കുറിച്ച ടൺബ്രിഡ്ജ് വെൽസ് കാർഡ്‌സ് ലീഗ് (TCL) 2019 പ്രീമിയർ ഡിവിഷൻ ലീഗ് മത്സരങ്ങൾ തേരോട്ടങ്ങളും, അട്ടിമറികളും, തിരിച്ചു വരവുകളുമായി സംഭവബഹുലമായി മുന്നേറുകയാണ്. ഈ സീസണിലെ പകുതിയോളം മത്സരം അവസാനിക്കുമ്പോൾ ഇരുപ്പത്തിരണ്ടു പോയിന്റുമായി കോട്ടയം അഞ്ഞൂറൻസ് ഒന്നാം സ്ഥാനത്ത് ജൈത്രയാത്ര തുടരുകയാണ്. കളിച്ച പന്ത്രണ്ട് മത്സരങ്ങളിൽ പതിനൊന്നും വിജയിച്ചാണ് ശ്രീ സജിമോൻ ജോസ് ക്യാപ്റ്റനും ശ്രീ ജോമി ജോസഫ് കൂട്ടാളിയുമായ കോട്ടയം അഞ്ഞൂറാൻസ് TCL ലീഗിൽ ഒന്നാം സ്ഥാനത്തു എത്തിയത്. കഴിഞ്ഞ അഴ്ച്ചകളിൽ നടന്ന മത്സരഫലങ്ങൾ ഇപ്രകാരം.

TCL – സ്റ്റാർസ് ടൺബ്രിഡ്ജ് വെൽസ് കുതിക്കുന്നു.

കഴിഞ്ഞ ദിവസം നടന്ന വാശിയേറിയ മത്സരത്തിൽ ആതിഥേയരായ ടെര്മിനേറ്റർസിനെ പരാജയപ്പെടുത്തി സ്റ്റാർസ് ടൺബ്രിഡ്ജ് വെൽസ് പടയോട്ടം തുടരുന്നു. മത്സരത്തിന്റെ അത്യന്തം ഇരു ടീമുകളും ഇഞ്ചോടിച്ചു പോരാടി മുന്നേറി. മത്സരത്തിന്റെ അവസാനം വരെ ഒരു ടീമിനും എതിരാളികൾക്കെതിരെ ഒരു വ്യക്തമായ ലീഡുമായി മുന്നേറാൻ സാധിച്ചില്ല. നഷ്ടപ്പെട്ട ലീഡ് നിമിഷങ്ങൾക്കകം തിരിച്ചു പിടിച്ചു ഇരു ടീമുകളും പരസ്പരം അങ്കം വെട്ടി. 3 – 2 നു മുന്നേറിയ സ്റ്റാർസ് ടൺബ്രിഡ്ജ് വെൽസ് അല്പം സമയത്തിനുള്ളിൽ 7-8 എന്ന നിലയിൽ പിന്നിലായി.പിന്നീട് 10-8 നു മുൻപിലായി. വീണ്ടും നാലു പോയിന്റുകൾ കൂട്ടിച്ചേർക്കാൻ ടെര്മിനേറ്റർസിനെ അനുവദിച്ചു 15 – 12 എന്ന നിലയിൽ വിജയം ഉറപ്പിച്ചു. ഒരു സീനിയർ അടക്കം വിളിച്ച എല്ലാ ലേലവും വിജയിച്ച സ്റ്റാർസ് ടൺബ്രിഡ്ജ് വെയിൽസിന്റെ ശ്രീ ജെയ്സൺ ആലപ്പാട്ടിനെ മാന് ഓഫ് ദി മാച്ച് ആയി പ്രഖ്യാപിച്ചു.

ടെര്മിനേറ്റർസ് മുന്നേറുന്നു

മറ്റൊരു വാശിയേറിയ മത്സരത്തിൽ ആതിഥേയരായ ടെര്മിനേറ്റർസ് എതിരാളികളായ എവർഗ്രീൻ തൊടുപുഴയെ പരാജയപെടുത്തിയത് പതിമൂന്നിനെതിരെ പതിനാറു പോയിന്റുകൾക്കു. മത്സരത്തിന്റെ തുടക്കത്തിൽ ശ്രീ അനീഷ് – സിനിയ സഖ്യം എവർഗ്രീൻ തൊടുപുഴ ടെര്മിനേറ്റെർസ് തന്ത്രങ്ങളെ തച്ചുടച്ചു 7 – 2 എന്ന വ്യകതമായ ലീഡിൽ മുന്നേറി. പക്ഷെ ടെര്മിനേറ്റർസിന്റെ ശ്രീ ജോജോ വര്‍ഗ്ഗീസിന്റെ ഹാട്രിക് ലേല വിജയത്തിന്റെ സഹായത്തോടെ ശ്രീ ബിജു -ജോജോ സഖ്യം ടെര്മിനേറ്റർസ് 6 -7 എന്ന പോയിന്റ് നിലയിൽ എത്തി. തുടർച്ചയായ മൂന്ന് ലേല വിജയത്തോടെ വീണ്ടും എവർഗ്രീൻ തൊടുപുഴ ലീഡ് 10 – 6 ൽ എത്തിച്ചെങ്കിലും ടെര്മിനേറ്റർസ് വിട്ടുകൊടുക്കാൻ തയ്യാറായില്ല. അടുത്ത മൂന്ന് ലേലങ്ങളിൽ നിന്നായി 4 പോയിന്റുകൾ നേടി 10 -10 എന്ന നിലയിൽ ഇരു ടീമുകളും നിലയുറപ്പിച്ചു. പിന്നീട് അടുത്ത രണ്ടു ജയത്തോടെ എവർഗ്രീൻ തൊടുപുഴ 13 -10 എന്ന നിയയിൽ വിജയത്തോടടുത്തു. പക്ഷെ മറ്റൊരു പോയിന്റ് നേടാൻ എവർഗ്രീനെ അനുവദിക്കാതെ തുടർച്ചയായ നാലു വിജയത്തോടെ ടെര്മിനേറ്റർസ് വിജയക്കൊടി പാറിച്ചു. എട്ടിൽ ഏഴു ലേലവും വിജയിച്ച ടെര്മിനേറ്റർസിന്റെ ശ്രീ ജോജോ വര്ഗീസിനെ മാന് ഓഫ് ദി മാച്ച് ആയി പ്രഖ്യാപിച്ചു

TCL – കൊടുങ്കാറ്റായി കണ്ണൂർ ടൈഗേഴ്‌സ്

ആതിഥേയരായ എവർഗ്രീൻ തൊടുപുഴയും കണ്ണൂർ ടൈഗേഴ്‌സും തമ്മിൽ നടന്ന മറ്റൊരു മത്സരത്തിൽ എവർഗ്രീൻ തൊടുപുഴയെ എതിരാളികളായ കണ്ണൂർ ടൈഗേഴ്‌സ് തകർത്തത് ഒന്നിനെതിരെ പതിനഞ്ചു പോയിന്റുകൾക്കാണ്. മത്സരത്തിന്റെ ആദ്യ ലേലത്തിൽ എവർഗ്രീൻ തൊടുപുഴയുടെ ഹോണേഴ്‌സ് വിളി പരാജയപ്പെടുത്തി കുതിച്ച കണ്ണൂർ ടൈഗേഴ്‌സ് 6 1 എന്ന നിലയിൽ മുന്നേറി മറ്റൊരു പോയിന്റ് നേടാൻ അനുവദിക്കാതെ തുടർച്ചയായ 7 ലേല വിജയത്തോടെ 15 – 1 എന്ന നിലയിൽ വിജയം ഉറപ്പിച്ചു. ഒരു കോർട്ട് വിളിയടക്കം വിളിച്ച എല്ലാ ലേലവും വിജയിച്ച കണ്ണൂർ ടൈഗേർസിന്റെ ശ്രീ സെബാസ്റ്റ്യൻ അബ്രാഹത്തെ മാൻ ഓഫ് ദി മാച്ച് ആയി പ്രഖ്യാപിച്ചു.

TCL – വെൽസ് ഗുലൻസിന്റെ തന്ത്രങ്ങളിൽ പതറി റോയൽസ് കോട്ടയം

ഇന്നലെ നടന്ന വാശിയേറിയ മത്സരത്തിൽ ശ്രീ മനോഷ് -തോമസ് സഖ്യം വെൽസ് ഗുലാന്സ് എതിരാളികളായ ശ്രീ ജോഷി-വിജു സഖ്യം റോയൽസ് കോട്ടയത്തെ പരാജയപ്പെടുത്തിയതു പന്ത്രണ്ടിനെതിരെ പതിനഞ്ചു പോയിന്റുകൾക്കു. 7 – 4 എന്ന ആദ്യ മുന്നേറ്റം നടത്തിയ റോയൽ കോട്ടയത്തെ 7 – 7 എന്ന സമനിലയിൽ ആക്കാൻ വെൽസ് ഗുലൻസിനു വെറും രണ്ടു ലേലത്തിന്റെ ആവശ്യമേ ഉണ്ടായിരുന്നുള്ളു. പക്ഷെ റോയൽസ് കോട്ടയം വെൽസ് ഗുലാനേ പിന്തള്ളി മുന്നേറ്റം തുടർന്നു. 12 – 9 നു നിലച്ച റോയൽസ് കോട്ടയത്തിന്റെ തേരോട്ടം പുന്നരാരംഭിക്കുന്നതിനു മുൻപ് തുടർച്ചയായ നാലു ലേല വിജയത്തോടെ വെൽസ് ഗുലാന്സ് 15 -12 നു വിജയം ഉറപ്പിച്ചു. വിളിച്ച എല്ലാ ലേലവും വിജയിച്ച വെൽസ് ഗുലാന്റെ ശ്രീ മനോഷ് ചക്കാലയെ മാൻ ഓഫ് ദി മാച്ച് ആയി പ്രഖ്യാപിച്ചു.

വീണ്ടും അട്ടിമറികളുമായി കണ്ണൂർ ടൈഗേഴ്സ്

മറ്റൊരു വാശിയേറിയ മത്സരത്തിൽ ആതിഥേയരായ തുറുപ്പ്ഗുലാനേ പരാജയപ്പെടുത്തി കണ്ണൂർ ടൈഗേഴ്‌സ് ലീഗ് ടേബിളിൽ മുന്നേറ്റം നടത്തിയത് പത്തിനെതിരെ പതിനഞ്ചു പോയിന്റുകൾക്കു. മത്സരത്തിന്റെ തുടക്കത്തിൽ 9 – 1 എന്ന ശക്തമായ മുന്നേറ്റം നടത്തിയ കണ്ണൂർ ടൈഗേർസിനെ 11 – 8 എന്ന നിലയിൽ അടുത്തെത്താൻ തുറുപ്പുഗുലാണ് അധികം സമയം വേണ്ടിവന്നില്ല . പക്ഷെ കണ്ണൂർ ടൈഗേഴ്‌സ് ആ ലീഡ് പെട്ടന്ന് തന്നെ 14 -8 എന്ന നിലയിലേക്കുയർത്തി. തിരിച്ചു വരാൻ ഒരു അവസരം നോക്കി തുറുപ്പു ഗുലാൻ രണ്ടു പോയിന്റുകൾ കൂടി നേടിയെങ്കിലും കണ്ണൂർ ടൈഗേഴ്‌സ് ക്യാപ്റ്റൻ സാജു മാത്യുവിന്റെ ലേല വിജയത്തോടെ 15 – 10 എന്ന നിലയിൽ കണ്ണൂർ ടൈഗേഴ്‌സ് വിജയം ഉറപ്പിച്ചു. വിളിച്ച എല്ലാ ലേലവും വിജയിച്ച കണ്ണൂർ ടൈഗേഴ്‌സ് ക്യാപ്റ്റൻ ശ്രീ സാജു മാത്യുവിനെ മാൻ ഓഫ് ദി മാച്ച് ആയി പ്രഖ്യാപിച്ചു.

സ്റ്റാർസ് ടൺബ്രിഡ്ജ് വെൽസിന്റ് മുന്നിൽ പതറി കണ്ണൂർ ടൈഗേർസ്

അട്ടിമറി വിജയങ്ങളുമായി ലീഗിലെ കറുത്ത കുതിരകളാക്കാൻ തുനിഞ്ഞിറങ്ങിയ കണ്ണൂർ ടൈഗേർസിന് മൂക്കുകയറിട്ട് സ്റ്റാർ ടൺബ്രിഡ്ജ് വെൽസ്. കഴിഞ്ഞ ദിവസം നടന്ന വാശിയേറിയ മത്സരത്തിൽ ആതിഥേയരായ കണ്ണൂർ ടൈഗേർസിനെ പരാജയപ്പെടുത്തി സ്റ്റാർസ് ടൺബ്രിഡ്ജ് വെൽസ് ടേബിളിൽ മുന്നേറ്റം നടത്തിയത് ഒൻപത്തിനെതിരെ പതിനഞ്ചു പോയിന്റുകൾക്ക്. മത്സരത്തിന്റെ തുടക്കത്തിൽ 5 – 0 എന്ന നിലയിൽ കുതിച്ച സ്റ്റാർസ് ടൺബ്രിഡ്ജ് വെൽസിനെ 8 – 6 എന്ന നിലയിൽ അടുത്തെത്താൻ കണ്ണൂർ ടൈഗേഴ്‌സിന് അധികം സമയം വേണ്ടിവന്നില്ല . പക്ഷെ സ്റ്റാർസ് ടൺബ്രിഡ്ജ് വെൽസ് ആ ലീഡ് പെട്ടന്ന് തന്നെ 10 – 6 എന്ന നിലയിലേക്കുയർത്തി. പക്ഷെ നിമിഷങ്ങൾക്കകം 10 – 8 എന്ന നിലയിൽ കണ്ണൂർ ടൈഗേഴ്‌സ് എത്തി. മറ്റൊരു പോയിന്റ് മാത്രം കൂട്ടിച്ചേർക്കാൻ കണ്ണൂർ ടൈഗേർസിനെ അനുവദിച്ചുകൊണ്ട് സ്റ്റാർസ് ടൺബ്രിഡ്ജ് വെൽസ് 15 – 9 എന്ന നിലയിൽ വിജയം ഉറപ്പിച്ചു. എല്ലാ ലേലവും വിജയിച്ച സ്റ്റാർസ് ടൺബ്രിഡ്ജ് വെൽസ് ക്യാപ്റ്റൻ ശ്രീ ടോമി വർക്കിയെ മാൻ ഓഫ് ദി മാച്ച് ആയി പ്രഖ്യാപിച്ചു.

ടീം തരികിട തോം തകർത്താടി! സ്റ്റാർസ് ടൺബ്രിഡ്ജ് വെൽസ് വിറച്ചു.

മറ്റൊരു മാസ്മരിക മത്സരത്തിൽ ആതിഥേയരായ സ്റ്റാർസ് ടൺബ്രിഡ്ജ് വെൽസിനെ പത്തിനെതിരെ പതിനഞ്ചു പോയിന്റിക്കുകൾക്കു പരാജയപ്പെടുത്തി തരികിട തോം തിരുവല്ല ലീഗ് ടേബിളിലിൽ മുന്നേറ്റം നടത്തി. മത്സരത്തിന്റെ തുടക്കത്തിൽ 5 -1 എന്നു മുന്നിട്ടു നിന്ന സ്റ്റാർസ് ടൺബ്രിഡ്ജ് വെൽസിനെ അൽപ സമയത്തിനുള്ളിൽ 7 – 6 എന്ന നിലക്ക് കടത്തി വെട്ടി മുന്നേറിയ തരികിട തോം തിരുവല്ല വളരെ അനായേസം സ്റ്റാർസ് ടൺബ്രിഡ്ജ് വെൽസിനെ പുറകിലാക്കി മുന്നേറി. 9 – 7 എന്ന നിലയിൽ ഒരിക്കൽ കൂടി മുന്നേറാൻ ശ്രമിച്ച സ്റ്റാർസ് ടൺബ്രിഡ്ജ് വെൽസിനെ മറ്റൊരു പോയിന്റ് മാത്രം കൂട്ടിച്ചേർക്കാൻ അനുവദിച്ചു തരിക്കിട തോം തിരുവല്ല തുടർച്ചയായ ആറു ലേല വിജയത്തിന്റെ അകമ്പടിയോടെ വിജയം കൈവരിച്ചു. വിളിച്ച എല്ലാ ലേലങ്ങളും വിജയിച്ച തരികിട തോം ക്യാപ്റ്റൻ ശ്രീമതി ട്രീസ എമി മാൻ ഓഫ് ദി മാച്ച് കരസ്ഥമാക്കി.

ടെര്മിനേറ്റർസിന്റെ സംഹാരതാണ്ഡവം!

കഴിഞ്ഞ ആഴ്ച്ച നടന്ന മറ്റൊരു മത്സരത്തിൽ ആതിഥേയരായ റോയൽസ് കോട്ടയത്തെ എതിരാളികളായ ടെർമിനറ്റ്സ് തകർത്തത് നാലിനെതിരെ പതിനാറു പോയിന്റുകൾക്കു. മത്സരത്തിന്റെ 7 – 1 എന്ന മികച്ച നിലയിൽ മുന്നേറിയ ടെര്മിനേറ്റർസിനെ പിടിച്ചു കെട്ടാൻ കരുത്തരായ റോയൽസ് കോട്ടയത്തിനു സാധിച്ചില്ല. മത്സരം മുന്നോട്ടു നീങ്ങിയതോടെ ടെര്മിനേറ്റർസ് ക്യാപ്റ്റൻ ശ്രീ ബിജു ചെറിയാന്റെ ഒരു സീനിയർ വിജയത്തോടെ 11 – 3 എന്ന നിലയിൽ ഏകദേശം വിജയത്തോടടുത്തിരുന്നു. ഒരു തിരിച്ചു വരവ് ഏറെ ദുഷ്കരമായിരുന്നിട്ടും റോയൽസ് കോട്ടയം പോരാട്ട വീര്യം നഷ്ടപ്പെടുത്തിയില്ല. റോയൽസ് കോട്ടയം മറ്റൊരു ജയത്തോടെ 4 – 11 എന്നായെങ്കിലും മറ്റൊരവസരം നൽകാതെ ടെര്മിനേറ്റർസ് തുടർച്ചയായ മൂന്ന് ലേല വിജയത്തോടെ 16 – 4 എന്ന നിലയിൽ വിജയം ഉറപ്പിച്ചു. ഒരു സീനിയർ അടക്കം വിളിച്ച എല്ലാ ലേലവും വിജയിച്ച ടെര്മിനേറ്റർസ് ക്യാപ്റ്റൻ ശ്രീ ബിജു ചെറിയാനെ മാന് ഓഫ് ദി മാച്ച് ആയി പ്രഖ്യാപിച്ചു.

ടെർമിനേറ്റർസിന്റെ കുതിപ്പ് തുടരുന്നു…

കഴിഞ്ഞ ദിവസം നടന്ന മറ്റൊരു മത്സരത്തിൽ ആതിഥേയരായ ടെര്മിനേറ്റർസ് എതിരാളികളായ കണ്ണൂർ ടൈഗേർസിനെ പരാജയപ്പെടുത്തിയത് പതിനൊന്നിനെതിരെ പതിനാറു പോയിന്റുകൾക്കു. മത്സരത്തിന്റെ ആദ്യ ലേലത്തിൽ ടെര്മിനേറ്റർസിന്റെ ശ്രീ ജോജോ വര്ഗീസിന്റെ സീനിയർ ലേല വിജയത്തോടെ 6 -0 എന്ന ലീഡിൽ ടെര്മിനേറ്റർസ് കുതിച്ചു. അല്പസമയത്തിനുള്ളിൽ ശ്രീ ജോജോ വര്ഗീസിന്റെ മറ്റൊരു സീനിയർ ലേലം പരാജയപ്പെടുത്തി കണ്ണൂർ ടൈഗേഴ്‌സ് 7 – 4 എന്ന നിലയിൽ ഒരു തിരിച്ചുവരവിനുള്ള ശ്രമം തുടർന്നു. പക്ഷെ ടെര്മിനേറ്റർസിനെ തന്ത്രങ്ങളിൽ കണ്ണൂർ ടൈഗേഴ്‌സിന് പിടിച്ചു നിൽക്കാനായില്ല. 13 – 6 എന്ന നിലയിലേക്ക് കുതിച്ച ടെര്മിനേറ്റർസിനെ തുടർച്ചയായ മൂന്ന് ലേല വിജയത്തോടെ 13 – 10 എന്ന നിലയിൽ കണ്ണൂർ ടൈഗേഴ്‌സ് വൈകാതെ എത്തി. പക്ഷെ മറ്റൊരു പോയിന്റ് കൂടി കൂട്ടിച്ചേർത്തപ്പോളെക്കും ടെര്മിനേറ്റർസ് 16 – 11 എന്ന നിലയിൽ വിജയം ഉറപ്പിച്ചിരുന്നു. ഒരു സീനിയർ വിജയമടക്കം ഏറ്റവും കൂടുതൽ പോയിന്റ് നേടിയ ടെര്മിനേറ്റർസ് ക്യാപ്റ്റൻ ശ്രീ ബിജു ചെറിയാനെ മാന് ഓഫ് ദി മാച്ച് ആയി പ്രഖ്യാപിച്ചു.

TCL അതിന്റെ ആദ്യ പകുതി മത്സരങ്ങൾ

പിന്നിടുമ്പോൾ ടീമുകളുടെ പോയിന്റ് നില ഇപ്രകാരമാണ്.

2019 ജനുവരി 26 തീയതി കെന്റിലെ ടോൺബ്രിഡ്ജ് ഫിഷർ ഹാളിൽ വച്ച് സഹൃദയ ദി വെസ്റ്റ് കെന്റ് കേരളൈറ്റ്സ് മുൻ പ്രസിഡന്റ് ശ്രീ സണ്ണി ചാക്കോ ഔദ്യോഗികമായി ഉൽഘാടനം ചെയ്ത TCL ( ടൺ ബ്രിഡ്ജ് വെൽസ് കാർഡ് ലീഗ്)- പ്രീമിയർ ഡിവിഷൻ കാർഡ് മത്സരത്തിൽ കെന്റിലെ പ്രമുഖരായ പന്ത്രണ്ടു ടീമുകളാണ് മാറ്റുരക്കുന്നത്. ഒരു വര്‍ഷം നീണ്ടുനിൽക്കുന്ന ഈ ലീഗ് മത്സരത്തിൽ ഓരോ ടീമും മറ്റു 11 ടീമുകളുമായി രണ്ടു മത്സരങ്ങളാണ് കളിക്കേണ്ടത്. ലീഗിൽ ഏറ്റവും കൂടുത്തൽ പോയിന്റ് എടുക്കുന്ന നാലു ടീമുകൾ സെമി ഫൈനലിൽ മത്സരിക്കും.

2019 ലെ പ്രീമിയർ ഡിവിഷനിൽ പങ്കെടുക്കുന്ന ടീമുകൾ ഇപ്രകാരമാണ്. ശ്രീ ജോഷി സിറിയക് ക്യാപറ്റനായ റോയൽസ് കോട്ടയം, ശ്രീ സാജു മാത്യു ക്യാപ്റ്റനായ കണ്ണൂർ ടൈഗേഴ്‌സ്, ശ്രീ മനോഷ് ചക്കാല ക്യാപറ്റനായ വെൽസ് ഗുലാൻസ്, ശ്രീ സജിമോൻ ജോസ് ക്യാപറ്റനായ കോട്ടയം അഞ്ഞൂറാൻസ്, ശ്രീ ട്രീസ ജുബിൻ ക്യാപ്റ്റനായ തരികിട തോം തിരുവല്ല, ശ്രീ ബിജു ചെറിയാൻ ക്യാപറ്റനായ ടെർമിനേറ്റ്സ്, ശ്രീ ടോമി വർക്കി ക്യാപ്റ്റനായ സ്റ്റാർസ് ടൺബ്രിഡ്ജ് വെൽസ്, ശ്രീ അനീഷ് കുര്യൻ ക്യാപ്റ്റനായ എവർഗ്രീൻ തൊടുപുഴ, ശ്രീ സുരേഷ് ജോൺ ക്യാപ്റ്റൻ ആയ തുറുപ്പുഗുലാൻ, ശ്രീ ബിജോയ് തോമസ് ക്യാപ്റ്റനായ പുണ്യാളൻസ്, ശ്രീ സുജിത് മുരളി ക്യാപ്റ്റനായ ഹണിബീസ് യുകെ, ശ്രീ സുജ ജോഷി ക്യാപ്റ്റനായ സ്റ്റാർ ചലഞ്ചേഴ്‌സ് എന്നീ ടീമുകളാണ് മത്സരിക്കുന്നത്. വിജയികളെ കാത്തിരിക്കുന്നത് ആകർഷമായ ക്യാഷ് പ്രൈസും എവർ റോളിങ്ങ് ട്രോഫിയുമാണ്. ലീഗിലെ അവസാന നാലു ടീമുകൾ അടുത്തവർഷത്തെ പ്രീമിയർ ഡിവിഷനിൽ നിന്നും റെലിഗെറ്റ് ചെയ്യപ്പെടും. യുകെയിൽ ആദ്യമായി നടത്തപ്പെടുന്ന ഈ ലീഗ് മത്സരങ്ങൾ അടുത്ത വർഷം മുതൽ യു.കെയിലെ മറ്റു പ്രദേശത്തേക്കും വ്യാപിപ്പിക്കാൻ ഉദ്ദേശിക്കുന്നതായി TCL കോർഡിനേറ്റർ ശ്രീ സെബാസ്റ്റ്യൻ എബ്രഹാം അറിയിച്ചു.

കാലവർഷ കെടുതിയിൽ നിന്നും മലയാളക്കര പൊന്നോണത്തിൻ്റെ പുത്തനുണർവിലേക്ക് ചേക്കേറുമ്പോൾ, ലോകമെങ്ങും മലയാളക്കരയോടൊപ്പം ഓണം ആഘോഷിക്കാനൊരുങ്ങുകയാണ്. ഓണം എന്ന ദേശീയോത്സവത്തെ ആഗോള ഉത്സവമാക്കി മാറ്റുകയാണ് ലോകമെമ്പാടുമുള്ള പ്രവാസി കൂട്ടായ്‌മകൾ. ലണ്ടനിൽ ഒരു ഗുരുവായൂരപ്പ ക്ഷേത്രസാക്ഷാത്കാരം ലക്ഷ്യമാക്കി പ്രവൃത്തിക്കുന്ന കൂട്ടായ്‌മയാണ്‌ ലണ്ടൻ ഹിന്ദു ഐക്യവേദി (LHA). മാസം തോറും തനതു കലാരൂപങ്ങൾ ഉൾപ്പെടുത്തി വൈവിധ്യങ്ങളാർന്ന ആഘോഷ പരിപാടികൾ സംഘടിപ്പിക്കുന്ന LHA-യുടെ ഇക്കൊല്ലത്തെ ഓണാഘോഷവും വൈവിധ്യം നിറഞ്ഞതാണ്.

ക്രോയ്ഡോണിലേ വെസ്റ്റ് തൊൺടൻ കമ്മ്യൂണിറ്റി ഹാളിൽ സെപ്റ്റംബർ 28 നു നടക്കുന്ന ആഘോഷ പരിപാടികൾ വ്യത്യസ്തത കൊണ്ടും മലയാള തനിമ കൊണ്ടും വേറിട്ട് നിൽക്കുന്നു. മഹാബലിയെ എതിരേറ്റുകൊണ്ടു തുടങ്ങുന്ന ആഘോഷ പരിപാടികൾ, കുട്ടികളുടെ കോൽക്കളി, പുലികളി, ബാസില്ഡൺ ലാസ്യ അവതരിപ്പിക്കുന്ന നൃത്തശില്പം, അനുഗ്രഹീത വാദ്യ കലാകാരൻ വിനോദ് നവധാരയുടെ നേതൃത്വത്തിൽ ചെണ്ടമേളം, കഥകളിയുടെ സമ്പൂർണത അനായാസമായി ആവാഹിക്കുന്ന അനുഗ്രഹീത കലാകാരൻ വിനീത് പിള്ള അവതരിപ്പിക്കുന്ന കഥകളി, LHA വനിതാ വിഭാഗം അവതരിപ്പിക്കുന്ന മെഗാ തിരുവാതിര തുടങ്ങി തനതു മലയാളിത്തം നിറഞ്ഞ കലാ ശില്പ്പങ്ങളാൽ ശ്രദ്ധ നേടുന്നു. ദീപാരാധനയും തുടർന്ന് ഐക്യവേദി അംഗങ്ങൾ തന്നെ തയ്യാറാക്കിയ സാമ്പ്രദായിക ഓണസദ്യയും ആഘോഷപരിപാടികളുടെ മറ്റൊരു പ്രത്യേകതയാണ്. സഹൃദയരായ കൂട്ടായ്മ അംഗങ്ങളുടെ സംഭാവനകൾ കൊണ്ടാണ് കഴിഞ്ഞ ഏഴു വർഷമായി എല്ലാ മാസവും സൗജന്യമായി പരിപാടികൾ സംഘടിപ്പിക്കുന്നത്. പതിവുപോലെ ഇക്കൊല്ലത്തെ ഓണാഘോഷവും ഓണസദ്യയും സൗജന്യമായാണ് ആഘോഷിക്കുന്നത്. ഏവർക്കും സമൃദ്ധിയും സന്തോഷവും നിറഞ്ഞ ഓണാശംസകൾ നേരുന്നതോടൊപ്പം, വിവിധ സാമൂഹിക സാംസ്കാരിക പ്രമുഖർ പങ്കെടുക്കുന്ന ആഘോഷ പരിപാടിയിലേക്ക് ലണ്ടൻ ഹിന്ദു ഐക്യവേദി ചെയർമാനായ ശ്രീ തെക്കുംമുറി ഹരിദാസ് ഏവരെയും സ്വാഗതം ചെയ്യുന്നു.

കൂടുതൽ വിവരങ്ങൾക്കായി ദയവായി സംഘാടകരെ സമീപിക്കുക:

Suresh Babu: ‪07828137478, Subhash Sarkara: ‪07519135993, Jayakumar: ‪07515918523, Geetha Hari: ‪07789776536, Diana Anilkumar: ‪07414553601

Venue: West Thornton Community Centre, 731-735, London Road, Thornton Heath, Croydon CR7 6AU

ചാരിറ്റി പ്രവർത്തനങ്ങൾക്ക് എന്നും മുൻ നിരയിൽ നില്ക്കുന്ന ഇടുക്കി ജില്ലാ സംഗമം യുകെയുടെ നേതൃത്വത്തിൽ ഓൾ യുകെ വടംവലി മത്സരം ഓണത്തോട് അനുബന്ധിച്ച് ഒക്ടോബർ 5 ന് ബർമിംങ്ങ്ഹാമിൽ വെച്ച് പ്രൗഡ ഗംഭീരമായി നടത്തപ്പെടുന്നു. യുകെയുടെ വിവിധ ഭാഗങ്ങളില്‍ നിന്നായി കരുത്തിന്റെയും, ഒരുമയുടെയും ആള്‍രൂപങ്ങള്‍ ബിർമിങ്ഹാമിൽ മാറ്റുരക്കുമ്പോൾ,
യു കെയിലുള്ള കരുത്തന്മാരെ നിർണ്ണയിക്കുന്നതോട് ഒപ്പം ഈ വടംവലി മത്സരം എല്ലാ വടംവലി സ്നേഹികൾക്കും തീർച്ചയായും ഒരു ആവേശം ആയി തീരും എന്ന് നിസംശയം പറയാം.

ഈ വടംവലി മത്സരത്തിൽ
ഒന്നാം സമ്മാനം: 801 പൗണ്ടും, ഫുൾ റോസ്റ്റ് പന്നിയുമാണ്,
രണ്ടാം സമ്മാനം: 501 പൗണ്ടും, താറാവും, മൂന്നാം സമ്മാനം 301 പൗണ്ടും, പൂവൻ കോഴിയും, നാല്, അഞ്ച്, ആറ് സമ്മാനങ്ങളായി 150, 100, 75 പൗണ്ടുമാണ് വിജയികളെ കാത്തിരിക്കുന്നത്.

ഇടുക്കി ജില്ലാ സംഗമത്തിന്റെ ഈ വടംവലി മത്സരത്തിന് BCMC വടംവലി ടീം (ബർമിംങ്ഹാം) പൂർണ്ണ പിന്തുണയുമായി ഈ വടംവലി മാമാങ്കത്തിൽ ഇടുക്കി ജില്ലാ സംഗമത്തോട് ഒപ്പംചേരുന്നു. അമേരിക്കയിൽ ചിക്കാഗോ സോഷ്യൽ ക്ലബിന്റെ ഏഴാമത് അന്താരാഷ്ട്ര വടംവലി മത്സരത്തിൽ വിജയികളായ യു കെ വടംവലി ടീമിന്റെ മാനേജറും കോച്ചുമായ സാൻറ്റോ ജേക്കബ് ഇടുക്കി ജില്ലാ സംഗമത്തിന്റെ ജോയിന്റ് കൺവീനർ കൂടിയാണ്.

എല്ലാ മലയാളികളുടെയും സ്വകാര്യ അഹങ്കാരവും ആവേശവുമായ ഈ കരുത്തിന്റെ പോരാട്ടത്തില്‍ പങ്കാളിയാകുവാന്‍ ഞങ്ങള്‍ സ്‌നേഹത്തിന്റെയും ഐക്യത്തിന്റെയും ഭാഷയില്‍ നിങ്ങളെ എല്ലാവരെയും ഇടുക്കി ജില്ലാ സംഗമം സ്വാഗതം ചെയ്യുന്നു.
വേദി :
NORTH SOLIHULL LEISURE CENTRE
BIRMINGHAM
B37 5LA

കൂടുതല്‍ വിവരങ്ങള്‍ക്ക്
കൺവീനർ
ജിമ്മി: 07572 880046
ജോയിൻറ് കൺവീനർ:
സാൻറ്റോ: 07896 301430

 റീജൻ അലക്സ്

യു കെയിലെ മലയാളി ബാഡ്മിന്റൺ പ്രേമികൾക്കായി ഫീനിക്സ് സ്പോർട്സ് ക്ലബ് നോർത്താംപ്ടൺ നടത്തുന്ന ഓൾ യു കെ ബാഡ്മിന്റൺ ടൂർണമെന്റ് സെപ്റ്റംബർ 28ന് നോർത്താംപ്ടൺ മൗൾട്ടൻ സ്പോർട്സ് കോംപ്ലക്സിൽ വെച്ച് നടത്തപ്പെടുന്നതാണ്. പങ്കെടുക്കുവാൻ താൽപ്പര്യമുള്ള ടീമുകൾ സംഘാടകരുമായി എത്രയും പെട്ടെന്ന് ബന്ധപ്പെടേണ്ടതാണ് . വിജയികൾക്ക് ആകർഷകമായ ക്യാഷ് പ്രൈസും ട്രോഫിയും നൽകി ആദരിക്കുന്നതാണ്. ഈ ബാഡ്മിന്റൺ ടൂർണമെന്റിലേക്ക് യു കെയിലെ എല്ലാ മലയാളി ബാഡ്മിന്റൺ പ്രേമികളെയും സംഘാടകാർ ക്ഷണിച്ചു കൊള്ളുന്നു.
രജിസ്ട്രേഷൻ ചെയ്യാൻ ബന്ധപെടുക:
റോസ്ബിൻ – ‭07428 571013‬
ജിനി – ‭07872 049757‬
ജോമേഷ് – ‭07468 562437‬

ടൂർണമെന്റ് നടത്തപ്പെടുന്ന സ്ഥലത്തിന്റെ അഡ്രസ്സ്:
Moulton Sports Complex
Pound lane
Moulton
Northampton
NN3 7SD

ലണ്ടൺ :സമീക്ഷ യുകെയുടെ മൂന്നാം ദേശീയ സമ്മേളനത്തോട് അനുബന്ധിച്ച ഒരുക്കങ്ങൾ അവലോകനം ചെയ്തതായി ഇന്നലെ ചേർന്ന സമീക്ഷ കേന്ദ്ര സമിതി അറിയിച്ചു .സെപ്റ്റംബർ 7ന് പൊതുസമ്മേളന നടക്കുന്ന സമ്മേളന നഗരിക്ക് കാപാലികരുടെ കൊലപാതകത്തിന് ഇര ആയ പ്രസിദ്ധ കന്നഡ സാഹിത്യകാരൻ ശ്രീ കൽബുർഗി യുടെ നാമധേയം നല്കാനും സെപ്റ്റംബർ 8ന് നടക്കുന്ന സമീക്ഷ ദേശീയ പ്രതിനിധി സമ്മേളന നഗരിക്ക് മതാന്ധത ബാധിച്ച വർഗീയ ഫാസിസ്റ്റുകളുടെ കൊലക്കത്തിക്ക് ഇര യായ വിദ്യാർഥി നേതാവ് സ :അഭിമന്യു വിന്റെ പേര് നൽകുവാനും കേന്ദ്ര സമിതി തീരുമാനിച്ചു .

പൊതുസമ്മേളനം നഗരി അലങ്കരിക്കുവാനും സമ്മേളനത്തിന് എത്തിച്ചേരുന്ന വിശിഷ്ടതിഥികളായ ശ്രീ എം സ്വരാജ് MLA യെയും ശ്രീ സുനിൽ പി ഇളയിടത്തിനെയും സ്വീകരിക്കുവാനും സമ്മേളന നഗരിക്ക് സമീപത്തുള്ള സമീക്ഷ പ്രവർത്തകർ തയ്യാറായി കഴിഞു എന്ന് സ്വാഗത സംഘത്തിനുവേണ്ടി ശ്രീ മോൻസി , ശ്രീ ബിനോജ് ശ്രീ അബ്ദുൾ മജീദ്‌ എന്നിവർ അറിയിച്ചു .
ദേശീയ സമ്മേളനത്തിന്റ ആവേശം ഉൾക്കൊണ്ടു സമീക്ഷ UK യുടെ 14 മ്മത്തെ ബ്രാഞ്ച് വ്യാഴാഴ്ച പീറ്റർ ബൊരൊ യിൽ ഉദ്ഘാടനം ചെയുന്നു എന്ന് സമീക്ഷ ദേശീയ സമിതി സെക്രെട്രി ശ്രിമതി സ്വപ്ന പ്രവീണും ശ്രീ ദിനേശ് വെള്ളാപ്പിള്ളിയും അറിയിച്ചു ..
മതേതരമൂല്യങ്ങൾ ഉൾക്കൊണ്ടു പുരോഗമന കലാ സാംസ്ക്കാരിക പ്രവർത്തനങ്ങളിൽ പങ്കാളി ആകുവാൻ സമീക്ഷയിൽ അണി ചേരണമെന്ന് യുകെയിലെ മത നിരപേക്ഷ പ്രവർത്തകരോട് സമീക്ഷ കേന്ദ്ര സമിതി ആവശ്യപ്പെട്ടു .
ഈ കഴിഞ്ഞ അദ്ധ്യയന വർഷത്തിൽ GCSE , A level പരീക്ഷകളിൽ ഉന്നത വിജയം നേടിയ കുട്ടികൾക്കായി ഈ വർഷം മുതൽ സമീക്ഷ ഏർപ്പെടുത്തിയിരിക്കുന്ന സമീക്ഷ അക്കാദമിക് ടാലെന്റ്റ് അവാർഡിനായുള്ള അപേക്ഷകൾ ക്ഷണിക്കുന്നു.
2019ൽ ആദ്യമായി ഇത്തരം പരീക്ഷകൾ എഴുതുകയും അതിൽ ഉന്നതവിജയം നേടുകയും ചെയ്ത കുട്ടികളെയാണ് അവാർഡിനായി പരിഗണിക്കുന്നത്.
നിങ്ങളുടെ പരിചയത്തിൽ ആരെങ്കിലും ഉണ്ടെങ്കിൽ, ദയവായി ഈ അവാർഡിനായുള്ള അപേക്ഷ [email protected] എന്ന ഈമെയിലിൽ അയക്കുക. ഷോർട്ട് ലിസ്റ്റ് ചെയ്യുന്നവരെ സമീക്ഷ ദേശീയസമിതി അംഗങ്ങൾ നേരിട്ട് വിളിക്കുകയോ ഈമെയിലിൽ ബന്ധപ്പെടുകയോ ചെയ്യുന്നതാണ്. പേര്, മാർക്ക്‌ ലിസ്റ്റ് (സ്കാൻ കോപ്പി) അഡ്രസ്, ഫോൺ നമ്പർ, ഇമെയിൽ എന്നിവ കൃത്യമായും വ്യക്തമായും അയക്കണം.

സെപ്റ്റംബർ 7 ന്, ലണ്ടൻ ഹീത്രുവിൽ വെച്ച് നടക്കുന്ന സമീക്ഷയുടെ മൂന്നാമത് ദേശീയ പൊതുസമ്മേളനത്തിൽ വെച്ച്
ശ്രീ എം സ്വരാജ് എംഎൽഎ
ശ്രീ സുനിൽ പി ഇളയിടം ചേർന്ന്
ഈ അവാർഡുകൾ വിതരണം ചെയ്യുന്നതാണ്.

കൂടുതൽ വിവരങ്ങൾക്ക് സമീക്ഷ ദേശീയ സമിതി അംഗങ്ങളുമായി ബന്ധപ്പെടുക.

Swapna praveen – 07449145145

Dinesh Vellappalli – 07828659608

കേരളത്തിലുണ്ടായ പ്രകൃതിദുരന്തത്തില്‍ വേദന അനുഭവിക്കുന്നവരെ സഹായിക്കാന്‍ ഇടുക്കി ചാരിറ്റി ഗ്രൂപ്പ്‌ യു കെ നടത്തിയ ചാരിറ്റി അവസാനിച്ചപ്പോള്‍ .3174 പൗണ്ട് (ഏകദേശം 2,70000 രൂപ) ലഭിച്ചു . ഇന്നു 3174 പൗണ്ടിന്‍റെ ചെക്ക് വയനാട് സ്വദേശി സജി തോമസിന് ഇടുക്കി ചാരിറ്റി ഗ്രൂപ്പ്‌ കണ്‍വീനര്‍ സാബു ഫിലിപ്പ് കൈമാറി അദ്ദേഹം പണം നാട്ടില്‍ എത്തിച്ചു അര്‍ഹിക്കുന്നവര്‍ക്ക് സാമൂഹിക പ്രവര്‍ത്തകരുടെ സാനൃതൃത്തില്‍ കൈമാറും എന്നറിയിക്കുന്നു ഞങളുടെ ഈ എളിയ പ്രവര്‍ത്തനത്തില്‍ സഹായിച്ച എല്ലാവരോടും നന്ദി അറിയിക്കുന്നു

ഇതില്‍ ഞങള്‍ ഏറ്റവുകൂടുതല്‍ കടപ്പെട്ടിരിക്കുന്നത് കേറ്ററിങ്ങിലെ വാരിയെഴ്സ് ക്ലബ് ഭാരവാഹികളായ പ്രസിഡന്റ്‌ സിബു ജോസഫ്‌, സെക്രെട്ടെറി ജോം മാക്കില്‍ ,ട്രെഷര്‍ ലെനോ ജോസഫ്‌ മനോജ്‌ മാത്യു ,അബു വടക്കന്‍ ,എന്നിവരോടാണ് . . അവര്‍ സ്വിറ്റ്സര്‍ലന്‍ഡിലേക്ക് ഹോളിഡെ പോകാന്‍ സ്വരുകൂട്ടിയ 800 പൗണ്ടാണ് നാട്ടില്‍ വേദന അനുഭവിക്കുന്ന മനുഷൃരെ സഹായിക്കുന്നതിനു ഇടുക്കി ചാരിറ്റി ഗ്രൂപ്പ്‌ യു കെ യ്ക്കു നല്‍കിയത് .

ഇടുക്കി  ചാരിറ്റി  ഗ്രൂപ്പിന്റെ  വാര്‍ത്തകള്‍ ഷെയര്‍ ചെയ്തു  സഹായിച്ച കുറുപ്പ് അശോക, നീക്സന്‍ തോമസ്‌ ,ജീന മാത്യു എന്നിവരെയും നന്ദിയോടെ സ്മരിക്കുന്നു .ഇടുക്കി ചാരിറ്റി ഗ്രൂപ്പ്‌ എന്നത് കേരളത്തില്‍ നിന്നും യു കെ യില്‍ കുടിയേറിയ കഷ്ട്ടപ്പാടും ബുദ്ധിമുട്ടും അറിഞ്ഞു ജീവിച്ചവരുടെ ഒരു കൂട്ടായ്മയാണ് . ഞങ്ങള്‍ ജാതി ,മത ,വര്‍ഗ്ഗ , വര്‍ണ്ണ , സ്ഥലകാല വൃതൃാസമില്ലാതെയാണ് ആളുകളെ സഹായിച്ചുകൊണ്ടിരിക്കുന്നത് .

ചെക്കും ബാങ്കിന്‍റെ സമ്മറി സ്റെറ്റ്മെന്റ് താഴെ പബ്ലിഷ് ചെയ്യുന്നു,ഫുള്‍ സ്റ്റെമെന്റ്റ്‌ പണം അയച്ച എല്ലാവര്ക്കും നല്‍കിയിട്ടുണ്ട് ഇനിയും ലഭിക്കാത്തവര്‍ ഞങ്ങളുമായി ബന്ധപ്പെടുക .
കഴിഞ്ഞ പ്രളയത്തില്‍ ഞങളുടെ ശ്രമഫലമായി 7 ലക്ഷത്തോളം രൂപ പല സംഘടനകളില്‍ നിന്നും ശേഖരിച്ചു നാട്ടിലെ ആളുകള്‍ക്ക് വിതരണം ചെയ്യാന്‍ കഴിഞ്ഞു .ഞങ്ങൾ ഇതു വരെ ഏകദേശം 75 ലക്ഷം രൂപ നാട്ടിലെ ആളുകള്‍ക്ക് നല്‍കി സഹായിച്ചിട്ടുണ്ട് ,ഇടുക്കി ചാരിറ്റി ഗ്രൂപ്പ്‌ യു കെ യ്ക്ക് നേതൃത്വംകൊടുക്കുന്നത് സാബു ഫിലിപ്പ് ,ടോം ജോസ് തടിയംപാട്, സജി തോമസ്‌ എന്നിവരാണ്‌, ഞങ്ങളുടെ രക്ഷാധികാരി ബഹുമാനപ്പെട്ട തമ്പി ജോസാണ്.,ഞങ്ങള്‍ നടത്തിയ എല്ലാ പ്രവര്‍ത്തനങ്ങളും ഇടുക്കി ചരിറ്റി ഗ്രൂപ്പ്‌ എന്ന ഫേസ് ബുക്ക്‌ പേജില്‍ പ്രസിധികരിച്ചിട്ടുണ്ട്
ഭാവിയിലും ഞങ്ങള്‍ നടത്തുന്ന എളിയ പ്രവര്‍ത്തനത്തിന് നിങളുടെ സഹായങ്ങള്‍ നല്‍കണമെന്ന് അപേക്ഷിക്കുന്നു.
ടോം ജോസ് തടിയംപാട്

സതീഷ് പി.വി

ഓമ്‌നിയുടെ ഓണാഘോഷം “പൊന്നോണം 2019 ” നാളെ (സെപ്റ്റബർ ഒന്ന് ) ബെൽഫാസ്റ് ഡെപ്യൂട്ടി മേയർപീറ്റർ മക്റെയ്നോൾഡ്സ് ഉദ്‌ഘാടനം ചെയ്യും .പ്രസിഡന്റ സന്തോഷ്‌ജോൺ സ്വാഗതം ആശംസിക്കുന്ന ചടങ്ങിന് സെക്രട്ടറി ബിനു മാനുവൽ നന്ദി പ്രകാശിപ്പിക്കും .രാവിലെ പതിനൊന്നിന് ആരംഭിക്കുന്ന ചടങ്ങുകൾക്ക് പൂക്കളം,സംഗീത വിരുന്ന്, ചെണ്ടമേളം ,തിരുവാതിര,ഓണസദ്യ ,മറ്റു കലാപരിപാടികൾ എന്നിവ ചടങ്ങിന് കൊഴുപ്പേകും.ഓണസദ്യയിൽ പങ്കെടുക്കാൻ ആഗ്രഹിക്കുന്നവർ എല്ലാവരും മുൻകൂട്ടി ടിക്കറ്റുകൾ ബുക്ക് ചെയ്യേണ്ടതാണ്.