ഫേസ്ബുക്കില്‍ വനിതാ സുഹൃത്തിനു സ്വന്തം നഗ്നസെല്‍ഫി ചിത്രങ്ങള്‍ കൈമാറിയ യുവാവ് നാട്ടിലെങ്ങും വൈറലായി. ചിത്രങ്ങള്‍ കണ്ട യുവതി ഇവ നാടാകെ പ്രചരിപ്പിച്ചതോടെയാണ് യുവാവ് ആപ്പിലായത്. എരുമേലിക്കടുത്തുള്ള ഗ്രാമത്തിലെ യുവാവിനാണ് ഈ പണികിട്ടിയത്.
യുവതിയുടെ ഫേസ്ബുക്ക് മെസഞ്ചറിലേക്ക് അയച്ച തന്റെ സ്വകാര്യ ചിത്രങ്ങള്‍ നാട്ടിലെങ്ങും പ്രചരിച്ചതോടെ പുറത്തിറങ്ങാന്‍ കഴിയാത്ത അവസ്ഥയിലാണു യുവാവ്. നേരിട്ടു പരിചയമില്ലാത്ത ഈ യുവതിയുമായി ഇയാള്‍ നിരന്തരം മെസഞ്ചര്‍ വഴി സന്ദേശങ്ങള്‍ കൈമാറിയിരുന്നു. യുവതി ആവശ്യപ്പെട്ടത് അനുസരിച്ചാണ് ചിത്രങ്ങള്‍ അയച്ചു കൊടുത്തതെന്നും പറയപ്പെടുന്നു. ആകര്‍ഷകമായ പേരാണ് യുവതി തന്റെ പ്രൊഫയിലിന് നല്‍കിയിരിക്കുന്നത്.
ഇതു വ്യാജ ഫേസ്ബുക്ക് അകൗണ്ടാണോ എന്നതും യുവാവിന്റെ സുഹൃത്തുക്കള്‍ ചേര്‍ന്നു പണി കൊടുത്തതാണോയെന്നുമാണ് ഇപ്പോഴത്തെ സംശയം. ചിത്രം ലഭിച്ച യുവതി ഗ്രാമത്തിലെ യുവാവിന്റെ സുഹൃത്തുക്കളുടെ ഫേസ്ബുക്ക് ഇന്‍ബോക്‌സിലേക്ക് പടം അയച്ചുകൊടുക്കുകയായിരുന്നു. അങ്ങനെയാണ് എരുമേലിയിലും പരിസരത്തുമുള്ളവര്‍ക്കും പടം കിട്ടിയത്.
ഫോട്ടോയ് കണ്ടപ്പോള്‍ തന്നെ ആളെ നാട്ടുകാര്‍ തിരിച്ചറിയുകയും ചെയ്തു. പെണ്‍കുട്ടി അയച്ചുകൊടുത്ത ചിത്രങ്ങളുടെ സ്‌ക്രീന്‍ഷോട്ട് അടക്കമാണ് വാട്‌സ്അപ്പ് വഴി പ്രചരിച്ചത്. ഇനി സ്വന്തമായി ഒരു നല്ല സെല്‍ഫിയെടുക്കാന്‍ പോലും യുവാവ് ധൈര്യപ്പെടില്ലെന്ന അഭിപ്രായമാണ് നാട്ടുകാര്‍ക്കുള്ളത്.
Leave a Reply