മഹാരാജാസ് കോളേജിനുമുന്നില്‍ കെഎസ്‌യു പ്രവര്‍ത്തകരും പോലീസും തമ്മില്‍ സംഘര്‍ഷം. അഭിമന്യുവിനെ കൊലപ്പെടുത്തിയ പ്രതികളെ പിടികൂടണമെന്നാവശ്യപ്പെട്ട് കെഎസ് യു നടത്തിയ മാര്‍ച്ചിലാണ് സംഘര്‍ഷം. തുടര്‍ന്ന് പ്രവര്‍ത്തകരെ പോലീസ് അറസ്റ്റ് ചെയ്ത് നീക്കുകയായിരുന്നു.

അഭിമന്യു കൊല്ലപ്പെട്ടിട്ട് ഇന്നേക്ക് ഒരുവര്‍ഷം തികയുകയാണ്. ഇതുവരെ പ്രധാന പ്രതികളെ പിടികൂടാനായിട്ടില്ലെന്ന ആരോപണം പരക്കെ ഉയരുന്നു. കോളേജിലെ ചുവരെഴുത്തുമായി ബന്ധപ്പെട്ട തര്‍ക്കമാണ് അഭിമന്യുവിന്റെ കൊലപാതകത്തില്‍ എത്തിയത്.