ബ്രാഡ്‌ഫോര്‍ഡ്. ന്യൂആര്‍ക്ക് മിഷന്‍ ഓഫ് ഇന്ത്യയുടെ ചാരിറ്റി ഫണ്ടിലേയ്ക്ക് സാമ്പത്തീകമായി സഹായിക്കുവാനുള്ള ലക്ഷ്യവുമായിഇ. ജി .എന്‍ . ചര്‍ച്ച് ബ്രാഡ്‌ഫോര്‍ഡ് നടത്തിയ റാഫല്‍ ടിക്കറ്റിന്റെ നറുക്കെടുപ്പു നടന്നു. റാഫല്‍ ടിക്കറ്റ് എന്ന പുതിയ ആശയവുമായി മുന്നിട്ടിറങ്ങിയ ഇ .ജി .എന്‍. ചര്‍ച്ച് ഇക്കുറി സ്വരൂപിച്ചത് 85000 രൂപ. മദ്രാസിലുള്ള ന്യൂആര്‍ക്ക് മിഷന്‍ ഓഫ് ഇന്ത്യയുടെ ഫണ്ടിലേയ്ക്ക് ഈ തുക കൈമാറി. റാഫല്‍ ടിക്കറ്റിന്റെ വിജയിയായ കീത്തിലിയില്‍ നിന്നുള്ള ബിനോ അലക്‌സിന് ഒന്നാം സമ്മാനമായ ഐ പാട്, കീത്തിലി ഇസ്ലാമിക് അസ്സോസിയേഷന്‍ പ്രസിഡന്റ് സക്കീര്‍ ഹുസൈന്‍ നല്‍കി. അസ്സോസിയേഷന്‍ ഭാരവാഹികളായ ഫൈസല്‍ യാസിന്‍, റസാബ് ഹുസൈന്‍ ഇ .ജി .എന്‍ .ചര്‍ച്ച്
ബ്രാഡ്‌ഫോര്‍ഡിനെ പ്രതിനിധീകരിച്ച് ചെല്ലതുറൈ പൂമാണിയും ചടങ്ങില്‍ പങ്കെടുത്തു.
