ഷൈമോൻ തോട്ടുങ്കൽ

കാന്റർബെറി : എവർഷൈൻ ബ്രദേഴ്‌സ് കാന്റർ ബറിയും , കാന്റർ ബറി മലയാളി അസോസിയേഷനും സംയുക്തമായി നടത്തുന്ന പോർക്കളം -2 വടംവലി മത്സരം സെപ്റ്റംബർ 25 ന് നടക്കും , യു കെ യുടെ ചരിത്രത്തിലെ ഏറ്റവും വലിയ സമ്മാനത്തുക നൽകുന്ന മത്സരത്തിന്റെ ഒരുക്കങ്ങൾ പൂർത്തിയായി വരുന്നതായി സംഘാടക സമിതി അറിയിച്ചു . മത്സരത്തോടനുബന്ധിച്ച് കേരള തനിമയാർന്ന കലാരൂപങ്ങളും അരങ്ങേറും . മുഖ്യാതിഥി ആയി എത്തുന്ന കാന്റർബറി മേയറെ വാദ്യഘോഷങ്ങളുടെ അകമ്പടിയോടെ മാവേലിത്തമ്പുരാനോടൊപ്പം വരവേൽക്കും .നാടൻ ഭക്ഷണവും അതിഥികൾക്കായി ക്രമീകരിച്ചിട്ടുണ്ട് .

ഒന്നാം സമ്മാനമായി 1201 പൗണ്ടും ഒരു മുട്ടനാടും ,രണ്ടാം സമ്മാനമായി 701 പൗണ്ടും ,മൂന്നാം സമ്മാനമായി 351 പൗണ്ടും ,നാലാം സമ്മാനമായി 201 പൗണ്ടും ,അഞ്ചാം സമ്മാനമായി 151 പൗണ്ടും ,ആറാം സമ്മാനമായി ,101
പൗണ്ടും ആണ് നൽകുന്നത് . യു കെ യുടെ വിവിധ ഭാഗങ്ങളിൽ നിന്നുള്ള ടീമുകളുടെ രജിസ്ട്രേഷൻ പുരോഗമിക്കുന്നതായും , ബ്രിട്ടന്റെ ഉദ്യാന നഗരിയായ കെന്റിലെ കാന്റൺ ബെറിയിലേക്ക് സ്വാഗതം ചെയ്യുന്നതായി ഭാരവാഹികൾ അറിയിച്ചു .

കൂടുതൽ വിവരങ്ങൾക്ക്

അനൂപ് ജോസ് 07921950445

ബേബിച്ചൻ തോമസ് 07912945852