ന്യൂസ് ഡെസ്ക്, മലയാളം യുകെ
സ്റ്റോക്ക്-ഓൺ-ട്രെന്റിൽ താമസിക്കുന്ന യുകെ മലയാളി വിനു പോൾ (37) അന്തരിച്ചു. നാട്ടിൽ ചികിത്സയിലിരിക്കെയാണ് മരണം സംഭവിച്ചത്. ഓൾഫ് മിഷൻ സ്റ്റോക്ക്-ഓൺ-ട്രെന്റിലെ സെന്റ് തോമസ് വാട്ടർഹേയ്സ് ഫാമിലി യൂണിറ്റംഗമായിരുന്നു.
ഓണത്തിന് രണ്ടാഴ്ച മുമ്പ് കുടുംബസമേതം നാട്ടിലെത്തിയ വിനുവിന് ശക്തമായ വയറുവേദന അനുഭവപ്പെട്ടതിനെ തുടർന്ന് നടത്തിയ പരിശോധനയിലാണ് ക്യാൻസർ നാലാം ഘട്ടത്തിലാണെന്ന് കണ്ടെത്തിയത്. തുടർന്ന് ചികിത്സ നാട്ടിൽ തുടരുകയായിരുന്നു. യുകെയിൽ നടത്തിയ പ്രാഥമിക പരിശോധനകളിൽ രോഗം തിരിച്ചറിയാൻ കഴിഞ്ഞിരുന്നില്ലെന്നാണ് ലഭിക്കുന്ന വിവരം.
ഭാര്യ ഷെറിൻ. നാഥൻ, യോഹാൻ, ഇഹാൻ എന്നിവരാണ് മക്കൾ. തിരിച്ചുവരാനായി നാട്ടിൽ പോയ പ്രിയ സുഹൃത്തിന്റെ അകാല വിയോഗത്തിന്റെ ഞെട്ടലിലാണ് വിനുവിന്റെ യുകെയിലെ സുഹൃത്തുക്കൾ. പൊതുദർശനത്തിന്റെയും മൃതസംസ്കാര ചടങ്ങുകളുടെയും കൂടുതൽ വിവരങ്ങൾ പിന്നീട് അറിയിക്കുന്നതായിരിക്കും.
വിനു പോളിൻെറ നിര്യാണത്തിൽ മലയാളം യുകെ ന്യൂസിന്റെ അനുശോചനം ബന്ധുക്കളെയും സുഹൃത്തുക്കളെയും അറിയിക്കുന്നു.
Leave a Reply