തിരുവനന്തപുരം: സംസ്ഥാനത്തെ തദ്ദേശഭരണ സ്ഥാപനങ്ങളിലെ ആദ്യഘട്ട വോട്ടെടുപ്പ് ഇന്ന് തുടരുന്നു. ആദ്യ ഒരു മണിക്കൂറിൽ കോട്ടയം ജില്ലയിലാണ് ഏറ്റവും കൂടുതൽ വോട്ടർ പങ്കാളിത്തം രേഖപ്പെടുത്തിയത് 4.35%.
സ്ഥാനാർഥികളുടെ മരണം കാരണം രണ്ടിടങ്ങളിൽ വോട്ടെടുപ്പ് മാറ്റിവെച്ചിട്ടുണ്ട്. പാമ്പാക്കുട ഗ്രാമപഞ്ചായത്ത് പത്താം ഡിവിഷൻ (ഓണക്കൂർ)യും തിരുവനന്തപുരം കോർപ്പറേഷനിലെ വിഴിഞ്ഞം വാർഡുമാണ് വോട്ടെടുപ്പ് ഒഴിവാക്കിയിരിക്കുന്നത്.
ഇന്ന് നടക്കുന്ന വോട്ടെടുപ്പിൽ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലെ 595 സ്ഥാപനങ്ങളിലായി 11,167 വാർഡുകൾക്ക് 36,620 സ്ഥാനാർഥികളാണ് മത്സരത്തിൽ നിൽക്കുന്നത്. രാവിലെ ആറിന് മോക് പോളിനുശേഷം വോട്ടെടുപ്പ് ഏഴ് മണിക്ക് തുടങ്ങി വൈകിട്ട് ആറുവരെ തുടരും.
ഗ്രാമപ്രദേശങ്ങളിൽ വോട്ടർമാർക്ക് മൂന്ന് വോട്ടുകളും, മുനിസിപ്പാലിറ്റികളിലും കോർപ്പറേഷനുകളിലും ഒരൊറ്റ വോട്ടുമാണ്. ബാക്കി ഏഴു ജില്ലകളിലെ വോട്ടെടുപ്പ് വ്യാഴാഴ്ച നടക്കും. വോട്ടെണ്ണൽ 13-ാം തീയതി രാവിലെ ആരംഭിക്കും.
Leave a Reply