ലണ്ടനിലെ സംഗീതാസ്വാദകര്‍ക്കു അവിസ്മരണീയ മുഹൂര്‍ത്തങ്ങളും ആയി “The Maestros” മേയ് 11, 12, 13 തീയതികളില്‍ അരങ്ങേറും.

ലണ്ടനിലെ സംഗീതാസ്വാദകര്‍ക്കു അവിസ്മരണീയ മുഹൂര്‍ത്തങ്ങളും ആയി “The Maestros” മേയ് 11, 12, 13 തീയതികളില്‍ അരങ്ങേറും.
April 16 17:46 2018 Print This Article

ലണ്ടനിലെ കലാ പ്രേമികള്‍ക്കായി ‘The Maestros’ എന്ന പേരില്‍ ഒരു ഗംഭീര സംഗീത വിരുന്നുമായി V4 Entertainments UK . മെയ് 11, 12, 13 തീയതികളില്‍ ലണ്ടനിലെ വിവിധ ഭാഗങ്ങളില്‍ ആയിരിക്കും ഈ സംഗീതനിശ അരങ്ങേറുക. പ്രശസ്ത സംഗീതജ്ഞനും ദേശീയ പുരസ്‌കാര ജേതാവും ആയ ശ്രീ ഔസേപ്പച്ചന്‍ മാഷ് നേതൃത്വം നല്‍കുന്ന ഈ സംഗീത സന്ധ്യയില്‍ പ്രസിദ്ധ പിന്നണി ഗായകന്‍ ശ്രീ വില്‍സ്വരാജ്, ഏഷ്യാനെറ്റ് ഐഡിയ സ്റ്റാര്‍ സിംഗര്‍ ഡോക്ടര്‍ വാണി ജയറാം, ഏഷ്യാനെറ്റ് യൂറോപ്പ് ടാലന്റ് കോണ്‍ടെസ്‌റ് ജേതാവ് രാജേഷ് രാമന്‍ എന്നിവര്‍ പങ്കെടുക്കുന്നു. ഔസേപ്പച്ചന്‍രവീന്ദ്രന്‍ജോണ്‍സണ്‍ ത്രയത്തിന്റെ നിത്യഹരിത ഗാനങ്ങളിലൂടെ ഉള്ള ഒരു അവിസ്മരണീയയാത്ര ആയിരിക്കും ശ്രോതാക്കള്‍ക്ക് ഈ പരിപാടി സമ്മാനിക്കുക.

ശ്രീ വിനോദ് നവധാരയുടെ നേതൃത്വത്തില്‍ ഉള്ള പ്രശസ്ത ലൈവ് ഓര്‍ക്കസ്ട്ര ആയ നിസരി ആയിരിക്കും ഈ പരിപാടിയുടെ പിന്നണിയില്‍ പ്രവര്‍ത്തിക്കുക. പല പ്രമുഖസംഗീതജ്ഞരോടും ഒപ്പം ഇതിനു മുന്‍പുംനിരവധി തവണ യു കെയില്‍ അങ്ങോളം ഇങ്ങോളം ലൈവ് പരിപാടികള്‍ അവതരിപ്പിച്ചു പരിചയം ഉള്ളവര്‍ ആണ് നിസരിയിലെ കലാകാരന്മാര്‍ . ശ്രീ ഔസേപ്പച്ചന്‍ മാഷിനൊപ്പം നിസരിയിലെഅംഗങ്ങള്‍ കൂടി ചേരുമ്പോള്‍ സംഗീത ആസ്വാദകര്‍ക്ക് അതൊരു മറക്കാനാവാത്ത അനുഭവം ആയിരിക്കുമെന്ന് തീര്‍ച്ച!

മെയ് 11 നു വൈകുന്നേരം ഏഴു മണിക്ക് ഈസ്റ്റ് ലണ്ടനിലെ ബോളിയന്‍ തീയറ്ററില്‍ നടക്കുന്ന പരിപാടിയോടു കൂടിയിരിക്കും ‘The Maetsros’ നു തുടക്കം കുറിക്കുക. പിറ്റേ ദിവസം മെയ് 12 വൈകുന്നേരം 6.30 ന് വെസ്റ്റ് ലണ്ടനിലെ സംഗീതാസ്വാദകര്‍ക്കു വേണ്ടി ഹെയ്‌സിലെ നവ്‌നാത് സെന്ററില്‍ വച്ചായിരിക്കും രണ്ടാമത്തെ പരിപാടി അരങ്ങേറുന്നത്. മെയ് 13 നു വൈകുനേരം സൗത്ത് ലണ്ടനിലെ ലാന്‍ഫ്രാങ്ക് അക്കാദമിയില്‍ വച്ചു നടക്കുന്ന മൂന്നാമത്തെ പരിപാടിയോടു കൂടി ‘The Maestros’ സമാപിക്കും.

നിരവധി മെഗാ ഷോകള്‍ക്ക് ശബ്ദവും വെളിച്ചവും നല്‍കി പരിചയം ഉള്ള ലണ്ടനിലെ ഒയാസിസ് ഡിജിറ്റല്‍സ് ആണ് പരിപാടികളുടെ ശബ്ദവും വെളിച്ചവും നിയന്ത്രിക്കുന്നത്. അനശ്വര കലാകാരന്മാരുടെ അപൂര്‍വ സംഗമം ആയ ഈ സംഗീത നിശയിലേയ്ക്ക് ഏവരുടെയും സഹായ സഹകരണങ്ങള്‍ പ്രതീക്ഷിച്ചു കൊള്ളുന്നു.

For information Contact : വിനോദ് നവധാര: 07805 192891, സോജന്‍ : 07878 8963384 (ഈസ്റ്റ് ഹാം), രാജേഷ് രാമന്‍ : 07874 002934 (ക്രോയിഡോണ്‍ ), ഷിനോ : 07411143936 (ഹെയ്‌സ് വെസ്റ്റ് ലണ്ടന്‍)

  Categories:
UK


വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മലയാളം യുകെയുടേതല്ല!

view more articles

Related Articles