ബേസില്‍ ജോസഫ്
ചേരുവകള്‍
മട്ടണ്‍ -1 കിലോ
നെയ്യ് – 4 ടേബിള്‍സ്പൂണ്‍
കശ്മീരി മുളക് -8 എണ്ണം
മല്ലി -1ടേബിള്‍സ്പൂണ്‍
പെപ്പര്‍ -1ടേബിള്‍സ്പൂണ്‍
ജീരകം -1ടേബിള്‍സ്പൂണ്‍
പട്ട, ഗ്രാമ്പൂ -2 പീസ്
മഞ്ഞള്‍പൊടി – 1/4 ടീസ്പൂണ്‍
ഉപ്പ് – ആവശ്യത്തിന്
കറിവേപ്പില -1 തണ്ട്
തൈര് -1 ടേബിള്‍സ്പൂണ്‍
ജിഞ്ചര്‍ ഗാര്‍ലിക് പേസ്റ്റ് -1 ടീ സ്പൂണ്‍
ഇഞ്ചി -1 പീസ്
വെളുത്തുളളി -1 കുടം
നാരങ്ങാ നീര് -1 നാരങ്ങയുടെ
പാചകം ചെയ്യുന്ന വിധം
ഒരു ഒരു പാനില്‍ ഒരു സ്പൂണ്‍ നെയ്യൊഴിച്ച് അതിലേക്ക് ജിഞ്ചര്‍ ഗാര്‍ലിക് പേസ്റ്റ് ഇട്ട് വഴറ്റി, മഞ്ഞള്‍ പൊടി ചേര്‍ത്ത് മട്ടണ്‍ കൂടി അതിലേക്കിട്ട് ഉപ്പും ചേര്‍ത്തു വേവിക്കുക. വേണമെങ്കില്‍ ഒരു കപ്പ് വെള്ളം ചേര്‍ക്കുക. മറ്റൊരു പാനിലേക്ക് ഒരു ടേബിള്‍സ്പൂണ്‍ നെയ്യിട്ട് അതിലേക്ക് മല്ലി, പെപ്പര്‍, ജീരകം, പട്ട, ഗ്രാമ്പൂ, മുളക് എന്നിവ ഇട്ട് വറുത്തെടുക്കുക. വറുത്തു വെച്ച മസാലകളെല്ലാം മിക്‌സിയിലേക്കിട്ട് അതിലേക്ക് ഒരു കഷ്ണം ഇഞ്ചി, രണ്ടല്ലി വെളുത്തുള്ളി, ഒരു സ്പൂണ്‍ ലെമണ്‍ ജ്യൂസ് ഇവ ചേര്‍ത്ത് അരച്ചെടുക്കുക. ഒരു പാനിലേക്ക് ബാക്കിയുള്ള നെയ്യൊഴിച്ച് അതിലേക്ക് അരച്ചെടുത്ത മസാലയിട്ട് നന്നായി വഴറ്റി അതിലേക്ക് ഒരുസ്പൂണ്‍ തൈര് ചേര്‍ക്കുക. വേവിച്ച മട്ടണ്‍ ചേര്‍ത്തു വഴറ്റിയെടുക്കുക. മട്ടണ്‍ വേവിച്ച വെള്ളം അല്‍പം അവസാനം ഒഴിച്ചു കൊടുക്കുക. കറിവേപ്പില ചേര്‍ത്തിളക്കി തീ ഓഫ് ചെയുക. മട്ടണ്‍ ഗീ റോസ്റ്റ് റെഡി
ഹോട്ടല്‍ മാനേജ്മെന്‍റ് ബിരുദ ധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
Leave a Reply