ഇംഗ്ലണ്ടിൽ 10 പുതിയ വാക്സിനേഷൻ കേന്ദ്രങ്ങൾ കൂടി ഉടൻ ആരംഭിക്കും. വൈറസ് പോസിറ്റീവ് ആയവരേക്കാൾ കൂടുതൽ പ്രതിരോധകുത്തിവെയ്പ്പ് നടത്തി ബ്രിട്ടൻ

ഇംഗ്ലണ്ടിൽ 10 പുതിയ വാക്സിനേഷൻ കേന്ദ്രങ്ങൾ കൂടി ഉടൻ ആരംഭിക്കും. വൈറസ് പോസിറ്റീവ് ആയവരേക്കാൾ കൂടുതൽ പ്രതിരോധകുത്തിവെയ്പ്പ് നടത്തി ബ്രിട്ടൻ
January 17 05:26 2021 Print This Article

ന്യൂസ് ഡെസ്ക് മലയാളം യുകെ

കോവിഡിനെ വരുതിയിലാക്കാൻ എത്രയും പെട്ടെന്ന് കൂടുതൽ ആളുകൾക്ക് പ്രതിരോധ കുത്തിവെയ്‌പ്പ് നൽകുക എന്ന ലക്ഷ്യത്തിലേക്ക് എത്തിച്ചേരാൻ പുതിയ 10 മാസ് വാക്‌സിനേഷൻ കേന്ദ്രങ്ങൾ കൂടി ഇംഗ്ലണ്ടിൽ ഉടൻ ആരംഭിക്കും. ഫെബ്രുവരി 15 നകം 15 ദശലക്ഷം ജനങ്ങൾക്ക് പ്രതിരോധ കുത്തിവെയ്പ്പ് നൽകാനാണ് സർക്കാർ ലക്ഷ്യം വയ്ക്കുന്നത്. പുതിയ കേന്ദ്രങ്ങളിലൂടെ ആഴ്ചയിൽ ആയിരക്കണക്കിന് പ്രതിരോധ കുത്തിവെയ്പ്പ് നൽകാൻ സാധിക്കുമെന്ന് എൻഎച്ച്എസ് അറിയിച്ചു.

യുകെയിൽ ഇതുവരെ 324,233 ഡോസ് വാക്സിൻ വിതരണം നടത്തി കഴിഞ്ഞു. യുദ്ധകാലടിസ്ഥാനത്തിൽ ഇത്രയും കൂടുതൽ പ്രതിരോധ കുത്തിവെയ്പ്പ് നടത്താൻ സഹായിച്ച എല്ലാവർക്കും പ്രധാനമന്ത്രി ബോറിസ് ജോൺസൺ നന്ദിപറഞ്ഞു. യുകെയിൽ വൈറസ് പോസിറ്റീവ് ആയതിനേക്കാൾ കൂടുതൽ ആൾക്കാർക്ക് പ്രതിരോധ കുത്തിവെയ്പ്പ് നടത്തി കോവിഡിനെ പ്രതിരോധിക്കാൻ രാജ്യം കുതിക്കുകയാണ്.

രാജ്യത്തെ വൈറസ് പോസിറ്റീവായ 3.3 ദശലക്ഷം പേരാണെങ്കിൽ ഇതുവരെ 3.5 ദശലക്ഷം ആൾക്കാർ പ്രതിരോധ കുത്തിവെയ്പ്പ് എടുത്തു കഴിഞ്ഞു. ബ്രിട്ടൻ ചരിത്രത്തിലെ ഏറ്റവും വലിയ പ്രതിരോധകുത്തിവെയ്പ്പ് പദ്ധതിയെ വിജയിപ്പിക്കാനായി തങ്ങളുടെ പങ്കുവഹിക്കാൻ ആരോഗ്യ സെക്രട്ടറി മാറ്റ് ഹാൻകോക്ക് ജനങ്ങളോട് അഭ്യർത്ഥിച്ചു.

  Categories:


വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മലയാളം യുകെയുടേതല്ല!

Comments
view more articles

Related Articles