ഇതേതുടര്‍ന്ന് പ്രവീണ്‍ സംഭവ സ്ഥലത്ത് നിന്നും രക്ഷപെട്ടു. എന്നാല്‍ നവീന്‍ ക്രിമിനലുകളുടെ പിടിയിലായി. ഇവര്‍ നവീനിനെ ആളൊഴിഞ്ഞ സ്ഥലത്തേക്ക് കൊണ്ടു പോയി പ്രകൃതി വിരുദ്ധ പീഡനത്തിനിരയാക്കുകയായിരുന്നു. തുടര്‍ന്ന് നവീന്റെ മലദ്വാരത്തില്‍ മരക്കഷണം കുത്തിക്കയറ്റി. ഇതേതുടര്‍ന്നുണ്ടായ രക്തസ്രാവമാണ് നവീന്റെ മരണകാരണം.

പീഡനത്തെ തുടര്‍ന്ന് അത്യാസന നിലയിലായ കുട്ടിയെ വിജനമായ സ്ഥലത്ത് ഉപേക്ഷിച്ച് അക്രമികള്‍ രക്ഷപെടുകയായിരുന്നു. പിറ്റേന്ന് രാവിലെ അബോധാവസ്ഥയില്‍ കണ്ടെത്തിയ കുട്ടിയെ വഴി യാത്രക്കാരാണ് ആശുപത്രിയില്‍ എത്തിച്ചത്. ആശുപത്രിയില്‍ എത്തിച്ചപ്പോഴേയ്ക്കും കുട്ടിക്ക് പൂര്‍ണമായും ബോധം നഷ്ടപ്പെട്ടിരുന്നു. മസ്തിഷ്‌ക മരണം സംഭവിച്ച അവസ്ഥയിലുമായിരുന്നു.

16-20 വയസ് പ്രായമുള്ളവരാണ് അക്രമികള്‍. അഞ്ച് പേരും പിടിയിലായിട്ടുണ്ട്. സംഭവത്തില്‍ കൊലപാതകത്തിന് കേസെടുത്തതായി മലേഷ്യന്‍ പോലീസ് അധികൃതര്‍ വ്യക്തമാക്കി.