എടത്വ: പിതാവ് നഷ്ടപ്പെട്ട 3 പെൺ മക്കൾക്കും തലവടി പഞ്ചായത്ത് 12 -ാം വാർഡിൽ വിരുപ്പിൽ റോസമ്മയ്ക്കും സൗഹൃദ വേദി നിർമ്മിച്ചു നല്കിയ സ്നേഹക്കൂടിൻ്റെ താക്കോൽ ദാനം ആഗസ്റ്റ് 19 ന് നടക്കും.പതിമൂന്ന് വർഷം മുമ്പ് ഭർത്താവ് നഷ്ടപ്പെട്ട റോസമ്മ സ്കൂളിൽ ഉച്ച ഭക്ഷണം തയ്യാറാക്കുന്ന ജോലിയിൽ നിന്നായിരുന്നു വീട്ടുചിലവിന് മാർഗ്ഗം കണ്ടെത്തിയിരുന്നത്.അടച്ചുറപ്പ് പോലും ഇല്ലാതിരുന്ന വീടിൻ്റെ മേൽക്കൂര 2021 ജനുവരി 28ന് പൂർണ്ണമായും ദ്രവിച്ച് ഷീറ്റ് ഉൾപ്പെടെ തകർന്ന് വീണെങ്കിലും തലനാരിഴകയ്ക്ക് ആണ് അപകടത്തിൽ നിന്നും അന്ന് അവർ രക്ഷപെട്ടത്.

ഡോ.ജോൺസൺ വി. ഇടിക്കുളയുടെ നേതൃത്വത്തിൽ ഉള്ള സൗഹൃദ വേദി സുമനസ്സുകളുടെ സഹായത്തോടെ നിലവിലിലുണ്ടായിരുന്ന മുറികളുടെ ദ്രവിച്ച ജനലുകളും കതകുകളും മാറ്റുകയും ഭിത്തികൾ ബലപ്പെടുത്തി പ്ലാസ്റ്ററിംങ്ങ് നടത്തുകയും കൂടാതെ ഒരു ഹാൾ, അടുക്കള, സിറ്റ് ഔട്ട് ഉൾപെടെ നിർമ്മിച്ചു നല്കുകയും ചെയ്തു.

വീടുപണി പുരോഗമിക്കുന്ന ആദ്യകാല ദൃശ്യം

തലവടി ഗ്രാമ പഞ്ചായത്ത് അംഗം ബിന്ദു ഏബ്രഹാം കൺവീനറായി ഉള്ള പ്രാദേശിക കമ്മിറ്റി നിർമ്മാണ പ്രവർത്തനങ്ങൾക്ക് മേൽനോട്ടം വഹിച്ചു.വീട്ട് ഉപകരണങ്ങൾ ഉൾപ്പെടെ എല്ലാം ആ വീട്ടിലേക്ക് ഇനിയും ആവശ്യമുണ്ട്.വിദ്യാർത്ഥികളായ 3 പെൺമക്കൾ അടങ്ങിയ ഈ കുടുംബത്തിൻ്റെ ബുദ്ധിമുട്ട് മനസ്സിലാക്കിയ പാണ്ടങ്കരി മാലിയിൽ പുളിക്കത്ര ജോർജ് ചുമ്മാർ (ജോർജി ) തൻ്റെ പിതാവ് ബാബു പുളിക്കത്ര(വാവച്ചായൻ)യുടെ പതിനഞ്ചാമത് ചരമവാർഷിക ചടങ്ങുകൾ ഒഴിവാക്കി കൊണ്ട് ‘സ്നേഹക്കൂടി ‘ന് ഡൈനിംങ്ങ് ടേബിളും കസേരകളും നല്കി.

നമ്മുടെ ചെറിയ സഹായം ഈ കുടുംബത്തിന് വലിയ ആശ്വാസമാണ്.
Account no : 10380100166994
Ifsc: FDRL0001038.
Google Pay 9847738431