ഒല്ലൂരിൽ ജോലി കഴിഞ്ഞ് വീട്ടിലേക്ക് മടങ്ങുന്നതിനിടെ 46-കാരിയായ സൗമ്യയെ അയൽവാസി കുത്തിക്കൊന്നു. മണപ്പുറം ഫിനാൻസിലെ ജീവനക്കാരിയായിരുന്ന സൗമ്യയെ വഴിയിൽ തടഞ്ഞു നിർത്തിയാണ് ആക്രമണം നടന്നത്. ഗുരുതരമായി പരിക്കേറ്റ അവരെ നാട്ടുകാർ ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
സംഭവത്തിന് പിന്നാലെ രക്ഷപ്പെടാൻ ശ്രമിച്ച പ്രതിയായ തോമസ് ഓടുന്നതിനിടെ കിണറ്റിൽ വീണു. വിവരം അറിഞ്ഞെത്തിയ അഗ്നിരക്ഷാസേന ഇയാളെ പുറത്തെടുത്ത് പൊലീസിന് കൈമാറി. തുടർന്ന് ഒല്ലൂർ പോലീസ് പ്രതിയെ അറസ്റ്റ് ചെയ്ത് കൂടുതൽ അന്വേഷണം ആരംഭിച്ചു.
ഇരുവരും അയൽവാസികളായതിനാൽ മുമ്പ് തന്നെ തമ്മിൽ തർക്കങ്ങളും വൈരാഗ്യവും ഉണ്ടായിരുന്നുവെന്ന് പോലീസ് പറഞ്ഞു. ഇതുമായി ബന്ധപ്പെട്ട് സൗമ്യ നേരത്തേ പോലീസിൽ പരാതി നൽകിയിരുന്നുവെന്നും കേസുകളും ഉണ്ടായിരുന്നുവെന്നും നാട്ടുകാർ പറയുന്നു. സംഭവത്തിന് പിന്നിലെ കാരണം വ്യക്തമാക്കാൻ പോലീസ് കൂടുതൽ അന്വേഷണം നടത്തുകയാണ്.
Leave a Reply