കുംഭമേളയിൽ താരമായ പെൺകുട്ടിയുടെ വിവാഹവുമായി ബന്ധപ്പെട്ട് മധ്യപ്രദേശ് പൊലീസ് കർശന നടപടികൾ തുടരുന്നു. പെൺകുട്ടിയെയും ഭർത്താവ് മുഹമ്മദ് ഫർമാനെയും നേരിൽ ചോദ്യം ചെയ്ത് മൊഴി രേഖപ്പെടുത്തണമെന്ന നിലപാടിലാണ് പൊലീസ്, ഇതിന് വേണ്ടിയാണ് പ്രത്യേക സംഘം കൊച്ചിയിലെത്തിയത്.
മധ്യപ്രദേശിലെ മഹേശ്വർ പൊലീസ് സംഘമാണ് കൊച്ചിയിൽ അന്വേഷണം ശക്തമാക്കിയത്. വിവാഹത്തിന് സഹായം ചെയ്ത മലയാളി സുഹൃത്തിനെയും ചോദ്യം ചെയ്യാൻ ശ്രമം നടന്നുവെങ്കിലും ഇയാളെ കണ്ടെത്താനായിട്ടില്ല, കൂടാതെ പെൺകുട്ടിയും ഫർമാനും ആലുവ മേഖലയിൽ ഉണ്ടെന്നാണ് വിവരം എങ്കിലും ഇവരുടെ കൃത്യമായ സ്ഥലം ഇതുവരെ കണ്ടെത്താനായിട്ടില്ല.
അതേസമയം, പൊലീസിന് മുന്നിൽ ഹാജരാകേണ്ടതില്ലെന്ന നിലപാടിലാണ് പെൺകുട്ടി തുടരുന്നത്. കേസ് റദ്ദാക്കാൻ ഹൈക്കോടതികളെ സമീപിക്കാനും, മജിസ്ട്രേറ്റിന് മുന്നിൽ രഹസ്യമൊഴി നൽകാനും സാധ്യതയുണ്ടെന്നും, പ്രായപൂർത്തിയാകാത്ത പെൺകുട്ടിയെ തട്ടിക്കൊണ്ടുപോയെന്ന ആരോപണത്തെ തുടർന്ന് കേസ് കൂടുതൽ ഗൗരവമായി മുന്നോട്ട് പോകുന്നതായും റിപ്പോർട്ടുണ്ട്.
Leave a Reply