കൊച്ചി∙ നിവിൻ പോളി നായകനാകുന്ന പുതിയ ചിത്രത്തിന്റെ ഷൂട്ടിങ്ങിനിടെ ടെക്നീഷ്യൻ ഷോക്കേറ്റ് മരിച്ചു. തൃശൂർ കാഞ്ഞാണി സ്വദേശി വിഷ്ണു (32) ആണ് മരിച്ചത്. ചിത്രീകരണത്തിനായി വൈദ്യുതി, ലൈറ്റ് ക്രമീകരണങ്ങൾ നടത്തുന്നതിനിടെയാണ് അപകടമുണ്ടായത്.
ആലുവയ്ക്കടുത്ത് ഇടയാറിൽ ഇന്ന് ആരംഭിച്ച പേരിടാത്ത ചിത്രത്തിന്റെ ആദ്യദിന ഷൂട്ടിങ്ങിനിടെയായിരുന്നു അപകടം. ഉച്ചയ്ക്ക് ലഞ്ച് ബ്രേക്കിന്റെ സമയത്ത് ഉയർന്ന സ്ഥലത്ത് ലൈറ്റ് ക്രമീകരിക്കുന്നതിനിടെയാണ് വിഷ്ണുവിന് വൈദ്യുതാഘാതമേറ്റത്. മെയിൻ സ്വിച്ച് ഓഫ് ചെയ്തതോടെ താഴേക്ക് വീണ വിഷ്ണുവിന് ഗുരുതരമായി ഷോക്കേറ്റതാണ് മരണകാരണമെന്നാണ് പ്രാഥമിക വിവരം. വീഴ്ചയല്ല മരണത്തിന് കാരണമെന്നാണ് വിവരം.
അപകടത്തിന് പിന്നാലെ വിഷ്ണുവിനെ എറണാകുളത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അപകടവിവരമറിഞ്ഞ് നിവിൻ പോളി ഉൾപ്പെടെയുള്ള സിനിമാ പ്രവർത്തകർ ആശുപത്രിയിലെത്തി. സംഭവത്തിൽ കൂടുതൽ വിവരങ്ങൾ പുറത്തുവരാനുണ്ട്.
Leave a Reply