യു.കെ യിലെ പ്രമുഖ ചാരിറ്റി മലയാളി അസോസിയേഷനുകളിൽ ഒന്നായ ”സഹൃദയ ദി കെന്റ് കേരളൈറ്റ്സ് – മുൻ കാലങ്ങളിൽ വ്യത്യസ്തങ്ങളായ കലാ കായിക പരിപാടികളിലൂടെ പുതുമയും, വൈവിദ്ധ്യവും സംഘടനാപാടവ മികവും ഒരുപോലെ തെളിയിച്ച സഹൃദയ ഇന്നിതാ അഭിമാന പുരസരം അണിയിച്ചൊരുക്കുന്ന ആദ്യ അഖില യു. കെ ഡ്രാഗൺ ബോട്ട് റേസ് 2022 ” കെന്റ് ജലോത്സവം ” ഒക്ടോബർ ഒന്നാം തീയതി ശനിയാഴ്ച്ച വാട്ഹർസ്റ്റിൽ ഉള്ള ബിവൽ വാട്ടർ ജലാശയത്തിൽ നടക്കുന്നു.

കെന്റ്- ഈസ്റ്റ് സസക്സ് അതിരുകൾക്കിടയിൽ ഏതാണ്ട് 800 ഏക്കർ വിസ്തീർണത്തിൽ പ്രകൃതി സൗന്ദര്യത്തിന്റെ എല്ലാ വശ്യതകളും ആവാഹിച്ച് കാനന ഭംഗിയുടെ മനം കുളിരുന്ന കാഴ്ച ഒരുക്കുന്ന ബിവൽ വാട്ടറിന്റെ ഓളപ്പരപ്പിൽ സഹൃദയ പുതു ചരിത്രം രചിക്കുമ്പോൾ അത് യു.കെയിൽ ഉള്ള എല്ലാ ജലോത്സവ പ്രേമികൾക്കും ആവേശം പകരുമെന്നതിൽ സംശയം ഇല്ല.

കെന്റ് ജലോത്സവം ഒരു വൻ വിജയമാക്കി മാറ്റുവാനുള്ള പ്രാഥമിക നടപടികളുമായി സഹൃദയയുടെ ജലോത്സവ കമ്മിറ്റി മുന്നേറുമ്പോൾ ടീം രജിഷ്ട്രേഷന്റെ ഔപചാരികമായ ഉദ്ഘാടനം ബിവൽ വാട്ടറിൽ വെച്ച് തിങ്കളാഴ്ച്ച നടന്നു. ആദ്യ രജിസ്ട്രേഷൻ മിസ്മ ഹെവാർഡ്സ് ഹീത്ത് ബോട്ട് ക്ലബ് ടീം ക്യാപ്റ്റൻ ജോസഫ് തോമസിൽ നിന്നും, മെയ്ഡ്സ്റ്റോൺ മലയാളി അസോസിയേഷൻ ട്രഷറർ ശ്രീജിത്ത് കുരുവൻകാട്ടിൽ നിന്നും 350 പൗണ്ടിന്റെ ചെക്ക് സ്വീകരിച്ചു സഹൃദയ പ്രസിഡന്റ് ശ്രീ അജിത്ത് വെൺമണി ഔപചാരികമായി ഉദ്ഘാടനം ചെയ്തു.
തുടർന്ന് നടന്ന യോഗത്തിൽ ശ്രീ അജിത്ത് വെൺമണി മുഖ്യ പ്രഭാഷണം നടത്തിയപ്പോൾ സഹൃദയ ബോട്ട് ക്ലബ് ടീം ക്യാപ്റ്റനും മുൻ പ്രസിഡന്റുമായ ശ്രീ ജോഷി സിറിയക്, സഹൃദയയുടെ മുൻ പ്രസിഡന്റുമാരായ ശ്രീ ജേക്കബ് കോയിപ്പള്ളി, ശ്രീ ടോമി വർക്കി, ശ്രീ മജോ തോമസ്, മുൻ വൈസ് പ്രസിഡന്റ് ശ്രീമതി ഷീനാ ജേക്കബ് തുടങ്ങിയവർ ആശംസ അറിയിച്ചു. സെക്രട്ടറി ശ്രീ ബിബിൻ എബ്രഹാം നന്ദി അറിയിച്ചു. സഹൃദയ വൈസ് പ്രസിഡന്റ് ലിജി സേവ്യർ, ട്രഷറർ മനോജ് കോത്തൂർ, മുൻ ഭാരവാഹികളായ സുജ ജോഷി, ഫെബി ജേക്കബ്, ഇമ്മാനുവേൽ ജോർജ്, ലാലു തോമസ്, എക്സിക്യൂട്ടിവ് അംഗങ്ങളായിരുന്നു അജി മാത്യു, നിലവിലെ എക്സിക്യൂട്ടിവ് അംഗം ബിജി മെറിൻ, മിസ്മ ഹെവാർഡ് ഹീത്ത് അസോസിയേഷനിൽ നിന്നു ജിജോ അരയത്ത്, ഗംഗപ്രസാദ്, ബാബു മാത്യുവും , മെയ്ഡ് സ്റ്റോൺ മലയാളി അസോസിയേഷനിൽ നിന്നു ബിനു ജോർജ്, ജോഷി ആനിത്തോട്ടിൽ, എബി എബ്രഹാം, റോയ് മോൻ തോമസ് തുടങ്ങിയവരും സന്നിഹിതരായിരുന്നു.

ടീം രജിസ്ട്രേഷൻ സംബന്ധിച്ച വിശദവിവരങ്ങൾ ഇപ്രാകാരമാണ്:

രജിസ്ട്രേഷൻ ഫീസ് 350 പൗണ്ട്. ഒരു ടീമിൽ ടീം ക്യാപ്റ്റൻ ഉൾപ്പെടെ പരമാവധി 20 മലയാളി അംഗങ്ങൾ വരെയാകാം. 16 പേർ തുഴക്കാരും,ഒരാൾ ഡ്രമ്മറും, മറ്റ് മൂന്നു പേർ സബ്സ്റ്റിറ്റ്യൂട്ടും ആയിരിക്കും. ടീം ക്യാപ്റ്റൻ മത്സരത്തിൽ പങ്കെടുക്കണമെന്ന് നിബന്ധനയില്ല.

സഹൃദയയുടെ *കെന്റ് ജലോത്സവം 2022 * ൽ പങ്കെടുക്കുന്ന എല്ലാ ടീമുകളിലേയും അംഗങ്ങൾക്കുള്ള
ജഴ്സികൾ സഹൃദയ നൽകുന്നതായിരിക്കും. ആയതിനാൽ ഫീസടച്ച് രജിസ്റ്റർ ചെയ്യുമ്പോൾ തന്നെ മുഴുവൻ പേരും ജഴ്സി സൈസും നൽകേണ്ടതാണ്.

സഹൃദയ കെന്റ് ജലോത്സവത്തിൽ യു.കെ യുടെ വിവിധ ഭാഗങ്ങളിൽ നിന്നുള്ള ക്ലബുകൾക്കും, ചാരിറ്റി സംഘടനകൾക്കും, മലയാളി കമ്യൂണിറ്റികൾക്കും പങ്കെടുക്കാവുന്നതാണ്. ടീം രജിസ്റ്റർ ചെയേണ്ട അവസാന തീയതി സെപ്റ്റംബർ ആണ്.

ടീം രജിസ്ട്രേഷൻ, ജേഴ്സി, സ്പോൺസർഷിപ്പ്, ഫുഡ് സ്റ്റാൾ തുടങ്ങിയ വിവരങ്ങൾക്കായി ബന്ധപ്പെടുക

അജിത്ത് വെൺമണി 07957 100426
ബിബിൻ എബ്രഹാം 07534893125
മനോജ് കോത്തൂർ 07767 008991
വിജു വറുഗീസ് 07984 534481
ജോഷി സിറിയ്ക്ക് 07958 236786