യൂറോപ്പിലെ ഏറ്റവും വലിയ ശ്രീനാരായണപ്രസ്ഥാനമായ സേവനം യുകെയുടെ ഭാഗമായ
സേവനം സൗത്തീസ്റ്റിന്റെ പ്രഥമ കുടുംബസംഗമം ഫെബ്രുവരി നാലിന് ഗില്ലിങ്ങാമിൽ നടത്തുകയാണ്. കഴിഞ്ഞ വർഷം ഒക്ടോബറിൽ രൂപീകരിച്ചു ചുരുങ്ങിയ ഈ കാലയളവിൽ തന്നെ ലണ്ടന്റെ തെക്കും ഇംഗ്ലണ്ടിൻെറ തെക്കുകിഴക്ക് ഭാഗങ്ങളിൽ നിന്നുള്ള അംഗങ്ങൾക്കിടയിൽ ഒരു ആവേശമാകുകയും ദിനംതോറും കൂടുതൽ അംഗങ്ങളാൽ ശക്തിപ്രാപിച്ചു മുൻപോട്ടു പൊയ്ക്കൊണ്ടിരുന്ന ഈ യൂണിറ്റിന്റെ ആദ്യ തീരുമാനമായിരുന്നു ഈ കുടുംബസംഗമം.
മാതൃസംഘടനായ സേവനം യുകെയുടെ പൂർണ മാർഗ്ഗനിർദേശങ്ങളാൽ മുൻപോട്ടുപോകുന്ന സേവനം സൗത്തീസ്റ്റ് അതിലെ എല്ലാ കുടുംബങ്ങളെയും ഒരു കൂരയ്ക്കുള്ളിൽ കുറേസമയം എത്തിക്കുക വഴി എല്ലാവരും പരസ്പരം പരിചയപ്പെടുവാനും അതുവഴി കുടുംബങ്ങൾ തമ്മിൽ ദൃഢമായ ബന്ധം ഊട്ടി ഉറപ്പിക്കുവാനുമാണ് ഈ സംഗമം വഴി ലക്ഷ്യമിടുന്നത്. “സംഘടനകൊണ്ട് ശക്തരാകുക” എന്ന ഗുരുദേവ ആപ്തവാക്യത്താൽ പ്രചോദനം ഉൾക്കൊണ്ട് അത് പൂർണമായും പാലിച്ചു മുൻപോട്ടുപോകുവാൻ ഈ സംഗമം ഉപകരിക്കുമെന്ന് സംഘാടകർ വിശ്വസിക്കുന്നു.
ഫെബ്രുവരി നാലിന് രാവിലെ പതിനൊന്നു മുതലാണ് സംഗമം ആരംഭിക്കുന്നത്. കോട്ടയം ജില്ലയിലെ മീനച്ചിൽ എസ്എൻഡിപി യൂണിയനിൽപ്പെട്ട തെക്കുംമുറി ശാഖ (3385) സെക്രട്ടറിയായി സേവനമനുഷ്ഠിച്ചു വരുന്ന ബഹുമാനപ്പെട്ട ശ്രീമതി ഷൈല മോഹനന്റെ പ്രഭാഷണം, ശ്രീ സദാനന്ദൻ ദിവാകരൻ നയിക്കുന്ന ഭക്തി ഗാനസുധ, കുട്ടികളുടെ കലാപരിപാടികൾ എന്നിവ ഈ സംഗമത്തിന് മാറ്റുകൂട്ടും
ഗില്ലിങ്ങാമിലെ കസ്റ്റലേമിനിലെ സ്കൗട്സ് ഹാളിൽ വൈകുന്നേരം അഞ്ചുമണി വരെ നീണ്ടുനിൽക്കുന്ന സംഗമത്തിൽ ആദ്യാവസാനം സേവനം യുകെയുടെ ഡയറക്ടർബോർഡ് അംഗങ്ങൾ സന്നിഹിതരായിരിക്കും. പങ്കെടുക്കുന്ന അംഗങ്ങളുടെ വിവരങ്ങൾ ശേഖരിക്കുന്നതിനായി ഒരു ഗൂഗിൾ ലിങ്ക് പ്രവർത്തിച്ചുവരുന്നു അതിൽ എല്ലാ അംഗങ്ങളും വിവരങ്ങൾ നൽകണമെന്ന് ഭാരവാഹികൾ അറിയിച്ചു.
Venue :-
Gillingham Scouts Hall
Castlemine Avenue
Gillingham, ME7 2QL
ജെഗി ജോസഫ്
യുബിഎംഎയുടെ പത്താം വാര്‍ഷിക ആഘോഷം അവിസ്മരണീയമായി. വേദിയില്‍ ഗാനമേളയും നൃത്തവും ഒക്കെയായി ആഘോഷിച്ചപ്പോള്‍ അംഗങ്ങള്‍ക്ക് ഇത് അഭിമാനത്തിന്റെയും ആഘോഷത്തിന്റെയും ദിവസമായി മാറി. ചിട്ടയായ പ്രവര്‍ത്തനങ്ങളിലൂടെ പത്തുവര്‍ഷമായി യുബിഎംഎ പ്രവര്‍ത്തന മികവു കാണിക്കുമ്പോള്‍ ഈ നേട്ടത്തിന് ഓരോ അംഗങ്ങള്‍ക്കും അഭിമാനിക്കാവുന്നതാണ്. ആഘോഷങ്ങള്‍ മാത്രമല്ല ചാരിറ്റി ഉള്‍പ്പെടെ പ്രവര്‍ത്തനങ്ങളില്‍ സജീവമായി ഓരോ വര്‍ഷവും മികച്ച മുന്നേറ്റമാണ് യുബിഎംഎ നടത്തുന്നത്. ഈ വാര്‍ഷിക ദിനം ആഘോഷമാക്കിയിരിക്കുകയാണ് അംഗങ്ങള്‍.പത്താം വാര്‍ഷിക ആഘോഷം ചാരിറ്റി ഇവന്റു കൂടിയായി നടത്തുകയായിരുന്നു. വലിയ പങ്കാളിത്തമാണ് പരിപാടിയിലുണ്ടായത്.
യുബിഎംഎ ഡാന്‍സ് സ്കൂളിലെ കലാകാരികള്‍ അവതരിപ്പിച്ച വെല്‍ക്കം ഡാന്‍സ് വേദിയെ കീഴടക്കി. പിന്നീട് പത്താം വാര്‍ഷിക ഉത്ഘാടനം വേദിയില്‍ നടന്നു. യുബിഎംഎ പ്രസിഡന്റ് ജോണ്‍ ജോസഫ് ഏവരേയും ആഘോഷരാവിലേക്ക് സ്വാഗതം ചെയ്തു. ബ്രാഡ്‌ലി സ്റ്റോക്ക് കൗണ്‍സിലര്‍ ടോം ആദിത്യ, ബ്രിസ്ക പ്രസിഡന്റ് ജാക്‌സണ്‍ ജോസഫ് തുടങ്ങിയവര്‍ മുഖ്യ അതിഥികളായിരുന്നു.വിശിഷ്ടാതിഥികൾക്കൊപ്പം
യുബിഎംഎയുടെ മുൻകാല ഭാരവാഹികൾ നിലവിലെ കമ്മിറ്റി അംഗങ്ങൾ എന്നിവർ ചേർന്ന് നിലവിളക്ക് കൊളുത്തി ആഘോഷ രാവ് ഉത്ഘാടനം ചെയ്തു. പത്താം വാര്‍ഷിക ആഘോഷത്തിന്റെ ഭാഗമായ കേക്ക് മുറിക്കല്‍ യുബിഎംഎയിലെ മുതിര്‍ന്ന അംഗമായ മാത്യു ചിറയത്ത് നിര്‍വഹിച്ചു.ഉത്ഘാടന പ്രസംഗത്തില്‍ ശ്രീ ടോം ആദിത്യ യുബിഎംഎ ബ്രിസ്റ്റോൾ മലയാളി സമൂഹത്തിന് നൽകിയ മികച്ച സംഭാവനകളെ ഓര്‍മ്മിപ്പിച്ചു. തുടക്കം മുതലേ യുബിഎംഎയുടെ അസോസിയേഷന് പ്രവര്‍ത്തനങ്ങളുടെ ഭാഗമാകാന്‍ കഴിഞ്ഞതില്‍ അദ്ദേഹം സന്തോഷം പ്രകടിപ്പിച്ചു.യുബിഎംഎയില്‍ നിന്ന് ധാരാളം രാഷ്ട്രീയ നേതാക്കളുണ്ടാകട്ടെ, യുവജനങ്ങള്‍ ഉയര്‍ന്ന നിലയിലേക്ക് വരട്ടെയെന്ന് അദ്ദേഹം ആശംസിച്ചു. ബ്രിസ്ക പ്രസിഡണ്ട് ജാക്സൺ ജോസഫ് ആശംസകൾ നേർന്നു. UBMA ബ്രിസ്കയ്ക്ക് നൽകുന്ന സേവനങ്ങ ണെ അദ്ധേഹം അനുസ്മരിച്ചു.
പിന്നീട് ഒരുപിടി പരിപാടികളാണ് വേദിയില്‍ അരങ്ങേറിയത്.ബോളിവുഡ് ഡാന്‍സ്, ബ്രിസ്‌റ്റോള്‍ യുണി സ്റ്റുഡന്റ്‌സിന്റെ ഡാന്‍സ് എന്നിങ്ങനെ വേദിയില്‍ ആവേശം തീര്‍ക്കുന്ന പരിപാടികള്‍ അരങ്ങേറി.
അയര്‍ലന്‍ഡില്‍ നിന്നു എത്തിയ സോള്‍ ബീറ്റ്‌സ് ഒരുക്കിയ ഗാനമേള വലിയ ഓളമാണ് സൃഷ്ടിച്ചത്. പുതുവര്‍ഷം തുടങ്ങിയ ശേഷം നടന്ന ഈ ആഘോഷം ഈ വര്‍ഷം മുഴുവനുമായുള്ള ഊര്‍ജ്ജം നല്‍കുന്ന ഒന്നായി മാറി. അടിപൊളി പാട്ടുകളില്‍ കാണികള്‍ ആഘോഷത്തോടെ കൊണ്ടാടുകയായിരുന്നു.ജിജി ലൂക്കോസ് സൗണ്ട് ആന്‍ഡ് ലൈറ്റ് കൈകാര്യം ചെയ്തു. വേദി ഉണ്ണികൃഷ്ണന്‍ നായര്‍ ഒരുക്കി.ഫോട്ടോ അജി സാമുവലും, വീഡിയോ സബിനും കൈകാര്യം ചെയ്തു. വിഭവ സമൃദ്ധമായ ഡിന്നര്‍ ഒരുക്കി ജിജോ പാലാട്ടി യുബിഎംഎ പരിപാടിയുടെ ആഘോഷത്തിന്റെ ഭാഗമായി.യുകെയിലെ പ്രമുഖ മോര്‍ട്ട്‌ഗേജ് അഡ്‌ വൈസിംഗ്‌ സ്ഥാപനമായ ഇന്‍ഫിനിറ്റി മോര്‍ട്ട്‌ഗേജ് പരിപാടിയുടെ മുഖ്യ സ്‌പോണ്‍സറായിരുന്നു.
യുബിഎംഎ സെക്രട്ടറി ബീന മെജോ ഏവര്‍ക്കും നന്ദി പറഞ്ഞു. ശ്രീമതി ബിന്‍സി ജെയ്, , സോണിയ റെജി, ജിജി ജോണ്‍ എന്നിവർ പ്രോഗ്രാം കോഡിനേ റ്റേർസ് ആയിരുന്നു. പ്രസിഡന്റ് ജോണ്‍ ജോസഫ്, സെക്രട്ടറി ബീന മെജോ, ട്രഷറര്‍ ജെയ് ചെറിയാന്‍, വൈസ് പ്രസിഡന്റ് സെബിയാച്ചൻ പാലിമറ്റം , ജോയ്ന്റ് ട്രഷറര്‍ റെജി തോമസ് എക്സിക്യൂട്ടീവ് അംഗങ്ങളായ മാത്യു ചിറയത്ത് , മെജോ ചെന്നേലില്‍,ജോമോന്‍ മാമച്ചന്‍, ബിജു പപ്പാരിൽ , സോണി ജെയിംസ്, ഷിജു അകപ്പടി, ജോബിച്ചന്‍ ജോര്‍ജ് എന്നിവര്‍ പരിപാടിയുടെ മികച്ച വിജയത്തിനായി മുന്നില്‍ നിന്ന് പ്രവര്‍ത്തിച്ചു.
പ്രസാദ് ഒഴാക്കൽ
പുരോഗമന കലാ സാംസ്കാരിക സംഘടനയായ കൈരളി യുകെ യുടെ സൌതാംപ്ടൺ & പോർട്ട്സ്മൗത്ത് യൂണിറ്റ് രൂപീകരിച്ചിട്ടു ഒരു വർഷം തികയുകയാണ്. സംഘടനയുടെ ഒന്നാം വാർഷികം വിപുലമായ കലാസാംസ്കാരിക പരിപാടികളോടെ ആഘോഷിക്കുവാനുള്ള ഒരുക്കങ്ങൾ നടന്നുവരുന്നു . ജനുവരി 21 ശനിയാഴ്ച വൈകിട്ട് 5 മണിക്ക് ആഘോഷപരിപാടികൾ ആരംഭിക്കും. നിലവിൽ വന്നു ഒരു വർഷത്തിനകം വൈവിധ്യമാർന്നതും ജനോപകാരപ്രദമായതുമായ നിരവധി പ്രവർത്തനങ്ങൾ ആണ് കൈരളി യൂകെ സൌതാംപ്ടൺ & പോർട്ട്സ്മൗത്ത് യൂണിറ്റ് തലത്തിലും ദേശിയ തലത്തിലും കാഴ്ചവെക്കുന്നത്.
ആഘോഷപരിപാടികളുടെ ഭാഗമായി ഇത്തവണ ഹൃദ്യമായ സംഗീതനൃത്ത സന്ധ്യ ആണ് കൈരളി ഒരുക്കുന്നത്. യുകെ യുടെ വിവിധ ഭാഗങ്ങളിൽ നിന്ന് നാൽപ്പതിലധികം കലാപ്രതിഭകൾ വേദിയിൽ അണിനിരക്കും. ഈ സംഗീത നൃത്ത സന്ധ്യയിലേക്കു ഏവരെയും സ്വാഗതം ചെയ്യുന്നതായി സംഘാടകരായ കൈരളി യുകെ സൗത്താംപ്ടൺ പോര്ടസ്‌മൗത് യൂണിറ്റ് ഭാരവാഹികളും പ്രവർത്തകരും അറിയിച്ചു.
പരിപാടി നടക്കുന്ന ഹാളിൽ രുചികരമായ കേരളീയ വിഭവങ്ങളുടെ ഫുഡ്സ്റ്റാൾ ഉണ്ടായിരിക്കുമെന്ന് സംഘാടകർ അറിയിച്ചു
വേദി:NURSLING VILLAGE HALL, Southampton. SO16 0YL
സമയം: 5 pm – 10 pm, Saturday, 21st January 2023
ജോർജ്‌ മാത്യു
കണ്ണിനും കാതിനും വിസ്മയങ്ങൾ തീർത്ത കലാവിരുന്നുകളും ,മ്യൂസിക്കൽ നൈറ്റും ഉൾപ്പെടെ വൈവിധ്യമാർന്ന പരിപാടികളോടെ ഏർഡിങ്ങ്ടൺ മലയാളി അസോസിയേഷൻറെ ക്രിസ്മസ് പുതുവത്സര ആഘോഷം അവിസ്മരണീയമായി .കോവിഡ് മഹാമാരി തീർത്ത പ്രതിസന്ധിക്കുശേഷം നടന്ന ആഘോഷം നയനമനോഹരവും കലാസാംസ്കാരിക പരിപാടികൾ കൊണ്ടു സജീവവും ആയിരുന്നു .
നിസ്വാർത്ഥതയുടെ ആൾരൂപമായ ക്രിസ്തുവിന്റെ വിനയത്തെയും,ലാളിത്യത്തെയും പ്രഘോഷിക്കുന്ന ക്രിസ്മസിന്റെ പ്രധാന ആകർഷണമായ ക്രിസ്മസ് ഫാദർ സമ്മാനപൊതിയുമായി വേദിയിൽ എത്തിയപ്പോൾ കരഘോഷത്തോടെയാണ് സാന്റയെ എതിരേറ്റത്‌ . തുടർന്ന് നടന്ന പൊതുസമ്മേളനത്തിൽ ഇ എം എ പ്രസിഡന്റ് മോനി ഷിജോ അധ്യക്ഷത വഹിച്ചു .മുന്നോട്ടുള്ള പ്രയാണത്തിൽ എല്ലാവരുടെയും പിന്തുണയും , സഹകരണങ്ങളും മോനി ഷിജോ അഭ്യർത്ഥിച്ചു .യുക്മ മിഡ്ലാൻഡ്സ് റീജിയൻ പ്രസിഡന്റ് ജോർജ്‌ തോമസ് പൊതുയോഗം ഔപചാരികമായി ഉത്ഘാടനം ചെയ്തു .ഫാ ബിൻസു എബ്രഹാം,ബെന്നി ഓണശ്ശേരിയിൽ ,ബാബു തോട്ടം എന്നിവർ പ്രസംഗിച്ചു .സെക്രട്ടറി അനിത സേവ്യേർ പ്രവർത്തനറിപ്പോർട്ട് അവതരിപ്പിച്ചു .ഇ എം എ വൈസ് പ്രസിഡന്റ് ജോർജ്‌ മാത്യു സ്വാഗതവും ട്രെഷറർ ജെയ്സൺ തോമസ് സാമ്പത്തിക റിപ്പോർട്ട് അവതരിപ്പിക്കുകയും,യോഗത്തിന് നന്ദി രേഖപ്പെടുത്തുകയും ചെയ്തു .
യുക്മ കലാമേളയിൽ പങ്കെടുത്തവർക്കും ,വിവിധ കലാപരിപാടികൾക്ക് പരിശീലനം നല്കിയവർക്കും , പുൽക്കൂട് മൽസര വിജയികൾക്കും, കരോൾ ഗാന മൽസര വിജയികൾക്കും സമ്മാനങ്ങൾ വിതരണം ചെയ്തു . ഓസ്‌ട്രേലിയയിലേക്കു പോകുന്ന ശരത്തിനും കുടുംബത്തിനും ഉപഹാരം നൽകി ആദരിച്ചു .ഫോക്കസ് ഫിനിഷുർ നേതൃത്വം നൽകിയ കലാസന്ധ്യ വേറിട്ട ഒരു അനുഭവമായി മാറി സഹൃദയ ഹൃദയം കീഴടക്കി .
ജോയിന്റ് സെക്രെട്ടറി ഡിജോ ജോൺ,ജോയിന്റ് ട്രെഷർ ജെൻസ് ജോർജ്‌ ,കൾച്ചറൽ കോഓർഡിനേറ്റർ കാർത്തിക നിജു ,ഏരിയ കോഓർഡിനേറ്റർ മാരായ കുഞ്ഞുമോൻ ജോർജ്‌ ,മേരി ജോയി ,അശോകൻ മണ്ണിൽ എന്നിവർ ആഘോഷപരിപാടികൾക്ക് നേതൃത്വം നൽകി.
യുകെമലയാളികള്‍ക്കിടയിലെ ഏറ്റവും വലിയ അയ്യപ്പ പൂജകളില്‍ ഒന്നായ പ്രശസ്തമായ ഗ്രെയ്റ്റര്‍ മാഞ്ചസ്റ്റര്‍ മലയാളി ഹിന്ദു കമ്മ്യൂണിറ്റിയുടെ പ്രൗഢ ഗംഭീരമായ മകരവിളക്ക് അയ്യപ്പപൂജ മഹോത്സവം കോവിഡ് മഹാമാരിയുടെ ഇടവേളയ്ക്കു ശേഷം പൂര്‍വ്വാധികം ഭംഗിയായി ആഘോഷിച്ചു . 2023 ജനുവരി 7നു ശനിയാഴ്ച ഉച്ചക്ക് 2 മണി മുതല്‍ വൈകിട്ട് 9 മണി വരെ മാഞ്ചെസ്റ്റെർ ജെയിന്‍ കമ്മ്യൂണിറ്റി ഹാളില്‍ വെച്ച് ഭക്ത്യാദരപൂര്‍വ്വം കൊണ്ടാടിയ ഉത്സവത്തിൽ യുകെയുടെ വിവിധ ഭാഗങ്ങളില്‍ നിന്ന് ജാതി മത ഭേദമന്യേ നൂറുകണക്കിന് അയ്യപ്പ ഭക്തരാണ് ഒഴുകിയെത്തിയത്.
ശബരീശന്റെ തിടമ്പേറ്റിയ നെറ്റിപ്പട്ടം കെട്ടിയ മാഞ്ചസ്റ്റര്‍ മണികണ്ഠന്‍ എന്ന ഗജവീരന്റെയും യുകെയിലെ പ്രശസ്തമായ ചെണ്ടമേള കലാകാരന്‍മാരായ മാഞ്ചസ്റ്റര്‍ മേളത്തിന്റെ ചെമ്പടമേളത്തിന്റെയും മുത്തുക്കുടകളുടെയും താലപൊലിയേന്തിയ നൂറുകണക്കിന് തരൂണീമണികളുടെയും അകമ്പടിയോടെ നടന്ന എഴുന്നെള്ളിപ്പ് ഘോഷയാത്രയോടെ ഉത്സവം ആരംഭിച്ചു.
ശ്രീ അയ്യപ്പ ചൈതന്യം നിറമാടിയ ക്ഷേത്രാങ്കണത്തില്‍ സമാപിച്ച എഴുന്നെള്ളിപ്പിനു ശേഷം ക്ഷേത്രതന്ത്രി ശ്രീ പ്രസാദ് ഭട്ട് കൊടിയേറ്റ കര്‍മ്മം നിർവഹിച്ചതോടെ ചടങ്ങുകൾ ആരംഭിച്ചു.തുടര്‍ന്ന് ഭക്തജനങ്ങളെ ഭജനയിൽ ആറാടിച്ചു മാഞ്ചസ്റ്റര്‍ ഹിന്ദു സമാജം ഒരുക്കിയ ഭക്തി ഗാനസുധ നടക്കുകയുണ്ടായി. പ്രശസ്ത കീബോർഡ് ആർട്ടിസ്റ്റ് മുകേഷ് കണ്ണൻ, തബലിസ്റ് സന്ദീപ് പോപ്റ്റ്കർ എന്നിവർ നേതൃത്വം കൊടത്തു.
പിന്നീട് ശ്രീ പ്രസാദ് ഭട്ടിന്റെ നേതൃത്വത്തില്‍ നടന്ന ഗണപതി പൂജ, പൂങ്കാവന പൂജ, വിളക്ക് പൂജ , പതിനെട്ട് പടിപൂജ , അര്‍ച്ചന , ദീപാരാധന എന്നീ പൂജകൾ പങ്കെടുത്തവരെ ഭക്തിയുടെ മറ്റൊരു തലത്തിലേക്ക് എത്തിക്കുകയായിരുന്നു.
ഹരിവരാസനം പാടി അയ്യനെ ഉറക്കി സ്വാവാദിഷ്ടമായ പ്രസാദ ഭോജനവും നടത്തി നാട്ടിലെ ക്ഷേത്രോത്സവത്തിൽ പങ്കെടുത്ത അതെ സംതൃപ്തിയോടെ ഭഗവാന് നേദിച്ച അപ്പവും ആരവണയും മലർ പ്രസാദവുമായി ഭക്തജനങ്ങൾ സ്വഭവനങ്ങളിലേക്കു മടങ്ങി.
മഹോത്സവത്തിൽ പങ്കെടുത്ത് ഈ അയ്യപൂജ യുകെയിലെ ഹിന്ദു സമൂഹത്തിന് ഒരു ചരിത്ര മുഹൂർത്തമാക്കിയ എല്ലാ ഭക്തജനങ്ങളോടും ജി.എം.എം.എച്ച് സി യുടെ ഹൃദയം നിറഞ്ഞ നന്ദി പ്രസിഡന്റ് രജനി ജീമോൻ അറിയിച്ചു.
കേരളത്തില്‍ നിന്നും യുകെയിലേക്കു കുടിയേറിയ ഈസ്റ്റ് ലണ്ടന്‍ മലയാളി നിവാസികളായ നൂറിലധികം കുടുംബാംഗങ്ങളെ പങ്കെടുപ്പിച്ച് നയന മനോഹരവും , വർണശബളവുമായ കലാ സാംസ്കാരിക പരിപാടികൾ അവതിരിപ്പിച്ചു കൊണ്ടു എൽമ -ഈസ്റ്റ് ലണ്ടന്‍ മലയാളി അസോസിയേഷന്റെ പതിമൂന്നാമത് ക്രിസ്ത്മസ്‌ പുതുവത്സര ആഘോഷ പരിപാടികൾക്ക് കൊടിയിറങ്ങി.
മുതിർന്നവരുടെയും, കുട്ടികളുടേയും സിനിമാറ്റിക് ഡാൻസ്, കപ്പിൾ ഡാൻസ്, ഒപ്പന, മാർഗംകളി, ഫാഷൻഷോ, ഡി ജെ തുടങ്ങിയ നിരവധി കലാ പരിപാടികളോടൊപ്പം ക്രിസ്തുമസ് കരോളും, വിഭവ സമൃദ്ധമായ സായാഹ്‌ന വിരുന്നും കൊണ്ട് ആഘോഷപരിപാടികൾ വര്‍ണശബളമായി. മറ്റ് കമ്മറ്റി അംഗംങ്ങളുടെ സാന്നിധ്യത്തിൽ കൂടിയ പൊതുയോഗത്തിൽ അസോസിയേഷൻ വൈസ് പ്രസിഡന്റ് ധന്യാ കെവിൻ സ്വാഗതം ആശംസിക്കുകയും, തുടർന്ന് ഈ പരിപാടികൾ വിജയകരമാക്കി തീർക്കാൻ ഇതിന് പിന്നിൽ പ്രവർത്തിച്ച എല്ലാ അംഗങ്ങളേയും, വിവിധ കമ്മറ്റികളെയും കൂടാതെ പരിപാടിയിൽ പങ്കെടുത്ത എല്ലാ കുടുംബാഗംങ്ങളേയും അസോസിയേഷൻ പ്രസിഡൻറ് അഡ്വ. ലിജോ ഉമ്മൻ അനുമോദിക്കുകയും, എൽമ കമ്മൂണിറ്റിയുടെ പ്രവർത്തനലക്ഷ്യങ്ങളെ സൂചിപ്പിക്കുകയും സംഘടനയുടെ ഉന്നമനത്തിനുവേണ്ടി തുടർന്നുള്ള സഹകരണം അഭ്യർത്ഥിക്കുകയും ചെയ്തു. സെക്രട്ടറി ബാസ്റ്റിൻ മാളിയേക്കൽ ആശംസകൾ അറിയിക്കുകയും സംഘടനയുടെ പ്രവര്ത്തനതെപ്പറ്റിയും, ഭാവിപരിപാടികളെ കുറിച്ചും സൂചിപ്പിക്കുകയും ചെയ്തു.
എൽമയുടെ ചരിത്രവും പഴയകാല ഓർമകളും കോർത്തിണക്കി പുതുതായി വന്ന തലമുറക്ക് നയന വിസ്മയമായി ബിഗ് സ്ക്രീനിൽ അവതരിപ്പിക്കുകയും ചെയ്തു. കൂടാതെ എൽമയ്ക്ക് തീരാനഷ്ടമായ റോഷനു ആദരാഞ്ജലികൾ അർപ്പിച്ചു കൊണ്ട് കലാ പരുപാടികൾ തുടർന്നു. ട്രഷറർ ബിനു ലൂക്കിന്റെ നേതൃത്വത്തിൽ സ്പോൺസേഴ്‌സിനെ ആദരിക്കുകയും ജോയിൻറ് സെക്രട്ടറി ജെന്നിസ് രഞ്ജിത്ത് കുട്ടികളുടെ പരിപാടികൾ ഏകോപിപ്പിക്കുകയും ജോയിൻറ് ട്രഷറർ ഹരീഷ് ഗോപാൽ എല്ലാവർക്കുമുള്ള നന്ദിയും അറിയിച്ചു .
എല്‍മയുടെ ഈ ക്രിസ്മസ് പുതുവത്സര പരിപാടികള്‍ ഏകോപിപ്പിച്ചു വന്‍ വിജയമാക്കി തീര്‍ക്കാന്‍ നെടുംതൂണായി പ്രവർത്തിച്ച പ്രോഗ്രാം കോർഡിനേറ്റർ ശുഭ ജന്റിൽനെ പ്രത്യേകം അഭിനന്ദിക്കുകയും ചെയ്തു . ഇനിയും എൽമയുടെ മുന്നോട്ടുള്ള പ്രയാണത്തിന് എല്ലാവരുടെയും സഹായസഹകരണം ഉണ്ടാകണമെന്ന് ഈസ്റ്റ് ലണ്ടന്‍ മലയാളി അസോസിയേഷന് എക്സിക്യൂട്ടിവ് കമ്മിറ്റി അഭ്യര്‍ത്ഥിച്ചു.
വാർത്ത : ബെന്നി പാലാട്ടി
സ്റ്റോക്ക് ഓൺ ട്രെന്റ്: സ്റ്റോക്ക് ഓൺ ട്രെന്റ് മലയാളികൾ ഇന്നേ വരെ കാണാത്ത വിസ്മയ കാഴ്ചകളുടെ അകമ്പടിയോടെ എസ് എം എ യുടെ ക്രിസ്മസ് പുതവത്സര ആഘോഷമാണ് ശനിയാഴ്ച സ്റ്റോക്ക് ഓൺ ട്രെന്റിൽ നടന്നത്. സ്റ്റോക്ക് ഓൺ ട്രെന്റിലെ ആദ്യ സംഘടനയും, അംഗസംഖ്യയിൽ മുന്നിലുള്ളതും ആയ മലയാളി അസോസിയേഷനായ എസ് എം എ യുടെ ക്രിസ്മസ് പുതവത്സര ആഘോഷമാണ് ശനിയാഴ്ച ക്ലയിറ്റൺ സ്കൂൾ അക്കാദമി ഹാളിൽ വച്ച് നടത്തപ്പെട്ടത്.
സാധാരണ അസ്സോസിയേഷനുകളിൽ നടക്കാറുള്ള പതിവ് വൈകിപ്പിക്കൽ ഒന്നും ഇല്ലാതെപറഞ്ഞ സമയത്തോട് കൂറുപാലിച്ചു ഉച്ചതിരിഞ്ഞു മൂന്നരക്ക് തന്നെ പരിപാടികൾ ആരംഭിച്ചു.
കൊറോണയുടെ പിടിയിൽ നിന്നും മോചിതരായ ഒരു മലയാളി സമൂഹത്തിന്റെ സന്തോഷത്തോടെ ക്രിസ്മസ്മ പുതുവത്സര പരിപാടിയിലേക്ക് മടി കൂടാതെ കടന്നു വന്നു. കണ്ണിനും കാതിനും വിസ്മയങ്ങൾ തീർത്ത കലാവിരുന്നുകളും, മ്യൂസിക്കൽ നൈറ്റും ക്രിസ്തുമസ് പുതുവത്സരാഘോഷങ്ങൾ പ്രൗഢഗംഭീരമായി.
കൊറോണ മഹാമാരിക്ക് ശേഷം നടന്ന ആദ്യ ക്രിസ്തുമസ് പുതുവത്സരാഘോഷത്തിൽ നൂറുകണക്കിന് മലയാളി കുടുംബങ്ങൾ പങ്കെടുത്തു. എസ് എം എ യുടെ ഓണപരിപാടിയിൽ എഴുന്നൂറിൽ പരം ആൾക്കാർ എത്തിയപ്പോൾ 600 രിൽ പരം മലയാളികൾ ആണ് എസ് എം എ യുടെ ക്രിസ്മസ് പുതവത്സര പരിപാടിയിലേക്ക് ഒഴുകിയെത്തിയത്.
SMAയുടെ പുതുതായി ആരംഭിച്ച സിനിമാറ്റിക് ഡാൻസ് സ്കൂളിലെ കുട്ടികളും ക്ലാസിക് ഡാൻസ് സ്കൂളിലെ കുട്ടികളും മാറി മാറി അവതരിപ്പിച്ച കലാവിരുന്നുകൾ, കേരളത്തിൽ നിന്നും എത്തിയ കലാകാരന്മാർ പാട്ടിന്റെ പാലാഴി തീർത്തപ്പോൾ സ്റ്റോക്ക് ഓൺ ട്രെന്റ് മലയാളികൾ ചുവട് വെച്ചപ്പോൾ ന്യൂകാസ്റ്റിലെ ക്ലയിറ്റൺ ഹാൾ അക്ഷരാർത്ഥത്തിൽ ഒരു ഉത്സവ നഗരിയായി മാറി.
വിഭവസമൃദ്ധമായ ഭക്ഷണം കരുതിയ സമയത്തു തന്നെ വിളമ്പിയത് വന്നവർ അത്ഭുതത്തോടെ നീക്കിക്കണ്ടു. ഇത്രയധികം സമയ നിഷ്ട പാളിച്ച ഒരു മലയാളി പരിപാടികളും ഇന്നേവരെ സ്റ്റോക്ക് ഓൺ ട്രെന്റ് ദർശിച്ചിട്ടില്ല എന്നാണ് വന്നവർ സാക്ഷ്യം നൽകിയത്.
സിജിൻ ജോസ്, സെറീന സിറിൽ എന്നവർ ആരംഭിച്ച പ്രാർത്ഥനാഗാനത്തോടെ പൊതുസമ്മേളന പരിപാടികൾക്ക് തുടക്കം കുറിച്ചു. ഹോളിഡേയിൽ ആയിരുന്ന എസ് എം എ യുടെ പ്രസിഡന്റായ വിൻസെന്റ് കുര്യക്കോസിന്റെ അഭാവത്തിൽ വൈസ് പ്രസിഡൻറ് ശ്രീ ജിജോ ജോസഫ് ആഘോഷങ്ങളുടെ ഉദ്ഘാടനവും, ജനറൽ സെക്രട്ടറി ശ്രീ റോയ് ഫ്രാൻസിസ് സ്വാഗത പ്രസംഗവും , മുൻ യുക്മ പ്രസിഡൻറ് ശ്രീ വിജി കെ പി ക്രിസ്മസ് സന്ദേശവും നൽകി, പ്രോഗ്രാം കമ്മിറ്റി കൺവീനർ ശ്രീ ബെന്നി പാലാട്ടി എല്ലാവർക്കും നന്ദി അർപ്പിക്കുകയും ചെയ്തപ്പോൾ പ്രോഗ്രാം കൺവീനർമാരിൽ ഒരാളായ ബേസിൽ ജോസഫ് പരിപാടിയുടെ ക്രമാനുഗത പുരോഗതിക്കായി മുന്നിൽ നിന്ന് സഹായിച്ചു. നൂറ് കണക്കിന് സ്റ്റോക്ക് മലയാളികൾ ഒത്തുകൂടിയപ്പോൾ എസ് എം എ യുടെ പരിപാടികളുടെ ക്വാളിറ്റി വിളിച്ചറിയിക്കുന്നതായിരുന്നു.
അഞ്ച് മണിക്കൂർ നീണ്ടു നിന്ന കലാപരിപാടികൾ ഒൻപത് മണിയോടെ അവസാനിച്ചപ്പോൾ താമസിച്ചു വന്നവർ നിരാശരായി. പരിപാടി ഗംഭീരമെന്ന് പറഞ്ഞു മടങ്ങിയ മലയാളികൾ, സമയ ക്ലിപ്തത പാളിച്ച അസ്സോസിയേഷൻ, ക്ലാസിക് പരിപാടികൾ അവതരിച്ച എസ് എം എ യുടെ കുട്ടികൾ, സ്വാദിഷ്ടമായ ഭക്ഷണം… സ്റ്റോക്ക് ഓൺ ട്രെന്റിൽ എസ് എം എ ക്ക് പകരം നിലക്കാൻ ആരുമില്ല എന്ന് ഒരിക്കൽ കൂടി തെളിയിച്ചപ്പോൾ വീണ്ടും കാണാം എന്ന പ്രത്യാശയോടെ എല്ലാവരും ഭവനകളിലേക്ക് യാത്രയായി….
ജയൻ മലയിൽ
ബെൽഫാസ്റ്റ് മലയാളി അസോസിയേഷന്റെ നേതൃത്വത്തിൽ ക്രിസ്തുമസ് പുതുവത്സര ആഘോഷ പരിപാടികൾ ബെൽഫാസ്റ്റ് സ്പെക്ട്രം സെന്ററിൽ സംഘടിപ്പിച്ചു.സാന്റാ നൈറ്റ് വിത്ത് ബി.എം.എ എന്ന പേരിൽ നടന്ന ആഘോഷ പരിപാടികൾ ബെൽഫാസ്റ്റിലെ നവാഗതരായ മലയാളികളുടെ പങ്കാളിത്തം കൊണ്ടും കൊച്ചു കുട്ടികൾ അവതരിപ്പിച്ച വർണ്ണാഭമായ പരിപാടികൾ കൊണ്ടും ശ്രദ്ധേയമായി. സാംസ്കാരിക വൈവിധ്യത്തിന് പ്രാധാന്യം നൽകി സംഘടിപ്പിച്ച പരിപാടിയിൽ ബ്രെയിൻ കിങ്സ്റ്റൺ പരിപാടിയുടെ മുഖ്യാതിഥിയായിരുന്ന നോർത്ത് ബെൽഫാസ്റ്റ് എം.എൽ.എ ബെൽഫാസ്റ്റിന്റെ കൾച്ചറൽ ഡൈവേഴ്‌സിറ്റിയ്ക്ക് സ്ട്രാറ്റജി നേടിയെടുക്കുന്നതിൽ ബി.എം.എ പോലെയുള്ള എത്നിക്ക് മൈനോറിറ്റി സംഘടനകൾക്ക് വഹിക്കാനുള്ള പങ്ക് വളരെ പ്രധാനപെട്ടതാണെന്ന് ചൂണ്ടി കാണിച്ചു.
“കഠിനാധ്വാന സംസ്കാരം ഉള്ള മലയാളികൾ നോർത്തേൺ ഐർലണ്ടിന്റെ സമ്പദ് വ്യവസ്ഥയ്ക്ക് മലയാളികൾ നൽകുന്ന സംഭാവന മറ്റ് വിഭാഗങ്ങൾക്ക് മാതൃകയാണ്. നോർത്തേൺ ഐർലണ്ടിലെ ജനങ്ങൾക്ക് നല്ല നിലവാരമുള്ള ഹെൽത്ത്കെയർ സർവീസ് നൽകാൻ മലയാളികൾ വലിയ പങ്ക് വഹിക്കുന്നുണ്ട്. ഓണം പോലെയുള്ള മലയാളികളുടെ എത്നിക് മൈനോറിറ്റി ഉത്‌സവങ്ങൾ പ്രദേശത്തെ കൾച്ചറൽ ഡൈവേഴ്‌സിറ്റിയ്ക്ക് നൽകുന്ന സംഭാവന വളരെ വലുതാണ് എന്ന് അദ്ദേഹം കൂട്ടി ചേർത്തു”
ബി എം എ പ്രസിഡന്റ്റ് സന്തോഷ് ജോർജ്ജ് അദ്ധ്യക്ഷത വഹിച്ച പരിപാടിയിൽ ജനറൽ സെക്രട്ടറി ജയൻ മലയിൽ സ്വാഗതം ആശംസിച്ചു. ബ്രെയിൻ കിങ്സ്റ്റൻ എം.എൽ.എ ഉദ്ഘടാനം നിർവ്വഹിച്ചു. പ്രദേശത്തെ ലോക കേരള സഭാ അംഗം ജെ.പി.സുകുമാരൻ ആശംസ പ്രസംഗം നടത്തി. നോർത്തേൺ ഐർലണ്ടിലെ ഡിപ്പാർട്ടമെന്റ് ഓഫ് കമ്മ്യുണിറ്റി ലക്ഷ്യം വയ്ക്കുന്ന സംസ്കാരിക വൈവിധ്യ നയങ്ങൾക്ക് അനുസൃതമായി പ്രവർത്തിക്കാൻ ബെൽഫാസ്റ്റ് മലയാളി അസോസിയേഷന് കഴിയണം. കൂടാതെ കേരളത്തിലെ നോർക്കാ വിഭാഗത്തിന്റെ സഹായ സഹകരണങ്ങൾ ബി.എം.എയ്ക്ക് ഉറപ്പ് വരുത്തുമെന്നും ജെപി സുകുമാരൻ അറിയിച്ചു. വിശിഷ്ഠാതിഥികൾ ആയിരുന്ന ഗാഥാ അബദു-എംഡി കാരിക്ക് കെയർ ,ദിനു ഫിലിപ്പ് പിനാക്കിൾ ഇൻഷുറൻസ് & മോർട്ട്ഗേജ് എന്നിവരുടെ ആശംസാ പ്രസംഗങ്ങൾ നടത്തി, കെവിൻ കോശി തോമസ് പരിപാടി വൻ വിജയമാക്കാൻ സഹായിച്ച എല്ലാവരുടെയും പിന്തുണ ഭാവിയിലും ഉണ്ടാകണം എന്ന് തന്റെ നന്ദി പ്രസംഗത്തിൽ അഭ്യർത്ഥിച്ചു.
തുടർന്നു നടന്ന ബെൽഫാസ്റ്റ് മലയാളി അസോസിയേഷൻ കുടുംബാംഗങ്ങളുടെ കലാപരിപാടികൾ അരങ്ങേറി. അഹാന മജോ, ഇവാന ടോളി, ഐറീന ടോളീ, ഇവാന ടിജോ, ആവണി രാജീവ്, അഭി ജയരാജ്, റോസ് മരിയ ബെന്നി, മിന്നു ജോസ് എന്നിവരുടെ ഡാൻസും, ശരത് ബേബി, ലിൻ്റോ ആൻ്റണി എന്നിവരുടെ പാട്ടുകളും ചടങ്ങിന് മിഴിവേകി. മനീഷ ഫ്രാൻസീസ് and റോസ് മരിയ ബെന്നി എന്നിവർ സംസ്കാരിക പരിപാടിയുടെ അവതാരകർ ആയിരുന്നു. ബി.എം.എ അംഗത്വമുള്ള യുവ തലമുറയ്ക്ക് വേണ്ടി കല, കായികം എന്നിവ സമന്വയിപ്പിച്ചു കൊണ്ട് ഒരു പുതിയ ക്രിയേറ്റിവ് സ്പെക്ട്രത്തിന് രൂപം നൽകുമെന്നും,കേരളത്തിലെ ഭക്ഷണ സംസ്കാരത്തിന്റെ പ്രചാരണത്തിലൂടെ മലയാള നാടിന്റെ ഹെറിറ്റേജ് ചരിത്രം കൂടുതൽ ആസ്വാദകരമായി പഠിക്കാൻ ആഘോഷപരിപാടികൾ സംഘിടിപ്പിക്കുമെന്നും ബി.എം.എ ഭാരവാഹികൾ അറിയിച്ചു.
സോൾബീറ്റ്സ് അയർലൻഡ് അവതരിപ്പിച്ച ഗാനമേളയോടെയാണ് പരിപാടികൾ അവസാനിച്ചിച്ചത്.
BMA xmas ny cel.mp4
NBCH9517.JPG
ഉണ്ണികൃഷ്ണൻ ബാലൻ
ക്രിസ്തുമസ്സിൻ്റെ പരിശുദ്ധി നിറഞ്ഞ സംഗീതവും, പുതുവത്സരത്തിൻ്റെ പ്രസരിപ്പാർന്ന നൃത്തച്ചുവടുകളും ഒത്തുചേർന്ന ഒരു കലാ സംഗമത്തിന് നേർസാക്ഷികളാവുക കായിരുന്നു സാലിസ്ബറിയിലെ
ലാവാ സ്റ്റോക് ഹാളിൽ ഒത്തുചേർന്ന കലാസ്നേഹികൾ, സുഹൃത്തുക്കൾ, സഹോദരങ്ങൾ.
നൃത്ത സംഗീത വിസ്മയങ്ങളാൽ നിറവാർന്ന ആ കലാസന്ധ്യയിൽ ക്രിസ്തുമസ് പുതുവത്സരാഘോഷത്തിന് ഒത്തുചേർന്നവർക്കെല്ലാം ഈ കലാവിരുന്ന് അവിസ്മരണീയമായ ഒരനുഭവമായിത്തീരുകയായിരുന്നു.
ജനവരി 8 ന് സമീക്ഷ സാലിസ്ബറി ബ്രാഞ്ചിൻ്റെ സർഗ്ഗവേദി ഒരുക്കിയ ക്രിസ്തുമസ്സ് -പുതുവത്സരാഘോഷവും, കുടുംബസംഗമവും സംഘാടന മികവു കൊണ്ടും, കലാപ്രകടനങ്ങളുടെ നിലവാരം കൊണ്ടും ഏറെ പ്രശംസനീയമായിരുന്നു.
ജനുവരി 8 ന് 5 മണിക്ക് ലാവാ സ്റ്റോക് ഹാളിൽ സംഘടിപ്പിച്ച ആലോഷ പരിപാടിയുടെ ഉദ്ഘാടനച്ചടങ്ങിൽ
സമീക്ഷ സാലിസ്ബറി ബ്രാഞ്ച് സെക്രട്ടറി സ.ശ്യാം മോഹൻ സ്വാഗതമരുളി.സ. സിജിൻ ജോൺ അദ്ധ്യക്ഷത വഹിച്ച ചടങ്ങിൽ സമീക്ഷ യു.കെ ദേശീയ സമിതി അംഗം സ. ജിജു നായർ ആഘോഷ പരിപാടി ഉദ്ഘാടനം ചെയ്തു.
തുടർന്ന് വൈവിദ്ധ്യമാർന്ന കലാ-കായിക പ്രകടനങ്ങൾ കൊണ്ട് വേദിനിറയുകയായിരുന്നു. ക്രിസ്തുമസ്സിൻ്റെയും പുതുവത്സരത്തിൻ്റെയും സ്നേഹ സന്ദേശങ്ങൾ പങ്കുവെച്ച കുടുംബ സംഗമം അക്ഷരാർത്ഥത്തിൽ ഒരു സ്നേഹസംഗമമായിത്തീരുകയായിരുന്നു. സൗഹൃദത്തിൻ്റെ പുതിയ പച്ചപ്പുകൾ കണ്ടെത്താനും, സ്നേഹത്തിൻ്റെ പൊൻ നൂലുകൊണ്ട് ബന്ധങ്ങൾ കോർത്തെടുക്കാനും ഈ കുടുംബ സംഗമത്തിനു സാധ്യമായി.
കലാ-കായിക പ്രതിഭകൾക്കുള്ള സമ്മാനദാനം ദേശീയ സമിതി അംഗം സ.ജിജു നായരും, ബ്രാഞ്ച് പ്രസിഡൻ്റ് സ. സിജു ജോണും നിർവ്വഹിച്ചു. പ്രോഗ്രാം കൺവീനറായ സഖാവ് നിതിൻ ചാക്കോയുടെ നന്ദി പ്രകടനത്തോടെ കലാപരിപാടികൾക്ക് പര്യവസാനമായി.
പിന്നീട് നടന്ന വിഭവസമൃദ്ധമായ സദ്യ രുചി ഭേദങ്ങൾ കൊണ്ട് കൊതി നിറയ്ക്കുന്ന മറ്റൊരനുഭവ
മായിരുന്നു. ഈ അത്താഴ വിരുന്നോടെ ആഘോഷ പരിപാടികൾക്ക് സമാപനമായി.
തികച്ചും മാതൃകാപരമായ രീതിയിൽ കൃസ്തുമസ്-പുതു വത്സരാഘോഷം സംഘടിപ്പിച്ച് സമീക്ഷ സാലിസ്ബറി ബ്രാഞ്ചിലെ ഓരോ സഖാക്കളും, ആഘോഷ പരിപാടിലെത്തിച്ചേർന്ന ഓരോ വ്യക്തിയും അഭിനന്ദനമർഹിക്കുന്നു.
ശനിയാഴ്ച വൈകുന്നേരം ക്രിസ്മസ് സാന്താ പരേഡ് ഹാളിനെ വലം വച്ച് സ്റ്റേജിൽ സമാപിച്ചു. ഈശ്വര ഗാനാലാപനത്തെ തുടർന്ന് , ‘എയിൽസ്ബെറി മലയാളി സമാജത്തിന്റെ’ സെക്രട്ടറി, മാർട്ടിൻ സെബാസ്റ്റ്യൻ ന്യൂ ഇയർ തിരി തെളിച്ച് ആഘോഷ പരിപാടികൾ ഉദ്ഘാടനം ചെയ്തു. എ.എം.എസ് പ്രസിഡന്റ് കെൻ സോജൻ സ്വാഗതം ആശംസിച്ചു. ക്രിസ്മസ് കരോൾ വേളയിൽ ഭവനങ്ങളിൽ നിന്നും സമാഹരിച്ച തുക പൂർണമായും ‘ഫ്ലോറൻസ് നൈറ്റിംഗിൽ- ഹോസ്പിൽസ് സംഘടനയുടെ ചാരിറ്റി ഫണ്ട് റൈസർ സ്റ്റേജിൽ എത്തി ഏറ്റുവാങ്ങി.
20 വർഷങ്ങൾക്ക് മുമ്പ് ആദ്യ മലയാളികളായി എയിൽസ് ബറിയിൽ എത്തിയ സോജൻ ജോൺ, മാർട്ടിൻ സെബാസ്റ്റ്യൻ, നോബിൾ ജോൺ എന്നീ ഫാമിലികളെ സ്മരണിക നൽകി ആദരിച്ചു. നേറ്റിവിറ്റി ഷോ , മോഹിനിയാട്ടം, യുഗ്മ ഫൈനൽ വരെ എത്തി സമ്മാനം നേടിയ ഡാൻസുകളുടെ പ്രകടനം. സിനിമാറ്റിക് ഡാൻസ്. കാതിന് ഇമ്പം പകരുന്ന അതിമനോഹരമായ ഗാനങ്ങളുടെ നിരവധി അവതരണം ഒപ്പം അതിശയിപ്പിക്കുന്ന ഒരു കലാ പൂരം തന്നെ നടന്നു . യുഗ്മ നടത്തിയ വള്ളംകളിയിൽ വനിത വിഭാഗത്തിൽ സമ്മാനം നേടിയ ഷീന ആനിരാജ് ടീമിന് സമാനദാനം യുഗ്മ ഭാരവാഹി രാജേഷ് രാജ് നിർവഹിച്ചു. എ.എം.എസ് വൈസ് പ്രസിഡന്റ് ശ്രീമതി: ശ്രീജ ദിലീപ് ഏവർക്കും കൃതജ്ഞത രേഖപ്പെടുത്തി. വിഭവസമൃദ്ധമായ സദ്യയോടെ പരിപാടികൾക്ക് സമാപനം കുറിച്ചു.
