പുരുഷ വിഭാഗത്തിൽ മാഞ്ചസ്റ്ററിൻ്റെ റിജോ ജോസ് സുരേഷ് കുമാർ സഖ്യം കിരീടം ചൂടിയപ്പോൾ വനിതാ ഡബിൾസ് കിരീടം മാസ്സിൻ്റെ രോഷിനി റെജി, അനറ്റ് ടോജി കൂട്ടുകെട്ടിന്.

യൂണിവേഴ്സിറ്റി ഓഫ് സണ്ടർലാൻ്റിൻ്റെ സിറ്റി സ്പേസ് സ്പ്പോട്സ് ഹാളിൽ ഏപ്രിൽ 9 ശനിയാഴ്ച രാവിലെ പത്ത് മണിക്ക് അസ്സോസിയേഷൻ പ്രസിഡൻ്റ് റെജി തോമസ്സ് ബാറ്റ്മിൻ്റൺ ടൂർണ്ണമെൻ്റ് ഔദ്യോഗികമായി ഉദ്ഘാടനം ചെയ്തു. നോർത്ത് ഈസ്റ്റ് ഇംഗ്ലണ്ടിലെ ഏറ്റവും വലിയ മലയാളി അസോസിയേഷനായ മലയാളിഅസ്സോസിയേഷൻ സണ്ടർലാൻ്റ് ‘മാസ്സ് ‘ സംഘടിപ്പിച്ച ബാറ്റ്മിൻ്റൻ ടൂർണ്ണമെൻ്റിൽ സ്പോട്സ്കോർഡിനേറ്റർ ഷാജി ജോസ്, ട്രഷറർ അരുൺ ജോളി, എക്സിക്യൂട്ടീവ് മെമ്പർ ജോത്സന ജോയി, മാസ്സിൻ്റെഫൗണ്ടർ മെമ്പറെൻമാരായ സോജൻ സെബാസ്റ്റ്യൻ, ബെന്നി സെബാസ്റ്റ്യൻ, പ്രതീപ് തങ്കച്ചൻ, മാസ്സ് സ്പോട്സ്ഓർഗ്ഗനൈസർ ജെറോം ജോസ്, അനുപ്രസാദ്, ജയശ്രീ രാജു, സുബദ്രാ ശൂലപാണി (samadarsi.com) നിഷകോസ്, ജിമ്മി അഗസ്റ്റ്യൻ, ബിജു വർഗ്ഗീസ്, മാസ്സിൻ്റെ ബാറ്റ്മിൻ്റൻ ക്യാപ്റ്റൻ ബിജു ചന്ദ്ര ബോസ് തുടങ്ങിമാസ്സിൻ്റെ പ്രതിനിധികളും സന്നിഹിതരായിരുന്നു.

യുകെയുടെ നാനാഭാഗത്തു നിന്നായി ജൂണിയേഴ്സ് ബോയ്സ് വിഭാഗത്തിൽ ആറ് ടീമും ഗേൾസ് വിഭാഗത്തിൽനാല് ടീമും ,സീനിയേഴ്സിൽ അഞ്ച് ടീമും, അഡൽസ് വിഭാഗത്തിൽ ഇരുപത്തിയേഴ് ടീമുമുൾപ്പെടെ നാൽപ്പത്തിരണ്ട് ടീമാണ് ടൂർണ്ണമെൻ്റിൽ പങ്കെടുത്തത്. യുകെയിലെ തന്നെ ഏറ്റവും വലിയ ടൂർണ്ണമെൻറാണ് സണ്ടർലാൻ്റിൽ നടന്നത്.

നാല് ഗ്രൂപ്പായി തിരിച്ചു തുടങ്ങിയ മത്സരത്തിൽ തീപാറും ഷോട്ടുകളാണ് എല്ലാ ടീമും കാഴ്ച്ചവെച്ചത്.ആദ്യ റൗണ്ടിൽ ആറ് മത്സരങ്ങളാണ് ഓരോ ടീമും കളിച്ചത്.അതിൽ വിജയിച്ച ടീമാണ് അടുത്ത റൗണ്ടിലേയ്ക്ക്യോഗ്യത നേടിയത്.

വൈകുന്നേരം അഞ്ച് മണിയോടെ ഓരോ വിഭാഗത്തിൻ്റെയും ഫൈനൽ റൗണ്ടിൽ ടൂർണ്ണമെൻ്റെത്തി. അത്യധികം ആവേശകരമായി പുരുഷന്മാരുടെ ഡബിൾസ് മത്സരത്തോടെ ടൂർണ്ണമെൻ്റ് അവസാനിച്ചു.

തുടർന്ന് സമാപന സമ്മേളനം നടന്നു. മാസ്സ് പ്രസിഡൻ് റെജി തോമസിൻ്റെ അദ്ധ്യക്ഷതയിൽ ചേർന്ന പൊതുസമ്മേളനത്തിൽ യുകെയിൽ വായനക്കാരുടെ എണ്ണത്തിൽ മുൻ നിരയിലുള്ള മലയാളം യു കെ(www.malayalamuk.com) ന്യൂസിൻ്റെ ഡയറക്ടർ ഷിബു മാത്യൂ മുഖ്യാതിഥിയായിരുന്നു. യുക്മയോർക്ക്ഷയർ ആൻ്റ് ഹമ്പർ കോർഡിനേറ്ററും ജോയിൻ്റ് ട്രഷറുമായ ബാബു സെബാസ്റ്റ്യൻ, ബൈജുഫ്രാൻസീസ് ഡയറക്ടർ ഡിഗ്ന കെയർ, എൽദോ പോൾ ഔൾ ഫൈനാൻസ്, കമ്മറ്റിയംഗങ്ങളായ ഷാജിജോസ്, അരുൺ ജോളി, ജോസ്ന ജോയി, മുൻ പ്രസിഡൻ്റ് റെയ്മണ്ട് മുണ്ടക്കാട്ട്, ജിനു ജോർജ്ജ് (ICA), ടെറിലോംഗ്സ്റ്റാഫ്, എന്നിവർ സന്നിഹിതരായിരുന്നു. വിശിഷ്ടാതിഥികൾ ചേർന്ന് വിജയികൾക്ക് സമ്മാനദാനംനിർവ്വഹിച്ചു.

കോവിഡ് തകർത്ത മാനസികാവസ്ഥയെ മറികടന്ന് ഒരു പുത്തൻ ഊർജ്ജമായി പുതിയ തലമുറയെ ഉണർത്തുകഎന്ന ലക്ഷ്യമാണ് ഈ ടൂർണ്ണമെൻ്റു കൊണ്ടുദ്ദേശിക്കുന്നതെന്ന് മാസ്സിൻ്റെ പ്രസിഡൻ്റ് റെജി തോമസ്സ്തൻ്റെ അദ്ധ്യക്ഷപ്രസംഗത്തിൽ പറഞ്ഞു. മാസ്സിൻ്റെ സ്പോട്സ് ടീമിന് എല്ലാവിധ പിന്തുണയുംകൊടുക്കുന്നത് യൂണിവേഴ്സിറ്റി ഓഫ് സണ്ടർലാൻ്റിൻ്റെ കോച്ച് ടെറി ലോംഗ്സ്റ്റാഫാണ്. അദ്ദേഹമായിരുന്നുബാറ്റ്മിൻ്റൺ ടൂർണ്ണമെൻ്റിൻ്റെ ഹെഡ് റഫറിയും. പ്രാദേശീക സപ്പോർട്ടോടുകൂടിയാണ് മാസ്സ് ജൈത്രയാത്രതുടരുന്നത്.

ടൂർണ്ണമെൻ്റിൻ്റെ വിജയത്തിനായി അക്ഷീണം പരിശ്രമിച്ച കെവിൻ ബിക്കു കേംബ്രിഡ്ജ്, ജെറോം ജോസ്, അനുപ്രസാദ്, റോഷിണി റെജി എന്നിവരെ മൊമൻ്റൊ നൽകി ആദരിച്ചു.

പുരുഷ വിഭാഗത്തിൽ മാഞ്ചസ്റ്ററിൻ്റെ റിജോ ജോസ് സുരേഷ് കുമാർ സഖ്യം കിരീടം ചൂടിയപ്പോൾ വനിതാഡബിൾസ് കിരീടം മാസ്സിൻ്റെ രോഷിനി റെജി, അനറ്റ് ടോജി കൂട്ടുകെട്ടിന്.

മാഞ്ചെസ്റ്ററ്റൽ നിന്നുള്ള റിജോ ജോസ് സുരേഷ് കുമാർ സഖ്യം കിരീടം ചൂടി. പ്രസ്റ്റണിൽ നിന്നുള്ള സിബിൻഅമീൻ അമൽ പ്രസാദ് സഖ്യം റണ്ണേഴ്സ് അപ്പായി. ഫെബിൻ വിൻസൻ്റ്, എബി കുര്യൻ ടീമും റോബിൻ രാജ്, പ്രിൻസ് മാത്യൂ ടീമും മൂന്നും നാലും സ്ഥാനങ്ങൾ കരസ്ഥമാക്കി. സ്ത്രീകളുടെ വിഭാഗത്തിൽ റോഷിനി റെജി, അനറ്റ് ടോജി വിജയിച്ചപ്പോൾ രശ്മി രാഹുത്, നിഷ കോസ് റണ്ണേഴ് അപ്പായി. ലീമ ഷാജിയും ഗീതികയും, ജയശ്രീരാജുവും ഫിയോണ ഫെലിക്സും മൂന്നും നാലും സ്ഥാനം പങ്കിട്ടു.

ജൂനിയർ ഗേൾസ് വിഭാഗം സിഗിൾസിൽ എയ്ഞ്ചൽ ബെന്നി വിജയിച്ചപ്പോൾ അനന്യ ബെന്നി രണ്ടാം സ്ഥാനം കരസ്ഥമാക്കി. ഇസബെൽകോസ്, ഒലിവിയ പ്രദീപ് മൂന്നും നാലും സ്ഥാനം കരസ്ഥമാക്കി.

ജൂണിയർ ബോയ്സ് വിഭാഗത്തിൽ റിച്ചാർഡ് റെയ്മൺഡ്, ഗബ്രിയേൽ ബിജു രണ്ടാം സ്ഥാനം പങ്കിട്ടപ്പോൾ ബെഞ്ചമിൻ സിബി, ഡാനിയേൽ ബിജുഒന്നാമതെത്തി. ദേവികയും ദീപകും, റൂബൻ റെജിയും ആര്യൻ ചന്ദ്ര ബോസും മൂന്നും നാലും സ്ഥാനത്തെത്തി.

സീനിയർ ബോയ്സ് വിഭാഗത്തിൽ ഫ്ലമിൻ ബിനു, ആദി ചന്ദ്ര ബോസ് സഖ്യം വിജയിച്ചു. ബെസ്റ്റിൻ ബിജോ, സിറിൽ സോജോ റണ്ണേഴ്സ് അപ്പായി. നോയൽ, ടോം മൂന്നാം സ്ഥാനം കരസ്ഥമാക്കി.

കേരള തനിമയിൽ വിഭവസമൃദ്ധമായ ഭക്ഷണമൊരുക്കി ഷീബാ ബെന്നിയും, റോസമ്മ ഷാജിയും, സോണി റെജിയും ടൂർണ്ണമെൻ്റിൻ്റെ വിജയം ഉറപ്പാക്കി. വൈകിട്ട് ഏഴ് മണിയോടെ കാര്യപരിപാടികൾ അവസാനിച്ചു.

ടോം ജോസ് തടിയംപാട്

ഇടുക്കി ചാരിറ്റി ഗ്രൂപ്പ് യു കെ നടത്തിയ ഈസ്റ്റർ ചാരിറ്റിക്ക് വലിയ ജനപിന്തുണയാണ് ലഭിച്ചത് .
2615 പൗണ്ട് (ഏകദേശം 2,58,000 രൂപ ) യു കെ യിലെ നല്ലമനുഷ്യർ തന്നു സഹായിച്ചു . ഞങ്ങളുടെ ഈ എളിയ പ്രവർത്തനത്തെ മാനിച്ച എല്ലാവരോടും ഞങ്ങളുടെ നന്ദിയും കടപ്പാടും അറിയിക്കുന്നു .

ലഭിച്ച പണം അടുത്ത ദിവസം തന്നെ സാമൂഹികപ്രവർത്തകരുടെ സാന്നിധ്യത്തിൽ അനു ആൻ്റണിക്കു കൈമാറുമെന്ന് അറിയിക്കുന്നു.ബാങ്കിന്റെ സമ്മറി സ്റ്റേറ്റ്മെന്റ് ഇതോടൊപ്പം പ്രസിദ്ധീകരിക്കുന്നു
ക്യൻസർ ബാധിച്ചു ചികിൽസിക്കാൻ ബുദ്ധിമുട്ടുന്ന ബി എഡ് , വിദ്യർത്ഥി ഏലപ്പാറ സ്വദേശി അനു ആൻ്റണിക്കു വേണ്ടിയാണ് ഞങ്ങൾ ചാരിറ്റി കളക്ഷൻ നടത്തിയത് . പണം തന്നു സഹായിച്ച ആർക്കെങ്കിലും ബാങ്കിന്റെ ഫുൾ സ്റ്റേറ്റ്മെൻറ് ലഭിച്ചിട്ടില്ലെങ്കിൽ ഞങ്ങളുടെ താഴെ കാണുന്ന നമ്പറിൽ വിളിക്കുക . അനുവിന്റെ വേദന ഇടുക്കി ചാരിറ്റി ഗ്രൂപ്പ് യു കെ അറിയിച്ചത് യു കെ യിലെ ബ്രാഡ്‌ഫോർഡിൽ താമസിക്കുന്ന ഷിബു മാത്യുവും, ന്യൂ കാസിലിൽ താമസിക്കുന്ന ജിജു മാത്യുവുമാണ് ഇവരുടെ അഭ്യർത്ഥന മാനിച്ചു ഞങ്ങൾ കമ്മറ്റികൂടി ഈ കുടുംബത്തിനുവേണ്ടി ഈസ്റ്റർ ചാരിറ്റി നടത്താൻ തീരുമാനിക്കുകയായിരുന്നു.

ഞങ്ങളുടെ വർത്തകണ്ടു അനുവിന്റെ നാട്ടിലെ ബാങ്ക് അക്കൗണ്ടിലേക്കു ലഭിച്ചത് 12,500 രൂപയാണ് അതിന്റെ ബാങ്ക് സ്റ്റേറ്റ് മെന്റ് പ്രസിദ്ധീകരിക്കുന്നു. ഇടുക്കി ചാരിറ്റി ഗ്രൂപ്പ് യു കെ എന്നത് കേരളത്തിൽ നിന്നും യു കെയിൽ കുടിയേറിയ കഷ്ട്പാടും ബുദ്ധിമുട്ടും അറിഞ്ഞവരുടെ ഒരു കൂട്ടായ്‌മയാണ്‌. ഞങ്ങൾ ‍ ഇതുവരെ സുതാരൃവും സത്യസന്തവുമായി ജാതി ,മത ,വർഗ ,വർണ്ണ, സ്ഥല ,കാല ഭേതമെന്യയെ കേരളത്തിലും, യു കെ യിലും , നടത്തിയ ചാരിറ്റി പ്രവർത്തനത്തിലൂടെ ഇതുവരെ 10,800,000 (ഒരുകോടി എട്ടു ലക്ഷം ) രൂപയുടെ സഹായം അർഹിക്കുന്നവർക്കു നൽകുവാൻ കഴിഞ്ഞിട്ടുണ്ട് .

2004 ഉണ്ടായ സുനാമിക്ക് പണം പിരിച്ചു അന്നത്തെ മുഖ്യമന്തി ഉമ്മൻ ചാണ്ടിക്കു നൽകിക്കൊണ്ടാണ് ഞങ്ങൾ പ്രവർത്തനം ആരംഭിച്ചത്. ഞങ്ങളുടെ ഈ എളിയ പ്രവർത്തനത്തിനു മലയാളം യു കെ പത്രത്തിന്റെ അവാർഡ് ,ലിവർപൂൾ ക്നാനായ കമ്മ്യൂണിറ്റിയുടെ അംഗീകാരം ,പടമുഖം സ്നേഹമന്ദിരത്തിന്റെ അംഗീകാരം എന്നിവ ലഭിച്ചിട്ടുണ്ട് .

ഇടുക്കി ചാരിറ്റിക്കു നേതൃത്വ൦കൊടുക്കുന്നത് സാബു ഫിലിപ്പ് 07708181997 ടോം ജോസ് തടിയംപാട് 07859060320 സജി തോമസ്‌ 07803276626.. .എന്നിവരാണ്.

“ദാരിദ്രൃം എന്തെന്നറിഞ്ഞവർക്കെ പാരിൽ പരക്ലേശവിവേകമുള്ളു.””,

ലണ്ടൻ : വേൾഡ് മലയാളി കൗൺസിൽ യൂറോപ്പ് റീജിയൻ ഈസ്റ്റർ, വിഷു ആഘോഷവും, ഈ വർഷം ജൂൺ 23,24,25 തിയതികളിൽ ബഹറിനിൽ വച്ചു നടക്കുന്ന വേൾഡ് മലയാളി കൗൺസിലിൻ്റെ ഗ്ലോബൽ കോൺഫറൻസ് കിക്ക് ഓഫും ഏപ്രിൽ 23 -ന് ശനിയാഴ്ച ഇന്ത്യൻ സമയം വൈകുന്നേരം 8 മണിക്കു വൈവിദ്ധ്യമാർന്ന കലാപരിപാടികളോടെ സൂം പ്ലാറ്റുഫോമിൽ നടത്തപ്പെടുന്നു. ബഹുമാനപ്പെട്ട പ്രതിപക്ഷ നേതാവ് ശ്രീ വി ഡി സതീശൻ, ബഹുമാനപ്പെട്ട ജലസേചന മന്ത്രി ശ്രീ റോഷി അഗസ്റ്റിൻ മുഖ്യാതിഥികളായിട്ടുള്ള യോഗത്തിൽ ശ്രീ റോജി എം ജോൺ എം എൽ എ, ബ്രിട്ടനിലെ ബ്രിസ്റ്റോൾ മേയർ ശ്രീ ടോം ആദിത്യ തുടങ്ങിയ സമുന്നത നേതാക്കൾ പങ്കെടുക്കുന്നു.

ഈ ലോക മലയാളി കൂട്ടായ്‌മയ്ക്ക് യൂറോപ്പിൽ ജർമ്മനി, ഓസ്ട്രിയ, സ്വിസർലൻഡ്, യുകെ, ഇറ്റലി, അയർലണ്ട്, ഹങ്കറി തുടങ്ങിയ രാജ്യങ്ങളിൽ പ്രതിനിധികളും, പ്രൊവിൻസുകളും ഉണ്ട്. ഈ സൂം മീറ്റിംഗിൽ ലോകത്തിലെ വിവിധ ഭാഗങ്ങളിൽ നിന്നും കലാ, സാമൂഹിക, രാഷ്ട്രീയ, സംഘടന തലങ്ങളിൽ ഉള്ള വിശിഷ്ട വ്യക്തികൾ സംബന്ധിക്കുന്നതായിരിക്കും. ഈ കലാസാംസ്‌കാരിക വിരുന്ന് ആസ്വദിക്കാൻ നിങ്ങൾ ഏവരേയും ഹാർദ്ധവമായി സ്വാഗതം ചെയ്യുന്നു. സസ്നേഹം ശ്രീ ജോളി എം പടയാട്ടിൽ (യൂറോപ്പ് റീജിയൻ പ്രസിഡന്റ്‌ ), ശ്രീ ജോളി തടത്തിൽ (യൂറോപ്പ് റീജിയൻ ചെയർമാൻ ). അതോടൊപ്പം കൊച്ചിൻ ഗോൾഡൻ ഹിറ്റ്സിന്റെ മ്യൂസിക്കൽ ഷോ ഉണ്ടായിരിക്കുന്നതാണ്. കൂടുതൽ വിവരങ്ങൾക്കു യൂറോപ്പ് റീജിയൻ ജനറൽ സെക്രട്ടറി ശ്രീ ബാബു തോട്ടാപ്പിള്ളിയുമായി ബന്ധപ്പെടുക.

ഫോൺ:00447577834404.
[email protected]

Saturday 23 April 2022
Indian time 8 pm
Uk time 3.30 pm
Germany time 4.30 pm
Meeting ID:83665613178
Passcode :755632.

ആഷ്ഫോർഡ് :- കെന്റിലെ ഏറ്റവും വലിയ മലയാളി അസ്സോസിയേഷനായ ആഷ്ഫോർഡ് മലയാളി അസോസിയേഷൻറെ 17 – മത് വാർഷിക പൊതുയോഗം ആഷ്ഫോർഡ് സെൻറ് സൈമൺസ് ഹാളിൽ വച്ച് പ്രസിഡൻറ് സജി കുമാർ ഗോപാലന്റെ അധ്യക്ഷതയിൽ നടന്നു. ജോയിൻറ് സെക്രട്ടറി സുബിൻ തോമസ് യോഗത്തിന് സ്വാഗതം ആശംസിച്ചു. ശേഷം സെക്രട്ടറി ജോജി കോട്ടക്കൽ വാർഷിക റിപ്പോർട്ട് അവതരിപ്പിക്കുകയും ട്രഷറർ ജോസ് കാനുക്കാടൻ വാർഷിക കണക്ക് അവതരിപ്പിക്കുകയും ചെയ്തു.

തുടർന്ന് 2022 – 23 വർഷത്തെ ഭാരവാഹികളായി സൗമ്യ ജോണി (പ്രസിഡൻറ് ) ജോമോൻ ജോസഫ് (വൈസ് പ്രസിഡൻറ് ) ട്രീസാ സുബിൻ (സെക്രട്ടറി) റെജി ജോസ് (ജോയിൻറ് സെക്രട്ടറി) സോണി ജേക്കബ് (ഖജാൻജി ) ഇവർക്കൊപ്പം, സജികുമാർ ഗോപാലൻ, ജോജി കോട്ടക്കൽ, സന്തോഷ് കപ്പാനി, സനൽ ജോസഫ് , ഷിജോ ജെയിംസ്, സാം ചീരൻ, ജോൺസൺ മാത്യൂസ്, സോജാ മധുസൂദനൻ ,ലിൻസി അജിത്ത്, ആൽബിൻ എബ്രഹാം, പ്രമോദ് അഗസ്റ്റിൻ, തോമസ് ജോസ് എന്നിവരെ കമ്മിറ്റി മെമ്പേഴ്സായും ഐക്യകണ്ഠമായി തെരഞ്ഞെടുത്തു.

തുടർന്ന് നടന്ന അനുമോദന സമ്മേളനത്തിൽ പുതിയ ഉണർവ്വോടെ, കരുത്തോടെ, 18-ാം വയസ്സിലേക്ക് കാൽ വയ്ക്കുന്ന ഈ വേളയിൽ പുതിയ കർമ്മപരിപാടികൾ ആവിഷ്കരിക്കുന്നതിനും , നടപ്പാക്കുന്നതിനും എല്ലാ അംഗങ്ങളുടെയും പിന്തുണ പ്രസിഡന്റ് ശ്രീമതി സൗമ്യ ജോണി അഭ്യർത്ഥിച്ചു.

മുൻകാലങ്ങളിലെ എല്ലാ പരിപാടികൾക്കും സമയക്ലിപ്തത പാലിച്ചതുപോലെ ഈ വർഷവും എല്ലാവരും സമയക്ലിപ്തത പാലിക്കണമെന്ന് സെക്രട്ടറി ശ്രീമതി ട്രീസാ സുബിൻ എല്ലാ അംഗങ്ങളെയും ഒരിക്കൽക്കൂടി ഓർമ്മപ്പെടുത്തി. മുൻ പ്രസിഡൻറ് സജികുമാർ ഗോപാലൻ സദസ്സിനു നന്ദി പ്രകാശിപ്പിച്ചു കൊണ്ട് യോഗം അവസാനിച്ചു.

സ്വാദിഷ്ടമായ ഭക്ഷണം സംഘാടകർ ഒരുക്കിയിരുന്നു. പ്രസ്തുത പരിപാടി ആർ ആർ ഹോളിസ്റ്റിക് കെയറിനു വേണ്ടി രാകേഷ് ശങ്കരൻ സ്പോൺസർ ചെയ്തു .

മാത്യു പുളിക്കത്തൊട്ടിയിൽ

ജനിച്ചു വളർന്ന നാട്ടിലല്ലാതെ ഒരു പ്രവാസി നാട്ടിൽ ആയിരക്കണക്കിന് ആളുകളെ പങ്കെടുപ്പിച്ച് മഹാ വിസ്മയം തീർക്കുന്ന യു.കെ.കെ.സി.എ കൺവൻഷനുള്ള ചിട്ടയായ പ്രവർത്തനങ്ങൾക്ക് ചാരുതയേകി കൺവൻഷൻ്റെ ആപ്തവാക്യം തെരെഞ്ഞെടുത്തു.

“ഒരു മയിലുണർന്ന് ജ്വലിച്ച്
കാത്തിടാം തനിമ തൻ
ക്നാനായ പൈതൃകം”

കൺവൻഷൻ നടക്കുന്ന ചെൽറ്റ ഹാമിലെ ജോക്കി ക്ലബ്ബ് ക്നായിത്തൊമ്മൻ നഗർ ആയി മാറുമ്പോൾ എങ്ങും മുഖരിതമാവുന്ന ആപ്തവാക്യം നൽകിയത് യു.കെ.കെ.സി.എ യുടെ ബ്രിസ്റ്റോൾ യൂണിറ്റ് അംഗവും, ഉഴവൂർ സ്വദേശി അനിൽ മംഗലത്തിൻ്റെ ഭാര്യയുമായ പ്രിയ അനിൽ മംഗലത്താണ്.

എൻ്റെ സമുദായം, എൻ്റെ കൺവൻഷൻ്റെ സംഘടന എന്ന ചിന്തയുമായി 27 പേരാണ് ആവേശപൂർവ്വം, ആപ്ത വാക്യ രചനാ മത്സരത്തിൽ പങ്കെടുത്തത്. പങ്കെടുത്തവരിൽ ബഹുഭൂരിപക്ഷവും വനിതകളായിരുന്നു എന്ന് മാത്രമല്ല, രണ്ടാം സ്ഥാനത്തും, മൂന്നാം സ്ഥാനത്തും എത്തിയവരും വനിതകളായിരുന്നു എന്നതും പ്രത്യേകതയായി. കവൻട്രി ആൻഡ് വാർവിക്ഷയർ യൂണിറ്റിലെ സ്റ്റെലിമോൾ ഷിൻസൺ, ഇപ്സ്വിച്ച് യൂണിറ്റിലെ രശ്മി ജയിംസ് എന്നിവരുടെ ആപ്തവാക്യങ്ങൾ അവസാന റൗണ്ടു വരെ വിധികർത്താക്കളുടെ പരിഗണനയിലുണ്ടായിരുന്നു.
മത്സരത്തിൽ പങ്കെടുത്ത എല്ലാവർക്കും സെൻട്രൽ കമ്മറ്റിയംഗങ്ങളായ
ബിജി ജോർജ്ജ് മാം കൂട്ടത്തിൽ,
ലുബി മാത്യൂസ് വെള്ളാപ്പളളിൽ,
മാത്യു ജേക്കബ്ബ് പുളിക്കത്തൊട്ടിയിൽ,
സിബി തോമസ് കണ്ടത്തിൽ,
റ്റിജോ മറ്റത്തിൽ,
എബി ജോൺ കുടിലിൽ,
സാജു ലൂക്കോസ് പാണ പറമ്പിൽ,
സണ്ണി ജോസ്ഥ് രാഗമാളിക
എന്നിവർ കൃതഞ്ജത അറിയിച്ചു.

സ്‌പോട്‌സ് ഡെസ്‌ക്. മലയാളം യുകെ.

ചിത്രങ്ങള്‍. ജോമേഷ് അഗസ്റ്റ്യന്‍
നോര്‍ത്ത് ഈസ്റ്റ് ഇംഗ്ലണ്ടിലെ ഏറ്റവും വലിയ മലയാളി അസോസിയേഷനായ മലയാളി അസ്സോസിയേഷന്‍ സണ്ടര്‍ലാന്റ് ‘മാസ്സ് ‘ സംഘടിപ്പിച്ച ബാറ്റ്മിന്റന്‍ ടൂര്‍ണ്ണമെന്റില്‍ മാഞ്ചെസ്റ്ററ്റല്‍ നിന്നുള്ള റിജോ ജോസ് സുരേഷ് കുമാര്‍ സഖ്യം കിരീടം ചൂടി. പ്രസ്റ്റണില്‍ നിന്നുള്ള സിബിന്‍ അമീന്‍ അമല്‍ പ്രസാദ് സഖ്യം റണ്ണേഴ്‌സ് അപ്പായി. ഫെബിന്‍ വിന്‍സന്റ്, എബി കുര്യന്‍ ടീമും റോബിന്‍ രാജ്, പ്രിന്‍സ് മാത്യൂ ടീമും മൂന്നും നാലും സ്ഥാനങ്ങള്‍ കരസ്ഥമാക്കി. സ്ത്രീകളുടെ വിഭാഗത്തില്‍ റോഷിനി റെജി, അനറ്റ് ടോജി വിജയിച്ചപ്പോള്‍ രശ്മി രാഹുത്, നിഷ കോസ് റണ്ണേഴ് അപ്പായി. ലീമ ഷാജിയും ഗീതികയും, ജയശ്രീ രാജുവും ഫിയോണ ഫെലിക്‌സും മൂന്നും നാലും സ്ഥാനം പങ്കിട്ടു.

ജൂനിയര്‍ ഗേള്‍സ് വിഭാഗം
സിഗിള്‍സില്‍ എയ്ഞ്ചല്‍ ബെന്നി വിജയിച്ചപ്പോള്‍ അനന്യ ബെന്നി രണ്ടാം സ്ഥാനം കരസ്ഥമാക്കി. ഇസബെല്‍ കോസ്, ഒലിവിയ പ്രദീപ് മൂന്നും നാലും സ്ഥാനം കരസ്ഥമാക്കി.

ജൂണിയര്‍ ബോയ്‌സ് വിഭാഗത്തില്‍
റിച്ചാര്‍ഡ് റെയ്മണ്‍ഡ്, ഗബ്രിയേല്‍ ബിജു രണ്ടാം സ്ഥാനം പങ്കിട്ടപ്പോള്‍ ബെഞ്ചമിന്‍ സിബി, ഡാനിയേല്‍ ബിജു ഒന്നാമതെത്തി. ദേവികയും ദീപകും, റൂബന്‍ റെജിയും ആര്യന്‍ ചന്ദ്ര ബോസും മൂന്നും നാലും സ്ഥാനത്തെത്തി.

സീനിയര്‍ ബോയ്‌സ് വിഭാഗത്തില്‍ ഫ്‌ലമിന്‍ ബിനു, ആദി ചന്ദ്ര ബോസ് സഖ്യം വിജയിച്ചു. ബെസ്റ്റിന്‍ ബിജോ, സിറില്‍ സോജോ റണ്ണേഴ്‌സ് അപ്പായി. നോയല്‍, ടോം മൂന്നാം സ്ഥാനം കരസ്ഥമാക്കി.

ടൂര്‍ണ്ണമെന്റിന്റെ ഓവറോള്‍ ചാമ്പ്യന്‍ഷിപ്പ് മലയാളി അസ്സോസിയേഷന്‍ സണ്ടര്‍ലാന്റ് കരസ്ഥമാക്കി.

യൂണിവേഴ്‌സിറ്റി ഓഫ് സണ്ടര്‍ലാന്റിന്റെ സിറ്റി സ്‌പേസ് സ്‌പ്പോട്‌സ് ഹാളില്‍ ശനിയാഴ്ച്ച രാവിലെ പത്ത് മണിക്ക് അസ്സോസിയേഷന്‍ പ്രസിഡന്റ് റെജി തോമസ്സ് ബാറ്റ്മിന്റണ്‍ ടൂര്‍ണ്ണമെന്റ് ഔദ്യോഗികമായി ഉദ്ഘാടനം ചെയ്തു. സ്‌പോട്‌സ് കോര്‍ഡിനേറ്റര്‍ ഷാജി ജോസ്, ട്രഷറര്‍ അരുണ്‍ ജോളി, എക്‌സിക്യൂട്ടീവ് മെമ്പര്‍ ജോത്സന ജോയി, മാസ്സിന്റെ ഫൗണ്ടര്‍ മെമ്പറെന്‍മാരായ സോജന്‍ സെബാസ്റ്റ്യന്‍, ബെന്നി സെബാസ്റ്റ്യന്‍, പ്രതീപ് തങ്കച്ചന്‍, മാസ്സ് സ്‌പോട്‌സ് ഓര്‍ഗ്ഗനൈസര്‍ ജെറോം ജോസ്, അനുപ്രസാദ്, ജയശ്രീ രാജു, സുബദ്രാ ശൂലപാണി (samadarsi.com) നിഷ കോസ്, ജിമ്മി അഗസ്റ്റ്യന്‍, ബിജു വര്‍ഗ്ഗീസ്, മാസ്സിന്റെ ബാറ്റ്മിന്റന്‍ ക്യാപ്റ്റന്‍ ബിജു ചന്ദ്ര ബോസ് തുടങ്ങി മാസ്സിന്റെ പ്രതിനിധികളും സന്നിഹിതരായിരുന്നു.

യുകെയുടെ നാനാഭാഗത്തു നിന്നായി ജൂണിയേഴ്‌സ് ബോയ്‌സ് വിഭാഗത്തില്‍ ആറ് ടീമും ഗേള്‍സ് വിഭാഗത്തില്‍ നാല് ടീമും സീനിയേഴ്‌സില്‍ അഞ്ച് ടീമും, അഡല്‍സ് വിഭാഗത്തില്‍ ഇരുപത്തിയേഴ് ടീമുമുള്‍പ്പെടെ നാല്‍പ്പത്തിരണ്ട് ടീമാണ് ടൂര്‍ണ്ണമെന്റില്‍ പങ്കെടുത്തത്. യുകെയിലെ തന്നെ ഏറ്റവും വലിയ ടൂര്‍ണ്ണമെന്റാണ് സണ്ടര്‍ലാന്റില്‍ ഇന്നലെ നടന്നത്.
നാല് ഗ്രൂപ്പായി തിരിച്ചു തുടങ്ങിയ മത്സരത്തില്‍ തീപാറും ഷോട്ടുകളാണ് എല്ലാ ടീമും കാഴ്ച്ചവെച്ചത്. അദ്യ റൗണ്ടില്‍ ആറ് മത്സരങ്ങളാണ് ഓരോ ടീമും കളിക്കുന്നത്. അതില്‍ വിജയിക്കുന്ന ടീമാണ് അടുത്ത റൗണ്ടിലേയ്ക്ക് യോഗ്യത നേടുന്നത്.
വൈകുന്നേരം അഞ്ച് മണിയോടെ ഓരോ വിഭാഗത്തിന്റെയും ഫൈനല്‍ റൗണ്ടില്‍ ടൂര്‍ണ്ണമെന്റെത്തി. അത്യധികം ആവേശകരമായി പുരുഷന്മാരുടെ ഡബിള്‍സ് മത്സരത്തോടെ ടൂര്‍ണ്ണമെന്റ് അവസാനിച്ചു.

തുടര്‍ന്ന് സമാപന സമ്മേളനം നടന്നു. മാസ്സ് പ്രസിഡന്‍് റെജി തോമസിന്റെ അദ്ധ്യക്ഷതയില്‍ ചേര്‍ന്ന പൊതു സമ്മേളനത്തില്‍ യുകെയില്‍ വായനക്കാരുടെ എണ്ണത്തില്‍ മുന്‍ നിരയിലുള്ള മലയാളം യു കെ (www.malayalamuk.com) ന്യൂസിന്റെ ഡയറക്ടര്‍ ഷിബു മാത്യൂ മുഖ്യാതിഥിയായിരുന്നു. യുക്മ യോര്‍ക്ക്ഷയര്‍ ആന്റ് ഹമ്പര്‍ കോര്‍ഡിനേറ്ററും ജോയിന്റ് ട്രഷറുമായ ബാബു സെബാസ്റ്റ്യന്‍, ബൈജു ഫ്രാന്‍സീസ് ഡയറക്ടര്‍ ഡിഗ്‌ന കെയര്‍, എല്‍ദോ പോള്‍ ഔവല്‍ ഫൈനാന്‍സ്, കമ്മറ്റിയംഗങ്ങളായ ഷാജി ജോസ്, അരുണ്‍ ജോളി, ജോസ്‌ന ജോയി, മുന്‍ പ്രസിഡന്റ് റെയ്മണ്ട് മുണ്ടക്കാട്ട്, ജിനു ജോര്‍ജ്ജ് (ICA), ടെറി ലോംഗ്സ്റ്റാഫ്, എന്നിവര്‍ സന്നിഹിതരായിരുന്നു. വിശിഷ്ടാതിഥികള്‍ ചേര്‍ന്ന് വിജയികള്‍ക്ക് സമ്മാനദാനം നിര്‍വ്വഹിച്ചു.
കോവിഡ് തകര്‍ത്ത മാനസികാവസ്ഥയെ മറികടന്ന് ഒരു പുത്തന്‍ ഊര്‍ജ്ജമായി പുതിയ തലമുറയെ ഉണര്‍ത്തുക എന്ന ലക്ഷ്യമാണ് ഈ ടൂര്‍ണ്ണമെന്റു കൊണ്ടുദ്ദേശിക്കുന്നതെന്ന് മാസ്സിന്റെ പ്രസിഡന്റ് റെജി തോമസ്സ് തന്റെ അദ്ധ്യക്ഷപ്രസംഗത്തില്‍ പറഞ്ഞു. മാസ്സിന്റെ സ്‌പോട്‌സ് ടീമിന് എല്ലാവിധ പിന്തുണയും കൊടുക്കുന്നത് യൂണിവേഴ്‌സിറ്റി ഓഫ് സണ്ടര്‍ലാന്റിന്റെ കോച്ച് ടെറി ലോംഗ്സ്റ്റാഫാണ്. അദ്ദേഹമായിരുന്നു ബാറ്റ്മിന്റണ്‍ ടൂര്‍ണ്ണമെന്റിന്റെ ഹെഡ് റഫറിയും. പ്രാദേശീക സപ്പോര്‍ട്ടോടുകൂടിയാണ് മാസ്സ് ജൈത്രയാത്ര തുടരുന്നത്.
ടൂര്‍ണ്ണമെന്റിന്റെ വിജയത്തിനായി അക്ഷീണം പരിശ്രമിച്ച കെവിന്‍ ബിക്കു കേംബ്രിഡ്ജ്, ജെറോം ജോസ്, അനുപ്രസാദ്, റോഷിനി റെജി എന്നിവരെ മൊമന്റൊ നല്‍കി ആദരിച്ചു.

കേരള തനിമയില്‍ വിഭവസമൃദ്ധമായ ഭക്ഷണമൊരുക്കി ഷീബാ ബെന്നിയും, റോസമ്മ ഷാജിയും, സോണി റെജിയും ടൂര്‍ണ്ണമെന്റിന്റെ വിജയം ഉറപ്പാക്കി.
വൈകിട്ട് ഏഴ് മണിയോടെ കാര്യപരിപാടികള്‍ അവസാനിച്ചു.

ടോം ജോസ് തടിയംപാട്

ഇടുക്കി ചാരിറ്റി ഗ്രൂപ്പ് നടത്തുന്ന ഈസ്റ്റർ ചാരിറ്റിക്ക് ഓശാന ഞായർ കഴിഞ്ഞപ്പോൾ ലഭിച്ചത് 2305 പൗണ്ട് . ബാങ്കിന്റെ സമ്മറി സ്റ്റേറ്റ് മെന്റ് ഇതോടൊപ്പം പ്രസിദ്ധീകരിക്കുന്നു. ചാരിറ്റി ഏപ്രിൽ 17 ന് അവസാനിക്കും തൊട്ടടുത്ത ദിവസം ലഭിച്ച തുക അനു ആൻ്റണിക്കു കൈമാറുമെന്ന് അറിയിക്കുന്നു .

ക്യൻസർ ബാധിച്ചു ചികിൽസിക്കാൻ ബുദ്ധിമുട്ടുന്ന ബി, എഡ് , വിദ്യർത്ഥി ഏലപ്പാറ സ്വദേശി അനു ആൻ്റണിക്കു വേണ്ടിയാണ് ഞങ്ങൾ ചാരിറ്റി കളക്ഷൻ നടത്തുന്നത്. കൂലിപ്പണികൊണ്ടു ജീവിച്ചിരുന്ന അനുവിന്റെ കുടുംബത്തിനു ചികിത്സ ചിലവ് താങ്ങാൻ കഴിയാത്തതു കൊണ്ടാണ് ഞങ്ങൾ നിങ്ങളെ സമീപിക്കുന്നത്

നാമെല്ലാം ഈസ്റ്റർ ആഘോഷിക്കുന്ന ഈ സമയത്തു അനുവിന്റെ കുടുംബത്തിന് ഒരു കൈത്താങ്ങാകാൻ നമുക്ക് ഒരുമിക്കാം നിങ്ങളുടെ സഹായങ്ങൾ താഴെ കാണുന്ന ഞങ്ങളുടെ അക്കൗണ്ടിൽ നിക്ഷേപിക്കുക .
.
അനുവിന്റെ വേദന ഇടുക്കി ചാരിറ്റി ഗ്രൂപ്പ് യു കെ അറിയിച്ചത് യു കെ യിലെ ബ്രാഡ്‌ഫോർഡിൽ താമസിക്കുന്ന ഷിബു മാത്യുവും, ന്യൂ കാസിലിൽ താമസിക്കുന്ന ജിജു മാത്യുവുമാണ് ഇവരുടെ അഭ്യർത്ഥന മാനിച്ചു ഞങ്ങൾ കമ്മറ്റികൂടി ഈ കുടുംബത്തിനുവേണ്ടി ഈസ്റ്റർ ചാരിറ്റി നടത്താൻ തീരുമാനിക്കുകയായിരുന്നു ..

ദാരിദ്രൃം എന്തെന്നറിഞ്ഞവർക്കെ പാരിൽ പരക്ലേശവിവേകമുള്ളു.””,
ACCOUNT NAME , IDUKKI GROUP
ACCOUNT NO 50869805
SORT CODE 20-50.-82
BANK BARCLAYS.
ഇടുക്കി ചാരിറ്റി വേണ്ടി സാബു ഫിലിപ്പ് 07708181997 ടോം ജോസ് തടിയംപാട് 07859060320 സജി തോമസ്‌ 07803276626..

അനു ആൻ്റണിയെ നേരിട്ട് സഹായിക്കാൻ ആഗ്രഹിക്കുന്നവർ അവരുടെ നാട്ടിലെ അക്കൗണ്ടിൽ പണം നൽകുക .

Anu Antony
Kuttikattu (H)
Chinnar p.o 4th mile Elappara, Idukki ,kerala
Pin number: 685501

Account Number: 67228266273
IFSC : SBIN0070104
(SBI Branch Elappara)

പിതാവ് ആൻ്റണി യുടെ ഫോൺ നമ്പർ ഇവിടെ .0091 9656241951

കോവിഡ്‌ മൂലം പ്രതിസന്ധിയിലായിരുന്ന റെഡ്ഡിച്ച് മലയാളികളില്‍ ആവേശത്തിന്റെ പുത്തനുര്‍വ്വ് സമ്മാനിച്ചുകൊണ്ട്‌ റെഡ്ഡിച്ച് മലയാളികളുടെ ഐകൃത്തിന്റെ പ്രതീകമായ കെസിഎ റെഡ്ഡിച്ച് അസോസിയേഷനെ അടുത്ത വര്‍ഷത്തേയ്ക്ക്‌ നയിക്കുവാന്‍ പൂതുനേതൃത്വം. പ്രസിഡന്റ്‌ ബിനു ജേക്കബ് നേതൃത്വത്തിന്‌ കീഴില്‍ പ്രവര്‍ത്തനമാരംഭിച്ചു.

ബിനു ജേക്കബ് പ്രസിഡന്റായും അഭിലാഷ് സേവിയർ സെക്രട്ടറിയായും ജസ്റ്റിൻ മാത്യു ട്രഷററായും നേതൃത്വം കൊടുത്തുകൊണ്ട്‌ നിലവില്‍ വന്ന ട്രസ്റ്റീസ്‌ ബോര്‍ഡില്‍ വൈസ്‌പ്രസിഡന്റായി പോൾ ജോസഫ് ജോയിന്റ്‌ സെക്രട്ടറിയായി ജോർജ് ദേവസ്സി എന്നിവരും തെരഞ്ഞെടുക്കപ്പെട്ടു,

പൊതുയോഗം തെരഞ്ഞെടുത്ത മറ്റ് കമ്മിറ്റി അംഗങ്ങൾ

സ്പോർട്സ് കോ-ഓർഡിനേറ്റർമാരായ – ജസ്റ്റിൻ ജോസഫ് ബിബിൻ ദാസ്

ആർട്സ് കോർഡിനേറ്റർ – സാബു ഫിലിപ്പ് മാത്യു വർഗീസ്

കൗൺസിൽ റെപ്രെസന്റീവ്സ് – ലിസോമോൻ മപ്രനാഥ് ജിബു ജേക്കബ്

യുക്മ നാഷണൽ റെപ്രെസന്റീവ്സ് – പോൾ ജോസഫ് ബെന്നി വർഗീസ് പീറ്റർ ജോസഫ്

എക്സിക്യൂട്ടീവ് കമ്മിറ്റി അംഗങ്ങൾ – പോൾസൺ ജോൺ പീറ്റർ ജോസഫ് സ്റ്റാൻലി വർഗീസ് രാജപ്പൻ വർഗീസ് രഞ്ജി വർഗീസ്

പി.ആർ.ഒ. ലിസോമൻ മാപ്രനാഥ്

ഇന്റേണൽ ഓഡിറ്റർ അനിൽ ജോർജ്ജ്

കഴിഞ്ഞ രണ്ടു വര്‍ഷക്കാലമായി ലോകമെമ്പാടുമുള്ള ജനങ്ങളുടെ ജീവിതത്തെ തന്നെ മാറ്റിമറിച്ച ഒരു മഹാമാരി കാലഘട്ടത്തിനു ശേഷം വരുന്ന ഒരു പുതിയ നേതൃത്വം എന്ന നിലക്ക്‌ ഈ ഒരു വർഷം
റെഡ്ഡിച്ച് മലയാളികളുടെ മനസ്സിനുണര്‍വ്വു ലഭിക്കുന്ന പുതിയ ആശയങ്ങളും പ്രവര്‍ത്തനങ്ങളും തങ്ങളുടെ ഭാഗത്തുനിന്നുണ്ടാകുമെന്നു കമ്മിറ്റി ഭാരവാഹികള്‍ അറിയിച്ചു.

മാത്യു പുളിക്കത്തൊട്ടിയിൽ

യുകെയിൽ അങ്ങോളമിങ്ങോളമുള്ള തെക്കുംഭാഗർക്ക് തങ്ങളുടെ യു.കെ.കെ.സി.എ ദേശീയ കൺവെൻഷനായി വർഷത്തിൽ ഒരു ദിവസം മാറ്റി വയ്ക്കാതിരിക്കാൻ പറ്റാത്ത ഒരു അവസ്ഥ തന്നെയാണ്.
കാരണം ഈ ക്നാനായ സമുദായ സമൂഹ മഹാ സമ്മേളന ദിവസം തങ്ങളുടെ ഉറ്റവരും ഉടയവരും സഹപാഠികളുമൊക്കെയായ രക്ത ബന്ധുക്കളെ ഒരുമിച്ചു കാണാനും തങ്ങളിൽ തങ്ങളിൽ അൻപോടെ തഴുകി ആ ബന്ധുത്വത്തിൻറെ ഊഷ്മളത ആവോളം ആസ്വദിച്ച് ആനന്ദിക്കാൻ ലഭിക്കുന്ന അസുലഭ സന്ദർഭവുമാണത്. ഈ സന്ദർഭം നഷ്ടമാക്കാൻ സമുദായച്ചൂരുള്ള ഒരു ക്നാനായക്കാരനും ഇഷ്ടപ്പെടാത്തത് സ്വാഭാവികം.

അതുകൊണ്ടായിരിക്കാം *”കട്ട വെയിംറ്റിങ്ങ് ഫോർ യു.കെ.കെ.സി.എ കൺവെൻഷൻ”* എന്ന് മുതിർന്ന തലമുറയേക്കാൾ കൂടുതലായി യുവജനങ്ങൾ പരസ്പരം പറയുന്നത്. എന്തുകൊണ്ട് യുവജനങ്ങൾ ഇങ്ങനെ പറയുന്നു എന്ന ചോദ്യത്തിന്, മുതിർന്ന ക്നാനായ തലമുറ നാട്ടിൽ അനുഭവിച്ച് ആസ്വദിച്ച രക്ത ബന്ധത്വവും സ്വവംശ വിവാഹ നിഷ്ഠയും സമുദായ കൂട്ടായ്മയും ഈ പ്രവാസ ലോകത്ത് യുകെയിലും യുവതലമുറ ശരിയായ വിധത്തിൽ മനസ്സിലാക്കുന്നു. അത് തങ്ങൾക്കും വേണം എന്ന ശക്തമായ അവബോധം. അതൊന്നു മാത്രമാണ് *”കട്ട വെയിംറ്റിങ്ങ് ഫോർ യു.കെ.കെ.സി.എ കൺവെൻഷൻ”* എന്ന് യുവതലമുറ പരസ്പരം പറയുന്നതിലെ രഹസ്യം.

ഓരോ യൂണിറ്റുകളും യു.കെ.കെ.സി.എ കൺവെൻഷനിൽ പങ്കെടുക്കുന്നതിനായി ബസ് ബുക്കിംഗ് ആരംഭിച്ചു കഴിഞ്ഞു. അതോടൊപ്പം ആരോഗ്യപരമായ മൽസര ബുദ്ധിയോടെ, റാലിയിൽ ഏറ്റവും മികവാർന്ന പ്രകടനം തങ്ങളുടെ യൂണിറ്റ് കാഴ്ച വയ്ക്കുന്നതിനുള്ള പദ്ധതികളും ക്രമീകരണങ്ങളുമൊക്കെ ഓരോ യൂണിറ്റും അതീവ രഹസ്യ സ്വഭാവത്തോടെ ചെയ്തും വരുന്നു.

കോവിഡ് മഹാമാരിക്ക് ശേഷം 3 വർഷം കൂടി നടക്കുന്ന കൺവെൻഷൻ ആയതുകൊണ്ട് പതിവിൽ കൂടുതലായുണ്ടാകുമെന്ന് കരുതുന്ന ജന പങ്കാളിത്തവും, കൂടാതെ നാട്ടിൽ നിന്നും യുകെയിൽ എത്തിയ പുതിയ സമുദായാംഗങ്ങളെയും കൺവെൻഷനിൽ പങ്കെടുപ്പിക്കാൻ സൗകര്യമൊരുക്കണമെന്നതും യു.കെ.കെ.സി.എ സെൻട്രൽ കമ്മറ്റി നേരിടുന്ന വലിയ വെല്ലുവിളി തന്നെയാണ്. എന്നിരുന്നാലും ഒരുമയിലും തനിമയിലും വിശ്വാസ നിറവിലും വൻതിരമാലകളെ തോല്പിച്ച പൂർവികരുടെ അനുഗ്രഹത്താലും കരുതലാലും എല്ലാറ്റിലുമുപരിയായ ദൈവകൃപയാലും യു.കെ.കെ.സി.എ കൺവെൻഷൻ എണ്ണയിട്ട യന്ത്രം പോലെ അടുക്കും ചിട്ടയോടും കൂടിയുള്ള പ്രവർത്തനത്താൽ പൂർവ്വാധികം ഭംഗിയായി നല്ല ഫലം പുറപ്പെടുവിക്കും എന്ന് എല്ലാ ക്നാനായ സമുദായാംഗങ്ങളും ഉറച്ചു വിശ്വസിക്കുന്നു.

മെയ്ഡ്സ്റ്റോൺ: കെന്റിലെ മുൻനിര മലയാളി കൂട്ടായ്മ ആയ മെയ്ഡ്സ്റ്റോൺ മലയാളി അസോസിയേഷന്റെ വനിതാ വിഭാഗമായ എംഎംഎ മൈത്രി മാതൃദിനത്തോടനുബന്ധിച്ച് ആഘോഷാരവങ്ങളോടെ മാതൃദിന സംഗമം നടത്തി.

മെയ്ഡ്സ്റ്റോൺ സെന്റ് ആൻഡ്രൂസ് ഹാളിൽ ചേർന്ന മാതൃദിന സംഗമത്തിൽ സൂസൻ അലക്സ് സ്വാഗതം ആശംസിക്കുകയും നിലവിൽ ഉള്ള ഭാരവാഹികളായ ജിമിത ബെന്നി, ജിബി ലാലിച്ചൻ, സൂസൻ അലക്സ് എന്നിവർക്കൊപ്പം മുൻഭാരവാഹികളും സംയുക്തമായി ദീപം തെളിച്ച് ആഘോഷങ്ങൾക്ക് തുടക്കം കുറിക്കുകയും ചെയ്തു.

അനു ജോമോൻ ആലപിച്ച ഹൃദയസ്പർശിയായ ഗാനവും സോമിനി മനോജ് നൽകിയ മാതൃദിന സന്ദേശവും ഹർഷാരവത്തോടെ അംഗങ്ങൾ വരവേറ്റു. എംഎംഎ മൈത്രി കുടുംബത്തിലെ ഏറ്റവും പരിചയ സമ്പന്ന ആയ ‘അമ്മ എന്ന നിലയിൽ ഷേർലി ബാബുവിനെ ആദരിച്ചത് ഹൃദ്യമായ അനുഭവമായി. ഷൈനി ജെഫിൻ, ഷേർലി ബാബുവിന് പൂച്ചെണ്ട് നൽകുകയും ഷേർലി ബാബു തന്റെ ‘അമ്മ നില യിലുള്ള അനുഭവങ്ങൾ പങ്കു വക്കുകയും ചെയ്തു.

ദിലിറാണിയുടെ നൃത്ത അവതരണത്തിന് ശേഷം തന്റെ ഔദോഗിക ജീവതത്തിൽ ഉന്നത നേട്ടം കൈവരിച്ച ജിൻസി ബിനുവിന് ജിസ്ന എബി പൂച്ചെണ്ടുകൾ നൽകുകയും അംഗങ്ങൾ എല്ലാവരും അഭിനന്ദിക്കുകയും ചെയ്തു. നാടിന്റെ പൈതൃകം വിളിച്ചോതിക്കൊണ്ട് സൂസി സിസനും സംഘവും അവതരിപ്പിച്ച നാടൻ പാട്ടിനുശേഷം കുഞ്ഞുപൈതലുകളുടെ മുട്ടിൻ മേൽ ഇഴച്ചിൽ മത്സരം ഒരേ സമയം ആവേശവും വൈകാരികവുമായ മാറി.

കുട്ടികൾ പാകം ചെയ്ത കേക്ക് പ്രദർശന മത്സരവും നിമ്മി ബൈജുവിന്റെയും ടാനിയ രഞ്ജുവിന്റേയും നേതൃത്വത്തിൽ നടന്ന കലാപരിപാടികളും വേദിയിൽ ആവേശമായി മാറുകയും ഒപ്പം മനസിക ഉല്ലാസമേകുകയും ചെയ്തു. നാട്ടിൽനിന്നും എത്തിയ മുത്തശിമാർ സമ്മാനദാനം നിർവഹിച്ചു. ദിലി റാണിയുടേയും സൗമ്യ രഞ്ജിഷിന്റെയും നേതൃത്വത്തിൽ മഹിളകൾ ഒന്നടങ്കം പങ്കെടുത്ത തത്സമയ നൃത്തച്ചുവടുകൾ വേദിയെ ഒന്നടക്കം ആവേശത്തിലാഴ്ത്തി. ഈ മാതൃദിനത്തിന്റെ തിലകക്കുറി എന്നോണം എംഎംഎ മൈത്രി അവതരിപ്പിച്ച ‘മൊമ മൊണാലിസ’ മത്സരത്തിലെ വിജയി ആയി ജിസ്ന എബിയെ പ്രഖ്യാപിച്ചവേളയിൽ വേദിയും സദസ്സും അക്ഷരാർത്ഥത്തിൽ ഇളകി മറിഞ്ഞു.

സ്വയം ഉൾകാഴ്ചയും ബലവുമേകാൻ ദിലി റാണിയുടെ മേൽനോട്ടത്തിൽ വനിതകൾക്കുള്ള യോഗ ക്ലാസുകൾ പുരോഗമിക്കുന്നു . മറ്റു മലയാളികൾക്കും മാതൃക ആകാവുന്ന പ്രവർത്തനങ്ങൾ ആണ് എംഎംഎ മൈത്രിയുടെ മുഖമുദ്ര.