ഉണ്ണികൃഷ്ണൻ ബാലൻ

സമീക്ഷ യുകെയുടെ ഈസ്റ്റ് ഹാം ബ്രാഞ്ചിലെ നേതൃത്വനിരയിൽ ഏറിയ സ്ഥാനവും വഹിക്കുന്നത് യൂണിവേഴ്സിറ്റി വിദ്യാർത്ഥികൾ. ജനുവരി 22 നു നടക്കുന്ന, ദേശീയ സമ്മേനത്തിന് മുന്നോടിയായി, നവംബർ 28 നു സമീക്ഷ യുകെയുടെ ഈസ്റ്റ് ഹാം ബ്രാഞ്ച് സമ്മേളനത്തിൽ സെക്രട്ടറിയായി, ബിപിപി യൂണിവേഴ്സിറ്റി സ്റ്റുഡന്റ് ആയ സ. അർജുൻ രാജനെയും, പ്രസിഡന്റ് ആയി ആംഗ്ലിയ റസ്‌ക്കിൻ യൂണിവേഴ്സിറ്റി സ്റ്റുഡന്റ് ആയ സ. ജോമിൻ ജോസ്സിനെയും, ട്രെഷറർ ആയി യൂണിവേഴ്സിറ്റി ഓഫ് ഈസ്റ്റ് ലണ്ടൻ സ്റ്റുഡന്റ് ആയ സ. ജിസ്സിൻ ജോയിയെയും തിരഞ്ഞെടുത്തു. പുതുതലമുറയിലെ ഇവരുടെ നേതൃത്വത്തിന് പൂർണ്ണപിന്തുണ നൽകാൻ വൈസ് പ്രസിഡന്റ് ആയി സ. ഹാരിസ് പുന്നടിയിലും, ജോയിന്റ് സെക്രട്ടറി ആയി സ. രമേശ് മൂർക്കോത്തും തുടർന്നു.

നാഷണൽ ട്രെഷററും ബ്രാഞ്ച് അംഗവും ആയ സ. ഇബ്രാഹിം വാക്കുളങ്ങര സ്വാഗതം പറഞ്ഞുകൊണ്ട് തുടക്കം കുറിച്ച സമ്മേളനത്തിന്റെ അധ്യക്ഷൻ സ. രമേശ് മൂർക്കോത്ത് ആയിരുന്നു. സ. ജോമിൻ അനുശോചന പ്രേമേയവും, സ. അർജുൻ രക്തസാക്ഷി പ്രേമേയവും അവതരിപ്പിച്ചു. ബ്രാഞ്ച് സമ്മേളനം ഉത്ഘാടനം ചെയ്യാൻ എത്തിയത് സമീക്ഷ യുകെയുടെ നാഷണൽ പ്രസിഡന്റ് സ. സ്വപ്ന പ്രവീൺ ആയിരുന്നു. ഇടതുപക്ഷചിന്താഗതിക്കാരായ ഒരു കൂട്ടം മലയാളികൾ ചേർന്ന് സമീക്ഷ യുകെ രൂപീകരിച്ചത് ഈസ്റ്റ്ഹാമിൽ നിന്നാണെന്ന് ഉത്ഘാടനപ്രസംഗത്തിൽ നാഷണൽ പ്രസിഡന്റ് കൂട്ടിച്ചേർത്തപ്പോൾ ബ്രാഞ്ച് അംഗങ്ങളിൽ ആവേശം തിരതല്ലി. ബ്രാഞ്ച് സെക്രട്ടറിയും, സമീക്ഷ നാഷണൽ കമ്മിറ്റി അംഗവും ആയ സ. ഫിതിൽ മുത്തുക്കോയ, കഴിഞ്ഞ രണ്ടു വർഷത്തെ പ്രവർത്തന റിപ്പോർട്ട് അവതരിപ്പിച്ചു. കൂടുതൽ വിദ്യാർത്ഥികളെ സമീക്ഷ യുകെയിലേക്കു ആകർഷിക്കാൻ വിവിധ പരിപാടികൾ ആണ് ബ്രാഞ്ച് പ്ലാൻ ചെയ്യുന്നത്. നാഷണൽ കമ്മിറ്റി അംഗം സ. പ്രവീൺ രാമചന്ദ്രൻ സമ്മേളനത്തിന് ആശംസകൾ അറിയിച്ചു. ബ്രാഞ്ച് സമ്മേളനത്തിൽ പങ്കെടുക്കാൻ എത്തിയ എല്ലാവർക്കും പുതിയ ബ്രാഞ്ച് സെക്രട്ടറി സ. അർജുൻ നന്ദി അറിയിച്ചു.

ജിയോ ജോസഫ്

ലണ്ടൻ : വേൾഡ് മലയാളി കൌൺസിൽ യുകെ ഒരുക്കുന്ന “ആയുർവേദ “സെമിനാർ 2021ഡിസംബർ 5ന് ഞായറാഴ്ച വൈകുന്നേരം യുകെ സമയം 6 മണിക്ക് സൂം പ്ലാറ്റുഫോമിൽ. ആയുർവേദത്തിന്റ അനദ്ധ സാധ്യതയെ കുറിച്ചു ലിങ്കൻ യൂണിവേഴ്സിറ്റി ലെക്ചർർ ആയി വർക്ക്‌ ചെയ്യുന്നതും യുകെയിൽ പല സ്ഥലത്തു ആയുർവേദ ക്ലിനിക് നടത്തുന്ന ഡോ :ശ്രീനാഥ് നായർ സംവാദം നടത്തുന്നു. ഈ പ്രോഗ്രാമിലേക്ക് ഏവരെയും വേൾഡ് മലയാളി കൌൺസിൽ ഭാരവാഹികൾ ഹാർദ്ധമായി സ്വാഗതം ചെയ്യുന്നു. കൂടുതൽ വിവരങ്ങൾക്ക് www.wmcuk.org or ഭാരവാഹികളുമായി നേരിട്ട് ബന്ധപ്പെടുക.
ചെയർമാൻ ഡോ :ജിമ്മി ലോനപ്പൻ മൊയ്‌ലാൻ 07470605755

പ്രസിഡന്റ്‌ സൈബിൻ പാലാട്ടി 07411615189
ജനറൽ സെക്രട്ടറി ജിമ്മി ഡേവിഡ് 07886308162

ആയുർവേദ സെമിനാറിൽ പങ്കിടുക്കുന്നതിനു ഈ ഞായറാഴ്ച വൈകുന്നേരം യുകെ സമയം 6മണിക്ക് താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക.

https://us02web.zoom.us/j/85413303264?pwd=WVM1UFFWbi9rMEFyQ2k1ZmtsUmJXZz09

Meeting ID: 854 1330 3264

Passcode: 606975

ബർമിംഗ്ഹാം സിറ്റി മലയാളി കമ്മ്യൂണിറ്റി സംഘടിപ്പിച്ച ഓൾ യു . കെ ബാഡ്മിൻറൺ ടൂർണമെന്റിൽ ഒന്നാംസമ്മാനമായ 401 പൗണ്ടും ട്രോഫിയും കരസ്ഥമാക്കിയത് മാഞ്ചസ്റ്റർ ടീമായ ശ്രീകുമാറും സിനുവുമാണ് . 32 ടീമുകൾ പങ്കെടുത്ത കരുത്തുറ്റ മത്സരങ്ങൾക്കൊടുവിൽ രണ്ടാം സമ്മാനമായ 201 പൗണ്ടും ട്രോഫിയും നേടി വിജയികളായത് വോക്കിംഗിൽ നിന്നുള്ള ജോബിയും ,ജിനിയുമാണ്. മൂന്നാം സമ്മാനമായ നൂറ്റൊന്നു പൗണ്ടും ട്രോഫിയും നേടിയത് ബ്രിസ്റ്റോളിൽ നിന്നുള്ള പ്രശാന്തും , ജിനോയുമാണ്. സട്ടനിൽ നിന്നുള്ള ബാബുവും ആഷ്ലിനും നാലാം സ്ഥാനമായ 51 പൗണ്ടും ട്രോഫിയും കരസ്ഥമാക്കി.

സ്കാർബറോ , വെയിൽസ് ഉൾപ്പെടെ യു.കെയുടെ നാനാ ഭാഗത്തുനിന്നുമായി രാവിലെ 11:00 മണിക്ക് കളിക്കാരും കാണികളും ബർമിംഗ്ഹാമിലേയ്ക്ക് ഒഴുകിയെത്തി. വടംവലി പോലുള്ള വലിയ മത്സരങ്ങൾ സംഘടിപ്പിച്ചിട്ടുള്ള ബി. സി. എം. സി യുടെ കിരീടത്തിൽ ഒരു പൊൻതൂവൽ തന്നെയായി മാറി ഈ ബാഡ്മിൻറൺ ടൂർണമെൻറ് . മികച്ച സംഘടനാ മികവിന്റെ ഉദാഹരണമായി മാറിയ ഈ മത്സരത്തിന്റെ ഭക്ഷണം, റിഫ്രഷ്മെന്റ്സ് എന്നിവ മാറ്റുകൂട്ടി. എട്ടു മണിയോടുകൂടി അവസാനിച്ച പരിപാടികളുടെ വിജയത്തിനായി പ്രയത്നിച്ച റഫറിമാർ , ഫുഡ് കമ്മിറ്റി . കാണികളായെത്തിയവർ എല്ലാവർക്കും ബി സി എം സി നന്ദി രേഖപ്പെടുത്തി.

ജന്മനാടിന് കൈത്താങ്ങാകാനായി പാവപ്പെട്ട ഒരു കുടുംബത്തിന് വീട് വെച്ച് കൊടുക്കാനായി സൾട്ട്ലീ സെന്റ് ബെനഡിക് മിഷനും വുമൺ ഫോറവും ഒന്നിച്ചു നടത്തിയ ചാരിറ്റി ഇവന്റ് വൻവിജയമായി . നവംബർ ഇരുപത്തിയെട്ടാം തീയതി ഞായറാഴ്ചയാണ് ചാരിറ്റി ഇവൻറ് നടന്നത്. ചാരിറ്റിക്ക് വേണ്ടി പണം സ്വരൂപിക്കുന്നതിനായി മുതിർന്നവർക്ക് കപ്പ ബിരിയാണിയും കുട്ടികൾക്ക് നൂഡിൽസുമാണ് ഒരുക്കിയിരുന്നത്. ചാരിറ്റി ഇവന്റ് വൻ വിജയമാക്കിയ എല്ലാവർക്കും ഇടവകവികാരി ഫാ . ടെറിൻ മുല്ലക്കരയും പള്ളി കമ്മിറ്റി അംഗങ്ങളും നന്ദിപറഞ്ഞു.

ബ്ലാക്ക്ബെൺ മലയാളി സമൂഹത്തിന്റെ ഭാഗമായ ബ്ലാക്ക്ബെൺ സ്പോർട്സ് ക്ലബ്ബിന്റെ നേതൃത്വത്തിൽ കഴിഞ്ഞ ശനിയാഴ്ച നടന്ന ഡബിൾസ് ബാഡ്മിന്റൺ ടൂർണമെന്റിൽ നിരവധി ടീമുകൾ പങ്കെടുക്കുകയും നിരവധി ആളുകൾ കളികാണുന്നതിനും പ്രോത്സാഹിപ്പിക്കുന്നതിനുമായി എത്തിച്ചേരുകയും ചെയ്തു

ഇതിൽ ഒന്നാം സ്ഥാനം നേടിയ സഞ്ചുവിനും സുരേഷിനും സമ്മാനം സ്പോൺസർ ചെയ്ത ട്രിനിറ്റി ഇന്റീരിയേഴ്‌സ് ക്യാഷ് അവാർഡും ട്രോഫിയും നൽകുകയും രണ്ടാം സ്ഥാനം നേടിയ അനിലിനും ബിജോയിക്കും സമ്മാനം സ്പോൺസർ ചെയ്ത ഇന്റർനാഷണൽ ഫ്രൈറ്റ് ലോജിസ്റ്റിക് ക്യാഷ് അവാർഡും ട്രോഫിയും നൽകുകയും മൂന്നാം സ്ഥാനം നേടിയ റെജിക്കും സജേഷിനും സമ്മാനം സ്പോൺസർ ചെയ്ത കെയർമാർക് ക്യാഷ് അവാർഡും ട്രോഫിയും വിതരണം ചെയ്തു. ഈ ടൂർണമെന്റിനു വേണ്ട റിഫ്രഷ്മെന്റും ഫുഡും സ്പോൺസർ ചെയ്തത് ലോർഡ്സ് കെയർ റിക്യൂട്ട്മെന്റ് ലിമിറ്റഡ് ആണ്.

അടുത്ത വർഷത്തെ ക്ലബ്ബിന്റെ പുതിയ ഭാരവാഹികളെ തിരഞ്ഞെടുക്കുകയും ചെയ്തു. പ്രസിഡന്റ്‌ ആയി ഷിജോ സെക്രട്ടറി ആയി അജിൽ ട്രഷറർ ആയി ഹാമിൽട്ടൻ കമ്മിറ്റി അംഗങ്ങളായി അനിൽ, ജിജോ, സഞ്ചു, ലിജോ, റെജി എന്നിവരെയാണ് തിരഞ്ഞെടുത്തത്.

മലയാളി അസോസിയേഷൻ ഓഫ് സൗതാംപ്ടൺ 2021-2022 ലേക്കുള്ള ഭാരവാഹികൾ ചുമതലയേറ്റു .
നവംബർ -20, 2021 ശനിയാഴ്ച ലോർഡ്‌സ് ഹിൽ വില്ലജ് ഹാളിൽ നടന്ന ചടങ്ങിൽ 2019-2021ലെ പ്രസിഡന്റ് റോബിൻ എബ്രഹാമിൽ നിന്നും പുതിയ എക്സിക്യൂട്ടീവ് കമ്മിറ്റി പ്രസിഡന്റായ ജെയ്സൺ മാത്യുവും മറ്റു അംഗങ്ങളും ചുമതല ഏറ്റുവാങ്ങുകയായിരുന്നു. മഹാമാരിയുടെ ഭീതി തെല്ലൊന്നു ഒഴിഞ്ഞ് നിയമങ്ങൾക്കു അയവുവരുത്തിയ പശ്ചാത്തലത്തിൽ വളരെ വിജയകരമായി ഔട്ഡോർ ലൊക്കേഷനായ ബ്രോക്കൺഹസ്റ്റിലെ ടൈൽ ബാർണിൽ ഉത്സവലഹരിയോടെ നടത്തിയ ഓണാഘോഷത്തിൻെറ ഓർമ്മകൾ പങ്കുവച്ചു.

സൗത്താംപ്ടണിൽ വർഷങ്ങളായി നടന്നുവന്നിരുന്ന പല സാമൂഹീക പ്രവർത്തനങ്ങളുടെയും പുരോഗതിയും കലാ കായിക സാംസ്‌കാരിക പ്രവർത്തനങ്ങളുടെ മുൻപോട്ടുള്ള നടത്തിപ്പിനെപ്പറ്റിയും ചർച്ച ചെയ്യുകയും ബജറ്റ് കൈമാറുകയും ചെയ്തു. സൗതാംപ്ടൺ മലയാളി സമൂഹത്തിന്റെ സ്നേഹവും ഒത്തൊരുമയും ഇരുകമ്മിറ്റികളും നിസ്സംശയം പ്രകീർത്തിക്കുകയുണ്ടായി. ജെയ്സൺ മാത്യു, ഷൈനി മാത്യു,സുനിത രാജീവ്, ആൻസി കൃഷ്ണൻ, ടെന്നിസൺ സ്കറിയ, റെജി കോശി, അനുരാധ ശിവൻ, ഡാമി പുല്ലയിൽ, ഷീല സേവ്യർ, സിനാഷ് തോമസ് ബാബു , കൊച്ചുമോൻ ചാണ്ടി എന്നിവരാണ് നിയുക്ത ഭാരവാഹികൾ. പുതിയ എക്സിക്യൂട്ടീവ് കമ്മിറ്റിയുടെ എല്ലാ പ്രവർത്തങ്ങൾക്കും ആശംസകൾ നേർന്നുകൊണ്ട് കൈമാറ്റ നടപടിക്രമങ്ങൾ പൂർത്തിയാക്കി.

ഉണ്ണികൃഷ്ണൻ ബാലൻ

സമീക്ഷ യുകെ ദേശീയ സമ്മേളനത്തിന്റെ മുന്നോടിയായി സമീക്ഷ ലണ്ടൻ ഡെറി ബ്രാഞ്ചിന്റെ പ്രതിനിധി സമ്മേളനം നവംബർ 21 ഞായർ വൈകുന്നേരം 6 മണിക്ക് നടന്നു . സഖാവ് ഡോക്ടർ ജോഷി സൈമൺ അധ്യക്ഷത വഹിച്ച സമ്മേളനം സമീക്ഷ നാഷണൽ സെക്രട്ടറി സഖാവ് ദിനേശ് വെള്ളാപ്പള്ളി ഉത്‌ഘാടനം ചെയ്തു . ബ്രാഞ്ച് സെക്രട്ടറി ബൈജു നാരായണൻ കഴിഞ്ഞ ഭരണ സമിതിക്കു വേണ്ടി റിപ്പോർട്ട് അവതരിപ്പിച്ചു . സമീക്ഷ യുകെ യുടെ കഴിഞ്ഞ ഒരുവർഷത്തെ പ്രവർത്തനങ്ങൾ ദേശീയ സെക്രട്ടറി സഖാവ് ദിനേശ് വെള്ളാപ്പള്ളി യോഗത്തിൽ വിശദീകരിച്ചു . കഴിഞ്ഞ കാലഘട്ടങ്ങളിൽ ലണ്ടൻ ഡെറി ബ്രാഞ്ച് നൽകിയ പിന്തുണക്ക് അദ്ദേഹം നന്ദി അറിയിച്ചു . മുഖ്യ മന്ത്രിയുടെ ദുരിതാശ്വാസ നിധിയിലേക്ക് കോവിഡ് പ്രധിരോധ പ്രവർത്തനങ്ങൾക്കായി ബ്രിട്ടീഷ് പൗരൻമാരടക്കം പങ്കെടുത്ത ഭക്ഷ്യ മേളയും ബിരിയാണി ചലഞ്ചും നടത്തി 2610 പൗണ്ട് ബ്രാഞ്ച് കണ്ടെത്തി നൽകിയിരുന്നു, ഇതിനായി പ്രവർത്തിച്ച എല്ലാവർക്കും നാഷണൽ കമ്മറ്റിയുടെ നന്ദി അദ്ദേഹം അറിയിച്ചു.

അടുത്ത രണ്ട് വർഷത്തെക്കുള്ള പുതിയ ഭരണ സമിതിയെ സമ്മേളനം ഏകകണ്ഠേന തെരഞ്ഞെടുത്തു. സഖാവ് രഞ്ജിത്ത് വർക്കി (പ്രസിഡന്റ് ), സഖാവ് ഡോക്ടർ ജോഷി സൈമൺ (സെക്രട്ടറി), സഖാവ് ജസ്റ്റി മോൾ സൈമൺ (വൈസ് പ്രസിഡന്റ് ), സഖാവ് സുഭാഷ് (ജോയിൻ സെക്രട്ടറി), സഖാവ് മാത്യു തോമസ്.(ജോസി)( ട്രഷറർ ) എന്നിവർ പുതിയ ഭരണ സമിതിയെ നയിക്കും. സമീക്ഷ യുകെയുടെ മുൻപോട്ടുള്ള പ്രവർത്തനങ്ങൾക്കും വരാൻ പോകുന്ന ദേശീയ സമ്മേളനത്തിനും യോഗം പൂർണ്ണ പിന്തുണ അറിയിച്ചു.

ഉണ്ണികൃഷ്ണൻ ബാലൻ

സമീക്ഷ യുകെയുടെ ദേശീയ സമ്മേളനത്തിന്റെ മുന്നോടിയായി സമീക്ഷ സാലിസ്ബറി ബ്രാഞ്ചിന്റെ പ്രതിനിധി സമ്മേളനം നവംബർ 20 ശനിയാഴ്ച്ച വൈകുന്നേരം 6മണിക്ക് സ്ട്രാറ്ഫോഡ് സബ് കാസ്റ്റിൽ വില്ലേജ് ഹാളിൽ വച്ച് നടന്നു . പ്രസിഡന്റ് സഖാവ് രാജേഷ് സുധാകർ അധ്യക്ഷത വഹിച്ച സമ്മേളനം,സമീക്ഷ നാഷണൽ സെക്രട്ടറി സഖാവ് ദിനേശ് വെള്ളാപ്പള്ളി ഉദ്‌ഘാടനം ചെയ്തു. സഖാവ് ജയേഷ് അഗസ്റ്റിൻ ആലപിച്ച വിപ്ലവ ഗാനത്തോടുകൂടിയാണു സമ്മേളനം ആരംഭിച്ചത്. സെക്രട്ടറി സഖാവ് ജിജുനായർ കഴിഞ്ഞ ഭരണ സമിതിക്കു വേണ്ടി റിപ്പോർട്ട് അവതരിപ്പിച്ചു. ചടങ്ങിൽ സഖാവ് നിതിൻ ചാക്കോ അനുശോചന പ്രമേയം അവതരിപ്പിച്ചു. കഴിഞ്ഞ വർഷത്തെ വരവ് ചിലവ് കണക്കുകൾ ബ്രാഞ്ച് ട്രഷറർ സഖാവ് ശ്യാംമോഹൻ സമ്മേളനത്തിൽ അവതരിപ്പിച്ചു. സമീക്ഷ യുകെയുടെ കഴിഞ്ഞ ഒരുവർഷത്തെ പ്രവർത്തനങ്ങൾ ദേശീയ സെക്രട്ടറി സഖാവ് ദിനേശ് വെള്ളാപ്പള്ളി യോഗത്തിൽ വിശദീകരിച്ചു .

അടുത്ത രണ്ട് വർഷത്തെക്കുള്ള പുതിയ ഭരണ സമിതിയെ ഏകകണ്ഠേന തെരഞ്ഞെടുത്തു. സഖാവ് സിജിൻ ജോൺ – പ്രസിഡന്റ് സഖാവ് ശ്യാംമോഹൻ – സെക്രട്ടറി , സഖാവ് ആൽഫ്രഡ് കെ തോമസ് – വൈസ് പ്രസിഡന്റ് , സഖാവ് ജെറിൻ ജോയിന്റ് സെക്രട്ടറി ,സഖാവ് വറീത് കരോൾ – ട്രഷറർ എന്നിവർ മുൻനിരയിൽ നിന്ന് സമിതിയെ നയിക്കും. സമ്മേളനത്തോടനുബന്ധിച്ച് നടന്ന പൊതു ചർച്ചയിൽ ദേശീയ സെക്രട്ടറി സഖാവ് ദിനേശ് വെള്ളാപ്പള്ളി പുതിയതായി കടന്നുവന്ന അംഗങ്ങളുടെ സംശയങ്ങൾക്ക് മറുപടി നൽകി. ഇരുപത്തഞ്ചോളം പേർ സമ്മേളനത്തിൽ പങ്കെടുത്തു. സമ്മേളനത്തിൽ പങ്കെടുത്ത എല്ലാവര്‍ക്കും സഖാവ് ശ്യാം മോഹൻ നന്ദി അറിയിച്ചു. സമീക്ഷ യുകെയുടെ മുമ്പോട്ടുള്ള പ്രവർത്തനങ്ങൾക്കും വരാൻ പോകുന്ന ദേശീയ സമ്മേളനത്തിനും യോഗം പൂർണ്ണ പിന്തുണ അറിയിച്ചു.

സമീക്ഷ യുകെയുടെ അഞ്ചാമത് ദേശീയ സമ്മേളനത്തിന് മുന്നോടിയായ് നടക്കുന്ന ബ്രാഞ്ച് സമ്മേളനങ്ങൾ അവസാന ഘട്ടത്തിലേക്ക് കടന്നു. ഈ മാസം അവസാനത്തോടെ ബ്രാഞ്ചുസമ്മേളനങ്ങൾ സമാപിക്കും . ദേശീയ സമ്മേളനം 2022 ജനുവരി 22ന് കൊവെൻട്രയിൽ വെച്ച് നടക്കും. സമ്മേളനത്തിന്റെ സുഗമമായ നടത്തിപ്പിന് വിവിധ കമ്മറ്റികൾ രൂപികരിച്ചുകൊണ്ട് പ്രവർത്തനങ്ങൾ തുടങ്ങി കഴിഞ്ഞു. യുകെ യിലെ ഇടതുപക്ഷത്തിന്റെയും പുരോഗമന ആശയഗതി ഉൾകൊള്ളൂന്നവരുടെയും ശക്തിതെളിയിക്കുന്ന ഒന്നാകും അഞ്ചാം ദേശീയ സമ്മേളനം എന്ന കാര്യത്തിൽ സംശയം ഇല്ല. കഴിഞ്ഞ കാലഘട്ടങ്ങളിൽ നിന്നും ഒക്കെ വ്യത്യസ്തമായി യുകെ മലയാളികൾക്കിടയിൽ ഇടതുപക്ഷത്തിനൊപ്പം നിൽ ക്കുന്നവരുടെ ഒരു വലിയ മുന്നേറ്റം നടത്താൻ സമീക്ഷ യുകെക്ക് ഇതിനകം കഴിഞ്ഞിട്ടുണ്ട്.

ടോം ജോസ് തടിയംപാട്

ലിവർപൂൾ എന്റർറ്റൈൻമെന്റ് ക്ലബ്ബിന്റെ ബാനറിൽ കേരളത്തിലെ അറിയപ്പെടുന്ന ഗായകരായ ഹരീഷ് , സിത്താര , മിഥുൻ എന്നിവരടങ്ങുന്ന ഗായക സംഘത്തിന്റെ നേതൃത്വത്തിൽ വൻപിച്ച ഗാനമേള വരുന്ന ഫെബ്രുവരി മാസം 27 നു ലിവർപൂൾ നോസിലി കൾച്ചറൽ പാർക്കിൽ വച്ച് നടക്കുന്നു .

പരിപാടിയുടെ ആദ്യ ടിക്കറ്റ് വിൽപ്പനയുടെ ഉത്ഘാടനം ലിവർപൂൾ ,ബെർക്കിന് ഹെഡ്, കാത്തോലിക്ക പള്ളികളുടെ വികാരി ആൻഡ്രുസ് ചിതലിനും, ആൻറ്റൊ ജോസിനും നൽകികൊണ്ട് ഉത്ഘാടനം നിർവഹിച്ചു . ചടങ്ങിൽ സാബു ജോൺ ,ബാബു മാത്യു .ജിനോയ് മാടൻ ,സുനിൽ വർഗീസ് ,സിബി ലോനപ്പൻ , ജസ്‌വിൻഎന്നിവർ സന്നിഹിതരായിരുന്നു.

കൊറോണയ്ക്ക് ശേഷം മനുഷ്യർക്ക്‌ ഒത്തുകൂടാനും സംഗീതം ആസ്വദിക്കാനും കിട്ടുന്ന അവസരം മുതലാക്കാൻ മലയാളി സമൂഹം ഉണർന്നു കഴിഞ്ഞു, ടിക്കറ്റുകൾ ആവശ്യമുള്ളവർ എത്രയും പെട്ടെന്ന് സംഘാടകരുമായി ബന്ധപ്പെടേണ്ടതാണ് അല്ലെങ്കിൽ താഴെ പോസ്റ്ററിൽ കൊടുത്തിട്ടുള്ള ലിങ്കിൽ കൂടി ഓൺലൈൻ ആയി എടുക്കാവുന്നതാണ് . ലിവർപൂളിന് പുറത്തുള്ളവരും ഈ പരിപാടിയിൽ പങ്കെടുക്കാൻ ഉത്സാഹത്തിലാണ് . ചരുങ്ങിയ സമയം കൊണ്ട് 200 ടിക്കറ്റുകൾ വിറ്റുകഴിഞ്ഞു .
.
ലിവർപൂൾ എന്റർറ്റൈന്മെന്റ് ക്ലബ്ബിനു നേതൃത്വം കൊടുക്കുന്നത് സജി ജോൺ , ബാബു മാത്യു, സാബു ജോൺ, ദിലീപ് ചന്ദ്രൻ, സിബി ലോനപ്പൻ എന്നിവരാണ് പരിപാടി നടക്കുന്ന സ്ഥലത്തിന്റെ പോസ്റ്റ് കോഡ് ഉൾപ്പെടെയുള്ള വിശദവിവരങ്ങൾ താഴെ കൊടുത്തിരിക്കുന്ന പോസ്റ്ററിൽ വിവരിച്ചിട്ടുണ്ട് .

ടോം ജോസ് തടിയംപാട്

ഇടുക്കി ചാരിറ്റി യു കെയിലൂടെ യു കെ മലയാളികൾ നൽകിയ 3500 പൗണ്ട് (350000 രൂപ ) ഇതിൽ 175000 രൂപയുടെ ചെക്ക് കരിമ്പനിലെ നടക്കാൻ കൊതിക്കുന്ന മൂന്നു കുട്ടികളുടെ പിതാവ് വിജോ വർഗീസിന് മരിയാപുരം പഞ്ചായത്തു പ്രസിഡണ്ട് ജിൻസി ജോയി കൈമാറി സാമൂഹിക പ്രവർത്തകരായ എ പി ഉസ്മാൻ, പാറത്തോട് ആന്റണി , ബാബു ജോസഫ് ,കെ കെ വിജയൻ കൂറ്റാംതടത്തിൽ ജോസ് കുഴികണ്ടം ,തോമസ് പി ജെ , ഡൊമിനിക് പൂവത്തിങ്കൽ എന്നിവർ സന്നിഹിതരായിരുന്നു.

ക്യൻസർ ബാധിച്ചു കട്ടിലിൽ കഴിച്ചുകൂട്ടുന്ന തോപ്രാംകുടിയിലെ സോഫിയ്ക്ക് 175000 രൂപയുടെ ചെക്ക് വാത്തികുടി പഞ്ചായത്തു വൈസ് പ്രസിഡണ്ട് ഡീക്ലാർക് സെബാസ്റ്യൻ കൈമാറി റിട്ടയേർഡ് ഹെഡ് മാസ്റ്റർ ജോണി തോട്ടത്തിൽ സന്നിഹിതനായിരുന്നു .

തോപ്രാംകുടിയിലെ സോഫി എന്ന രണ്ടു പെൺകുട്ടികളുടെ അമ്മയുടെ വേദന നിറഞ്ഞ ജീവിതം ഞങ്ങളെ അറിയിച്ചത് അവരുടെ സഹപാഠിയായ തോപ്രാംകുടി സ്വദേശിയും ഇപ്പോൾ യു കെ യിലെ ഓസ്‌ഫോർഡ് ഷെയറിൽ താമസിക്കുന്ന സൂസൻ ജസ്റ്റിനാണ്. കരിമ്പനിലെ നടക്കാൻ കൊതിക്കുന്ന കുട്ടികളുടെ വീഡിയോ കണ്ട് ഞങ്ങൾ സാമൂഹിക പ്രവർത്തകനായ എ പി ഉസ്മാനുമായി ബന്ധപ്പെട്ടു വിവരങ്ങൾ അറിയുകയും പിന്നീട് കുട്ടികളുടെ പിതാവിനെ നേരിട്ടു ബന്ധപ്പെട്ടു സഹായം വാഗ്‌ദാനം ചെയ്യുകയായിരുന്നു .

ഇടുക്കി ചാരിറ്റി ഗ്രൂപ്പ് യു കെ എന്നത് കേരളത്തിൽ നിന്നും യു കെയിൽ കുടിയേറിയ കഷ്ട്പാടും ബുദ്ധിമുട്ടും അറിഞ്ഞവരുടെ ഒരു കൂട്ടായ്‌മയാണ്‌. ഞങ്ങൾ ‍ ഇതുവരെ സൂതാരൃവും സതൃസന്തവുമായി ജാതി ,മത ,വർഗ ,വർണ്ണ, സ്ഥല ,കാല ഭേതമെന്യയെ കേരളത്തിലും, യു കെ യിലും , നടത്തിയ ചാരിറ്റി പ്രവർത്തനത്തിലൂടെ ഇതുവരെ 10 250000 (ഒരുകോടി രണ്ടുലക്ഷത്തി അൻപതിനായിരം ) രൂപയുടെ സഹായം അർഹിക്കുന്നവർക്കു നൽകുവാൻ കഴിഞ്ഞിട്ടുണ്ട് .

2004 ഉണ്ടായ സുനാമിക്ക് പണം പിരിച്ചു അന്നത്തെ മുഖ്യമന്തി ഉമ്മൻ ചാണ്ടിക്കു നൽകിക്കൊണ്ടാണ് ഞങ്ങൾ പ്രവർത്തനം ആരംഭിച്ചത്. ഞങ്ങളുടെ ഈ എളിയ പ്രവർത്തനത്തിനു മലയാളം യു കെ പത്രത്തിന്റെ അവാർഡ് ,ലിവർപൂൾ ക്നാനായ കമ്മ്യൂണിറ്റിയുടെ അംഗീകാരം പടമുഖം സ്നേഹമന്ദിരത്തിന്റെ അംഗീകാരം എന്നിവ ലഭിച്ചിട്ടുണ്ട് .

ഇടുക്കി ചാരിറ്റിക്കു നേതൃത്വ൦കൊടുക്കുന്നത് സാബു ഫിലിപ്പ് 07708181997 ടോം ജോസ് തടിയംപാട് 07859060320 സജി തോമസ്‌ 07803276626.. .എന്നിവരാണ്.

“ദാരിദ്രൃം എന്തെന്നറിഞ്ഞവർക്കെ പാരിൽ പരക്ലേശവിവേകമുള്ളു.””,