കഴിഞ്ഞ കാലങ്ങളില് എക്സിറ്റ് പോളുകള് കൃത്യമായി വന്നിട്ടുണ്ടെങ്കിലും പ്രവചനങ്ങള്ക്ക് തെറ്റ് പറ്റിയ ചരിത്രങ്ങളും ഉണ്ട്. പ്രധാനമായും 2004ല് ബിജെപിയുടെ നേതൃത്വത്തില് അടല് ബിഹാരി വാജ്പേയി നയിക്കുന്ന എന്ഡിഎ സര്ക്കാരിന് ഭരണത്തുടര്ച്ചയുണ്ടാകുമെന്ന് എക്സിറ്റ് പോളുകള് പ്രവചിച്ചിരുന്നെങ്കിലും ഭരണം നേടിയത് യുപിഎ സര്ക്കാരായിരുന്നു. രാജ്യം നെഞ്ചിടിപ്പോടെ കാത്തിരിക്കുകയാണ് ആര് വാഴും ആര് വീഴും എന്നറിയാന്.
രാജ്യത്ത് 542 ലോക്സഭ മണ്ഡലങ്ങളിലായി 8,000 സ്ഥാനാര്ത്ഥികളാണ് ലോക്സഭ തിരഞ്ഞെടുപ്പില് ജനവിധി തേടിയത്. ആറ് ഘട്ടങ്ങളിലായി 66.88 ശതമാനം വോട്ടര്മാരാണ് സമ്മതിദാനാവകാശം വിനിയോഗിച്ചത്. 90 കോടിയില് അധികം വോട്ടര്മാരാണ് വോട്ട് ചെയ്തിരിക്കുന്നത്.
വോട്ടെണ്ണല് സമയം
മെയ് 23ന് രാവിലെ എട്ട് മണിക്കാണ് വോട്ടെണ്ണല് ആരംഭിക്കുന്നത്. അന്നേ ദിവസം തന്നെ ഫലം പ്രഖ്യാപിക്കുമെന്നാണ് പ്രതീക്ഷിക്കുന്നത്. ഉച്ചയോടെ ഏകദേശ ചിത്രം ലഭിക്കുമെങ്കിലും കൃത്യമായ ഫലം അറിയണമെങ്കില് വൈകുന്നേരം വരെ കാത്തിരിക്കേണ്ടി വരും. മെയ് 23ന് രാത്രിയോ 24ന് രാവിലെയോ ആയിരിക്കും തിരഞ്ഞെടുപ്പ് കമ്മീഷന് ഫലം ഔദ്യോഗികമായി പ്രഖ്യാപിക്കുക.
പ്രധാന മണ്ഡലങ്ങള്
ഒരു മാസത്തെ കാത്തിരിപ്പിന് ശേഷമാണ് കേരളത്തില് ഫലം അറിയാന് പോകുന്നത്. ഏപ്രില് 23 നായിരുന്നു കേരളത്തില് 20 ലോക്സഭാ മണ്ഡലങ്ങളിലേക്ക് വോട്ടെടുപ്പ് നടന്നത്. സംസ്ഥാനത്ത് 29 ഇടത്തായി 140 കേന്ദ്രങ്ങളിലാണ് നാളെ വോട്ടെണ്ണല് നടക്കുക. രാവിലെ എട്ട് മുതല് വോട്ടെണ്ണല് ആരംഭിക്കും. തപാല് വോട്ടുകളാണ് ആദ്യം എണ്ണുക. അതിനു ശേഷം സര്വീസ് വോട്ടുകളുടെ സ്കാനിങ് ആരംഭിക്കും. വോട്ടിങ് യന്ത്രങ്ങളിലെ വോട്ട് രാവിലെ 8.30 മുതല് എണ്ണി തുടങ്ങും. എട്ട് മണിക്ക് ശേഷം ലഭിക്കുന്ന തപാല് വോട്ടുകള് എണ്ണില്ല. എട്ടരയോടെ ആദ്യ ഫലസൂചനകള് ലഭിക്കാന് തുടങ്ങും. സംസ്ഥാനം ഉറ്റു നോക്കുന്ന ആറ് മണ്ഡലങ്ങളും സ്ഥാനാര്ത്ഥികളും:
വയനാട്: രാഹുല് ഗാന്ധി(യുഡിഎഫ്), പി.പി സുനീര്(എല്ഡിഎഫ്), തുഷാര് വെള്ളാപ്പിള്ളി(എന്ഡിഎ)
വടകര: പി.ജയരാജന്(എല്ഡിഎഫ്), കെ.മുരളീധരന്(യുഡിഎഫ്)
ആലത്തൂര്: പി.കെ ബിജു(എല്ഡിഎഫ്), രമ്യാ ഹരിദാസ്(യുഡിഎഫ്)
തൃശൂര്: ടി.എന് പ്രതാപന്(യുഡിഎഫ്), സുരേഷ് ഗോപി(എന്ഡിഎ), രാജാജി മാത്യൂ തോമസ് (എല്ഡിഎഫ്)
പത്തനംതിട്ട: ആന്റോ ആന്റണി(യുഡിഎഫ്), വീണാ ജോര്ജ് (എല്ഡിഎഫ്), കെ.സുരേന്ദ്രന്(എന്ഡിഎ)
തിരുവനന്തപുരം: ശശി തരൂര്(യുഡിഎഫ്), കുമ്മനം രാജശേഖരന്(ബിജെപി), സി.ദിവാകരന്(എല്ഡിഎഫ്)
ദേശീയ തലത്തില് രാഹുല് ഗാന്ധി മത്സരിക്കുന്ന രണ്ട് മണ്ഡലങ്ങളായ വയനാടും അമേഠിയും ഉള്പ്പെടെ പതിനാറ് മണ്ഡലങ്ങളിലേക്കാണ് രാജ്യം ഉറ്റു നോക്കുന്നത്.
വാരണാസി(ഉത്തര്പ്രദേശ്): നരേന്ദ്ര മോദി(ബിജെപി), അജയ് റായ്(കോണ്ഗ്രസ്), ശാലിനി യാദവ്(എസ്പി)
അമേഠി(ഉത്തര്പ്രദേശ്): രാഹുല് ഗാന്ധി(കോണ്ഗ്രസ്), സ്മൃതി ഇറാനി(ബിജെപി)
റായിബറേലി(ഉത്തര്പ്രദേശ്): സോണിയ ഗാന്ധി(കോണ്ഗ്രസ്), ദിനേശ് പ്രതാപ് സിങ്(ബിജെപി)
ലക്നൗ(ഉത്തര്പ്രദേശ്): രാജ്നാഥ് സിങ്(ബിജെപി), പൂനം സിന്ഹ(എസ്പി), ആചാര്യ പ്രമോദ് കൃഷ്ണം(കോണ്ഗ്രസ്)
ഭോപ്പാല്(മധ്യപ്രദേശ്): ദിഗ്വിജയ് സിങ്(കോണ്ഗ്രസ്), സാധ്വി പ്രഗ്യാ ഠാക്കൂര്(ബിജെപി)
ഗുരുദാസ്പൂര്(പഞ്ചാബ്): സണ്ണി ഡിയോള്(ബിജെപി), സുനില് ജഖര്(കോണ്ഗ്രസ്)
അമൃത്സര്(പഞ്ചാബ്): ഹര്ദീപ് സിങ് പുരി(ബിജെപി), ഗുര്ജിത് സിങ് ഔജ്ല(കോണ്ഗ്രസ്)
ബെഗുസാരയ്(ബിഹാര്): കനയ്യ കുമാര്(സിപിഐ), ഗിരിരാജ് സിങ്(ബിജെപി), തന്വീര് ഹസന്(ആര്ജെഡി)
വയനാട്: രാഹുല് ഗാന്ധി(യുഡിഎഫ്), പി.പി സുനീര്(എല്ഡിഎഫ്), തുഷാര് വെള്ളാപ്പിള്ളി(എന്ഡിഎ)
അസംഗര്(യുപി): അഖിലേഷ് യാദവ്(എസ്പി), ദിനേശ് ലാല് യാദവ് ‘നിരാഹുവ'(ബിജെപി)
ഹിസര്(ഹരിയാന): ദുഷ്യന്ത് ചൗതല(ജെജെപി), ഭവ്യ ബിഷ്ണോയ്(കോണ്ഗ്രസ്), ബ്രിജേന്ദ്ര സിങ്(ബിജെപി)
റോതക്(ഹരിയാന): ഭൂപീന്ദര് സിങ് ഹൂഡ(കോണ്ഗ്രസ്), രമേഷ് ചന്ദര് കൗശിക്(ബിജെപി), ദ്വിഗ്വിജയ് ചൗതാല(ജെജെപി), സുരേന്ദര് ഛികാര(ഐഎന്എല്ഡി)
മെയ്ന്പൂരി(യുപി): മുലായം സിങ് യാദവ്(എസ്പി), പ്രേം സിങ് ശക്യ(ബിജെപി)
അസന്സോള്(പശ്ചിമ ബംഗാള്): ബാബുല് സുപ്രിയോ(ബിജെപി), മൂണ് മൂണ് സെന്(ടിഎംസി)
കേന്ദ്രപര(ഒഡീഷ): ബൈജയന്ത് പാണ്ഡ(ബിജെപി), അനുഭവ് മൊഹന്തി(ബിജെഡി), ധരാനിധര് നായക്(കോണ്ഗ്രസ്)
യുവാവിന്റെ മൃതദേഹം റെയില്വേ ട്രാക്കില് കണ്ട സംഭവം കൊലപാതകം. സംഭവത്തിൽ ഒരു മാസത്തിന് ശേഷം അയൽവാസിയായ യുവാവ് പിടിയിൽ. പരവൂര് കലയ്ക്കോട് വരമ്പിത്തുവിള വീട്ടില് അശോകന്റെ (35) മരണമാണു കൊലപാതകമാണെന്നു തെളിഞ്ഞത്. വരമ്പിത്തുവിള മണികണ്ഠനെയാണ് (27) പരവൂര് പൊലീസ് അറസ്റ്റു ചെയ്തത്. അശോകന്റെ മൃതദേഹം ഒരു മാസം മുന്പാണു പരവൂര് മേല്പ്പാലത്തിനു സമീപം റെയില്വേ ട്രാക്കില് കണ്ടത്.
മരണത്തില് സംശയമുണ്ടെന്നു കാണിച്ച് മരണപ്പെട്ട അശോകന്റെ അമ്മ ഓമന പരാതി നല്കിയതിനെ തുടര്ന്നു നടത്തിയ അന്വേഷണത്തിലാണു സത്യം പുറത്ത് വന്നതും പ്രതി കുടുങ്ങുന്നതും. കഴിഞ്ഞ ഏപ്രില് 17നാണു സംഭവം. അന്ന് അശോകനും മണികണ്ഠനും മറ്റൊരു സുഹൃത്തും കൂടി മദ്യപിച്ചു. ഇടയ്ക്കു മദ്യത്തിനൊപ്പം കഴിക്കാന് എന്തെങ്കിലും വാങ്ങാനായി മണികണ്ഠനും സുഹൃത്തും കൂടി പോയി. മടങ്ങിവന്നപ്പോള് സ്ഥലത്ത് അശോകനെയും കണ്ടില്ല, ബാക്കി മദ്യവും കണ്ടില്ല.
സുഹൃത്ത് വീട്ടിലേക്കു മടങ്ങിയെങ്കിലും മണികണ്ഠന് അശോകനെ പിന്തുടര്ന്നു പോയി. പരവൂര് മേല്പ്പാലത്തിനടുത്തുവച്ച് അശോകനെ കണ്ടപ്പോള് ഇരുവരും തമ്മില് ഉന്തുംതള്ളുമായി. മണികണ്ഠന് പിടിച്ചുതള്ളിയപ്പോള് അശോകന് അതുവഴി വന്ന ട്രെയിനടിയില്പ്പെട്ടു തല്ക്ഷണം മരിക്കുകയായിരുന്നു എന്നും പറവൂര് പോലീസ് പറഞ്ഞു
കൊച്ചി: പ്രായപൂര്ത്തിയാകാത്ത പെണ്കുട്ടിയെ തട്ടിക്കൊണ്ടുപോയ രണ്ടുപേര് അറസ്റ്റില്. തൃപ്പൂണിത്തുറ ചാത്താരി ഭാഗത്താണ് സംഭവം. പ്രണയം നടിച്ച് തട്ടിക്കൊണ്ടുപോയ പെണ്കുട്ടിയെ കഞ്ചാവ് വലിപ്പിക്കുകയായിരുന്നു.ചാത്താരി ഭാഗത്ത് ഫ്ളാറ്റില് താമസിക്കുന്ന 19കാരന് ഷാരൂഖ് ഖാന്, 22കാരന് ജിബിന് എന്നിവരെയാണ് അറസ്റ്റ് ചെയ്തത്.
കോടതിയില് ഹാജരാക്കിയ ഇവരെ പിന്നീട് റിമാന്ഡ് ചെയ്തു. രണ്ട് ദിവസം മുന്പാണ് തൃപ്പൂണിത്തുറ സ്വദേശിയായ പെണ്കുട്ടിയെ കാണാതായത്. വീട്ടുകാര് പോലീസില് പരാതി നല്കുകയും ചെയ്തിരുന്നു. പെണ്കുട്ടിയെ ഇയാള് പ്രണയം നടിച്ചു വിളിച്ചുകൊണ്ട് പോകുകയും എറണാകുളത്ത് മറൈന്ഡ്രൈവില് വച്ച് കഞ്ചാവ് വലിപ്പിക്കുകയുമായിരുന്നു.
ഇരുവരും സഞ്ചരിച്ചിരുന്ന ഓട്ടോറിക്ഷയില് പെണ്കുട്ടിയുടെ മൊബൈല്ഫോണ് മറന്നുവച്ചിരുന്നു. ഇത് കിട്ടിയ ഓട്ടോറിക്ഷ ഡ്രൈവര് ഫോണ് പോലീസിനെ ഏല്പ്പിച്ചതും പ്രതികളെ തിരിച്ചറിയാന് എളുപ്പമായി. പലയിടങ്ങളിലും കറങ്ങി നടന്ന ശേഷം എറണാകുളത്ത് മറൈന് ഡ്രൈവ് ഭാഗത്തിരുത്തിയാണ് യുവാക്കള് പെണ്കുട്ടിയെക്കൊണ്ട് കഞ്ചാവ് ബീഡി വലിപ്പിച്ചതെന്ന് പോലീസ് പറഞ്ഞു. എറണാകുളം സെന്ട്രല് പോലീസും തൃപ്പൂണിത്തുറ പോലീസും ഇതു സംബന്ധിച്ച് പ്രത്യേകം കേസുകള് എടുത്തിട്ടുണ്ട്.
കൊച്ചി മരടില് തീരദേശ പരിപാലന നിയമം ലംഘിച്ച് പണിത അഞ്ച് ഫ്ളാറ്റ് സമുച്ചയങ്ങള് പൊളിച്ച് നീക്കാനുള്ള സമയപരിധി നീട്ടി നല്കില്ലെന്ന് സുപ്രീം കോടതി വ്യക്തമാക്കി. ബദല് സംവിധാനങ്ങള് ഒരുക്കുന്നതു വരെ മരടിലെ ഫ്ളാറ്റുകള് പൊളിച്ചു നീക്കുന്നതിനുള്ള സമയപരിധി നീട്ടി നല്കണമെന്ന് ആവശ്യപ്പെട്ട് ഫ്ളാറ്റ് ഉടമകള് നല്കിയ ഹര്ജിയിലാണ് സുപ്രീം കോടതി ഇക്കാര്യം വ്യക്തമാക്കിയിരിക്കുന്നത്.
ഫ്ളാറ്റ് ഉടമകള്ക്ക് നഷ്ടപരിഹാരം തേടി ഉചിതമായ വേദികളെ സമീപിക്കാമെന്നും എന്നാൽ പരിസ്ഥിതി നിയമം ലംഘിക്കുന്നവരോട് കോടതികളും മറ്റു സംവിധാനങ്ങളും ക്ഷമിക്കുന്ന പ്രവണത അവസാനിപ്പിക്കേണ്ട കാലമായെന്നും സുപ്രീം കോടതി വിലയിരുത്തി.
തീരദേശ പരിപാലന നിയമം ലംഘിച്ച് പണിത മരടിലെ ഹോളിഫെയ്ത്ത്, ആല്ഫ വെഞ്ചേഴ്സ്, ഗോള്ഡന് കായലോരം, ജെയ്ന് കോറല്കോവ്, ഹോളിഡെ ഹെറിറ്റേജ് എന്നീ ഫ്ളാറ്റ് സമുച്ചയങ്ങള് ഒരുമാസത്തിനകം പൊളിച്ചു നീക്കണമെന്ന് മെയ് എട്ടിനാണ് സുപ്രീം കോടതി ഉത്തരവിട്ടത്. നേരത്തെ ഹൈക്കോടതിയില് നിന്ന് ഫ്ളാറ്റ് ഉടമകള്ക്ക് അനുകൂലമായ വിധി ലഭിച്ചിരുന്നെങ്കിലും ഇതിനെതിരെ തീരദേശ പരിപാലന അതോറിറ്റി സുപ്രീം കോടതിയെ സമീപിക്കുകയായിരുന്നു. ഈ അപ്പീലിലാണ് ഫ്ലാറ്റുകൾ പൊളിച്ചു നീക്കണമെന്ന് പരമോന്നത നീതി പീഠം ഉത്തരവിട്ടത്. മരട് പഞ്ചായത്ത് മുനിസിപ്പാലിറ്റി ആയിരുന്ന കാലത്ത് അനധികൃതമായി അനുമതികൾ സമ്പാദിച്ചാണ് ഫ്ലാറ്റുകൾ നിർമ്മിച്ചത്. ഒരു കോടി രൂപ വരെയാണ് ഫ്ലാറ്റിന്റെ ശരാശരി വില.
മംഗലാപുരം വിമാന ദുരന്തം ഒൻപത് വർഷങ്ങൾ പിന്നിടുകയാണിന്ന്. കുറച്ചു ദിവസത്തെ അവധി നാട്ടിൽ കുടുംബത്തോടൊപ്പം ആഘോഷിക്കുവാൻ ദുബൈ അന്താരാഷ്ട്ര വിമാനത്താവളത്തിൽ നിന്ന് സന്തോഷത്തോടെ യാത്ര പോയ 158 പേരെയാണ് തിരിച്ച് അറിയാൻ പോലും പറ്റാത്ത വിധത്തിൽ വിധി തട്ടിയെടുത്തത്. 166 യാത്രക്കാരിൽ രക്ഷപ്പെട്ടത് വെറും എട്ട് പേരായിരുന്നു.
അതിൽ രണ്ട് പേർ മലയാളികൾ, അവരിരുപേരും ഇന്നും പ്രവാസികളാണ്. കണ്ണൂർ കറുമാത്തൂർ കെ.പി മായിൻകുട്ടിയും കാസർകോട് ഉദുമ സ്വദേശി കൃഷ്ണനുമാണ് തലനാരിഴക്ക് മരണത്തിെൻറ പിടിയിൽ നിന്ന് രക്ഷപ്പെട്ട് വീണ്ടും പ്രവാസത്തിലേക്ക് വിമാനം കയറിയവർ. മായിൻകുട്ടി ഉമ്മുൽഖുവൈനിലും കൃഷ്ണൻ ഖത്തറിലും ജോലി ചെയ്യുകയാണ്. വിമാനദുരന്തം നടന്നയുടൻ അന്നത്തെ കേന്ദ്ര വ്യോമയാന മന്ത്രി പ്രഫുൽ പട്ടേൽ മരിച്ചവരുടെ ആശ്രിതർക്ക്, 2009ൽ ഇംഗ്ലണ്ടിലെ മോൺട്രിയയിൽ ഉണ്ടാക്കിയ മോൺട്രിയൽ കരാറിെൻറ അടിസ്ഥാനത്തിൽ നഷ്ടപരിഹാരം നൽകുമെന്നു പ്രഖ്യാപിച്ചിരുന്നു.
അന്താരാഷ്ട്ര ഉടമ്പടി പ്രകാരം ഏകദേശം 75 ലക്ഷം രൂപയാണ് നഷ്ടപരിഹാരം ലഭിക്കേണ്ടിയിരുന്നത്. എന്നാൽ രംഗത്ത് വന്ന നാനാവതി കമ്മീഷൻ കളിച്ച നാടകത്തിൽ പലർക്കും പലവിധത്തിലായിരുന്നു നഷ്ട പരിഹാരം വിതരണം ചെയ്തത്. എത്രയോ തവണയാണ് മരിച്ചവരുടെ ബന്ധുക്കളെ ഇതിനായി കോടതി കയറ്റിയത്. ഇന്നും പലർക്കും തുക പൂർണമായി കിട്ടിയിട്ടുമില്ല. പ്രിയപ്പെട്ടവരുടെ നഷ്ടത്തിന് പകരമാവില്ല ഒരു പരിഹാരവും എന്നിരിക്കിലും.
മലപ്പുറം കരുവാരക്കുണ്ട് സ്വദേശിയായ ഏഴു വയസുകാരൻ മുഹമ്മദ് ഡാനിഷിന് ശസ്ത്രക്രിയ നടത്തിയപ്പോഴാണ് ഗുരുതര പിഴവ് സംഭവിച്ചത്. മൂക്കിനുള്ളിലെ ദശ നീക്കം ചെയ്യാനായിരുന്നു ഇന്നലെ രാവിലെ ശസ്ത്രക്രിയ നിശ്ചയിച്ചിരുന്നത്. എന്നാൽ ഡാനിഷിന് ശസ്ത്രക്രിയ നടത്തിയത് വയറിനായിരുന്നു. ശസ്ത്രക്രിയക്ക് ശേഷം മാതാപിതാക്കൾ ഇക്കാര്യം അറിയിച്ചപ്പോഴാണ് ഡോക്ടർമാർക്ക് പിഴവ് മനസിലായത്.ഉദരസംബന്ധമായ രോഗത്തെത്തുടർന്ന് ശസ്ത്രക്കിയക്കായി മണ്ണാർക്കാട് സ്വദേശിയായ ധനുഷിനെയും ഇതേസമയം ഓപ്പറേഷൻ തീയേറ്ററിൽ പ്രവേശിപ്പിച്ചിരുന്നു.
ഇവരുടെ പേരുകൾ തമ്മിൽ മാറിപ്പോവുകയും ധനുഷിന് വയറിൽ നടത്തേണ്ടിയിരുന്ന ശസ്ത്രക്രിയ ഡാനിഷിന് നടത്തിയെന്നുമാണ് സംഭവത്തിൽ മെഡിക്കൽ കോളേജ് അധികൃതർ നൽകുന്ന വിചിത്രമായ വിശദീകരണം. മാതാപിതാക്കൾ ആശുപത്രി സൂപ്രണ്ടിന് പരാതി നൽകിയതോടെയാണ് സംഭവം പുറത്ത് വരുന്നത്. ഡോക്ടർമാർക്ക് പറ്റിയ അബദ്ധം പരിശോധിക്കുമെന്ന് സൂപ്രണ്ട് വ്യക്തമാക്കിയിരുന്നു. സംഭവത്തിൽ ആശുപത്രിക്കെതിരെ വ്യാപക പ്രതിഷേധമാണ് ഉയർന്നത്.ഇതേ തുടർന്ന് ശസ്ത്രക്രിയ നടത്തിയ ഡോക്ടറെ സസ്പെൻഡ് ചെയ്യാൻ ആരോഗ്യ മന്ത്രി കെ കെ ശൈലജ ഉത്തരവിട്ടു.
സംഭവത്തിൽ ജില്ലാ മെഡിക്കൽ ഓഫീസർ മെഡിക്കൽ കോളേജ് സൂപ്രണ്ടിനോട് റിപ്പോർട്ട് ആവശ്യപ്പെട്ടതിന് പിന്നാലെ ശസ്ത്രക്രിയ നടത്തിയ ഡോക്ടറെ സസ്പെൻഡ് ചെയ്തു.കഴിഞ്ഞ ദിവസമാണ് മൂക്കിലെ ദശമാറ്റാൻ ശസ്ത്രക്രിയയ്ക്ക് എത്തിയ ഏഴുവയസ്സുകാരന് ഹെർണിയക്കുള്ള ശസ്ത്രക്രിയ നടത്തിയത്. യാതൊരു പരിശോധനയും നടത്താതെ രക്ഷിതാവിന്റെ സമ്മതംപോലുമില്ലാതെ ശസ്ത്രക്രിയ നടത്തിയതിൽ കുട്ടിയുടെ ബന്ധുക്കൾ പ്രതിഷേധിച്ചിരുന്നു. പിന്നീട് വീണ്ടും തിയേറ്ററിലേക്ക് കയറ്റുകയും കുട്ടിയുടെ മൂക്കിന് ശസ്ത്രക്രിയ നടത്തുകയും ചെയ്തു. രണ്ട് ശസ്ത്രക്രിയക്ക് ശേഷം ചികിത്സയിൽ തുടരുന്ന കുട്ടിയുടെ നില തൃപ്തികരമാണ്.
കോട്ടയം: മദ്യപിച്ച് ബഹളമുണ്ടാക്കിയതിന് കസ്റ്റഡിയിലെടുത്തയാള് പോലീസ് സ്റ്റേഷനില് തൂങ്ങിമരിച്ച നിലയില് കണ്ടെത്തിയ സംഭവത്തില് രണ്ട് പേര്ക്ക് സസ്പെന്ഷന്. കോട്ടയം മണര്കാട് സ്റ്റേഷനിലെ സിവില് പൊലീസ് ഓഫീസര് സെബാസ്റ്റ്യന് വര്ഗീസ്, ജി ഡി ചാര്ജ് എ എസ് ഐ പ്രസാദ് എന്നിവരെ സസ്പെന്റ് ചെയ്തത്. ഇരുവരും കൃത്യനിര്വ്വഹണത്തില് അപാകത വരുത്തിയെന്ന് കണ്ടെത്തിയതിനെ തുടര്ന്നാണ് സസ്പെന്ഷന്. സംഭവത്തില് ഉന്നതതല അന്വേഷണം നടത്തുമെന്ന് കോട്ടയം എസ്പി നേരത്തെ അറിയിച്ചിരുന്നു.
കഴിഞ്ഞ ദിവസമാണ് മദ്യപിച്ച് ബഹളമുണ്ടാക്കിയെന്ന് ആരോപിച്ച് മണര്ക്കാട് സ്വദേശി നവാസിനെ പോലീസ് കസ്റ്റഡിയിലെടുക്കുന്നത്. കസ്റ്റഡിയിലെടുത്ത നവാസിനെ സെല്ലില് അടച്ചിരുന്നില്ല. കസ്റ്റഡിയിലിരിക്കെ പോലീസുകാരുടെ കണ്ണില്പ്പെടാതെ ടോയ്ലെറ്റിലേക്ക് പോയ നവാസ് അവിടെ വെച്ച് തൂങ്ങി. ഏതാണ്ട് ഒന്നര മണിക്കൂറിന് ശേഷമാണ് പോലീസ് ഇയാളെ കാണാതായ വിവരം അറിയുന്നത്. തുടര്ന്ന് നടത്തിയ തിരച്ചിലില് ടോയ്ലെറ്റില് തൂങ്ങിയ നിലയില് നവാസിനെ കണ്ടെത്തി.
ഉടന് ഇയാളെ ആശുപത്രിയിലേക്ക് കൊണ്ടുപോയെങ്കിലും ജീവന് രക്ഷിക്കാന് കഴിഞ്ഞില്ല. സംഭവത്തില് അന്വേഷണത്തിന് കോട്ടയം ജില്ലാ പോലീസ് മേധാവി ഇന്നലെ തന്നെ നിര്ദേശം നല്കിയിട്ടുണ്ട്. സ്പെഷ്യല് ബ്രാഞ്ചിനാവും അന്വേഷണച്ചുമതല. സംഭവത്തില് കുറ്റക്കാരായ എല്ലാ പോലീസുകാര്ക്കും എതിരെ നടപടി സ്വീകരിക്കണമെന്ന് ഡിജിപി എറണാകുളം റേഞ്ച് ഐജിക്കും കോട്ടയം ജില്ലാ പോലീസ് മേധാവിക്കും നിര്ദേശം നല്കിയിട്ടുണ്ട്.
കോണ്ഗ്രസ് അധ്യക്ഷന് രാഹുല്ഗാന്ധിയ്ക്കും ജനറല് സെക്രട്ടറി പ്രിയങ്കാഗാന്ധിയ്ക്കും ശിവ സേനയുടെ പ്രശംസ. ലോക്സഭാ തിരഞ്ഞെടുപ്പില് ഇരുവരും വളരെ കഠിനമായി പ്രവര്ത്തിച്ചിട്ടുണ്ടെന്നും പാര്ലമെന്റില് കോണ്ഗ്രസ് പാര്ട്ടി ഒരു മികച്ച പ്രതിപക്ഷമായിരിക്കുമെന്നും ശിവസേന പറഞ്ഞു
‘എക്സിറ്റ് പോളുകളിലൂടെ കടന്നുപോകാന് ഞങ്ങള്ക്ക് താല്പര്യമില്ല.എന്നാല് ജനങ്ങളുടെ ആവേശം കാണുമ്പോള് മഹാരാഷ്ട്രയിലെ വിധി വളരെ വ്യക്തമാണ്. 2019 ല് മോദി സര്ക്കാര് തന്നെ അധികാരത്തില് എത്തുമെന്ന് പ്രവചിക്കാന് ഒരു പുരോഹിതന്റേയും ആവശ്യമില്ല. ‘ശിവസേനയുടെ മുഖപത്രമായ സാമ്നയില് കുറിച്ചു.
‘രാഹുല് ഗാന്ധിയും പ്രിയങ്കാഗാന്ധിയും ശക്തമായി തന്നെ പ്രവൃത്തിച്ചു എന്നത് വാസ്തവമാണ്. പ്രതിപക്ഷം എന്ന രീതിയില് അവര് വലിയ വിജയമായിരിക്കും. 2014 ലും ലോക്സഭയില് പ്രതിപക്ഷമാവാന് പാര്ട്ടിക്ക് വേണ്ടത്ര എം.പിമാര് ഉണ്ടായിരുന്നില്ല. ഈ തവണ പ്രതിപക്ഷ നേതാവ് കോണ്ഗ്രസ് പാര്ട്ടിയില് നിന്നായിരിക്കും. ഇത് രാഹുലിന്റെ വിജയമായി വരും.’ എന്നും കുറിപ്പില് പറയുന്നു.
പുറത്ത് വന്ന എട്ട് സര്വ്വേകളിലും എന്ഡിഎ മുന്നേറുമെന്നാണ് പ്രവചനം. ലോക്സഭയിലെ 543 സീറ്റില് ബിജെപി മുന്നണിയായ എന്ഡിഎ 280 മുതല് 365 വരെ സീറ്റുകള് നേടിയേക്കുമെന്ന് സര്വ്വേകള് പ്രവചിക്കുന്നു. മാത്രമല്ല കഴിഞ്ഞ തവണ നിലംതൊടാത്ത സംസ്ഥാനങ്ങളില് പോലും ഇത്തവണ ബിജെപി കുതിച്ച് കയറുമെന്നും സര്വ്വേ പ്രവചിക്കുന്നു. എക്സിറ്റ് പോള് ഫലങ്ങളില് ബിജെപിക്ക് ഏറ്റവും മുന്നേറ്റം പ്രവചിക്കുന്ന സംസ്ഥാനമാണ് പശ്ചിമബംഗാള്. 42 സീറ്റുകളുള്ള ബംഗാളില് കഴിഞ്ഞ തവണ രണ്ട് സീറ്റുകള് മാത്രമാണ് ബിജെപിക്ക് നേടാനായത്. ?എന്നാല് ഇത്തവണ ബിജെപി ആഞ്ഞടിക്കുമെന്നാണ് സര്വ്വേ പ്രവചനം.
ഇത്തവണ ബംഗാളില് ബിജെപി വലിയ മുന്നേറ്റം ഉണ്ടാക്കുമെന്ന് സര്വ്വേകള് സൂചിപ്പിക്കുന്നു. ടൈംസ് നൗ-വിഎംആര് സര്വ്വേ പ്രകാരം ഇത്തവണ ബിജെപി 11 സീറ്റുകള് വരെ നേടിയേക്കുമെന്നാണ് പ്രവചനം. ഇന്ത്യാ ടുഡേ ആക്സസിസ് പോള് 19 മുതല് 23 വരെ സീറ്റുകളാണ് ബിജെപിക്ക് പ്രവചിക്കുന്നത്.
ഹിന്ദി ഹൃദയഭൂമിയില് 2014ല് നേടിയ മുന്നേറ്റം ഇക്കുറി ബിജെപി പ്രതീക്ഷിച്ചിരുന്നില്ല. ബംഗാളിലും ഒഡീഷയിലും കൂടുതല് സീറ്റുകള് നേടി ഈ നഷ്ടം നികത്താനാകുമെന്നായിരുന്നു ബിജെപിയുടെ കണക്ക് കൂട്ടിയിരുന്നത്. ഈ രണ്ട് സംസ്ഥാനങ്ങളില് നിന്നായി 40 സീറ്റുകളിലാണ് ബിജെപി പ്രതീക്ഷ പുലര്ത്തിയത്.
സഹപാഠിയുടെ ജീവന് രക്ഷിക്കാന് എസ് എഫ് ഐയും കെ എസ് യുവും കൈകോര്ത്തു. ഇരുവൃക്കകളും തകരാറിലായി ജീവനോട് മല്ലിടുന്ന കെ എസ് യു പ്രവര്ത്തകനെ ജീവിതത്തിലേക്ക് തിരികെയെത്തിക്കാന് വൃക്ക വാഗ്ദാനം ചെയ്ത് മുന് എസ് എഫ് ഐ നേതാവ്. ചികിത്സ ചെലവിനായി കെ എസ് യുവിനോടൊപ്പം എസ് എഫ് ഐയും സജീവമായി രംഗത്തിറങ്ങി. ആലപ്പുഴ കായംകുളത്ത്നിന്നാണ് വാര്ത്ത.
ജവഹര് ബാലജനവേദി കായംകുളം ഈസ്റ്റ് മണ്ഡലം ചെയര്മാനും കായംകുളം കെ എസ് യു ബ്ലോക്ക് കമ്മിറ്റി അംഗവുമായ പെരിങ്ങാലമഠത്തില് മുഹമ്മദ് റാഫി(22)യാണ് ഇരുവൃക്കകളും പ്രവര്ത്തന രഹിതമായി ചികിത്സ തേടുന്നത്. സംഭവം അറിഞ്ഞതോടെ ഇടുക്കി എസ്എഫ്ഐ ജില്ല കമ്മിറ്റിയും കരുനാഗപള്ളി ഏരിയ കമ്മിറ്റിയും സഹായവാഗ്ദാനവുമായി രംഗത്തെത്തുകയായിരുന്നു. ഇരു കമ്മിറ്റികളും ഫേസ്ബുക്കിലൂടെ ചികിത്സാ സഹായം അഭ്യര്ത്ഥിച്ചു. റാഫി തലയില് കെ എസ് യു ബാന്ഡ് അണിഞ്ഞ ചിത്രമാണ് ഫേസ്ബുക്കില് പങ്കുവച്ചത്.
കായംകുളം എംഎസ്എം കോളജിലെ മുന് എസ്എഫ്ഐ ചെയര്മാന് ഇ. ഷാനവാസാണ് വൃക്ക നല്കാന് സന്നദ്ധത അറിയിച്ചത്. കെ എസ് യു, യൂത്ത് കോണ്ഗ്രസ് പ്രവര്ത്തകരായ കണ്ണൂര് സ്വദേശി രഞ്ജിത്ത്, തിരുവനന്തപുരം സ്വദേശി അജു എന്നിവരും വൃക്ക ദാനത്തിന് സന്നദ്ധതയറിയിച്ചു.
ചികിത്സ സഹായത്തിന് പ്രവര്ത്തകരില്നിന്ന് പണം കണ്ടെത്തുമെന്ന് കരുനാഗപ്പള്ളി ഏരിയകമ്മിറ്റി അറിയിച്ചു. വാടക വീട്ടിലാണ് റാഫിയുടെയും കുടുംബത്തിന്റെയും താമസം. ഉമ്മ റയിഹാനത്തിനെ ആശ്രയിച്ചാണ് കുടുംബം മുന്നോട്ടുപോകുന്നത്.
അഹമ്മദാബാദ്: തെരഞ്ഞെടുപ്പ് ഫലം പ്രഖ്യാപിക്കാന് ഒരുദിനം ബാക്കിനില്ക്കെ നിര്ണായക നീക്കവുമായി വ്യവസായി അനില് അംബാനി. കോണ്ഗ്രസ് നേതാക്കള്ക്കും നാഷണല് ഹെറാള്ഡ് ദിനപത്രത്തിനുമെതിരെ അഹമ്മദാബാദ് സിവില് ആന്ഡ് സെഷന്സ് കോടതിയില് ഫയല് ചെയ്ത 5000 കോടി രൂപയുടെ മാനനഷ്ടക്കേസ് പിന്വലിക്കാന് അനില് അംബാനിയുടെ ഉടമസ്ഥതയിലുള്ള റിലയന്സ് ഗ്രൂപ് തീരുമാനിച്ചു.
റാഫേല് യുദ്ധവിമാന ഇടപാടുമായി കോണ്ഗ്രസ് നേതാക്കളും നാഷണല് ഹെറാള്ഡ് ദിനപത്രവും നടത്തിയ പ്രസ്താവനകള്ക്കെതിരെയായിരുന്നു അനില് റിലയന്സ് ഗ്രൂപ് നിയമനടപടി സ്വീകരിച്ചത്. കേസ് പരിഗണിക്കാനിരിക്കുന്ന വേളയിലാണ് റിലയന്സ് ഗ്രൂപ് അഭിഭാഷകന് കേസ് പിന്വലിക്കുന്നതായി മാധ്യമങ്ങളെ അറിയിച്ചത്.
റാഫേല് ഇടപാടുമായി ബന്ധപ്പെട്ട ചില വ്യക്തികള്ക്കും സ്ഥാപനങ്ങള്ക്കും നേരെ കോണ്ഗ്രസ് നേതാക്കളും നാഷണല് ഹെറാള്ഡ് ദിനപത്രവും അപകീര്ത്തികരമായ പ്രസ്താവന നടത്തിയത് തെരഞ്ഞെടുപ്പ് നേട്ടം ലക്ഷ്യമിട്ടായിരുന്നു. തെരഞ്ഞെടുപ്പ് മെയ് 19ന് അവസാനിച്ചു. റാഫേല് ഇടപാടുമായി ബന്ധപ്പെട്ട കേസ് സുപ്രീം കോടതിക്ക് മുന്നിലാണ്. അതുകൊണ്ട് തന്നെ ഈ കേസുമായി മുന്നോട്ടുപോകുന്നതില് അര്ത്ഥമില്ലെന്ന് റിലയന്സ് ഗ്രൂപ് വ്യക്തമാക്കി.
റാഫേല് ഇടപാടില് അനില് അംബാനിയുടെ കമ്പനിക്ക് 30000 കോടി രൂപയുടെ ഓഫ്സൈറ്റ് കരാര് നല്കിയത് വന് വിവാദമായിരുന്നു. സര്ക്കാര് പൊതുമേഖല സ്ഥാപനമായ എച്ച്എഎല്ലിനെ മറികടന്നാണ് പ്രവര്ത്തന പരിചയമില്ലാത്ത കമ്പനിക്ക് കരാര് നല്കിയതെന്നായിരുന്നു ആരോപണം. തുടര്ന്ന് ലോക്സഭയില് കോണ്ഗ്രസ് നേതാവ് രാഹുല് ഗാന്ധി അനില് അംബാനിയുടെ പേര് പരമാര്ശിച്ചെങ്കിലും സ്പീക്കര് തടഞ്ഞു. പിന്നീട് രാഹുല് ഗാന്ധി ‘ഡബിള് എ’ എന്നാണ് വിശേഷിപ്പിച്ചത്.