പ്രമുഖ ക്രിസ്തീയ ആരാധാനാലയമായ അർത്തുങ്കൽ പള്ളി മുൻപ് ശിവക്ഷേത്രമായിരുന്നുവെന്ന് ആർഎസ്എസ് നേതാവ് ടിജി മോഹൻദാസ്. ട്വിറ്ററിൽ സ്വന്തം അക്കൗണ്ടിലാണ് അദ്ദേഹം ഈ അഭിപ്രായം നടത്തിയത്. ക്ഷേത്രം വീണ്ടെടുക്കാനുള്ള ശ്രമമാണ് ഇനി ഹിന്ദുക്കൾ നടത്തേണ്ടതെന്നും അദ്ദേഹം ട്വിറ്ററിൽ തുടർച്ചയായി ഇട്ട പോസ്റ്റുകളിൽ ആവശ്യപ്പെട്ടു.

“അർത്തുങ്കൽ പള്ളി ഒരു ഹിന്ദുക്ഷേത്രമായിരുന്നു. അതാണ് ഹിന്ദുക്കൾ ആ ദിശ നോക്കി പ്രാർത്ഥിക്കുന്നത്. ക്രിസ്ത്യാനികൾ ക്ഷേത്രത്തെ പള്ളിയാക്കി മാറ്റി. എന്നാൽ പള്ളിയുടെ ആൾത്താര പണിയുന്നതിനിടെ പൊളിഞ്ഞുവീണുകൊണ്ടിരുന്നു”, ഇങ്ങിനെ തുടരുന്ന പോസ്റ്റിൽ ഇതേ തുടർന്ന് പാതിരിമാർ ജോത്സ്യൻ്റെ സഹായം തേടിയെന്നും ടിജി മോഹൻദാസ് പറയുന്നു.

പള്ളിയിൽ എഎസ്ഐ ഉത്ഖനനം നടത്തിയാൽ പഴയ ക്ഷേത്രത്തിൻ്റെ അവശിഷ്ടങ്ങൾ കണ്ടെത്താനാകുമെന്നാണ് മോഹൻദാസിൻ്റെ വാദം. “അർത്തുങ്കൽ ശിവക്ഷേത്രം വീണ്ടെടുക്കുക എന്ന ജോലിയാണ് ഇനി ഹിന്ദുക്കൾ ചെയ്യേണ്ടതെന്നും” മോഹൻദാസ് ട്വിറ്ററിൽ ആവശ്യപ്പെടുന്നുണ്ട്

അർത്തുങ്കൽ ശിവക്ഷേത്രം വീണ്ടെടുക്കുക എന്ന ജോലിയാണ് ഹിന്ദുക്കൾ ഇനി ചെയ്യേണ്ടത് n/n

— mohan das (@mohandastg) August 22, 2017

കടയിൽ നിന്നു പാഴ്സൽ വാങ്ങി വീട്ടിൽ കൊണ്ടുപോയ കൊത്തുപൊറോട്ടയിൽ പാമ്പിന്റെ തല. പൊറോട്ട കഴിച്ച വിദ്യാർഥിക്കു ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് ആശുപത്രിയിൽ പ്രവേശിപ്പിച്ചു. രക്ഷാകർത്താക്കളുടെ പരാതിയെ തുടർന്നു പരിശോധന നടത്തിയ ഭക്ഷ്യസുരക്ഷാ വിഭാഗം ഹോട്ടലിനു പിഴ ചുമത്തി. പോളയത്തോട് റെയിൽവേ ഗേറ്റിനു സമീപം വാറുപുരയിടത്തിൽ ഷാനു(16)വിനാണു പൊറോട്ട കഴിക്കുന്നതിനിടെ ഇതിൽ പാമ്പിന്റെ തല കണ്ടതോടെ ദേഹാസ്വാസ്ഥ്യം അനുഭവപ്പെട്ടത്.

തിങ്കൾ‌ രാത്രി എട്ടരയോടെയാണു പോളയത്തോട്ടിലെ വെജിറ്റെറിയൻ ഭക്ഷണശാലയിൽ നിന്നു കൊത്തുപൊറോട്ട വാങ്ങിയത്. വീട്ടിൽ കൊണ്ടുവന്നു കഴിച്ചു കൊണ്ടിരിക്കുമ്പോൾ മീൻ തല പോലെ എന്തോ കിടക്കുന്നതായി ശ്രദ്ധയിൽപ്പെട്ടു. പരിശോധിച്ചപ്പോഴാണ് ഇതു പാമ്പിന്റെ തലയാണെന്നു വ്യക്തമായത്. ഇതോടെ ഷാനുവിന് അസ്വസ്ഥത അനുഭവപ്പെട്ടു. ഉടനെ കുട്ടിയെ ഉപാസന ആശുപത്രിയിൽ എത്തിച്ചു. തുടർന്ന് ഇവർ ബാക്കി വന്ന ഭക്ഷണവുമായി ഹോട്ടലിലെത്തി വിവരം ധരിപ്പിച്ചു. അറിയാതെ സംഭവിച്ചതാണെന്നായിരുന്നു ഹോട്ടലുകാരുടെ മറുപടി.

ഇന്നലെ രാവിലെ ചിന്നക്കടയിലെ ഭക്ഷ്യസുരക്ഷാ അസിസ്റ്റന്റ് കമ്മിഷണറുടെ ഓഫിസിലെത്തി പരാതി നൽകി. ഭക്ഷ്യസുരക്ഷാ ഓഫിസർ ചിത്ര മുരളിയുടെ നേതൃത്വത്തിൽ അധികൃതർ ഹോട്ടലിൽ പരിശോധന നടത്തി. കോളിഫ്ലവറിനിടയ്ക്ക് ഇരുന്നതായിരിക്കാം പാമ്പ് എന്നാണു നിഗമനം. പരിശോധനയിൽ ഹോട്ടലിലെ വൃത്തിഹീനമായ അന്തരീക്ഷം ശ്രദ്ധയിൽപ്പെട്ടതിനെ തുടർന്നു നോട്ടിസ് നൽകുകയും 5,000 രൂപ പിഴ ചുമത്തുകയും ചെയ്തു.

തൊടുപുഴ: കൂട്ടുകാരികള്‍ക്കൊപ്പം ഒരുമിച്ചിരിക്കാനാവാത്തതില്‍ പിണങ്ങിപ്പോയ പെണ്‍കുട്ടി ബസിനുള്ളില്‍നിന്ന് ഇറങ്ങിയോടിയത് യാത്രക്കാരെ വട്ടംകറക്കി. നഗരത്തിലെ വാഹന കമ്പനിയുടെ പ്രമോഷനുമായി ബന്ധപ്പെട്ട് വന്ന നാലു പെണ്‍കുട്ടികളില്‍ ഒരാളാണ് ബസില്‍നിന്ന് ഇറങ്ങിയോടിയത്.

തോപ്പുംപടിയിലെ പബ്ലിക് ടോയിലെറ്റ് പ്രവര്‍ത്തന സജ്ജമാക്കണമെന്നാവശ്യപ്പെട്ടു ആം ആദ്മി പാര്‍ട്ടിയുടെയും, ജനങ്ങളുടെയും, നിരന്തര സമ്മര്‍ദ്ദത്തെ തുടര്‍ന്ന് കഴിഞ്ഞ ഫെബ്രുവരി 13ന് ഉല്‍ഘാടന മാമാങ്കം സ്ഥലം എംപിയുടെയും, എം എല്‍ എ യുടെയും ഡെപ്യൂട്ടി മേയര്‍ എന്നിവരുടെ സാന്നിധ്യത്തില്‍ നടന്നുവെങ്കിലും പൊതുജനങ്ങള്‍ക്കു ഉപയോഗത്തിനായി ഇതുവരെയും തുറന്നു കൊടുക്കാത്തതില്‍ പ്രതിഷേധിച്ചു ആം ആദ്മി പാര്‍ട്ടി പ്രതിഷേധമുയര്‍ത്തിയതിന് പിന്നാലെ കൗണ്‍സിലര്‍ കെ.കെ. കുഞ്ഞച്ചന്‍ ഒരാഴ്ചയ്ക്കുള്ളില്‍ പ്രവര്‍ത്തനം ആരംഭിക്കുമെന്ന് ഉറപ്പു നല്‍കി 10 ദിവസമായിട്ടും നടപടി സ്വീകരിക്കാതെ നിരുത്തരവാദപരമായി പെരുമാറുന്നതിലും, ഉത്ഘാടന നാടകങ്ങള്‍ ഒഴിവാക്കുന്നതിനും വേണ്ടി ആം ആദ്മി പാര്‍ട്ടി തോപ്പുംപടി പൊതു ടോയിലെറ്റിനു സമീപം കൗണ്ട് ഡൗണ്‍ ബോര്‍ഡ് സ്ഥാപിച്ചു, പ്രതിഷേധ യോഗവും നടത്തി. യോഗത്തിന് ശേഷം, ആം ആദ്മി പ്രവര്‍ത്തകര്‍ തോപ്പുംപടിയില്‍ പ്രതിഷേധ മാര്‍ച്ചും സംഘടിപ്പിച്ചു. കൊച്ചി മണ്ഡലം കണ്‍വീനര്‍ കെ.ജെ. ജോസഫ്, കബീര്‍ ഷാ, സെബാസ്റ്റ്യന്‍ പൈലി എന്നിവര്‍ സംസാരിച്ചു.

കൊച്ചി റോട്ടറി ക്ലബ് വിദേശ സഹായത്തോടെ 30 ലക്ഷത്തിലധികം രൂപ ചിലവാക്കി പണിത പൊതു ടോയ്‌ലെറ്റ് പ്രവര്‍ത്തന സജ്ജമാകാത്തത് സഹായം ചെയ്തവരോടുള്ള അവഗണയും അധികാരവുമാണെന്നും ടോയിലെറ്റിന് മുന്‍ഭാഗം ഇപ്പോള്‍ കൈയേറി പാര്‍ക്കിങ്ങിന് ഉപയോഗിച്ചു കൊണ്ടിരിക്കുന്ന ഹോട്ടലുകാരുമായുള്ള ഒത്തുകളിയാണോയെന്നു സംശയിക്കുന്നു. ഹോട്ടലില്‍ വരുന്ന വാഹനങ്ങള്‍ യാതൊരു നിയന്ത്രണവും കൂടാതെ പാര്‍ക്ക് ചെയ്യുന്നത് മൂലം, ടോയിലെറ്റിന് മുന്നിലെ ടൈലുകള്‍ പലതും ഇപ്പോള്‍ തന്നെ പൊട്ടിയിട്ടുണ്ട്.

ദുരിതമനുഭവിക്കുന്ന പൊതുജനങ്ങളുടെ കാര്യത്തില്‍ അധികൃതരും സാമൂഹ്യ രാഷ്ട്രീയ പ്രസ്ഥാനങ്ങള്‍ നിസ്സംഗത പുലര്‍ത്തുന്നത് ദുഃഖകരമാണെന്നും നിസ്സാര കാരണങ്ങള്‍ പറഞ്ഞു പ്രവര്‍ത്തനം നീട്ടിക്കൊണ്ടുപോകുന്നത് കൗണ്‍സിലറുടെ അലസതയും അലംഭാവവുമാണെന്നും പ്രതിഷേധം ശക്തമാക്കുമെന്നും ഭാരവാഹികള്‍ പറഞ്ഞു.

മുസാഫര്‍പൂര്‍: മുസാഫര്‍പൂര്‍ ട്രെയിന്‍ അപകടത്തിന് കാരണമായത് ട്രാക്കില്‍ അറ്റകുറ്റപ്പണി നടക്കുന്ന വിവരം ലോക്കോ പൈലറ്റ് അറിയാത്തത്. അപകടം നടന്ന ട്രാക്കില്‍ അറ്റകുറ്റപ്പണികള്‍ നടക്കുകയായിരുന്നു. ഇത് ലോക്കോ പൈലറ്റിനെ അറിയിക്കുന്നതില്‍ വീഴചയുണ്ടായതായി പ്രാഥമികാന്വേഷണത്തില്‍ കണ്ടെത്തി. ഖതൗലി എന്ന സ്ഥലത്താണ് അപകടം ഉണ്ടായത്. ഇവിടെ 15 മീറ്ററോളം ട്രാക്ക് മാറ്റി സ്ഥാപിച്ചിരുന്നു.

ട്രെയിന്‍ എത്തുന്നതിനു തൊട്ടു മുമ്പാണ് ട്രാക്ക് മാറ്റിയത്. പണികളുടെ അവസാന ഘട്ടം എത്തിയപ്പോളാണ് ട്രെയിന്‍ എത്തിയത്. ഇതോടെ ജോലിക്കാര്‍ ഓടി മാറുകയായിരുന്നു. ജോലിക്കാര്‍ ഉപേക്ഷിച്ച ഉപകരണങ്ങള്‍ അപകടത്തില്‍പ്പെട്ട എ 1 കോച്ചിന്റെ അടിയില്‍ നിന്ന് കണ്ടെത്തിയിട്ടുണ്ട്. ഖതൗലി റെയില്‍വേ സ്‌റ്റേഷനില്‍ പോലും അറ്റകുറ്റപ്പണികള്‍ നടക്കുന്നതായി അറിയിപ്പ് ലഭിച്ചില്ലെന്നാണ് വിവരം.

ഉത്കല്‍ എക്‌സ്പ്രസാണ് അപകടത്തില്‍പ്പെട്ടത്. ഇന്നലെ വൈകുന്നേരമുണ്ടായ അപകടത്തില്‍ 23 പേര്‍ മരിച്ചു. നൂറോളം പേര്‍ക്ക് പരിക്കേറ്റിട്ടുണ്ട്. പാളം തെറ്റിയ ട്രെയിന്‍ സമീപത്തുള്ള ചായക്കടയിലേക്ക് ഇടിച്ചു കയറി. കടയുടമയും നാലോളം പേരും തല്‍ക്ഷണം മരിച്ചു.

തിരുവനന്തപുരം കൊച്ചുവേളി റെയിൽവേ സ്റ്റേഷനിൽ ഓടിക്കൊണ്ടിരുന്ന ട്രെയിനിന്റെ എഞ്ചിൻ വേർപെട്ടു. തിരുവനന്തപുരത്ത് നിന്നും പുറപ്പെട്ട ചെന്നൈ മെയില്‍ ട്രെയിൻ കൊച്ചുവേളി റെയിൽവേ സ്റ്റേഷൻ കഴിഞ്ഞപ്പോഴാണ് സംഭവം നടന്നത്. എഞ്ചിന്‍ വേര്‍പ്പെട്ട ട്രെയിന്‍ മീറ്ററുകളോളം മുന്നോട്ട് പോയി. എന്നാല്‍ വേഗത കുറവായത് കാരണം വലിയ അപകടമാണ് ഒഴിവായത്. യാത്രക്കാര്‍ സുരക്ഷിതരാണെന്നും സംഭവത്തെ കുറിച്ച് അന്വേഷണം നടത്തുമെന്നും ദക്ഷിണ റെയിൽവേ അധികൃതർ അറിയിച്ചു. കപ്ലിംഗില്‍ വന്ന പിഴവാണ് കാരണമെന്നും അധികൃതര്‍ വ്യക്തമാക്കി. അറ്റകുറ്റപ്പണികൾക്ക് ശേഷം ട്രെയിൻ വീണ്ടും യാത്ര പുറപ്പെട്ടു.

കൊച്ചിയിലെത്തിയ സണ്ണി ലിയോണിനെ ഒരു നോക്ക് കാണാനായി ആരാധകർ നടത്തിയ പെടാപെട് കണ്ട് സണ്ണി ലിയോൺ പോലും ഞെട്ടിപ്പോയി. ബസിനു മുകളിലും കെട്ടിടത്തിനു മുകളിലും വലിഞ്ഞു കേറുന്ന ആരാധകരുടെ നിരവധി ചിത്രങ്ങൾ പുറത്തുവന്നിരുന്നു. അതിലേറ്റവും രസകരമായി സണ്ണിക്ക് തോന്നിയത് വേദി മറച്ചിരുന്ന ഫ്ലക്സ് കീറി അതിനുളളിലൂടെ തല അകത്തേക്കിട്ട് സണ്ണിയെ നോക്കുന്ന ആരാധകന്റെ ചിത്രമാണ്.

ആയിരക്കണക്കിന് പേരാണ് കേരളത്തിലെ മുന്‍നിര സ്മാര്‍ട്ട്ഫോണ്‍ വിപണന ശൃംഖലയായ ‘ഫോണ്‍ 4 ഡിജിറ്റല്‍ ഹബ്ബി’ന്റെ കൊച്ചി എംജി റോഡ് ഷോറൂമിന്റെ ഉദ്ഘാടനത്തിനായി എത്തിയ സണ്ണി ലിയോണിനെ കാണാനെത്തിയത്. കൊച്ചിയിൽ തന്നെ ഒരു നോക്ക് കാണാനായി തടിച്ചു കൂടിയ ജനസാഗരത്തിനോടുളള നന്ദി ട്വിറ്ററിലൂടെ സണ്ണി പങ്കുവച്ചിരുന്നു.

ഒരുപാട് ചിത്രങ്ങളിൽ തനിക്ക് ഇഷ്ടപ്പെട്ടത് ഈ ചിത്രമാണ്. ഈ ചിത്രത്തിന് രസകരമായ ഒരുപാട് അടിക്കുറിപ്പുകൾ എഴുതണമെന്നുണ്ട്. പക്ഷേ എവിടെ തുടങ്ങണമെന്ന് എനിക്കറിയില്ല. ചെറിയ ഇഴയിലൂടെ എന്നെ നോക്കുന്ന ഈ ചിത്രം അത്രയ്ക്കും ക്യൂട്ടാണ്- സണ്ണി ട്വിറ്ററിൽ കുറിച്ചു.

So out of all the photos, this one takes the cake!! Lol so many captions I want to write but don’t know where to begin. So darn cute! pic.twitter.com/oF5cmrBSc3

— Sunny Leone (@SunnyLeone) August 17, 2017

ഫ്രഷേഴ്‌സ് ഡേയില്‍ വിദ്യാര്‍ത്ഥികള്‍ ഓടിച്ച കാര്‍ ഇടിച്ച് ഗുരുതരമായി പരിക്കേറ്റ വിദ്യാര്‍ത്ഥിനി മീരാ മോഹന്‍ മരിച്ചു. കടയ്ക്കാവൂര്‍ സ്വദേശിയായ പെണ്‍കുട്ടി ഇന്ന് പുലര്‍ച്ചെയാണ് മരിച്ചത്. തിരുവനന്തപുരത്ത് സ്വകാര്യ ആശുപത്രിയില്‍ ചികിത്സയിലായിരുന്നു.

വര്‍ക്കല ചാവര്‍കോട് സിഎച്എംഎം കോളെജിലാണ് സംഭവം. ഇന്നലെ രാവിലെ 11 മണിയോടെ അമിത വേഗത്തിലെത്തിയ കാര്‍ മീരയെ ഇടിക്കുകയായിരുന്നു. പ്രൊജക്ട്റ്റ് സമര്‍പ്പിക്കാനായാണ് മീര കോളെജിലെത്തിയതായിരുന്നു മീര. കോളെജിന് സമീപം കടയില്‍ കൂട്ടുകാരി ഫോട്ടോസ്റ്റാറ്റ് എടുക്കാന്‍ കയറിയപ്പോള്‍ ഇരുചക്രവാഹനത്തില്‍ പുറത്ത് കാത്തുനില്‍ക്കുന്ന സമയത്താണ് അമിത വേഗതയില്‍ എത്തിയ കാര്‍ ഇടിച്ചു തെറിപ്പിച്ചത്. അലക്ഷ്യമായി വാഹനം ഓടിച്ചതാണ് അപകട കാരണമെന്നാണ് ആരോപണം. നാട്ടുകാര്‍ കാറില്‍ ഉണ്ടായിരുന്ന വിദ്യാര്‍ത്ഥികളെ കയ്യേറ്റം ചെയ്തു. കാറില്‍ ഉണ്ടായിരുന്ന 5 വിദ്യാര്‍ത്ഥികളെ പൊലീസ് കസ്റ്റഡിയില്‍ എടുത്തു.

കര്‍ഷകന് നീതി, കൃഷിയെ സേവനം ആയി അംഗീകരിക്കുക, കൃഷി ഭൂമിയുടെ വിലയുടെ 90% ഓവര്‍ ഡ്രാഫ്റ്റ് അനുവദിക്കുക, കാര്‍ഷിക കടം അല്ല കൃഷിക്കാരന്റെ കടം ആണ് എഴുതി തള്ളേണ്ടത്, സ്വാമി നാഥന്‍ റിപ്പോര്‍ട്ട് നടപ്പിലാക്കുക, കര്‍ഷക തൊഴിലാളിയെ കൃഷിക്കാരന്‍ ആയി അംഗീകരിക്കുക എന്നീ ആവശ്യങ്ങള്‍ ഉന്നയിച്ചുകൊണ്ടു രാജ്യത്തുടനീളം ആം ആദ്മി പാര്‍ട്ടി നടത്തി വരുന്ന കര്‍ഷക സമരങ്ങളുടെ ഭാഗമായി, തൊടുപുഴയില്‍ ആഗസ്റ്റ് 18 വെള്ളിയാഴ്ച ഉച്ചക്ക് 2 മണിക്ക് തൊടുപുഴ പെന്‍ഷന്‍ ഭവന്‍ ഹാളില്‍ കണ്‍വന്‍ഷനും വൈകുന്നേരം 5 മണിക്ക് ഗാന്ധി സ്‌ക്വയറില്‍ കാര്‍ഷിക സെമിനാറും പൊതു സമ്മേളനവും നടത്തുന്നു. സെമിനാറില്‍ ആന്റണി കണ്ടിരിക്കല്‍(കാഡ്സ് ചെയര്‍മാന്‍), സി ആര്‍ നീലകണ്ഠന്‍, എന്‍.യു ജോണ്‍, പദ്മനാഭന്‍ ഭാസ്‌കരന്‍, വിനോദ് മേക്കോത്ത്, ഷൗക്കത്ത് അലി ഏരോത്ത്, പ്രഭാകരന്‍ പണായിക്കല്‍, ജോസ് കഞ്ഞിക്കുഴി എന്നിവര്‍ പങ്കെടുക്കുന്നു.

ബോളിവുഡ് നടി സണ്ണി ലിയോണ്‍ കൊച്ചിയിലെത്തി. രാവിലെ കൊച്ചി രാജ്യാന്തര വിമാനത്താവളത്തിലെത്തിയ സണ്ണിക്ക് വൻ വരവേൽപാണ് ലഭിച്ചത്. ആരാധകരുടെ വലിയൊരു കൂട്ടം തന്നെ വിമാനത്താവളത്തിൽ സണ്ണിയെ സ്വീകരിക്കാൻ എത്തിയിരുന്നു. വന്‍ സുരക്ഷാ സംവിധാനമാണ് സണ്ണിയെത്തുന്ന വേദിയില്‍ ഒരുക്കിയിരിക്കുന്നത്. ആയിരക്കണക്കിന് പേരാണ് സണ്ണിയെ ഒരു നോക്ക് കാണാനായി വേദിക്ക് ചുറ്റും തടിച്ചുകൂടിയിരിക്കുന്നത്

കേരളത്തിലെ മുന്‍നിര സ്മാര്‍ട്ട്ഫോണ്‍ വിപണന ശൃംഖലയായ ‘ഫോണ്‍ 4 ഡിജിറ്റല്‍ ഹബ്ബി’ന്റെ കൊച്ചി എംജി റോഡ് ഷോറൂം ഉദ്ഘാടനത്തിനാണ് താരം എത്തിയത്. ഫോണ്‍ 4ന്റെ മുപ്പത്തിമൂന്നാം ഷോറൂമാണ് കൊച്ചിയില്‍ ഉദ്ഘാടനം ചെയ്യുന്നത്. സണ്ണി ലിയോണ്‍ എത്തുന്നതിന് പുറമെ ഷോറുമില്‍ നിന്നും വന്‍ വിലക്കുറവും വിലപ്പിടിപ്പുള്ള സമ്മാനം സ്വന്തമാക്കാനുള്ള അവസരവും ഒരുക്കിയിട്ടുണ്ടെന്നാണ് കമ്പനിയുടെ അവകാശവാദം.