എറണാകുളം മഹാരാജാസില്‍ ബിരുദാനന്തര ബിരുദ വിദ്യാര്‍ഥിനിയാണ് സ്നേഹ ആർ.വി നായർ. പക്ഷേ അതോടൊപ്പം ഒരു നടിയും തട്ടുകടക്കാരിയും കൂടിയാണ് സ്നേഹ എന്ന പെണ്‍കുട്ടി എന്ന് പറഞ്ഞാല്‍ വിശ്വസിക്കുമോ ?എന്നാല്‍ സ്നേഹയുടെ ജീവിതം ഇങ്ങനെയാണ് .സ്നേഹയെ നമ്മള്‍ കണ്ടിട്ടുണ്ട് .മമ്മൂട്ടി നായകനായ ബാല്യകാല സഖിയിൽ കൊച്ചുത്രേസ്യയായി വേഷമിട്ടത് സ്നേഹയാണ് .വില്ലാളിവീരന്‍ ,ശേഷം കഥാഭാഗം അങ്ങനെ ഒരുപിടി സിനിമകളില്‍ സ്നേഹ അഭിനയിച്ചിട്ടുണ്ട് .
പക്ഷെ സ്നേഹ ഒരു നടി മാത്രമല്ല ഹരിപ്പാട് സുബ്രഹ്മണ്യസ്വാമി ക്ഷേത്രനടയ്ക്ക് സമീപം സ്നേഹയെ കാണാം .അവിടെയാണ് സ്നേഹയുടെ തട്ടുകഥ .സ്നേഹ കോളേജിൽ പോകുമ്പോൾ അമ്മ വിജയമ്മയാണ് കട നോക്കുന്നത്.നാരങ്ങാവെള്ളവും മോരുംവെള്ളവും മിഠായിയുമൊക്കെയാണ് കച്ചവടം.
മഹാരാജാസിൽ ബിരുദാനന്തര ബിരുദ വിദ്യാർഥിനിയാണ് സ്നേഹ.രാവിലെ 5.50 ന് എറണാകുളത്തിനുള്ള തീവണ്ടിയിലാണ് കോളേജിൽ പോകുന്നത്. വൈകീട്ട് അഞ്ചുമണിയോടെ മടക്കം.പിന്നെ കടയിലെ തിരക്കിലേക്ക് .സ്നേഹയ്ക്ക് ഇത് ജീവിക്കാനുളള വേഷമാണ്. ഇടയ്ക്ക് സീരിയലുകളിലും കോമഡി പരിപാടികളിലുമെല്ലാം സ്നേഹ അഭിനയിച്ചിട്ടുണ്ട്. ജീവിത പ്രാരാബ്ധങ്ങള്‍ക്കിടയിലും കലയോടുളള ഇഷ്ടം കൈവിടാനും സ്നേഹ തയ്യാറല്ല.അച്ഛൻ രാജേന്ദ്രൻപിള്ള എട്ടുവർഷം മുമ്പ് മരിച്ചതോടെയാണ് പട്ടിണിയിൽ നിന്ന് രക്ഷ നേടാനും പഠനം പൂർത്തിയാക്കാനുമായി സ്നേഹ തട്ടുകട തുടങ്ങിയത്.അവയവദാനവുമായി ബന്ധപ്പെട്ട് ദൂരദർശനിൽ പ്രദർശിപ്പിച്ച കൂടുമാറ്റം ഡോക്യുമെന്ററിയിലെ അഭിനയത്തിന് സംസ്ഥാന സർക്കാരിന്റെ പുരസ്‌കാരവും സ്നേഹയ്ക്ക് ലഭിച്ചിട്ടുണ്ട്.
കൊച്ചിയില്‍ കായലില്‍ മരിച്ച നിലയില്‍ കണ്ടെത്തിയ മിഷേലും ക്രോണിനും തമ്മില്‍ അടുപ്പം ഉണ്ടായിരുന്നു എന്ന് സൂചിപ്പിക്കുന്ന ചിത്രങ്ങള്‍ പോലീസിനു ലഭിച്ചു .ക്രോണിന്റെ ഫോണില്‍നിന്നാണ്‌ കേസില്‍ നിര്‍ണായകമായ ഈ തെളിവുകള്‍ പോലീസിനു ലഭിച്ചത്. ഇരുവരും തമ്മില്‍ പ്രണയമായിരുന്നുവെന്നു സാധൂകരിക്കുന്ന ചിത്രങ്ങളാണ്‌ പോലീസിനു ലഭിച്ചത്. മിഷേലുമൊത്തുള്ള സെല്‍ഫി ചിത്രങ്ങള്‍ ക്രോണിന്‍ പകര്‍ത്തിയതാണ്‌.
പോലിസ് ചോദ്യം ചെയ്യലില്‍ തന്നെ തങ്ങള്‍ തമ്മില്‍ പ്രണയം ആണെന്ന് ക്രോണിന്‍ സമ്മതിച്ചിരുന്നു .എന്നാല്‍ മിഷേലിനെ പല കാരണങ്ങള്‍ കൊണ്ടും സംശയിച്ച ക്രോണിന്‍ മിഷേലിന് കടുത്ത മാനസികസമ്മര്‍ദം നല്‍കിയിരുന്നു എന്നാണ് പോലിസ് പറയുന്നത് .ഇതാകാം ആത്മഹത്യയിലേക്ക് നയിച്ചത് .
പയ്യന്നുരിൽ മലയാളം യൂത്ത് ആക്ടർ ടോവിനോ തോമസിനെ തല്ലിയതായി താരം തന്നെ ആരാധകരുടെ നടുവിൽ നിന്ന് പ്രതികരിച്ചു , സോഷ്യൽ മീഡിയയിൽ വൈറൽ ആയികൊണ്ടിരിക്കുന്ന വീഡിയോയിലൂടെ ആണ് ഇത് പൊതു സമൂഹത്തിൽ എത്തിയത്. താരത്തിന്റെ പുതിയ ചിത്രം മെക്സിക്കൻ അപരതയുടെ പ്രചരണാർത്ഥം തുറന്ന വാഹനത്തിൽ ആരാധകരുടെ നടുവിൽ നിൽകുമ്പോൾ ആണ് തന്നെ ആരോ തള്ളിയതായി താരം പ്രതിഷേധിച്ചത്, പിന്നീട് ആരാധകരായ ചെറുപ്പക്കാർ തന്നെ സ്ഥിതി നിയന്ത്രണ വിധയമാക്കി താരം അരമണിക്കൂറോളം ആരാധകരോടൊപ്പം ചിലവിട്ടു മടങ്ങിയത്
മലപ്പുറം ഉപതെരഞ്ഞെടുപ്പ് യുഡിഎഫിനെ സംബന്ധിച്ചിടത്തോളം ഈസി വാക്കോവറായിരിക്കും എന്നാണ് കണക്കുകൂട്ടൽ. എല്ലാ അഭ്യൂഹങ്ങൾക്കും വിട നൽകി ലീഗിൽ ഇന്നുള്ള ഏറ്റവും ശക്തനായ നേതാവിനെ തന്നെ പാർട്ടി സ്ഥാനാർഥിയായും പ്രഖ്യാപിച്ചു. പി.കെ.കുഞ്ഞാലിക്കുട്ടി എന്ന ലീഗുകാരുടെ കുഞ്ഞാപ്പ മലപ്പുറത്തെ അനിഷേധ്യ നേതാവാണ്. പാണക്കാട് ഹൈദരലി ശിഹാബ് തങ്ങൾ പാർട്ടിയുടെ അവസാന വാക്കാണെങ്കിൽ പ്രായോഗിക രാഷ്ട്രീയത്തിൽ കുഞ്ഞാലിക്കുട്ടി തന്നെയാണ് കഴിഞ്ഞ കുറച്ച് കാലമായി ലീഗ് നായകൻ.
കുഞ്ഞാലിക്കുട്ടിയുടെ എെസ്ക്രീം പാർലർ കേസും വിവാദങ്ങളുമൊക്കെ പാർട്ടിക്കുണ്ടാക്കിയ ക്ഷീണം ചെറുതായിരുന്നില്ല. അദ്ദേഹം പാർട്ടിയിൽ അപ്രമാദിത്വം തെളിയിച്ച് മുന്നോട്ട് വന്നിരുന്ന ഘട്ടത്തിലാണ് വിവാദങ്ങൾ ഉണ്ടായത്. തുടർന്ന് നടന്ന നിയമസഭാ തെരഞ്ഞെടുപ്പിലും ലോക്സഭാ തെരഞ്ഞെടുപ്പിലുമൊക്കെ ലീഗ് അതിന് നല്ല വില കൊടുക്കേണ്ടി വന്നിരുന്നു. എന്നാൽ ചാരത്തിൽ നിന്ന് ഉയിർത്തെണീക്കുന്ന ഫീനിക്സ് പക്ഷിയെ പോലെയാണ് പിന്നീട് ലീഗ് ഉയിർത്തെണീറ്റത്.
കഴിഞ്ഞ രണ്ട് നിയമസഭാ തെരഞ്ഞെടുപ്പുകളിലും എണ്ണയിട്ട യന്ത്രം പോലെ പ്രവർത്തിച്ച പാർട്ടി മാനേജ്മെൻറ് ശക്തമായ തിരിച്ചു വരവാണ് നടത്തിയത്. യുഡിഎഫ് സർക്കാരിൽ അഞ്ച് മന്ത്രിമാരെ വേണമെന്ന് പറയാനും അത് പ്രാവർത്തികമാക്കാനും ലീഗിനായി. കഴിഞ്ഞ യുഡിഎഫ് സർക്കാർ വിവാദങ്ങൾ കൊണ്ട് കുഴങ്ങിയപ്പോഴും അതിൽ കുലുക്കമില്ലാതെ നിന്നത് ലീഗ് മാത്രമാണ്.
എെസ്ക്രീം പാർലർ കേസ് കാരണം മുൻ യുഡിഎഫ് സർക്കാരിൽ നിന്ന് രാജി വെക്കേണ്ടി വന്ന നേതാവായിരുന്നു കുഞ്ഞാലിക്കുട്ടി. എന്നാൽ ഉമ്മൻചാണ്ടി മന്ത്രിസഭയിലെ രണ്ടാമനായി കുഞ്ഞാപ്പ തലുയർത്തി നിന്നു. യുഡിഎഫ് മുന്നണി ബന്ധം വഷളായപ്പോഴൊക്കെ മധ്യസ്ഥൻെറ റോൾ വഹിച്ചതും കുഞ്ഞാലിക്കുട്ടി തന്നെയായിരുന്നു.
ഇ.അഹമ്മദിൻെറ നിര്യാണത്തെ തുടർന്ന് ഉപതെരഞ്ഞടുപ്പ് പ്രഖ്യാപനം വന്നപ്പോൾ തന്നെ സ്ഥാനാർഥിയാവാൻ സാധ്യത കൽപ്പിക്കപ്പെട്ടിരുന്നത് കുഞ്ഞാലിക്കുട്ടിക്ക് തന്നെയായിരുന്നു. ഇ.അഹമ്മദിൻെറ മകൾ ഫൗസിയ ഷെർസാദിൻെറ പേര് മാത്രമാണ് വേറെ പറഞ്ഞു കേട്ടത്. ലീഗ് നേതൃത്വം ആവശ്യപ്പെട്ടാൽ മത്സരിക്കുമെന്ന് അവർ പറഞ്ഞിരുന്നു. എന്നാൽ സ്ത്രീകൾ പാർലമെൻറിലേക്ക് മത്സരിക്കുന്ന കീഴ്വഴക്കമില്ലെന്ന് പ്രഖ്യാപിച്ച് ലീഗ് ആ സാധ്യത അവസാനിപ്പിച്ചു.
മലപ്പുറത്തെ ലീഗ് അണികൾക്ക് ഏറ്റവും ആവേശം പകരുന്ന നേതാക്കളിലൊരാളാണ് കുഞ്ഞാലിക്കുട്ടി. കേരളത്തിലെ ഇടതു നേതാക്കളുമായും ഒരു പരിധി വരെ മികച്ച ബന്ധം പുലർത്തുന്നയാളാണ് അദ്ദേഹം. ഇടതുപക്ഷത്തിൻെറയും ബിജെപിയുടെയും സ്ഥാനാർഥി പ്രഖ്യാപനം കൂടിയാണ് ഇനി വരാനുള്ളത്. കുഞ്ഞാലിക്കുട്ടിക്ക് ഇ.അഹമ്മദിനേക്കാൾ എത്ര ഭൂരിപക്ഷം കൂട്ടാനാവുമെന്നത് മാത്രമായിരിക്കും നിലവിൽ ലീഗ് നേതൃത്വത്തിൻെറ മുന്നിലുള്ളത്.
കോട്ടയം കാഞ്ഞിരപ്പളളിയിൽ ബാങ്ക് യോഗത്തിനിടെ സംഘർഷം. ഡയറക്ടർ ബോർഡംഗം ഉൾപ്പെടയുള്ളവർക്ക് പരുക്കേറ്റു. കേരള കോണ്‍ഗ്രസ് ഭരിക്കുന്ന സഹകരണ കാര്‍ഷിക ഗ്രാമവികസന ബാങ്കിലെ നിയമനത്തിന് പാർട്ടിയിലെ പ്രാദേശിക നേതാക്കൾ കോഴ ആവശ്യപ്പെട്ടന്ന് ആരോപിച്ച് ഡി.വൈ.എഫ്.ഐ നടത്തിയ മാര്‍ച്ചിലാണ് സംഘര്‍ഷമുണ്ടായത്. അതേസമയം ആരോപണം കേരള കോണ്‍ഗ്രസ് നേതൃത്വം നിഷേധിച്ചു.
കാഞ്ഞിരപ്പള്ളി സഹകരണ കാര്‍ഷിക ഗ്രാമ വികസന ബാങ്കില്‍ ക്ലാസ് ഫോർ നിയമനത്തിന് കേരളാ കോൺഗ്രസുകാരായ രണ്ട് ഡയറക്ടര്‍ ബോര്‍ഡ് അംഗങ്ങള്‍ 15 ലക്ഷം രൂപ കോഴ ആവശ്യപ്പെട്ടെന്ന ആരോപണം ഉയർന്ന് പശ്ചാത്തലത്തിലായിരുന്നു ഡിവൈഎഫഐയുടെ പ്രതിഷേധം. പതിനൊന്നുമണിയോടെ പ്രകടനമായെത്തിയ പ്രർത്തകരെ ഗേറ്റിന് മുന്നില്‍ പോലിസ് തടഞ്ഞുവെങ്കിലും പ്രതിഷേധക്കാര്‍ പോലീസ് വലയം ഭേദിച്ച് ബാങ്ക് പരിസരത്തേക്ക് തള്ളികയറുകയായിരുന്നു. യോഗം നടക്കുന്ന ഹാളിലേക്ക് ഇടിച്ച് കയറിയ ഡി.വൈ.എഫ്.ഐ പ്രവര്‍ത്തകര്‍ കസേര അടിച്ച് തകര്‍ക്കുകയും യോഗം അലങ്കോലപ്പെടുത്തുകയും ചെയ്തു. സംഘര്‍ഷത്തിനിടെ ഡയറക്ടര്‍ ബോര്‍ഡ് അംഗവും ആരോപണവിധേയനുമായ സാജന്‍ തൊടുകയ്ക്ക് മര്‍ദനമേറ്റു
പരുക്കേറ്റ സാജനെ പിന്നീട് കാഞ്ഞിരപ്പള്ളി ജനറൽ ആശുപത്രിയിൽ പ്രവേശിപ്പിച്ചു. അതേസമയം കോഴ ആവശ്യപ്പെട്ടുകൊണ്ടുള്ള ബോർഡംഗങ്ങളുടെ ശബ്ദരേഖ സാമൂഹികമാധ്യമങ്ങളിൽ വ്യാപകമായി പ്രചരിക്കുന്നുണ്ട്. പാര്‍ട്ടി ചെയർമാന്റെ സാന്നിധ്യത്തിലാണ് റാങ്ക് ലിസ്റ്റ് തയ്യാറാക്കുന്നതെന്നും അതിനാല്‍ ഉടന്‍ പണം എത്തിക്കണമെന്നും ശബ്ദരേഖയിലുണ്ട്. 14 അംഗ ഡയറക്ടര്‍ ബോര്‍ഡില്‍ കേരളാ കോണ്‍ഗ്രസിന് 10 അംഗങ്ങളാണുള്ളത്.
ഹോളി ആഘോഷിക്കാന്‍ ഇന്ത്യയിലെത്തിയ ബ്രിട്ടീഷ് വനിതയെ ഗോവ ബീച്ചില്‍ കൊല്ലപ്പെട്ട നിലയില്‍ കണ്ടെത്തി. ലിവര്‍പൂള്‍ സ്വദേശിനി ഡാനിയേല്‍ മക്‌ലാഫ്‌ലിന്‍ എന്ന 28കാരിയാണ് ബലാത്സംഗം ചെയ്ത ശേഷം കൊല്ലപ്പെട്ടത്. ഇവരെ ബലാത്സംഗം ചെയ്ത ശേഷം അക്രമി ക്രൂരമായി മര്‍ദ്ദിച്ചുകൊല്ലുകയായിരുന്നു.
സംഭവവുമായി ബന്ധപ്പെട്ട് വികാസ് ഭഗത് എന്നയാളെ പോലീസ് അറസ്റ്റുചെയ്തു. ഇയാള്‍ കുറ്റം സമ്മതിച്ചതായി പോലീസ് പറഞ്ഞു. ദക്ഷിണ ഗോവയിലെ പ്രശസ്തമായ പാലോലെം ബീച്ചില്‍ ഹോളി ആഘോഷത്തില്‍ പങ്കെടുത്ത മക്‌ലാഫ്‌ലിന്റെ പൂര്‍ണ നഗ്നമായ മൃതദേഹം ഇന്നലെ രാവിലെ രക്തത്തില്‍ കുളിച്ച നിലയിലാണ് കണ്ടെത്തിയത്. ഇവര്‍ താമസിച്ചിരുന്ന ഹോട്ടലിന് നാല് കിലോമീറ്റര്‍ അകലെയുള്ള പാടത്തില്‍ നിന്നാണ് മൃതദേഹം കണ്ടെത്തിയത്. മൃതദേഹത്തില്‍ ക്രൂരമായ മര്‍ദ്ദനമേറ്റ പാടുകളുണ്ടായിരുന്നെന്ന് പോലീസ് പറഞ്ഞു. ആന്തരിക അവയവങ്ങള്‍ക്കും ക്ഷതമേറ്റിട്ടുണ്ട്. ബലാത്സംഗം ചെയ്ത വിവരം പുറത്തറിയിക്കാതിരിക്കാനാണ് അക്രമി യുവതിയെ കൊലപ്പെടുത്തിയതെന്ന് ഡെപ്യൂട്ടി പോലീസ് സൂപ്രണ്ട് സാമി തവാരസ് മാധ്യമങ്ങളോട് പറഞ്ഞു. പ്രശാന്ത് കോമാര്‍പന്ത് എന്ന ഗ്രാമീണനാണ് മൃതദേഹം കിടക്കുന്ന വിവരം പോലീസിനെ അറിയിച്ചത്. സംഭവവുമായി ബന്ധപ്പെട്ട് പോലീസ് 15ഓളം പേരെ ചോദ്യം ചെയ്തു. ലിവര്‍പൂളിലെ ജോണ്‍ മൂര്‍സ് സര്‍വകലാശാലയില്‍ പഠനം പൂര്‍ത്തിയാക്കിയതായി മക്‌ലാഫ്‌ലിന്റെ ഫെയ്‌സ്ബുക്ക് പ്രൊഫൈലില്‍ പറയുന്നു.
ന്യൂഡല്‍ഹി: പ്രധാനമന്ത്രി നരേന്ദ്രമോദിയുടെ ബിരുദ, ബിരുദാനന്തര സര്‍ട്ടിഫിക്കറ്റ് വിവാദം ബിജെപിയെ കുറച്ചൊന്നുമല്ല പ്രതിരോധത്തിലാക്കുന്നത്. വിവാദം പ്രതിരോധിക്കാന്‍ മോദിയുടെ ബിരുദ – ബിരുദാനന്തര സര്‍ട്ടിഫിക്കറ്റുകള്‍ ബിജെപി നേതൃത്വം പുറത്തു വിട്ടെങ്കിലും അത് വ്യാജമാണെന്ന നിലപാടിലാണ് ജനങ്ങള്‍. മാത്രമല്ല പുറത്തു വിട്ട സര്‍ട്ടിഫിക്കറ്റുകളില്‍ ഗുരുതരമായ പൊരുത്തക്കേടുകള്‍ ഉണ്ടെന്നും കണ്ടെത്തിയിരുന്നു. നരേന്ദ്രമേദി പ്രധാനമന്ത്രിയായി സ്ഥാനമേറ്റതിന് പിന്നാലെ ഏറെ ചര്‍ച്ചയായ വിവാദമായിരുന്നു അദ്ദേഹത്തിന്റെ ബിരുദത്തെ കുറിച്ചുള്ളത്. മോദിയുടേത് വ്യാജ സര്‍ട്ടിഫിക്കാറ്റാണെന്നായിരുന്നു പ്രധാന ആരോപണം. ഇപ്പോഴിതാ ആ ആരോപണത്തെ കൂടുതല്‍ ചൂടു പിടിപ്പിക്കാന്‍ തക്കതായ പുതിയ തെളിവുകളാണ് ലഭ്യമാകുന്നത്.
മോദി പാസ്സായെന്നു പറയുന്ന കാലത്തെ ഒരു വിദ്യാര്‍ത്ഥിയുടേയും രേഖ കയ്യിലില്ലെന്നാണ് ദല്‍ഹി സര്‍വ്വകലാശാല വിദൂര വിദ്യാഭ്യാസ വിഭാഗം പറയുന്നത്. പ്രമുഖ ന്യൂസ് ഏജന്‍സിയായ ഐ.എ.എന്‍.എസിന്റെ റിപ്പോര്‍ട്ടര്‍ നല്‍കിയ വിവരാകാശ അപേക്ഷയിലാണ് സര്‍വ്വകലാശാലയുടെ മറുപടി. താങ്കള്‍ ആവശ്യപ്പെടുന്ന കാലത്തെ ഒരു വിദ്യാര്‍ത്ഥിയുടേയും വിവരങ്ങള്‍ ഇവിടെയില്ലെന്നായിരുന്നു മറുപടി. മോദി പഠിച്ചിരുന്ന കാലത്തെ വിദ്യാര്‍ത്ഥികളുടെ പരീക്ഷാ ഫലം, പേര്, റോള്‍ നമ്പര്‍, മാതാപിതാക്കളുടെ പേര് എന്നിവയും ചോദിച്ചിരുന്നു. 1978 ലാണ് മോദി ബിരുദം നേടിയാതായി ബി.ജെ.പി അവകാശപ്പെടുന്നത്.
നേരത്തെ മോദിയുടെ ബിരുദത്തെ കുറിച്ച് വിവരാവകാശം നല്‍കിയ വ്യക്തിയ്ക്ക് മറുപടി നല്‍കാതിരുന്നതിന് വിവരാവകാശ കമ്മീഷണറായിരുന്ന ശ്രീധര്‍ ആചാര്യലു 2500 രൂപ പിഴ വിധിച്ചിരുന്നു. ഇതേ സംഭവത്തില്‍ പിന്നീട് ശ്രീധര്‍ ആചാര്യലൂവിനെ തല്‍സ്ഥാനത്തുനിന്നും പുറത്താക്കുകയും ചെയ്തിരുന്നു. മോദി പാസ്സായെന്നു പറയുന്ന കാലത്തെ ഒരു വിദ്യാര്‍ത്ഥിയുടേയും രേഖ കയ്യിലില്ലെന്ന് ദല്‍ഹി സര്‍വ്വകലാശാല പറയുമ്പോള്‍ പിന്നെ എങ്ങനെയാണ് മോദിയുടെ മാത്രം സര്‍ട്ടിഫിക്കറ്റുകള്‍ പുറത്ത് വന്നത്. എന്തായാലും കള്ളങ്ങള്‍ കൊണ്ട് എത്രനാള്‍ മോദിക്ക് ഇന്ത്യന്‍ ജനതയെ പറ്റിക്കാന്‍ കഴിയും എന്നതാണ് പ്രസക്തമായ ചോദ്യം.
അറ്റ്ലസ് രാമചന്ദ്രന്‍റെ ജയില്‍ മോചനത്തിന് വഴിയൊരുങ്ങുന്നു. 18 മാസത്തെ ജയില്‍വാസത്തിന് ശേഷം കേസുകള്‍ നല്‍കിയ ഭൂരിപക്ഷം ബാങ്കുകളും ഒത്തു തീര്‍പ്പിനു തയ്യാറായതോടെയാണ് രാമചന്ദ്രന്‍റെ മോചനം സാധ്യമാകുന്നത് എന്നാണ് റിപ്പോര്‍ട്ട്. ബാക്കിയുള്ള ബാങ്കുകളോട് കടങ്ങള്‍ വീട്ടാനുള്ള സമയം അനുവദിക്കണമെന്ന് ആവശ്യപ്പെടാന്‍ കേന്ദ്രത്തില്‍ സമ്മര്‍ദ്ദം ചെലുത്തണമെന്നുപറഞ്ഞുകൊണ്ട് രാമചന്ദന്‍റെ കുടംബം മുഖ്യമന്ത്രിക്ക് അപേക്ഷ നല്‍കി.നിലവിൽ ഒരു ബാങ്കുമായുള്ള കേസിൽ മൂന്ന് കൊല്ലത്തേക്കാണ് അറ്റ്ലസ് രാമചന്ദ്രന് ശിക്ഷ വിധിച്ചത്. മറ്റ് കേസുകൾ യുഎഇയിലെ കോടതിയുടെ പരിഗണനയിൽ ഇരിക്കയാണ്. ഈ സമയം തന്നെയാണ് കേസുകളെല്ലാം കോടതിക്ക് പുറത്ത് ഒത്തുതീർക്കാൻ ശ്രമം നടത്തിയത്. ഇതിൽ ഒരു പരിധിവരെ വിജയിക്കുകയും ചെയ്തിരുന്നു. അദ്ദേഹത്തിന് മേൽ ചുമത്തിയിരുന്ന കേസുകളിൽ ശിക്ഷിക്കപ്പെട്ടാൽ 40 വർഷത്തിലേറെ ജയിലിൽ കഴിയേണ്ട അവസ്ഥ ഉണ്ടായിരുന്നു. എഴുപത് വയസ്സ് പിന്നിട്ട രാമചന്ദ്രനെ ജീവിതാവസാനം വരെ ജയിലിൽ കിടക്കാൻ അനുവദിക്കില്ലെന്നാണ് പ്രവാസി മലയാളികളുടെ പൊതു വികാരം. ഇതിനുള്ള നീക്കങ്ങൾ മലയാളികൾ സജീവമാക്കുമ്പോൾ പ്രതീക്ഷയുടെ മറ്റൊരു സൂചന കൂടിയെത്തുന്നു.
അറ്റ്ലസ് സ്ഥാപനങ്ങളുടെ പേരില്‍ നല്‍കിയ ചെക്കുകള്‍ മടങ്ങിയതിനെതുടര്‍ന്ന് ദുബായിലെ റിഫ, ബര്‍ദുബായി, നായിഫ് എന്നീ പോലീസ് സ്റ്റേഷനുകളില്‍ ലഭിച്ച പരാതിയെ തുടര്‍ന്നാണ് 2015 ഓഗസ്റ്റ് 23ന് രാമചന്ദ്രനെ പോലീസ് അറസ്റ്റുചെയതത്. സെക്യൂരിറ്റി ചെക്ക് മടങ്ങിയതിന്‍റെ പേരില്‍ ഒരു ബാങ്ക് നല്‍കിയ കേസിലായിരുന്നു അറസ്റ്റിലായെങ്കിലും പിന്നീട് വായ്പയെടുത്ത മറ്റു ബാങ്കുകള്‍ കൂടി പരാതിയുമായെത്തി. ഇതില്‍ ഭൂരിപക്ഷം ബാങ്കുകളും ഒത്തുതീര്‍പ്പിനു തയ്യാറായതോടെയാണ് 18മാസമായി ജയിലില്‍ കഴിയുന്ന അറ്റ്ലസ് രാമചന്ദ്രന് പുറത്തേക്കുള്ള വഴിയൊരുങ്ങുന്നത്.
ഇനി രണ്ടു ബാങ്കുകള്‍ കൂടി സഹകരിച്ചാല്‍ ജയില്‍ മോചനം എളുപ്പത്തിലാകും. ഇതിന് കടങ്ങള്‍ വീട്ടാനുള്ള സമയം അനുവദിക്കണമെന്ന് ബാങ്കുകളോട് ആവശ്യപ്പെടാന്‍ കേന്ദ്രത്തില്‍ സമ്മര്‍ദം ചെലുത്തണമെന്നു പറഞ്ഞുകൊണ്ട് സംസ്ഥാനസര്‍ക്കാരിനുനല്‍കിയ അപേക്ഷയില്‍ ഉടന്‍ അനുകൂല സമീപനം ഉണ്ടാകുമെന്ന പ്രതീക്ഷയിലാണ് ബന്ധപ്പെട്ടവര്‍.
ജയലളിതയുടെ മരണശേഷം മകനാണെന്ന അവകാശവാദവുമായി ഒരു യുവാവ് രംഗത്തെത്തി. താന്‍ ജയലളിതയുടെ മകനാണെന്നും ജയലളിതയെ ചിലര്‍ കൊലപ്പെടുത്തിയതാണെന്നും കാണിച്ച് ചീഫ് സെക്രട്ടറിക്ക് പരാതി നല്‍കിയത് ഈറോഡ് സ്വദേശിയായ കൃഷ്ണമൂര്‍ത്തിയാണ്.
താന്‍ ജയലളിതയുടെ ഏക മകനാണെന്നും ജയലളിതയുടെ സുഹൃത്ത് വനിതാമണിയുടെ വീട്ടിലാണ് തന്നെ എടുത്തുവളര്‍ത്തിയ മാതാപിതാക്കള്‍ക്കൊപ്പം താമസിക്കുന്നതെന്നും കൃഷ്ണമൂർത്തി പറയുന്നു. താൻ 2016 സെപ്തംബര്‍ 14ന് പോയസ് ഗാര്‍ഡനിലെ വീട്ടില്‍ ജയലളിതയെ സന്ദര്‍ശിച്ചിരുന്നതായും ഇയാള്‍ അവകാശപ്പെടുന്നു. നാലു ദിവസം ജയളിതയോടൊപ്പം താന്‍ താമസിച്ചിരുന്നു. ലോകത്തിനു മുന്നില്‍ താന്‍ മകനാണെന്ന കാര്യം വെളിപ്പെടുത്താന്‍ ജയലളിത തീരുമാനിച്ചിരുന്നു. എന്നാല്‍ ഇതുമായി ബന്ധപ്പെട്ട് ജയലളിതയും ശശികലയും തമ്മില്‍ വാക്കേറ്റം നടക്കുകയും ശശികല ജയലളിതയെ തള്ളി താഴെയിടുകയും ചെയ്തു. പടികള്‍ക്കു മുകളില്‍നിന്ന് താഴെവീണാണ് ജയലളിതയ്ക്ക് പരിക്കേറ്റതെന്നും ഇയാള്‍ പറയുന്നു.
ഈ കാര്യങ്ങള്‍ പേടി മൂലമാണ് താന്‍ മുന്‍പ് പുറത്തു പറയാതിരുന്നത്. എന്നാല്‍ പിന്നീട് താന്‍ ധൈര്യം സംഭരിക്കുകയും സത്യം വെളിപ്പെടുത്താന്‍ തയ്യാറാവുകയുമായിരുന്നു. ജയലളിതയുടെ ഏക മകനായ താനാണ് അവരുടെ സ്വത്തുവകകളുടെയെല്ലാം അവകാശിയെന്നും ഇയാള്‍ പറയുന്നു. ഇക്കാര്യങ്ങള്‍ ചൂണ്ടിക്കാട്ടി കൃഷ്ണമൂര്‍ത്തി സാമൂഹ്യപ്രവര്‍ത്തകര്‍ക്കും കത്ത് നല്‍കിയിട്ടുണ്ട്.
കൊച്ചിയിൽ ദുരൂഹസാഹചര്യത്തിൽ മരിച്ച മിഷേൽ ഷാജി കാണാതാകും മുമ്പ് കേസിൽ അറസ്റ്റിലായ ക്രോണിന്‍ അലക്സാണ്ടര്‍ ബേബിയുടെ അമ്മയുമായി ഫോണിൽ സംസാരിച്ചിരുന്നതായി കണ്ടെത്തി. മിഷേലിന്റെ ഫോണ്‍ സ്വിച്ച് ഓഫ്ഡ് ആകുന്നതിനു മുമ്പായിരുന്നു സംഭാഷണം. ക്രോണിന്റെ അമ്മയുടെ എസ്എംഎസ് മിഷേലിന്റെ ഫോണിലേക്ക് വരികയും മിഷേല്‍ തിരികെ വിളിക്കുകയുമായിരുന്നെന്ന് കണ്ടെത്തിയതിനെ തുടർന്ന് അമ്മയെ ചോദ്യം ചെയ്തു. താന്‍ വിളിച്ചിട്ട് മിഷേല്‍ ഫോണെടുക്കുന്നില്ലെന്നും വിളിച്ചു നോക്കാന്‍ ക്രോണിന്‍ ആവശ്യപ്പെട്ടതിനു തുടര്‍ന്നാണ് താന്‍ ബന്ധപ്പെടാന്‍ ശ്രമിച്ചതെന്നുമാണ് ഇവർ മൊഴി നൽകിയിരിക്കുന്നത്.
അതിനിടെ സംഭവത്തിൽ സെന്‍ട്രല്‍ സ്റ്റേഷനിലെ സീനിയര്‍ സിപിഒ അബ്ദുൽ ജലീലിനെ സസ്പെൻഡ് ചെയ്തു. മിഷേലിനെ കാണാതായെന്ന പരാതിയില്‍ കേസെടുക്കാന്‍ വൈകിയതിനാണ് സസ്പെൻഷൻ നടപടി. സെന്‍ട്രല്‍ എസ്ഐ എസ്. വിജയശങ്കറിനെതിരെ അച്ചടക്ക നടപടിക്കും കമ്മിഷണര്‍ നിർദേശം നൽകിയിട്ടുണ്ട്. പോലീസ് കൃത്യസമയത്ത് ഇടപെടൽ നടത്തിയിരുന്നെങ്കിൽ മകൾ നഷ്ടമാകില്ലായിരുന്നെന്ന് ആരോപണവുമായി മിഷേലിന്റെ മാതാപിതാക്കൾ നേരത്തെ രംഗത്ത് വന്നിരുന്നു. മാതാപിതാക്കൾ നൽകിയ പരാതിയിൽ കേസെടുക്കാൻ പോലീസ് വൈകിപ്പിച്ചെന്നായിരുന്നു ആരോപണം.
മിഷേലിന്റെ മരണം സംബന്ധിച്ച കേസന്വേഷണം ഇന്ന് ക്രൈംബ്രാഞ്ച് ഏറ്റെടുക്കും. മിഷേൽ ആത്മഹത്യ ചെയ്തതാണെന്ന നിഗമനത്തിലാണ് നിലവിലെ അന്വേഷണ സംഘം. മിഷേലുമായി അടുപ്പത്തിലായിരുന്ന ക്രോണിൻ ആണ് ആത്മഹത്യയ്ക്ക് പ്രേരിപ്പിച്ചതെന്നതാണ് പോലീസ് കരുതുന്നത്. എന്നാൽ കാണാതായ ശേഷം മിഷേൽ എവിടെയായിരുന്നെന്നും എന്താണ് സംഭവിച്ചതെന്നുമുള്ള കാര്യത്തിൽ വ്യക്തമായ വിശദീകരണം നൽകാൻ പോലീസിന് ഇതേവരെയും സാധിച്ചിട്ടില്ല.
അറസ്റ്റിലായ ക്രോണിന്‍ മിഷേലിന്റെ ബന്ധുവാണെന്ന് പോലീസ് നേരത്തെ അറിയിച്ചിരുന്നു. എന്നാൽ ഇയാൾ ബന്ധുവല്ലെന്നും മിഷേലിന്റെ മരണം ആത്മഹത്യയാണെന്ന് വിശ്വസിക്കാനാവുന്നതല്ലെന്നും മിഷേലിന്റെ പിതാവ് ഷാജി കഴിഞ്ഞ ദിവസം പറഞ്ഞു. മകൾ ആത്മഹത്യ ചെയ്യാനുള്ള സാധ്യതയില്ലെന്നാണ് അദ്ദേഹം ആവർത്തിച്ച് പറയുന്നത്. അതേസമയം ക്രോണിന്‍ അലക്സാണ്ടര്‍ ബേബിയുടെ ജാമ്യാപേക്ഷ കോടതി ഇന്ന് പരിഗണിക്കും.
