പെരിഞ്ഞനം കൊറ്റംകുളത്ത് ആത്മഹത്യ്യ്ക്ക് ശ്രമിച്ച യുവതി മരിച്ചു. കൊറ്റംകുളം സ്വദേശിനി അഫ്സാന (21) ആണ് മരിച്ചത്. ഭര്ത്താവ് കൊല്ലാട്ടില് അമല് അറസ്റ്റിലായി ഈ മാസം ഒന്നിനാണ് ആത്മഹത്യയ്ക്ക് ശ്രമിച്ചത്. സ്ത്രീധന പീഡനത്തെ തുടര്ന്നാണ് അഫ്സാന ആത്മത്യയ്ക്ക് ശ്രമിച്ചതെന്നാണ്
മൂന്നുപീടികയിലെ ഒരു ഫ്ളാറ്റിലാണ് ഇവര് താമസിച്ചിരുന്നത്. ദീര്ഘകാല പ്രണയത്തിനൊടുരില് ഒന്നര വര്ഷം മുന്പായിരുന്നു ഇവര് വിവാഹിതരായത്. ഫ്ളാറ്റില് വച്ച് സ്ത്രീധനത്തെ ചൊല്ലി അമല് നിരന്തരം വഴക്കിട്ടിരുന്നുവെന്ന് കണ്ടെത്തിയതിനെ തുടര്ന്ന് അമലിനെ കയ്പമംഗലം പോലീസ് കസ്റ്റഡിയിലെടുത്തിരുന്നു. ഇയാള് ഇപ്പോള് റിമാന്ഡിലാണ്. ഇന്നു രാവിലെ തൃശൂര് മെഡിക്കല് കോളജിലാണ് അഫ്സാന മരിച്ചത്.
മലയാളി, ഓണസദ്യയ്ക്ക് വട്ടം കൂട്ടുമ്പോൾ, പൊതുവിപണിയിലെ പച്ചക്കറി ഇനങ്ങളിൽ കുമിൾ-കീടനാശിനി സാന്നിദ്ധ്യം ഇരട്ടിച്ചെന്ന് കാർഷിക സർവകലാശാല സാമ്പിൾ പരിശോധനാ ഫലം. 2021 ഏപ്രിൽ-സെപ്റ്റംബറിൽ 25.74 ശതമാനം സാമ്പിളുകളിൽ കണ്ടെത്തിയ കീടനാശിനി സാന്നിദ്ധ്യം ഒക്ടോബർ-മാർച്ചിൽ 47.62 ശതമാനം ഇനങ്ങളിലുമെത്തിയെന്നാണ് കണ്ടെത്തൽ.
സാമ്പാറിൽ ഉപയോഗിക്കുന്ന വെണ്ടയ്ക്ക, മുരിങ്ങയ്ക്ക, ഉള്ളി, കാരറ്റ്, തക്കാളി, കറിവേപ്പില, മല്ലിയില, പച്ചമുളക് എന്നിവയിലെ 40-70ശതമാനം സാമ്പിളിലും അനുവദനീയ പരിധിയിൽ കൂടുതൽ കുമിൾ-കീടനാശിനി സാന്നിദ്ധ്യം കണ്ടെത്തി.
ഇതിൽ തക്കാളിയിൽ മെറ്റാലാക്സിൽ, കാരറ്റിൽ ക്ളോർപൈറിഫോസ്, മുരിങ്ങക്കയിൽ അസറ്റാമിപ്രിഡ്, പച്ചമുളകിൽ എത്തയോൺ പോലുള്ള ഉഗ്രവിഷങ്ങളാണ് കണ്ടെത്തിയത്. പായസത്തിലെ പ്രധാന ചേരുവയായ ഏലക്കയിലും ചതച്ച മുളക്, ജീരകം, കസൂരിമേത്തി, കാശ്മീരി മുളക് എന്നിവയിലുമൊക്കെ 44.93 ശതമാനത്തിലും കീടനാശിനി സാന്നിദ്ധ്യം കണ്ടെത്തി.
15.38 ശതമാനമായിരുന്നു നേരത്തെയുള്ള പരിശോധനാ ഫലം. പഴങ്ങളിൽ ആപ്പിളിലും മുന്തിരിയിലുമാണ് കൂടുതൽ. ജൈവമെന്ന പേരിലുള്ള സ്ഥാപനങ്ങളിലെ ബീൻസ്, ഉലുവയില, പാഴ്സലി, സാമ്പാർ മുളക്, കാരറ്റ്, സലാഡ് വെള്ളരി, പാവയ്ക്ക എന്നിവയിൽ 30-50 ശതമാനത്തിലും വിഷാംശമുണ്ട്. അതേസമയം കായ, നേന്ത്രപ്പഴം, സവാള, മത്തൻ, കുമ്പളം എന്നിവയിൽ കീടനാശിനി സാന്നിദ്ധ്യം കണ്ടെത്താത്തതാണ് ആശ്വാസം. സംസ്ഥാനത്തിന്റെ വിവിധ ഭാഗങ്ങളിൽ നിന്നുള്ള 534 പഴം, പച്ചക്കറി, സുഗന്ധ വ്യഞ്ജന സാമ്പിളുകളിൽ 187ലും കീടനാശിനിയുണ്ട്. പൊതുവിപണി, ഇക്കോഷോപ്പ്, ജൈവമെന്ന പേരിലുള്ള സ്ഥാപനങ്ങൾ എന്നിവയ്ക്ക് പുറമേ കർഷകരിൽ നിന്ന് നേരിട്ടും സാമ്പിളെടുത്തിരുന്നു.
വ്ളോഗര് റിഫ മെഹ്നുവിന്റെ ഭര്ത്താവ് മെഹ്നാസിന്റെ മുന്കൂര് ജാമ്യാപേക്ഷ ഹൈക്കോടതി തള്ളി. റിഫയുടെ ആത്മഹത്യയുമായി ബന്ധപ്പെട്ട് മെഹ്നാസിനെതിരെ ചുമത്തിയ കേസിലെ ജാമ്യാപേക്ഷയാണ് ഹൈക്കോടതി തള്ളിയത്. റിഫയ്ക്ക് വിവാഹ സമയത്ത് പ്രായപൂര്ത്തി ആയിട്ടില്ലാത്തതിനാല് പോക്സോ കേസ് ചുമത്തി മെഹ്നാസിനെ അറസ്റ്റ് ചെയ്തിരുന്നു.
നിലവില് ഈ കേസില് റിമാന്ഡില് കഴിയുകയാണ് മെഹ്നാസ്. റിഫയുടെ ആത്മഹത്യയില് മെഹ്നാസിനെതിരെ ആത്മഹത്യാ പ്രേരണ കുറ്റത്തിനും ശാരീരിക മാനസിക പീഡനത്തിനുമാണ് കേസ് എടുത്തിട്ടുള്ളത്. റിഫയുടെ മരണത്തില് ദുരൂഹതയുണ്ടെന്നാണ് പോലീസ് റിപ്പോര്ട്ട്. ഇതിന്റെ അടിസ്ഥാനത്തിലാണ് മുന്കൂര്ജാമ്യാപേക്ഷ തള്ളിയത്.
റിഫയെ മാനസികമായും ശാരീരികമായും പീഡിപ്പിച്ചിരുന്നുവെന്നും ഇത് ആത്മഹത്യയ്ക്ക് കാരണമായെന്നുമാണ് കേസ് അന്വേഷിച്ച കാക്കൂര് പോലീസിന്റെ കണ്ടെത്തല്. ആത്മഹത്യാപ്രേരണാക്കുറ്റം ഉള്പ്പെടെ പത്ത് വര്ഷംവരെ തടവ് ശിക്ഷ കിട്ടാവുന്ന വകുപ്പുകള് ചുമത്തിയാണ് മെഹ്നാസിനെതിരെ കേസെടുത്തിരിക്കുന്നത്.
സിനിമാരംഗത്ത് നിന്ന് തനിക്ക് നേരിടേണ്ടി വന്ന ചതിയുടെ കഥ പറഞ്ഞ് നടന് ബാല. അത് ജീവിതത്തില് തന്നെ അടിമുടി തകര്ത്ത് കളഞ്ഞ സംഭവമാണെന്നും എന്നാല് അതില് ഉള്പ്പെട്ട വ്യക്തി മലയാള സിനിമയിലെ തന്നെ പ്രമുഖനായ ഒരാളാണെന്നും ബാല പറയുന്നു.
‘ജീവിതത്തില് എന്നെ തകര്ത്ത് കളഞ്ഞ സംഭവം ഉണ്ടായിട്ടുണ്ട്. പക്ഷെ ആരാണ് അതില് ഉള്പ്പെട്ട വ്യക്തിയെന്ന് പറയാന് ഞാന് ആഗ്രിഹക്കുന്നില്ല.’ ‘ഒരു പടത്തിന് വേണ്ടി ഒരാള്ക്ക് ഞാന് അഡ്വാന്സ് കൊടുത്തു. അയാളെ എന്നെ പിന്നീട് വലിയ രീതിയില് ചതിച്ചു. അഡ്വാന്സ് മേടിച്ച് കൂടെ നിന്നിട്ട് പിന്നീട് ചതിച്ചു. മലയാള സിനിമയിലെ പ്രമുഖനായ ഒരാളാണ്’ അദ്ദേഹം പറഞ്ഞു.
അതേസമയം, മോഹന്ലാലും മമ്മൂട്ടിയും തന്നെ വലിയ രീതിയില് സ്വാധീനിച്ചവരാണെന്നും ബാല കൂട്ടിച്ചേര്ത്തു. ആരാധന കൊണ്ട് മാത്രം പുകഴ്ത്തി പറയുന്നില്ല. മോഹന്ലാല് സാറിന് റിഹേഴ്സലിന്റെ ആവശ്യമില്ല. പക്ഷെ അദ്ദേഹം തന്റെ കൂടെ അഭിനയിക്കുന്നവര്ക്ക് കാര്യങ്ങള് എളുപ്പമാകാന് വേണ്ടി റിഹേഴ്സല് ചെയ്യാറുണ്ട്. മമ്മൂക്കയുടെ കൈയ്യില് നിന്ന് ഡിസിപ്ലിന് എന്ന കാര്യമാണ് ഞാന് പഠിച്ചിട്ടുള്ളത്. സങ്കടം വിധിയാണ്.”ഹാപ്പിനസ് നമ്മള് കണ്ടെത്തണം. അത് നമ്മുടെ കടമയാണ്. എന്നോടൊപ്പം ഇരിക്കുന്നവര് എപ്പോഴും സന്തോഷത്തോടെ ഇരിക്കാന് വേണ്ടത് ചെയ്യാന് ഞാന് ശ്രദ്ധിക്കാറുണ്ട്.’ അദ്ദേഹം വ്യക്തമാക്കി.
അതേസമയം, ബാലയുടെ മുന് ഭാര്യ അമൃത സുരേഷ് ഇപ്പോള് സംഗീത സംവിധായകന് ഗോപി സുന്ദറുമായി പ്രണയത്തിലാണ്. അടുത്തിടെയാണ് ഇരുവരും പ്രണയം പരസ്യപ്പെടുത്തിയത്. അമൃത ഗോപി സുന്ദറുമായുള്ള പ്രണയം പരസ്യപ്പെടുത്തിയ ശേഷം ബാല പങ്കുവെച്ച വീഡിയോ വൈറലായിരുന്നു.
സിനിമയില് സജീവമാകുന്നതിന് മുമ്പുള്ള തന്റെ ജീവിതത്തെക്കുറിച്ച് മനസ്സുതുറന്ന് ആമിര് ഖാന്. കുടുംബത്തിലെ കടബാദ്ധ്യതകള് കാരണം തനിക്കും സഹോദരങ്ങള്ക്കും സ്കൂള് ഫീസ് അടയ്ക്കാന് പോലും കഴിയാതിരുന്ന ബാല്യകാലം ഓര്ത്തെടുക്കുമ്പോള് ആമിര് വികാരാധീതനാകാറുണ്ട്.
സ്കൂള് ഫീസ് അടയ്ക്കാന് കഴിയാതിരുന്ന ആ കാലംതന്റെ കുട്ടിക്കാലത്തെ അനുഭവ കഥകള് പ്രേക്ഷകര്ക്ക് ഒരു അഭിമുഖത്തില് ആമിര് പങ്കുവച്ചിട്ടുണ്ട്. താരത്തിന്റെ വാക്കുകള് ഇങ്ങനെ.’കുട്ടിക്കാലത്ത് എന്റെ കുടുംബം കടക്കെണിയില് അകപ്പെട്ടിട്ടുണ്ട്. എട്ടുവര്ഷത്തോളം വളരെയധികം ദുഷ്കരമായ അവസ്ഥയിലൂടെയാണ് കടന്നുപോയത്. പഠനകാലത്ത് ആറാം ക്ലാസില് ആറ് രൂപ, ഏഴാം ക്ലാസില് ഏഴ് രൂപ, എട്ടാം തരത്തില് എട്ട് രൂപ എന്നിങ്ങനെയായിരുന്നു സ്കൂള് ഫീസ്.
അന്നൊക്കെ കൃത്യസമയത്ത് ഫീസ് അടയ്ക്കാന് കഴിയാതെ വന്നിട്ടുണ്ട്. ഒന്നോ രണ്ടോ മുന്നറിയിപ്പ് നല്കിയ ശേഷം സ്കൂള് പ്രിന്സിപ്പള് ഫീസടയ്ക്കാത്ത കുട്ടികളുടെ പേരുകള് അസംബ്ലിയില് വിളിക്കും’- നിറകണ്ണുകളോടെ ആമിര് പറഞ്ഞു.
ചലച്ചിത്ര നിര്മ്മാതാവായ താഹിര് ഹുസൈന്റെയും ഭാര്യ സീനത്ത് ഹുസൈന്റെയും മകനാണ് ആമിര് ഖാന്. ഫൈസല് ഖാന്, ഫര്ഹത്ത് ഖാന്, നിഖത് ഖാന് എന്നിവരാണ് സഹോദരങ്ങള്. 1973 ല് പുറത്തിറങ്ങിയ ‘യാദോന് കി ഭാരതില്’ ബാലതാരമായാണ് ആമിറിന്റെ സിനിമയിലേയ്ക്കുള്ള അരങ്ങേറ്റം.
കേശവദാസപുരത്ത് വീട്ടമ്മയെ കൊലപ്പെടുത്തിയ പ്രതി ചെന്നൈയില് പിടിയില്. ആദം ഒറ്റയ്ക്കാണ് കൊലപാതകം നടത്തിയതെന്നാണ് പോലീസിന്റെ പ്രാഥമിക നിഗമനം. ഇന്നലെ വൈകിട്ടാണ് ഇയാള് തമ്പാനൂരില് നിന്നും ട്രെയിനില് ചെന്നൈയിലേക്ക് രക്ഷപ്പെട്ടത്.
വിരമിച്ച സര്ക്കാര് ഉദ്യോഗസ്ഥയായ മനോരമ (68)യെ അടുത്ത വീട്ടിലെ കിണറ്റിലാണ് മരിച്ചനിലയില് കണ്ടെത്തിയത്. മനോരമയെ കാണാനില്ലെന്ന പരാതിയെ തുടര്ന്ന് നടത്തിയ പരിശോധനയിലാണ് മൃതദേഹം കിട്ടിയത്. മനോരമയുടെ ഭര്ത്താവ് ദിനരാജ് വീട്ടില് ഇല്ലാതിരുന്ന സമയത്തായിരുന്നു സംഭവം.
ഭര്ത്താവ് മകളെ കാണാന് വര്ക്കലയില് പോയിരുന്നു. തിരിച്ചെത്തിയപ്പോള് മനോരമയെ കാണാതിരുന്നതോടെയാണ് അന്വേഷണം ആരംഭിച്ചത്. വീട്ടില് നിന്ന് നിലവിളി കേട്ടതായി അയല്വാസികള് ദിനരാജിനെ ഫോണില് വിളിച്ച് അറിയിച്ചിരുന്നു. പോലീസ് നായ മണം പിടിച്ച് അയല്പക്കത്തെ വീട്ടിലെ കിണറിന് സമീപം വന്നു നിന്നു. തുടര്ന്ന് ഫയര്ഫോഴ്സിനെ എത്തിച്ചു നടത്തിയ തെരച്ചിലിലാണ് മൃതദേഹം കണ്ടെത്തിയത്.
മോഷണ ശ്രമമാണ് കൊലപാതകത്തില് കലാശിച്ചതെന്നായിരുന്നു ആദ്യ നിഗമനം. 60,000 രൂപ വീട്ടില് നിന്ന് കാണാതായെന്ന് കരുതിയിരുന്നു. എന്നാല് വിശദ പരിശോധനയില് പണം നഷ്ടപ്പെട്ടിട്ടില്ലെന്ന് കണ്ടെത്തി. ആറ് മാസം മുമ്പാണ് ആദം അലി ഉള്പ്പടെയുള്ള അതിഥി തൊഴിലാളികള് മനോരമയുടെ വീടിന് സമീപം ജോലിക്കെത്തിയത്. കൊലപാതക ശേഷം ആദം അലി സുഹൃത്തുക്കളെ വിളിച്ചിരുന്നുവെന്ന് പോലീസ് പറഞ്ഞു. പുതിയ സിം എടുക്കാനാണ് ഇയാള് സുഹൃത്തുക്കളെ വിളിച്ചത്.
കൃത്യം നടന്ന് 24 മണിക്കൂറിനകമാണ് പ്രതി പിടിയിലായിരിക്കുന്നത്. ആദം അലി മനോരമയെ കഴുത്ത് ഞെരിച്ച് കൊന്ന് കൈകാലുകള് കെട്ടി രണ്ട് വീട് അപ്പുറത്തെ കിണറ്റില് തള്ളി. മനോരമയുടെ മൃതദേഹം ചുമന്നെടുത്ത് ആദം അലി നടന്ന് പോകുന്ന നിര്ണ്ണായക സിസിടിവി ദൃശ്യങ്ങള് പോലീസ് ശേഖരിച്ചിരുന്നു.
ആലപ്പുഴ പോലീസ് ക്വാര്ട്ടേഴ്സില് രണ്ട് പിഞ്ചുമക്കളെ കൊന്ന് യുവതി ആത്മഹത്യ ചെയ്ത സംഭവത്തില് വഴിത്തിരിവായി അന്വേഷണസംഘത്തിന് വീഡിയോ. മരിച്ച നജ്ലയുടെ ഭര്ത്താവും പോലീസുകാരനുമായ റെനീസിന്റെ കാമുകി മൂന്ന് മരണങ്ങള്ആ വീട്ടില്നടക്കും മുന്പ് ക്വാര്ട്ടേഴ്സിലെത്തി നജ്ലയുമായി വഴക്കിടുന്ന വീഡിയോയാണ് ലഭിച്ചിരിക്കുന്നത്.
റെനീസിന്റെയും ബന്ധുവും കാമുകിയുമായ ഷഹാനയുടെയും നിരന്തര പീഡനങ്ങളെ തുടര്ന്നാണ് നജ്ല മക്കളെ കൊലപ്പെടുത്തി ആത്മഹത്യ ചെയ്യാന് കാരണമായതെന്ന കണ്ടെത്തല് ശരിവെക്കുന്നതാണ് തെളിവുകള്.
റെനീസ് ഡ്യൂട്ടിക്കായി പോയ സമയത്തായിരുന്നു രണ്ട് പിഞ്ചു കുഞ്ഞുങ്ങളെ കൊന്ന് നജ്ല ആലപ്പുഴ എആര് ക്യാമ്പ് പോലീസ് ക്വാര്ട്ടേഴ്സില് ആത്മഹത്യ ചെയ്തത്. കഴിഞ്ഞ മെയ് 9നായിരുന്നു സംഭവം. ഭര്ത്താവും പോലീസുകാരനുമായ റെനീസിന്റെ നിരന്തര പീഡനങ്ങളും പരസ്ത്രീ ബന്ധങ്ങളുമാണ് ആത്മഹത്യക്ക് കാരണമെന്ന് പോലീസ് കണ്ടെത്തിയിരുന്നു.
കേസിന്റെ അന്വേഷണ വേളയിലാണ് നജ്ലയെ നിരീക്ഷിക്കാനായി ങ്ങന റെനീസ് പോലീസ് ക്വാര്ട്ടേഴ്സില് രഹസ്യമായി സിസിടിവി ക്യാമറ സ്ഥാപിച്ചിട്ടുണ്ടെന്ന് പോലീസ് കണ്ടെത്തിയത്. ഫോറന്സിക് പരിശോധനയില് ഈ ക്യാമറയില് നിന്ന് കണ്ടെത്തിയത് നിര്ണായക ദൃശ്യങ്ങളാണ്.
വീട്ടിലേക്ക് വിളിച്ച് അരമണിക്കൂറിനുള്ളിൽ എത്താമെന്ന് അമ്മയോട് ടെലിഫോണിൽ വിളിച്ച് ഉറപ്പ് നൽകിയ മകൻ ഒരിക്കലും മടങ്ങി വരില്ലെന്ന് അറിഞ്ഞ ഞെട്ടലിലാണ് കുടുംബം. സിജോ ജെറിൻ ജോസഫ് (27) ഇനിയൊരിക്കലും വീട്ടിലേക്ക് പടി കടന്നുവരില്ല എന്ന് ആർക്കും വിശ്വസിക്കാനാവുന്നില്ല. ഫോൺ വിളി എത്തി ഏറെ സമയം പിന്നിട്ടിട്ടും സിജോയെ കാണാത്തതിനെത്തുടർന്ന് വീട്ടുകാർ തിരഞ്ഞ് ഇറങ്ങിയിരുന്നു.പോലീസിനെ അറിയിക്കുകയും ചെയ്തു. തുടർന്ന് മൊബൈൽ ഫോൺ സ്ഥാനം നിർണയിച്ച് പോലീസ് നടത്തിയ പരിശോധനയിലാണ് അപകടവിവരം അറിയുന്നത്.
പുതുശ്ശേരി കവലയ്ക്ക് സമീപം വന്ന് സിജോയുടെ നമ്പറിൽ വിളിച്ചപ്പോൾ തോട്ടത്തിൽനിന്ന് മൊബൈൽ ശബ്ദമുയർന്നു. റോഡിൽനിന്ന് തെറിച്ച് റബ്ബർ തോട്ടത്തിൽ വീണ് ഗുരുതരമായി പരിക്കേറ്റനിലയിലായിരുന്നു സിജോ. കീഴ്വായ്പൂര് സ്റ്റേഷനിലെ എസ്ഐ സുരേന്ദ്രനും സജിയുമായിരുന്നു സിജോയെകണ്ടെത്തിയത്. ആ സമയത്ത് ചെറിയ അനക്കമുണ്ടോയെന്ന് സംശയം മാത്രമായിരുന്നു ബാക്കിയായത്.പിന്നീട് ആംബുലൻസ് എത്തിച്ച് ആശുപത്രിയിലേക്ക് കൊണ്ടുപോയെങ്കിലും മരണംസ്ഥിരീകരിച്ചു.
പുറമറ്റം കവലയിൽനിന്ന് കുറഞ്ഞൂക്കടവ് പാലം കടന്നുവന്ന ബൈക്ക് പുതുശ്ശേരി കവലയിൽ കയറുന്നതിന് മുൻപുള്ള വളവ് തിരിയാതെ നേരേ പോകുകയായിരുന്നുവെന്ന് സ്ഥിരീകരിച്ചിട്ടുണ്ട്. ഇവിടെ പത്ത് മീറ്ററോളം അകലെ മുതൽ ബ്രേക്ക് ചെയ്തതിന്റെ അടയാളം റോഡിൽ കാണാനുണ്ട്. മുള്ളുവേലി തകർത്ത് തോട്ടത്തിൽ കടന്ന ബൈക്ക് ഇടിച്ച് റബ്ബർ മരത്തിന്റെ പുറംപാളി രണ്ട് മീറ്റർ ഉയരത്തിൽ ഇളകിപ്പോയി. അത്ര പൊക്കത്തിലും ശക്തിയിലുമാണ് വന്ന് പതിച്ചതെന്ന് മരത്തിലെ പരിക്ക് തന്നെ സൂചിപ്പിക്കുന്നു.
കൊടുംവളവായ ഇവിടെ ഡിവൈഡറും മറ്റ് സുരക്ഷാപാളികളുമില്ല. റോഡുപണി മാസങ്ങളായി മുടങ്ങിക്കിടക്കുകയാണ്. ബിഎംബിസി നിലവാരത്തിൽ പൂർത്തിയാക്കേണ്ട പാതയുടെ ആദ്യത്തെ പാളി മാത്രമേ വിരിച്ചിട്ടുള്ളൂ. അതിനാൽ റോഡ് അടയാളങ്ങളോ അപകടമുന്നറിയിപ്പ് സൂചനകളോ ഇല്ലെന്നതുമാണ് അപകടത്തിന് കാരണമായത്.
അവിവാഹിതനാണ്. അച്ഛൻ: ജോസഫ് ജോർജ്, അമ്മ: അക്കാമ്മ. സഹോദരങ്ങൾ: ജൂബിൻ ജോസഫ് (മസ്കറ്റ്), ജൂലി മറിയം ജോസഫ് (നഴ്സ് കിങ് സൗദ് മെഡിസിറ്റി, സൗദി അറേബ്യ). സംസ്കാരം പിന്നീട്.
ആളെ സ്റ്റോപ്പിൽ ഇറക്കിയ ശേഷം മുന്നോട്ടെടുത്ത ബസിൽ നിന്നും വീണ ബസിന്റെ ഉടമ അതേ ബസ് തന്നെ ശരീരത്തിലൂടെ കയറി മരിച്ചു. തൃശ്ശൂർ ഗുരുവായൂർ റൂട്ടിൽ ഓടുന്ന വെണ്ണിലാവ് ബസിന്റെ ഉടമ കേച്ചേരി ആയമുക്ക് പോഴംകണ്ടത്ത് രജീഷാണ് (40(ഉണ്ണി)) മരിച്ചത്.
തിങ്കളാഴ്ച വൈകീട്ട് 5.30-ന് തൃശൂർ പുറ്റേക്കരയിലായിരുന്നു അപകടം. ബസിൽ നിന്ന് വീണ രജീഷിന്റെ അരയ്ക്കു താഴേക്കൂടി ബസ് കയറിയിറങ്ങുകയായിരുന്നു. പരിക്ക്ഗുരുതരമായതിനാൽ ഉടൻ തന്നെ സമീപത്തെ അമല ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
മുന്നിലുണ്ടായിരുന്ന ബസിനെ മറികടക്കാൻ ഡ്രൈവർ ശ്രമിക്കുന്നതിനിടെയാണ് വീണ് അപകടമുണ്ടായതെന്ന് ദൃക്സാക്ഷികൾ പറയുന്നു. വാതിൽ അടയാതെ മുന്നിലുള്ള ബസിന്റെ പിന്നിൽ ഇടിച്ചുവെന്നും സമീപത്തുനിന്ന രജീഷ് ബസിനടിയിലേക്ക് വീഴുകയായിരുന്നുവെന്നും നാട്ടുകാർ പറയുന്നു.
രാഘവനും രാധയുമാണ് മാതാപിതാക്കൾ. ഭാര്യ: നയന. മക്കൾ: ദീപക്, ദേവിക. സംസ്കാരം പോസ്റ്റുമോർട്ടത്തിനുശേഷം ചൊവ്വാഴ്ച.
ഐസിസി മുന് അമ്പയര് റൂഡി കോര്ട്സെന് അന്തരിച്ചു. 73 വയസായിരുന്നു. കാര് അപകടത്തിലാണ് മരണം. റൂഡി കോര്ട്സണിനൊപ്പം മൂന്ന് പേര് കൂടി വാഹനാപകടത്തില് മരിച്ചതായാണ് റിപ്പോര്ട്ട്.
സുഹൃത്തുക്കള്ക്കൊപ്പം ഗോള്ഫ് ടൂര്ണമെന്റില് പങ്കെടുത്ത ശേഷം കേപ്ടൗണില് നിന്ന് നാട്ടിലേക്ക് തിരികെ പോവുമ്പോഴാണ് അപകടം. റൂഡിയോടുള്ള ആദര സൂചകമായി കറുത്ത ആം ബാന്ഡ് അണിഞ്ഞാണ് സൗത്ത് ആഫ്രിക്കന് താരങ്ങള് ഇംഗ്ലണ്ടിന് എതിരായ സന്നാഹ മത്സരത്തില് ഇറങ്ങുക.
1981ലാണ് റൂഡി അമ്പയറിങ് കരിയര് ആരംഭിക്കുന്നത്. റൂഡിയുടെ
ഔട്ട് സിഗ്നല് ശൈലിയാണ് ക്രിക്കറ്റ് ലോകത്ത് കൗതുകമുണര്ത്തിയിരുന്നത്. 331 രാജ്യാന്തര മത്സരങ്ങളില് റൂഡി അമ്പയറായെത്തി.
ഏറ്റവും കൂടുതല് രാജ്യാന്തര മത്സരങ്ങളില് അമ്പയറായതില് അലീം ദാറിന് പിന്നില് രണ്ടാമത് റൂഡിയാണ്. സൗത്ത് ആഫ്രിക്കന് റെയില്വേസില് ക്ലര്ക്കായിരിക്കുമ്പോള് ലീഗ് ക്രിക്കറ്റില് കളിച്ചായിരുന്നു തുടക്കം. പോര്ട്ട് എലിസബത്തില് നടന്ന ഇന്ത്യ-ഇംഗ്ലണ്ട് മത്സരത്തില് അമ്പയറായെത്തിയാണ് അരങ്ങേറ്റം.