ബാംഗ്ലൂര്. മാണ്ടിയ രൂപതയുടെ മതബോധന വാര്ഷികാഘോഷം ഇന്നലെ നടന്നു. രൂപതയുടെ കീഴിലുള്ള എല്ലാ ഇടവകകളില് നിന്നുമായി അഞ്ഞൂറിലധികം ആളുകള് വാര്ഷീകാഘോഷ ചടങ്ങുകളില് പങ്കെടുത്തു. വിശ്വാസ പരിശീലനത്തില് കഴിഞ്ഞ ഒരു വര്ഷത്തെ കുട്ടികളുടെ പ്രവര്ത്തനങ്ങളെ വിലയിരുത്തി അവരെ പ്രോത്സാഹിപ്പിക്കുക എന്നതായിരുന്നു വാര്ഷിക ആഘോഷത്തിന്റെ ലക്ഷ്യം.
വിശ്വാസ പരിശീലന രംഗത്ത് 25 വര്ഷം സേവനമനുഷ്ഠിച്ച മാണ്ടിയ രൂപതയുടെ മതബോധന കമ്മീഷനംഗവും മത്തിക്കര സെന്റ് സെബാസ്റ്റ്യന് 
ഫൊറോനായിലെ മതബോധന അദ്ധ്യാപകനുമായ ജോസ് വേങ്ങത്തടത്തിന്റെ 25 വര്ഷത്തെ മതബോധന അദ്ധ്യാപനത്തിനെ ആദരിക്കുന്ന ചടങ്ങും പ്രസ്തുത ആഘോഷവേളയില് നടന്നു. കഴിഞ്ഞ ഇരുപത്തിയഞ്ച് വര്ഷമായി രൂപതയ്ക്കും കത്തോലിക്കാ സഭയ്ക്കും ജോസ് വേങ്ങത്തടം നല്കികൊണ്ടിരിക്കുന്ന ആദ്ധ്യാത്മീക ഊര്ജ്ജത്തെ രൂപത സ്മരിച്ചു. അഭിവന്ദ്യ പിതാവ് മാര് ആന്റണി കരിയില് ജോസ് വേങ്ങത്തടത്തിനെ പൊന്നാടയണിയിച്ചു. വികാരി ജനറാള് മോണ്. മാത്യൂ കോയിക്കര CMI, രൂപതാ ചാന്സിലര് ഫാ. ജോമോന്
മാര് ജോസഫ് പൗവ്വത്തില്
കോലഞ്ചേരി, മതബോധന കമ്മീഷന് സെക്രട്ടറി ഫാ. സിറിയക് മഠത്തില് എന്നിവര് സന്നിഹിതരായിരുന്നു.
ചങ്ങനാശ്ശേരി അതിരൂപതയില് കോട്ടയ്ക്കുപുറം ഇടവകയില് വേങ്ങത്തടം കുടുംബത്തിലെ ജോസഫ് കത്രീന ദമ്പതികളുടെ അഞ്ച് മക്കളില് രണ്ടാമത്തെയാളാണ് ജോസ് വേങ്ങത്തടം. സ്വന്തം ഇടവകയിലായിരുന്ന കാലത്തും മതബോധന പരിശീലനത്തിന് നേതൃത്വം വഹിച്ചിരുന്നു. ചങ്ങനാശ്ശേരി അതിരൂപതാദ്ധ്യക്ഷന് അഭിവന്ദ്യ മാര് ജോസഫ് പൗവ്വത്തിലിന്റെ പ്രശംസയ്ക്ക് പാത്രമായ ജോസ് വേങ്ങത്തടം ഇപ്പോള് ദീപികയുടെ ബാംഗ്ലൂര് റീജണല് മാനേജരായി സേവനമനിഷ്ഠിക്കുകയാണ്. ലിസിയാണ് ഭാര്യ. അഭിജിത് മകനാണ് ഇളയ സഹോദരന് ജോണ്സണ് വേങ്ങത്തടം ദീപികയുടെ ഇടുക്കി ജില്ലാ ബ്യൂറോ ചീഫായി സേവനമനുഷ്ഠിക്കുന്നു.
വെറും 93 പൗണ്ട് മാത്രം വിലയുള്ള മൗത്ത് വാഷിന് 3000 പൗണ്ട് ഈടാക്കിയ ഹൈസ്ട്രീറ്റ് ഫാര്മസി ബൂട്ട്സ് പ്രതിക്കൂട്ടില്. ഡ്രഗ് റെഗുലേഷനിലെ പഴുതുകള് ഉപയോഗിച്ചാണ് ഇവര് എന്എച്ച്എസില് നിന്ന് ഇത്രയും പണം ഈടാക്കിയത്. സ്പെഷ്യല്സ് എന്ന പേരില് അറിയപ്പെടുന്ന അണ്ലൈസന്സ്ഡ് മരുന്നുകള്ക്ക് സ്വന്തമായി വിലയിടാമെന്ന് പഴുതുപയോഗിച്ചാണ് ബൂട്ട്സ് ഈ കൊള്ള നടത്തിയതെന്നാണ് വിമര്ശനമുയരുന്നത്. കീമോതെറാപ്പിക്ക് വിധേയരായി വായ്ക്കുള്ളില് വ്രണങ്ങളുണ്ടാകുന്നവര്ക്ക് നല്കുന്ന മൗത്ത് വാഷാണ് ഇത്. നിര്മാതാക്കള് ഈടാക്കുന്നതിനേക്കാള് അഞ്ചിരട്ടി വിലയാണ് ബൂട്ട്സ് ഈടാക്കിയത്.
അഞ്ച് ഓര്ഡറുകളില് ബൂട്ട്സ് എന്എച്ച്എസില് നിന്ന് 1843 മുതല് 3220 പൗണ്ട് വരെയാണ് ഈടാക്കിയത്. 200 മില്ലിലിറ്റര് മൗത്ത് വാഷ് ബോട്ടിലിന് മറ്റ് ഫാര്മസിസ്റ്റുകള് 93.42 പൗണ്ടാണ് ഈടാക്കുന്നത്. കമ്പനി എന്എച്ച്എസിനെയും രോഗികളെയും ചൂഷണം ചെയ്യുന്ന നടപടിയാണ് സ്വീകരിച്ചിരിക്കുന്നതെന്ന് ഹെല്ത്ത് മിനിസ്റ്റര് സ്റ്റീവ് ബ്രൈന് മാധ്യമങ്ങളോട് പറഞ്ഞു. കോംപറ്റീഷന് ആന്ഡ് മാര്ക്കറ്റ്സ് അതോറിറ്റിയോട് ഇക്കാര്യത്തില് അന്വേഷണം നടത്തണമെന്ന് ആവശ്യപ്പെട്ടിരിക്കുകയാണെന്നും അദ്ദേഹം പറഞ്ഞു.
ഫണ്ടുകള് നഷ്ടമാകാതിരിക്കാനും കുറ്റവാളികള്ക്കെതിരെ കര്ശന നടപടികള് സ്വീകരിക്കാനും നിര്ദേശം നല്കിയിട്ടുണ്ട്. എന്നാല് വാല്ഗ്രീന്സ് ബൂട്ട്സ് അലയന്സ് അമിത വിലയീടാക്കിയെന്ന ആരോപണം നിഷേധിച്ചു. റെഗുലേഷന് അനുസരിച്ചാണ് തങ്ങള് വിലയീടാക്കുന്നതെന്നാണ് കമ്പനിയുടെ പ്രതികരണം. 1 പൗണ്ട് മാത്രം വിലവരുന്ന ബേസിക് സ്ലീപ്പിംഗ് പില്സിന് 2600 പൗണ്ടും ആര്ത്രൈറ്റിസ് പെയിന് കില്ലറിന് 3200 പൗണ്ടും ഈടാക്കിയതായും വിവരങ്ങള് പുറത്തു വന്നിട്ടുണ്ട്.
യൂറോടണല് ട്രെയിനില് കയറിപ്പോയെന്ന് കരുതുന്ന 13കാരിയെ കാണാതായി. സെറീന അലക്സാന്ഡര് ബെന്സണ് എന്ന പെണ്കുട്ടിയെയാണ് കാണാതായിരിക്കുന്നത്. വെള്ളിയാഴ്ച രാവിലെ 7.50ന് വിംബിള്ഡണിലെ വീട്ടില് നിന്ന് സ്കൂളിലേക്ക് പോയതാണ് കുട്ടിയെന്ന് പിതാവ് പരാതിയില് പറയുന്നു. പച്ച നിറത്തിലുള്ള യൂണിഫോമാണ് കുട്ടി അണിഞ്ഞിരുന്നത്. എന്നാല് കുട്ടി സ്കൂളില് എത്തിയിരുന്നില്ല. സെറീന പാസ്പോര്ട്ട് കണ്ട്രോള് വഴി കടന്നു പോയിരുന്നുവെന്ന് മെട്രോപോളിറ്റന് പോലീസ് അറിയിച്ചു. മുതിര്ന്ന ഒരാള്ക്കൊപ്പമായിരിക്കാം കുട്ടി ഇവിടെയെത്തിയതെന്നും പോലീസ് വിശദീകരിക്കുന്നു.
കുട്ടിയുടെ അമ്മ പോളണ്ടിലാണ് താമസിക്കുന്നത്. പിതാവിനൊപ്പം സെറീന വിംബിള്ഡണിലും. കുട്ടിയെ കണ്ടെത്താന് അന്വേഷണം ആരംഭിച്ചതായി മെറ്റ് പോലീസ് വ്യക്തമാക്കി. കുട്ടിയെക്കുറിച്ച് വിവരം ലഭിക്കുന്നവര് പോലീസിനെ അറിയിക്കണമെന്ന അപ്പീല് പുറത്തിറക്കിയിരിക്കുകയാണ് മെറ്റ് പോലീസ്. ഫോക്ക്സ്റ്റോണില് നിന്ന് കുട്ടി മുതിര്ന്നയാള്ക്കൊപ്പം യാത്ര ചെയ്തിരിക്കാനാണ് സാധ്യതയെന്ന് പോലീസ് പറയുന്നു. വിവരം ലഭിക്കുന്നവര് 020 3276 2588 എന്ന നമ്പറില് വാന്ഡ്സ് വര്ത്ത് സിഐഡിയെ അറിയിക്കാനാണ് നിര്ദേശം.
വെള്ളിയാഴ്ച രാവിലെ തന്നെ കുട്ടി ഫോക്ക്സ്റ്റോണില് നിന്ന് ട്രെയിന് മാര്ഗ്ഗം രാജ്യം വിട്ടിരിക്കാമെന്നാണ് സ്കോട്ട്ലഡ് യാര്ഡ് വിശ്വസിക്കുന്നത്. വിവരം ലഭിക്കുന്നവര് അറിയിക്കണമെന്ന് സ്കോട്ട്ലന്ഡ് യാര്ഡും കുട്ടി പഠിച്ചിരുന്ന ഹോളി ക്രോസ് സ്കൂളും പ്രസ്താവനയില് അറിയിച്ചു.
ഗര്ഭച്ഛിദ്ര നിയമത്തിനെതിരെയുള്ള നിയമത്തില് ഭേദഗതികള് വേണമെന്ന് അയര്ലന്ഡ്. ഇതു സംബന്ധിച്ചുള്ള ഹിതപരിശോധനയില് 66.4 ശതമാനം ആളുകള് നിയമത്തില് ഇളവ് വേണമെന്ന് ആവശ്യപ്പെട്ടു. ലോകത്തിലെ ഏറ്റവും കടുത്ത ഗര്ഭച്ഛിദ്ര നിയമം നിലവിലുള്ള രാജ്യമാണ് അയര്ലന്ഡ്. ഗര്ഭച്ഛിദ്രം അനുവദിക്കുന്നതില് കടുത്ത വിലക്കുകളാണ് ഭരണഘടന വിഭാവനം ചെയ്യുന്നത്. കത്തോലിക്കാ വിശ്വാസമനുസരിച്ചുള്ള നിയമമാണ് രാജ്യം പിന്തുടരുന്നത്. ഗര്ഭച്ഛിദ്രത്തിനായി അപേക്ഷിച്ചാല് ഭൂരിപക്ഷം അപേക്ഷകളും നിരസിക്കപ്പെടുകയായിരുന്നു പതിവ്. ഇതു മൂല നിരവധി ഗര്ഭിണികള്ക്ക് ഗര്ഭ സംബന്ധമായ സങ്കീര്ണതകളില് ജീവന് നഷ്ടമാകുകയും ചെയ്തിട്ടുണ്ട്.
ഹിതപരിശോധനാ ഫലത്തിന്റെ പശ്ചാത്തലത്തില് ഈ വര്ഷം അവസാനത്തോടെ നിയമഭേദഗതി വരുത്താനാണ് സര്ക്കാര് തീരുമാനിച്ചിരിക്കുന്നത്. അയര്ലന്ഡിലെ സത്രീകള്ക്ക് മഹത്തായ ഒരി ദിവസമാണ് ഇതെന്ന് ടുഗെതര് ഫോര് യെസ് ഗ്രൂപ്പ് കോ ഓര്ഡിനേറ്റര്, ഓര്ല ഓ’ കോണര് പറഞ്ഞു. ഐറിഷ് സമൂഹത്തില് സ്ത്രീകള് സ്ഥാനം നേടുന്നു എന്നതിന്റെ സൂചനയാണിതെന്നും അവര് പറഞ്ഞു. ടുഗെതര് ഫോര് യെസ് ഗ്രൂപ്പ്, ഒബ്സ്റ്റെട്രീഷ്യന്മാര് എന്നിവര് ഈ ഹിതപരിശോധനാ ഫലത്തെ സ്വാഗതം ചെയ്തു.
നിയമത്തിനെതിരെ നിലപാടെടുത്തിരുന്ന പ്രധാനമന്ത്രി ലിയോ വരദ്കറാണ് ഹിതപരിശോധനാ ഫലമനുസരിച്ചുള്ള തീരുമാനം ഔദ്യോഗികമായി പ്രഖ്യാപിച്ചത്. അപൂര്വമായ വോട്ടിലൂടെ അടുത്ത തലമുറക്കു വേണ്ടിയാണ് ജനത പ്രതികരിച്ചിരിക്കുന്നതെന്ന് അദ്ദേഹം പറഞ്ഞു. 1995ല് മാത്രമാണ് അയര്ലന്ഡ് വിവാഹമോചനം നിയമപരമാക്കിയത്. എന്നാല് സ്വവര്ഗ വിവാഹം നിയമപരമാക്കിയ ആദ്യ രാജ്യമെന്ന പദവിയും യാഥാസ്ഥിതകരാഷ്ട്രമായ അയര്ലന്ഡിനുണ്ട്.
ഷിബു മാത്യൂ
പ്രസ്റ്റൺ. പ്രസ്റ്റണിൽ കഴിഞ്ഞ ബുധനാഴ്ച നിര്യാതയായ ജയ നോബിയ്ക്ക് മെയ് 28 തിങ്കളാഴ്ച യുകെ മലയാളികൾ അന്തിമോപചാരമർപ്പിക്കും. പ്രസ്റ്റണിലെ സെന്റ് അൽഫോൻസാ കത്തീഡ്രലിൽ ഉച്ചതിരിഞ്ഞ് രണ്ടു മണിക്ക് രൂപതാ റെക്ടർ റവ. ഫാ. വർഗീസ് പുത്തൻപുരക്കലിന്റെ മുഖ്യകാർമികത്വത്തിൽ വിശുദ്ധ കുർബാനയും , പരേതയുടെ ആത്മ ശാന്തിക്കായുള്ള പ്രത്യേക പ്രാർത്ഥന ശുശ്രൂഷകളും നടക്കും. തുടർന്ന് വൈകുന്നേരം അഞ്ചു മണിവരെ ജയ നോബിയുടെ ഭൗതീക ശരീരം പൊതുദർശനത്തിന് വെയ്ക്കും. ബന്ധുക്കളും , സുഹൃത്തുക്കളുമായി നൂറുകണക്കിനാളുകൾ അന്തിമോപചാരമർപ്പിയ്ക്കും.
ഒരു കുടുംബ ചിത്രം
ഇടുക്കി ജില്ലയിൽ തൊടുപുഴക്കടുത്തു അറക്കുളത്ത് കുപ്പോടയ്ക്കൽ കുടുംബാംഗമായ നോബി ജോസഫിന്റെ ഭാര്യയാണ് പരേതയായ ജയ. നാൽപ്പത്തിയേഴ് വയസ്സ് പ്രായമുണ്ട്. ഈരാറ്റുപേട്ടക്കടുത്തുള്ള കളത്തുക്കടവാണ് ജയയുടെ ജന്മദേശം. വലിയ മംഗലം കുടുംബാംഗമാണ്. 2003ലാണ് ജയയും കുടുംബവും യുകെയിലെത്തിയത്. പ്രസ്റ്റണിലെ റോയൽ പ്രസ്റ്റൺ ഹോസ്പിറ്റലിൽ സ്റ്റാഫ് നഴ്സായി ജോലി നോക്കി വരികയായിരുന്നു. രണ്ട് മക്കളാണിവർക്കുള്ളത്. മൂത്ത മകൾ നിമിഷ നോബി (16 വയസ്സ്) ലെങ്കാസ്റ്റർ ഗേൾസ് ഗ്രാമർ സ്ക്കൂളിൽ GCSE വിദ്യാർത്ഥിനിയാണ്. നിമിഷയുടെ സഹോദരൻ നോയൽ നോബി (10 വയസ്സ് ) സെന്റ് ഗ്രിഗൊറിസ് കാത്തലിക് പ്രൈമറി സ്കൂളിൽ അഞ്ചാം ക്ലാസ് വിദ്യാർത്ഥിയാണ്.
മൂന്നു വർഷമായി ജയ ക്യാൻസറിന്റെ പിടിയിലായിരുന്നുവെങ്കിലും അടുത്തകാലത്ത് രോഗം ഭേദമായിവന്ന അവസ്ഥയിൽ എത്തിയിരുന്നു . അതിനു ശേഷം സെന്റ് കാത്തറിന്സ് ഹോസ്പിസിന്റെ പ്രതേക പരിചരണത്തിൽ ആയിരുന്നു .
പ്രാർത്ഥനാശുശ്രൂഷകൾക്കും പൊതു ദർശനത്തിനും ശേഷം നടപടികൾ പൂർത്തിയാക്കി അടുത്ത ആഴ്ച്ച അവസാനത്തോടെ മൃതദേഹം നാട്ടിൽ എത്തിക്കും. അറക്കുളം സെന്റ് തോമസ്സ് ഓൾഡ് ചർച്ചിൽ ശവസംസ്കാര ചടങ്ങുകൾ നടക്കും. സംസ്കാര ചടങ്ങുകളുടെ തീയതിയും സമയക്രമവും മൃതദേഹം നാട്ടിലേയ്ക്ക് അയ്ക്കുന്നതിനുള്ള നടപടിക്രമങ്ങൾ പൂർത്തിയായതിനു ശേഷമേ തീരുമാനിക്കുകയുള്ളുവെന്ന് ബന്ധുക്കൾ അറിയ്ച്ചു.
ബിനോയ് ജോസഫ്
ജന്മനാടിനെ മറക്കാത്ത പ്രവാസികളുടെ സൗഹൃദക്കൂട്ടായ്മ കേരളത്തിൽ ബ്രെസ്റ്റ് ക്യാൻസറിനെക്കുറിച്ച് ബോധവൽക്കരണം സംഘടിപ്പിക്കുന്നു. ബ്രിട്ടനിൽ രൂപീകൃതമായ ജ്വാല എന്ന കൂട്ടായ്മയാണ് കുടുംബശ്രീയും ആരോഗ്യ വകുപ്പുമായി ചേർന്ന് കറുകുറ്റി പഞ്ചായത്തിലെ പാലിശേരിയിൽ ക്ലാസുകൾ സംഘടിപ്പിക്കുന്നത്. അങ്കമാലി താലൂക്കിന് കീഴിൽ വരുന്ന ഗവൺമെന്റ് ആശുപത്രികളിലെ ഡോക്ടർമാരും പാലിശേരി പിഎച്ച്സിയിലെ സ്റ്റാഫുകളും കുടുംബശ്രീ പ്രവർത്തകരും ജ്വാലയോടൊപ്പം മാതൃകാപരമായ ഈ പ്രവർത്തനത്തിന് നേതൃത്വം നല്കും. ഇന്ന് ശനിയാഴ്ച ഉച്ചയ്ക്കുശേഷം 1.30 മുതൽ 3.30 വരെ പാലിശേരി കോ ഓപ്പറേറ്റീവ് ഹാളിൽ നടക്കുന്ന ബോധവൽക്കരണ പരിപാടിയിൽ ഇരുനൂറോളം വനിതകൾ പങ്കെടുക്കും. ഡോ. രശ്മി എസ് കൈമൾ (കൺസൽട്ടന്റ് ഫാമിലി ഫിസിഷ്യൻ), ഡോ. സെറിൻ കുര്യാക്കോസ് (അസിസ്റ്റൻറ് സർജൻ ആൻഡ് ഫാമിലി ഫിസിഷ്യൻ) എന്നിവർ ക്ലാസുകൾക്ക് നേതൃത്വം നല്കും. പ്രകൃതിസംരക്ഷണത്തിന്റെ സന്ദേശം പകർന്ന് നല്കിക്കൊണ്ട് ഇക്കോ ഫ്രണ്ട്ലിയായാണ് സെമിനാർ സംഘടിപ്പിച്ചിരിക്കുന്നത്.
കേരളത്തിലെ സ്ത്രീകൾക്കായി സ്തനാർബുദത്തെക്കുറിച്ച് ബോധവൽക്കരണം നടത്തുകയും അതിനു വേണ്ട ഫണ്ടിംഗ് കണ്ടെത്താൻ ശ്രമിക്കുകയും ചെയ്യുക എന്ന ദൗത്യവുമായാണ് ജ്വാല എന്ന കൂട്ടായ്മ ബ്രിട്ടണിലെ കിംഗ്സ്റ്റൺ അപ്പോൺ ഹള്ളിൽ രൂപപ്പെട്ടത്. യുകെയിലെ നാഷണൽ ഹെൽത്ത് സർവീസിൽ നഴ്സായ ബോബി തോമസിന്റെ നേതൃത്വത്തിലാരംഭിച്ച സൗഹൃദക്കൂട്ടായ്മയായ ജ്വാല സംഘടിപ്പിക്കുന്ന ആദ്യ ബോധവൽക്കരണ പരിപാടിയാണ് പാലിശേരിയിൽ നടക്കുന്നത്. മഹനീയമായ സ്ത്രീത്വത്തിന്റെ വേദനയുടെ നിസ്സഹായമായ നിമിഷങ്ങൾ കൺമുന്നിൽ ദർശിച്ച ഓർമ്മകളാണ് ഈ ആശയം പ്രവർത്തന പഥത്തിലെത്തിക്കാൻ ബോബിയ്ക്കും സുഹൃത്തുക്കൾക്കും പ്രചോദനമായത്.
വിദേശങ്ങളിൽ താമസിക്കുന്നവർക്ക് ചികിത്സാ ചിലവ് ഒരു വലിയ ഭാരമാവില്ലെങ്കിലും, വേദനകൾക്കിടയിൽ സാമ്പത്തികമായി ഞെരുങ്ങുന്ന കേരളത്തിലെ സാധാരണക്കാരായ സ്ത്രീകൾക്ക് ഒരു സാന്ത്വനമാകുവാനാണ് ‘ജ്വാല ‘ എന്ന ഈ കൂട്ടായ്മ ഉദ്ദേശിക്കുന്നത്. മാറി വരുന്ന ജീവിതരീതികളും ആഹാരക്രമങ്ങളും നമ്മുടെ നാട്ടിൽ സ്തനാർബുദ രോഗികളുടെ എണ്ണം കൂട്ടികൊണ്ടിരിക്കുന്നു. സ്വകാര്യ ആശുപത്രികളിൽ ചികിത്സ തുടങ്ങുമ്പോൾ തന്നെ ഒരു കുടുംബം ചെലവ് താങ്ങാനാവാതെ നിശ്ചലമാവുകയാണ്. ഗവൺമെന്റ് ആശുപത്രികളിൽ മാമോഗ്രാം യൂണിറ്റുകളും മറ്റും സംവിധാനങ്ങളുമുണ്ടെങ്കിലും സാധാരണക്കാർ പലപ്പോഴും അറിയുന്നില്ല, അല്ലെങ്കിൽ പോകാൻ മടിക്കുന്നു സ്ഥിതിയാണ് നിലവിലുള്ളത്. കുടുംബശ്രീയടക്കമുള്ള സംഘടനകളുടെയും ആരോഗ്യവകുപ്പിന്റെയും സഹകരണം ഉറപ്പാക്കിക്കൊണ്ട് കേരളത്തിലെ ഗ്രാമീണ സ്ത്രീകളിൽ സ്തനാർബുദത്തെക്കുറിച്ചുള്ള ബോധവൽക്കരണം, ക്യാൻസർ സ്ക്രീനിങ്ങിന് എന്നിവയ്ക്ക് അവസരമൊരുക്കുക എന്ന ദൗത്യമാണ് ‘ജ്വാല’ പ്രാവർത്തികമാക്കാൻ ശ്രമിക്കുന്നത്. കേരളത്തിന്റെ വിവിധ ഭാഗങ്ങളിൽ ബോധവൽക്കരണ പരിപാടികൾ സംഘടിപ്പിക്കാൻ പദ്ധതിയിടുന്ന ജ്വാലയ്ക്ക് പിന്തുണയുമായി കേരളത്തിലെ സന്നദ്ധ സംഘടനകൾ മുന്നോട്ട് വരുമെന്ന പ്രതീക്ഷയിലാണ് ജ്വാലയുടെ പ്രവർത്തകർ. കേരളത്തിലെ പ്രവർത്തനങ്ങൾക്കാവശ്യമായ ഫണ്ട് കണ്ടെത്തുന്നതിനായി ജ്വാല ഹള്ളിൽ ഫണ്ട് റെയിസിംഗ് ഇവൻറ് സംഘടിപ്പിച്ചിരുന്നു.
അമിതവണ്ണക്കാരായ ജോലിക്കാര്ക്ക് അനുഗ്രഹമായി യുകെ ഗവണ്മെന്റ് പുതിയ തീരുമാനത്തിലേക്കെന്ന് സൂചന. ഇത്തരക്കാര് ജോലിക്ക് താമസിച്ച് എത്തിയാല് മതിയെന്ന വിധത്തില് ജോലി സമയം പുനര്നിര്ണയിക്കണമെന്ന് ശുപാര്ശ ലഭിച്ചതായാണ് വിവരം. ഡിസ്ക്രിമിനേഷന് നിയമമനുസരിച്ചാണ് പുതിയ നിര്ദേശം. തിരക്കേറിയ സമയത്തെ യാത്ര, ജോലി സ്ഥലത്ത് ആവശ്യമായ വലിയ കസേരകള്, വീട്ടില് നിന്ന് ജോലി ചെയ്യാനുള്ള സൗകര്യം തുടങ്ങിയ കാര്യങ്ങളില് അമിതവണ്ണക്കാര്ക്ക് ആനുകൂല്യങ്ങള് ലഭിച്ചേക്കും.
വിയന്നയില് നടക്കാനിരിക്കുന്ന യൂറോപ്യന് കോണ്ഗ്രസ് ഓണ് ഒബീസിറ്റിയില് യുകെ സര്ക്കാര് ഉപദേശകന് പ്രൊഫ.സ്റ്റീഫന് ബെവന് ഈ വിഷയത്തിലുള്ള നിര്ദേശങ്ങള് സമര്പ്പിക്കും. അമിത വണ്ണക്കാരായവരെ സംരക്ഷിത വിഭാഗത്തില് പെടുത്തണമെന്നും ബോഡി ഷെയിമിംഗ് നടത്തുന്ന മേലുദ്യോഗസ്ഥര്ക്കെതിരെ നിയമനടപടി സ്വീകരിക്കാ്ന് കഴിയുന്ന വിധത്തില് പരിഷ്കാരങ്ങള് വരുത്തണമെന്നും 2000ത്തോളം വരുന്ന വൈദ്യശാസ്ത്ര വിദഗ്ദ്ധരുടെ മുന്നില് അദ്ദേഹം ആവശ്യപ്പെടുമെന്നാണ് റിപ്പോര്ട്ട്.
യൂറോപ്പില് ഏറ്റവും കൂടുതല് പൊണ്ണത്തടിക്കാരുള്ളത് യുകെയിലാണെന്നാണ് പുതിയ പഠനം സൂചിപ്പിക്കുന്നത്. ഡിപ്പാര്ട്ട്മെന്റ് ഓഫ് വര്ക്ക് ആന്ഡ് പെന്ഷന്സിന് പബ്ലിക് ഹെല്ത്ത് ഇംഗ്ലണ്ടിന്റെ അഡൈ്വസറി ബോര്ഡ് അംഗം കൂടിയായ ബെവന് ഈ നിര്ദേശം നല്കിയിട്ടുണ്ട്. വണ്ണമുള്ളവര് സമൂഹത്തില് വലിയ വിവേചനം അനുഭവിക്കുന്നുണ്ടെന്നും പഠനങ്ങള് പറയുന്നുണ്ട്. ബ്രിട്ടീഷുകാരില് അഞ്ചിലൊരാളെങ്കിലും ഒരു പൊണ്ണത്തടിയുള്ളയാള് തങ്ങളുടെ കുടുംബത്തില് വിവാഹം കഴിച്ചെത്തുന്നത് വെറുക്കുന്നവരാണ്.
റെഡ് ലൈറ്റുകളില് പിന്നില് വരുന്ന ആംബുലന്സുകള് കടത്തി വിടാന് ഡ്രൈവര്മാര്ക്ക് മുന്നിലുള്ള വഴികള് എന്താണ്? ആംബുലന്സിനെ കടത്തി വിടുക എന്നത് മാത്രമാണ് നിങ്ങള്ക്ക് മുന്നിലുള്ള വഴി. അതിനായി സിഗ്നല് കടന്നു പോകേണ്ട സാഹചര്യം പോലും ഉണ്ടായേക്കാം. എന്നാല് ഇപ്രകാരം സിഗ്നല് കടന്നു പോകുന്നത് ശിക്ഷാര്ഹമാണെന്ന് നിങ്ങള്ക്ക് അറിയാമോ? 999 വാഹനങ്ങള്ക്കു വേണ്ടിയാണെങ്കില് പോലും സിഗ്നലില് നിന്ന് ബസ് ലെയിനിലേക്കും മറ്റും മാറുന്നത് 1000 പൗണ്ട് വരെ പിഴ ലഭിക്കാവുന്ന കുറ്റമാണ്.
ശരിയായ ഉദ്ദേശ്യത്തോടെയാണെങ്കിലും ഇങ്ങനെയുണ്ടാകുന്ന നിയമ ലംഘനത്തിന് ലൈസന്സില് മൂന്ന് പോയിന്റുകള് വരെ ലഭിക്കാനും കാരണമായേക്കും. ബോക്സ് ജംഗ്ഷനിലേക്കാണ് നിങ്ങള് പ്രവേശിക്കുന്നതെങ്കില് പിഴ ഇതിലും കനത്തതാകാനും ഇടയുണ്ട്. ഇത്തരം സന്ദര്ഭങ്ങളില് അനുവര്ത്തിക്കേണ്ട കാര്യങ്ങളെക്കുറിച്ച് ഹൈവേ കോഡിലും റൂള് 219ലും കൃത്യമായി രേഖപ്പെടുത്തിയിട്ടുണ്ട്. എമര്ജന്സി വാഹനം അടുത്തെത്തിയാല് അത് എങ്ങോട്ടാണ് പോകുന്നതെന്ന് നിരീക്ഷിക്കുക. പരിഭ്രാന്തരാകാതെ ആവശ്യമായ രീതിയില് പെരുമാറുകയെന്നാണ് റൂള് പറയുന്നത്.
നിങ്ങള്ക്കും മറ്റു വാഹനങ്ങള്ക്കും കാല്നട യാത്രക്കാര്ക്കും അപകടങ്ങള് ഉണ്ടാകാതെ വേണം നിങ്ങള് വാഹനം മാറ്റിക്കൊടുക്കാന്. ജംഗ്ഷനുകളിലോ റൗണ്ട് എബൗട്ടുകളിലോ പരുക്കന് ബ്രേക്കിംഗ് പാടില്ല. തിരക്കേറിയ സിഗ്നലുകളില് മറ്റു വാഹനങ്ങളെ കടന്നു പോകാന് കഴിയില്ലെന്ന് എമര്ജന്സി വാഹനങ്ങളിലുള്ളവര്ക്കും അറിയാം. അത്തരം സന്ദര്ഭങ്ങളില് അവര് ലൈറ്റുകളും സൈറനുകളും ഓഫാക്കാറുണ്ട്. അതുകൊണ്ട് പരിഭ്രാന്തരാകാതെ സന്ദര്ഭത്തിന് അനുസരിച്ച് പെരുമാറാനാണ് നിര്ദേശിച്ചിരിക്കുന്നത്.
ബ്രിട്ടീഷ് ഗ്യാസ് പ്രഖ്യാപിച്ച വില വര്ദ്ധനവ് ചൊവ്വാഴ്ച പ്രാബല്യത്തിലാകും. സ്റ്റാന്ഡാര്ഡ് വേരിയബിള് താരിഫിലുള്ള ഉപഭോക്താക്കളുടെ ഗ്യാസ്, ഇലക്ട്രിസിറ്റി ബില്ലുകളില് 5.5 ശതമാനം വര്ദ്ധനയാണ് വരുത്തിയിരിക്കുന്നത്. ഏപ്രിലില് പ്രഖ്യാപിച്ച ഈ വര്ദ്ധനവ് മൂലം ഉപഭോക്താക്കള്ക്ക് പ്രതിവര്ഷം 246 മില്യന് പൗണ്ടിന്റെ അധിക ബാധ്യതയുണ്ടാകുമെന്നാണ് കരുതുന്നത്. ഒരു ശരാശരി ഉപഭോക്താവിന് വര്ഷത്തില് 60 പൗണ്ട് വീതം അധികമായി ചെലവാകും. 4.1 മില്യന് ഉപഭോക്താക്കളാണ് രാജ്യത്തെ ഏറ്റവും വലിയ എനര്ജി കമ്പനിയായ ബ്രിട്ടീഷ് ഗ്യാസിന് യുകെയിലുള്ളത്.
മാര്ക്കറ്റിലെ ഏറ്റവും കുറഞ്ഞ താരിഫ് നിരക്ക് പ്രതിവര്ഷം 796 പൗണ്ടാണ്. വില വര്ദ്ധിക്കുന്നതോടെ സ്റ്റാന്ഡാര്ഡ് താരിഫ് ഇതിനേക്കാള് 45 ശതമാനം വിലയേറിയതാകും. കഴിഞ്ഞ സെപ്റ്റംബറില് വരുത്തിയ 12.5 ശതമാനം വര്ദ്ധനയ്ക്ക് ശേഷമാണ് ഇപ്പോള് 5.5 ശതമാനത്തിന്റെ കൂടി വര്ദ്ധന വരുത്തുന്നത് ഉപഭോക്താവിന് ഇരട്ടി പ്രഹരമാണ് നല്കുന്നത്. സ്റ്റാന്ഡാര്ഡ് വേരിയബിള് താരിഫിന് കീഴിലുള്ള ഉപഭോക്താക്കള്ക്കാണ് ഇതു മൂലമുള്ള ഭാരം കൂടുതല് താങ്ങേണ്ടി വരിക. അതേസമയം ഓണ്ലൈനില് ഒരു ഫിക്സഡ് താരിഫിലേക്ക് മാറിയാല് വര്ഷം 100 പൗണ്ടെങ്കിലും ലാഭിക്കാനാകുമെന്നും വിലയിരുത്തലുണ്ട്.
ബിഗ് സിക്സ് എന്ന് അറിയപ്പെടുന്ന രാജ്യത്തെ ആറ് പ്രധാന എനര്ജി കമ്പനികളില് 5 എണ്ണവും അടുത്ത മാസം അവസാനത്തോടെ നിരക്ക് വര്ദ്ധന നടപ്പിലാക്കുകയാണ്. ബ്രിട്ടീഷ് ഗ്യാസിനു പുറമേ എന്പവര്, സ്കോട്ടിഷ് എനര്ജി, ഇ-ഓണ്, ഇഡിഎഫ്, എസ്എസ്ഇ മുതലായ കമ്പനികളാണ് നിരക്കു വര്ദ്ധിപ്പിച്ചിരിക്കുന്നത്.
ടൊറെന്റൊ: കാനഡയിലെ ഇന്ത്യന് റസ്റ്റോറന്റില് വന് സ്ഫോടനത്തില് 15ലധികം ആളുകള്ക്ക് പരിക്ക്. മൂന്നുപേരുടെ പരിക്ക് ഗുരുതരമാണ്. കാനഡയിലെ മിസ്സിസൗഗ നഗരത്തിലെ റസ്റ്റോറന്റിലാണ് സ്ഫോടനമുണ്ടായിരിക്കുന്നത്. ടൊറെന്റോ നഗരത്തോട് ചേര്ന്ന് കിടക്കുന്ന നഗരമാണിത്.
വ്യാഴാഴ്ച പ്രദേശിക സമയം വൈകിട്ട് 10.30നായിരുന്നു സ്ഫോടനമുണ്ടായത്. ഐഇഡി ഉപയോഗിച്ചാണ് സ്ഫോടനം നടന്നിരിക്കുന്നത്. പ്രതികളെന്ന് സംശയിക്കുന്ന രണ്ടു പേരുടെ ചിത്രങ്ങളും പോലീസ് പുറത്തുവിട്ടിട്ടുണ്ട്.
ബോംബെ ഭെല് റെസ്റ്റോറന്റിലാണ് സ്ഫോടനമുണ്ടായത്. സാധാരണ നിരവധി ഇന്ത്യാക്കാര് എത്തുന്ന ഭക്ഷണശാലയാണിത്. ഇന്ത്യാക്കാര്ക്ക് ആര്ക്കെങ്കിലും പരിക്കേറ്റിട്ടുണ്ടോ എന്ന് വ്യക്തമല്ല.
മുന്പ്, ഭീകരര് ജനക്കൂട്ടത്തിലേക്ക് കാര് ഇടിച്ചുകയറ്റി 10 പേര് കൊല്ലപ്പെടുകയും 15 പേര്ക്ക് പരിക്കേല്ക്കുകയും ചെയ്തിരുന്നു.
