ന്യൂസ് ഡെസ്ക് മലയാളം യുകെ

കെയ്റോ : ലോകത്തിലെ ഏറ്റവും തിരക്കേറിയ ജലപാതകളിലൊന്നായ സൂയസ് കനാലിൽ വൻ ട്രാഫിക് ബ്ലോക്ക്‌. വമ്പന്‍ കണ്ടെയ്‌നര്‍ കപ്പല്‍ നിയന്ത്രണം വിട്ട് ജലപാതയില്‍ കുറുകെ നിന്നതോടെയാണ് പാത പൂർണമായും അടഞ്ഞത്. 1312 അടി നീളവും 59 മീറ്റര്‍ വീതിയുമുള്ള ഈ കപ്പലിനെ നിരവധി ടഗ് ബോട്ടുകള്‍ കൊണ്ട് വലിച്ചുനീക്കാന്‍ ശ്രമം നടത്തിവരികയാണ്. എന്നാൽ ഈ കപ്പൽ ദിവസങ്ങളോളം ഇവിടെ കുടുങ്ങികിടക്കാൻ സാധ്യതയുണ്ട്. കപ്പലിനെ തിരിച്ചെടുക്കാൻ ഒൻപത് ടഗ് ബോട്ടുകൾ വരെ വിന്യസിച്ചിട്ടുണ്ടെന്ന് കപ്പൽ യാത്ര കൈകാര്യം ചെയ്യുന്ന കമ്പനിയായ ബെർ‌ണാർഡ് ഷുൾട്ട് ഷിപ്പ്മാനേജ്മെന്റ് (ബി‌എസ്‌എം) പറഞ്ഞു. ഇന്നലെ രാവിലെ കപ്പൽ കയറ്റാനുള്ള ശ്രമം പരാജയപ്പെട്ടതായും എന്നാൽ ഉടൻ തന്നെ വീണ്ടും ശ്രമിക്കുന്നതായും ബിഎസ്എം അറിയിച്ചു.

ഇരു കരകളിലും തട്ടി നിൽക്കുന്നതിനാൽ അതിവേഗമുള്ള ഒരു തിരിച്ചുപിടിക്കൽ അസാധ്യമാണ്. സൂയസ് കനാലിന്റെ വടക്കന്‍ മേഖലയിലുള്ള തുറമുഖത്തിന് സമീപമായാണ് ചൊവ്വാഴ്ച സംഭവമുണ്ടായത്. പനാമയില്‍ രജിസ്റ്റര്‍ ചെയ്ത എവര്‍ ഗിവൻ എന്ന കപ്പലാണ് ബ്ലോക്കുണ്ടാക്കിയത്. നെതര്‍ലാന്‍ഡിലെ റോട്ടര്‍ഡാമില്‍ നിന്ന് ചൈനയിലേക്ക് പുറപ്പെട്ടതാണ് കപ്പല്‍.

പെട്ടെന്നുണ്ടായ കാറ്റില്‍ കപ്പലിന്റെ നിയന്ത്രണം നഷ്ടപ്പെടുകയായിരുന്നു എന്നാണ് എവര്‍ ഗ്രീൻ മറൈന്‍ അധികൃതര്‍ പറയുന്നത്. വശത്തേയ്ക്ക് ചരിഞ്ഞതോടെ കപ്പലിന്റെ ഭാഗം കനാലിന്റെ ഒരുഭാഗത്ത് ഇടിക്കുകയും ചെയ്തു. കപ്പലിലെ ചരക്ക് ഇറക്കിയ ശേഷം മാത്രമാവും കപ്പലിനെ നീക്കാനാവുക. കപ്പൽ ഉറച്ചിരിക്കുന്ന കനാലിലെ മണലും നീക്കം ചെയ്യേണ്ടതുണ്ട്. ഇതിനായുള്ള പ്രവർത്തനങ്ങൾ നടന്നുവരികയാണ്. 150 ഓളം മറ്റ് കപ്പലുകളാണ് കനാലിലൂടെ കടന്നുപോകാൻ ഇപ്പോൾ കാത്തുകിടക്കുന്നത്.

ന്യൂസ് ഡെസ്ക് മലയാളം യുകെ

കോവിഡ്-19 മൂലമുള്ള ലോക്ഡൗണിനെ തുടർന്ന് യുകെ സമ്പദ് വ്യവസ്ഥ നീങ്ങുന്നത് വൻ പ്രതിസന്ധിയിലേക്കെന്ന് റിപ്പോർട്ടുകൾ സൂചിപ്പിക്കുന്നു. സമ്പദ് രംഗത്തെ ഇപ്പോൾ താങ്ങിനിർത്തുന്നത് ഗവൺമെൻറിൻറെ ഭാഗത്തുനിന്നുള്ള പദ്ധതികളാണ്. പക്ഷെ ഗവൺമെൻറ് പദ്ധതികളുടെ പിൻബലത്തിലുള്ള സമ്പദ് രംഗം ഊതി വീർപ്പിച്ച കുമിള പോലെയെന്നാണ് വിദഗ്ധർ ചൂണ്ടിക്കാട്ടുന്നത്. സമ്പദ് രംഗത്തിന് പ്രധാന വെല്ലുവിളിയായിരിക്കുന്നത് വർദ്ധിച്ചുവരുന്ന തൊഴിലില്ലായ്മ നിരക്കാണ്.

2.2 മില്യൺ ആൾക്കാരോളം യു.കെയിൽ തൊഴിൽരഹിതരായി ഉണ്ടെന്നാണ് ഏറ്റവും അടുത്ത് പുറത്തു വന്ന റിപ്പോർട്ടുകൾ സൂചിപ്പിക്കുന്നത്. ഇത് മൊത്തം വർക്ക് ഫോഴ്സിന്റെ 6.5 ശതമാനം വരും. ഇതിൽ പലരും കോവിഡ് -19 നെ തുടർന്നുള്ള ലോക്ഡൗൺ കാരണം ജോലി നഷ്ടപ്പെട്ടവരാണ്. 300ലേറെ അപേക്ഷകൾ അയച്ചിട്ടും ഒരു ജോലി ലഭിക്കാതെ നിരാശരായവരുടെ അനുഭവങ്ങൾ മാധ്യമങ്ങൾ റിപ്പോർട്ട് ചെയ്തത് തൊഴിലില്ലായ്മയുടെ ഭീകരത വരച്ചു കാട്ടുന്നു. കോവിഡ് – 19 നെ തുടർന്ന് ഏറ്റവും കൂടുതൽ ജോലികൾ നഷ്ടപ്പെട്ടത്, ഹോസ്പിറ്റാലിറ്റി, റീട്ടെയിൽ, എന്റർറ്റെയ്ൻമെന്റ് മേഖലകളിൽ ജോലി ചെയ്യുന്നവർക്കാണ്.

ന്യൂസ് ഡെസ്ക് മലയാളം യുകെ

മലയാളംയുകെയുടെ സഹയാത്രികയും പത്തനംതിട്ടയിലെ സ്‌കൂള്‍ ഓഫ് ടെക്‌നോളജി ആന്റ് അപ്ലൈഡ് സയന്‍സിലെ കമ്പ്യൂട്ടർ സയൻസ് വിഭാഗം ലക്ചറുമായ അനുജ സജീവിൻെറ ഭർത്താവ് സജീവ് കുമാർ എസ് (47) ഖത്തറിൽ നിര്യാതനായി. സജീവ് കുമാർ ഖത്തർ ആമ്ഡ് ഫോഴ്സിൽ ഫിസിയോ തെറാപ്പിസ്റ്റായി ജോലി അനുഷ്ഠിക്കുകയായിരുന്നു. പത്തനംതിട്ട എലന്തൂർ ഒറ്റപ്ലാമൂട്ടിൽ പരേതനായ ഒ എൻ ശിവരാജൻെറയും സരോജീനിയമ്മയുടെയും മകനാണ്. സൂര്യഗായത്രിയും സൂര്യകിരണും ആണ് മക്കൾ.

മലയാളംയുകെയുടെ വായനക്കാർക്ക് അനുജ സജീവ് ചിരപരിചിതയാണ്. അനുജ സജീവിൻെറ ഒട്ടേറെ കഥകളും ചിത്രങ്ങളും മലയാളംയുകെയിൽ പ്രസിദ്ധീകരിക്കപ്പെട്ടിട്ടുണ്ട്.

പ്രിയപ്പെട്ട അനുജ ടീച്ചറിൻെറ ഭർത്താവിൻറെ നിര്യാണത്തിൽ മലയാളം യുകെയുടെ അനുശോചനം ബന്ധുക്കളെയും സുഹൃത്തുക്കളെയും അറിയിക്കുന്നു.

ന്യൂസ് ഡെസ്ക് മലയാളം യുകെ

കോവിഡ് രോഗ വ്യാപനവും മരണനിരക്കും പിടിച്ചുനിർത്താൻ ഏറ്റവും ഫലപ്രദമായ മാർഗം സാധ്യമായവർക്കെല്ലാം പ്രതിരോധകുത്തിവെയ്‌പ്പ് നൽകുക എന്നതാണെന്ന് ലോകരാഷ്ട്രങ്ങൾ തിരിച്ചറിഞ്ഞു കഴിഞ്ഞു. അതുകൊണ്ടുതന്നെ എല്ലാവർക്കും സമയത്ത് വാക്സിൻ ലഭ്യമാക്കാനുള്ള നെട്ടോട്ടത്തിലാണ് ലോകരാജ്യങ്ങൾ. യൂറോപ്യൻ യൂണിയനും ബ്രിട്ടനും തമ്മിലുള്ള വാക്സിൻ കയറ്റുമതിയിലെ പ്രശ്നങ്ങൾ തീർക്കാനുള്ള ശ്രമത്തിലായിരുന്നു ബോറിസ് ഗവണ്മെന്റ്. യൂറോപ്യൻ രാജ്യങ്ങളിൽ ഗവൺമെൻറിൻറെ ഫലപ്രദമായ ഇടപെടൽ മൂലം മരണനിരക്കും ലോക വ്യാപനവും ഏറ്റവും കുറഞ്ഞ രാജ്യമാണ് ബ്രിട്ടൻ. യൂറോപ്യൻ യൂണിയൻ രാജ്യങ്ങൾക്ക് ഫലപ്രദമായി തങ്ങളുടെ ജനതയ്ക്ക് വേണ്ടിയുള്ള വാക്സിനുകൾക്കായി കരാറിൽ ഏർപ്പെടാൻ സാധിക്കാത്തതിൻെറ പരിണിത ഫലമാണ് യൂറോപ്യൻ യൂണിയനും ബ്രിട്ടനും തമ്മിലുള്ള പ്രശ്നങ്ങളുടെ കാതൽ. വാക്സിൻ വിതരണത്തിലും കരാറിലേർപ്പെടാനുമായി ബ്രിട്ടൻ നടത്തിയ നീക്കങ്ങളെ പ്രശംസിക്കാൻ യൂറോപ്യൻ യൂണിയൻ രാജ്യതലവന്മാർ പൊതുവെ വൈമുഖ്യം കാണിക്കുന്നത് വാക്സിനു വേണ്ടി ശീതയുദ്ധം മുറുകുന്നതിന്റെ സൂചനയായി രാഷ്ട്രീയ നിരീക്ഷകർ വിലയിരുത്തുന്നു.

ഫ്രാൻസും ജർമനിയും വാക്സിൻ കയറ്റുമതി നിരോധിക്കണമെന്ന അഭിപ്രായത്തെ പിൻതാങ്ങുമ്പോഴും അയർലൻഡ് ഉൾപ്പെടെയുള്ള രാജ്യങ്ങൾ നിയമപരമായി യുകെ ഏർപ്പെട്ട വാക്‌സിൻ കരാറുകൾക്ക് എതിരായി പ്രവർത്തിക്കുന്നതിനെ അനുകൂലിക്കുന്നില്ല. യുകെയിലേയ്ക്ക് വാക്സിനുകൾ കയറ്റുമതി ചെയ്യുന്നതിൽ ഏർപ്പെടുത്തിയ നിരോധനങ്ങൾക്കെതിരെ പ്രധാനമന്ത്രി ബോറിസ് ജോൺസൺ ശക്തമായ താക്കീത് നൽകിയിരുന്നു. അതിനെ തുടർന്ന് യുകെയും യൂറോപ്യൻ യൂണിയനും വാക്സിൻ ലഭ്യതയുടെ കാര്യത്തിൽ കൈകോർക്കണമെന്ന് രണ്ടു പക്ഷവും സംയുക്ത പ്രസ്താവനയും ഇറക്കിയിരുന്നു. ഇതിനിടയിൽ യുകെയുടെ അസ്ട്രസെനക്കയുമായുള്ള കരാർ യൂറോപ്യൻ യൂണിയൻെറ കരാറിനേക്കാൾ മെച്ചപ്പെട്ടതാണെന്ന പ്രസ്താവനയുമായി ആരോഗ്യ സെക്രട്ടറി മാറ്റ് ഹാൻകോക്ക് രംഗത്തുവന്നു.

അതേസമയം വാക്സിൻ ലഭ്യതയിലെ അനശ്ചിതത്വം മുതിർന്ന പൗരന്മാർക്കുള്ള പ്രതിരോധകുത്തിവെയ്പ്പുകളെ ബാധിക്കാതിരിക്കാനുള്ള നടപടികൾ ബ്രിട്ടൻ ആരംഭിച്ചു. പ്രതിരോധ കുത്തിവെയ്പ്പ് മന്ദഗതിയിലാകുന്നതിനു മുൻപ് വാക്സിനായി ബുക്ക് ചെയ്യാൻ 50 വയസ്സിന് മുകളിലുള്ള പൗരന്മാർക്ക് യുകെ നിർദേശം നൽകിക്കഴിഞ്ഞു. ഏപ്രിൽ മുഴുവൻ യുകെയിലെ വാക്സിൻ വിതരണത്തിൽ മാന്ദ്യം ഉണ്ടാകുമെന്നാണ് എൻഎച്ച് എസിൻെറ ആശങ്ക.

ന്യൂസ് ഡെസ്ക് മലയാളം യുകെ

പുതിയ വീട് സ്വന്തമാക്കുക എന്നത് ഏറെ അഭിമാനമുള്ള കാര്യമാണ്, എന്നാൽ അമിതാവേശത്തിൽ ചെയ്തു വെക്കുന്ന പലതും മോഷ്ടാക്കളെ ക്ഷണിച്ചു വരുത്തുന്നത് പോലെയുള്ള അബദ്ധങ്ങളാണ്. സുരക്ഷയാണ് പരമപ്രധാനം, ദി പ്രോപ്പർട്ടി ഗയ് എന്ന പേരിൽ ടിക് ടോക് ഉപയോഗിക്കുന്ന കൈൽ മാറ്റിസൺ പറയുന്നു.

സ്വന്തം വീടിനു പുറത്ത് താക്കോൽ പിടിച്ചു കൊണ്ട് നിൽക്കുന്ന ഫോട്ടോകൾ സമൂഹ്യ മാധ്യമങ്ങളിൽ പങ്കു വയ്ക്കരുത്. മില്യനോളം കാഴ്ചക്കാരെ നേടിയ വീഡിയോ പറയുന്നു, ” നിങ്ങളുടെ സുഹൃത്തുക്കളെയും കുടുംബത്തെയും സന്തോഷവാർത്ത അറിയിക്കാനുള്ള തിടുക്കമുണ്ടാവും, പക്ഷെ താക്കോൽ കൃത്യമായി കാണാൻ കഴിയുന്നത് പോലെയുള്ള ഫോട്ടോകൾ ഉപയോഗിച്ച് പുതിയ താക്കോൽ നിർമിക്കാൻ ഇക്കാലത്തു എളുപ്പമാണ്. “താക്കോലും ” മറ്റു രഹസ്യ വിവരങ്ങളെപ്പോലെ പ്രാധാന്യമുള്ളതാണ്. അത് പങ്ക് വയ്ക്കരുത്.

വീഡിയോയ്ക്ക് 59000 ലൈക്കുകൾ ലഭിച്ചിരുന്നു. വീഡിയോയ്ക്ക് മനോഹരമായ കമന്റുകളും ലഭിക്കുന്നുണ്ട്. വീടിന്റെ ലൊക്കേഷൻ ടാഗ് ചെയ്യരുത് എന്ന് അഭിപ്രായം ഉയർന്നപ്പോൾ, വീടിന്റെ ചിത്രമേ പങ്കു വയ്ക്കരുത് എന്ന നിലപാടിലാണ് മറ്റു ചിലർ.

ന്യൂസ് ഡെസ്ക് മലയാളം യുകെ

എൻഎച്ച്എസ് ജീവനക്കാർക്ക് 1% ശമ്പള വർധനവ് ശുപാർശ ചെയ്യപ്പെട്ടത് യുകെയിലെങ്ങും വൻ ചർച്ചാവിഷയമായിരുന്നു. ഇതിനെതിരെ വൻ പ്രതിഷേധമാണ് നേഴ്സിങ് യൂണിയനുകളും ആരോഗ്യപ്രവർത്തകരും പൊതുസമൂഹവും ഉയർത്തിയത്. എന്നാൽ സ്കോട്ട് ലൻഡിൽ ജോലി ചെയ്യുന്ന എൻഎച്ച്എസ് ജീവനക്കാർക്ക് 4% ശമ്പളവർദ്ധനവ് നൽകുമെന്ന് സ്കോട്ടിഷ് സർക്കാർ അറിയിച്ചു. ഇത് മലയാളികൾ ഉൾപ്പെടെ സ്കോട്ട് ലൻഡിൽ ജോലി ചെയ്യുന്ന ആരോഗ്യപ്രവർത്തകർക്ക് ആശ്വാസമായി.

നേഴ്സുമാർ ഉൾപ്പെടെയുള്ള 154,000 ആരോഗ്യപ്രവർത്തകർക്കാണ് നിർദിഷ്ട ശമ്പള വർധനവിന്റെ പ്രയോജനം ലഭിക്കുക. കോവിഡ് മഹാമാരിയുടെ സമയത്ത് തങ്ങളുടെ ജീവനക്കാരുടെ സേവനങ്ങളും സമർപ്പണങ്ങളും അംഗീകരിച്ചാണ് ഈ നടപടിയെന്ന് ആരോഗ്യ സെക്രട്ടറി ജീൻ ഫ്രീമാൻ പറഞ്ഞു. പുതിയ ശമ്പള വർദ്ധനവ് നടപ്പിലാക്കുമ്പോൾ ഒരു നേഴ്സിന് 1200 പൗണ്ട് പ്രതിവർഷം കൂടുതലായി ലഭിക്കുമെന്നാണ് കണക്കാക്കപ്പെടുന്നത്.

1 മുതൽ 7 വരെയുള്ള ശമ്പള ബാൻഡുകളിലെ ജീവനക്കാർക്ക് കുറഞ്ഞത് 4% ശമ്പള വർദ്ധനവ് ലഭിക്കും. 25000 പൗണ്ടിൽ താഴെ വരുമാനം ലഭിക്കുന്ന ജീവനക്കാർക്ക് കുറഞ്ഞത് 1000 – പൗണ്ടിൽ കൂടുതൽ ലഭിക്കുമെന്നാണ് അറിയാൻ സാധിച്ചത്. തങ്ങളുടെ എൻഎച്ച്എസ് ജീവനക്കാർക്ക് കരഘോഷങ്ങളെക്കാൾ അർഹതയുണ്ടെന്നാണ് സ്കോട്ട് ലൻഡിലെ ഫസ്റ്റ് മിനിസ്റ്റർ നിക്കോള സ്റ്റർജിയൻ ശമ്പള വർദ്ധനവിനെ കുറിച്ച് ട്വീറ്റ്      ചെയ്തത്.                     സ്കോട്ട് ലൻഡിലെ 4% ശമ്പളവർധനവ് യുകെയിലെ മറ്റ് സ്ഥലങ്ങളിലെ 1% ശമ്പള വർദ്ധനവിനെതിരെയുള്ള പ്രതിഷേധങ്ങൾ കൂടുതൽ ശക്തമാക്കാൻ കാരണമാകുമെന്നാണ് പൊതുവേ വിലയിരുത്തപ്പെടുന്നത്.

അമ്മു മറിയം തോമസ്, മലയാളം യുകെ ന്യൂസ് ടീം

2021 -ൽ യുകെയിൽ നടന്ന സെൻസസിനോട് അനുബന്ധിച്ച് ജനങ്ങൾ വ്യാപകമായി കബളിപ്പിക്കപ്പെടാൻ സാധ്യതയുണ്ടെന്നും ജാഗ്രത പാലിക്കണമെന്നും ആക്ഷൻഫ്രോഡും ഓഫീസ് ഫോർ നാഷണൽ സ്റ്റാറ്റിസ്റ്റിക്സും മുന്നറിയിപ്പ് നൽകി. സെൻസസ് ഫോം കൃത്യമായി പൂരിപ്പിച്ചില്ലെങ്കിൽ 1000 പൗണ്ട് പിഴ അടയ്ക്കേണ്ടതായി വരുമെന്നുള്ളതിന്റെ ചുവട് പിടിച്ചാണ് പല തട്ടിപ്പുകളും അരങ്ങേറുന്നത് . ഇതിനോടനുബന്ധിച്ച് ക്രെഡിറ്റ് കാർഡ്, ബാങ്ക് വിശദാംശങ്ങൾ ചോദിച്ചുള്ള ഫോൺകോളും ഇമെയിലും ഇതിനകം തന്നെ പല യുകെ മലയാളികൾക്കും ലഭിച്ചതായുള്ള റിപ്പോർട്ടുകൾ പുറത്തുവന്നു. രാജ്യത്തുടനീളം പലരിൽ നിന്നും തട് ടിപ്പുകാർ പണം കബളിപ്പിച്ചെടുത്തതായാണ് പുറത്തുവരുന്ന വിവരങ്ങൾ സൂചിപ്പിക്കുന്നത്.

സെൻസസ് പൂരിപ്പിക്കുമ്പോൾ ജനങ്ങളുടെ ജനനതീയതി, തൊഴിൽ, മേൽവിലാസം എന്നിവ പോലുള്ള വ്യക്തിഗത വിശദാംശങ്ങളാണ് ആവശ്യപ്പെടുന്നതെന്നും ഒരിക്കലും ദേശീയ ഇൻഷുറൻസ് നമ്പറോ സാമ്പത്തിക വിശദാംശങ്ങളോ നൽകാൻ ആവശ്യപ്പെടില്ല എന്നും ആക്ഷൻ ഫ്രോഡ് മുന്നറിയിപ്പ് നൽകി. ജനസംഖ്യയും, ജനസാന്ദ്രതയും കണക്കാക്കുക എന്നതാണ് സെൻസസിന്റെ പ്രധാന ലക്ഷ്യം. ജനസംഖ്യ അനുപാതം സംബന്ധിച്ച ചോദ്യങ്ങളാണ് കൂടുതലായും ഉണ്ടാവുക. പൗരന്മാരുടെ പ്രായം, ലിംഗം, കുടുംബബന്ധങ്ങൾ, സാമൂഹിക സാമ്പത്തിക അവസ്ഥകൾ, തൊഴിൽ, പാർപ്പിടം, വസ്തുവകകളുടെ വിവരം, വിദ്യാഭ്യാസം, ആരോഗ്യം, സാംസ്കാരിക പശ്ചാത്തലം തുടങ്ങിയവ സംബന്ധിച്ച ചോദ്യങ്ങൾ ആണ് കൂടുതലായും ഉണ്ടാവുക.

ഇംഗ്ലണ്ട്, വെയിൽസ്, സ്കോട്ട്‌ലൻഡ്, നോർത്തേൺ അയർലൻഡ് എന്നിവിടങ്ങളിലെ ജനസംഖ്യ അനുപാതം, സ്കൂളുകൾ, ആരോഗ്യ സ്ഥാപനങ്ങൾ എന്നിവയ്ക്ക് ആവശ്യമായ ഫണ്ടിനുള്ള വിവരങ്ങൾ, യുകെയുടെ പൊതുവിലുള്ള ഭൂപടനിർമ്മാണം എന്നിവയ്ക്ക് ആവശ്യമായ വിവരങ്ങൾ ആണ് കൂടുതലായും ചോദിച്ചത്. സെൻസസിൽ പങ്കാളികളാവുക എന്നത് നിയമപരമായ ബാധ്യതയാണ്. വ്യക്തികൾ സെൻസസിൽ പങ്കെടുക്കാത്തത് മൂലം പൊതുവിലുള്ള കണക്കുകൾക്ക് വലിയ രീതിയിലുള്ള വ്യത്യാസം സംഭവിക്കുകയും, ഭാവിയിൽ നടപ്പാക്കാനുള്ള വികസനപ്രവർത്തനങ്ങൾക്ക് ബുദ്ധിമുട്ട് നേരിടുകയും ചെയ്യും.നാഷണൽ സ്റ്റാറ്റിസ്റ്റിക്സ് ഇംഗ്ലണ്ട് ആൻഡ് വെയിൽസ്, നാഷണൽ റെക്കോർഡ്സ് ഓഫ് സ്കോട്ട്‌ലൻഡ്, നോർത്തേൺ അയർലൻഡ് സ്റ്റാറ്റിസ്റ്റിക്സ് ഏജൻസി എന്നീ സ്ഥാപനങ്ങളാണ് സെൻസസ് നടത്തുന്നത്.

ആശയം. ഷിബു മാത്യൂ
അവതരണം. ആന്റണി ജോസഫ്
വോട്ടവകാശമില്ലാത്ത പ്രവാസി മലയാളികള്‍ ഇരു കൈയ്യും നീട്ടി സ്വീകരിച്ച് മലയാളം യുകെ ന്യൂസിന്റെ ഇലക്ഷന്‍ ട്രോളും.. തള്ളും.. എന്ന ആക്ഷേപഹാസ്യ പംക്തി മുന്നേറുകയാണ്.

രാഹുല്‍ജിയുടെ വനിതാ മുഖ്യമന്ത്രിയാണ് ട്രോളര്‍മാരുടെ ഇന്നത്തെ ആദ്യ ഇര. സൗന്ദര്യം നോക്കിയിട്ടാണോ എന്നറിയില്ല നെറക്കു വീണത് ചാണ്ടിച്ചനായിരുന്നു. പൊക്കം കുറവായതുകൊണ്ടാവും രമേശനെ തള്ളി വെള്ളത്തിലിട്ടത്. താമരയായി അതിനി വിരിഞ്ഞാലോ?? അതു കലക്കി. ഇതിനിടയില്‍ സരിതയും സ്വപ്നയും അഞ്ച് വര്‍ഷം മുഖ്യധാരയിലിരുന്ന് കേരളം ഭരിച്ചത് രാഹുല്‍ജി അറിഞ്ഞില്ലേ?? പിന്നെന്തിനാണ് ഇനി ഒരു വനിതാ മുഖ്യമന്ത്രി കേരളത്തിന് എന്ന മറുചോദ്യവും ട്രോളര്‍മാര്‍ക്കിടയില്‍ ഉയര്‍ന്നു.
ഈ ബഹളത്തിനിടയില്‍ നമ്മുടെ മണിയാശാന് ചെറിയൊരു പണി കിട്ടി. ടെറസ്സിലും അണ്ണാക്കുവരെയും വെള്ളമെത്തിച്ച വലിയ മനുഷ്യന്‍ എന്ന നിലയിലായിരുന്നു അഭിഷേകം. ലോക ജലദിന ആഘോഷപരിപാടിക്കിടയില്‍ കിട്ടിയതാണ് ഈ അഭിഷേകം. അതോടെ ഡാമിനുള്ളില്‍ആശാന്‍ വീണു. ഈ ബഹളത്തിനിടയിലാണ് ശോഭച്ചേച്ചിയുടെ ‘സു’ കാണാതെ പോയത്. ട്രോളര്‍മാര്‍ പോലും ചിരിച്ചു പോയി. സത്യം പറയാല്ലോ.. ‘സു’ കണ്ടു പിടിക്കാന്‍ ട്രോളര്‍മാര്‍ നന്നായി ശ്രമിച്ചു എന്നാണ് അറിയാന്‍ കഴിഞ്ഞത്.

ഇന്നും താരമായിരുന്നു പൂഞ്ഞാറാശാന്‍. കാശു കൊടുത്ത് കൂവിച്ചതാണോ എന്നൊരു സംശയവും ഇതിനിടയിലുണ്ട്. ആശാന്‍ പറഞ്ഞതുപോലെ മെയ് ആറിന് പറയാം.
ഇനി മലകയറ്റം. അത് മുഖ്യന് പണിയായി. മുഖ്യനെ മല കയറ്റുമെന്നുറപ്പിച്ച് NSS. കയറില്ലന്ന് മുഖ്യനും. വേണമെങ്കില്‍ സ്ത്രീകളെ കയറ്റാമെന്നാ മുഖ്യന്‍ പറയുന്നത്. തലങ്ങും വിലങ്ങും മുഖ്യന് ശത്രുക്കളാണ്. ഭൂമിയില്‍ നിര്‍ത്തുന്നില്ല. ഇതോടെ മുഖ്യനും കോമഡി പറയാന്‍ പഠിച്ചു. വാര്‍ത്താ സമ്മേളനത്തില്‍ മൊത്തം കോമഡിയായിരുന്നു. ഇരട്ട വോട്ടിലും അതാവര്‍ത്തിച്ചു.

വനിതാ സ്ഥാനാര്‍ത്ഥികളുടെ സൗന്ദര്യം അവരുടെ ജയസാധ്യതയ്ക്ക് അപകടമാണ് എന്നും ഒരു സൂചനയുണ്ട്? സ്ത്രീകള്‍ തന്നെ അവരെ തോല്പ്പിക്കും. അസൂയ ആണല്ലോ സ്ത്രീയെ സ്ത്രീയാക്കുന്നത്…
കഴിഞ്ഞ പഞ്ചായത്ത് തെരെഞ്ഞെടുപ്പില്‍ അത് തെളിഞ്ഞതാണ്. പിറവം സൈഡില്‍ മേയ്ക്കപ്പ് കൂടുന്നുണ്ടോ എന്നൊരു സംശയം ഇല്ലാതെയില്ല…

ഇനി ഇന്നത്തെ പ്രധാന വിഷയം കാണാം..

ന്യൂസ് ഡെസ്ക് മലയാളം യുകെ

യു കെ :- ബ്രിട്ടനിലുള്ള അനധികൃത കുടിയേറ്റക്കാർക്ക് എതിരെ ശക്തമായ നിയമനടപടികൾ സ്വീകരിക്കുമെന്ന് ബ്രിട്ടീഷ് ആഭ്യന്തര സെക്രട്ടറി പ്രീതി പട്ടേൽ എൽ ബി സി ലണ്ടന് നൽകിയ അഭിമുഖത്തിൽ വ്യക്തമാക്കി. രാജ്യം ഇക്കാര്യത്തിൽ ശക്തമായ നിലപാട് എടുക്കേണ്ടത് അത്യന്താപേക്ഷിതമായ സാഹചര്യത്തിലാണ് എത്തിനിൽക്കുന്നത് എന്ന് എൽ ബി സിയുടെ നിക്ക് ഫെറാരിക്കു നൽകിയ അഭിമുഖത്തിൽ ആഭ്യന്തര സെക്രട്ടറി പറഞ്ഞു. അഭയാർത്ഥി നിയമങ്ങളിൽ മാറ്റങ്ങൾ വരുത്തുന്നത് ഇതിനോടനുബന്ധിച്ച് ആണ്. നിലവിലെ അഭയാർഥി നിയമങ്ങളെല്ലാം തന്നെ നിയമവിരുദ്ധമായി ആളുകളെ ബ്രിട്ടനിലേക്ക് എത്തിക്കുന്നതിന് സഹായിക്കുന്നതാണ്. എന്നാൽ നിയമപരമായ രീതിയിൽ അഭയം അന്വേഷിച്ചു വരുന്ന ആളുകൾക്ക് സംരക്ഷണം നൽകേണ്ടത് രാജ്യത്തിന്റെ കടമയാണെന്നും അവർ ഓർമ്മിപ്പിച്ചു.

ഇത്തരത്തിൽ നിയമവിരുദ്ധമായി രാജ്യത്ത് പ്രവേശിക്കുന്നവരെ ഡിപ്പോർട്ട് ചെയ്യാനുള്ള നടപടികൾ ഉടൻ തന്നെ ആരംഭിക്കും. ഇത്തരത്തിൽ നിയമവിരുദ്ധമായ രാജ്യത്തെ പ്രവേശിക്കുന്നത് തടഞ്ഞുകൊണ്ടുള്ള നിയമ സംവിധാനം നിലവിൽ വരും. നിരവധി ആളുകളാണ് ഇത്തരത്തിൽ ചൂഷണത്തിന് ഇരയാകുന്നതെന്ന് അവർ ഓർമ്മിപ്പിച്ചു. നിരവധി ഇടനിലക്കാരാണ് ഇതുമൂലം പണമുണ്ടാക്കുന്നത്. ഇത് തടയുന്നതിനാണ് ഇത്തരത്തിൽ നിയമസംവിധാനം കൊണ്ടുവരുന്നത്.

കഴിഞ്ഞ വർഷം ഏകദേശം 8500 ഓളം പേരാണ് നിയമവിരുദ്ധമായി ചെറിയ ബോട്ടുകളിലും മറ്റും രാജ്യത്ത് എത്തിയത്. രാജ്യത്ത് അഭയാർഥികളെ മുഴുവനായി മാറ്റി നിർത്തുകയല്ല, മറിച്ച് നിയമാനുസൃതമായി വരുന്നവർക്ക് എല്ലാ തരത്തിലുള്ള പരിഗണനയും സംരക്ഷണവും നൽകുമെന്ന് അവർ ഉറപ്പിച്ചു പറഞ്ഞു. എന്നാൽ ഇതിനെതിരെ ശക്തമായ പ്രതിഷേധങ്ങൾ പലഭാഗത്തുനിന്നും ഉയർന്നുവരുന്നുണ്ട്. രാജ്യത്ത് ഏതു രീതിയിൽ എത്തിയാലും അവരെ സംരക്ഷിക്കേണ്ട കടമ രാജ്യത്തിന് ഉണ്ടെന്ന് റെഫ്യൂജി കൗൺസിൽ ചീഫ് എക്സിക്യൂട്ടീവ് എൻവർ സോളമൻ പറഞ്ഞു. ഗവൺമെന്റിന്റെ ഇത്തരം തീരുമാനങ്ങൾ പിൻവലിക്കണമെന്നും അദ്ദേഹം ശക്തമായി ആവശ്യപ്പെട്ടു. മനുഷ്യത്വരഹിതമായ തീരുമാനങ്ങൾ ആണ് ഇതെന്ന കുറ്റപ്പെടുത്തലുകളും പലഭാഗത്തുനിന്നും വരുന്നുണ്ട്.

ന്യൂസ് ഡെസ്ക് മലയാളം യുകെ

ഒപ്രയുമായുള്ള വിവാദ അഭിമുഖത്തിൽ മെയ്‌ 19ന് നടന്ന തങ്ങളുടെ ഔദ്യോഗിക വിവാഹത്തിന് മൂന്നു ദിവസം മുൻപ് സ്വകാര്യമായി പരസ്പരം വാക്ക് നൽകിയിരുന്നതായി ഹാരിയും മെഗാനും വെളിപ്പെടുത്തിയിരുന്നു. ഇത് മറ്റാർക്കും അറിയില്ല എന്നും അവർ പറഞ്ഞിരുന്നു. എന്നാൽ അന്ന് നടന്ന ചടങ്ങ് വിവാഹം ആയിരുന്നില്ല എന്നാണ് ഔദ്യോഗികമായി വെളിപ്പെടുത്തപ്പെട്ടിരിക്കുന്നത്‌.

ഒപ്രക്കൊപ്പമുള്ള അഭിമുഖത്തിൽ നോട്ടിങ്ഹാം കൊട്ടാരത്തിൽ വച്ച് ആർച്ച് ബിഷപ്പ് തങ്ങളുടെ വിവാഹം നടത്തിയിരുന്നെന്നും, വിവരം മറ്റാർക്കും അറിയില്ലെന്നും വെളിപ്പെടുത്തിയത് മെഗാൻ ആണ്.  അതിനുശേഷം വിൻസർ കൊട്ടാരത്തിൽ വച്ച് ആഡംബരപൂർണമായ വിവാഹം നടത്തിയിരുന്നു.

മെഗാൻ വിവാഹ ദിനത്തെ പറ്റി ആശയക്കുഴപ്പത്തിലാണെന്നാണ് ഫാക്കൽറ്റി ഓഫീസിലെ മുൻ ചീഫ് ക്ലർക്ക് ആയ സ്റ്റീഫൻ ബോർട്ടൺ അഭിപ്രായപ്പെട്ടത്. “ഇരുവർക്കും വിവാഹിതരാവാൻ പ്രത്യേക അനുമതി ആവശ്യമായിരുന്നു.350 പൗണ്ട് ഫീസ് അടച്ചതിനു ശേഷം, രാജ്ഞിയുടെയും മറ്റ് ഔദ്യോഗസ്ഥരുടെയും അനുവാദത്തോടെയാണ് വിവാഹത്തിനുള്ള സമ്മതപത്രം നൽകിയത്. സമ്മതപത്ര പ്രകാരം മെഗാന്റെ അമ്മ ഡോറിയയുടെയും ചാൾസ് രാജകുമാരന്റെയും സാന്നിധ്യത്തിലായിരുന്നു വിവാഹം. പക്ഷെ ആർച്ച് ബിഷപ്പ് വിഷയത്തെ സംബന്ധിച്ച് പ്രതികരിച്ചിട്ടില്ല.