ബ്ലെസി പൃഥ്വിരാജിനെ നായകനാക്കി ഒരുക്കുന്ന ‘ആടുജീവിതം’ എന്ന ചിത്രത്തിന്റെ ജോര്ദാന് ഷെഡ്യൂള് പാക്കപ്പ് ആയി. പൃഥ്വിരാജ് തന്റെ ഫേസ്ബുക്കിലൂടെയാണ് ഈ വിവരം അറിയിച്ചത്. അണിയറപ്രവര്ത്തകര്ക്കൊപ്പമുള്ള ചിത്രവും താരം പങ്കുവെച്ചിട്ടുണ്ട്.
ചിത്രീകരണത്തിനായി ജോര്ദാനിന് എത്തിയ പൃഥ്വിയും ബ്ലെസിയും ഉള്പ്പടെ 58 പേരടങ്ങുന്ന സിനിമാസംഘം കൊവിഡ് വൈറസ് വ്യാപനത്തെ തുടര്ന്ന് അവിടെ ചിത്രീകരണം തുടരാനോ തിരിച്ചു വരാനോ സാധിക്കാതെ കുടുങ്ങിയത് വാര്ത്തയായിരുന്നു.
പിന്നീട് ജോര്ദാനില് കര്ഫ്യൂ നിയമങ്ങളില് ഇളവ് വന്നതോടെ ചിത്രീകരണം പുനരാരംഭിക്കാന് സാധിച്ചത്. ഫെബ്രുവരി 29 നാണ് പൃഥ്വിയുള്പ്പെടുന്ന സംഘം ജോര്ദാനിലേക്ക് തിരിച്ചത്. ആടുജീവിതത്തിലെ കഥാപാത്രത്തിനായി തടി കുറച്ച് താടിയും മുടിയും നീട്ടി വളര്ത്തിയുള്ള പൃഥ്വിയുടെ ലുക്ക് ആരാധകര് ഏറ്റെടുത്തിരുന്നു. അമല പോളാണ് ചിത്രത്തില് നായികയായി എത്തുന്നത്. നീണ്ട ഇടവേളക്ക് ശേഷം എആര് റഹ്മാന് സംഗീതം നല്കുന്ന മലയാള ചിത്രം എന്ന പ്രത്യേകത കൂടിയുണ്ട് ആടുജീവിതത്തിന്.
ടി.വി ഷോകളിലൂടെ ശ്രദ്ധേയനായ മന്മീത് ഗ്രേവാവാളിനെ(32) തൂങ്ങി മരിച്ച നിലയില് കണ്ടെത്തി. വെള്ളിയാഴ്ചയാണ് മന്മീതിനെ വീട്ടില് തൂങ്ങിമരിച്ച നിലയില് കണ്ടെത്തിയത്. സാമ്പത്തിക പ്രയാസത്തെ തുടര്ന്നാണ് ആത്മഹത്യയെന്നാണ് പ്രാഥമിക നിഗമനം.
നവി മുംബൈയിലെ സ്വന്തം വീട്ടിലെ കിടപ്പുമുറിയിലാണ് മന്മീതിനെ തൂങ്ങി മരിച്ച നിലയില് കണ്ടെത്തിയത്. സംഭവസമയത്ത് മന്മീതും ഭാര്യ രവീന്ദ്ര കൗറുമാണ് വീട്ടിലുണ്ടായിരുന്നത്. രാത്രി ഇരുവരും ഭക്ഷണം കഴിച്ചുകൊണ്ടിരിക്കെ മന്മീത് കിടപ്പുമുറിയിലേക്ക് പോവുകയായിരുന്നു.
മുറിയില് കയറി മന്മീത് കതകടച്ചു. എന്നാല് ഭാര്യ അത്ര ശ്രദ്ധിച്ചിരുന്നില്ല. പിന്നീട് മുറിയില് നിന്നും കസേര വീഴുന്ന ശബ്ദം കേട്ടതോടെ ഭാര്യ ഓടിയെത്തി. എത്ര വിളിച്ചിട്ടും മന്മീത് വാതില് തുറന്നില്ല. തുടര്ന്ന് ഭാര്യ സഹായത്തിനായി അയല്ക്കാരെ വിളിക്കുകയായിരുന്നു.
എന്നാല് ആരും സഹായത്തിനായി എത്തിയില്ല. മന്മീതിന് കോവിഡാണെന്ന ഭീതിയില് ആരും സഹായത്തിന് തയ്യാറായില്ലെന്ന് മന്മീതിന്റെ സുഹൃത്ത് മന്ജിത് സിംഗ് പിന്നീട് മാധ്യമങ്ങളോട് പറഞ്ഞു. ലോക്ഡൗണിനെ തുടര്ന്ന് കടുത്ത സാമ്പത്തിക പ്രയാസങ്ങളിലായിരുന്നു മന്മീതെന്ന് സൂചനയുണ്ട്.
പ്രതിഫലം ലഭിക്കാത്തതിനെ തുടര്ന്ന് ബാങ്ക് വായ്പകളുടെ തിരിച്ചടവും മുടങ്ങിയിരുന്നു. വാടകയായ 8500 രൂപ പോലും നല്കാനാകാതെ വന്നതോടെ മന്മീത് കൂടുതല് സമ്മര്ദത്തിലായെന്നും സൂചനയുണ്ട്. ഇതാണ് ആത്മഹത്യയിലേക്ക് നയിച്ചതെന്നാണ് പ്രാഥമിക നിഗമനം.
മന്മീതും രവീന്ദ്ര കൗറും തമ്മിലുള്ള വിവാഹം കഴിഞ്ഞ ഏതാനും മാസങ്ങളാകുന്നതേയുള്ളൂ. ആദത് സേ മജ്ബൂര്, കുല്ദീപക് തുടങ്ങിയ ടി.വി ഷോകളിലൂടെ ശ്രദ്ധേയനാണ് മന്മീത് ഗ്രേവാള്.
മലയാളികളുടെ സന്ധ്യകളിൽ കടന്നു വന്നിരുന്ന പ്രേക്ഷക പ്രിയ പരമ്പരകളിലെ പരിചിത മുഖമാണ് മേഘ്ന വിൻസെന്റ് എന്ന അഭിനേത്രിയുടേത്.വിവാഹം കഴിഞ്ഞു ഒരു വർഷത്തിനുള്ളിൽ മേഘ്ന ഭർത്താവുമായി പിരിഞ്ഞു എന്ന റിപ്പോർട്ടുകൾ പുറത്ത് വന്നപ്പോൾ ആദ്യമൊന്നും ആരാധകർ വിശ്വസിച്ചില്ല എന്ന് തന്നെ പറയാം. വളരെ ആഘോഷപൂർവം ആരെയും അമ്പരപ്പിക്കുന്ന വിധമായിരുന്നു താരങ്ങളുടെ വിഹാഹം. നടി ഡിംബിളിന്റെ സഹോദരന് ഡോണ് ആയിരുന്നു മേഘനയുടെ ഭര്ത്താവ്. അടുത്തിടെയാണ് ഇരുവരും വേര്പിരിഞ്ഞത്.
അമ്മയ്ക്കൊപ്പം ചെന്നൈയിലാണ് മേഘ്ന താമസിക്കുന്നത്. മേഘ്നാ സ്റ്റുഡിയോ ബോക്സ് എന്ന പേരില് ഒരു യൂട്യൂബ് ചാനലിലൂടെ നടി ആരാധകരുമായി സംവദിക്കാറുണ്ട്. എന്നാല് ഇതുവരെയും വിവാഹമോചനത്തെ കുറിച്ച് കൂടുതലായി ഒന്നും മേഘ്ന പറഞ്ഞിട്ടില്ലെങ്കിലും ഇരുവരും വേർപിരിഞ്ഞത് സത്യമാണെന്ന് താരം തന്നെ തുറന്ന് പറഞ്ഞു. വിവാഹം എന്നത് തനിക്ക് പറ്റിയ അബദ്ധമാണെന്നും താരം കൂട്ടിച്ചേർത്തിരുന്നു.
എന്നാൽ മേഘ്നയുടെ പ്രതികരണത്തിന് പിന്നാലെ എത്തിയത് നടി ജീജ സുരേന്ദ്രന് ആയിരുന്നു. ആ പ്രതികരണം പെട്ടന്ന് തന്നെ വൈറല് ആയി മാറുകയായിരുന്നു. ‘അബദ്ധം എന്നോ മനസാക്ഷിയുണ്ടോ കുട്ടിക്ക്, നിന്റെ ഭര്ത്താവിനെ എനിക്കറിയാം, ഫാമിലി അറിയാം.. നാണമില്ലേ അങ്ങിനെ പറയാന് നല്ല കുടുംബക്കാര് ആണ് എന്നായിരുന്നു ജീജയുടെ കമന്റ്.
ഇപ്പോഴിതാ ഡോണ്- മേഘന വിവാഹ മോചന വാര്ത്തയില് ജീജ ഡോണിന്റെ കുടുംബത്തെക്കുറിച്ച് കൂടുതൽ വെളിപ്പെടുത്തലുമായി രംഗത്തെത്തിയിരിക്കുകയാണ്. ഡോണിന്റെ അമ്മ ദൈവ തുല്യയായ സ്ത്രീ തന്നെ ആണെന്ന് ജീജ പറയുന്നു. ‘വര്ഷങ്ങളായി എനിക്ക് ആ കുടുംബവുമായി ബന്ധമുണ്ട്. ഒരിക്കലും അവര് മേഘനക്കെതിരെ മോശമായി പെരുമാറില്ല കാരണം. അവര് കണ്ട് ഇഷ്ടപെട്ടുകൊണ്ടാണ് അവരുടെ വിവാഹം നടത്തുന്നത്. സാമ്ബത്തികമായി അത്ര മുന്നിരയില് അല്ലാതിരുന്നിട്ടും ഇരു കൈയും നീട്ടിയാണ് ഡോണിന്റെ വീട്ടുകാര് മേഘ്നയെ സ്വീകരിച്ചത്. മേഘനയെ ഞാന് കുറ്റം പറയില്ല. പക്ഷേ ആരാണ് അവരെ തമ്മില് അകറ്റിയത് എങ്കിലും, ആരെങ്കിലും ഉണ്ടാവുമല്ലോ. ആ ആളെ ഞാന് കുറ്റം പറയും.
ഡിംപിളിനെയും, ഡോണിനെയും ചെറുപ്പം മുതല് തന്നെ എനിക്ക് അറിയാവുന്നതാണ്. ഞങ്ങളുടെ കണ്മുന്പില് വളര്ന്ന കുട്ടികളാണ് അവര്. ഡോണ് നല്ല മോനാണ്. അവന് പഠനത്തിന് ശേഷം ദുബായില് പോയപ്പോഴും തിരികെയെത്തി ബിസിനസ്സില് സജീവമായപ്പോഴും,ഈ വിവാഹത്തിലേക്ക് എത്തിയപ്പോഴും ഞാന് ഉണ്ടായിരുന്നു. വെറും അഡ്ജസ്റ്റ്മെന്റുകള് ചെയ്യാതെ വരുമ്ബോളാണ് ബന്ധങ്ങള് തകരുന്നത്. അഡ്ജസ്റ്മെന്റുകള് ചെയ്താല് തന്നെ പല ബന്ധങ്ങളും തകരാതെ തന്നെ മുന്പോട്ട് പോകും. ഇനി മേഘ്ന ആരെ വിവാഹം കഴിച്ചാലും ഡോണിനെ പോലെ ഒരാളെ കിട്ടില്ല. കാരണം അത്ര നല്ലൊരു വ്യക്തിയാണ് അവന്. അവനെ പോലൊരു വ്യക്തിയെ കിട്ടിയാല് തന്നെ അത് അവളുടെ ഭാഗ്യം. കിട്ടിയാല് അവള്ക്ക് കിട്ടട്ടെ. അവളും എനിക്ക് എന്റെ മോളെപോലെയാണ്. ജീവിതം അഡ്ജസ്റ്റ്മെന്റാണ്. ഈ കുടുംബവുമായി അഡ്ജസ്റ്റ്ചെയ്യാന് പറ്റാത്ത ഒരാള്ക്ക് എവിടെ പോയാലും അഡ്ജസ്റ്റ് ചെയ്യാന് ആകില്ല എന്നും ഞാന് പറയും. ഇത് എന്റെ പേഴ്സണല് അഭിപ്രായം ആണ്.’ ജീജ പറഞ്ഞു.
തന്റെ കമന്റ്റ് ഇത്രയും വൈറല് ആകും എന്ന് അറിയില്ലായിരുന്നുവെന്നു പറഞ്ഞ ജീജ ന്യായം അല്ലാത്ത കാര്യം കണ്ടപ്പോള് വിഷമം ആയതുകൊണ്ടുതന്നെയാണ് അന്ന് കമന്റു ചെയ്തതെന്നും ഇപ്പോഴും താന് പറഞ്ഞതില് ഒക്കെ ഉറച്ചു തന്നെ നില്കുന്നുവെന്നും കൂട്ടിച്ചേര്ത്തു.എന്നാൽ വിവാഹമോചന വാർത്ത പുറത്തറിഞ്ഞപ്പോൾ മുന്ഭര്ത്താവ് ഡോണ് പറഞ്ഞത് ഇങ്ങനെയായിരുന്നു. ‘ഞങ്ങള് വിവാഹമോചിതരായി എന്ന് പറയുന്നത് സത്യമാണ്. 2019 ഒക്ടോബര് അവസാന വാരമാണ് ഞങ്ങള് നിയമപ്രകാരം വേര്പിരിഞ്ഞത്. ഇപ്പോള് എട്ട് മാസമായി. പരസ്പര സമ്മതത്തോടെ പ്രശ്നങ്ങള് പറഞ്ഞ് തീര്ത്ത് , ഇനി മുതല് രണ്ട് വഴിയില് സഞ്ചരിക്കാം എന്ന് തീരുമാനിക്കുകയായിരുന്നു’ ഡോണ് പറഞ്ഞു.
‘അനാവശ്യമായി വാര്ത്തകളിലേക്ക് വലിച്ചിഴയ്ക്കപ്പെട്ടതില് വിഷമമുണ്ട്. ഞങ്ങള് 2018 മുതല്പിരിഞ്ഞ് തമാസിക്കുകയാണ്. ഒരു വര്ഷത്തിന് ശേഷം നിയമപ്രകാരം പിരിയുകയും ചെയ്തു. ഇത്ര സംഭവമാക്കേണ്ടതായി അതില് ഒന്നുമില്ല. എങ്കിലും ഇപ്പോള് ഈ വാര്ത്ത എവിടെ നിന്ന് പൊങ്ങി വന്നു എന്ന് അറിയില്ല. എന്തായാലും ഇപ്പോള് ഇത്തരം ചര്ച്ചകള്ക്ക് പറ്റിയ കാലമല്ലല്ലോ’ ഡോണ് പറയുന്നു.
ഒരുകാലത്ത് മലയാളി പ്രേക്ഷകർ ഒന്നടങ്കം നെഞ്ചിലേറ്റിയ താരമാണ് ഭാമ.ഒരുപാട് ചിത്രങ്ങൾ ഒന്നും ചെയ്തിട്ടില്ലെങ്കിലും അഭിനയിച്ചവയൊക്കെ മികച്ചതാക്കാൻ ഭാമയ്ക്ക് കഴിഞ്ഞിട്ടുണ്ട്. നിവേദ്യം, സൈക്കിൾ, ഇവർ വിവാഹിതരായാൽ, ജനപ്രിയൻ,സെവൻസ് തുടങ്ങി സിനിമകളിൽ നായികയായി തിളങ്ങി.മലയാളി തനിമയുള്ള ഒരു നടിയായിട്ടാണ് ഭാമയെ ആരാധകർ കാണുന്നത്.ജനുവരിയിലായിരുന്നു ഭാമയുടെ വിവാഹം കഴിഞ്ഞത്.ഈ അടുത്തിടെ അടുത്തിടെ ചലചച്ചിത്ര രംഗത്ത് ചൂടു പിടിച്ച വാർത്തയായിരുന്നു ഭാമ സംവിധായകന്റെ കരണത്തടിച്ച സംഭവം. ഭാമയെ അടുത്തറിയുന്നവര് ഞെട്ടലിലൂടെയാണ് ഈ കാര്യം ഉള്കൊള്ളുന്നത്. ആരോപണങ്ങള് ശക്തി പ്രാപിച്ചതോടെ വിശദീകരണവുമായി താരം രംഗത്തെത്തിയിരുന്നു.
ആരോപണങ്ങള് തീര്ത്തും ശരിയാണെന്ന് താരം വ്യക്തമാക്കി. എന്നാല് പ്രചരിക്കുന്ന തരത്തില് അല്ല കാര്യങ്ങളെന്നും ഭാമ കൂട്ടിച്ചേര്ത്തു. ഷൂട്ടിംഗ് സെറ്റില് മോശമായ പെരുമാറ്റത്തെ തുടര്ന്ന് ഭാമ സംവിധായകന്റെ കരണത്തടിച്ചു എന്ന രീതിയിലാണ് പ്രചരിച്ചിരുന്നത്. ഇത് ഭാമ നിഷേധിച്ചു.
ഒരു കന്നഡ സിനിമയുടെ ചിത്രീകരണവേളയിലാണ് സംഭവം. സിംലയില് എത്തിയ താരം നടക്കാനിറങ്ങി. അതിനിടയില് ആരോ ദേഹത്ത് തട്ടിയതായി അനുഭവപ്പെട്ടുവെന്ന് ഭാമ പറയുന്നു. ഉടനെ എന്താടാ നീ കാണിച്ചത്? കരണക്കുറ്റി നോക്കി രണ്ടെണ്ണം കൊടുത്തു. ഒപ്പം ഞാന് ബഹളവും വച്ചു. എല്ലാവരും ഓടിക്കൂടി. സംവിധായകനും ക്യാമറാമാനും എല്ലാം ഓടിയെത്തി.അല്ലാതെ സംവിധായകന് എന്നോട് മോശമായി പെരുമാറുകയോ ഞാന് അദ്ദേഹത്തെ അടിക്കുകയോ ചെയ്തിട്ടില്ല ഭാമ പറഞ്ഞു. തിരക്കേറിയ സ്ഥലമായതിനാല് സംഭവിച്ചു പോയ ഒരു തെറ്റായിരുന്നുവെന്ന് താരം കൂട്ടിച്ചേര്ത്തു.
അതേ സമയം ഇക്കഴിഞ്ഞ ജനുവരിയില് ഭാമ വിവാഹിതയായിരുന്നു. ദുബായില് ബിസിനസുകാരനായ അരുണ് ആണ് ഭാമയെ വിവാഹം കഴിച്ചത്. ആലപ്പുഴ ജില്ലയിലെ ചെന്നിത്തല സ്വദേശിയാണ് അരുണ്.. വീട്ടുകാര് ഉറപ്പിച്ച വിവാഹമാണെങ്കിലും ഇപ്പോള് പ്രണയത്തിന്റെ മൂഡിലാണ് തങ്ങളെന്നും വിവാഹം ഉറപ്പിച്ചതിനു ശേഷമുള്ള പ്രണയം സുന്ദരമാണെന്നും ഭാമ നേരത്തെ പറഞ്ഞിരുന്നു.
പഴയകാല ഓര്മ്മകള് നല്കുന്ന സുഖം അത് പറഞ്ഞരിയിക്കാന് പറ്റുന്നതല്ല.ലോക്ക് ഡൗണില് ഇത്തരത്തില് പഴയകാല ചിത്രങ്ങള് പുറത്തെടുക്കുകയാണ് എല്ലാവരും.
അത്തരത്തില് വ്യത്യസ്തമായൊരു ചിത്രം ആരാധകര്ക്കായി പങ്കുവെച്ചിരിക്കുകയാണ് നടന് റഹ്മാന്.36 വര്ഷം മുന്പ് തന്റെ പേരില് വന്ന കട ഉദ്ഘാടനത്തിന്റെ പത്രപരസ്യമാണ് റഹ്മാന് പങ്കുവെച്ചത്.
തിരുവനന്തപുരം ചാലയില് പുതുതായി ആരംഭിച്ച ഒരു വസ്ത്രശാലയുടെ ഉദ്ഘാടനത്തിന്റേതാണ് പരസ്യം. 1984 ഓഗസ്റ്റ് 17നാണ് ഉദ്ഘാടനമെന്നും ചടങ്ങ് നിര്വഹിക്കുന്നത് പ്രസിദ്ധ സിനിമാ നടന് റഹ്മാന് ആണെന്നും പരസ്യത്തില് പറയുന്നു. ഒപ്പം റഹ്മാന്റെ ഒരു പാസ്പോര്ട്ട് സൈസ് ചിത്രവുമുണ്ട്.
മോഹന്ലാലിനെ സൂപ്പര് താര നിരയിലേക്ക് ഉയര്ത്തിയ ചിത്രമായിരുന്നു കെ മധു സംവിധാനം ചെയ്ത ഇരുപതാം നൂറ്റാണ്ട്. 1987 ല് റിലീസ് ചെയ്ത ചിത്രം 33 വര്ഷം തികയുന്ന ദിവസം കെ മധുവിനെ തേടി മോഹന്ലാലിന്റെ ഫോണ് വിളിയെത്തി. ആ സന്തോഷവും മോഹന്ലാല് എന്ന നടനെക്കുറിച്ചുള്ള ഓര്മകളും പങ്കിടുകയാണ് സംവിധായകന് കെ മധു.
പോസ്റ്റിന്റെ പൂർണ്ണരൂപം:
വര്ഷങ്ങള് പോകുന്നത് അറിയാറേയില്ല ; കാലത്തിന് ശരവേഗം തന്നെയായിരുന്നു. പക്ഷെ ഈ കൊറോണക്കാലം സമയത്തിന് വേഗം കുറച്ചതായി അനുഭവപ്പെട്ടിട്ടുണ്ട് , ആ മനംമടുപ്പിലാണ് ഇന്ന് രാവിലെ 11:10 ന് ആവേശമായി ആ സ്നേഹദൂത് എത്തിയത്. ഫോണിന്റെ മറുതലയ്ക്കല് മോഹന് ലാല് ; നിങ്ങളുടെ ലാലേട്ടന് . ലാലിന് പങ്കിടാനുണ്ടായിരുന്നത് ‘ഇരുപതാം നൂറ്റാണ്ട് ‘ എന്ന സൂപ്പര് ഹിറ്റ് ചിത്രത്തിന്റെ ’33 വര്ഷം തികയുന്ന സന്തോഷം’.ഞാന് വിളിക്കാനിരിക്കുകയായിരുന്നുവെന്ന് പറഞ്ഞപ്പോള് ലാലിന്റെ മറുപടി എന്നെ കൂടുതല് സന്തോഷവാനാക്കി ; ‘ ചേട്ടാ ഇത് നമ്മുടെ പടമല്ലേ ആര് വിളിച്ചാലും സന്തോഷമല്ലേ’അതെ; ലാലിന് ഒരു ചെയ്ഞ്ചുമില്ല. പണ്ടെത്തെ ലാല് തന്നെ ഇന്നും .
ഉമാസ്റ്റുഡിയോവില് വച്ചാണ് പണ്ടത്തെ ലാലിനെ ആദ്യമായി കണ്ടത്. മുടി നീട്ടി വളര്ത്തിയ വിനയാന്വിതനായ ചെറുപ്പക്കാരന്. എന്റെ ഗുരുനാഥന് എം. കൃഷ്ണന് നായര് സാറിനൊപ്പം എഡിറ്റര്ക്ക് മുന്നിലിരിക്കുമ്പോള് സംഘട്ടന സംവിധായകര് ത്യാഗരാജന് മാസ്റ്റര് അകത്തേക്ക് വരാനുള്ള അനുവാദം ചോദിച്ചു. കൃഷ്ണന് നായര് സാര് അകത്തേക്ക് വിളിച്ചപ്പോള് ഒപ്പം ലാലും ഉണ്ടായിരുന്നു. ത്യാഗരാജന് മാസ്റ്റര് ലാലിനെ കൃഷ്ണന് നായര് സാറിന് പരിചയപ്പെടുത്തി. സാര് അനുഗ്രഹിച്ചു. അവര് യാത്ര പറഞ്ഞ് ഇറങ്ങിയപ്പോള് കൃഷ്ണന് നായര് സര് എന്നോട് പറഞ്ഞു ‘ മധു ; ആ പയ്യന് ഗുരുത്വമുള്ള പയ്യനാണല്ലോ , വിനയത്തോടെയുളള പെരുമാറ്റം. അയാള് നന്നാകും കേട്ടോ ‘ അത് അക്ഷരംപ്രതി ഫലിച്ചു.
പി.ജി. വിശ്വംഭരന് സാറിന്റെ സെറ്റിലാണ് രണ്ടാമത് ലാലിനെ കണ്ടത്. അവിടെ നിന്നും ഇറങ്ങാന് നേരം ലാല് ചോദിച്ചു ‘ ചേട്ടന് എങ്ങോട്ടാ? കൈതമുക്കുവരെ പോകണം ഞാന് മറുപടി പറഞ്ഞു.എന്റെ കാറില് പോകാം എന്ന് ലാല് . നോക്കിയപ്പോള് പുതുപുത്തന് കാര്. മുന് സീറ്റിലിരുന്ന് സംസാരിച്ച് ഞങ്ങള് യാത്രയായി. ഇടയ്ക്ക് ലാല് പറഞ്ഞു ‘ ഞാന് ആദ്യമായി വാങ്ങിയ കാറാണ് എങ്ങനുണ്ട് ?’ ഞാന് ഡാഷ് ബോര്ഡില് തട്ടി കൊള്ളാമെന്ന് പറഞ്ഞു. ഇറങ്ങാന് നേരം ലാല് സ്വതസിദ്ധമായ ചിരിയോടെ ‘ചേട്ടാ ഞാന് ഒരു നല്ല വേഷം ചെയ്യാന് പോവുകയാണ് ചേട്ടന് പ്രാര്ത്ഥിക്കണം’ എനിക്ക് തുറന്നുള്ള ആ പെരുമാറ്റത്തില് സംതൃപ്തി തോന്നി. ആട്ടക്കലാശമായിരുന്നു ആ പുത്തന് പടം.
അന്നത്തെ ആ ആത്മാര്ഥ സ്വരം തന്നെയാണ് ഇന്ന് രാവിലെ 11:10 നും ഞാന് കേട്ടത്. ഇരുപതാം നൂറ്റാണ്ടിന്റെ മുപ്പത്തിമൂന്നാം വര്ഷം തികയുന്ന ഇന്ന് ആ ചിത്രത്തിന്റെ വിജയത്തിന് ഒരേപോലെ അധ്വാനിച്ച ഒത്തിരി പേരുണ്ടെങ്കിലും പ്രധാനികള് ട.ച സ്വമി , മോഹന്ലാല് , നിര്മ്മാതാവ് ങ . മണി, സംഗീതം പകര്ന്ന ശ്യാം, ത്യാഗരാജന് മാസ്റ്റര്, ക്യാമറാമാന് വിപിന്ദാസ് , എഡിറ്റര് വി.പി കൃഷ്ണന് , പ്രതിനായക തിളക്കവുമായി സുരേഷ് ഗോപി എന്നിവരാണ്. ഒരിക്കല് കൂടി അത് ആവര്ത്തിക്കുന്നു അവരോടുള്ള നന്ദി.
ലാല് ഇരുപതാം നൂറ്റാണ്ടിന്റെ ഷൂട്ടിങ്ങിന് എത്തിയത് തിക്കുറിശ്ശി സുകുമാരന് നായര് സാറിനൊപ്പമായിരുന്നു. ആലപ്പുഴയിലെ ഷൂട്ടിങ്ങ് കഴിഞ്ഞ് ഒരേ കാറിലുള്ള ഇരുവരുടെയും യാത്ര. അകത്തു നിന്നിരുന്ന എന്നെ വിളിപ്പിച്ച് ലാലിന്റെയും എന്റെയും തലയില് കൈവച്ച് ‘നിങ്ങള് ഇരുവരും ഒരുമിക്കുന്ന ചിത്രം നൂറു ദിവസം ഓടുമെന്ന് ‘ അനുഗ്രഹിച്ചത് ഒളിമങ്ങാതെ ഓര്മ്മയില് ഇന്നുമുണ്ട്. ഗുരുത്വം , സ്നേഹം, സഹകരണം അത് മഹത്തരങ്ങളായ മൂല്യങ്ങളാണ്. ഈ കൊറോണക്കാലം അത് ആവര്ത്തിച്ച് ഉറപ്പിക്കുക കൂടിയാണ്. വെറും സോപ്പുകുമിളയില് ചത്തൊടുങ്ങുന്ന വൈറസിനെ ഭയന്ന് മനുഷ്യന് വീട്ടിലിരിക്കുമ്പോള് അഹമല്ല വേണ്ടത് : സ്നേഹവും കരുതലുമാണ്. മനുഷ്യന് മനുഷനെ അറിഞ്ഞ് ജീവിക്കാന് ദൈവം അനുഗ്രഹിക്കട്ടെ …
‘ മാതാപിതാ ഗുരു ദൈവം’ അതുതന്നെയാട്ടെ ജീവമന്ത്രം.
ജയസൂര്യ നായകനായെത്തുന്ന സൂഫിയും സുജാതയും എന്ന ചിത്രം ആമസോണ് പ്രൈമില് റിലീസ് ചെയ്യുന്നതിനൈതിരെ ഫിലിം എക്സിബിറ്റേഴ്സ് ഫെഡറേഷന് പ്രസിഡന്റ് ലിബര്ട്ടി ബഷീര്. ഫ്രൈഡേ ഫിലിം ഹൗസിന്റെ ബാനറില് ചിത്രം നിര്മിക്കുന്നത് വിജയ് ബാബുവാണ്. സിനിമാ വ്യവസായം വലിയ പ്രതിസന്ധിയിലൂടെ കടന്നുപോകുമ്പോള് ഇത്തരത്തിലുളള നീക്കം ചതിയാണെന്ന് ലിബര്ട്ടി ബഷീര് പറഞ്ഞു.
ചിത്രം ആമസോണ് പോലുള്ള ഓണ്ലൈന് റിലീസ് പ്ലാറ്റ്ഫോമുകളിലേക്ക് കൊടുക്കുകയാണെങ്കില് വിജയ് ബാബുവിന്റെ മാത്രമല്ല അതിനെ പ്രമോട്ട് ചെയ്യുന്ന ജയസൂര്യയുടെയും ഒരു ചിത്രവും കേരളത്തിലെ തീയേറ്ററില് പ്രദര്ശിപ്പിക്കില്ലെന്ന് ലിബര്ട്ടി ബഷീര് പറഞ്ഞു.
‘സിനിമ തീയേറ്റില് കളിച്ചാലേ അയാള് സിനിമാ നടനാവൂ. ഇത്തരം പ്ലാറ്റ്ഫോമുകളിലൂടെ വരുമ്പോള് അയാള് സീരിയല് നടനായി മാറും. അയാളുടെ ഭാവി കൂടി ചിന്തിക്കേണ്ടെ. അതുകൊണ്ട് അത്തരം നീക്കം നടത്തുന്നത് എത്ര വലിയ നടനായാലും അയാളുടെ ചിത്രം കേരളത്തിലെ തീയേറ്ററുകളില് കളിപ്പിക്കില്ലെന്ന ഉറച്ച തീരുമാനമാണ് ഞങ്ങള് കൈക്കൊള്ളുന്നത്’,
സ്പെയ്ന് യാത്രയ്ക്കിടയില് സന്ദര്ശിച്ച കൊട്ടാരത്തിലെ ചിത്രങ്ങള് നടി ഇന്സ്റ്റഗ്രാം പേജിലൂടെ പങ്കുവച്ചിരുന്നു. ഇതിന് താഴെ വന്ന രണ്ട് കമന്റുകള്ക്ക് ചുട്ട മറുപടി നല്കിയിരിക്കുകയാണ് റിമ കല്ലിങ്കല്.
‘നിങ്ങളെ കാണാന് കാട്ടുവാസിയെ പോലെ ഉണ്ടെന്നായിരുന്നു ആ ചിത്രങ്ങളില് ഒരാള് കമന്റ് ചെയ്തത്. റിമയുടെ മറുപടി ഇങ്ങനെയായിരുന്നു ‘ആദിവാസിയെന്നാണോ നിങ്ങള് ഉദ്ദേശിച്ചത്. ആ വിശേഷണത്തിനു നന്ദിയുണ്ട്. അവരാണ് ഈ മണ്ണിന്റെ യഥാര്ഥ രാജാവും റാണിയും.അല്ലേ?’
പ്രളയ ദുരിതത്തിന്റെ ഫണ്ട് മുക്കിയാണോ ട്രിപ്പ് പോയതെന്നായിരുന്നു മറ്റൊരാളുടെ ചോദ്യം.’അതെ 19 ലക്ഷം നഷ്ടത്തില് നിന്നും അടിച്ചു മാറ്റി.’എന്നാണ് റിമ ഇതിന് മറുപടി നല്കിയത്.
ഗെയിം ഓഫ് ത്രോണ്സ് സീരിസിലെ ഹൗസ് മാര്ട്ടെല് കുടുംബത്തിന്റെ ഭരണ പ്രദേശമായ ഡോര്ണിയിലെ വാട്ടര് ഗാര്ഡന്സില് നിന്നും പകര്ത്തിയ ചിത്രം താരം പങ്കുവച്ചിരുന്നു. നിരവധി സിനിമകളുടെ ചിത്രീകരണം ഇവിടെവെച്ച് നടന്നിട്ടുണ്ട്.
അശ്ലീല വീഡിയോ അയക്കുന്ന യുവാവിനെതിരെ മറുപടിയുമായി നടി അനുമോള്. ദിവസങ്ങളായി തനിക്ക് അശ്ലീല ചിത്രങ്ങള് വരുന്നു. തങ്ങളുടെ സ്വകാര്യ ഭാഗങ്ങളുടെ ചിത്രങ്ങളാണ് ഇത്തരക്കാര് അയക്കുന്നത്. ബ്ലോക്ക് ചെയ്ത് മടുത്തെന്നും ഇത് അവസാനിപ്പിക്കണമെന്നും അനുമോള് പറയുന്നു.
ഒരാളെ കുറിച്ച് അനുമോള് എടുത്ത് പറയുകയുമുണ്ടായി. ഒരാള് പല അക്കൗണ്ടുകളില് നിന്നുമായി തന്റെ സ്വകാര്യ അവയവത്തിന്റെ വീഡിയോ തനിക്ക് അയക്കുകയാണെന്ന് അനു പറയുന്നു. ദൈവം തന്നെ ഏറ്റവും വലിയ സമ്മാനമാണെന്നാണ് ഇയാള് കരുതിയിരിക്കുന്നതെന്നും താരം പറയുന്നു.
ഇനി ഇത് ആവര്ത്തിക്കരുതെന്നും ഇയാളെകുറിച്ച് സൈബര് സെല്ലില് റിപ്പോര്ട്ട് ചെയ്യുമെന്നും നടി പറഞ്ഞു. സ്ത്രീകള്ക്ക് ഇത്തരം ചിത്രങ്ങള് അയക്കുന്നവര് അറിയേണ്ടത് അറപ്പല്ലാതെ മറ്റൊന്നും ഇതുകൊണ്ട് ഉണ്ടാകില്ല എന്നാണെന്നും താരം കൂട്ടിച്ചേര്ത്തു.
ഒമർ ലുലു വിന്റെ റീലിസ് ചെയ്ത ഏറ്റവും ഒടുവിലെ ചിത്രം “ധമാക്ക”.
ഇപ്പോൾ ഈ സിനിമയിലെ യമണ്ടൻ മണ്ടത്തരങ്ങൾ വെട്ടി തുറന്നെഴുതി യുവാവ് ഓൺലൈനിൽ തരംഗം സൃഷ്ടിക്കുകയാണ്.
വസ്തുതകൾക്ക് ഒരിക്കലും നിരക്കാത്ത തരത്തിലാണ് സിനിമയിൽ ലൈംഗികതയെക്കുറിച്ചുള്ള കാര്യങ്ങൾ ചിത്രീകരിച്ചിരിക്കുന്നതെന്ന് ഓൺലൈൻ എഴുത്തുകാരനായ സലീൽ ബിൻ ഖാസിം വ്യക്തമാക്കുന്നു .
ഫേസ്ബുക്കിൽ കുറിച്ച പോസ്റ്റിന്റെ പൂർണ്ണരൂപം ഒന്നു വായിക്കാം:
ലൈംഗികശേഷിയില്ലാത്ത ഒരു യുവാവ് കല്യാണം കഴിക്കുകയും ആദ്യരാത്രിയിൽ തന്നെ ലൈംഗിക ബന്ധത്തിൽ പരാജയപ്പെടുകയും ചെയ്യുന്നതാണ് കഥയുടെ ഇതിവൃത്തം…
പിന്നീട് ആ പ്രശ്നം പരിഹരിക്കാനുള്ള യുവാവിന്റെ പരിശ്രമങ്ങളിലൂടെയാണ് കഥ മുന്നോട്ട് പോകുന്നത്..
ടിയാന്റെ പ്രശ്നം ഉദ്ധാരണക്കുറവാണോ അതോ ശീഘ്രസ്ഖലനമാണോ എന്ന് സിനിമ തീർന്നിട്ടും വ്യക്തമാക്കപ്പെട്ടില്ല എന്നത് ഒരു വസ്തുതയായി നിലനിൽക്കെത്തന്നെ
രണ്ടായാലും അതിനുള്ള പരിഹാരമോ നിർദ്ദേശമോ ഒന്നും സിനിമയിൽ വന്നില്ല എന്നത് നിരാശപ്പെടുത്തി…
ഇനി അങ്ങനെയൊരു പരിഹാരനിർദ്ദേശം വന്നില്ലെങ്കിലും യുക്തിപരമായി ആ കഥയെ മുന്നോട്ട് കൊണ്ടുപോകാൻ ശ്രമിച്ചിരുന്നെങ്കിൽ ഒരുപക്ഷേ കണ്ടിരിക്കാൻ പറ്റിയേനെ..
അതിന് പകരം ഒരാളുടെ ലൈംഗികശേഷി കുട്ടികൾ ഉണ്ടാവുന്നതുമായി ബന്ധപ്പെട്ടാണ് ഇരിക്കുന്നതെന്ന ഒരു ഹിമാലയൻ മണ്ടത്തരത്തെ പരിപോഷിപ്പിച്ചു കഥ മുന്നോട്ട് കൊണ്ടുപോകുന്നത്
കണ്ടപ്പോൾ സംവിധായകന്റെ മുഖത്ത് തുപ്പാൻ തോന്നിയത് എനിക്ക് മാത്രമാണോ എന്നറിയില്ല…
ലൈംഗിക പ്രശ്നങ്ങൾ നേരിടുന്നവരെ പരമാവധി പിഴിഞ്ഞ് സാമ്പത്തിക ലാഭം ഉണ്ടാക്കുന്ന പ്രൈവറ്റ് ഹോസ്പിറ്റലുകളെപ്പറ്റി പറഞ്ഞത് ഒരു പരിധി വരെ അംഗീകരിക്കാൻ പറ്റുമെങ്കിലും
ഡോക്ടർ പൊടിച്ചു കൊടുത്ത വയാഗ്ര നായകന്റെ അച്ഛൻ കുടിക്കുന്നതും അതേ തുടർന്നു നായകന്റെ അമ്മ ഗർഭിണി ആവുന്നതുമൊക്കെ കണ്ടപ്പോൾ ചിരിക്ക് പകരം കരച്ചിലാണ് വന്നത്…
