ജോജി തോമസ്

മഹത്തായ ത്യാഗത്തിന്റെയും, നിബന്ധനകളില്ലാത്ത ദൈവിക സ്നേഹത്തിൻെറയും പ്രതീകമാണ് ഈശോയുടെ തിരുഹൃദയം. ഒരു കുടുംബത്തിന്റെ നിലനിൽപ്പിന് ഏറ്റവും ആവശ്യമായ ഘടകവും ത്യാഗവും സ്നേഹവും ആണ്. അതുകൊണ്ട് തന്നെ ഭൂരിഭാഗം ക്രിസ്ത്യൻ കുടുംബങ്ങളിലും തിരുഹൃദയത്തിന്റെ രൂപം ഭവനത്തിൻെറ പ്രധാനഭാഗത്താണ് സൂക്ഷിച്ചിരിക്കുന്നത്. തിരുഹൃദയ തിരുനാൾ ദിനമായ ജൂൺ 19ന് വൈകിട്ട്  7. 30 ന് സീറോ മലബാർ സഭ ഗ്രേറ്റ് ബ്രിട്ടൻ രൂപത അധ്യക്ഷൻ മാർ ജോസഫ് സ്രാമ്പിക്കലിന്റെ കാർമ്മികത്വത്തിൽ രൂപതയിലെ ഭവനങ്ങളെ മുഴുവൻ ഈശോയുടെ തിരുഹൃദയത്തിന് സമർപ്പിക്കാൻ ഒരുങ്ങുകയാണ് യുകെയിൽ വിശ്വാസികൾ. ലോകം ഇതുവരെ ദർശിച്ചിട്ടില്ലാത്ത കഷ്ടതകളുടെയും, മഹാമാരിയുടെയും കാലഘട്ടത്തിൽ വിശ്വാസികൾക്ക് ആത്മീയ വഴികളിലൂടെ എങ്ങനെ മാനസിക പിന്തുണ നൽകാനാവും എന്നതിൻെറ ഏറ്റവും വലിയ നേർക്കാഴ്ചയാവും ഗ്രേറ്റ് ബ്രിട്ടൺ രൂപതയുടെ നേതൃത്വത്തിൽ നടക്കുന്ന തിരുഹൃദയ പ്രതിഷ്ഠ.

ഇതിനോടകം രൂപതയിലെ എല്ലാ ഭവനങ്ങളിലും ഓൺലൈനിലൂടെ ബിഷപ്പ് മാർ ജോസഫ് സ്രാമ്പിക്കലിന്റെ കാർമികത്വത്തിൽ നടക്കുന്ന തിരുഹൃദയ പ്രതിഷ്ഠയുടെ സന്ദേശം എത്തി കഴിഞ്ഞു. ബ്രിട്ടനിലുള്ള ആയിരക്കണക്കിന് ഭവനങ്ങളാണ് തിരുഹൃദയ പ്രതിഷ്ഠയ്ക്ക് വേണ്ടിയുള്ള ഒരുക്കങ്ങൾ നടത്തുന്നത്. തിരുഹൃദയ പ്രതിഷ്ഠയ്ക്ക് വിശ്വാസികൾ ഒരുങ്ങുന്നതിന്റെ ആവശ്യകത ചൂണ്ടിക്കാട്ടി മോൺസിണോർ ആന്റണി ചുണ്ടെലിക്കാട് പ്രത്യേക വീഡിയോ സന്ദേശം നൽകിയിരുന്നു അഭിവന്ദ്യ പിതാവ് തന്റെ അപ്പസ്തോലിക അധികാരം ഉപയോഗിച്ച് രൂപതയിലെ ഭവനങ്ങളെ തിരുഹൃദയത്തിന് സമർപ്പിക്കുന്ന ചടങ്ങിൽ പങ്കെടുക്കാൻ മോൺ. ആന്റണി ചുണ്ടെലിക്കാട് എല്ലാ വിശ്വാസികളെയും ആഹ്വാനം ചെയ്തു.

ഷൈമോൻ തോട്ടുങ്കൽ

പ്രെസ്റ്റൻ .ഗ്രേറ്റ് ബ്രിട്ടൻ സിറോ മലബാർ രൂപതയുടെ നേതൃത്വത്തിൽ നടത്തുന്ന സുവാറ ഓൺലൈൻ ബൈബിൾ ക്വിസ് മത്സരങ്ങളുടെ ആദ്യ റൗണ്ട് മത്സരങ്ങൾ ശനിയാഴ്ച നടത്തി . ആദ്യറൗണ്ടിലെ ആദ്യ ആഴ്ചത്തെ മത്സരത്തിൽ മൂന്ന് എയ്ജ് ഗ്രൂപ്പുകളിലായിട്ട് പതിനഞ്ചു കുട്ടികൾ പ്രഥമ സ്ഥാനം നേടി. ആദ്യ റൗണ്ടിലെ രണ്ടാമത്തെ മത്സരം ഈ ശനിയാഴ്ച നടത്തും. മൂന്ന് ആഴ്ചകൾ കൊണ്ട് ആദ്യ റൗണ്ട് മത്സരങ്ങൾ സമാപിക്കും . ആദ്യ റൗണ്ടിലെ എല്ലാ മത്സരങ്ങളുടെയും മാർക്കുകൾ കൂട്ടിയതിനുശേഷം അതിൽ നിന്നും ഏറ്റവും കൂടുതൽ മാർക്ക് നേടുന്ന എഴുപത്തിയഞ്ചു ശതമാനം കുട്ടികൾ രണ്ടാമത്തെ റൗണ്ടിലേക്കുള്ള മത്സരങ്ങൾക്ക് യോഗ്യത നേടും .എല്ലാ ശനിയാഴ്ചകളിലുമായിരിക്കും മത്സരങ്ങൾ നടത്തുക . മൂന്നു റൗണ്ടുകളിലായി നടത്തുന്ന മത്സരങ്ങളുടെ ഫൈനൽ മത്സരം ഓഗസ്റ്റ് ഇരുപത്തിയൊമ്പതാം തിയതി നടത്തും. ഗ്രേറ്റ് ബ്രിട്ടൻ രൂപതയിലെ ബൈബിൾ അപ്പോസ്റ്റലേറ്റ് ആണ് സുവാറ ബൈബിൾ ക്വിസ് മത്സരങ്ങൾ രൂപതയിലെ മതപഠന കുട്ടികൾക്കായി സംഘടിപ്പിച്ചിരിക്കുന്നതെന്ന് ഓൺലൈൻ ബൈബിൾ ക്വിസ് പി ആർ ഓ ജിമ്മിച്ചൻ ജോർജ് അറിയിച്ചു .

മലയാളം യുകെ ന്യൂസ് സ്പെഷ്യൽ : ജോജി തോമസ്

വെസ്റ്റ് യോർക്ക് ഷെയറിലെ കിത്തിലി സ്വദേശിയായ ഷിബു മാത്യുവിൻ്റെ വിരൽതുമ്പിൽ വിരിഞ്ഞ വരികൾ പൗരോഹിത്യത്തിൻ്റെ ത്യാഗങ്ങളുടെ നേർക്കാഴ്ച ആവുകയാണ്. ഇടുക്കി ബിഷപ്പ് ആയിരുന്ന മാർ മാത്യു ആനിക്കുഴിക്കാട്ടിലിൻ്റെ മൃതസംസ്കാര വേളയിൽ വികാരങ്ങളെ നിയന്ത്രിക്കാൻ സാധിക്കാതെ സീറോ മലബാർ സഭയുടെ തലവനായ മാർ .ജോർജ് ആലഞ്ചേരി പിതാവ് വിതുമ്പുന്ന രംഗങ്ങളിൽ നിന്ന് ലഭിച്ച ചിന്തകളും, പ്രചോദനവുമാണ് മലയാളം യുകെ ഡയറക്ടർ ബോർഡ് അംഗം കൂടിയായ ഷിബു മാത്യുവിൻ്റെ വരികൾക്ക് അടിസ്ഥാനം.

യുവത്വത്തിൻറെ ആരംഭത്തിൽ സ്വന്തം കുടുംബവും നാടുമുപേക്ഷിച്ച് ആത്മീയ ജീവിതത്തിൻറെയും സഭാ ജീവിതത്തിൻ്റെയും വഴികളിൽ തങ്ങളുടെ സ്വപ്നങ്ങൾ നെയ്തെടുക്കുന്ന വൈദികർ എങ്ങനെയാണ് ഒരു വിശ്വാസിയുടെ ജീവിതത്തിൽ ജനനം മുതൽ മരണം വരെ നിർണായക സാന്നിധ്യമാകുന്നതെന്നും, ഒരു സമൂഹത്തിനു വേണ്ടി സ്വന്തം ജീവിതം ഉഴിഞ്ഞുവയ്ക്കുന്നതെന്നും ഷിബു മാത്യു തൻ്റെ വരികളിലൂടെ വളരെ മനോഹരമായി വരച്ചുകാട്ടുന്നു. അതുകൊണ്ടുതന്നെ വൈദികരുടെ വാർദ്ധ്യക്യത്തിലും , മരണത്തിലും അടുത്ത് നിൽക്കേണ്ടതിൻെറയും

സ്നേഹത്തിൻ്റെയും, കൃതജ്ഞതയുടെയും കണ്ണുനീർ തുള്ളികൾ കൊണ്ട് ആദരവ് അർപ്പിക്കുന്നതിൻ്റെയും ആവശ്യകതയാണ് ഷിബു മാത്യു തൻറെ വരികളിലൂടെ കോറിയിടുന്നത് .

ഫാ. ജേക്കബ് ചക്കാത്തറ ആലപിച്ച് ജോജി കോട്ടയം സംഗീതം നൽകിയ ആൽബം വെസ്റ്റേൺ മീഡിയ ക്രീയേഷൻസ് ആസ്വാദകരും, വിശ്വാസികളുമായ പൊതുജനങ്ങൾക്കായി പുറത്തിറക്കിയിരിക്കുന്നത്. സീറോ മലബാർ സഭയുടെ ചങ്ങനാശേരി അതിരൂപത ആർച്ച് ബിഷപ് മാർ. ജോസഫ് പെരുന്തോട്ടം , ഗ്രേറ്റ് ബ്രിട്ടൺ രൂപതാ അധ്യക്ഷൻ മാർ. ജോസഫ് സ്രാമ്പിക്കൽ തുടങ്ങി നിരവധി പ്രമുഖരാണ് ഷിബുവിൻ്റെ വരികൾ കണ്ട് അഭിനന്ദനങ്ങളും ആശംസകളുമായി എത്തിയിരിക്കുന്നത്.

യുകെയിലെ സാമൂഹിക സാംസ്കാരിക വേദികളിൽ ശ്രദ്ധിക്കപ്പെടുന്ന വ്യക്തിത്വങ്ങളിൽ ഒരാളായ ഷിബു മാത്യു അറിയപ്പെടുന്ന ഒരു മാധ്യമപ്രവർത്തകനും കൂടിയാണ് .മംഗളത്തിലൂടെ മാധ്യമ പ്രവർത്തനം ആരംഭിച്ച ഷിബു മാത്യു മലയാളം യുകെയുടെ ഡയറക്ടർ ബോർഡ് അംഗമായി പ്രവർത്തിച്ചുവരുന്നു . ഷിബു മാത്യു നേതൃത്വം നൽകുന്ന സിംഫണി ഓർക്കസ്ട്ര യുകെയിലെ ഭൂരിപക്ഷം വേദികളിലും ഗാനമേളകൾ അവതരിപ്പിച്ചിട്ടുണ്ട്. ഷിബുവിൻ്റെ ഭാര്യ റീന എൻഎച്ച്എസ് സ്റ്റാഫ് നേഴ്സാണ് . മകൻ അലൻ പോർട്ട്സ് മൗത്ത് യൂണിവേഴ്സിറ്റിയിൽ ആറ്റോമിക് എൻജിനീയറിങ് വിദ്യാർത്ഥിയാണ് . മകൾ ആര്യ സ്ക്പ്ടൺ ഗ്രാമർ സ്കൂളിൽ ഒമ്പതാം ക്ലാസ് വിദ്യാർഥിനി.

[ot-video][/ot-video]

പ്രെസ്റ്റൻ .സുവാറ ബൈബിൾ ക്വിസ് ഓൺലൈൻ മത്സരങ്ങൾക്ക് ഇന്ന് തുടക്കം .ഗ്രേറ്റ് ബ്രിട്ടൻ രൂപത അദ്ധ്യക്ഷൻ മാർ ജോസഫ് സ്രാമ്പിക്കൽ ജൂൺ 6 ന് ഉദ്‌ഘാടനം നിർവഹിച്ച മത്സരങ്ങളുടെ ആദ്യ റൗണ്ട് മത്സരങ്ങൾ ഇന്നു മുതൽ ആരംഭിക്കും. മൂന്ന് റൗണ്ടുകളിലായ് നടത്തുന്ന മത്സരങ്ങളുടെ ആദ്യ റൗണ്ട് മത്സരങ്ങളുടെ തുടക്കമാണ് ഇന്ന് നടക്കുക . മത്സരത്തിൽ പങ്കെടുക്കുന്നതിനുള്ള ലിങ്ക് അവരുടെ രജിസ്റ്റേർഡ് ഈമെയിലിൽ ഇതിനോടകം അയച്ചുകഴിഞ്ഞതായി ബൈബിൾ ക്വിസ് ഓൺലൈൻ പി.ആർ .ഓ. ജിമ്മിച്ചൻ ജോർജ് അറിയിച്ചു. ഗ്രേറ്റ് ബ്രിട്ടൻ രൂപതയിലെ മതപഠന ക്ലാസ്സിലെ കുട്ടികൾക്കായി നടത്തുന്ന സുവാറ ബൈബിൾ ക്വിസ് മത്സരത്തിൽ രണ്ടായിരത്തിൽപരം കുട്ടികളാണ് പങ്കെടുക്കുക. രൂപത സമൂഹം ഒന്നാകെ ബൈബിൾ അപ്പോസ്റ്റോലറ്റിന്റെ നേതൃത്വത്തിൽ നടത്തുന്ന ഈ ബൈബിൾ പഠന മത്സരത്തിലേക്ക് നാളെ മുതൽ പ്രവേശിക്കുകയാണ് . എല്ലാ ശനിയാഴ്ചകളിലുമായി നടത്തപെടുന്ന മത്സരം 3 ഗ്രൂപ്പുകളിലായി വിവിധ സമയങ്ങളിലായി നടത്തപ്പെടും .നാളെ നടക്കുന്ന മത്സരങ്ങളുടെ സമയക്രമം ചുവടെ ചേർക്കുന്നു. എയ്ജ് ഗ്രൂപ്പ് 8 – 10 , വൈകുന്നേരം 6 .30 നും എയ്ജ് ഗ്രൂപ്പ് 11 -13 ഗ്രൂപ്പിന് 7 .30 തിനും എയ്ജ് ഗ്രൂപ്പ് 14 -17 ഗ്രൂപ്പിന് 8 .30 നും ആയിരിക്കും മത്സരങ്ങൾ നടത്തുക .രണ്ടായിരത്തിലധികം വരുന്ന കുട്ടികൾ അവരുടെ ഭവങ്ങളിലായിരുന്നുകൊണ്ട് വരും ദിവസങ്ങളിൽ രൂപതയോട് ചേർന്ന് മാംസമായി അവതരിച്ച വചനത്തെ ഉരുവിടുമ്പോൾ ബ്രിട്ടനിലും ലോകം മുഴുവനിലും സദ്‌വാർത്ത നൂറുമേനി ഫലങ്ങൾ പുറപ്പെടുവിക്കട്ടെ.

ഷൈമോൻ തോട്ടുങ്കൽ

പ്രെസ്റ്റൻ .യൂറോപ്പിലെ ഏറ്റവും വലിയ ഓൺലൈൻ ബൈബിൾ ക്വിസ് മത്സരങ്ങളുമായി ഗ്രേറ്റ് ബ്രിട്ടൻ സീറോ മലബാർ രൂപത. സുവാറ ഓൺലൈൻ ബൈബിൾ ക്വിസ് മത്സരങ്ങൾക്ക് രണ്ടായിരത്തിൽ പരം വരുന്ന കുട്ടികൾ നാളെ സാക്ഷ്യം വഹിക്കും . കുട്ടികളുടെ ബൈബിൾ പഠനത്തെ പ്രാത്സാഹിപ്പിക്കാനും വിശ്വാസത്തിൽ ഉറപ്പുള്ളവരാകുവാനും തങ്ങൾക്ക് ലഭിച്ച അറിവിനെ പങ്കുവയ്ക്കാനുമുള്ള വലിയ ഒരു വേദിയാണ് ഗ്രേറ്റ് ബ്രിട്ടൻ സീറോ മലബാർ രൂപത കുട്ടികൾക്ക് മുമ്പിൽ തുറന്നിട്ടിരിക്കുന്നത് . രണ്ടു പ്രാക്ടീസ് ടെസ്റ്റ് ഇതിനോടകം കുട്ടികൾക്ക് നൽകി കഴിഞ്ഞു. അവസാന ദിവസങ്ങളിൽ പേര് രജിസ്റ്റർ ചെയ്തവർക്കും, പ്രാക്ടീസ് ടെസ്റ്റിൽ പങ്കെടുക്കാൻ സാധിക്കാതിരുന്നവർക്കും വേണ്ടി ഇന്ന് വൈകുന്നേരം ആറു മണി മുതൽ എട്ടു മണി വരെയുള്ള സമയത്തു ടെസ്റ്റ് നടത്താനുള്ള സൗകര്യം ഒരുക്കിയിട്ടുള്ളതായി രൂപത ബൈബിൾ അപ്പോസ്റ്റലേറ്റ് കോഓർഡിനേറ്റർ ആന്റണി മാത്യു അറിയിച്ചു .

എല്ലാ ശനിയാഴ്ചകളിലുമായി നടത്തപെടുന്ന മത്സരങ്ങളുടെ ആദ്യ റൗണ്ട് നാളെ ആരംഭിക്കും . മൂന്ന് എയ്‌ജ് ഗ്രൂപ്പുകൾക്കായി വിവിധ സമയങ്ങളിലായിരിക്കും മത്സരങ്ങൾ നടത്തുക. എയ്ജ് ഗ്രൂപ്പ് 8 – 10 ന് വൈകുന്നേരം 6 .30 തിനും എയ്ജ് ഗ്രൂപ്പ് 11 -13 ന് 7 .30 തിനും എയ്ജ് ഗ്രൂപ്പ് 14 -17 ന് 8 .30 നും മത്സരങ്ങൾ നടത്തും.

ആദ്യ റൗണ്ട് മത്സരങ്ങൾ മൂന്ന് ആഴ്ചകളിലായി നടത്തുമ്പോൾ രണ്ടാം റൗണ്ട് മത്സരങ്ങൾ നാല് ആഴ്ചകളിലായും മൂന്നാം റൗണ്ട് മൽസരങ്ങൾ മൂന്ന്‌ ആഴ്ചകളിലുമായി നടത്തി ഓഗസ്റ്റ് 29 തിന് ഫൈനൽ മത്സരം നടത്തും .

അഭിവന്ദ്യ മാർ ജോസഫ് സ്രാമ്പിക്കൽ പിതാവിന്റെ അനുഗ്രഹത്തോടെ രൂപത ബൈബിൾ അപ്പസ്റ്റോലറ്റ് നടത്തുന്ന ഈ ഓൺലൈൻ ബൈബിൾ ക്വിസ് മത്സരങ്ങക്ക് ബഹുമാനപ്പെട്ട ജോർജ് എട്ടുപറയിൽ അച്ചന്റെ നേതൃത്വത്തിലുള്ള വിവിധ കമ്മിറ്റികൾ പ്രവർത്തിക്കുന്നു .

ഓൺലൈൻ ബൈബിൾ ക്വിസ് മത്സരത്തിന് പേര് നിർദേശ്ശിക്കാനുള്ള അവസരത്തെ ഉപയോഗപ്പെടുത്തിയ ഏവർക്കും നന്ദി പറയുന്നു .നിങ്ങൾ നിർദ്ദേശിച്ച പേരുകളിൽ നിന്നും, രൂപതാധ്യക്ഷൻ മാർ ജോസഫ് സ്രാമ്പിക്കൽ പിതാവ് തെരഞ്ഞെടുത്തത് സദ്‌വാർത്ത എന്ന് അർത്ഥം വരുന്ന ‘സുവാറ’ എന്ന സുറിയാനി പദമാണ് . സെന്റ് എഫ്രേം പ്രൊപ്പോസഡ് മിഷൻ ,സ്കെന്തോർപ്പിലുള്ള റോസ് ജിമ്മിച്ചൻ ആണ് ഈ പേര് അയച്ചത് . മാംസമായി അവതരിച്ച വചനം ബ്രിട്ടന്റെ മണ്ണിൽ നമ്മുടെ കുട്ടികളിലൂടെ വളർന്ന് പന്തലിച്ച് നൂറുമേനി ഫലങ്ങൾ പുറപ്പെടുവിക്കട്ടെ എന്നാശംസിക്കുന്നു . ഇതുമായി ബന്ധപ്പെട്ട കൂടുതൽ വിവരങ്ങൾക്ക് രൂപത ബൈബിൾ അപ്പൊസ്‌തലേറ്റുമായി ബന്ധപ്പെടണമെന്ന് ബൈബിൾ ക്വിസ് പി . ആർ . ഓ . ജിമ്മിച്ചൻ ജോർജ് അറിയിച്ചു .

വിശ്വാസ ജീവിതത്തിൽ തിരുഹൃദയ ഭക്തിയുടെ പ്രാധാന്യവും മഹിമയും പ്രഘോഷിച്ചുകൊണ്ട് ജൂൺ മാസ രണ്ടാം ശനിയാഴ്ച്ച ബൈബിൾ കൺവെൻഷൻ 13 ന് നടക്കും. ലോക്ഡൗണിന്റെ പശ്ചാത്തലത്തിൽ ഓൺലൈനിലാണ് ഇത്തവണയും മലയാളത്തിലും ഇംഗ്ലീഷിലുമായുള്ള സെഹിയോൻ മിനിസ്ട്രിയുടെ രണ്ടാം ശനിയാഴ്ച്ച കൺവെൻഷൻ നടക്കുക .
ഡയറക്ടർ റവ. ഫാ.ഷൈജു നടുവത്താനിയിൽ നയിക്കുന്ന കൺവെൻഷനിൽ ഗ്രേറ്റ് ബ്രിട്ടൻ സീറോ മലബാർ രൂപത ബിഷപ്പ് മാർ.ജോസഫ് സ്രാമ്പിക്കൽ , യൂറോപ്പിലെ പ്രമുഖ സുവിശേഷ പ്രവർത്തക റോസ് പവൽ എന്നിവർ പങ്കെടുക്കും .

WWW.SEHIONUK.ORG/LIVE എന്ന വെബ്സൈറ്റിലും സെഹിയോൻ യൂട്യൂബ് , ഫേസ്ബുക്ക് പേജുകളിലും ശുശ്രൂഷ ലൈവ് ആയി കാണാവുന്നതാണ്.

മലയാളം കൺവെൻഷൻ രാവിലെ 9.30 മുതൽ ഉച്ചയ്ക്ക് 1 മണി വരെയായിക്കും . ഉച്ചകഴിഞ്ഞ് 3 മുതൽ വൈകിട്ട് 6 വരെയായിരിക്കും ഇംഗ്ലീഷിലുള്ള കൺവെൻഷൻ.

രോഗ പീഡകൾക്കെതിരെ പ്രാർത്ഥനയുടെ കോട്ടകൾ തീർത്തുകൊണ്ട് ,ദേശ ഭാഷാ വ്യത്യാസമില്ലാതെ അനേകർ പങ്കെടുക്കുന്ന , വി. കുർബാന,വചന പ്രഘോഷണം, ആരാധന എന്നിവ ഉൾപ്പെടുന്ന രണ്ടാം ശനിയാഴ്ച്ച ഓൺലൈൻ കൺവെൻഷനിലേക്ക്‌ സെഹിയോൻ മിനിസ്ട്രി യേശുനാമത്തിൽ ഏവരെയും ക്ഷണിക്കുന്നു.

കൂടുതൽ വിവരങ്ങൾക്ക്
ജോൺസൺ ‭+44 7506 810177‬
അനീഷ് ‭07760 254700‬
ബിജുമോൻ മാത്യു ‭07515 368239‬

ഷൈമോൻ തോട്ടുങ്കൽ

പ്രെസ്റ്റൻ .ഗ്രേറ്റ് ബ്രിട്ടൻ സിറോ മലബാർ രൂപതയിൽ ബൈബിൾ അപ്പൊസ്‌റ്റോലറ്റിന്റെ നേതൃത്വത്തിൽ നടത്തുന്ന ഓൺലൈൻ ബൈബിൾ ക്വിസ് മത്സരങ്ങൾക്ക് പേര് നൽകാനുള്ള അവസാന തീയതി ഇന്ന് . മത്സരത്തിൽ പങ്കെടുക്കുന്നതിനും കൂടുതൽ വിവരങ്ങളും ഈ വെബ്സൈറ്റ്
http://smegbbiblekalotsavam.com/?page_id=595 സന്ദർശിക്കുക . രണ്ടായിരത്തിൽപരം കുട്ടികൾ ഇതിനോടകം പേര് രജിസ്റ്റർ ചെയ്തുകഴിഞ്ഞു . ആയിരത്തിയെണ്ണൂറ്റിയമ്പത് കുട്ടികൾ ആദ്യ പ്രാക്ടീസ് ടെസ്റ്റിൽ പങ്കെടുത്തു.രൂപത ബൈബിൾ ക്വിസിന്റെ ഔദ്യോഗികമായ ഉദ്‌ഘാടനം ആറാം തീയതി അഭിവന്ദ്യ മാർ ജോസഫ് സ്രാമ്പിക്കൽ നിർവഹിച്ചു. ഇതിന് നേതൃത്വം കൊടുക്കുന്ന ബൈബിൾ അപ്പോസ്റ്റലേറ്റ് ടീമിനെ പിതാവ് അഭിനന്ദിക്കുകയും കുട്ടികൾക്ക് എല്ലാവിധ അനുഗ്രഹങ്ങൾ നേരുകയും ചെയ്തു . തുടർന്ന് ബഹുമാനപെട്ട പ്രോട്ടോസിഞ്ചെല്ലൂൽസ് ആന്റണി ചുണ്ടലിക്കാട്ടും വികാരി ജനറൽ ജിനോ അരീക്കാട്ട് അച്ചനും സന്ദേശം നൽകി .മൂന്നു റൗണ്ടുകളായി നടക്കുന്ന ഈ ഓൺലൈൻ മത്സരങ്ങൾക്ക് മുമ്പുള്ള ആദ്യ പ്രാക്ടീസ് ടെസ്റ്റ് ആറാം തീയതിയാണ് നടത്തിയത് . രണ്ടായിരത്തിനടുത്തു കുട്ടികൾ പങ്കെടുത്തതായി കോഓർഡിനേറ്റർ ആന്റണി മാത്യു അറിയിച്ചു . അടുത്ത പ്രാക്ടീസ് ടെസ്റ്റ് ഇന്ന് വൈകുന്നേരം ആറു മണി മുതൽ വിവിധ എയ്‌ജ് ഗ്രൂപ്പുകാർക്കായി നടത്തും. 6 .30 ന് 8 – 10 എയ്‌ജ് ഗ്രൂപ്പിനും 7 .30 ന് 11 – 13 എയ്‌ജ് ഗ്രൂപ്പിനും 8.30 ന് 14 – 17 എയ്‌ജ് ഗ്രൂപ്പുകാർക്കുമുള്ള പ്രാക്ടീസ് ടെസ്റ്റ് നടത്തും. ഓരോ എയ്‌ജ് ഗ്രൂപ്പിനും വ്യത്യസ്തമായ സമയത്തായിരിക്കും പ്രാക്ടീസ് ടെസ്റ്റ് നടത്തുക . ടെസ്റ്റിൽ പങ്കെടുക്കുന്നതിനുള്ള പുതിയ ലിങ്കും യൂസർ മനുവേലും എല്ലാ കുട്ടികൾക്കും അവരുടെ രജിസ്റ്റേർഡ് ഈമെയിലിൽ അയച്ചിട്ടുണ്ട് .. ഓരോ എയ്‌ജ് ഗ്രൂപ്പിനും കൊടുത്തിരിക്കുന്ന സമയത്ത് മാത്രമേ ലിങ്ക് ആക്റ്റീവ് ആകുകയുള്ളു. ഓൺലൈൻ ബൈബിൾ ക്വിസ് മത്സരത്തിന് പേര് നിർദേശ്ശിക്കാൻ കുട്ടികൾക്കും മുതിർന്നവർക്കും അവസരം . ബൈബിൾ ബന്ധിതമായ സുറിയാനി ഭാഷയിലെ പേരുകളാണ് വേണ്ടത് .പേരുകൾ നിർദേശിക്കേണ്ട അവസാന തീയതി ഇന്ന് അർദ്ധരാത്രിയിൽ (ജൂൺ 10 ന്) അവസാനിക്കും. പങ്കെടുക്കുന്നവർ അവരുടെ മുഴുവൻ പേര് , മിഷൻ/ ഇടവക എന്നിവ കൃത്യമായി ചേർത്തിരിക്കണം . മത്സരത്തോടൊപ്പം നിങ്ങൾ തിരഞ്ഞെടുത്ത പേരിന്റെ അർത്ഥം തിരഞ്ഞെടുക്കാനുള്ള കാരണം ബിബ്ലിക്കൽ പ്രസക്തി എന്നിവ ചുരുങ്ങിയ വാക്കുകളിൽ പ്രതിപാദിച്ചിരിക്കണം . നിങ്ങൾ നിർദ്ദേശ്ശിക്കുന്ന പേര് [email protected] എന്ന ഇമെയിലിൽ അയക്കുക . ഈമെയിലിൽ സബ്ജെക്ട് csmegbonline Bible quiz എന്ന് ചേർത്തിരിക്കണം.കൂടുതൽ വിവരങ്ങൾക്ക് രൂപത ബൈബിൾ അപ്പോസ്റ്റലേറ്റുമായി ബന്ധപ്പെടേണ്ടതാണെന്നും ഓൺലൈൻ ബൈബിൾ ക്വിസ് പി .ആർ.ഓ . ജിമ്മിച്ചൻ ജോർജ് അറിയിച്ചു.

സ്വന്തം ലേഖകൻ

ബ്രിട്ടൻ :- കൊറോണ കാലത്ത് വീടുകളിൽ കഴിയുന്ന ജനങ്ങൾക്ക് പുത്തനുണർവ് നൽകുവാൻ വിവിധ മത്സരങ്ങളുമായി സഭാനേതൃത്വങ്ങൾ മുന്നോട്ടു വന്നിരിക്കുകയാണ്. ഇതിന്റെ ഭാഗമായി ബർമിങ്ഹാമിലെ ക്നാനായ കാത്തലിക് അസോസിയേഷന്റെ നേതൃത്വത്തിൽ ഒരു ഓൺലൈൻ ഫോട്ടോ കോമ്പറ്റീഷൻ നടത്തി. പരമ്പരാഗത രീതിയിലുള്ള ക്രിസ്ത്യൻ വേഷം ധരിച്ചു കുടുംബ ഫോട്ടോകളാണ് ഈ മത്സരത്തിന് അയക്കേണ്ടിയിരുന്നത്.

ഈ മത്സരത്തിലെ വിജയികളെ സഭാനേതൃത്വം പ്രഖ്യാപിച്ചിരിക്കുകയാണ്. ക്നാനായ അസോസിയേഷനിലെ അംഗമായ ബിജു മടുക്കക്കുഴിക്കും കുടുംബത്തിനുമാണ് ഒന്നാം സ്ഥാനം ലഭിച്ചത്. രണ്ടാം സ്ഥാനത്തിന് തുല്യ പോയിന്റോടുകൂടി രണ്ട് കുടുംബങ്ങൾ അർഹമായതിനാൽ ഇരുവർക്കും സമ്മാനം നൽകുവാൻ അസോസിയേഷൻ തീരുമാനിച്ചു. സിറിയക്ക് ചാഴിക്കാട്ടിനും കുടുംബത്തിനും, അഭിലാഷ് മയിലപ്പറമ്പിലിനും കുടുംബത്തിനുമാണ് രണ്ടാംസ്ഥാനം ലഭിച്ചത്. മൂന്നാം സ്ഥാനത്തിന് അർഹരായവർക്ക് ചെറിയ പോയിന്റ് വ്യത്യാസത്തെ സമ്മാനം നഷ്ടമായി. എന്നാൽ ഇവർക്ക് കൺസലേഷൻ പ്രൈസ് ലഭിച്ചു. സണ്ണി തറപ്പേലും കുടുംബവുമാണ് ഈ സമ്മാനത്തിന് അർഹരായത്.

ജോൺ മുളയിങ്കലും കുടുംബവുമാണ് ഒന്നാം സമ്മാനം സ്പോൺസർ ചെയ്തത്. രേഖ തോമസ് പാലക്കനും കുടുംബവുമാണ് രണ്ടാം സമ്മാനം സ്പോൺസർ ചെയ്തത്. സമ്മാനം സ്പോൺസർ ചെയ്ത ഇരുവർക്കും ബിർമിങ്ഹാം ക്നാനായ കാത്തലിക് അസോസിയേഷൻ നന്ദി രേഖപ്പെടുത്തി.

ഫാദർ മാത്യു കണ്ണാലയിലും, ഫാദർ ജീവൻ പറയിടിലുമാണ് വിധികർത്താക്കൾ ആയിരുന്നത്. മത്സരത്തിൽ പങ്കെടുത്ത എല്ലാവരോടുമുള്ള നന്ദി സെക്രട്ടറി സിനു തോമസ് അറിയിച്ചു.

ഷിബു മാത്യൂ
ആരാധനാക്രമ വത്സരത്തിലെ ശ്ലീഹാക്കാലത്തെ രണ്ടാമത്തെ ആഴ്ച്ചയിലാണ് കത്തോലിക്കാ സഭയിപ്പോള്‍. ലത്തീന്‍ സഭാക്രമമനുസരിച്ച് പരിശുദ്ധ ത്രീത്വത്തിന്റെ
തിരുന്നാളുകൂടിയാണിന്ന്. ഗ്രേറ്റ് രൂപതാദ്ധ്യക്ഷന്‍ അഭിവന്ദ്യ മാര്‍ ജോസഫ് സ്രാമ്പിക്കല്‍ വിശ്വാസികള്‍ക്കായി ഇന്ന് സന്ദേശം നല്‍കി.

സന്ദേശത്തിന്റെ പൂര്‍ണ്ണരൂപത്തിലേയ്ക്ക്..

ന്യൂസ് ഡെസ്ക് , മലയാളം യുകെ

ബ്രിട്ടൻ :- ലോകമെമ്പാടും ജനസമൂഹങ്ങൾ എല്ലാം കൊറോണ എന്ന പ്രതിസന്ധിയെ നേരിടുമ്പോൾ, ദൈവവചനത്തിൽ അടിയുറച്ച് ജീവിതത്തെ നേരിടുക എന്ന ലക്ഷ്യത്തോടെ ബ്രിട്ടനിലെ കത്തോലിക്കാ രൂപത. കുഞ്ഞുങ്ങൾക്ക് ദൈവവചനത്തെ കൂടുതൽ പരിചയപ്പെടുത്തുക എന്ന ലക്ഷ്യത്തോടെ ഓൺലൈൻ ബൈബിൾ ക്വിസ് എന്ന സംരംഭം രൂപത ആരംഭിച്ചിരിക്കുകയാണ്. ഈ സംരംഭത്തിന്റെ ഉദ്ഘാടനം രൂപത അധ്യക്ഷൻ ബിഷപ് മാർ ജോസഫ് സ്രാമ്പിക്കൽ നിർവഹിച്ചു. ഈ ഒരു തുടക്കം കുറിക്കുന്നതിന് കാരണക്കാരായ ഫാദർ ജിനോ അരീക്കാട്ടച്ചനെയും,മറ്റ് സംഘാടകരെയും അദ്ദേഹം അഭിനന്ദിച്ചു.

ഇത് ഒരു മത്സരം എന്നതിലുപരിയായി ഒരു പ്രതിസന്ധി ഘട്ടത്തിൽ കുരുന്നുകളെ ദൈവവചനം പരിശീലിപ്പിക്കാൻ ഉള്ള ഒരു അവസരമായി മാതാപിതാക്കൾ കാണണമെന്ന് ജിനോ അച്ചൻ ഓർമിപ്പിച്ചു. ജൂൺ ആറാം തീയതി ശനിയാഴ്ച തുടങ്ങി നാല് ആഴ്ചകൾ മാത്രം നീണ്ടുനിൽക്കുന്ന ഒരു ക്വിസ് മത്സരമാണ് ഇത്. ഓഗസ്റ്റ് ഇരുപത്തൊമ്പതാം തീയതി ആണ് മത്സരം അവസാനിക്കുക. ദൈവത്തെക്കുറിച്ച് കൂടുതൽ അറിയുവാൻ ഉള്ള ഒരു അവസരമായാണ് ഇതിനെ കാണേണ്ടത് എന്ന് സംഘാടകർ ഓർമിപ്പിച്ചു.

പതിമൂന്നാം തീയതി മുതൽ ആദ്യ റൗണ്ട് മത്സരങ്ങൾ ആരംഭിക്കും . അഭിവന്ദ്യ സ്രാമ്പിക്കൽ പിതാവിന്റെയും വികാരിജനറാൾമാരുടെയും മറ്റു വൈദീകരുടെയും അനുഗ്രഹാശിസുകളോടെ രൂപത സമൂഹം ഒന്നിച്ച് ഈ വലിയ ബൈബിൾ പഠനമത്സരത്തിലേക്ക് പ്രവേശിക്കുകയാണ് . രജിസ്റ്റർ ചെയ്തിട്ടുള്ള കുട്ടികൾക്കുള്ള യൂസർ നെയിമും പാസ്‍വേർഡും അവരുടെ രജിസ്റ്റേർഡ് ഇമെയിലിൽ ഈ ദിവസങ്ങളിൽ ലഭിക്കും