മഹാവിഷ്ണുവിന്റെ എട്ടാമത്തെ അവതാരമായ ശ്രീകൃഷ്ണന്റെ ജന്മദിവസമാണ് ശ്രീകൃഷ്ണജയന്തി അഥവാ ജന്മാഷ്ടമി ആയി ഹിന്ദുക്കൾ ആഘോഷിക്കുന്നത്. ചിങ്ങമാസത്തിൽ കൃഷ്ണപക്ഷത്തിലെ രോഹിണി നക്ഷത്രദിവസത്തിൽ ആഘോഷിക്കപ്പെടുന്ന ഈ ദിനം കൃഷ്ണാഷ്ടമി, ഗോകുലാഷ്ടമി, അഷ്ടമി രോഹിണി, ശ്രീകൃഷ്ണ ജയന്തി, ജന്മാഷ്ടമി എന്നീ പേരുകളിലും അറിയപ്പെടുന്നു.
ഉണ്ണിക്കണ്ണന്റെ ജന്മദിനം ആഘോഷമാക്കുവാൻ ലണ്ടൻ ഹിന്ദു ഐക്യവേദി ഒരുങ്ങിക്കഴിഞ്ഞു. പതിവ് പോലെ ഈ വർഷവും ശ്രീകൃഷ്ണ ജയന്തിയും രക്ഷാബന്ധൻ എന്നിവ വിപുലമായ പരിപാടികളോടെ ആഘോഷിക്കും. ചടങ്ങുകൾക്ക് വിശിഷ്ടാതിഥിആയി ഗുരുവായൂർ കീഴേടം ക്ഷേത്രത്തിലെ മേൽശാന്തിയായി സേവനം അനുഷ്ടിച്ചിട്ടുള്ള ശ്രീ വാസുദേവൻ നമ്പൂതിരി (വടശ്ശേരിമനഃ ) ഈ മാസത്തെ കാര്യപടികൾ പ്രത്യേക ഭജന , രക്ഷാബന്ധൻ ആഘോഷം, ദീപാരാധന, അന്നദാനം എന്നീ വിവിധ പരിപാടികളോടെ ആഗസ്റ്റ് 31 ശനിയാഴ്ച വൈകുന്നേരം 5.30 pm മുതൽ ക്രോയ്ഡോണിലെ (ലണ്ടൻ) തോണ്ടൻഹീത്ത് കമ്മ്യൂണിറ്റി സെന്ററിൽ വച്ച് നടത്തുവാൻ തീരുമാനിച്ചിരിക്കുന്നു.
ലണ്ടനിൽ ശ്രീ ഗുരുവായൂരപ്പന്റെ ക്ഷേത്രം യാഥാർഥ്യമാക്കുന്നതിനുള്ള പ്രവർത്തനങ്ങളുമായി മുന്നോട്ടു പോകുന്ന ലണ്ടൻ ഹിന്ദു ഐക്യവേദി അതിനോടൊപ്പം ഭാരതീയ ഹൈന്ദവആചാരങ്ങളെ പുതുതലമുറക്ക് പരിചയപെടുത്തുന്നതിനുമാണ് ശ്രമിക്കുന്നത്.ഗുരുവായൂരപ്പന്റെ ചൈതന്യം നിറഞ്ഞു നിൽക്കുന്ന ഭക്തി സാന്ദ്രമായ ഈ സായം സന്ധ്യയിലേക്ക് എല്ലാ ഭക്ത ജനങ്ങളെയും ലണ്ടൻ ഹിന്ദു ഐക്യവേദി ചെയർമാനായ ശ്രീ തെക്കുംമുറി ഹരിദാസ് ഭഗവത് നാമത്തിൽ സ്വാഗതം ചെയ്യുന്നു.
കൂടുതൽ വിവരങ്ങൾക്കായി ദയവായി സംഘാടകരെ സമീപിക്കുക: Suresh Babu: 07828137478, Subhash Sarkara: 07519135993, Jayakumar: 07515918523, Geetha Hari: 07789776536, Diana Anilkumar: 07414553601
Venue: West Thornton Community Centre, 731-735, London Road, Thornton Heath, Croydon CR7 6AU
Email: [email protected]
ഫാ. ബിജു കുന്നയ്ക്കാട്ട്
പ്രെസ്റ്റൺ: യുവാക്കളിൽ ദൈവവിളി അവബോധം വളർത്തുന്നതിനും ശരിയായ ജീവിതപാത തിരഞ്ഞെടുക്കുന്നതിന് സഹായിക്കുന്നതിനുമായി ഗ്രേറ്റ് ബ്രിട്ടൺ സീറോ മലബാർ രൂപത ആഗസ്റ്റ് 30 മുതൽ സെപ്റ്റംബർ 1 വരെ ‘ദൈവവിളി ക്യാമ്പ്’ സംഘടിപ്പിക്കുന്നു. രൂപതയുടെ വിവിധ ഭാഗങ്ങളിൽ നിന്നായി 18 വയസ്സിനും അതിനു മുകളിലുമുള്ള യുവാക്കളെയാണ് ഈ ക്യാമ്പിലേക്ക് പ്രതീക്ഷിക്കുന്നത്.
പ്രെസ്റ്റൺ ഇമ്മാക്കുലേറ്റ് കൺസെപ്ഷൻ സെമിനാരി റെക്ടർ റെവ. ഡോ. ബാബു പുത്തൻപുരക്കൽ, രൂപത ദൈവവിളി കമ്മീഷൻ ഡയറക്ടർ റെവ. ഫാ. ടെറിൻ മുള്ളക്കര എന്നിവരുടെ നേതൃത്വത്തിൽ നടക്കുന്ന മൂന്നു ദിവസത്തെ ക്യാമ്പിൽ സെമിനാരിയുടെ സ്പിരിച്വൽ ഡയറക്ടർ റെവ. ഫാ. ജോൺ മില്ലർ, റെവ. ഡോ. മാത്യു പിണക്കാട്ട്, റെവ. ഡോ. സോണി കടംതോട്, റെവ.ഫാ. ഫാൻസ്വാ പത്തിൽ, റെവ. ഫാ. ബാബു പുത്തൻപുരക്കൽ, റെവ. ഫാ. ട്രയിൻ മുള്ളക്കര, റെവ. സി. ജോവാൻ മണിയഞ്ചിറ തുടങ്ങിയവർ വിവിധ വിഷയങ്ങളിൽ ക്ലാസുകൾ നയിക്കും.
രൂപതയുടെ ഇടവക, മിഷൻ, പ്രോപോസ്ഡ് മിഷൻ കേന്ദ്രങ്ങളിൽ നിന്നും ദൈവവിളിയെക്കുറിച്ചു അറിയാൻ താല്പര്യമുള്ള 18 വയസ്സിനു മുകളിലുള്ള എല്ലാ യുവാക്കളെയും ഈ ത്രിദിന ക്യാമ്പിലേക്ക് ക്ഷണിക്കുന്നതായി റെവ. ഡോ. ബാബു പുത്തൻപുരക്കൽ, റെവ. ഫാ. ടെറിൻ മുള്ളക്കര എന്നിവർ അറിയിച്ചു. ആഗസ്റ്റ് 30 ഉച്ചകഴിഞ്ഞു 3 മണിക്ക് ആരംഭിച്ചു സെപ്തംബർ 1 ഉച്ചയ്ക്ക് 1 മണിക്ക് അവസാനിക്കുന്ന ഈ ക്യാമ്പിൽ പങ്കെടുക്കാൻ ആഗ്രഹിക്കുന്നവർ റെവ. ഫാ. ടെറിൻ മുള്ളക്കരയുമായി ബന്ധപ്പെടേണ്ടതാണ്. Mb: 07985695056, email: [email protected] ക്യാമ്പ് നടക്കുന്ന സ്ഥലത്തിന്റെ അഡ്രസ്: Immaculate Conception Seminary, St. Ignatius Square, Preston, PR1 1TT.
ഫാ. ബിജു കുന്നയ്ക്കാട്ട് PRO
ഗ്രേറ്റ് ബ്രിട്ടൺ രൂപതയിലെ ലണ്ടൻ റീജിയണിൽ ഉള്ള സീറോ മലബാർ യൂത്ത് മൂവ്മെന്റിന്റെ ആഭിമുഖ്യത്തിൽ യുവജനങ്ങൾക്കായുള്ള പ്രഥമ ഏകദിന കൺവെൻഷൻ ആണ് ഒരുക്കിയിരിക്കുന്നത്. ലണ്ടൻ റീജിയൻ കോഡിനേറ്റർ റവ. ഫാദർ സെബാസ്റ്റ്യൻ ചാമക്കാല, ഫാദർ ഹാൻസ് പുതിയാകുളങ്ങര, ഫാദർ ജോസഫ് അന്തിയാംകുളം , ഫാദർ ടോമി എടാട്ട്, ഫാദർ സാജു പിണക്കാട്ട്, ഫാദർ ബിനോയ് നിലയറ്റിൻകൽ,ഫാദർ ജോഷി, ഫാദർ സാജു മുല്ലശ്ശേരി, ഫാദർ ജോഷി എസ്എസ് പി എന്നിവരുടെ നേതൃത്വത്തിൽ ആണ് സെമിനാർ സംഘടിപ്പിച്ചിരിക്കുന്നത്.
സീറോ മലബാർ യൂത്ത് മൂവ്മെന്റിന്റെ ആഭിമുഖ്യത്തിൽ ആദ്യമായാണ് ഇത്തരത്തിലൊരു കൺവെൻഷൻ സംഘടിപ്പിക്കുന്നത്. സ്പൈസ് എന്ന് പേരിട്ടിരിക്കുന്ന ഈ ഈ പ്രഥമ ഏകദിന കൺവെൻഷനിലേക്ക് ലണ്ടൻ റീജിയണിൽ ഉള്ള എല്ലാ യുവജനങ്ങളും പങ്കെടുക്കാൻ ഗ്രേറ്റ് ബ്രിട്ടൺ സീറോ മലബാർ രൂപതയുടെ മെത്രാൻ മാർ ജോസഫ് സ്രാമ്പിക്കൽ ആഹ്വാനം ചെയ്തു.
ഓഗസ്റ്റ് മാസം മാസം ഇരുപത്തിനാലാം തീയതി രാവിലെ 8 30ന് രജിസ്ട്രേഷൻ ഓടുകൂടി ആരംഭിക്കുന്ന കൺവെൻഷനിൽ ഫാദർ ടോമി എടാട്ട് ഡോക്ടർ ജോൺ എബ്രഹാം ഡീക്കൻ ജോയ്സ് പള്ളിക്കമ്യാലിൽ എന്നിവർ ക്ലാസുകൾ നയിക്കും. വൈകുന്നേരം നാലുമണിയോടെ സമാപിക്കുന്ന കൺവെൻഷനിൽ അനിൽ പങ്കെടുക്കുന്ന യുവജനങ്ങൾക്കായി ആയി കൺവെൻഷന് ശേഷം സെന്റ് മാർക്ക് മിഷനിലെ കൈകാരന്മാരും അൽമായരും അടങ്ങുന്ന വോളണ്ടിയേഴ്സ് ബാർബിക്യു ഒരുക്കും. കൺവെൻഷനിൽ പങ്കെടുക്കുന്നവർക്ക് ആയി ഉച്ചഭക്ഷണം ഒരുക്കുന്ന തിരക്കിലാണ് വിമൻസ് ഫോറത്തിന്റെ അംഗങ്ങൾ.
ബ്രോംലിയിലെ സെൻറ് ജോസഫ് ചർച്ച് ഹാളിൽ വച്ച് നടത്തപ്പെടുന്ന കൺവെൻഷനു വേണ്ട ഒരുക്കങ്ങൾ പൂർത്തിയായി വരുന്നു. കൺവെൻഷനിലെ സുഗമമായ നടത്തിപ്പിന് വേണ്ടി സെന്മാർക്ക് മിഷനിലെ ജീസൺ ജോസഫ് , ജയ് ജോസഫ്, സീറോ മലബാർ യൂത്ത് മൂവ്മെൻറ് പ്രസിഡൻറ് ഫെബിൻ ഷാജി വൈസ് പ്രസിഡൻറ് അലീന ജോയ്, ജിം സിറിയക്ക് എന്നിവരുടെ നേതൃത്വത്തിൽ മിഷനിലെ എല്ലാ യുവജനങ്ങളും പ്രവർത്തിച്ചുവരുന്നു. കൺവൻഷനിൽ പങ്കെടുക്കുവാൻ എല്ലാവരെയും സാദരം ക്ഷണിക്കുന്നതായി സീറോ മലബാർ യൂത്ത് മൂവ്മെൻറ് ഡയറക്ടർ റവ ഫാദർ ബാബു പുത്തൻപുരയിൽ അറിയിച്ചു.
ഗ്രേറ്റ് ബ്രിട്ടൻ സീറോ മലബാർ രൂപതയുടെ കീഴിലുള്ള മരിയൻ മിനിസ്റ്റ്രിയുടെ നേത്രുത്വത്തിൽ പരിശുദ്ധ അമ്മയുടെ അമലോത്ഭവ തിരുന്നാളിനൊരുക്കമായി നടത്തപ്പെടുന്ന “മരിയൻ ഫസ്റ്റ്‌ സാറ്റർഡേ റിട്രീറ്റും വിമലഹ്രുദയ സമർപ്പണവും, വിമലഹ്രുദയ ജപമാലയും” സെപ്റ്റംബർ 7 നു നടത്തപ്പെടുന്നു. മരിയൻ മിനിസ്റ്റ്രി സ്പിരിച്ചൽ ഡയറക്ടർ റവ. ഫാ.ടോമി എടാട്ട്, സീറോ മലബാർ ചാപ്ലയിൻ ഫാ. ബിനോയി നിലയാറ്റിങ്കൽ, ഡീക്കൻ ജോയ്സ് എന്നിവരോടൊപ്പം മരിയൻ മിനിസ്റ്റ്രി ടീമും ശുശ്രൂഷകൾക്ക്‌ നേത്രുത്വം നൽകുന്നു. ശനിയാഴ്ച രാവിലെ ഒൻപതിനു ആരംഭിക്കുന്ന മരിയൻ ശുശ്രുഷകളും, തിരുക്കർമ്മങ്ങളും വൈകുന്നേരം മൂന്ന് മണിയോടെ സമാപിക്കും.
കൂടുതൽ വിവരങ്ങൾക്ക് ബ്രദർ ചെറിയാൻ സാമുവേൽ (07460 499931),
ജിജി രാജൻ (07865 080689) എന്നിവരുമായി ബന്ധപ്പെടുവാൻ താല്പര്യപ്പെടുന്നു.
തിരുവല്ല:മികച്ച സാമൂഹ്യക്ഷേമ ജീവകാരുണ്യ മനുഷ്യാവകാശ പ്രവർത്തകന് ഭാരതീയ മനുഷ്യാവകാശ സംരക്ഷണ സമിതി ഏർപെടുത്തിയ സംസ്ഥാന കർമ്മശ്രേഷ്ഠ പുരസ്കാരത്തോടൊപ്പം ഉള്ള അവാർഡ് തുക ‘ഹോപ് ഫോർ ഹോപ്പ്ലെസ് ‘ പദ്ധതിക്ക് കൈമാറി.തിരുവല്ല അശോക് ഹോട്ടലിൽ നടന്ന ചടങ്ങിൽ ഡോ.ജോൺസൺ വി ഇടിക്കുള അവാർഡ് തുക കൈമാറി. വൈസ് പ്രസിഡന്റ് കുരുവിള വർഗീസ് അദ്ധ്യക്ഷത വഹിച്ചു.ഹ്യൂമൻ റൈറ്റ്സ് പ്രൊട്ടക്ഷൻ കൗൺസിൽ ഓഫ് ഇന്ത്യ ജനറൽ സെക്രട്ടറി ഡോ.ഏബ്രഹാം കുര്യൻ,വൈസ് പ്രസിഡന്റ് അപ്പു ജോസഫ്, ട്രഷറാർ വിനോദ് സെബാസ്റ്റ്യൻ, ജോ. സെക്രട്ടറി തോമസ് കുരുവിള, പി.ഇ. ലാലച്ചൻ, അഡ്വ. അഭിലാഷ് ചന്ദ്രൻ,മാർത്തോമ സഭ മുൻ ട്രസ്റ്റി പ്രകാശ് പി.തോമസ്, രമേശ് മാത്യൂ ,സി.കെ. വിശ്വൻ,ഡിസാസ്റ്റർ മാനേജ്‌മെന്റ് ടീം ലീഡർ
പ്രമോദ് ഫിലിപ്പ് തുരുത്തേൽ എന്നിവർ സംബന്ധിച്ചു.
നാഷണൽ ഫോറം ഫോർ സോഷ്യൽ ജസ്റ്റിസ് ന്യൂനപക്ഷ സമിതി അദ്ധ്യക്ഷൻ തലവടി വാലയിൽ ബെറാഖാ ഭവനിൽ ഡോ.ജോൺസൺ വി ഇടിക്കുളയ്ക്ക് ജൂൺ 23 ന് പതിനായിരം രൂപയും പ്രശസ്തി പത്രവും ഫലകവും അടങ്ങുന്ന പുരസ്ക്കാരം മുൻ ഡി.ജി. പി ഡോ.അലക്സാണ്ടർ ജേക്കബ് സമ്മാനിച്ചിരുന്നു.’നമ്മുടെ തിരുവല്ല’ വാട്ട്സ്പ്പ് കൂട്ടായ്മയുടെ കാരുണ്യ പ്രവർത്തനങ്ങൾ മുൻ ആർ.ഡിഒ.യും കൂട്ടായ്മയുടെ അമരക്കാരനും ആയ പി.ഡി.ജോർജിൽ നിന്നും അറിഞ്ഞാണ് ഈ പദ്ധതിക്ക് അവാർഡ് തുക സമ്മാനിച്ചതെന്ന് ചടങ്ങിൽ ഡോ. ജോൺസൺ വി. ഇടിക്കുള പറഞ്ഞു.
2006 ൽ സംസ്ഥാന യുവജനക്ഷേമ ബോർഡ് ഏർപ്പെടുത്തിയ യൂത്ത് അവാർഡിനോടൊപ്പം ലഭിച്ച തുകയും ഒരു വിദ്യാർത്ഥിയുടെ പഠനത്തിന് വേണ്ടി സംഭാവനയായി ഡോ.ജോൺസൺ വി ഇടിക്കുള നല്കിയിരുന്നു.അവാർഡ് സ്വീകരണ ചടങ്ങിൽ വെച്ച് ഈ കാര്യം പ്രഖ്യാപിച്ചപ്പോൾ അന്നത്തെ നിയമ യുവജനകാര്യ വകുപ്പ് മന്ത്രിയായിരുന്ന എം. വിജയകുമാർ ഡോ.ജോൺസൺ വി ഇടിക്കുളയെ അഭിനന്ദിച്ചിരുന്നു. പെയിൻറിങ്ങ് ജോലിക്കിടെ ടെറസിൽ നിന്നും വീണ് മരിച്ച റാന്നി സ്വദേശിയുടെ അഞ്ച് വയസുള്ള മകന്റെ കദന കഥ മാധ്യമങ്ങളിലൂടെ വായിച്ചറിഞ്ഞാണ് അന്ന് ആ തുക നല്കുന്നതിന് തീരുമാനിച്ചത്.
ഹ്യൂമൻ റൈറ്റ്സ് പ്രൊട്ടക്ഷൻ കൗൺസിൽ ഓഫ് ഇന്ത്യ സംസ്ഥാന ചെയർമാനും ഗിന്നസ് & യു.ആർ.എഫ് റിക്കോർഡ് ഹോൾഡേഴ്സ് അസോസിയേഷൻ സെക്രട്ടറി ജനറലും ആണ് ഡോ.ജോൺസൺ വി.ഇടിക്കുള.കഴിഞ്ഞ 23 വർഷമായി സാമൂഹ്യ സേവന മനുഷ്യാവകാശ പ്രവർത്തന രംഗത്ത് നിലകൊള്ളുന്ന ഡോ.ജോൺസൺ വി.ഇടിക്കുളയ്ക്ക് കാത്തലിക്ക് ഫെഡറേഷൻ ഓഫ് ഇന്ത്യയുടെ ഗുഡ് സമരിറ്റൻ പുരസ്കാരം ഉൾപ്പെടെ നിരവധി പുരസ്കാരങ്ങൾ ലഭിച്ചിട്ടുണ്ട്. യൂണിവേഴ്സൽ ബുക്ക് ഓഫ് റിക്കോർഡ് കൂടാതെ ഇംഗ്ലണ്ട് ആസ്ഥാനമായുള്ള റിക്കോർഡ് ഹോൾഡേഴ്സ് റിപ്ബ്ലിക്കിന്റെ ലോക റിക്കോർഡിലും ഡോ.ജോൺസൺ വി ഇടിക്കുള ഇടം ലഭിച്ചിട്ടുണ്ട്.
തിരുവല്ല: ബിലിവേഴ്സ് ഈസ്റ്റേൺ ചർച്ച് പരാമാദ്ധ്യക്ഷൻ മോറാൻ മോർ അത്തനേഷ്യസ് യോഹാൻ പ്രഥമൻ മെത്രാപോലീത്തയുടെ സെക്രട്ടറിയായി സെന്റ് തോമസ് കത്തീഡ്രൽ ചർച്ച് കുറ്റപ്പുഴ ഇടവക മുൻ വികാരി ഫാദർ:സഞ്ജീവ് ബെഞ്ചമിനെ നിയമിച്ചു.
നിലവിൽ ബിലിവേഴ്സ് ഈസ്റ്റേൺ ചർച്ച് തിയോളജിക്കൽ സെമിനാരി അധ്യാപകനാണ്. മെത്രാപോലീത്തയുമായി കൂടിക്കാഴ്ച നടത്തുന്നത് ഉൾപ്പെടെയുള്ള ആവശ്യങ്ങൾക്ക് സെക്രട്ടറിയെ ബന്ധപ്പെടാവുന്നതാണ്.
ബർമിംങ്‌ഹാം: ലോകപ്രശസ്തനായ കത്തോലിക്ക കരിസ്മാസ്റ്റിക് ശുശ്രൂഷകൻ ബ്രദർ ഡാമിയൻ സ്റ്റെയിൻ നയിക്കുന്ന മൂന്ന് ദിവസത്തെ വരദാനഫലങ്ങളുടെ വളർച്ചാനുഭവത്തിലേക്ക് നയിക്കുന്ന പ്രത്യേക ശുശ്രൂഷ സെപ്റ്റംബർ 9 മുതൽ 11 വരെ വെയിൽസിൽ നടക്കും .പ്രാർത്ഥനയിലും ആത്മീയ ശുശ്രൂഷാരംഗത്തും , വളർച്ചയും നിലനിൽപ്പും ആഗ്രഹിക്കുന്ന ആർക്കും പങ്കെടുക്കാം.
ഏതെങ്കിലും പ്രത്യേക മിനിസ്ട്രിയുടെ ഭാഗമായി പ്രവർത്തിക്കുന്നവർക്ക് അവരുടെ ശുശ്രൂഷാ വളർച്ചയ്ക്കുതകുന്ന തിയറി, പ്രാക്ടിക്കൽ സെഷനുകൾ ഉൾപ്പെടുന്നതാണ് പ്രൊഫസി സ്കൂൾ. അത്യത്ഭുതകരമായ രോഗശാന്തിയും വിടുതലുമാണ് നാളിതുവരെ ബ്രദർ ഡാമിയന്റെ ശുശ്രൂഷകളിൽ ദൈവിക ഇടപെടലുകളിലൂടെ സാധ്യമായിക്കൊണ്ടിരിക്കുന്നത് .ആഗോള പ്രശസ്തമായ “കോർ ഏറ്റ് ലുമെൻ ക്രിസ്റ്റി ” എന്ന കാത്തലിക് കരിസ്മാറ്റിക് മിനിസ്ട്രിയുടെ സ്ഥാപകനായ ബ്രദർ ഡാമിയന്റെ ശുശ്രൂഷകളിൽ “ഇന്ന് വിതച്ചാൽ ഇന്ന് വിളവ് ” എന്നപോലെ ഓരോരുത്തരുടെയും വിശ്വാസ തീഷ്ണതയ്ക്കനുസൃതമായ ആത്മീയ വളർച്ചയും വിടുതലും, രോഗശാന്തിയും, അത്ഭുതങ്ങളുമാണ് സംഭവിച്ചുകൊണ്ടിരിക്കുന്നത് .
റവ. ഫാ.സോജി ഓലിക്കലിന്റെ നേതൃത്വത്തിൽ സെഹിയോൻ യുകെയാണ് പ്രൊഫസി സ്കൂളിന്റെ സംഘാടകർ.
ബുക്കിങ്ങിന് www.sehionuk.org/register എന്ന വെബ്സൈറ്റിൽ സീറ്റുകൾ രജിസ്റ്റർ ചെയ്യാം. താമസവും ഭക്ഷണവും ഉൾപ്പെടെ ഒരാൾക്ക് 100 പൗണ്ട്.
കൂടുതൽ വിവരങ്ങൾക്ക് 07456088413
07576751540
അഡ്രസ്
കെഫെൻലി പാർക്ക് കോൺഫറൻസ് സെന്റർ.
ന്യൂടൗൺ , വെയിൽസ്
SY 16 4 A J
മലയാളീ അസോസിയേഷൻ ഓഫ് നോർത്താപ്റ്റൺ അവധിക്കാലത് കുട്ടികൾക്കായി നടത്തിയ വ്യക്തിത്വ വികസന ക്യാമ്പിന് ഹൃദ്യമായ പരിസമാപ്തി. വ്യത്യസ്തമായി ചിന്തിക്കുകയും ,സമൂഹത്തിലുള്ള മറ്റു കുട്ടികളുമായി സംവദിക്കുകയും,സഹവസിക്കുകയും ഒരുമിച് ഭക്ഷണം കഴിക്കുകയും , മൊബൈൽ ഫോണും കമ്പ്യൂട്ടർ ഗെയിംസും മാറ്റിവച്‌ രണ്ടുദിവസം അടിച്ചു പൊളിച്ചു നോർത്താംപ്ടണിലെ കുട്ടികൾ .
അവധിക്കാല സമ്മർക്യാമ്പിൽ 38 കൂട്ടികളാണ് പങ്കെടുത്തത് .ശനിയാഴ്ച്ച രാവിലെ 9.30 മുതൽ റെജിസ്‌ട്രേ ഷൻ ആരംഭിക്കുകയും 10 .30 ന് ഡോ റോയ് മാത്യു ക്യാമ്പ് ഉത്‌ഘാടനം ചെയ്തു കുട്ടികളെ അഭിസംബോധന ചെയ്തു .വ്യക്തിത്ത്വ വികസന ക്യാമ്പ് ഇന്നത്തെ കാലത്തിന്റെ ആവശ്യമായിട്ടും എന്തിനും ഏതിനും സ്വാതത്ര്യമുള്ള ഈ രാജ്യത്തു ഉയർന്ന ലക്ഷ്യമുള്ളവരായി വളരുവാൻ കുട്ടികളെ അദ്ദേഹം ഉദ്ബോധിപ്പിച്ചു. ഞായറാഴ്ച 4 :30 വരെ ആയിരുന്നു പ്രസ്തുത ക്യാമ്പ് നടന്നത് .
രണ്ടു ദിവസളിലായി കൂടുതൽ സെൽഫ് കോൺഫിഡൻസ് നേടിയെടുക്കുകയും ,സ്റ്റേജ് ഫിയർ മാറ്റി ,പബ്ലിക് സ്‌പീക്കിങ് ,ഗ്രൂപ്പ് ഡിസ്‌ക്ഷൻസ് , സെൽഫ് മോട്ടിവേഷൻ ,ക്വിസ് മത്സരങ്ങൾ, ,മെഡിറ്റേഷൻ , ഇന്റർനെറ്റ് ,സോഷ്യൽ മീഡിയ സേഫ്റ്റി ,
മാജിക് മാത്‍സ്, മാനുഷികമൂല്യങ്ങൾ , എൻ്റെ ഒരുദിവസം എങ്ങനെ ആയിരിക്കണം ,ബേസിക് മോട്ടോർ വെഹിക്കിൾ എഞ്ചിനീറിങ് ,ഇന്ത്യ മഹാരാജ്യം , കേരളം , മലയാളഭാഷാ , തുടങ്ങിയ വിഷയങ്ങളില് പ്രഗത്ഭരായ മാതാപിതാക്കൾ ക്ലാസുകൾ നടത്തുകയുണ്ടായി .തീം ബേസ്‌ഡ് കളറിങ്, ഗെയി൦സ് ,ഫ്ളിപ് ഫ്ലോപ്പ് , ടവർ ബിൽഡിംഗ് , ഗെയിo 21 , ഗോൾഡൻ ഗ്ലാസ് , ഗ്രൂപ്പ് സോങ് , തുടങ്ങിയ നിരവധി കളികളും അതിനോടനുബന്ധിച് ഒരു ലേർണിങ് ഔട്ട്കം കുട്ടികളെ ചിന്തിപ്പിക്കുകയൂം ചെയ്തു . കേരളത്തിലുണ്ടായ പ്രകൃതി ദുരന്ത നിവാരണത്തിനായി കുട്ടികളായ ഞങ്ങൾക്ക് എന്ത് ചെയ്യാൻ പറ്റും എന്നതിനെപ്പറ്റി കുട്ടികൾ ചിന്തിക്കുകയും ഗ്രൂപ്പിൽ ചർച്ച ചെയ്യുകയും പ്രതിവിധികൾ ആരായുകയും ചെയ്തു .
കൃത്യമായ പ്ലാനിംഗ് , സമയനിഷ്ഠ , ശാസ്ത്രീയമായ അവലോകനം ,നല്ല ഭക്ഷണം തുടങ്ങിയവ മലയാളീ അസോസിയേഷൻ ഓഫ് നോർത്താംപ്ടൺ കുട്ടികൾക്കായി സജിജികരിക്കുകയും ചെയ്തിരുന്നു .അവധിക്കാലത്തെ ഏറ്റവും മനോഹരമായ ഈ സംരംഭത്തെ മാതാപിതാക്കൾ മുക്തകണ്ഠം പ്രശംസിക്കുകയുമുണ്ടായി. ഇനിയും എന്നായിരിക്കും നമ്മൾ കൂടുന്നത് എന്ന് ചോദിച്ചുകൊണ്ടാണ് കുട്ടികൾ പിരിഞ്ഞു പോയത് . രണ്ടു ദിവസങ്ങളിലായി നടന്ന ഈ സമ്മർ ക്യാമ്പിൽ സംബന്ധിച്ച എല്ലാ കുട്ടികൾക്കും പുതിയൊരു അധ്യയന വർഷത്തിലേക്കു പ്രവേശിക്കാൻ കൂടുതൽ പ്രചോദനവും ഊർജവും ലഭിക്കുകയുണ്ടായി .
ഫാദർ ജോർജ് തോമസ് ചേലക്കൽ
ലെസ്റ്ററിലെ മദർ ഓഫ് ഗോഡ് ദേവാലയത്തിൽ എട്ടു നോമ്പ് ആചാരണവും പ്രധാന തിരുനാളും ആഘോഷിക്കുന്നു. എട്ടു ദിനങ്ങളിലായി ആഘോഷിക്കുന്ന കർമങ്ങൾ സെപ്റ്റംബർ ഒന്നിന് കൊടിയേറി എട്ടിന് അവസാനിക്കുന്നു. പ്രധാന തിരുനാൾ ദിനമായ എട്ടാം തിയതി താമരശ്ശേരി രൂപത അദ്യക്ഷൻ അഭിവന്ദ്യ മാർ റെമിജിയൂസ് ഇഞ്ചനാനിയിൽ ചടങ്ങുകൾക്ക് മുഖ്യ കാർമ്മികൻ ആകും. മുൻവർഷങ്ങളിൽ നിന്നും വ്യത്യസ്തമായി ഇംഗ്ലീഷ് മലയാളം കമ്മ്യൂണിറ്റി സംയുക്തമായി ഈ വർഷത്തെ തിരുനാൾ കൊണ്ടാടുന്നത് .തിരുനാൾ ദിനത്തിൽ കുട്ടികളെ അടിമവെയ്ക്കുന്നതിനു കഴുന്ന് എടുക്കുന്നതിനും കൂടാതെ സമൂഹ വിരുന്നും ഒരുക്കിയിരിക്കുന്നു. തിരുനാൾ ഇട ദിവസങ്ങളിൽ രാവിലെ കുർബാന ഇംഗ്ലീഷിലും തുടന്ന് നിത്യ ആരാധന നടത്തപെടുന്നതായിരിക്കും വൈകുന്നേരം മലയാളത്തിലും കുർബാന ഉണ്ടായിരിക്കുന്നതായിരിക്കും.അനുഗ്രഹത്തിന്റെ പ്രാർത്ഥനുടെ ഈ പുണ്യനിമിഷത്തിലേക്കു എല്ലാവരെയും സ്നേഹത്തോടെ സ്വാഗതം ചെയുന്നു.
