ന്യൂയോർക്ക്: സ്റ്റാറ്റൻ ഐലൻഡ് സിറോ മലബാർ കത്തോലിക്കാ ഇടവക ദേവാലയത്തിൽ ആണ്ടുതോറും ആഘോഷിക്കുന്ന വാഴ്ത്തപ്പെട്ട കുഞ്ഞച്ചന്റെ തിരുന്നാൾ ഈ വർഷവും ഭക്ത്യാഢംബരപൂർവ്വം കൊണ്ടാടുവാൻ പള്ളിക്കമ്മറ്റി തീരുമാനിച്ചു . ഇടവകയുടെ സ്വർഗീയ മദ്ധ്യസ്ഥനായ വാഴ്ത്തപ്പെട്ട കുഞ്ഞച്ചന്റെ തിരുനാളിനോടൊപ്പം പരിശുദ്ധ കന്യകാമറിയത്തിന്റെയും ,വിശുദ്ധ തോമാശ്ളീഹായുടെയും തിരുനാളുകൾ സംയുക്തമായി ടോംകിൻസ് അവന്യൂവിലെ സൈൻറ് ജോസഫ് പള്ളിയിൽ വച്ച് ഭക്തി നിർഭാരമായ തിരുന്നാൾ കുര്ബാനയോടും പ്രൗഢഗംഭിരമായ പ്രദക്ഷിണത്തോടു കുടിയും ഒക്ടോബർ 13 -ന് ആഘോഷിക്കുന്നു.
ഞായർ ഉച്ചകഴിന് നാലുമണിക്ക് ആരംഭിക്കുന്ന ആഘോഷകരമായ തിരുനാൾ പാട്ടുകുർബാനക്കു ശേഷം കോടികൾ ,മുത്തുക്കുടകൾ ,ചെണ്ടമേളം എന്നിവയുടെ അകമ്പടിയോടെ തിരുസ്വരൂപങ്ങളും ,തിരുശേഷിപ്പും എഴുന്നെള്ളിച്ചുകൊണ്ടുള്ള ഭക്തിനിർബരമായ പ്രദിക്ഷിണം തിരുനാളിന്റെ പ്രധാന ആകര്ഷകമായിരിക്കും .പള്ളിയിലെ തിരുക്കര്മങ്ങള്ക്കും പ്രദിക്ഷിണത്തിനും ശേഷം വിഭവസമൃദ്ധമായ അത്താഴവിരുന്നും ഉണ്ടായിരിക്കുന്നതാണ്.
കോട്ടയം – അതിരമ്പുഴ സ്വാദേശിയും സ്റ്റാറ്റൻ ഐലൻഡ് ഇടവകാംഗവുമായാ ജേക്കബ് പോൾ വടക്കേടവും കുടുബവുമാണ് ഈ വർഷത്തെ തിരുനാൾ ഏറ്റെടുത്തു നടത്തുന്നത്. തിരുനാളിനു ഒരുക്കമായുള്ള നവനാൾ പ്രാർത്ഥനയും പരിശുദ്ധകുർബാനയുടെ വാഴ്വും തിരുനാള് വരെയുള്ള എല്ലാ ഞായരച്ചകളിലും വിശുദ്ധ കുര്ബാനയോടുകൂടി വൈകുനേരം 4 .30 -ന് നടത്തപ്പെടുന്നു.
തിരുനാൾ ആഘോഷങ്ങൾ വളരെ ഭംഗിയോടും ഭക്തിയോടും കുടി നടത്തുവാനുള്ള ക്രമീകരണങ്ങൾ പൂരോഗമിക്കുന്നതായി പ്രദുദേന്തി ജേക്കബ് പോൾ വടക്കേടവും (718 -759 -8342 ) അറിയിച്ചു .ദൈവകൃപയുടേ
പരിമളം വിതറുന്ന വാഴ്ത്തപ്പെട്ട കുഞ്ഞച്ചന്റെ അനുഗ്രഹാശിർവാദങ്ങൾ പ്രാപിക്കുന്നതിന് ഏവരെയും സ്വാഗതം ചെയ്യുന്നതായി പള്ളിക്കമ്മറ്റിയും വികാരി ഫാ: സോജു തേക്കിനേത്തു സി.എം.ഐ യും (718 -207 -5445) അറിയിക്കുന്നു .
ജാതിമത ഭേദമില്ലാത്ത ഒത്തൊരുമയുടെ മഹത്തായ ഓണസന്ദേശം വിളിച്ചോതിയ ലണ്ടൻ ഹിന്ദു ഐക്യവേദിയുടെ (LHA ) ഓണാഘോഷം ജനകീയ പങ്കാളിത്തം കൊണ്ട് ശ്രദ്ധേയമായി . ബ്രിസ്റ്റോൾ ലബോറട്ടറി ചെയർമാൻ ശ്രീ ടി. രാമചന്ദ്രൻ, കൗൺസിലർ ഡോ. ശിവ, പ്രശസ്ത സിനിമ സീരിയൽതാരം ശ്രീ. ഉണ്ണിശിവപാൽ, LHA ചെയർമാൻ ശ്രീ. തെക്കുംമുറി ഹരിദാസ്, ശ്രീ അശോക് കുമാർ എന്നിവർ ഭദ്രദീപം കൊളുത്തി ആഘോഷ പരിപാടികൾക്കു തുടക്കം കുറിച്ചു . മേയർ ശ്രീ ടോം ആദിത്യ, കൗൺസിലർ ശ്രീമതി മഞ്ജു ഷാഹുൽ ഹമീദ്, യുക്മ ദേശീയ പ്രസിഡന്റ് ശ്രീ മനോജ് പിള്ള തുടങ്ങിയവർ ആശംസകൾ അർപ്പിച്ചു. കുട്ടികളും മലയാളി മങ്കമാരും താലപ്പൊലിയോടുകൂടി മഹാബലിയെ വരവേറ്റു തുടങ്ങിയ ആഘോഷ പരിപാടികൾക്ക് ശ്രീമതി സുജാത മേനോൻ അവതരണ ശൈലിയിലെ മികവുകൊണ്ട് മിഴിവേകി. കുട്ടികളുടെ കോൽക്കളി, പുലികളി, ശ്രീ സുധീഷ് സന്ദാനന്ദൻ അവതരിപ്പിച്ച ഓണപ്പാട്ട്, ബാസില്ഡൺ ലാസ്യ അവതരിപ്പിച്ച നൃത്തശില്പം, അനുഗ്രഹീത വാദ്യ കലാകാരൻ വിനോദ് നവധാരയുടെ നേതൃത്വത്തിൽ അരങ്ങേറിയ ചെണ്ടമേളം, പുറപ്പാടിലൂടെ കൃഷ്ണവേഷം ആടി അനുഗ്രഹീത കലാകാരൻ വിനീത് പിള്ള അവതരിപ്പിച്ച കഥകളി, LHA വനിതാ വിഭാഗം നേതൃത്വം നൽകിയ മെഗാ തിരുവാതിര തുടങ്ങി തനതു മലയാളിത്തം നിറഞ്ഞ കലാ ശില്പ്പങ്ങളാൽ ആഘോഷ പരിപാടികൾ വേറിട്ട അനുഭവമായി മാറി. ദീപാരാധനയും തുടർന്ന് ഐക്യവേദി അംഗങ്ങൾ തന്നെ തയ്യാറാക്കിയ സാമ്പ്രദായിക ഓണസദ്യയും ഗൃഹാതുരത ഉണർത്തുന്ന ആസ്വാദനത്തിന്റെ നവ്യാനുഭവങ്ങൾ ആയിമാറി. പരിപാടിയിൽ പങ്കെടുത്ത എല്ലാവര്ക്കും ലണ്ടൻ ഹിന്ദു ഐക്യവേദി ചെയർമാൻ ശ്രീ തെക്കുംമുറി ഹരിദാസ് നന്ദി അറിയിച്ചു.
ലണ്ടൻ ഹിന്ദു ഐക്യവേദിയുടെ മഹാനവമി-വിജയദശമി ആഘോഷ പരിപാടികളുടെ ഭാഗമായി ഒക്ടോബർ 8 ന് തോൺടൻഹീത് മുരുഗൻ കോവിലിൽ രാവിലെ 9 മണി മുതൽ 11 മണിവരെ കുട്ടികളെ എഴുത്തിനിരുത്തുവാനുള്ള സൗകര്യം ഉണ്ടായിരിക്കുന്നതാണ്. കൂടാതെ എല്ലാ മാസവും നടത്തിവരാറുള്ള സത്സംഗം ഒക്ടോബർ മാസം 26 ന് വെസ്റ്റ് തോൺടൻ കമ്മ്യൂണിറ്റി ഹാളിൽ ദീപാവലി ആഘോഷമായി നടത്തപ്പെടുന്നു .
കൂടുതൽ വിവരങ്ങൾക്കായി ദയവായി സംഘാടകരെ സമീപിക്കുക:
Suresh Babu: 07828137478, Subhash Sarkara: 07519135993, Jayakumar: 07515918523, Geetha Hari: 07789776536, Diana Anilkumar: 07414553601
Monthly Satsang Venue: West Thornton Community Centre, 731-735, London Road, Thornton Heath, CroydonCR76AU CR76AU
ഫാ. ബിജു കുന്നയ്ക്കാട്ട് PRO
ലിവർപൂൾ: ഗ്രേറ്റ് ബ്രിട്ടൺ സീറോ മലബാർ രൂപതയുടെ ‘പഞ്ചവത്സര അജപാലന പദ്ധതിയുടെ’ ഭാഗമായി നടന്നുവരുന്ന ‘യുവജനവർഷത്തിന്റെ’ ഔപചാരിക സമാപനം ഡിസംബർ 28 ലിവർപൂളിലുള്ള ലിതർലാൻഡ് സമാധാനരാഞ്ജി ദൈവാലയത്തിൽ വച്ച് രാവിലെ പത്തു മുതൽ ഉച്ചകഴിഞ്ഞു നാല് വരെ നടക്കും.
രൂപതയുടെ 29 കേന്ദ്രങ്ങളിൽ ഇതുവരെ, സീറോ മലബാർ സഭയുടെ ഔദ്യോഗിക യുവജനസംഘടനയായ എസ്. എം. വൈ. എം. (സീറോ മലബാർ യൂത്ത് മൂവ്മെൻറ്) രൂപീകരിക്കപ്പെട്ടു. സഭയുടെ ശക്തി യുവജനങ്ങളിലാണെന്ന തിരിച്ചറിവിലാണ് യുവജനങ്ങളെ പ്രത്യേക കൂട്ടായ്മയായി രൂപീകരിച്ചു ആത്മീയപരിശീലനം നൽകുന്നത്.
ഗ്രേറ്റ് ബ്രിട്ടൺ എസ്. എം. വൈ. എം. ൻറെ ആഭിമുഖ്യത്തിൽ, ഇക്കഴിഞ്ഞ ക്രിസ്തുമസ്, ഈസ്റ്റർ അവസരങ്ങളിൽ 61 വീഡിയോ സന്ദേശങ്ങൾ നൽകിയിരുന്നത് ഏറെ ശ്രദ്ധയാകർഷിച്ചിരുന്നു. മാഞ്ചസ്റ്റർ, കവൻട്രി, ലണ്ടൺ റീജിയനുകളുടെ ആഭിമുഖ്യത്തിൽ മേഖല യുവജന കൺവൻഷനുകൾ സംഘടിപ്പിച്ചിരുന്നു. യുവജനവര്ഷത്തിന്റെ ആരംഭത്തിൽ തുടക്കം കുറിച്ച ‘കുരിശ്പ്രയാണം’ ഇപ്പോൾ ലീഡ്സ് മിഷനിലൂടെ കടന്നു പോകുന്നു.
വികാരി ജനറാൾ റെവ. ഫാ. സജിമോൻ മലയിൽപുത്തെൻപുരയിൽ, യൂത്ത് കമ്മീഷൻ ചെയർമാൻ റെവ. ഡോ. വർഗ്ഗീസ് പുത്തെൻപുരക്കൽ എന്നിവർ പരിപാടികളുടെ ഏകോപനം ക്രമീകരിക്കുമെന്നു, ഇതേക്കുറിച്ചു പുറത്തിറക്കിയ സർക്കുലറിൽ രൂപതാധ്യക്ഷൻ മാർ ജോസഫ് സ്രാമ്പിക്കൽ അറിയിച്ചു. രൂപതയുടെ കൂടുതൽ സ്ഥലങ്ങളിൽ എസ്. എം. വൈ. എം. രൂപീകരിക്കുന്നതിന് മുൻകൈ എടുക്കണമെന്ന് മാർ സ്രാമ്പിക്കൽ വൈദികരെയും വിശ്വാസികളെയും ഓർമ്മിപ്പിച്ചു.
ഫാ. ബിജു കുന്നയ്ക്കാട്ട് PRO
റോം: ഗ്രേറ്റ് ബ്രിട്ടൺ സീറോ മലബാർ രൂപതാധ്യക്ഷൻ മാർ ജോസഫ് സ്രാമ്പിക്കൽ പരിശുദ്ധ ഫ്രാൻസിസ് മാർപാപ്പയുമായി കൂടിക്കാഴ്ച നടത്തി. റോമിൽ വച്ച് നടന്ന, യൂറോപ്പിലുള്ള പൗരസ്ത്യ മെത്രാന്മാരുടെ സമ്മേളനത്തിലാണ് മാർ സ്രാമ്പിക്കൽ കത്തോലിക്കാസഭയുടെ പരമാധ്യക്ഷനായ ഫ്രാൻസിസ് മാർപാപ്പയെ കണ്ടത്. രൂപതയെക്കുറിച്ചു പരിശുദ്ധ പിതാവിനോട് സംസാരിച്ചെന്നും അദ്ദേഹത്തിന്റെ പ്രത്യേക ആശീർവാദം ഗ്രേറ്റ് ബ്രിട്ടൺ രൂപതയ്ക്ക് ലഭിച്ചെന്നും മാർ സ്രാമ്പിക്കൽ അറിയിച്ചു.
യൂറോപ്പിന്റെ വിവിധ ഭാഗങ്ങളിൽ ശുശ്രുഷചെയ്യുന്ന മെത്രാന്മാരെ പരിചയപ്പെടാനും സംസാരിക്കാനും അവസരം ലഭിച്ചതും ഏറെ അനുഗ്രഹപ്രദമായിരുന്നെന്നു മാർ സ്രാമ്പിക്കൽ പറഞ്ഞു.
ഫാ. ബിജു കുന്നയ്ക്കാട്ട് PRO
റാംസ്ഗേറ്റ്: ഗ്രേറ്റ് ബ്രിട്ടൺ സീറോ മലബാർ രൂപതയിൽ ശുശ്രുഷ ചെയ്യുന്ന എല്ലാ വൈദികരുടെയും സമ്മേളനം നാളെ മുതൽ റാംസ്ഗേറ്റിലുള്ള ഡിവൈൻ ധ്യാനകേന്ദ്രത്തിൽവച്ചു നടക്കും. തിങ്കളാഴ്ച ഉച്ചയ്ക്ക് 12: 30 ന് ആരംഭിക്കുന്ന സമ്മേളനം രൂപതാധ്യക്ഷൻ മാർ ജോസഫ് സ്രാമ്പിക്കൽ നിർവ്വഹിക്കും. രൂപതയുടെ വിവിധ ഇടവക, മിഷൻ, പ്രോപോസ്ഡ് മിഷൻ കേന്ദ്രങ്ങളിൽ ശുശ്രുഷചെയ്യുന്ന വൈദികർ മൂന്നു ദിവസത്തെ ഈ സമ്മേളനത്തിൽ സംബന്ധിക്കും.
അദിലാബാദ് രൂപതാ മെത്രാൻ മാർ പ്രിൻസ് ആൻ്റണി പാണേങ്ങാടൻ സമ്മേളനത്തിൽ ക്ളാസ്സുകൾ നയിക്കും. ബൈബിൾ വിജ്ഞാനീയത്തിൽ അഗാധ പാണ്ഡിത്യമുള്ള അദ്ദേഹത്തിന്റെ ക്ലാസുകൾ സമ്മേളനത്തിൽ പങ്കെടുക്കുന്നവർക്ക് മുതൽക്കൂട്ടാകും. അദിലാബാദ് രൂപതയുടെ മെത്രാനായി സ്ഥാനമേറ്റതുമുതൽ രൂപതയ്ക്ക് നവമായ മിഷൻ ചൈതന്യം പകർന്നുകൊടുക്കാൻ അദ്ദേഹത്തിന് സാധിച്ചിട്ടുണ്ട്. ഇക്കഴിഞ്ഞ കേരള മെത്രാൻ സിനഡിന് മുന്നോടിയായി മെത്രാന്മാരുടെ ധ്യാനം നയിച്ചതും മാർ പ്രിൻസ് ആൻ്റണി പാണേങ്ങാടാനായിരുന്നു.
സമ്മേളനത്തിൽ പങ്കെടുക്കാനെത്തുന്ന വൈദികർ, വി. കുർബാനയർപ്പണത്തിനാവശ്യമായ തങ്ങളുടെ തിരുവസ്ത്രങ്ങൾ കൊണ്ടുവരണമെന്ന് രൂപതാ പ്രോട്ടോ സിഞ്ചെല്ലൂസ് റെവ. ഡോ. ആൻ്റണി ചുണ്ടെലിക്കാട്ട് അറിയിച്ചു. വൈദികസമ്മേളനം നടക്കുന്ന ഈ ദിവസങ്ങളിൽ ദൈവജനം മുഴുവനും രൂപതയിലെ എല്ലാ വൈദികർക്കുമായി പ്രാർത്ഥിക്കണമെന്നു രൂപതാധ്യക്ഷൻ മാർ ജോസഫ് സ്രാമ്പിക്കൽ അഭ്യർത്ഥിച്ചു. സമ്മേളനം ബുധനാഴ്ച സമാപിക്കും. സമ്മേളനം നടക്കുന്ന റാംസ്ഗേറ്റ് ഡിവൈൻ ധ്യാനകേന്ദ്രത്തിൻറെ പോസ്റ്റ് കോഡ്: CT11 9PA.
ബെർമിങ്ഹാം : ഒക്ടോബർ മാസ രണ്ടാം ശനിയാഴ്ച്ച കൺവെൻഷൻ 12 ന് നടക്കുമ്പോൾ സ്ഥിരം വേദിയായ ബഥേൽ കൺവെൻഷൻ സെന്ററിന് പകരം സെന്റ് കാതറിൻ ഓഫ് സിയന വേദിയാകും. ഇത്തവണ കുട്ടികൾക്കൊഴികെയുള്ള ശുശ്രൂഷകൾ മലയാളത്തിൽ മാത്രമായിരിക്കും.
നവംബർ മാസം മുതൽ വീണ്ടും സ്ഥിരമായി ബഥേൽ സെന്ററിൽത്തന്നെ കൺവെൻഷൻ നടക്കും .
ആത്മാഭിഷേകം നിറയുന്ന ദൈവിക ശുശ്രൂഷകളുമായി , പ്രകടമായ അത്ഭുത അടയാളങ്ങളിലൂടെ , ആയിരങ്ങൾക്ക് ജീവിതനവീകരണവും , രോഗശാന്തിയും ,മാനസാന്തരവും പകർന്നുനൽകുന്ന കൺവെൻഷൻ ഇത്തവണ സെഹിയോൻ മിനിസ്ട്രിയുടെ പ്രമുഖ വചന പ്രഘോഷകൻ റവ. ഫാ.ഷൈജു നടുവത്താനിയിൽ നയിക്കും .അട്ടപ്പാടി സെഹിയോൻ ധ്യാനകേന്ദ്രത്തിലെ ഫാ. ഷിനോജ് കളരിക്കൽ , സെഹിയോൻ യുകെ യുടെ മുഴുവൻസമയ ശുശ്രൂഷകനും വചനപ്രഘോഷകനുമായ ബ്രദർ അനി ജോൺ എന്നിവരും വിവിധ ശുശ്രൂഷകൾ നയിക്കും. ഏറെ പുതുമകളോടെ കുട്ടികൾക്കും യുവതീ യുവാക്കൾക്കും പ്രത്യേക ശുശ്രൂഷകൾ ഉണ്ടായിരിക്കും. പ്രകടമായ അത്ഭുതങ്ങളും ദൈവിക അടയാളങ്ങളും, വിടുതലും സൗഖ്യവുമായി വ്യക്തികളിലും കുടുംബങ്ങളിലും ഈ കൺവെൻഷനിലൂടെ സാദ്ധ്യമാകുന്നു എന്നതിന് ഓരോതവണയും പങ്കുവയ്ക്കപ്പെടുന്ന നിരവധി വ്യത്യസ്തമാർന്ന അനുഭവ സാക്ഷ്യങ്ങൾ തെളിവാകുന്നു.
കഴിഞ്ഞ അനേക വർഷങ്ങളായി കുട്ടികൾക്കും യുവജനങ്ങൾക്കും വിശ്വാസജീവിതത്തിൽ വളരാനുതകുന്ന ക്രിസ്തീയ ജീവിതമൂല്യങ്ങൾ വിവിധശുശ്രൂഷകളിലൂടെ പകർന്നു നൽകാൻ സാധിക്കുന്നത് രണ്ടാംശനിയാഴ്ച കൺവെൻഷന്റെ പ്രധാന സവിശേഷതയാണ്.
ടീനേജുകാർക്കായി പ്രത്യേക പ്രോഗ്രാമോടുകൂടിയ കൺവെൻഷൻ നടക്കും.
കുട്ടികൾക്കായി ഓരോതവണയും ഇംഗ്ലീഷിൽ പ്രത്യേക കൺവെൻഷൻതന്നെ നടക്കുന്നു.അനേകം കുട്ടികളും കൗമാരപ്രായക്കാരുമാണ് ഓരോ രണ്ടാംശനിയാഴ്ച കൺവെൻഷനിലും മാതാപിതാക്കളോടോ മറ്റ് മുതിർന്നവർക്കൊപ്പമോ യു കെ യുടെ വിവിധ പ്രദേശങ്ങളിൽനിന്നായി എത്തിക്കൊണ്ടിരിക്കുന്നത്. കിംങ്ഡം റവലേറ്റർ എന്ന കുട്ടികൾക്കായുള്ള മാസിക ഓരോരുത്തർക്കും സൗജന്യമായി നൽകിവരുന്നു .ലിറ്റിൽ ഇവാഞ്ചലിസ്റ് പുതിയ ലക്കം ഇത്തവണയും ലഭ്യമാണ്.
കൺവെൻഷനിൽ കടന്നുവരുന്ന ഏതൊരാൾക്കും മലയാളത്തിലും ഇംഗ്ലീഷിലും , മറ്റു ഭാഷകളിലും കുമ്പസാരിക്കുന്നതിനും സ്പിരിച്വൽ ഷെയറിംങ്ങിനുമുള്ള സൌകര്യം ഉണ്ടായിരിക്കും.
വിവിധ പ്രായക്കാരായ ആളുകൾക്ക് ഇംഗ്ലീഷിലും മലയാളത്തിലുമുള്ള ബൈബിൾ, പ്രാർത്ഥനാ പുസ്തകങ്ങൾ , മറ്റ് പ്രസിദ്ധീകരണങ്ങൾ എന്നിവ കൺവെൻഷൻ സെന്ററിൽ ലഭ്യമാണ്.
പതിവുപോലെ രാവിലെ 8 ന് മരിയൻ റാലിയോടെ തുടങ്ങുന്ന കൺവെൻഷൻ 4 ന് ദിവ്യകാരുണ്യ പ്രദക്ഷിണത്തോടെ സമാപിക്കും.
കൺവെൻഷന്റെ ആത്മീയവിജയത്തിനായി പ്രാർത്ഥനാസഹായം അപേക്ഷിക്കുന്ന ഫാ.സോജി ഓലിക്കലും സെഹിയോൻ കുടുംബവും യേശുനാമത്തിൽ മുഴുവനാളുകളെയും 12 ന് രണ്ടാം ശനിയാഴ്ച ബർമിംങ്ഹാം സെന്റ് കാതറിൻ ഓഫ് സിയന ചർച്ചിലേയ്ക്ക് ക്ഷണിക്കുന്നു .
അഡ്രസ്സ് :
ST .CATHERINE OF SIENA CHURCH
69.IRVING ST.
BIRMINGHAM
B5 7BE
താഴെ പറയുന്നവയാണ് തൊട്ടടുത്തുള്ള കാർ പാർക്കിംങുകൾ ,
NCP CAR PARKING
BOW STREET,
B1 1DW ( £6.50 All day)
GALLON PARKING
THORP STREET
B1 1QP(£5 All day)
B5 6SD , HURST STREET (£4 All day).
കൂടുതൽ വിവരങ്ങൾക്ക് ;
ജോൺസൻ 07506 810177
അനീഷ്.07760254700
ബിജുമോൻ മാത്യു 07515 368239
യുകെ യുടെ വിവിധ പ്രദേശങ്ങളിൽനിന്നും ഏർപ്പെടുത്തിയിട്ടുള്ള കോച്ചുകളെയും മറ്റ് വാഹനങ്ങളെയുംപറ്റിയുള്ള പൊതുവിവരങ്ങൾക്ക്,
ബിജു എബ്രഹാം 07859 890267
ജോബി ഫ്രാൻസിസ് 07588 809478.
ഗ്രേറ്റ് ബ്രിട്ടൻ രൂപതയുടെ ആഭിമുഖ്യത്തിൽ മരിയൻ മിനിസ്റ്റ്രി നേത്രുത്വം നൽകുന്ന “മരിയൻ ഫസ്റ്റ് സാറ്റർഡേ ലണ്ടൻ റിട്രീറ്റും, വിമലഹൃദയ സമർപ്പണവും, വിമലഹ്രുദയ ജപമാലയും” ഒക്ടോബർ അഞ്ചാം തീയതി ലണ്ടനിൽ ഭക്ത്യാദരപൂർവ്വം നടത്തപ്പെടുന്നു.
മരിയൻ മിനിസ്റ്റ്രി സ്പിരിച്ചൽ ഡയറക്ടർ ബഹുമാനപ്പെട്ട ടോമി ഇടാട്ട് അച്ചനും സീറോ മലബാർ ചാപ്ലിൻമാരായ ജോസ് അന്തിയാംകുളം അച്ചനും, ബിനോയി നിലയാറ്റിങ്കലിനുമൊപ്പം മരിയൻ മിനിസ്റ്റ്രി ടീമും ആല്മീയ ശുശ്രൂഷകൾക്ക് നേത്രുത്വം നൽകും.
ഒക്ടോ 5 ന് ശനിയാഴ്ച രാവിലെ ഒൻപതിനു ആരംഭിച്ച് വൈകുന്നേരം മൂന്ന് മണിയോടെ സമാപിക്കുന്ന തരത്തിലാണ് ശുശ്രുഷകൾ ക്രമീകരിച്ചിരിക്കുന്നത്. കുട്ടികൾക്കായി പ്രത്യേകം ശുശ്രൂഷ ഉണ്ടായിരിക്കുന്നതാണ്.
മരിയൻ ആദ്യ ശനിയാഴ്ച ശുശ്രുഷകളെപ്പറ്റി കൂടുതൽ വിവരങ്ങൾക്ക് ബ്രദർ ചെറിയാൻ സാമുവേൽ ( 07460 499931) ജിജി രാജൻ (07865 080689) എന്നിവരുമായി ബന്ധപ്പെടാവുന്നതാണ്.
പള്ളിയുടെ വിലാസം.
St.Teresa of The Child Jesus Catholic Church, Weldon Way, Merstham, Redhill, Surrey, RH1 3QA
ഈശോയിൽ സ്നേഹമുള്ളവരെ,
” മറിയം പറഞ്ഞു: എന്റെ ആത്മാവ് കർത്താവിനെ മഹത്വപ്പെടുത്തുന്നു. എന്റെ ചിത്തം എന്റെ രക്ഷകനായ കർത്താവിൽ ആനന്ദിക്കുന്നു.
അവിടുന്ന് തന്റെ ദാസിയുടെ താഴ്മയെ കടാക്ഷിച്ചു.ഇപ്പോൾ മുതൽ സകല തലമുറകളും എന്നെ ഭാഗ്യവതി എന്ന് പ്രക കീർത്തിക്കും(ലൂക്കാ: 1:46-48). ഈ തിരുവചനം വഴി ദൈവഹിതത്തിന് തന്നെത്തന്നെ സമർപ്പിച്ച പരിശുദ്ധ ദൈവമാതാവിന്റെയും ദൈവഹിതത്തായി ജീവിതം സമർപ്പിച്ച ബ്ലസ്സഡ് കുഞ്ഞച്ചന്റെയും തിരുനാൾ 2019 സെപ്റ്റംബർ 27, 28, 29 (വെള്ളി, ശനി, ഞായർ) തീയതികളിൽ ഭക്തിനിർഭരമായി ആഘോഷിക്കുന്ന വിവരം സസന്തോഷം അറിയിക്കുന്നു.തിരുനാൾ തിരുക്കർമ്മങ്ങളിൽ പങ്കെടുത്ത് ധാരാളം ദൈവാനുഗ്രഹങ്ങൾ പ്രാപിക്കുവാൻ ഏവരേയും ഏറ്റവും സേനഹത്തോടെ ക്ഷണിക്കുന്നു.
എന്ന് പള്ളി കമ്മറ്റിക്കു വേണ്ടി,
റവ.ഫാ. ജോസ് അന്ത്യാം കുളം MCBS.
ട്രസ്റ്റീസ് & കമ്മറ്റി അംഗങ്ങളും, പ്രസുദേന്തിമാരും.
തിരുനാൾ തിരുക്കർമ്മങ്ങൾ
സെപ്റ്റംബർ 27, വെള്ളി
07.00 pm : കൊടിയേറ്റ്
തിരുസ്വരൂപം വെഞ്ചരിപ്പ്
വി. കുർബ്ബാന (മരിച്ചവരുടെ ഓർമ്മയ്ക്ക് )
(റവ.ഫാ.ജോസ് അന്ത്യാം കുളം MCBS, പ്രിസ്റ്റ് ഇൻ ചാർജ്ജ് സെ.മേരീസ് & ബ്ലസ്സ് കുഞ്ഞച്ചൻ മിഷൻ )
നിത്യ സഹായമാതാവിന്റെ നോവേന, ലദീഞ്ഞ്, എണ്ണ നേർച്ച.
സെപ്റ്റംബർ 28, ശനി
02.30 pm : വിശുദ്ധ കുർബ്ബാന
റവ.ഫാ. ടോമി എടാട്ട്
നിത്യസഹായ മാതാവിന്റെ നോവേന, ലദീഞ്ഞ്, എണ്ണ നേർച്ച.
5.00 pm ചായ സൽക്കാരം
5.30 pm – 8.30pm കലാപരിപാടികകളും, കാർഷിക ലേലം, സൺഡേ സ്കൂൾ കുട്ടികൾക്കുള്ള സമ്മാനദാനവും.
8.45 pm സ്നേഹവിരുന്ന്.
സെപ്റ്റംബർ 29, ഞായർ
02.30 pm : ആഘോഷമായ തിരുനാൾ റാസാ കുർബ്ബാന (റവ.ഫാ.സെബാസ്റ്റ്യൻ ചാമക്കാലാ, കോഓർഡിനേറ്റർ ലണ്ടൻ റീജിയൻ).
തിരുനാൾ സന്ദേശം, ലദീഞ്ഞ്.
4.30 പ്രദക്ഷിണം
6.30 pm ചായ സൽക്കാരം
കുറിപ്പ്:-
തിരുനാൾ ദിവസങ്ങളിൽ അടിമവയ്ക്കുന്നതിനും കഴുന്ന് എഴുന്നള്ളിക്കുന്നതിനും ഉള്ള സൗകര്യം ഉണ്ടായിരിക്കുന്നതാണ്.
ഈശോയിൽ സ്നേഹമുള്ളവരെ,
” മറിയം പറഞ്ഞു: എന്റെ ആത്മാവ് കർത്താവിനെ മഹത്വപ്പെടുത്തുന്നു. എന്റെ ചിത്തം എന്റെ രക്ഷകനായ കർത്താവിൽ ആനന്ദിക്കുന്നു.
അവിടുന്ന് തന്റെ ദാസിയുടെ താഴ്മയെ കടാക്ഷിച്ചു.ഇപ്പോൾ മുതൽ സകല തലമുറകളും എന്നെ ഭാഗ്യവതി എന്ന് പ്രക കീർത്തിക്കും(ലൂക്കാ: 1:46-48). ഈ തിരുവചനം വഴി ദൈവഹിതത്തിന് തന്നെത്തന്നെ സമർപ്പിച്ച പരിശുദ്ധ ദൈവമാതാവിന്റെയും ദൈവഹിതത്തായി ജീവിതം സമർപ്പിച്ച ബ്ലസ്സഡ് കുഞ്ഞച്ചന്റെയും തിരുനാൾ 2019 സെപ്റ്റംബർ 27, 28, 29 (വെള്ളി, ശനി, ഞായർ) തീയതികളിൽ ഭക്തിനിർഭരമായി ആഘോഷിക്കുന്ന വിവരം സസന്തോഷം അറിയിക്കുന്നു.
തിരുനാൾ തിരുക്കർമ്മങ്ങളിൽ പങ്കെടുത്ത് ധാരാളം ദൈവാനുഗ്രഹങ്ങൾ പ്രാപിക്കുവാൻ ഏവരേയും ഏറ്റവും സേനഹത്തോടെ ക്ഷണിക്കുന്നു.
എന്ന് പള്ളി കമ്മറ്റിക്കു വേണ്ടി,
റവ.ഫാ. ജോസ് അന്ത്യാം കുളം MCBS.
ട്രസ്റ്റീസ് & കമ്മറ്റി അംഗങ്ങളും, പ്രസുദേന്തിമാരും.
തിരുനാൾ തിരുക്കർമ്മങ്ങൾ
സെപ്റ്റംബർ 27, വെള്ളി
07.00 pm : കൊടിയേറ്റ്
തിരുസ്വരൂപം വെഞ്ചരിപ്പ്
വി. കുർബ്ബാന (മരിച്ചവരുടെ ഓർമ്മയ്ക്ക് )
(റവ.ഫാ.ജോസ് അന്ത്യാം കുളം MCBS, പ്രിസ്റ്റ് ഇൻ ചാർജ്ജ് സെ.മേരീസ് & ബ്ലസ്സ് കുഞ്ഞച്ചൻ മിഷൻ )
നിത്യ സഹായമാതാവിന്റെ നോവേന, ലദീഞ്ഞ്, എണ്ണ നേർച്ച.
സെപ്റ്റംബർ 28, ശനി
02.30 pm : വിശുദ്ധ കുർബ്ബാന
റവ.ഫാ. ടോമി എടാട്ട്
നിത്യസഹായ മാതാവിന്റെ നോവേന, ലദീഞ്ഞ്, എണ്ണ നേർച്ച.
5.00 pm ചായ സൽക്കാരം
5.30 pm – 8.30pm കലാപരിപാടികകളും, കാർഷിക ലേലം, സൺഡേ സ്കൂൾ കുട്ടികൾക്കുള്ള സമ്മാനദാനവും.
8.45 pm സ്നേഹവിരുന്ന്.
സെപ്റ്റംബർ 29, ഞായർ
02.30 pm : ആഘോഷമായ തിരുനാൾ റാസാ കുർബ്ബാന (റവ.ഫാ.സെബാസ്റ്റ്യൻ ചാമക്കാലാ, കോഓർഡിനേറ്റർ ലണ്ടൻ റീജിയൻ).
തിരുനാൾ സന്ദേശം, ലദീഞ്ഞ്.
4.30 പ്രദക്ഷിണം
6.30 pm ചായ സൽക്കാരം
കുറിപ്പ്:-
തിരുനാൾ ദിവസങ്ങളിൽ അടിമവയ്ക്കുന്നതിനും കഴുന്ന് എഴുന്നള്ളിക്കുന്നതിനും ഉള്ള സൗകര്യം ഉണ്ടായിരിക്കുന്നതാണ്.
സീറോ മലങ്കര കത്തോലിക്കാ സഭ യു. കെ. റീജിയന്റെ ഈ വർഷത്തെ വാൽസിങ്ഹാം മരിയൻ വാർഷിക തീർഥാടനവും , 89 മത് പുനരൈക്യ വാർഷികവും മലങ്കര കത്തോലിക്കാ സഭയുടെ തലവനും പിതാവുമായ അഭിവന്ദ്യ കർദിനാൾ ബസേലിയോസ് ക്ളീമിസ് കാതോലിക്കബാവ നയിക്കും.
യു.കെ യിലെ പതിനാറ് മിഷനുകൾ ഒത്തുചേരുന്ന തീർത്ഥാടനത്തിനും പുനരൈക്യ വാർഷിക ആഘോഷങ്ങൾക്കുമുള്ള ഒരുക്കങ്ങൾ പൂർത്തിയായി. സെപ്റ്റംബർ 28 ശനിയാഴ്ച ഉച്ചക്ക് 11ന് ലിറ്റിൽ വാൽസിങ്ഹാമിലെ ഫ്രൈഡേ മാർക്കറ്റ് മംഗളവാർത്ത ദേവാലയത്തിൽ പ്രാരംഭപ്രാർത്ഥനയോടെയും ധ്യാനചിന്തയോടെയും തീർത്ഥാടനത്തിന് തുടക്കം കുറിക്കും.
തുടർന്ന് പരിശുദ്ധ മാതാവിന്റെ തിരുസ്വരൂപവും വഹിച്ചുകൊണ്ടുള്ള ഭക്തിസാന്ദ്രമായ തീർത്ഥാടനപദയാത്രയിൽ യു. കെ റീജിയനിലെ മലങ്കര സഭയുടെ 16 മിഷൻ കേന്ദ്രങ്ങളിൽ നിന്നുള്ള എല്ലാ കുടുംബങ്ങളും പങ്കെടുക്കും. പിതൃവേദി, മാതൃവേദി, എം.സി. വൈ. എം തുടങ്ങിയ ഭക്ത സംഘടനകളിലെ അംഗങ്ങളും മതബോധന വിദ്യാർത്ഥികൾ, അദ്ധ്യാപകർ എന്നിവരും വിശ്വാസികൾക്കൊപ്പം സജീവമായി അണിചേരും. നൂറ്റാണ്ടുകളായി അനേകലക്ഷം തീർത്ഥാടകർ നഗ്നപാദരായി സഞ്ചരിക്കുന്ന ഹോളി മൈലിലൂടെ തന്നെയാണ് മലങ്കര സഭയുടെ തീർഥാടനവും ക്രമീകരിച്ചിരിക്കുന്നത്. ജപമാല പ്രാർത്ഥനകൾ ഉരുവിട്ടും, മാതൃ ഗീതങ്ങളും, പുനരൈക്യ ഗാനങ്ങളും ആലപിച്ചും വാൽസിംഗാമിലെ റോമൻ കാതോലിക് നാഷണൽ ഷ്റൈനിൽ എത്തിച്ചേരുന്ന തീർത്ഥാടനത്തെയും, കർദ്ദിനാൾ ക്ളീമിസ് കാതോലിക്കാ ബാവയെയും, വൈസ് റെക്ടർ മോൺ ജോൺ അമിറ്റേജിന്റെ നേതൃത്വത്തിലുള്ള സ്വാഗതസംഘം ബസലിക്കയിലേക്കു സ്വീകരിച്ചാനയിക്കും.
2 മണിക്കുള്ള ആഘോഷമായ വിശുദ്ധ കുർബാനയിൽ കർദിനാൾ ക്ളീമിസ് കാതോലിക്ക ബാവ മുഖ്യ കാർമ്മികത്വം വഹിക്കും.
യു.കെ റീജിയൻ കോർഡിനേറ്റർ ഫാ. തോമസ് മടുക്കമൂട്ടിൽ, ചാപ്ലെയിൻമാരായ ഫാ.രഞ്ജിത് മടത്തിറമ്പിൽ , ഫാ. ജോൺ അലക്സ്, ഫാ. ജോൺസൻ മനയിൽ എന്നിവർ ശുശ്രൂഷകളിൽ സഹകാർമ്മികരാകും.
പുനരൈക്യത്തിന്റെ 89മത് വാർഷികവേളയിൽ ഇത്രത്തോളം സഭയെ വഴിനടത്തിയ ദൈവകൃപക്ക് സഭാ തലവനോടൊപ്പം ചേർന്നു നന്ദി പറയാൻ അവസരം ലഭിക്കുന്ന സന്തോഷത്തിലാണ് യു.കെയിലെ മലങ്കര സഭ .
സഭയുടെ യു.കെ കോർഡിനേറ്റർ ഫാ.തോമസ് മടുക്കമൂട്ടിലിന്റെ നേതൃത്വതിലുള്ള വൈദികരും, നാഷണൽ കൗണ്സിൽ അംഗങ്ങളും മിഷൻ ഭാരവാഹികളും അടങ്ങുന്ന സംഘാടക സമിതിയാണ് ഒരുക്കങ്ങൾക്ക് ചുക്കാൻ പിടിക്കുന്നത്.
തീർത്ഥാടകർക്കായി നാടൻ ഉച്ചഭക്ഷണവും,പാനീയങ്ങളും ലഭ്യമാണ്.
കൂടുതൽ വിവരങ്ങൾക്ക് സീറോമലങ്കര ചർച്ച് യു.കെ എന്ന വെബ്സൈറ്റ് സന്ദർശിക്കുകയോ , മിഷൻ കേന്ദ്രങ്ങളുമായി ബന്ധപ്പെടുകയോ ചെയ്യുക.
