വാറ്റ്ഫോര്ഡില് മേയ് 3 വെള്ളിയാഴ്ച്ച വൈകിട്ടു 6.30ന് സംഗീത സായാഹ്നം ഡോക്ടര് ബ്ലസ്സന് & ഡന്സില് വില്സ്സന് ടീമിന്റെ നേതൃത്വത്തിലാണ് പരിപാടി നടത്തപ്പെടുന്നത്. കേരളത്തില് നിന്നും വന്നിരിക്കുന്ന ഡോക്ടര് ബ്ലസ്സന് മേമന ക്രിസ്തീയ ലോകത്തില് അനേക ഗാനങ്ങള് രചിക്കുകയും, പാട്ടുകള്ക്കു ഈണം നല്കുകയും ചെയ്തിട്ടുള്ള വ്യക്തിയാണ്. നല്ലൊരു ഗായകന് കൂടിയായി ഇദ്ദേഹം ഇന്ത്യ ഉള്പ്പെടെയുള്ള അനേക രാജ്യങ്ങളില് നടക്കുന്ന കണ്വെന്ഷന് യോഗങ്ങളില് ആരാധനയ്ക്ക് നേതൃത്വം കൊടുക്കുകയും ചെയ്യുന്നു.
കൂടുതല് വിവരങ്ങള്ക്കു ബന്ധപ്പെടുക
ജോണ്സണ് ജോര്ജ്ജു: 07852304150
ഹൈന്സില് ജോര്ജ്ജു: 07985581109
പ്രിന്സ് യോഹന്നാന്: 07404821143
വിലാസം
Trinity Methodist Church,
Whippendle Road,
WD187NN,
Watford, Hertfordshire.
പ്രവേശനം സൗജന്യമാണ്.
ന്യൂസ് ഡെസ്ക്
ബ്രിട്ടണില് ചാരിറ്റിയായി രജിസ്റ്റര് ചെയ്തു പ്രവര്ത്തിക്കുന്ന കാത്തലിക് സീറോ മലബാര് എപ്പാര്ക്കി ഓഫ് ഗ്രേറ്റ് ബ്രിട്ടണ് അതിന്റെ ആദ്യ സാമ്പത്തിക വര്ഷത്തെ അക്കൗണ്ട് ചാരിറ്റി കമ്മീഷനില് പ്രസിദ്ധീകരിച്ചു. മറ്റു സഭകള്ക്ക് മാതൃകയാക്കാവുന്ന സുതാര്യമായ പ്രവര്ത്തനമാണ് എപ്പാര്ക്കി കാഴ്ചവയ്ക്കുന്നത്. കൃത്യതയോടെ സുതാര്യമായ രീതിയില് ഉത്തരവാദിത്വപൂര്ണമായ പ്രവര്ത്തനം നടത്തണമെന്ന് എപ്പാര്ക്കിയുടെ ഫിനാന്സ് കൗണ്സില് ഗൈഡ് ലൈന് പുറപ്പെടുവിച്ചുകൊണ്ട് 2018 മാര്ച്ച് 19 ലെ സര്ക്കുലറിലൂടെ സീറോ മലബാര് എപ്പാര്ക്കിയുടെ രൂപതാദ്ധ്യക്ഷന് മാര് ജോസഫ് സ്രാമ്പിക്കല് നിര്ദ്ദേശിച്ചിരുന്നു.
ചാരിറ്റി കമ്മീഷനില് 1173537 നമ്പരായി രജിസ്റ്റര് ചെയ്യപ്പെട്ടിരിക്കുന്ന കാത്തലിക് സീറോ മലബാര് എപ്പാര്ക്കി ഓഫ് ഗ്രേറ്റ് ബ്രിട്ടന് നിലവില് നാല് ട്രസ്റ്റിമാരാണുള്ളത്. ബിഷപ്പ് ബെന്നി മാത്യു (മാര് ജോസഫ് സ്രാമ്പിക്കല്), റവ. മാത്യു ജേക്കബ്, റവ. സജിമോന് കുരിയാക്കോസ്, റവ. തോമസ് പാറയടിയില് തോമസ് എന്നിവരാണ് ട്രസ്റ്റിമാര്. 2018 ജൂണ് 30 വരെയുള്ള സാമ്പത്തിക വിവരങ്ങളാണ് ചാരിറ്റി കമ്മീഷന് സമര്പ്പിച്ചത്. ഇതനുസരിച്ച് 839,903 പൗണ്ടാണ് വരുമാനമായി ലഭിച്ചത്. 800 വോളണ്ടിയര്മാരും ഒരു സ്റ്റാഫും ഉള്ള ചാരിറ്റിയ്ക്ക് സ്വന്തം ഉപയോഗത്തിനായുള്ള സ്ഥാവരജംഗമ വസ്തുക്കളുടെ മൂല്യമായി 252,397 പൗണ്ടും മറ്റു സ്ഥാവരജംഗമ വസ്തുക്കളുടെ മൂല്യമായി 414,190 പൗണ്ടും കണക്കാക്കിയിട്ടുണ്ട്.
കാത്തലിക് സീറോ മലബാര് എപ്പാര്ക്കി ഓഫ് ഗ്രേറ്റ് ബ്രിട്ടന്റെ ജൂണ് 30, 2018 വരെയുള്ള അക്കൗണ്ട്.
ചാരിറ്റി പ്രവര്ത്തനങ്ങള്ക്കായി 241,849 പൗണ്ട് ചിലവഴിച്ചു. ഭാവിയിലെ പ്രവര്ത്തനങ്ങള്ക്കായി ചിലവുകള്ക്ക് ശേഷം 598,414 പൗണ്ട് കൈവശം ഉണ്ടെന്നും കണക്കുകള് വ്യക്തമാക്കുന്നു. നിലവില് എപ്പാര്ക്കിയ്ക്ക് ലഭിച്ചുകൊണ്ടിരിക്കുന്ന വരുമാനത്തിന്റെ തോതനുസരിച്ച് (ക്യാഷ് ഫ്ളോ) എപ്പാര്ക്കിയുടെ വളര്ച്ചയ്ക്ക് തടസമാകുന്ന രീതിയിലുള്ള റിസ്കുകള് കുറവാണെന്ന് റിപ്പോര്ട്ട് വിലയിരുത്തുന്നു. ഭാവി പ്രവര്ത്തനങ്ങള് മുന്നോട്ട് കൊണ്ടുപോകാനുള്ള റിസോഴ്സുകള് എപ്പാര്ക്കിയ്ക്കുണ്ട്. എന്നാല് വിവിധ കുര്ബാന സെന്ററുകളില് സേവനമനുഷ്ഠിക്കാന് ആവശ്യമായ ക്ളെര്ജിമാരെ ലഭിക്കാത്തത് ബുദ്ധിമുട്ടുണ്ടാക്കുന്നുണ്ട്. മറ്റു സഭകള്ക്കും മാതൃകയാക്കാവുന്ന സുതാര്യമായ പ്രവര്ത്തനങ്ങളുമായാണ് എപ്പാര്ക്കി മുന്നോട്ട് പോവുന്നത്.
ഫാ. ബിജു കുന്നയ്ക്കാട്ട് PRO
ലെസ്റ്റര്: മിഡ്ലാന്ഡ്സിലെ പ്രധാന മലയാളി-ക്രൈസ്തവ കേന്ദ്രമായ ലെസ്റ്ററില് സീറോ മലബാര് മിഷന് ഔദ്യോഗികമായി ഉദ്ഘാടനം ചെയ്യപ്പെട്ടു. ഭാരത ക്രൈസ്തവര് തങ്ങളുടെ വിശ്വാസപിതാവായ മാര് തോമാശ്ലീഹായുടെ പുതുഞായര് തിരുനാളായി ആചരിച്ച ഏപ്രില് 28 ന് ലെസ്റ്റര് മദര് ഓഫ് ഗോഡ് ദൈവാലയത്തിലാണ് പുതിയ മിഷന് ഉദ്ഘാടനം ചെയ്യപ്പെട്ടത്. ഗ്രേറ്റ് ബ്രിട്ടണ് സീറോ മലബാര് രൂപതാധ്യക്ഷന് മാര് ജോസഫ് സ്രാമ്പിക്കലും ലെസ്റ്റര് പ്രദേശമുള്ക്കൊള്ളുന്ന നോട്ടിംഗ്ഹാം രൂപതയുടെ അധ്യക്ഷന് ബിഷപ്പ് പാട്രിക് മക്കിനിയും തിരുക്കര്മ്മങ്ങള്ക്ക് മുഖ്യകാര്മ്മികത്വം വഹിച്ചു. നോട്ടിംഗ്ഹാം, ഗ്രേറ്റ് ബ്രിട്ടണ് രൂപതകളിലെ നിരവധി വൈദികരും വന് ജനാവലിയും ചരിത്രനിമിഷങ്ങള്ക്കു സാക്ഷികളായി.
തിരുക്കര്മ്മങ്ങള്ക്ക് മുന്പായി പ്രധാനകാര്മ്മികരെയും മറ്റു വിശിഷ്ടതിഥികളെയും ദേവാലയത്തിലേക്കു സ്വീകരിച്ചാനയിച്ചു. ഉച്ചകഴിഞ്ഞു നാല് മണിക്ക് ദൈവാലയത്തിലാരംഭിച്ച തിരുക്കര്മ്മങ്ങളുടെ തുടക്കത്തില് ഗ്രേറ്റ് രൂപത വികാരി ജനറാളും ലെസ്റ്റര് മിഷന് ഡിറ്റക്ടറുമായ റെവ. ഫാ. ജോര്ജ് ചേലക്കല് സ്വാഗതമാശംസിച്ചു. തുടര്ന്ന് പുതിയ സീറോ മലബാര് മിഷന് സ്ഥാപിച്ചുകൊണ്ടുള്ള രൂപതാധ്യക്ഷന്റെ കല്പന പ്രോട്ടോസിഞ്ചെല്ലൂസ് റെവ. ഡോ. ആന്റണി ചുണ്ടെലിക്കാട്ട് വായിച്ചപ്പോള് വിശ്വാസികള് ആദരപൂര്വം എഴുന്നേറ്റുനിന്നു. തുടര്ന്ന് കാഴ്ചവസ്തുക്കളുടെ സ്വീകരണവും ആഘോഷമായ വി. കുര്ബാനയും നടന്നു.
വി. കുര്ബാനയില് മാര് ജോസഫ് സ്രാമ്പിക്കല് മുഖ്യകാര്മ്മികനായി. വി. കുര്ബാനയില് ഗീതങ്ങള് മലയാളത്തിലും പ്രാര്ത്ഥനകളും വായനകളും ഇംഗ്ലീഷിലുമായിരുന്നു. ബിഷപ്പ് പാട്രിക് മക്കിനി തിരുവചനവായനക്കു ശേഷം വചനസന്ദേശം നല്കി. സീറോ മലബാര് വിശ്വാസികളുടെ ആത്മീയ തീക്ഷ്ണതയെക്കുറിച്ചും പ്രാര്ത്ഥനാതാല്പര്യത്തെക്കുറിച്ചും അദ്ദേഹം സന്തുഷ്ടി പ്രകടിപ്പിച്ചു. സംശയിക്കുന്ന തോമസില് നിന്ന് വിശ്വാസപ്രഖ്യാപനം നടത്തുന്ന തോമസിലേക്കു മാറാന് കാരണമാക്കിയത് ഈശോയെ തൊട്ടറിയാനുള്ള അവസരമായിരുന്നെന്ന് ബിഷപ്പ് അനുസ്മരിച്ചു. വി. കുര്ബാനയില് ഈശോയെ തൊടുന്ന നമ്മളും തോമസിനെപ്പോലെ ഈശോയിലുള്ള അടിയുറച്ച വിശ്വാസത്തിലേക്ക് വരണമെന്ന് അദ്ദേഹം ആഹ്വാനം ചെയ്തു. തന്റെ മെത്രാഭിഷേകാദിനം തോമാശ്ലീഹായുടെ തിരുനാള് ദിവസമായ ജൂലൈ 3 ആയതിനാല്, തനിക്കും തോമാശ്ലീഹായോടു വലിയ ആത്മീയ അടുപ്പമുണ്ടന്നും അദ്ദേഹം കൂട്ടിച്ചേര്ത്തു.
വി. കുര്ബാനയുടെ സമാപനത്തില് രണ്ടു മെത്രാന്മാര്ക്കും ഇടവകയുടെ ഉപഹാരങ്ങള് സമ്മാനിച്ചു. ബിഷപ്പ് പാട്രിക്കിന്റെ സ്നേഹത്തിനും സന്മനസ്സിനും മാര് ജോസഫ് സ്രാമ്പിക്കല് നന്ദി പ്രകാശിപ്പിച്ചു. ബിഷപ്പ് പാട്രിക്കിന് റെവ. ഫാ. ജോര്ജ് ചേലക്കലും, മാര് സ്രാമ്പിക്കലിന് ദൈവജനത്തിന്റെ പ്രതിനിധിയായി സോബിയും ഉപഹാരങ്ങള് കൈമാറി. ഇടവകയുടെ പ്രതിനിധിയായി മി. ബാബുരാജ് ജോസഫ് എല്ലാവര്ക്കും നന്ദി പ്രകാശിപ്പിച്ചു. കമനീയമായി അലങ്കരിച്ചിരുന്ന ദൈവാലയത്തിലെ തിരുക്കര്മ്മങ്ങള്ക്ക് ഗായകസംഘത്തിന്റെ ശ്രുതിമധുരമായ ആലാപനം സ്വര്ഗീയ അന്തരീക്ഷം പ്രദാനം ചെയ്തു.
തുടര്ന്ന് പാരിഷ് ഹാളില് മിഷന്റെ പുതിയ വെബ്സൈറ്റ് ഉദ്ഘാടനം മാര് ജോസഫ് സ്രാമ്പിക്കല് നിര്വഹിച്ചു. തിരുക്കര്മ്മങ്ങള്ക്കായി ഒരുക്കങ്ങള് നടത്തിയവരെ രൂപതാധ്യക്ഷന് സമ്മാനങ്ങള് നല്കി ആദരിച്ചു. എല്ലാവര്ക്കുമായി സ്നേഹവിരുന്നും ഒരുക്കിയിരുന്നു.
ഗ്രേറ്റ് ബ്രിട്ടണ് സീറോ മലബാര് രൂപത പ്രോട്ടോസിഞ്ചെല്ലൂസ് റെവ. ഡോ. ആന്റണി ചുണ്ടെലിക്കാട്ട്, വികാരി ജനറാള് റെവ. ഫാ. ജിനോ അരീക്കാട്ട് ങഇആട, ലെസ്റ്റര് ഡീനറി ഡീന് റെവ. ജോണ് ഹാര്ഡി, സെക്രട്ടറി റെവ. ഫാ. ഫാന്സ്വാ പത്തില് തുടങ്ങിയവരും ഗ്രേറ്റ് ബ്രിട്ടണ് രൂപതയിലും നോട്ടിംഗ്ഹാം രൂപതയിലെ ശുശ്രുഷ ചെയ്യുന്ന നിരവധി മറ്റു വൈദികരും തിരുക്കര്മ്മങ്ങളില് സഹകാര്മികരായി. ലെസ്റ്ററിലും പരിസരപ്രദേശങ്ങളിലും നിന്ന് വലിയ വിശ്വാസിസമൂഹവും തിരുക്കര്മ്മങ്ങളില് പ്രാര്ത്ഥനാപൂര്വ്വം പങ്കുചേര്ന്നു.
ഫാ. ബിജു കുന്നയ്ക്കാട്ട് PRO
ലെസ്റ്റർ: മിഡ്ലാൻഡ്സിലെ പ്രധാന മലയാളി-ക്രൈസ്തവ കേന്ദ്രമായ ലെസ്റ്ററിൽ സീറോ മലബാർ മിഷൻ ഔദ്യോഗികമായി ഉദ്ഘാടനം ചെയ്യപ്പെട്ടു. ഭാരത ക്രൈസ്തവർ തങ്ങളുടെ വിശ്വാസപിതാവായ മാർ തോമാശ്ലീഹായുടെ പുതുഞായർ തിരുനാളായി ആചരിച്ച ഏപ്രിൽ 28 ന് ലെസ്റ്റർ മദർ ഓഫ് ഗോഡ് ദൈവാലയത്തിലാണ് പുതിയ മിഷൻ ഉദ്ഘാടനം ചെയ്യപ്പെട്ടത്. ഗ്രേറ്റ് ബ്രിട്ടൺ സീറോ മലബാർ രൂപതാധ്യക്ഷൻ മാർ ജോസഫ് സ്രാമ്പിക്കലും ലെസ്റ്റർ പ്രദേശമുൾക്കൊള്ളുന്ന നോട്ടിംഗ്ഹാം രൂപതയുടെ അധ്യക്ഷൻ ബിഷപ്പ് പാട്രിക് മക്കിനിയും തിരുക്കർമ്മങ്ങൾക്ക് മുഖ്യകാർമ്മികത്വം വഹിച്ചു. നോട്ടിംഗ്ഹാം, ഗ്രേറ്റ് ബ്രിട്ടൺ രൂപതകളിലെ നിരവധി വൈദികരും വൻ ജനാവലിയും ചരിത്രനിമിഷങ്ങൾക്കു സാക്ഷികളായി.
തിരുക്കർമ്മങ്ങൾക്ക് മുൻപായി പ്രധാനകാർമ്മികരെയും മറ്റു വിശിഷ്ടതിഥികളെയും ദേവാലയത്തിലേക്കു സ്വീകരിച്ചാനയിച്ചു. ഉച്ചകഴിഞ്ഞു നാല് മണിക്ക് ദൈവാലയത്തിലാരംഭിച്ച തിരുക്കർമ്മങ്ങളുടെ തുടക്കത്തിൽ ഗ്രേറ്റ് രൂപത വികാരി ജനറാളും ലെസ്റ്റർ മിഷൻ ഡിറ്റക്ടറുമായ റെവ. ഫാ. ജോർജ് ചേലക്കൽ സ്വാഗതമാശംസിച്ചു. തുടർന്ന് പുതിയ സീറോ മലബാർ മിഷൻ സ്ഥാപിച്ചുകൊണ്ടുള്ള രൂപതാധ്യക്ഷന്റെ കല്പന പ്രോട്ടോസിഞ്ചെല്ലൂസ് റെവ. ഡോ. ആൻ്റണി ചുണ്ടെലിക്കാട്ട് വായിച്ചപ്പോൾ വിശ്വാസികൾ ആദരപൂർവം എഴുന്നേറ്റുനിന്നു. തുടർന്ന് കാഴ്ചവസ്തുക്കളുടെ സ്വീകരണവും ആഘോഷമായ വി. കുർബാനയും നടന്നു.
വി. കുർബാനയിൽ മാർ ജോസഫ് സ്രാമ്പിക്കൽ മുഖ്യകാർമ്മികനായി. വി. കുർബാനയിൽ ഗീതങ്ങൾ മലയാളത്തിലും പ്രാർത്ഥനകളും വായനകളും ഇംഗ്ലീഷിലുമായിരുന്നു. ബിഷപ്പ് പാട്രിക് മക്കിനി തിരുവചനവായനക്കു ശേഷം വചനസന്ദേശം നൽകി. സീറോ മലബാർ വിശ്വാസികളുടെ ആത്മീയ തീക്ഷ്ണതയെക്കുറിച്ചും പ്രാർത്ഥനാതാല്പര്യത്തെക്കുറിച്ചും അദ്ദേഹം സന്തുഷ്ടി പ്രകടിപ്പിച്ചു. സംശയിക്കുന്ന തോമസിൽ നിന്ന് വിശ്വാസപ്രഖ്യാപനം നടത്തുന്ന തോമസിലേക്കു മാറാൻ കാരണമാക്കിയത് ഈശോയെ തൊട്ടറിയാനുള്ള അവസരമായിരുന്നെന്ന് ബിഷപ്പ് അനുസ്മരിച്ചു. വി. കുർബാനയിൽ ഈശോയെ തൊടുന്ന നമ്മളും തോമസിനെപ്പോലെ ഈശോയിലുള്ള അടിയുറച്ച വിശ്വാസത്തിലേക്ക് വരണമെന്ന് അദ്ദേഹം ആഹ്വാനം ചെയ്തു. തൻ്റെ മെത്രാഭിഷേകാദിനം തോമാശ്ലീഹായുടെ തിരുനാൾ ദിവസമായ ജൂലൈ 3 ആയതിനാൽ, തനിക്കും തോമാശ്ലീഹായോടു വലിയ ആത്മീയ അടുപ്പമുണ്ടന്നും അദ്ദേഹം കൂട്ടിച്ചേർത്തു.
വി. കുർബാനയുടെ സമാപനത്തിൽ രണ്ടു മെത്രാന്മാർക്കും ഇടവകയുടെ ഉപഹാരങ്ങൾ സമ്മാനിച്ചു. ബിഷപ്പ് പാട്രിക്കിന്റെ സ്നേഹത്തിനും സന്മനസ്സിനും മാർ ജോസഫ് സ്രാമ്പിക്കൽ നന്ദി പ്രകാശിപ്പിച്ചു. ബിഷപ്പ് പാട്രിക്കിന് റെവ. ഫാ. ജോർജ് ചേലക്കലും, മാർ സ്രാമ്പിക്കലിന് ദൈവജനത്തിന്റെ പ്രതിനിധിയായി സോബിയും ഉപഹാരങ്ങൾ കൈമാറി. ഇടവകയുടെ പ്രതിനിധിയായി മി. ബാബുരാജ് ജോസഫ് എല്ലാവര്ക്കും നന്ദി പ്രകാശിപ്പിച്ചു. കമനീയമായി അലങ്കരിച്ചിരുന്ന ദൈവാലയത്തിലെ തിരുക്കർമ്മങ്ങൾക്ക് ഗായകസംഘത്തിന്റെ ശ്രുതിമധുരമായ ആലാപനം സ്വർഗീയ അന്തരീക്ഷം പ്രദാനം ചെയ്തു.
തുടർന്ന് പാരിഷ് ഹാളിൽ മിഷന്റെ പുതിയ വെബ്സൈറ്റ് ഉദ്ഘാടനം മാർ ജോസഫ് സ്രാമ്പിക്കൽ നിർവഹിച്ചു. തിരുക്കർമ്മങ്ങൾക്കായി ഒരുക്കങ്ങൾ നടത്തിയവരെ രൂപതാധ്യക്ഷൻ സമ്മാനങ്ങൾ നൽകി ആദരിച്ചു. എല്ലാവർക്കുമായി സ്നേഹവിരുന്നും ഒരുക്കിയിരുന്നു.
ഗ്രേറ്റ് ബ്രിട്ടൺ സീറോ മലബാർ രൂപത പ്രോട്ടോസിഞ്ചെല്ലൂസ് റെവ. ഡോ. ആൻ്റണി ചുണ്ടെലിക്കാട്ട്, വികാരി ജനറാൾ റെവ. ഫാ. ജിനോ അരീക്കാട്ട് MCBS, ലെസ്റ്റർ ഡീനറി ഡീൻ റെവ. ജോൺ ഹാർഡി, സെക്രട്ടറി റെവ. ഫാ. ഫാൻസ്വാ പത്തിൽ തുടങ്ങിയവരും ഗ്രേറ്റ് ബ്രിട്ടൺ രൂപതയിലും നോട്ടിംഗ്ഹാം രൂപതയിലെ ശുശ്രുഷ ചെയ്യുന്ന നിരവധി മറ്റു വൈദികരും തിരുക്കർമ്മങ്ങളിൽ സഹകാർമികരായി. ലെസ്റ്ററിലും പരിസരപ്രദേശങ്ങളിലും നിന്ന് വലിയ വിശ്വാസിസമൂഹവും തിരുക്കർമ്മങ്ങളിൽ പ്രാർത്ഥനാപൂർവ്വം പങ്കുചേർന്നു.
വാല്താംസ്റ്റോ: ലണ്ടനിലെ മരിയന് തീര്ഥാടന കേന്ദ്രമായ വാല്താംസ്റ്റോയിലെ (ഔവര് ലേഡി ആന്ഡ് സെന്റ് ജോര്ജ് പള്ളിയില്) മെയ് മാസം 1-ാം തീയതി ബുധനാഴ്ച മരിയന് ദിനശുശ്രൂഷയും തൊഴിലാളികളുടെ മാധ്യസ്ഥനായ വി.യൗസേപ്പിതാവിന്റെ തിരുനാളും ഒപ്പം മാസാദ്യ ബുധനാഴ്ച വിശുദ്ധ യൗസേപ്പിതാവിന്റെ പ്രത്യേക വണക്കത്തിനായുള്ള ദിനമായും ആചരിക്കുന്നു.
തിരുക്കര്മ്മളില് പങ്കെടുത്ത് ആത്മീയവും, ഭൗതീകവും, ശാരീരികവുമായ അനവധി അനുഗ്രഹങ്ങള് പ്രാപിക്കുന്നതിനായി ഈ മരിയന് ദിന ശുശ്രൂഷകളിലേക്ക് ഒത്തിരി സ്നേഹത്തോടെ സ്വാഗതം ചെയ്യുന്നതായി സെ.മേരീസ് & ബ്ലസ്സഡ് കുഞ്ഞച്ചന് മിഷന്റെ പ്രീസ്റ്റ് ഇന്ചാര്ജ് ഫാ.ജോസ് അന്ത്യാംകുളം MCBS അറിയിച്ചു.
തിരുക്കര്മ്മങ്ങളൂടെ വിശദവിവരം താഴെ ചേര്ക്കുന്നു.
6.30pm പരിശുദ്ധ ജപമാല, 7:00pm ആഘോഷമായ വി.കുര്ബ്ബാന, തുടര്ന്ന് നിത്യ സഹായ മാതാവിന്റെ നൊവേന പ്രാര്ത്ഥന, എണ്ണ നേര്ച്ച, വചന സന്ദേശം, പരി.പരമ ദിവ്യകാരുണ്യ ആരാധന.
പള്ളിയുടെ വിലാസം:
Our Lady and St.George Church,
132 Shernhall Street,
Walthamstow,
E17. 9HU
ഫാ. ബിജു കുന്നയ്ക്കാട്ട് PRO
എയില്സ്ഫോര്ഡ്: 2019 മേയ് 25ന് ഗ്രേറ്റ് ബ്രിട്ടണ് സീറോ മലബാര് രൂപതയുടെ ആഭിമുഖ്യത്തില് നടത്തപ്പെടുന്ന ഈ വര്ഷത്തെ എയില്സ്ഫോര്ഡ് തീര്ത്ഥാടനം ശ്രീലങ്കന് ഭീകരാക്രമണ ദുരിതബാധിതരെ സഹായിക്കുമെന്ന് രൂപതാധ്യക്ഷന് മാര് ജോസഫ് സ്രാമ്പിക്കല് പ്രത്യേക സര്ക്കുലറിലൂടെ അറിയിച്ചു. ഗ്രേറ്റ് ബ്രിട്ടണ് സീറോ മലബാര് രൂപത ആഗോള സഭയോട് ചേര്ന്ന്, വേദനിക്കുന്ന എല്ലാവരോടും ഐക്യദാര്ഢ്യം പ്രകടിപ്പിക്കുകയും ഇന്നലെ സീറോ മലബാര് വി. കുര്ബാന അര്പ്പിച്ച എല്ലാ സ്ഥലങ്ങളിലും ഭീകരാക്രമണത്തില് മരിച്ചവരെയും, പരിക്കേറ്റവരെയും അവരുടെ കുടുംബാംഗങ്ങളെയും പ്രത്യകമായി അനുസ്മരിക്കുകയും ചെയ്തു.
വിശുദ്ധ സൈമണ് സ്റ്റോക്കിന് പരി. മറിയം എയില്സ്ഫോഡില് പ്രത്യക്ഷപ്പെട്ട് സംരക്ഷണത്തിന്റെ ഉത്തരീയം നല്കിയതിന്റെ അനുസ്മരണത്തില് നടത്തപ്പെടുന്ന ഈ തീര്ത്ഥാടനത്തില്, ലോകത്തിനു മുഴുവന് ദൈവത്തിന്റെ കരുണ നിറഞ്ഞ സംരക്ഷണം കിട്ടാന് എല്ലാവരും പ്രാര്ത്ഥിക്കണമെന്ന് രൂപതാധ്യക്ഷന് അഭ്യര്ത്ഥിച്ചു. തീര്ത്ഥാടന കമ്മറ്റി കണ്വീനറായ റെവ. ഫാ. ടോമി എടാട്ടിന്റെയും കമ്മറ്റി അംഗങ്ങളുടെയും നേതൃത്വത്തില് ഇത്തവണ, രൂപതയിലെ എല്ലാ റീജിയണുകളില് നിന്നും തീര്ത്ഥാടകരുടെ പങ്കാളിത്തം ഉണ്ടാകുന്നതിനായി വിപുലമായ ക്രമീകരണങ്ങളാണ് നടക്കുന്നത്.
ഈ വര്ഷത്തെ തീര്ത്ഥാടനത്തിന്റെ ചിലവു കഴിഞ്ഞു ലഭിക്കുന്ന മുഴുവന് തുകയും ശ്രീലങ്കയിലെ ഭീകരാക്രമണത്തില് മരണമടഞ്ഞവരുടെ കുടുംബാങ്ങങ്ങളെ സഹായിക്കുന്നതിനായി നല്കുമെന്ന് രൂപതാധ്യക്ഷന് മാര് ജോസഫ് സ്രാമ്പിക്കല് അറിയിച്ചു. സഭയുടെയും നമ്മുടെയും അമ്മയായ പരി. കന്യകാമറിയത്തിന്റെ സാന്നിധ്യം നിറഞ്ഞുനില്ക്കുന്ന എയില്ഫോര്ഡിലേക്കു നടത്തുന്ന ഈ തീര്ത്ഥാടനത്തില് പങ്കുചേരുവാനും അനുഗ്രഹങ്ങള് പ്രാപിക്കുവാനും ഏവരെയും ക്ഷണിക്കുന്നതായി രൂപതാധ്യക്ഷന് മാര് ജോസഫ് സ്രാമ്പിക്കലും തീര്ത്ഥാടന കമ്മറ്റി കണ്വീനര് റെവ. ഫാ. ടോമി ഏടാട്ടും അറിയിച്ചു.
സര്ക്കുലര്
ബാബു ജോസഫ്
ബര്മിങ്ഹാം: ലോക പ്രശസ്ത വചന പ്രഘോഷകന് റവ.ഫാ.സേവ്യര് ഖാന് വട്ടായില്, റവ.ഫാ.സോജി ഓലിക്കല് എന്നിവര് നയിക്കുന്ന അഭിഷേകാഗ്നി കാത്തലിക് മിനിസ്ട്രിയുടെ മലയാളം റെസിഡന്ഷ്യല് റിട്രീറ്റ് ‘എഫാത്ത ഫാമിലി കോണ്ഫറന്സ്’ 2019 ഡിസംബര് 12 വ്യാഴം മുതല് 15 ഞായര് വരെ യുകെ യില് ഡെര്ബിഷെയറില് നടക്കും.
ഫാ.ഷൈജു നടുവത്താനിയില്,അഭിഷേകാഗ്നി കാത്തലിക് മിനിസ്ട്രീസ് ഇന്റര്നാഷണല് കോ ഓര്ഡിനേറ്റര് ബ്രദര് ഷിബു കുര്യന് , യുകെ കോ ഓര്ഡിനേറ്റര് ബ്രദര് സാജു വര്ഗീസ് എന്നിവരുടെ നേതൃത്വത്തില് ധ്യാനത്തിനുള്ള ഒരുക്കങ്ങള് നടന്നുവരുന്നു.
യേശുനാമത്തില് ദൈവ മഹത്വത്തിനായി ലോകമെമ്പാടും ഉപയോഗിക്കപ്പെട്ടുകൊണ്ടിരിക്കുന്ന വട്ടായിലച്ചനും സോജിയച്ചനും നയിക്കുന്ന അഭിഷേകാഗ്നി കാത്തലിക് മിനിസ്ട്രിയുടെ നാല് ദിവസത്തെ താമസിച്ചുള്ള ഈ ധ്യാനത്തിലേക്ക് ബുക്കിംഗ് തുടങ്ങിക്കഴിഞ്ഞു. അഭിഷേകാഗ്നി കാത്തലിക് മിനിസ്ട്രിയുടെ താഴെ കാണുന്ന വെബ്സൈറ്റില് നേരിട്ട് സീറ്റുകള് ബുക്ക്ചെയ്യാവുന്നതാണ്.
www.afcmuk.org
അഡ്രസ്സ്
THE HAYES ,
SWANWICK
DERBYSHIRE
DE55 1AU
കൂടുതല് വിവരങ്ങള്ക്ക്
അനീഷ് തോമസ് – 07760254700
ബാബു ജോസഫ് – 07702061948
ഡബ്ലിന്: ‘അവന് പരിശുദ്ധാത്മാവിനാലും അഗ്നിയാലും നിങ്ങളെ സ്നാനപ്പെടുത്തും’ (മത്തായി 3:11) എന്ന വചനം മാംസം ധരിക്കുമാറ് പ്രകടമായ ദൈവിക അടയാളങ്ങളിലൂടെ അനേകരെ ക്രിസ്തീയതയിലേക്കും യഥാര്ത്ഥ ദൈവിക ജീവിതത്തിലേക്കും നയിച്ചുകൊണ്ടിരിക്കുന്ന ലോക പ്രശസ്ത വചന പ്രഘോഷകരായ റവ.ഫാ.സേവ്യര് ഖാന് വട്ടായില്, റവ.ഫാ.സോജി ഓലിക്കല് എന്നിവര് നയിക്കുന്ന അഭിഷേകാഗ്നി കാത്തലിക് മിനിസ്ട്രിയുടെ ‘എവൈക്ക് യൂറോപ്പ് കാത്തലിക് റെസിഡന്ഷ്യല് കോണ്ഫറന്സ് ‘ 2019 ജൂലൈ 19 വെള്ളി മുതല് 21 ഞായര് വരെ അയര്ലണ്ടില് നടക്കും.
അഭിഷേകാഗ്നി, സെഹിയോന് മിനിസ്ട്രി കൂട്ടായ്മയുടെ സൗജന്യ പ്രസിദ്ധീകരണം കിങ്ഡം റവലേറ്റര് മാഗസിന്റെ പേട്രണ് ബിഷപ്പ്. അല്ഫോന്സ് കുള്ളിനന് ശുശ്രൂഷകളില് പങ്കെടുക്കും. ഫാ.ഷൈജു നടുവത്താനിയില്, അഭിഷേകാഗ്നി കാത്തലിക് മിനിസ്ട്രീസ് ഇന്റര്നാഷണല് കോ ഓര്ഡിനേറ്റര് ബ്രദര് ഷിബു കുര്യന് എന്നിവരുടെ നേതൃത്വത്തില് ധ്യാനത്തിനുള്ള ഒരുക്കങ്ങള് നടന്നുവരുന്നു. യേശുനാമത്തില് ദൈവ മഹത്വത്തിനായി ലോകമെമ്പാടും ഉപയോഗിക്കപ്പെട്ടുകൊണ്ടിരിക്കുന്ന വട്ടായിലച്ചനും സോജിയച്ചനും നയിക്കുന്ന അഭിഷേകാഗ്നി കാത്തലിക് മിനിസ്ട്രിയുടെ ഇംഗ്ലീഷില് നടത്തപ്പെടുന്ന മൂന്ന് ദിവസത്തെ താമസിച്ചുള്ള ഈ ധ്യാനത്തിലേക്ക് ബുക്കിംഗ് തുടങ്ങിക്കഴിഞ്ഞു.
അഭിഷേകാഗ്നി കാത്തലിക് മിനിസ്ട്രിയുടെ താഴെ കാണുന്ന ഫോണ് നമ്പറുകളില് നേരിട്ട് സീറ്റുകള് ബുക്ക്ചെയ്യാവുന്നതാണ്.
PEGGY 00353871236639
SOPHY 00353877747226.
[email protected]
Address;
MAYNOOTH CAMPUS CONFERENCE & ACCOMMODATION.
MAYNOOTH, CO. KILDARE
IRELAND
W23 TW77.
യൂറോപ്പിലെ വിവിധ രാജ്യങ്ങളില് കോണ്ഫറെന്സിനെപ്പറ്റിയുള്ള കൂടുതല് വിവരങ്ങള്ക്ക് ;
ജര്മ്മനി – സിമി 00491771804920
നെതര്ലന്ഡ്സ് -ജിജോ 0031631639970
സ്വിറ്റ്സര്ലന്ഡ് – ജോര്ജ് 0041789095085
സ്ലോവാക്യ – ലൂസിയ 00421902327216
പോളണ്ട് – ശരത് 0048579181271
നോര്ത്തേണ് അയര്ലന്ഡ് – തോമസ് 00447967620435
യുകെ – ജേക്കബ് 0447960149670.
ബാബു ജോസഫ്
തൃശൂര്: കര്ത്താവിന്റെ മഹത്വമേറിയ സാന്നിധ്യം ലോകത്തിന് വെളിപ്പെടുത്തുക എന്നതിലൂടെ സത്യത്തിന്റെ സാക്ഷ്യമാവുക എന്ന ദൗത്യവുമായി ഷെക്കെയ്ന സാറ്റലൈറ്റ് വാര്ത്താ ചാനല് ദൈവകരുണയുടെ തിരുനാള് ദിനമായ നാളെ (ഏപ്രില് 28 ഞായറാഴ്ച) സംപ്രേഷണം ആരംഭിക്കും.
ഇന്ത്യയിലും വിദേശരാജ്യങ്ങളിലുമായി സുവിശേഷ പ്രഘോഷണം നടത്തുന്ന പ്രശസ്ത വചനപ്രഘോഷകന് ബ്രദര് സന്തോഷ് കരുമത്രയാണ് ചാനലിന് ചുക്കാന് പിടിക്കുന്നത്. തൃശ്ശൂരില് മണ്ണtത്തിക്കടുത്ത് താളിക്കോട് കേന്ദ്രമാക്കിയുള്ള ചാനലിന്റെ ഉദ്ഘാടനം നാളെ ഞായറാഴ്ച മൂന്നു മണിക്ക് സീറോ മലബാര് മേജര് ആര്ച്ച് ബിഷപ്പ് കര്ദിനാള് മാര് ജോര്ജ് ആലഞ്ചേരി ഉദ്ഘാടനം ചെയ്യും. സീറോ മലങ്കര സഭ മേജര് ആര്ച്ച് ബിഷപ്പ് കര്ദിനാള് മാര് ക്ളീമീസ്, തിരുവനന്തപുരം ലത്തീന് അതിരൂപത ബിഷപ്പ് സൂസെ പാക്യം എന്നിവരും സീറോ മലബാര്, സീറോ മലങ്കര, ലത്തീന് റീത്തുകളില് നിന്നായി പന്ത്രണ്ടോളം ബിഷപ്പുമാരും മറ്റ് വിശിഷ്ടാഥികളും ഉദ്ഘാടന ചടങ്ങില് പങ്കെടുക്കും.
‘ദൈവത്തിന്റെ മഹത്വമാര്ന്ന സാന്നിധ്യം’ എന്നര്ത്ഥമുള്ള ഹീബ്രു വാക്കിലുള്ള ഷെക്കെയ്ന ടിവി സത്യത്തിനു സാക്ഷ്യം വഹിക്കുകയെന്ന ലക്ഷ്യത്തോടെയാണ് പ്രവര്ത്തിക്കുകയെന്നു ബ്രദര് സന്തോഷ് കരുമത്ര പറഞ്ഞു.
റേറ്റിങ്ങിനുവേണ്ടി പായാതെ സത്യത്തിന്റെ പ്രഘോഷണത്തില് ഒരു വീഴ്ചയും വരരുതെന്നെ ലക്ഷ്യത്തോടെയാണ് ചാനല് ഒരുങ്ങുന്നത്. യാഥാര്ഥ്യവും മനുഷ്യനന്മയും ലക്ഷ്യമാക്കി, വാണിജ്യ പരസ്യങ്ങളില്ലാതെയാകും ‘ഷെക്കെയ്ന’ പ്രവര്ത്തിക്കുകയെന്നതും ശ്രദ്ധേയമാണ്. തിന്മയുടെ ആഘോഷങ്ങളില്ലാതെ നന്മയിലൂന്നിയായിരിക്കും ഷെക്കെയ്ന ചുവടു വെയ്ക്കുകയെന്നു ചാനല് അധികൃതര് പറഞ്ഞു.
ആദ്യഘട്ടത്തില് പ്രൈം ടൈമില് ഏതാനും മണിക്കൂറുകള് നീളുന്ന സംപ്രേഷണമാണ് ഉണ്ടാകുക. മൂന്നു മാസത്തിനുള്ളില് വാര്ത്തകളും വാര്ത്താധിഷ്ഠിത പ്രോഗ്രാമുകളും ആത്മീയ പ്രോഗ്രാമുകളുമടക്കം മുഴുവന് സമയ സംപ്രേഷണം ആരംഭിക്കും. മലയാള മനോരമ മുന് പത്രാധിപ സമിതി അംഗവും ഇന്ത്യന് കാത്തലിക് പ്രസ് അസോസിയേഷന്റെ പ്രസിഡന്റുമായ ഇഗ്നേഷ്യസ് ഗോണ്സാല്വസാണ് ചാനലിന്റെ ചീഫ് ന്യൂസ് ഡയറക്ടര്. വിവിധ മാധ്യമങ്ങളില് പ്രവര്ത്തന മികവ് തെളിയിച്ച പ്രഗത്ഭരുടെ ടീമും ചാനലിന്റെ പിന്നണിയിലുണ്ട്.
റജി നന്തികാട്ട്
ലണ്ടനിലെ ക്നാനായ സമൂഹത്തിന്റെ ആത്മീയ കേന്ദ്രമായ സെന്റ് ജോസഫ് ക്നാനായ ചാപ്ലൈന്സി വിശുദ്ധ ഔസേഫ് പിതാവിന്റെ തിരുന്നാള് ആഘോഷം മെയ് 3, 4 തീയതികളില് കൊണ്ടാടുന്നു. സെന്റ് ജോസഫ് ക്നാനായ ചാപ്ലൈന്സി രൂപീകൃതമായതിന് ശേഷം നടക്കുന്ന രണ്ടാമത്തെ തിരുന്നാള് ആഘോഷവും ആദ്യത്തെ തിരുന്നാള് ആഘോഷം പോലെ ഗംഭീരമാക്കാനുള്ള ശ്രമത്തിലാണ് ചാപ്ലൈന് ആയ ഫാ. ജോഷി കൂട്ടുങ്കല്, കണ്വീനര് മാത്യു വില്ലുതറ കൈക്കാരന്മാരായ സജി ഉതുപ്പ് കൊപ്പഴയില്, ജോര്ജ്ജ് പറ്റിയാല്, ജോബി തരളയില് എന്നിവരടങ്ങുന്ന കമ്മറ്റി.
മെയ് 3-ാം തീയതി വെള്ളിയാഴ്ച്ച വൈകുന്നേരം 6 മണിക്ക് കൊടിയേറ്റോടു കൂടി ആരംഭിക്കുന്ന തിരുനാള് ആഘോഷത്തില് അന്നേ ദിവസം ലദീഞ്ഞ്, വി. കുര്ബാന, വി.യൗസേഫ് പിതാവിന്റെ നൊവേന എന്നിവ ഉണ്ടായിരിക്കുന്നതാണ്. രണ്ടാം ദിവസമായ മെയ് 4-ാം തീയതി ശനിയാഴ്ച രാവിലെ 9.45ന് ആരംഭിക്കുന്ന തിരുന്നാള് ആഘോഷത്തില് പ്രസുദേന്തി വാഴ്ച, രൂപം എഴുന്നെള്ളിക്കല്, ലദീഞ്ഞ് എന്നീ വിശുദ്ധ ചടങ്ങുകള്ക്ക് ശേഷം രാവിലെ 10 മണിക്ക് ഫാ. ഷഞ്ചു കൊച്ചുപറമ്പില് മുഖ്യ കാര്മ്മികനായും ഫാ. സജി തോട്ടത്തില്, ഫാ. ജോഷി കൂട്ടുങ്കല്, ഫാ. ജോസ് തേക്കുനില്ക്കുന്നതില് സഹ കാര്മ്മികന്മാരായും ആഘോഷമായ തിരുന്നാള് റാസ നടക്കും. പിന്നീട് ഫാ. സജി തോട്ടത്തില് തിരുന്നാള് സന്ദേശം നല്കും.
ഉച്ചകഴിഞ്ഞി 12.30ന് തിരുന്നാള് പ്രദക്ഷിണവും 1.15 ന് വി. കുര്ബാനയുടെ ആശീര്വാദവും 1.30 ന് സ്നേഹവിരുന്നും നടക്കും. 2.30 ന് നടക്കുന്ന കലാസായാഹ്നത്തില് സെന്റ് ജോസഫ്സ് സണ്ഡേ സ്കൂള് വിദ്യാര്ത്ഥികളുടെ വിവിധ കലാപരിപാടികള് അവതരിപ്പിക്കും.
തിരുന്നാള് ദിവസം നേര്ച്ച കാഴ്ചകള് അര്പ്പിക്കുന്നതിനും വി. യൗസേഫ് പിതാവിന്റെ പുഷ്പവടി, കഴുന്ന്, മുടി എന്നിവ എഴുന്നെള്ളിക്കുന്നതിനും അടിമ വയ്ക്കുന്നതിനും സൗകര്യം ഉണ്ടായിരിക്കുന്നതാണ്. തിരുക്കര്മ്മങ്ങളില് ഭക്തിപൂര്വ്വം പങ്കെടുത്ത് വി. യൗസേഫ് പിതാവിന്റെ മദ്ധ്യസ്ഥം വഴി അനുഗ്രഹം പ്രാപിക്കുവാന് ഏവരെയും സ്നേഹപൂര്വം ക്ഷണിക്കുന്നു.
വിലാസം
St. Alban’s church, Langdale Gardens, Horn church, RM 12 5LA
