മരിയന്‍ മിനിസ്ട്രി സ്പിരിച്വല്‍ ഫാദര്‍ ബഹുമാനപ്പെട്ട ടോമി ഏടാട്ടിന്റെ നേതൃത്വത്തില്‍ മരിയന്‍ മിനിസ്ട്രി ടീം ഇംഗ്ലണ്ടിലെ കുടുംബങ്ങള്‍ക്ക് വേണ്ടി കുടുംബ നവീകരണ ധ്യാനങ്ങള്‍ നടത്തുന്നു.
കൂടുതല്‍ വിവരങ്ങള്‍ക്ക് ബന്ധപ്പെടുക:
ബ്രദര്‍ തോമസ് സാജ്: 07809502804,
ബ്രദര്‍ ചെറിയാന്‍ സാമുവല്‍: 07460499931
‘ദമ്പതികള്‍ തമ്മിലുള്ള ഉടമ്പടി ദൈവവും മനുഷ്യനും തമ്മിലുള്ള ഉടമ്പടിയുടെ ഭാഗമായി തീരുന്നു: യഥാര്‍ത്ഥമായ ദാമ്പത്യസ്നേഹം ദൈവസ്നേഹത്തിലേക്ക് ഉയര്‍ത്തപ്പെടുന്നു.’
(കത്തോലിക്കാ സഭയുടെ മതബോധന ഗ്രന്ഥം 1639 / 142)
ഫാ. മാത്യൂ മുളയോലില്‍
ഷിബു മാത്യൂ
ലീഡ്‌സ്. ഗ്രേറ്റ് ബ്രിട്ടണ്‍ സീറോ മലബാര്‍ രൂപതയുടെ ലീഡ്‌സ് സെന്റ്. മേരീസ് സീറോ മലബാര്‍ കമ്മ്യൂണിറ്റി തങ്ങളുടെ സ്വര്‍ഗ്ഗീയ മധ്യസ്ഥയായ പരി. കന്യകാ മാതാവിന്റെ പിറവിത്തിരുന്നാളും എട്ടുനോമ്പാചരണവും ലീഡ്‌സ് സെന്റ്. വില്‍ഫ്രിഡ്‌സ് ദേവാലയത്തില്‍ ആചരിക്കുന്നു. സെപ്റ്റംബര്‍ 2 ഞായറാഴ്ച രാവിലെ പത്തു മണിക്ക് റവ. ഫാ. മാത്യൂ മുളയോലില്‍ കൊടിയുയര്‍ത്തും. തുടര്‍ന്ന് പരി. കന്യകാ മാതാവിന്റെ തിരുസ്വരൂപം ദേവാലയത്തില്‍ പ്രതിഷ്ഠിക്കും. 10.15ന് റവ. ഫാ. സെബാസ്റ്റ്യന്‍ ചാമക്കാല (ലണ്ടന്‍) ആഘോഷമായ ദിവ്യബലി അര്‍പ്പിയ്ക്കും. അതേ തുടര്‍ന്ന് ദിവ്യകാരുണ്യ പ്രദക്ഷിണം നടക്കും.
ഫാ. സെബാസ്റ്റ്യന്‍ ചാമക്കാല
സെപ്റ്റംബര്‍ 3 മുതല്‍ 7വരെ വൈകുന്നേരം 6.45 ന് നൊവേനയും വിശുദ്ധ കുര്‍ബാനയും നേര്‍ച്ചവിതരണവും നടക്കും. എട്ടാം തീയതി ശനിയാഴ്ച രാവിലെ 10ന് വി. കുര്‍ബാനയും നൊവേനയും നേര്‍ച്ചവിതരണവും നടക്കും. പ്രധാന തിരുന്നാള്‍ ദിവസമായ 9 ഞായര്‍ രാവിലെ പത്ത് മണിക്ക് റവ. ഫാ. തോമസ്സ് തയ്യില്‍ (തലശ്ശേരി അതിരൂപത) ആഘോഷമായ തിരുന്നാള്‍ കുര്‍ബാന അര്‍പ്പിക്കും. തുടര്‍ന്ന് നൊവേന, പ്രസംഗം, ലദീഞ്ഞ്, ദേവാലയംചുറ്റി ആഘോഷമായ പ്രദക്ഷിണം എന്നിവ നടക്കും.
തിരുന്നാള്‍ ദിവസങ്ങളില്‍ വിശുദ്ധ കുര്‍ബാനയ്ക്ക് മുമ്പ് കുമ്പസാരിക്കുന്നതിനുള്ള അവസരം ഉണ്ടായിരിക്കുന്നതാണ്. പ്രധാന തിരുന്നാള്‍ ദിവസം അടിമ വയ്ക്കുന്നതിനും മാതാവിന്റെ കഴുന്ന് മുടി എന്നിവ എടുക്കുന്നതിനും അവസരം ഉണ്ടായിരിക്കുന്നതാണ്.
2013 മുതല്‍ യുകെയില്‍ പ്രസിദ്ധമായ ലീഡ്‌സ് എട്ടു നോമ്പാചരണത്തിലും പരി. കന്യകാ മാതാവിന്റെ പിറവിത്തിരുന്നാളിലും പങ്ക് ചേര്‍ന്ന് അനുഗ്രഹം പ്രാപിക്കാന്‍ ബ്രിട്ടണിലെ എല്ലാ വിശ്വാസികളേയും സ്വാഗതം ചെയ്യുന്നതായി റവ. ഫാ. മാത്യൂ മുളയോയില്‍ അറിയ്ച്ചു.
സ്റ്റീവനേജ്: കേരളം അഭിമുഖീകരിച്ചുകൊണ്ടിരിക്കുന്ന ഏറ്റവും വലിയ ദുരിതത്തിലും, ദുരന്തത്തിലും ഒരു കൈത്താങ് ആകുവാനും,കേരളത്തിന്റെ അതിജീവനം എത്രയും ദ്രുതഗതിയില്‍ സാധ്യമാകുന്നതിനും, കേരള ജനതക്കു സുരക്ഷയും മനോ ധൈര്യവും ലഭിക്കുവാനുമായി പ്രാര്‍ത്ഥനകളും വിശുദ്ധ കുര്‍ബ്ബാനകളും അര്‍പ്പിക്കുവാന്‍ സ്റ്റീവനേജിലെ ഇംഗ്ലീഷ് പാരീഷ് കമ്മ്യുണിറ്റികള്‍ മുന്നോട്ടു വന്നിരിക്കുന്നു.
കേരളത്തില്‍ വന്‍തോതില്‍ നാശം വിതറിയ ജല പ്രളയം, ഉരുള്‍ പൊട്ടല്‍, ആളപായങ്ങള്‍, ഭവനത്തകര്‍ച്ചകള്‍ തുടങ്ങിയവയുടെ ഭീതീതമായ ദൃശ്യങ്ങളും വാര്‍ത്തകളും ബിബിസിയിലൂടെ കണ്ടും കേട്ടും അറിഞ്ഞവരുടെ സ്വയ പ്രേരിതമായ നല്‍ മനസ്സാക്ഷിയാണ് സ്റ്റീവനേജില്‍ കരുണയുടെ വാതായനം തുറന്നത്.
വെസ്റ്റ് മിന്‍സ്റ്റര്‍ റോമന്‍ കത്തോലിക്കാ അതിരൂപതയിലെ സ്റ്റീവനേജില്‍ നിത്യേന അര്‍പ്പിക്കപ്പെടുന്ന വിശുദ്ധ കുര്‍ബ്ബാനകളിലെ മദ്ധ്യസ്ഥ പ്രാര്‍ത്ഥനകളില്‍ കേരളവും ജനതയും അവിഭാജ്യ ഘടകമായപ്പോള്‍ പ്രവാസി മലയാളികളില്‍ അവര്‍ കാണുന്ന സാഹോദര്യത്തിന്റെയും സ്‌നേഹത്തിന്റെയും വിശ്വാസത്തിന്റെയും നേര്‍പതിപ്പാണ് ഇവിടെ ദൃശ്യമാവുക. ആരുടെയും അഭ്യര്‍ത്ഥനയില്ലാതെ തന്നെ കുര്‍ബ്ബാനക്ക് ശേഷം ദുരിതാശ്വാസത്തിനായി ഫണ്ട് ശേഖരണവും നടത്തിയത് ഇടവക സമൂഹത്തിന്റെ വലിയ നല്‍മനസ്സിന്റെ മുഖമാണിവിടെ അനാവരണമാക്കുന്നത്.
സ്റ്റീവനേജിലെ സെന്റ് ഹില്‍ഡാ ദേവാലയത്തില്‍ വെച്ച് ആഗസ്റ്റ് 25 നു ശനിയാഴ്ച വൈകുന്നേരം 6:30 നു അര്‍പ്പിക്കുന്ന വിശുദ്ധ കുര്‍ബ്ബാനക്ക് വികാരി ഫാ. മൈക്കിള്‍ കാര്‍മ്മികത്വം വഹിക്കുകയും 26 നു ഞായറാഴ്ച ഉച്ചക്ക് 12:00 മണിക്ക് സെന്റ് ജോസഫ്‌സ് ദേവാലയത്തില്‍ അര്‍പ്പിക്കുന്ന ദിവ്യ ബലിയില്‍ പാരീഷ് പ്രീസ്റ്റ് ഫാ. ബ്രയാന്‍ നേതൃത്വം വഹിക്കുന്നതുമാണ്.
കേരളത്തിന്റെ ഇന്നത്തെ ദുരവസ്ഥയില്‍ നിന്നും ദ്രുത മോചനത്തിനായി ദൈവ സഹായം തേടുവാനും, മാതൃ നാടിന്റെയും സഹോദരങ്ങളുടെയും ദുഃഖത്തില്‍ പങ്കു ചേരുവാനും, ദുരന്ത മേഖലക്ക് ഒരു ചെറു സഹായം സ്വരൂപിക്കുവാനും സ്റ്റീവനേജ് പാരീഷ് കമ്മ്യുണിറ്റികള്‍ മുന്നോട്ടു വന്നിരിക്കുമ്പോള്‍ രണ്ടു ദേവാലയങ്ങളില്‍ ആയി അര്‍പ്പിക്കുന്ന ഇരു ദിവ്യ ബലികളിലും കൂടാതെ ക്ഷേമ പ്രവര്‍ത്തനങ്ങളിലും ഏവരുടെയും സജീവമായ പങ്കാളിത്തവും സഹകരണവും അഭ്യര്‍ത്ഥിക്കുന്നു.
വിലാസം.
St Hilda Church,
9 Breakspear,
Stevenage,
Herts SG2 9SQ.
25th 18:30
St Joseph Church,
Bedwell Crescent,
Stevenage, SG1 1NJ
26th 12:00
ക്രോളി: സെഹിയോന്‍ യു.കെയുടെ അനുഗ്രഹീത ശുശ്രൂഷകളുമായി ക്രോളിയില്‍ നാളെ ഏകദിന ബൈബിള്‍ കണ്‍വെന്‍ഷനും രോഗശാന്തി ശുശ്രൂഷയും നടക്കും. അഭിഷേകാഗ്നി കാത്തലിക് മിനിസ്ട്രിയുടെ അനുഗ്രഹീത വചന പ്രഘോഷകന്‍ ഫാ. ഷൈജു നടുവത്താനിക്കൊപ്പം ഏറെ വെല്ലുവിളികള്‍ യേശുവില്‍ അതിജീവിച്ചുകൊണ്ട് ഉത്തരേന്ത്യയില്‍ അനേകരെ വിശ്വാസ ജീവിതത്തിലേക്ക് നയിച്ചുകൊണ്ടിരിക്കുന്ന പ്രശസ്ത വിടുതല്‍ ശുശ്രൂഷകന്‍ ഫാ. സൈമണ്‍ കല്ലടയും കണ്വെന്ഷന് നേതൃത്വം നല്‍കും. യൂറോപ്പിലെ പ്രമുഖ ആധ്യാത്മിക ശുശ്രൂഷകന്‍ ഗാരി സ്റ്റീഫനും ശുശ്രൂഷകളില്‍ പങ്കെടുക്കും.
നാളെ ശനിയാഴ്ച്ച ഉച്ചയ്ക്ക് 12 മുതല്‍ വൈകിട്ട് 4.30 വരെയാണ് കണ്വെന്ഷന്. കുട്ടികള്‍ക്കും പ്രത്യേക ശുശ്രൂഷകള്‍ ഉണ്ടായിരിക്കും. ഏറെ അനുഗ്രഹീതമായ ഈ വചന വിരുന്നിലേക്കും ആത്മീയ, രോഗശാന്തി ശുശ്രൂഷയിലേക്കും സംഘാടകര്‍ യേശുനാമത്തില്‍ മുഴുവനാളുകളെയും ക്ഷണിക്കുന്നു.
വിലാസം
FRIARY CATHOLIC CHURCH
CRAWLEY
RH10 1HR
കൂടുതല്‍ വിവരങ്ങള്‍ക്ക്
ബിജോയ് ആലപ്പാട്ട്: 07960 000217.
സ്പിരിച്യുല്‍ റിന്യൂവല്‍ മിനിസ്ട്രിയുടെ ഏകദിന കത്തോലിക്ക മലയാളം ലണ്ടന്‍ കണ്വെന്ഷന് 25 ഓഗസ്റ്റ് 2018ന് ചര്‍ച് ഓഫ് ദി അസുംപ്ഷന്‍, 98 മന്‍ഫോര്‍ഡ് വെയ്, ചിഗ്വേല്‍, IG7 4DF കത്തോലിക്ക ദേവാലയത്തില്‍ രാവിലെ 10.30 മണി മുതല്‍ വൈകിട്ട് 4 മണി വരെയാണ് ഒരുക്കിയിരിക്കുന്നത്.
കണ്‍വെഷന്‍ നയിക്കുന്നത് ബഹുമാനപെട്ട ഫാ. ജോസഫ് സേവിയരോടൊപ്പം എസ.ആര്‍.എം.യൂ.കെ ടീമും ചേര്‍ന്നായിരിക്കും. ജപമാല, സ്തുതി ആരാധന, വിശുദ്ധ കുര്‍ബാന, വചന പ്രഘോഷണം, കുമ്പസാരം, ആരാധന എന്നിവ ഉണ്ടായിരിക്കുന്നതാണ്.
എല്ലാവരെയും യേശു നാമത്തില്‍ കണ്വെന്ഷന് ക്ഷണിക്കുന്നു.
സ്ഥലം: കത്തോലിക്ക ദേവാലയം, ചര്‍ച് ഓഫ് ദി അസുംപ്ഷന്‍, 98 മന്‍ഫോര്‍ഡ് വെയ്, ചിഗ്വേല്‍, IG7 4DF.
കൂടുതല്‍ വിവരങ്ങള്‍ക്ക്: സുനില്‍, 07527 432349
കേരളത്തില്‍ പ്രളയദുരിതം അനുഭവിക്കുന്ന പ്രിയപ്പെട്ട നാട്ടുകാരോട് ഐക്യപ്പെട്ട് എല്ലാ പ്രവാസികളും പ്രാര്‍ത്ഥിക്കണമെന്നും തങ്ങളാല്‍ കഴിയുന്ന സാമ്പത്തിക സഹായം ദുരിതാശ്വാസ ഫണ്ടിലേക്ക് സംഭാവന ചെയ്യണമെന്നും മരിയന്‍ മിനിസ്ട്രി മാനേജിംഗ് ഡയറക്ടര്‍ ബ്രദര്‍ തോമസ് സാജ് ആഹ്വാനം ചെയ്തു. വലിയ പ്രതിസന്ധിയിലൂടെ കടന്നു പോകുന്ന പ്രിയപ്പെട്ടവരെ പ്രാര്‍ത്ഥനയാല്‍ ശക്തിപ്പെടുത്തി താങ്ങി നിര്‍ത്തേണ്ട അവസരമാണിതെന്നും ദൈവശിക്ഷയാണ് എന്നെല്ലാം പറഞ്ഞ് പരസ്പരം പഴിചാരാതെ ഒരു മനസ്സോടെ ജാതിമതഭേദമന്യേ ഒറ്റക്കെട്ടായി കേരളത്തിനായി കൈ കോര്‍ക്കണമെന്നും അദ്ദേഹം കൂട്ടിച്ചേര്‍ത്തു.
ഈ സന്ദര്‍ഭത്തില്‍ ഓണോഘോഷങ്ങളും തിരുനാള്‍ ചെലവുകളും മാറ്റിവച്ച് ആ തുക ദുരിതം അനുഭവിക്കുന്നവര്‍ക്കായി നല്ല മനസ്സോടെ നല്‍കുന്നതാണ് പരസ്‌നേഹം പ്രഘോഷിക്കുന്ന ക്രൈസ്തവരെന്ന നിലയില്‍ നമ്മുടെ കര്‍ത്തവ്യം. ചെറുതും വലുതുമായ പ്രെയര്‍ ഗ്രൂപ്പുകളും, അസോസിയേഷനുകളും തങ്ങളാല്‍ കഴിയുന്ന തുക ജനത്തിന്റെ ആശ്വാസത്തിനായി നല്‍കുവാന്‍ മുന്നോട്ടു വരണം. മരിയന്‍ മിനിസ്ട്രിയുടെ നേതൃത്വത്തില്‍ ഒരു തുക മുഖ്യമന്ത്രിയുടെ ദുരിതാശ്വാസ ഫണ്ടിലേക്ക് സംഭവാന ചെയ്യുന്നുണ്ടെന്നും ബ്രദര്‍ തോമസ് പറഞ്ഞു. താല്പര്യമുള്ളവര്‍ക്ക് മരിയന്‍ മിനിസ്ട്രിയോട് ചേര്‍ന്നോ നേരിട്ടോ ദുരിതാശ്വാസനിധിയിലേക്ക് സംഭാവന ചെയ്യാവുന്നതാണ്. മരിയന്‍ മിനിസ്ട്രിയുടെ ഫണ്ടിലേക്ക് സംഭാവന ചെയ്യാന്‍ താല്പര്യമുള്ളവര് താഴെപ്പറയുന്ന അക്കൗണ്ടിലേക്ക് തുക നിക്ഷേപിക്കാവുന്നതാണ്.
HSBC
A/c Name: Marian Prayer Fellowship
Account Number: 22653044
Sort Code: 40-20-30
If paying by Cheque please send to:
Marian Ministry, 4 Magnolia Avanue, Exeter, EX2 6DJ
Please contact: 07809502804, 07460499931
ജെഗി ജോസഫ്
ഗ്രേറ്റ് ബ്രിട്ടണ്‍ സീറോ മലബാര്‍ രുപതയുടെ ഒക്ടോബര്‍ 20 മുതല്‍ നവംബര്‍ 4 വരെ നടത്തപ്പെടുന്ന രണ്ടാമത് അഭിഷേകാഗ്നി കണ്‍വെന്‍ഷന്റെ സ്പെഷ്യല്‍ സപ്ലിമെന്റ് ബഹുമാനപ്പെട്ട ഫാദര്‍ ടെറിന്‍ മുല്ലക്കരയുടെ അവതരണത്തോടെയും, നവംബര്‍ 10 ന് നടത്തപ്പെടുന്ന രണ്ടാമത് ബൈബിള്‍ കലോത്സവം സപ്ലിമെന്റ് ചീഫ് കോ-ഓര്‍ഡിനേറ്റര്‍ ശ്രീ. ജോജി മാത്യുവിന്റെ അവതരണത്തോടെയും ആകര്‍ഷകമായ രീതിയില്‍ സെപ്റ്റംബര്‍ ലക്കം മരിയന്‍ ടൈംസില്‍ പ്രസിദ്ധീകരിക്കുന്നു. ഈ സപ്ലിമെന്റിന്റെ കോപ്പികള്‍ സൗജന്യമായി ആവശ്യമുള്ളവര്‍ക്ക് മരിയന്‍ മിനിസ്ട്രി മാനേജിംഗ് ഡയറക്ടര്‍ ബ്രദര്‍ തോമസ് സാജിനെ ബന്ധപ്പെടാവുന്നതാണ്. 07809502804
ജെഗി ജോസഫ്
രണ്ടാമത് ഗ്രേറ്റ് ബ്രിട്ടന്‍ സീറോ മലബാര്‍ രൂപതാ ബൈബിള്‍ കലോത്സവത്തിന് വേദി ഉണരുകയാണ്. നവംബര്‍ 10 ന് ബ്രിസ്റ്റോളിലെ സൗത്ത്മീഡ് ഗ്രീന്‍വേ സെന്ററില്‍ ഇക്കുറിയും ഗംഭീരമായി ബൈബിള്‍ കലോത്സവം നടത്താനുള്ള തയ്യാറെടുപ്പിലാണ്. കലോത്സവത്തിന്റെ വിവരങ്ങള്‍ ഉള്‍പ്പെടുത്തിയ പ്രത്യേക സുവനീര്‍ ഇക്കുറി പുറത്തിറക്കുന്നുണ്ട്. മുന്‍വര്‍ഷത്തെ കലോത്സവ ചിത്രങ്ങളും അനുഭവങ്ങളും റിപ്പോര്‍ട്ടുകളും അനുബന്ധ ഫോട്ടോകളും കോര്‍ത്തിണക്കികൊണ്ടുള്ള 48 പേജുള്ള ഒരു കലോത്സവം സുവനീര്‍ ആണ് ഇത്തവണ പ്രസിദ്ധീകരിക്കുന്നത്. എല്ലാ റീജിയണുകളുടേയും കഴിഞ്ഞ വര്‍ഷത്തെ ഒരു റിപ്പോര്‍ട്ടും ഈ സുവനീറില്‍ ഉണ്ടായിരിക്കും.
സീറോ മലബാര്‍ സഭയുടെ യുകെയിലുള്ള എല്ലാ റീജിയണുകളിലുമായി വ്യാപിച്ചു കിടക്കുന്ന എല്ലാ കുടുംബങ്ങളിലും എത്തിക്കുന്നതിന് വേണ്ടി പതിനായിരം കോപ്പിയാണ് അച്ചടിക്കുന്നത്. സീറോ മലബാര്‍ സമൂഹത്തിലെ ഓരോ കുടുംബത്തിലേക്കും സുവനീര്‍ എത്തുന്നുവെന്ന് ചുരുക്കം. ഈ സുവനീറിലേക്കായി പരസ്യങ്ങള്‍, കോംപ്ലിമെന്റ്സ്, സ്പെഷ്യല്‍ ആനിവേഴ്സറി അനൗണ്‍സ്മെന്റ് എന്നിവ നല്‍കാന്‍ താല്പര്യമുള്ളവര് ബന്ധപ്പെടുക.
സുവനീറിനായി നല്ലൊരു പേരും കുട്ടികളില്‍ നിന്ന് ക്ഷണിക്കുകയാണ്. നല്ല പേര് നിര്‍ദ്ദേശിക്കുന്നവര്‍ക്ക് സ്പെഷ്യല്‍ സമ്മാനം ഉണ്ടായിരിക്കുന്നതാണ്. താല്‍പര്യമുള്ള കുട്ടികള്‍ പേരുകള്‍ താഴെ പറയുന്ന ഫോണ്‍ നമ്പറിലോ ഇ മെയ്ലിലോ അയക്കാന്‍ താല്‍പര്യപ്പെടുന്നു.
സുവനീറുമായി ബന്ധപ്പെട്ട പരസ്യം സംബന്ധിച്ചും കൂടുതല്‍ വിവരങ്ങള്‍ക്കും പേര് നിര്‍ദ്ദേശിക്കുന്നതിനും താഴെ കാണുന്ന ഇമെയിലിലോ ഫോണ്‍ നമ്പറിലോ ബന്ധപ്പെടാവുന്നതാണ്.
[email protected]
Joji mathew
07588445030
Philiph Kandoth
07703063836
കൂടുതല്‍ വിവരങ്ങള്‍
http://smegbbiblekalotsavam.com വെബ്സൈറ്റില്‍ ലഭ്യമാണ്.
കലോത്സവം ഡയറക്ടര്‍
ഫാ. പോള്‍ വെട്ടിക്കാട്ട്
കലോത്സവം ചീഫ് കോര്‍ഡിനേറ്റര്‍
ജോജി മാത്യു 07588445030
സി. ഗ്രേസ്‌മേരി
‘അജപാലനത്തിനൊപ്പം സുവിശേഷത്കരണം’ എന്ന ലക്ഷ്യത്തോടെ ഗ്രേറ്റ് ബ്രിട്ടണ്‍ സീറോ മലബാര്‍ സഭ രൂപതാദ്ധ്യക്ഷ്യന്‍ മാര്‍ ജോസഫ് സ്രാമ്പിക്കല്‍ തന്റെ രൂപതയിലെ ഒരോ ദൈവജനവും പരിശുദ്ധാത്മഭിഷേകത്തില്‍ നിറയുന്നതിനായി എട്ട് റീജിയണുകളിലായിട്ടാണ് ഈ കണ്വെന്ഷന് ഒരുക്കിയിരിക്കുന്നത്. ബ്രിസ്റ്റോള് കാര്‍ഡിഫ് റീജിയണ്‍ന്റെ അഭിഷേകാഗ്നി ബൈബിള്‍ കണ്വെന്ഷന് ചെല്‍റ്റനാം റെയ്ഡ് ഹൗസ് സെന്ററില്‍ വെച്ച് ഒക്ടോബര്‍ 28ന് നടക്കും. ഈ കാലഘട്ടത്തിലെ പ്രശസ്ത പരിശുദ്ധാത്മ ശുശ്രൂഷകനും സെഹിയോന്‍ ധ്യാന കേന്ദ്ര ഡയറക്ടറുമായ സേവ്യര്‍ ഖാന്‍ വട്ടായിലിച്ചനാണ് ഈ ധ്യാനം നയിക്കുന്നത്. ഈ കണ്‍വെന്‍ഷന്റെ ഒരുക്കമായുള്ള രണ്ടാമത് പ്രാര്‍ത്ഥനാ ദിനം സെപ്തംബര്‍ 22ന് ഗ്ലോസ്റ്ററില്‍ വെച്ച് നടക്കും. ഈ ഒരുക്ക ശുശ്രൂഷകള്‍ക്കും കണ്‍വെന്‍വെന്‍ വളണ്ടിയേഴ്‌സ് ട്രെയിനിംഗിനുമെല്ലാം നേതൃത്വം നല്‍കുന്നത് ബഹുമാനപ്പെട്ട ഫാ. ടോണി പഴയകുളം സിഎസ്ടി ആയിരിക്കും.
ഈ ബൈബിള്‍ കണ്‍വെന്‍ഷനിലൂടെ ദൈവകൃപയും ആത്മീയ നവീകരണവും സംഭവിക്കുന്നതിന് ബ്രിസ്റ്റോള് കാര്‍ഡിഫ് റീജിയണ്‍ന്റെ വിവിങ കുര്‍ബാന കേന്ദ്രങ്ങള്‍ ഒരുങ്ങികൊണ്ടിരിക്കുന്നു. റീജിയണ്‍ന്റെ വിവിധ കുടുംബ കൂട്ടായ്മകളില്‍ അഖണ്ഡ ജപമാലകള്‍, കരുണകൊന്തകള്‍, ഉപവാസ പ്രാര്‍ത്ഥനകള്‍, കണ്വെന്ഷന് വിജയത്തിനായുള്ള പ്രത്യേക പ്രാര്‍ത്ഥന എന്നിവ വളരെ തീക്ഷണതയോടെ നടക്കുന്നു. അഭിഷേകത്തിന്റെ അഗ്നി ജ്വാലകള്‍ ഈ കണ്‍വെന്‍ഷനിലൂടെ റീജിയണിലെ ഒരോ കുടുംബത്തിലും ഈ ദേശം മുഴുവനിലും ആഞ്ഞുവീശി ദൈവകൃപയുടെ അനുഗ്രഹ മഴ ചൊരിയുന്ന പുണ്യദിനമായ കണ്ട് അതിന്റെ വിജയത്തിനായി എല്ലാവരും ഒത്തൊരുമിച്ച് പ്രാര്‍ത്ഥിക്കണമെന്ന് ബ്രിസ്റ്റോള് കാര്‍ഡിഫ് റീജിയണല്‍ ഡയറക്ടര്‍ റവ. ഫാ. പോള്‍ വെട്ടിക്കാട്ട് സി.എസ്.ടി എല്ലാവരോടും ആഹ്വാനം ചെയ്യുന്നു.
കൂടുതല്‍ വിവരങ്ങള്‍ക്ക്;
ഫിലിപ്പ് കണ്ടോത്ത്: 07703063836
റോയി സെബാസ്റ്റിയന്‍: 07862701046
ബര്‍മിംങ്ഹാം: ലോകസുവിശേഷവത്ക്കരണം മലയാളികളിലൂടെയെന്ന അലിഖിത വചനത്തിന് അടിവരയിട്ടുകൊണ്ട് ദൈവകരുണയുടെ ജീവിക്കുന്ന അടയാളമായി റവ. ഫാ. സോജി ഓലിക്കല്‍ നയിക്കുന്ന രണ്ടാം ശനിയാഴ്ച്ച കണ്വെന്ഷന് നാളെ നൂറിന്റെ നിറവില്‍. ദൈവപരിപാലനയില്‍ നൂറാമത് രണ്ടാം ശനിയാഴ്ച്ച കണ്‍വെന്‍ഷനായി ബര്‍മിങ്ഹാം ബഥേല്‍ സെന്ററില്‍ ഒരുക്കങ്ങള്‍ പൂര്‍ത്തിയായി. നൂറാം കണ്‍വെന്‍ഷനൊരുക്കമായി സെഹിയോന്‍ കുടുംബം ഫാ. സോജി ഓലിക്കല്‍, ഫാ.ഷൈജു നടുവത്താനി, സിസ്റ്റര്‍ മീന തുടങ്ങിയവരുടെ നേതൃത്വത്തില്‍ നടത്തിവരുന്ന പ്രാര്‍ത്ഥനാഒരുക്കങ്ങള്‍ നാളത്തെ പ്രത്യേക കൃതജ്ഞതാബലിയോടെ പൂര്‍ത്തിയാകും.
നിത്യ രക്ഷ യേശുവിലെന്ന് നാളെത്തെ ലോകം പ്രത്യാശയോടെ ഏറ്റുപറയുമ്പോള്‍ അതിന്റെ പിന്നിലെ ചരിത്രമായി റവ. ഫാ. സേവ്യര്‍ ഖാന്‍ വട്ടായിയിലിനെ ഉപകരണമാക്കി ദൈവം നട്ടുവളര്‍ത്തിയ സെഹിയോന്‍ മിനിസ്ട്രിയിലൂടെ ആഗോളതലത്തില്‍ നവസുവിശേഷവത്ക്കരണം ലക്ഷ്യമാക്കി ഫാ. സോജി ഓലിക്കലിന്റെ നേതൃത്വത്തില്‍ നടന്നുവരുന്ന വിവിധങ്ങളായ ശുശ്രൂഷകളുടെ അടിസ്ഥാനമായി നിലകൊള്ളുന്ന, ദേശഭാഷാ വ്യത്യാസമില്ലാതെ ആയിരങ്ങള്‍ പങ്കെടുക്കുന്ന പ്രതിമാസ രണ്ടാം ശനിയാഴ്ച്ച ബൈബിള്‍ കണ്‍വെന്‍ഷനില്‍ ഇത്തവണയും ടീനേജുകാര്‍ക്കും കുട്ടികള്‍ക്കും പ്രത്യേക കണ്വെന്ഷന് നടക്കും. പ്രായത്തിന്റെ പ്രലോഭനങ്ങളെ യേശുവില്‍ അതിജീവിക്കാന്‍ ജപമാല ആയുധമാക്കുവാന്‍ ഉദ്ബോധിപ്പിക്കുന്ന പ്രത്യേക പ്രോഗ്രാം ടീനേജുകാര്‍ക്കായി നടക്കും.
നൂറാമത് കണ്‍വെന്‍ഷനെപ്പറ്റിയുള്ള പ്രോമോ വീഡിയോ കാണാം
സ്വര്‍ഗ്ഗാരോഹണ തിരുനാളിനെ മുന്‍നിര്‍ത്തി കടന്നുവരുന്ന ഇത്തവണത്തെ കണ്‍വെന്‍ഷനില്‍ ഫാ.സോജി ഓലിക്കലിനൊപ്പം ദൈവ കരുണയുടെ ജീവിക്കുന്ന പ്രതിരൂപമായിക്കൊണ്ട് തന്റെ ജീവിത സാക്ഷ്യവുമായി ഫാ. ബെന്നി ജോസഫ് വലിയവീട്ടില്‍, പ്രശസ്ത ആധ്യാത്മിക വചന പ്രഘോഷകന്‍ ബ്രദര്‍ തോമസ് പോള്‍ തുടങ്ങിയവരും പങ്കെടുക്കും.
കഴിഞ്ഞ അനേക വര്‍ഷങ്ങളായി കുട്ടികള്‍ക്കും യുവജനങ്ങള്‍ക്കും വിശ്വാസജീവിതത്തില്‍ വളരാനുതകുന്ന ക്രിസ്തീയ ജീവിതമൂല്യങ്ങള്‍ വിവിധശുശ്രൂഷകളിലൂടെ പകര്‍ന്നു നല്‍കാന്‍ സാധിക്കുന്നത് രണ്ടാം ശനിയാഴ്ച കണ്‍വെന്‍ഷന്റെ പ്രധാന സവിശേഷതയാണ്. കുട്ടികള്‍ക്കായി ഓരോതവണയും ഇംഗ്ലീഷില്‍ പ്രത്യേക കണ്വെന്ഷന് തന്നെ നടക്കുന്നു. അനേകം കുട്ടികളും കൗമാരപ്രായക്കാരുമാണ് ഓരോ രണ്ടാംശനിയാഴ്ച കണ്‍വെന്‍ഷനിലും മാതാപിതാക്കളോടോ മറ്റ് മുതിര്‍ന്നവര്‍ക്കൊപ്പമോ യു.കെയുടെ വിവിധ പ്രദേശങ്ങളില്‍ നിന്നായി എത്തിക്കൊണ്ടിരിക്കുന്നത്. കിംങ്ഡം റവലേറ്റര്‍ എന്ന കുട്ടികള്‍ക്കായുള്ള മാസിക ഓരോരുത്തര്‍ക്കും സൗജന്യമായി നല്‍കിവരുന്നു. കുറഞ്ഞ സമയം കൊണ്ട് ഏറെ ശ്രദ്ധിക്കപ്പെട്ട ലിറ്റല്‍ ഇവാഞ്ചലിസ്‌റ് എന്ന പുസ്തകവും വളര്‍ച്ചയുടെ പാതയില്‍ കുട്ടികള്‍ക്ക് വഴികാട്ടിയാവുന്നു. രണ്ടു വേദികളിലായി ഒരേസമയം ഇംഗ്ലീഷിലും മലയാളത്തിലും നടക്കുന്ന കണ്‍വെന്‍ഷനില്‍ കടന്നുവരുന്ന ഏതൊരാള്‍ക്കും മലയാളത്തിലും ഇംഗ്ലീഷിലും, മറ്റു ഭാഷകളിലും കുമ്പസാരിക്കുന്നതിനും സ്പിരിച്വല്‍ ഷെയറിംങ്ങിനുമുള്ള സൌകര്യം ഉണ്ടായിരിക്കും.
വിവിധ പ്രായക്കാരായ ആളുകള്‍ക്ക് ഇംഗ്ലീഷിലും മലയാളത്തിലുമുള്ള ബൈബിള്‍, പ്രാര്‍ത്ഥനാ പുസ്തകങ്ങള്‍, മറ്റ് പ്രസിദ്ധീകരണങ്ങള്‍ എന്നിവ കണ്വെന്ഷന് സെന്ററില്‍ ലഭ്യമാണ്. പതിവുപോലെ രാവിലെ 8ന് മരിയന്‍ റാലിയോടെ തുടങ്ങുന്ന കണ്വെന്ഷന് വൈകിട്ട് 4 ന് ദിവ്യകാരുണ്യ പ്രദക്ഷിണത്തോടെ സമാപിക്കും. കണ്‍വെന്‍ഷനായുള്ള പ്രാര്‍ത്ഥനാ ഒരുക്ക ശുശ്രൂഷ ബര്‍മിങ്ഹാമില്‍ നടന്നു. കണ്‍വെന്‍ഷന്റെ ആത്മീയ വിജയത്തിനായി പ്രാര്‍ത്ഥനാസഹായം അപേക്ഷിക്കുന്ന ഫാ. സോജി ഓലിക്കലും സെഹിയോന്‍ കുടുംബവും യേശുനാമത്തില്‍ മുഴുവനാളുകളെയും മാതാവിന്റെ സ്വര്‍ഗ്ഗാരോഹണ തിരുനാളിന്റെ നിറവില്‍ 11ന് നാളെ രണ്ടാം ശനിയാഴ്ച ബര്‍മിംങ്ഹാം ബഥേല്‍ സെന്ററിലേക്ക് വീണ്ടും ക്ഷണിക്കുന്നു.
വിലാസം:
ബഥേല്‍ കണ്വെന്ഷന് സെന്റര്‍
കെല്‍വിന്‍ വേ
വെസ്റ്റ് ബ്രോംവിച്ച്
ബര്‍മിംങ്ഹാം.( Near J1 of the M5)
B70 7JW.
കൂടുതല്‍ വിവരങ്ങള്‍ക്ക്;
ഷാജി: 07878149670.
അനീഷ്: 07760254700
ബിജുമോന്‍ മാത്യു: 07515 368239
Sandwell and Dudley ട്രെയിന്‍ സ്റ്റേഷന്റെ തൊട്ടടുത്തായിട്ടുള്ള കണ്വെന്ഷന് സെന്ററിലേക്ക് യു.കെയുടെ വിവിധ പ്രദേശങ്ങളില്‍നിന്നും ഏര്‍പ്പെടുത്തിയിട്ടുള്ള കോച്ചുകളെയും മറ്റ് വാഹനങ്ങളെയുംപറ്റിയുള്ള പൊതുവിവരങ്ങള്‍ക്ക്,
ടോമി ചെമ്പോട്ടിക്കല്‍: 07737935424.
ബിജു എബ്രഹാം: 07859 890267
