വാല്താംസ്റ്റോ: ലണ്ടനിലെ മരിയന്‍ തീര്‍ഥാടന കേന്ദ്രമായ വല്‍താംസ്റ്റോയിലെ ഔവര്‍ ലേഡി ആന്‍ഡ് സെന്റ് ജോര്‍ജ് പള്ളിയില്‍ ഡിസംബര്‍ മാസം 26-ാം തീയതി ബുധനാഴ്ച മരിയന്‍ ദിനശുശ്രൂഷയും കുഞ്ഞിപ്പൈതങ്ങളുടെ തിരുനാളും, വി.സെ്തഫാനോസിന്റെ തിരുനാളും ഒപ്പം മാതാപിതാക്കളുടെ ദിനമായും കൊണ്ടാടുന്നതാണ്.
തിരുക്കര്‍മ്മങ്ങളുടെ വിശദവിവരം താഴെ ചേര്‍ക്കുന്നു.
5.30 pm കുമ്പസാരം, 6.30 pm ജപമാല, 7.00 pm ആഘോഷമായ വി.കുര്‍ബ്ബാന, തുടര്‍ന്ന് നിത്യസഹായ മാതാവിന്റെ നൊവേന പ്രാര്‍ത്ഥന, എണ്ണ നേര്‍ച്ച, വചന സന്ദേശം, പരി.പരമ ദിവ്യകാരുണ്യ ആരാധന. ഈ സുദിനത്തില്‍ കുഞ്ഞുങ്ങള്‍ക്കും മാതാപിതാക്കള്‍ക്കുമായി പ്രത്യേക ശുശ്രൂഷ ഉണ്ടായിരിക്കുന്നതാണ്.
പള്ളിയുടെ വിലാസം:
Our Lady and St.George Church, 132 Shernhall Street, Walthamstow, E17 9HU
തിരുക്കര്‍മ്മങ്ങളില്‍ പങ്കെടുത്ത് ആത്മീയവും, ഭൗതികവും, ശാരീരികവുമായ അനവധി അനുഗ്രഹങ്ങള്‍ പ്രാപിക്കുന്നതിനായി ഈ മരിയന്‍ ദിന ശുശ്രൂഷകളിലേക്ക് ഒത്തിരി സ്നേഹത്തോടെ സ്വാഗതം ചെയ്യുന്നതായി സീറോ മലബാര്‍ സഭ ബ്രന്‍ഡ് വുഡ് രൂപത ചാപ്ളിന്‍ ഫാ.ജോസ് അന്ത്യാംകുളം അറിയിച്ചു.
രാജേഷ് രാജ്
എയില്‍സ്ബറി അയ്യപ്പസമാജം നടത്തിയ അയ്യപ്പപൂജ ഭക്തിനിര്‍ഭരമായ അന്തരീക്ഷത്തില്‍ അതിവിപുലമായി ആഘോഷിച്ചു. ഗുരുആചാര്യനും ഹൈവൈകൊംബ് ക്ഷേത്രത്തിലെ പൂജാരിയുമായ സതീഷ് അയ്യരുടെ കാര്‍മികത്വത്തില്‍ 22-ാം തിയതി ശനിയാഴ്ച വൈകുന്നേരം 5 മണിക്ക് ഗണേശ പൂജയോടെയാണ് ചടങ്ങുകള്‍ ആരംഭിച്ചത്. തുടര്‍ന്ന് സര്‍വൈശ്വര്യ പൂജയും സഹസ്രനാമാര്‍ച്ചനയും വിളക്കു പൂജയും പടിപൂജയും നടന്നു.
റിജോ മാത്യൂസിന്റെ നേതൃത്വത്തില്‍ സ്ട്രിംഗ് ഓര്‍ക്കസ്ട്രയുടെ ഭക്തിഗാനങ്ങളും ഭജനയും 101 ശരണംവിളിയോടു കൂടിയുള്ള ഭക്തിനിര്‍ഭരമായ അന്തരീക്ഷത്തില്‍ ബക്കിംഗ്ഹാംഷയറിലെ എയില്‍സ്ബറിയില്‍ ജാതി, മത, വര്‍ണ്ണ മതിലുകളുടെ വേര്‍തിരിവില്ലാതെ ഭക്തജനങ്ങള്‍ അയ്യപ്പ സന്നിധിയില്‍ അനുഗ്രഹീതരായി.
വൈകിട്ട് 8.30ഓടു കൂടി ഹരിവരാസനം പാടി പൂജാ ചടങ്ങുകള്‍ അവസാനിക്കുകയും അയ്യപ്പന് അര്‍പ്പിച്ച അരവണയും അപ്പവും കൂടെ സ്വാദിഷ്ടമായ ഭക്ഷണങ്ങളും പലഹാരങ്ങളും അയ്യപ്പദര്‍ശനത്തിന് എത്തിയ ഏവര്‍ക്കും വിരുന്നൊരുക്കി. എയില്‍സ്ബറിയില്‍ നിന്നും പരിസര പ്രദേശങ്ങളില്‍ നിന്നും വളരെ ദൂരത്തു നിന്നും വരെ എത്തിയ ഭക്തജനങ്ങള്‍ക്ക് എയില്‍സ്ബറി അയ്യപ്പസേവാ പ്രവര്‍ത്തകര്‍ നന്ദി അറിയിച്ചു.
ഫാ. ഹാപ്പി ജേക്കബ്
” അവള്‍ ആദ്യജാതനായ മകമനെ പ്രസവിച്ചു. ശീലകള്‍ ചുറ്റി വഴിയമ്പലത്തില്‍ അവര്‍ക്ക് പോലും സ്ഥലം ഇല്ലായ്കയാല്‍ പശുതൊട്ടിയില്‍ കിടത്തി. അന്ന് ആ പ്രദേശത്ത് ഇടയന്മാര്‍ രാത്രിയില്‍ ആട്ടിന്‍ കൂട്ടത്തെ കാവല്‍ കാത്ത് വെളിയില്‍ പാര്‍ത്തിരുന്നു. ദൂതന്‍ അവരോട്, സര്‍വ്വജനത്തിനും ഉണ്ടാകുവാനുള്ളോരു മഹാ സ്‌ന്തോഷം ഞാന്‍ നിങ്ങളോട് സുവിശേഷിക്കുന്നു. കര്‍ത്താവായ ക്രിസ്തു എന്ന രക്ഷിതാവ് ദാവീദിന്റെ പട്ടണത്തില്‍ നിങ്ങള്‍ക്കായി ജനിച്ചിരിക്കുന്നു. നിങ്ങള്‍ക്കടയാളമോ, ശീലകള്‍ ചുറ്റി പശുതൊട്ടിയില്‍ കിടക്കുന്ന ഒരു ശിശുവിനെ നിങ്ങള്‍ കാണും.”
സര്‍വ്വ ജനത്തിന്റെയും വീണ്ടെടുപ്പിനായി ദൈവം താണിറങ്ങി വന്ന സുദിനം. ദൈവ പുത്രനെ സ്വീകരിക്കുവാന്‍ എല്ലാ അര്‍ത്ഥത്തിലും നാം ഒരുങ്ങി കഴിഞ്ഞു. കരോള്‍ ഗാനങ്ങളും പുല്‍ക്കൂടുകളഉം അലങ്കാരങ്ങളും സമ്മാനങ്ങളും എല്ലാം ഒരുങ്ങി കഴിഞ്ഞു. രണ്ടു ചിന്തകള്‍ പ്രധാനമായും നിങ്ങളുമായി പങ്കുവെക്കാന്‍ ആഗ്രഹിക്കുന്നു.
”വഴിയമ്പലത്തില്‍ അവര്‍ക്ക് സ്ഥലം ഇല്ലായ്മയാല്‍ ശീലകള്‍ ചുറ്റി പശു തൊട്ടിയില്‍ കിടത്തി. ഈ പെരുന്നാളില്‍ എല്ലാ ആഘോഷങ്ങളും നാം ഒരുക്കുമ്പോള്‍ ജനിക്കുവാന്‍ ഒരു ഇടം തേടുന്ന രക്ഷകനെ ഒരു നിമിഷം നാം മാനിക്കേണ്ടതുണ്ട്. എന്തിന് വേണ്ടിയാണ് നാം ഒരുങ്ങിയത്? തിരിച്ച് ഒന്ന് ചിന്തിച്ചൂടെ. ക്രിസ്മസ് ആയതിനാല്‍ ഞാന്‍ ഒരുങ്ങി, എല്ലാത്തിനും ഒരു കാരണം അത് മാ്ത്രമെ നാം ഇന്ന് ആഗ്രഹിക്കുന്നുള്ളു. അത് ജനനം ആയാലും മരണമായാലും രോഗമായാലും ദുഃഖമായാലും- കൂടിച്ചേരുവാന്‍ ഒരു കാരണം. മനസുകൊണ്ട് എന്റെ കുടുംബത്തില്‍, മനസില്‍ രക്ഷകന്‍ വന്നില്ലെയെങ്കില്‍ പിന്നെ എന്തിന് നാം ഒരുങ്ങി. മൂകരായ കാലികളുടെ മധ്യേ ആ ശിശു ജനിച്ചു. എന്നാല്‍ ഒരുങ്ങി എന്നവകാശപ്പെടുന്ന നമ്മുടെ ഉള്ളിലൊന്ന് ഒരിടം അന്വേഷിച്ച് കടന്നുവരുന്നതെങ്കില്‍.! ചിന്തിക്കുക..! നാം ഇന്ന് ആചരിക്കുന്ന എല്ലാ ചിന്തകളും അനുഭവങ്ങളും വിട്ടൊഴിയേണ്ടി വരും. ഞാന്‍ വാതില്‍ക്കല്‍ നിന്നു മുട്ടുന്നു. ആരെങ്കിലും എന്റെ ശബ്ദം കേട്ട് വാതില്‍ തുറന്നാല്‍ ഞാന്‍ അവനോടും അവന്‍ എന്നോടും കൂടെ പന്തിയില്‍ ഇരിക്കും (വെളിപാട് 3:20). പരസ്പരം ഒന്നായി തീരുന്ന ദിവ്യാനുഭവം. ദൈവവും മനുഷ്യനും സമ്മേളിക്കുന്ന പരിശുദ്ധതയുടെ അനുഭവം. വാതില്‍പ്പടിയില്‍ നമ്മുടെ മറുപടിക്കായി കാത്ത് നില്‍ക്കുന്ന രക്ഷകനെ നമ്മുടെ ഉള്ളിലേക്ക് ആനയിക്കാം ഈ ക്രിസ്മസ് നാളുകളില്‍. അങ്ങനെ നമ്മുടെ ഹൃദയത്തിനുള്ളില്‍ ക്രിസ്തു സാന്നിധ്യം അനുഭവിക്കാം.
രണ്ടാമതായി നിങ്ങള്‍ക്കടയാളമോ ശിലകള്‍ ചുറ്റി പശുതൊട്ടിയില്‍ കിടത്തിയിരിക്കുന്ന ഒരു ശിശുവിനെ നിങ്ങള്‍ കാണും.
സമൃദ്ധിയുടെ മാറ്റ് പ്രദര്‍ശിപ്പിക്കുന്ന ഒരു ആഘോഷമാണ് ഇന്ന് ക്രിസ്മസ്. അലങ്കാരങ്ങള്‍ക്കും സമ്മാനങ്ങള്‍ക്കും കൂടിവരവുകള്‍ക്കും എന്ത് മാത്രം ധനവ്യയമാണ് നാം ചെയ്യുന്നത്. ക്രിസ്മസാണ് കാരണമായി നാം പറയുന്നത്. ഇനി അതിലും ഭായനകം ക്രിസ്മസ് ആഘോഷങ്ങളിലെ ഭക്ഷണ ദുര്‍വ്യയമാണ്. ഒന്നുമില്ലായ്മയുടെ നടുവില്‍ ജീവിക്കുന്ന ഒരു ശിശുവിന് നാം കൊടുക്കുന്ന സ്വീകരണം. ഈ ദുര്‍വ്യയം കാണുമ്പോള്‍ നാം കണ്ടത് ക്രിസ്തുവിനെ അല്ല, പുല്‍കൂട്ടില്‍ പിറന്ന യേശുവിനെയും അല്ല. ഇന്നും നമ്മുടെ ഇടയിലും ചുറ്റുപാടിലും ഈ ഇല്ലായ്മയുടേയും വല്ലായ്മകളുടെയും പ്രതീകങ്ങള്‍ ഉണ്ട്. അതൊന്നും നാം കാണുന്നില്ലെന്നും മാത്രം. നമ്മുടെ ദൃഷ്ടി അവിടെങ്ങളിലേക്ക് എത്തിച്ചേരില്ല. കാരണം എളിമയും താഴ്മയും നമുക്കില്ല. അതൊരു കുറവാണെന്ന് നാം മനസിലാക്കണം.
ഈ ക്രിസ്മസ് പുല്‍ക്കൂടിന്റെ അനുഭത്തിലേക്ക് നമുക്ക് നോക്കാം. രക്ഷകന്റെ ജനനം നമുക്ക് നല്‍കിയ നല്ല അനുഭവങ്ങള്‍ ഒന്ന് പങ്കുവെക്കാം. അത്തരത്തിലൊരു പങ്കുവെക്കലാകട്ടെ നമ്മുടെ കൂടി വരവുകളും. എളിമയുടെയും ദാസ്യത്തിന്റെയും ഈ പെരുന്നാളില്‍ ക്രിസ്തുവിനെ ഉള്ളില്‍ വെച്ച് നമുക്ക് ദൈവ സ്‌നേഹത്തിന്റെ നല്ല മാതൃകകളാവാം. ”നിങ്ങള്‍ എന്നെ അറിഞ്ഞുവെങ്കില്‍ എന്റെ പിതാവിനെയും അറിയുമായിരുന്നു, ഇന്ന് മുതല്‍ നിങ്ങള്‍ അവനെ അറിയുന്നു.”(യോഹന്നാന്‍ 14:7)
ഏവര്‍ക്കും അനുഗ്രഹിക്കപ്പെട്ട ക്രിസ്മസും പുതുവര്‍ഷവും നേരുന്നു.
ജോയല്‍ ചെറുപ്ലാക്കില്‍
ഗില്‍ഫോര്‍ഡ്: തിരുപ്പിറവിയുടെ സ്നേഹ സന്ദേശവുമായി ഗില്‍ഫോര്‍ഡ് ഹോളിഫാമിലി പ്രയര്‍ ഗ്രൂപ്പും അയല്‍ക്കൂട്ടം കൂട്ടായ്മയും ചേര്‍ന്ന് സംയുക്തമായി നടത്തിയ കരോള്‍ സര്‍വീസ് വര്‍ണാഭമായി. വാദ്യമേളങ്ങളുടെ അകമ്പടിയോടെ കരോള്‍ ഗാനങ്ങള്‍ ആലപിച്ച് സജീവമായി പങ്കെടുത്ത കുടുംബാഗങ്ങളോടൊപ്പം ആടിയും പാടിയും അനുഗ്രഹാശംസകളുമായി എത്തിയ സാന്റായെ ആഹ്ലാദത്തോടെയാണ് എല്ലാ കുടുംബങ്ങളും എതിരേറ്റത്.
പരമ്പരാഗത രീതിയിലുള്ള പുല്‍ക്കൂടുകളും വര്‍ണ്ണാലങ്കാരങ്ങള്‍ നിറഞ്ഞ വിസ്മയകരമായ ക്രിസ്മസ് ട്രീകളും എല്ലാ ഭവനങ്ങളിലും ഒരുക്കി മാതാപിതാക്കളോടൊപ്പം കുട്ടികളും ഏറെ വിശ്വാസത്തോടെയാണ് കരോള്‍ സംഘത്തെ സ്വീകരിച്ചത്. സാന്റാ എല്ലാ ഭവനങ്ങളിലെയും കുട്ടികള്‍ക്ക് മിഠായിയും വിതരണം ചെയ്തു. സി.എ ജോസഫ്, ജോജി ജോസഫ്, ആന്റണി അബ്രാഹം, ബിനോദ് ജോസഫ്, ഫാന്‍സി നിക്‌സണ്‍, മോളി ക്ളീറ്റസ്, ജൂലി പോള്‍, ജിഷ ബോബി, മാഗ്ഗി പാസ്‌ക്കല്‍ എന്നിവരുടെ നേതൃത്വത്തില്‍ തിരുപ്പിറവിയുടെ സ്നേഹ സന്ദേശം നല്‍കുന്ന ഹൃദ്യമായ ഗാനങ്ങളും ആലപിച്ചു നടത്തിയ കരോള്‍ ആഘോഷം പുതുതലമുറയ്ക്കും നവ്യാനുഭവം പ്രദാനം ചെയ്ത് എല്ലാ കുടുംബങ്ങള്‍ക്കും മാതൃകയായി.
ഗ്ലാസ്‌കോ: വെളിപാട് പുസ്തകം 15:4ല്‍ എഴുതപ്പെട്ടതുപോലെ ‘അങ്ങേ നാമത്തെ ഭയപ്പെടാത്തവനും സ്തുതിക്കാത്തവനും ആരുണ്ട്. സകല ജനതകളും വന്ന് അങ്ങയെ ആരാധിക്കും’ എന്ന വചനം അന്വര്‍ത്ഥമാക്കിക്കൊണ്ട് യു.കെ കേന്ദ്രമാക്കി ലോകത്തിലെ വിവിധ രാജ്യങ്ങളില്‍ നവസുവിശേഷവത്ക്കരണം ലക്ഷ്യമാക്കി യേശുവില്‍ പ്രകടമായ അത്ഭുതങ്ങളും അടയാളങ്ങളും സാധ്യമാക്കിക്കൊണ്ട് കാലഘട്ടത്തിന്റെ ദൈവികോപകരണമായി വര്‍ത്തിക്കുന്ന റവ.ഫാ.സോജി ഓലിക്കലിന്റെ നേതൃത്വത്തില്‍ സെഹിയോന്‍ ടീം ക്രിസ്മസ് അവധിക്കാലത്ത് സ്‌കോട്‌ലാന്‍ഡില്‍ താമസിച്ചുള്ള കുടുംബനവീകരണ ധ്യാനം നടത്തുന്നു. ജനുവരി 2 മുതല്‍ 4 വരെയാണ് ധ്യാനം നടക്കുക.
അഭിഷേകാഗ്‌നി മിനിസ്ട്രിയുടെ ഇന്റര്‍നാഷണല്‍ കോ ഓര്‍ഡിനേറ്ററും പ്രമുഖ വചന പ്രഘോഷകനുമായ ബ്രദര്‍ ഷിബു കുര്യന്‍, പ്രമുഖ ആത്മീയ രോഗശാന്തി ശുശ്രൂഷകന്‍ ബ്രദര്‍ സെബാസ്‌റ്യന്‍ സെയില്‍സ്, ആത്മീയ ശുശ്രൂഷകനും സെഹിയോന്‍ യു.കെയുടെ കുട്ടികളുടെ മിനിസ്ട്രിയുടെ നേതൃത്വവുമായ ബ്രദര്‍ തോമസ് ജോസഫ് എന്നിവരും ധ്യാനത്തില്‍ പങ്കെടുക്കും.
സ്‌കോട്‌ലന്‍ഡില്‍ ഇദംപ്രഥമമായാണ് സെഹിയോന്‍ ടീമിന്റെ നേതൃത്വത്തില്‍ സോജിയച്ചന്‍ നയിക്കുന്ന താമസിച്ചുള്ള ധ്യാനം നടത്തപ്പെടുന്നത്. കുട്ടികള്‍ക്കും പ്രത്യേകം ശുശ്രൂഷകള്‍ ഉണ്ടായിരിക്കും.
ധ്യാനത്തിലേക്കുള്ള രജിസ്ട്രേഷന്‍ തുടരുന്നു. www.sehion.org എന്ന വെബ്‌സൈറ്റിലോ താഴെപ്പറയുന്ന ഫോണ്‍ നമ്പറുകളില്‍ നേരിട്ടോ രജിസ്ട്രേഷന്‍ നടത്താവുന്നതാണ്.
ജേക്കബ് വര്‍ഗീസ് 07960149670
ലിജോഷ് 07828015729.
വിലാസം, തീയതി;
2019 ജനുവരി 2,3,4 ബുധന്‍, വ്യാഴം, വെള്ളി ദിവസങ്ങളില്‍.
Starts: At 8.00 am on January 2nd 2019
Finishes :On 4th January 5.00pm
Venue: Windmill Christian Centre , Millgate Loan,
DD11 1QG, Arbroath,Scotland.
മരിയന്‍ മിനിസ്ട്രിയുടെ നേതൃത്വത്തില്‍ ഫസ്റ്റ് സാറ്റര്‍ഡേ റിട്രീറ്റ് ജനുവരി 5ന് നടത്തപ്പെടുന്നു. മരിയന്‍ മിനിസ്ട്രി സ്പിരിച്വല്‍ ഡയറക്ടര്‍ ബഹുമാനപ്പെട്ട ടോമി ഏടാട്ട് അച്ചനോടൊപ്പം മരിയന്‍ മിനിസ്ട്രി ടീമും ശുശ്രൂഷകള്‍ക്ക് നേതൃത്വം നല്‍കും. രാവിലെ 9 മണിക്ക് ജപമാലയോടെ ആരംഭിച്ച്, ദിവ്യബലി, പ്രെയ്സ് ആന്‍ഡ് വര്‍ഷിപ്പ്, വചന പ്രഘോഷണം, ആരാധന എന്നിവയോടെ വൈകുന്നേരം 3 മണിക്ക് എല്ലാ ശുശ്രൂഷകളും അവസാനിക്കുന്നതായിരിക്കും.
കൂടുതല്‍ വിവരങ്ങള്‍ക്ക് മരിയന്‍ മിനിസ്ട്രി യു.കെ ഡയറക്ടറും
ചീഫ് കോ-ഓര്‍ഡിനേറ്ററുമായ ബ്രദര്‍ ചെറിയാന്‍ സാമുവലിനെയോ (07460499931) ഡാനി ഇന്നസെന്റിനെയോ (07852897570) ബന്ധപ്പെടുക.
സിറിള്‍ പനംങ്കാല
നോട്ടിങ്ഹാം: കഴിഞ്ഞ പത്ത് വര്‍ഷക്കാലം നോട്ടിങ്ഹാമിലെ ക്‌നാനായ സമൂഹത്തെ തങ്ങളുടെ തനിമയിലും പാരമ്പര്യത്തിലും പൈതൃകത്തിലും കൈ പിടിച്ചു നടത്തിയ നോട്ടിങ്ഹാം ക്‌നാനായ കാത്തലിക്ക് അസോസിയേഷന്‍ ദശാബ്ധി ആഘോഷങ്ങളുടെ സമാപനത്തിനായി ഒരുങ്ങുകയാണ്. ആഘോഷങ്ങള്‍ക്ക് പത്തരമാറ്റ് പകിട്ടേകുവാന്‍ യു.കെ കെ.സി.എയുടെ 51 യൂണിറ്റുകള്‍ക്കും പങ്കെടുക്കുവാന്‍ സാധിക്കുന്ന ഓള്‍ യു.കെ പുരാതന പാട്ട് മത്സരവും നടത്തപ്പെടുന്നു. മത്സര വിജയികള്‍ക്ക് ആകര്‍ഷകമായ സമ്മാനങ്ങളാണ് ഒരുക്കിയിരിക്കുന്നത്. ഇത് കൂടാതെ വി കുര്‍ബാന, വെല്‍ക്കം ഡാന്‍സ്, മുതിര്‍ന്നവരുടെയും കുട്ടികളുടെയും കലാപരിപാടികള്‍, യു.കെ കെ.സി.എ ഭാരവാഹികള്‍ക്ക് സ്വീകരണം, സ്‌നേഹവിരുന്ന് തുടങ്ങി വിപുലമായ ഒരുക്കങ്ങള്‍ നടന്നു കൊണ്ടിരിക്കുന്നു.
പത്തുവര്‍ഷം മുന്‍പ് ശ്രീ ജെയിംസ് കാവനാലിന്റെയും ശ്രീ ബേബി കുര്യക്കോസിന്റെയും നേതൃത്വത്തില്‍ തുടക്കം കുറിച്ച നോട്ടിങ്ഹാം ക്‌നാനായ കാത്തലിക്ക് അസോസിയേഷന്‍ തുടര്‍ന്ന് വന്ന നേതൃത്വങ്ങളുടെ ശക്തമായ പ്രവര്‍ത്തനങ്ങളുടെ ഫലമായി വളര്‍ന്നു പന്തലിച്ചു യു.കെ കെ.സി.എക്ക് പൂര്‍ണമായും പിന്തുണ നല്‍കികൊണ്ട് നല്ല രീതിയിലുള്ള പ്രവര്‍ത്തനം കാഴ്ച്ചവെക്കുന്നു. യു.കെ കെ.സി.എ സെന്‍ട്രല്‍ കമ്മറ്റിയിലേക്ക് കരുത്തരായ നേതാക്കളെ സംഭാവന ചെയിത ഒരു യൂണിറ്റാണ് നോട്ടിങ്ഹാം. യു.കെ കെ.സി.എയുടെ കരുത്തരായ സെക്രട്ടറിമാരില്‍ ഒരാളായ ശ്രീ മാത്തുക്കുട്ടി ആനകുത്തിക്കലും ഇപ്പോഴത്തെ സെന്‍ട്രല്‍ കമ്മറ്റിയില്‍ പ്രവര്‍ത്തിക്കുന്ന ജോയിന്റ് ട്രഷര്‍ ശ്രീ ജെറി ജെയിംസും നോട്ടിങ്ഹാം യുണിറ്റ് അംഗമാണ്.
തങ്ങളുടെ പാരമ്പര്യങ്ങളും തനിമയും കാത്തുപരിപാലിച്ചു കൊണ്ട് വരും തലമുറയിലേക്ക് പകര്‍ന്നു നല്‍കുവാന്‍ തക്ക പ്രവര്‍ത്തങ്ങളുമായി NKCA മുന്നേറുകയാണ്. ദശാബ്ധി ആഘോഷങ്ങളുടെ വിജയത്തിനായി പ്രസിഡന്റ് ശ്രീ മാത്തുക്കുട്ടി ആനകുത്തിക്കലിന്റെയും സെക്രട്ടറി ശ്രീമതി ടെസ്സി ഷാജിയുടെയും നേതൃത്വത്തിലുള്ള കമ്മറ്റി അക്ഷീണം പരിശ്രമിച്ചുകൊണ്ടിരിക്കുന്നു.
ജോണ്‍സണ്‍ ഊരംവേലില്‍
റാംസ്‌ഗേറ്റ് ഡിവൈന്‍ ധ്യാനകേന്ദ്രത്തില്‍ ബഹുമാനപ്പെട്ട പനയ്ക്കലച്ചനും ആന്റണി പറങ്കിമാലില്‍ അച്ചനും നയിക്കുന്ന നോമ്പുകാല ധ്യാനം. ഡിസംബര്‍ 21,22,23 തിയതികളിലായി നടക്കുന്ന ധ്യാനത്തില്‍ കുമ്പസാരത്തിനും കൗണ്‍സലിംഗിനും സൗകര്യം ഉണ്ടായിരിക്കുന്നതാണ്. ഉണ്ണിയേശുവിന്റെ വരവിനായി ഒരുങ്ങുന്ന ഈ മംഗളവാര്‍ത്താ കാലത്തില്‍ തിരുവചനം ശ്രവിച്ച് നമ്മെത്തന്നെ വിശുദ്ധീകരിച്ച് ഉണ്ണിയേശുവിനെ സ്വീകരിക്കാന്‍ ഏവരെയും സ്വാഗതം ചെയ്യുന്നു.
കൂടുതല്‍ വിവരങ്ങള്‍ക്കും അന്വേഷണങ്ങള്‍ക്കും ബുക്കിംഗിനും
ഫാ. ജോസഫ് എടാട്ട്
ഫോണ്‍: 07548303824, 01843586904, 0786047817
ഇമെയില്‍: [email protected]
വിലാസം
Divine Retreat Centre
St.Augustines Abbey
St.Augustines Road, Ramsgate
Kent CT11 9PA
ന്യൂ കാസില്‍: കേരളത്തിലെ വിവിധ ക്രൈസ്തവസമൂഹങ്ങളുടെ നേതൃത്വത്തില്‍ വര്‍ഷം തോറും നടത്തിവരാറുള്ള എക്ക്യുമെനിക്കല്‍ ക്രിസ്മസ് കരോള്‍ സംഗീത സന്ധ്യ ഈ വര്‍ഷം ജനുവരി 19, ശനിയാഴ്ച വൈകുന്നേരം 5.00 ന് ന്യൂ കാസില്‍ സെ. തോമസ് ഇന്ത്യന്‍ ഓര്‍ത്തഡോക്‌സ് ദേവാലയത്തില്‍ വെച്ച് വിശിഷ്ട വ്യക്തികളുടെ മഹനീയ സാന്നിധ്യത്തില്‍ തുടക്കമാകുന്ന ചടങ്ങില്‍ ആംഗ്ലിക്കന്‍ രൂപതാധ്യക്ഷന്‍ റൈറ്റ് റെവ. ദി ലോര്‍ഡ് ബിഷപ് ഓഫ് ദര്‍ഹം പോള്‍ ബട്ട്‌ലര്‍ (ദര്‍ഹം രൂപത ) മുഖ്യാതിഥിയാകും. ക്രൈസ്തവ വിശ്വാസവും പൈതൃകവും മുറുകെ പിടിച്ചുകൊണ്ട്, തങ്ങള്‍ക്കു കിട്ടിയ വിശ്വാസദീപത്തെ വരും തലമുറയ്ക്ക് കൈമാറാനും അതനുസരിച്ച് ജീവിക്കാനും വെമ്പുന്ന മലയാളി ക്രൈസ്തവര്‍, സ്‌നേഹത്തിന്റെ ക്രിസ്മസ് സന്ദേശം സഹോധരങ്ങള്‍ക്ക് കൈമാറാനുള്ള എളിയ സംരംഭത്തില്‍ കത്തോലിക്ക, ഓര്‍ത്തഡോക്‌സ്, ജാക്കോബൈറ്റ്, മാര്‍ത്തോമ സഭകളുടെ സാന്നിധ്യം കൊണ്ട് സമ്പന്നമാകും.
വിവിധ സഭകളുടെ വൈദിക ശ്രേഷ്ഠന്മാരും മറ്റു വിശിഷ്ട അഥിതികളും സാക്ഷ്യം വഹിക്കുന്ന ചടങ്ങില്‍ നോര്‍ത്ത് ഈസ്റ്റിലെ മലയാളികളുടെ ശൈത്യകാല സമ്മേളനമാകുമെന്ന് പ്രതീക്ഷിക്കുന്നു. ഇത്തവണ ക്രിസ്തുമസ് ആഘോഷങ്ങള്‍ക്ക് മാറ്റുകൂട്ടി കൊണ്ട്, കരോള്‍ ആഘോഷത്തില്‍ നിന്നും കിട്ടുന്ന വരുമാനം ഗ്രീന്‍ ഫിംഗര്‍ ചാരിറ്റി എന്ന സംഘടനക്ക് കൈമാറാന്‍ ആഗ്രഹിക്കുന്നു. ക്രിസ്തീയ സ്‌നേഹത്തിന്റെ ചൈതന്യം മറ്റുള്ളവരില്‍ എത്തിക്കാനുള്ള എളിയ ശ്രമത്തിനു സമൂഹത്തിന്റെ നാനാ വിഭാഗങ്ങളില്‍ നിന്നും വലിയ പിന്തുണയാണ് ലഭിക്കുന്നത്. ഇതൊരു വലിയ തുടക്കത്തിന്റെ ചെറിയ ആരംഭമാകെട്ടെയെന്ന് ഇതിന്റെ സംഘാടകര്‍ ആശിക്കുന്നു.
കൂടുതല്‍ വിവരങ്ങള്‍ക്ക് : 07962200998
സംഗമ വേദി :
St. Thomas Indian Orthodox Church, Front Street, Blaydon, Newcastle upon Tyne. NE21 4RF.
വാല്താംസ്റ്റോ: ലണ്ടനിലെ മരിയന്‍ തീര്‍ഥാടന കേന്ദ്രമായ വാല്‍താംസ്റ്റോയിലെ (ഔവര്‍ ലേഡി ആന്‍ഡ് സെന്റ് ജോര്‍ജ് പള്ളിയില്‍) ഈ മാസം 19-ാം തീയതി ബുധനാഴ്ച മരിയന്‍ ദിനശുശ്രൂഷയും, മരിയന്‍ പ്രദക്ഷിണവും ഗ്വാഡാലുപ്പാ മാതാവിന്റെ തിരുനാളും ഭക്ത്യാദരപൂര്‍വ്വം കൊണ്ടാടുന്നതാണ്.
പരിശുദ്ധ അമ്മയോടുള്ള സ്നേഹ ബഹുമാനങ്ങള്‍ പ്രകടിപ്പിക്കുന്നതിനും അതുപോലെ അമ്മയുടെ മാധ്യസ്ഥം തേടിയും എല്ലാ മാസവും മൂന്നാമത്തെ മരിയന്‍ ദിനത്തില്‍ നേര്‍ച്ച നേര്‍ന്ന് എത്തുന്ന വിശ്വാസികള്‍ പരിശുദ്ധ അമ്മയുടെ തിരുസ്വരൂപവും വഹിച്ച് കത്തിച്ച മെഴുകുതിരികളും കൈകളിലേന്തിയുള്ള മരിയന്‍ പ്രദക്ഷിണവും ഉണ്ടായിരിക്കുന്നതാണ്.
തിരുക്കര്‍മ്മങ്ങളൂടെ വിശദവിവരം താഴെ ചേര്‍ക്കുന്നു.
5:30 pm കുമ്പസാരം, 6.15 pm പരിശുദ്ധ ജപമാല, 6.45 pm ആഘോഷമായ വി.കുര്‍ബ്ബാന, തുടര്‍ന്ന് നിത്യസഹായ മാതാവിന്റെ നൊവേന പ്രാര്‍ത്ഥന, എണ്ണ നേര്‍ച്ച, മരിയന്‍ പ്രദക്ഷിണം, വചന സന്ദേശം, പരി.പരമ ദിവ്യകാരുണ്യ ആരാധന.
പള്ളിയുടെ വിലാസം:
Our Lady and St.George Church,
132 Shernhall tSreet,
Walthamstow,
E17. 9HU
തിരുക്കര്‍മ്മങ്ങളില്‍ പങ്കെടുത്ത് ആത്മീയവും, ഭൗതീകവും, ശാരീരികവുമായ അനവധി അനുഗ്രഹങ്ങള്‍ പ്രാപിക്കുന്നതിനായി ഈ മരിയന്‍ ദിന ശുശ്രൂഷകളിലേക്ക് ഒത്തിരി സ്നേഹത്തോടെ സ്വാഗതം ചെയ്യുന്നതായി സീറോ മലബാര്‍ സഭ ബ്രന്‍ഡ് വുഡ് രൂപത ചാപ്ളിന്‍ ഫാ.ജോസ് അന്ത്യാംകുളം അറിയിച്ചു.
