Spiritual

സഖറിയ പുത്തന്‍കളം

16-ാമത് യു.കെ.കെ.സി.എ കണ്‍വെന്‍ഷന്റെ മുഖ്യാതിഥി ക്നാനായക്കാരുടെ ദ്വിതീയ തലവന്‍, കോട്ടയം അതിരൂപതാ സഹായ മെത്രാന്‍ മാര്‍ ജോസഫ് പണ്ടാരശ്ശേരിക്ക് യു.കെ.കെ.സി.എ ഭാരവാഹികളും മാഞ്ചസ്റ്റര്‍ യൂണിറ്റ് ഭാരവാഹികളും ഫാ. സജി മലയില്‍ പുത്തന്‍പുരയും ചേര്‍ന്ന് ഉജ്ജ്വല സ്വീകരണം മാഞ്ചസ്റ്റര്‍ എയര്‍പോര്‍ട്ടില്‍ നല്‍കി.

യു.കെ.കെ.സി.എ കണ്‍വെന്‍ഷന്‍ അതിഥികളായി വെസ്റ്റ് മിനിസ്റ്റര്‍ രൂപതാ ബിഷപ്പ് മാര്‍ പോള്‍ മക്ക്‌ലീന്‍, സീറോ മലബാര്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍, ഗ്ലോസ്റ്റര്‍ ഷെയര്‍ മേയര്‍ ക്ലാര ഡഡ്വില്‍, കടുത്തുരുത്തി എം.എല്‍എ. മോന്‍സ് ജോസഫ് എന്നിവര്‍ സംബന്ധിക്കും.

ശനിയാഴ്ച രാവിലെ കൃത്യം 9.30-ന് പതാക ഉയര്‍ത്തല്‍ 9.45 ബിഷപ്പുമാരും വൈദികരും തിരുവസ്ത്രമണിഞ്ഞ് പ്രദക്ഷിണം, തുടര്‍ന്ന് 10-ന് ആഘോഷമായ പൊന്തിഫിക്കല്‍ ദിവ്യബലി 12.45-ന് 500ലധികം വനിതകള്‍ അണിയിച്ചൊരുക്കുന്ന നടന സര്‍ഗ്ഗം 1.30ന് യൂണിറ്റുകളുടെ കരുത്ത് തെളിയിക്കുന്ന പടുകൂറ്റന്‍ റാലി, ഉച്ചകഴിഞ്ഞ് 3.30ന് പ്രൗഢഗംഭീരമായ പൊതുസമ്മേളനം തുടര്‍ന്ന് 150-ലധികം യുവജനങ്ങള്‍ യു.കെ.കെ.സി.വൈ.എല്‍ അണിയിച്ചൊരുക്കുന്ന സ്വാഗതഗാന നൃത്തം തുടര്‍ന്ന് കലാസന്ധ്യ.

നാളെ വൈകുന്നേരം 6.30-ന് സെന്റ് മൈക്കിള്‍സ് ചാപ്പലിന്റെ വെഞ്ചരിപ്പ് കര്‍മ്മം യു.കെ.കെ.സി.എ ആസ്ഥാനമന്ദിരത്ത് നടക്കും. കണ്‍വെന്‍ഷന്‍ പ്രവര്‍ത്തനങ്ങള്‍ക്ക് പ്രസിഡന്റ് ബിജു മടക്കക്കുഴി, സെക്രട്ടറി ജോസി നെടുംതുരുത്തി പുത്തന്‍പുര, ട്രഷറര്‍ ബാബു തോട്ടം, വൈസ് പ്രസിഡന്റ് ജോസ് മുഖച്ചിറയില്‍, ജോ. സെക്രട്ടറി സഖറിയ പുത്തന്‍കളം, ജോ. ട്രഷറര്‍ ഫിനില്‍ കളത്തില്‍കോട്, അഡൈ്വസേഴ്സ് ബെന്നി മാവേലില്‍, റോയി സ്റ്റീഫന്‍ എന്നിവര്‍ നേതൃത്വം നല്‍കുന്നു.

ചെല്‍ട്ടണ്‍ഹാം: 16-ാമത് യു.കെ.കെ.സി.എ കണ്‍വെന്‍ഷന് രണ്ട് നാളുകള്‍ മാത്രം ശേഷിക്കേ വീറും വാശിയും പകരുന്ന റാലി മത്സരം ഏറ്റവും മനോഹരമാക്കുവാന്‍ റാലി കമ്മിറ്റി സുസജ്ജമായി. യു.കെ.കെ.സി.എ ജോയിന്റ് ട്രഷറര്‍ ഫിനില്‍ കളത്തികോട്ട് ചെയര്‍മാനായി ഈസ്റ്റ് ലണ്ടന്‍ യൂണിറ്റിലെ സജി ഉതുപ്പ്, ബ്ലാക് പൂള്‍ യൂണിറ്റിലെ ജോണി ചാക്കോ, കെന്റ് യൂണിറ്റിലെ സ്റ്റീഫന്‍ തെരുവത്ത്, ലിവര്‍പൂള്‍ യൂണിറ്റിലെ സാജു ലൂക്കോസ്, സ്റ്റിവനേജ് യൂണിറ്റിലെ ജോണി കല്ലടാന്തിയില്‍, ഈസ്റ്റ് സസെക്‌സ് യൂണിറ്റിലെ സണ്ണി തോമസ്, ബ്രിസ്റ്റോള്‍ യൂണിറ്റിലെ ബിജു എബ്രഹാം എന്നിവരാണ്.

മൂന്ന് കാറ്റഗറിയിലായിട്ടാണ് മത്സരം നടക്കുന്നത്. അക്ഷരമാല ക്രമത്തില്‍ ആദ്യം ഗ്രൂപ്പ് എ (25 കുടുംബങ്ങളില്‍ താഴെ) തുടര്‍ന്ന് മറ്റ് രണ്ട് ഗ്രൂപ്പുകളും അണിചേരും. റാലിയുടെ ഏറ്റവും മുന്‍നിരയില്‍ വിശിഷ്ടാതിഥികള്‍, തുടര്‍ന്ന് യു.കെ.കെ.സി.വൈ.എല്‍ ഭാരവാഹികള്‍, വനിതാഫോറം കമ്മിറ്റി അംഗങ്ങള്‍, തുടര്‍ന്ന് ശുഭ്രവസ്തധാരികളായി നാഷണല്‍ കൗണ്‍സില്‍ അംഗങ്ങളും അണിചേരും.

ശനിയാഴ്ച രാവിലെ കൃത്യം 9.20-ന് പതാക ഉയര്‍ത്തുന്നതോടുകൂടി കണ്‍വെന്‍ഷന് തുടക്കമാകും. കണ്‍വെന്‍ഷന്‍ വേദി വിലാസം

JOCKEY CLUB
CHELTENHAM
G L 50 4 SH

ബെന്നി തോമസ്

റെക്‌സം രൂപതാ കേരളാ, ഇംഗ്ലീഷ് കമ്മ്യൂണിറ്റി സംയുക്തമായി സേക്രഡ് ഹാര്‍ട്ട് ചര്‍ച്ച് ഹവാര്‍ഡനില്‍ ഭാരത അപ്പസ്‌തോലന്‍ വിശുദ്ധ തോമാശ്ലീഹായുട ദുക്‌റാന തിരുന്നാള്‍ സമുചിതമായി ആഘോഷിച്ചു. ജൂലൈ മൂന്നാം തിയതി തിങ്കളാഴ്ച വൈകിട്ട് 4.30ന് ജപമാല പ്രാര്‍ഥന, തുടര്‍ന്ന് 5 മണിക്ക് ആഘോഷമായ ദിവ്യബലി. ആഘോഷമായ സമൂഹബലിയില്‍ റെക്‌സം രൂപതാ കോര്‍ഡിനേറ്റര്‍ ഫാദര്‍ റോയ് കോട്ടക്കുപുറം, ഫാദര്‍ എബ്രഹാം സി.എം.ഐ തുടങ്ങിയവര്‍ കാര്‍മ്മികരായി പങ്കുചേര്‍ന്നു.

പരിശുദ്ധ കുര്‍ബാന മദ്ധ്യേ റെക്‌സം രൂപതാ ബിഷപ്പ് മാര്‍ പീറ്റര്‍ ബ്രിഗനല്‍ സുവിശേഷ സന്ദേശം നല്‍കി. റെക്‌സം രൂപതയിലുള്ള കേരളാ കമ്മ്യൂണിറ്റി എല്ലാവര്‍ഷവും ഭാരത മദ്ധ്യസ്ഥന്റെ തിരുന്നാള്‍ ഭക്തി സാന്ദ്രം കൊണ്ടാടുന്നതിതില്‍ ഏവര്‍ക്കും പ്രാര്‍ത്ഥനാ ആശംസകളാല്‍ നന്ദി രേഖപ്പെടുത്തി. വരും വര്‍ഷങ്ങളിലും കേരളത്തനിമയോടെ നമ്മുടെ മദ്ധ്യസ്ഥന്റെ വിശ്വാസ പ്രഘോഷണത്തില്‍ പങ്കുചേരാന്‍ ഒപ്പം ഉണ്ടാകുമെന്നു പിതാവ് അറിയിച്ചു.

വിശുദ്ധബലിയെ തുടര്‍ന്ന് ആഘോഷമായ ലദീഞ്ഞ്, വിശുദ്ധ തോമാശ്ലീഹായുടെ തിരുരൂപം വഹിച്ച് മുത്തുക്കുടയേന്തിയ ഭക്തി സാന്ദ്രമായ പ്രദക്ഷിണം, സമാപന പ്രാര്‍ത്ഥനകള്‍, പാച്ചോര്‍ നേര്‍ച്ച വിതരണം, തുടര്‍ന്ന് ചെസ്റ്ററില്‍ നിന്നുള്ള അജിയുടേയും കുടുംബത്തിന്റെയും സ്‌നേഹോപഹാരമായി കേരള ഭക്ഷണവും തിരുന്നാളിനെ കൂടുതല്‍ ആസ്വാദ്യമാക്കി.

വിശുദ്ധ തോമാശ്‌ളീഹായുടെ തിരുനാളില്‍ പങ്കുചേര്‍ന്നു അനുഗ്രഹം പ്രാപിക്കാന്‍ റെക്‌സം രൂപതയുടെ അയല്‍ പ്രദേശങ്ങളായ ചെസ്റ്റര്‍, ലിവര്‍പൂള്‍, എല്‍സമീര്‍ പോര്‍ട്ട്, കോള്‍വിന്‍ബെ, ഫ്‌ലിന്റ്,റൂദിന്‍, ക്രൂ തുടങ്ങിയ സ്ഥലങ്ങളില്‍ നിന്നും വിശ്വാസികള്‍ എത്തിച്ചേര്‍ന്നിരുന്നു. തിരുനാളില്‍ പങ്കുകൊണ്ട ഏല്ലാവര്‍ക്കും രൂപതാ കോര്‍ഡിനേറ്റര്‍ ഫാദര്‍ റോയ് കോട്ടക്കുപുറം നന്ദി അറിയിച്ചു.

ഫാ. ബിജു കുന്നയ്ക്കാട്ട് പി. ആര്‍.ഒ

ബോളിംഗ്ടണ്‍: ദൈവവിളി കണ്ടെത്താനും അത് സ്വീകരിക്കാന്‍ മനസിനെ പ്രാപ്തമാക്കാനുമായി ഗ്രേറ്റ് ബ്രിട്ടണ്‍ സീറോ മലബാര്‍ രൂപതയുടെ ആഭിമുഖ്യത്തില്‍ സംഘടിപ്പിച്ച ‘ദൈവവിളി വിവേചന ബോധവത്കണ ക്യാമ്പില്‍ രൂപതയുടെ വിവിധ ഭാഗങ്ങളില്‍ നിന്നായി പത്തൊന്‍പത് യുവാക്കള്‍ പങ്കുചേര്‍ന്നു. തിങ്കളാഴ്ച രാവിലെ 10 മണിക്ക് ആരംഭിച്ച് ഇന്നലെ വൈകിട്ട് 4 മണിക്ക് അവസാനിക്കുന്ന രീതിയില്‍ ക്രമീകരിച്ചിരുന്ന ഈ ആദ്യ ദൈവവിളി ക്യാമ്പ് നയിച്ചത് ദൈവവിളി പരിശീലനരംഗത്ത് പ്രാഗത്ഭ്യമുള്ള റവ. ഫാ. ഡേവിഡ് ഒമാലി എസ്.ഡി.ബി., റവ. ഫാ. സിറില്‍ ഇടമന എസ്.ഡി.ബിയും സംഘവുമാണ്.

ഗ്രേറ്റ് ബ്രിട്ടണ്‍ സീറോ മലബാര്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കലിന്റെ പ്രതിനിധിയായി, വികാരി ജനറല്‍ റവ. ഫാ. സജിമോന്‍ മലയില്‍ പുത്തന്‍പുരയില്‍ ക്യാമ്പ് അംഗങ്ങളെ സന്ദര്‍ശിക്കാനെത്തി. രൂപതാ വൊക്കേഷന്‍ പ്രമോട്ടര്‍ റവ. ഫാ. ടെറിന്‍ മുല്ലക്കരയുടെ നേതൃത്വത്തിലാണ് ദ്വിദിന പരിശീലന പരിപാടി സംഘടിപ്പിച്ചത്. രൂപത സംഘടിപ്പിച്ച ഈ ആദ്യ ദൈവവിളി ക്യാമ്പില്‍ തന്നെ യുവതലമുറയില്‍ നിന്ന് നല്ല പ്രതികരണം ലഭിച്ചത് ഏറെ സന്തോഷമാണെന്നും ക്യാമ്പില്‍ നിന്ന് കിട്ടിയ നല്ല ബോധ്യങ്ങള്‍ക്കനുസരിച്ച് ഉത്തമമായ ദൈവവിളികള്‍ തിരഞ്ഞെടുക്കാന്‍ ഓരോരുത്തര്‍ക്കും സാധിക്കട്ടെയെന്നും രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ പ്രത്യാശ പ്രകടിപ്പിച്ചു.

സാജു ജോസഫ്

ഭാരത സഭയുടെ, പ്രത്യേകിച്ച് സീറോ മലബാര്‍ സഭയുടെ മധ്യസ്ഥരായ വിശുദ്ധ അല്‍ഫോന്‍സാമ്മ, വിശുദ്ധ ചാവറയച്ചന്‍, വിശുദ്ധ എവുപ്രാസ്യമ്മ എന്നിവരുടെ തിരുനാള്‍ സംയുക്തമായി വെസ്റ്റ് ബൈഫ്‌ലീറ്റ് സീറോ മലബാര്‍ കാത്തലിക് ചര്‍ച്ചിന്റെ ആഭിമുഖ്യത്തില്‍ ജൂലൈ 15 ശനിയാഴ്ച വുഡ്ഹാം ഓള്‍ സെയിന്റ്‌സ് ചര്‍ച്ചില്‍ വെച്ച് സമുചിതമായി ആഘോഷിക്കുന്നു. മുന്‍വര്‍ഷങ്ങളിലെപ്പോലെ തന്നെ കൂട്ടായ്മയുടെ വാര്‍ഷികവും ഇതോടനുബന്ധിച്ച് നടത്തുന്നതാണ്.

അന്നേദിവസം രാവിലെ പത്തുമണിക്ക് ആരംഭിക്കുന്ന ആഘോഷമായ പാട്ടുകുര്‍ബാനയെത്തുടര്‍ന്ന് ലദീഞ്ഞും മുത്തുക്കുടകളുടെയും കൊടികളുടെയും അകമ്പടിയോടുകൂടി പരിശുദ്ധ ദൈവമാതാവിന്റെയും മൂന്ന് വിശുദ്ധരുടെയും തിരുസ്വരൂപങ്ങള്‍ വഹിച്ചു കൊണ്ടുള്ള ആഘോഷമായ പ്രദക്ഷിണവും സ്‌നേഹവിരുന്നും ഉണ്ടായിരിക്കും. വിശുദ്ധ കുര്‍ബാനയുടെ പ്രധാന കാര്‍മ്മികന്‍ ഗ്രേറ്റ് ബ്രിട്ടന്‍ രൂപതാ വികാരി ജനറല്‍ റവ. ഫാ. തോമസ് പാറയടിയില്‍ ആയിരിക്കും.

സ്‌നേഹവിരുന്നിനു ശേഷം കലാപരിപാടികളും ഫാന്‍സിഡ്രസ്സ്മത്സരവും സമ്മാനദാനവും പള്ളി ഹാളില്‍ വെച്ച് നടക്കും. തിരുനാളില്‍ ഭക്തിപൂര്‍വ്വം പങ്കുചേര്‍ന്നു വിശുദ്ധരുടെ അനുഗ്രഹങ്ങള്‍ പ്രാപിക്കുവാന്‍ വോക്കിങ്ങിലും പരിസര പ്രദേശങ്ങളിലും ഉള്ള എല്ലാ വിശ്വാസികളെയും സ്‌നേഹപൂര്‍വ്വം ക്ഷണിക്കുന്നതായി പ്രീസ്റ്റ് ഇന്‍ ചാര്‍ജ് ഫാ. റോയ് മുത്തുമാക്കലും പ്രസുദേന്തിമാരും പള്ളി കമ്മറ്റി അംഗങ്ങളും അറിയിച്ചു.

തിരുനാള്‍നടക്കുന്ന പള്ളിയുടെ വിലാസം

ALL SAINTS CHURCH, 564 WOODHAM LANE, WOKING, SURREY, GU21 5SH.
കൂടുതല്‍വിവരങ്ങള്‍ക്ക് ബന്ധപ്പെടുക
07888669589, 07859888530, 07939262702

ചെല്‍ട്ടണ്‍ഹാം: 16-ാമത് യു.കെ.കെ.സി.എ കണ്‍വെന്‍ഷനില്‍ സംബന്ധിക്കുവാന്‍ കോട്ടയം അതിരൂപതാ സഹായ മെത്രാന്‍ മാര്‍ ജോസഫ് പണ്ടാരശ്ശേരി ഇന്ന് മാഞ്ചസ്റ്ററില്‍ എത്തും. യു.കെ.കെ.സി.എ ഭാരവാഹികള്‍, മാഞ്ചസ്റ്റര്‍ യൂണിറ്റ് ഭാരവാഹികള്‍, മാഞ്ചസ്റ്റര്‍ യൂണിറ്റ് ഭാരവാഹികള്‍, ഫാ. സജി മലയില്‍ പുത്തന്‍പുര എന്നിവര്‍ മാര്‍ ജോസഫ് പണ്ടാരശ്ശേരിക്ക് ഉജ്ജ്വല സ്വീകരണം നല്‍കും.

യു.കെ.കെ.സി.എയുടെ ചരിത്രത്തില്‍ ആദ്യമായി യു.കെ.കെ.സി.വൈ.എല്‍ 150ല്‍ അംഗങ്ങള്‍ അണിയിച്ചൊരുക്കുന്ന സ്വാഗതഗാന നൃത്തം യുവജനങ്ങളെ മാത്രമല്ല, കണ്‍വെന്‍ഷനില്‍ സംബന്ധിക്കുന്ന ഓരോ ക്‌നാനായക്കാരനെയും ആവേശത്തിലാക്കും. കലാഭവന്‍ നൈസ് ആണ് കൊറിയോഗ്രാഫര്‍.

കണ്‍വെന്‍ഷന്‍ ദിവസം രാവിലെ 9.45ന് ആരംഭിക്കുന്ന പൊന്തിഫിക്കല്‍ കുര്‍ബാനയ്ക്ക് 101 അംഗ ഗായകസംഘം വിവിധ വാദ്യോപകരണങ്ങളുടെ താളവിസ്മയത്തില്‍ ആലപിക്കും.

വിമണ്‍സ്‌ഫോറം അണിയിച്ചൊരുക്കുന്ന ”നടന സര്‍ഗ്ഗം’ വാശിയേറിയ റാലി മത്സരം പ്രൗഢഗംഭീരമായ പൊതുസമ്മേളനം നയനാന്ദകരമായ കലാവിരുന്ന് എന്നിവയാല്‍ കണ്‍വെന്‍ഷന്‍ ഏറ്റവും മികച്ചതായി മാറും.

യു.കെ.കെ.സി.എ പ്രസിഡന്റ് ബിജു മടക്കക്കുഴി, സെക്രട്ടറി ജോസി നെടുംതുരുത്തി പുത്തന്‍പുര, ട്രഷറര്‍ ബാബു തോട്ടം, വൈസ് പ്രസിഡന്റ് ജോസ് മുഖച്ചിറ, ജോ. സെക്രട്ടറി സഖറിയ പുത്തന്‍കളം, ജോ. ട്രഷറര്‍ ഫിനില്‍ കളത്തില്‍കോട്ട്, അഡൈ്വസേഴ്‌സ് ബെന്നി മാവേലില്‍, റോയി സ്റ്റീഫന്‍ എന്നിവരുടെ നേതൃത്വത്തില്‍ ഒരുക്കങ്ങള്‍ പൂര്‍ത്തിയായി.

സഖറിയ പുത്തന്‍കളം

16-ാമത് യു.കെ.കെ.സി.എ കണ്‍വെന്‍ഷന് ചതുര്‍ദിനം മാത്രം അവശേഷിക്കെ യു.കെയിലെങ്ങും കണ്‍വെന്‍ഷന്‍ ചര്‍ച്ചകള്‍. ക്നാനായ വിമണ്‍സ് ഫോറം അണിയിച്ചൊരുക്കുന്ന തനിമതന്‍ നടന സര്‍ഗ്ഗത്തിന്റെ പ്രമോ വീഡിയോ വൈറലായി മാറി. കഴിഞ്ഞ വര്‍ഷം 100 വനിതകള്‍ അണിനിരന്ന മാര്‍ഗ്ഗം കളി ലോകശ്രദ്ധയാകര്‍ഷിച്ചപ്പോള്‍ ഇത്തവണ 500 വനിതകള്‍ അണിയിച്ചൊരുക്കുന്ന തനിമതന്‍ നടന സര്‍ഗ്ഗം ചരിത്ര സംഭവമാകും. ക്നാനായ പുരാതന പാട്ടിന്റെ അകമ്പടിയോടെ വിവിധ കലാരൂപങ്ങള്‍ അവതരിപ്പിച്ച് ചരിത്ര സംഭവമാക്കുവാനാണ് വുമണ്‍സ് ഫോറം ഭാരവാഹികള്‍. യു.കെ.കെ.സി.എ കണ്‍വെന്‍ഷന്റെ പ്രധാന ആകര്‍ഷണങ്ങളില്‍ ഒന്നായിരിക്കും.

ഇത്തവണ റാലി മത്സരം ഓരോ കാറ്റഗറിയിലും കടുപ്പമായിരിക്കും. ‘സഭ – സമുദായ സ്നേഹം ആത്മാവില്‍ അഗ്‌നിയായി’ ക്നാനായ ജനത എന്ന ആപ്തവാക്യത്തിലധിഷ്ഠിതമായി വീറും വാശിയോടെയാണ് യൂണിറ്റുകള്‍ റാലി മത്സരത്തില്‍ പങ്കെടുക്കുന്നത്.

ഇത്തവണത്തെ കണ്‍വെന്‍ഷനെ വര്‍ധിച്ച ആവേശത്തോടെയാണ് യുവജനങ്ങള്‍ കാണുന്നതെന്ന് യു.കെ.കെ.സി.വൈ.എല്‍ പ്രസിഡന്റ് ജോണ്‍ സജി, സെക്രട്ടറി, സ്റ്റീഫന്‍ ടോം എന്നിവര്‍ പറഞ്ഞു. 150 യുവജനങ്ങള്‍ നിറഞ്ഞാടുന്ന സ്വാഗതഗാനം നല്ല ദൃശ്യവിരുന്നാകും നല്‍കുകയെന്ന് യു.കെ.കെ.സി.വൈ.എല്‍ ഭാരവാഹികള്‍ അറിയിച്ചു.

ക്നാനായക്കാരുടെ ചിരകാല അഭിലാഷമായ സ്വന്തമായ ദേവാലയ സാക്ഷാത്കാരത്തിന്റെ ആദ്യ ചുവടായ സെന്റ് മൈക്കിള്‍സ് ചാപ്പല്‍ വെഞ്ചിരിപ്പ് കര്‍മ്മം വ്യാഴാഴ്ച വൈകുന്നേരം മാര്‍ ജോസഫ് പണ്ടാരശ്ശേരി നിര്‍വ്വഹിക്കും.

പ്രസിഡന്റ് ബിജു മടക്കക്കുഴി, സെക്രട്ടറി ജോസി നെടുംതുരുത്തി പുത്തന്‍പുര, ട്രഷറര്‍ ബാബു തോട്ടം, വൈസ് പ്രസിഡന്റ് ജോസ് മുഖച്ചിറ, ജോ. സെക്രട്ടറി സഖറിയ പുത്തന്‍കളം, ജോ. ട്രഷറര്‍ ഫിനില്‍ കളത്തില്‍കോട്ട്, ഉപദേശക സമിതി അംഗങ്ങളായ ബെന്നി മാവേലില്‍, റോയി സ്റ്റീഫന്‍ എന്നിവരുടെ നേതൃത്വത്തില്‍ ഒരുക്കങ്ങള്‍ നടന്നുവരുന്നു.

ഫാ. ബിജു കുന്നയ്ക്കാട്ട്

ഡെര്‍ബി: ആരാധനാ സ്തുതികള്‍ ഭക്തിസാന്ദ്രമാക്കിയ ഡെര്‍ബി തിരുനാള്‍ വിശ്വാസികള്‍ക്ക് നവ്യാനുഭവം സമ്മാനിച്ചു. ഞായറാഴ്ച ഡെര്‍ബി സെന്റ് ജോസഫ്സ് ദേവാലയത്തില്‍ നടന്ന തിരുനാള്‍ കര്‍മ്മങ്ങളില്‍ ഈസ്റ്റ് മിഡ്ലാന്‍സിന്റെ വിവിധ ഭാഗങ്ങളില്‍ നിന്നായി നിരവധി വിശ്വാസികള്‍ പങ്കുചേര്‍ന്നു. ഉച്ചകഴിഞ്ഞ് 2 മണിക്ക് സെന്റ് ജോസഫ്സ് പള്ളി വികാരി കൊടി ഉയര്‍ത്തിയതോടെയാണ് തിരുക്കര്‍മ്മങ്ങള്‍ക്ക് തുടക്കമായത്.

തുടര്‍ന്നു നടന്ന ആഘോഷമായ തിരുനാള്‍ കുര്‍ബാനയ്ക്ക് റവ. ഫാ. ടോം പാട്ടശ്ശേരില്‍ നേതൃത്വം നല്‍കി. വിശ്വാസികളുടെ സജീവമായ പങ്കാളിത്തം കൊണ്ട് ബലിയര്‍പ്പണം ഏറെ ശ്രദ്ധേയമായി. ജീവിതത്തില്‍ കടന്നുവരുന്ന സഹനങ്ങളെ വി. അല്‍ഫോന്‍സാമ്മയുടെ മനോഭാവത്തോടെ സ്വീകരിക്കാനാകണമെന്ന് തിരുനാള്‍ സന്ദേശം നല്‍കിയ റവ. ഫാ. റ്റോമി എടാട്ട് ഓര്‍മ്മിച്ചു. സ്വയം ഉണ്ടാക്കുന്ന സഹനങ്ങളും മറ്റുള്ളവര്‍ നല്‍കുന്ന സഹനങ്ങളും ദൈവം നല്‍കുന്ന സഹനങ്ങളും ജീവിതത്തിലുണ്ടെന്നും ദൈവം തരുന്ന സഹനത്തിന്റെ കൂടെ പ്രതിഫലമാകുന്ന മഹത്വത്തിന്റെ കിരീടവും ഉണ്ടാകുമെന്നും അദ്ദേഹം ഓര്‍മ്മിപ്പിച്ചു.

തുടര്‍ന്ന് വാദ്യമേളങ്ങളുടെ അകമ്പടിയോടു കൂടി നടന്ന ആഘോഷമായ തിരുനാള്‍ പ്രദക്ഷിണം വിശ്വാസത്തിന്റെ നേര്‍ക്കാഴ്ചയായി. അടിമ വയ്ക്കുന്നതിനും കഴുന്ന് എഴുന്നുള്ളിക്കുന്നതിനും സൗകര്യമേര്‍പ്പെടുത്തിയിരുന്നു. ബോള്‍ട്ടണ്‍ ബോയ്സ് ചെണ്ടയില്‍ തീര്‍ത്ത താള വിസ്മയും കാഴ്ചക്കാര്‍ക്ക് വിരുന്നായി. വിഭവസമൃദ്ധമായ സ്നേഹവിരുന്നിന്റെ സന്തോഷവും പങ്കുവെച്ചാണ് തിരുനാള്‍ സമാപിച്ചത്.

വികാരി റവ. ഫാ. ബിജു കുന്നയ്ക്കാട്ട്, കമ്മിറ്റിയംഗങ്ങള്‍, വാര്‍ഡ് ലീഡേഴ്സ്, പ്രസുദേന്തിമാര്‍ തുടങ്ങിയവര്‍ തിരുനാള്‍ കര്‍മ്മങ്ങള്‍ക്ക് നേതൃത്വം നല്‍കി.

ബാബു ജോസഫ്

നിങ്ങളുടെ ദുഖങ്ങളും സന്തോഷങ്ങളും:- അത് മക്കളെക്കുറിച്ചാണെങ്കില്‍ നമ്മുടെ മനസ്സിന് ഒരു പക്ഷേ ഏറ്റവും ആഹ്ലാദകരമായ അനുഭവങ്ങള്‍ നല്‍കിയിരിക്കുന്നത് നമ്മുടെ മക്കളുമായി ചിലവിട്ട വിലപ്പെട്ട സമയങ്ങളായിരിക്കും. നിര്‍ഭാഗ്യവശാല്‍ അവര്‍ തന്നെയാവും ചിലപ്പോള്‍ നമ്മുടെ ഏറ്റവും ദുഃഖത്തിന്റെയും ആധിയുടെയും കാരണമായിത്തീര്‍ന്നിരിക്കുന്നതും.

നമ്മുടെ തെറ്റും ശരിയും

പൊയ്‌പ്പോയ നമ്മുടെ യുവത്വത്തിന്റെ, ഇല്ലായ്മയുടെയും, പരാജയത്തിന്റെയും കുറവുകളുടെയും നേരേ ഒരു കനത്ത മൂടുപടം ഇടാന്‍ നടത്തുന്ന വെമ്പലിന്റെ ഒരു പ്രതിഫലനം ആണ് ഇന്നത്തെ കുട്ടികളുടെ മേല്‍ നാം അടിച്ചേല്‍പ്പിക്കുന്ന ‘comepetitive mentality’. ആഴ്ചയുടെ ഏഴു ദിവസവും, ഓരോ മണിക്കൂര്‍ പോലും സ്വിമ്മിംഗ് മുതല്‍ ‘കരാട്ടേ’ വരെയുള്ള എല്ലാം കൊടുക്കാന്‍ നാം പ്രതിജ്ഞാബദ്ധരായിരിക്കുന്നു. അതിനു പുറമെയാണ് ഓണ്‍ലൈന്‍ ട്യൂഷന്‍ മുതല്‍ ഗ്രാമര്‍ സ്‌കൂള്‍ അഡ്മിഷന്‍ വരെയുള്ള നെട്ടോട്ടം. ഇവയൊന്നും തെറ്റായി ചിത്രീകരിക്കുകയല്ല.

കുട്ടികളുടെ കൗമാരപ്രായം

വളര്‍ച്ചയുടെ ഒരു പ്രത്യേക കാലഘട്ടത്തിലൂടെ ബദ്ധപ്പെട്ടു വളര്‍ന്നു വരുന്ന കുരുന്നുകള്‍ക്ക് അവരുടെ വളര്‍ച്ചയിലുണ്ടാകുന്ന ശാരീരിക മാനസിക മാറ്റങ്ങള്‍ പോലും ചിലപ്പോള്‍ അവര്‍ക്കു തന്നെ അംഗീകരിക്കാന്‍ പറ്റാതെ വരുന്നു. കൗമാര പ്രായത്തിലൂടെ കടന്നു പോകുമ്പോള്‍ അവര്‍ പ്രകടിപ്പിക്കുന്ന ‘Aggressiveness’, സാമൂഹിക കാര്യങ്ങളിലെ നിസ്സംഗത; ആധ്യാത്മിക വിശ്വാസത്തിലെ വൈകൃതങ്ങള്‍ ഇവയെല്ലാം നമ്മെ അമ്പരപ്പിക്കുന്നു.

എന്റെ ഓര്‍മ്മത്തെറ്റ്

ഇതിനെല്ലാം ഒരേ ഒരു കാരണം, കുട്ടികള്‍ക്ക് അതിന്റെ ഏറ്റവും കുരുന്നു പ്രായത്തില്‍ത്തന്നെ കൊടുക്കേണ്ടത് നമ്മുടെ കടമയായിരുന്നത് നമ്മള്‍ സൗകര്യപൂര്‍വ്വം മറന്നുപോയി എന്ന് പറയേണ്ടിയിരിക്കുന്നു. നമ്മുടെ സ്‌നേഹം പരമാവധി കൊടുത്ത്, എല്ലാ സൗകര്യങ്ങളും കാണിച്ചും പറഞ്ഞും കൊടുത്തപ്പോഴും; പരമ സ്‌നേഹമായി നമുക്കുവേണ്ടി മരിച്ച നമ്മുടെ കര്‍ത്താവിനെ ചൂണ്ടിക്കാണിക്കാന്‍ നമ്മുടെ വിരലുകള്‍ ഉയര്‍ന്നില്ല, മുട്ടുകള്‍ കുനിഞ്ഞില്ല.

തലമുറയ്ക്കു വേണ്ടിയുള്ള പ്രത്യാശ

നമ്മളും നമ്മുടെ കുട്ടികളും ജീവിക്കുന്ന, അല്ലെങ്കില്‍ ജീവിക്കാന്‍ പോകുന്ന ലോകം അത്ര എളുപ്പമുള്ളവയായിരിക്കില്ല. ലോകത്തിന്റെ പല സ്ഥലങ്ങളിലും നടന്നു കൊണ്ടിരിക്കുന്ന അക്രമവും അരാജകത്വവും നമ്മുടെ തൊട്ടടുത്തിരിക്കുന്നതു പോലെ ആയിരിക്കുന്നു. ജാതിമത പ്രായ വര്‍ഗ്ഗഭേദമെന്യേ, അനൈക്യത്തിന്റെ പാതയിലൂടെ നീങ്ങിത്തുടങ്ങിയിരിക്കുന്നു. അരാജകത്വം (Anarchy) അസമാധാനത്തിനും, അസമാധാനം തകര്‍ച്ചയ്ക്കും കാരണമായിക്കൊണ്ടിരിക്കുന്നു. പ്രകാശമില്ലായ്മ അന്ധകാരമാണ്.

അന്ധകാരം പാപത്തിന്റെ പരിണതഫലവും. പാപത്തിന്റെ വഴികള്‍ അനവധിയാണ്. അവയെല്ലാം നമുക്ക് അറിയുകയും ചെയ്യാം. നമ്മള്‍ എപ്പോഴും കൂടെ കൊണ്ടു നടക്കുന്ന ഒരു ചെറിയ മൊബൈല്‍ ഫോണ്‍ പോലും എത്രയേറെ അപകടം വരുത്തി വയ്ക്കുന്നു എന്നു ചിന്തിക്കേണ്ടിയിരിക്കുന്നു. പക്ഷേ ധൈര്യമായി മുമ്പോട്ടു ചലിക്കുവാന്‍ നമുക്കു പ്രതീക്ഷയുണ്ട്.

ബൈബിള്‍ പറയുന്നു: ‘പാപം വര്‍ദ്ധിച്ചിടത്ത് കൃപയും അതിലേറെ വര്‍ദ്ധിച്ചു’ എന്ന്. സങ്കീര്‍ത്തകന്‍ കുഞ്ഞുങ്ങളെക്കുറിച്ച് പറയുന്നത് ‘ദൈവത്തിന്റെ ദാനം’ എന്നുമാണ്.

കുട്ടികള്‍ക്കു വേണ്ടി പ്രാര്‍ത്ഥിക്കണമോ?

മാതാപിതാക്കള്‍ കുഞ്ഞുങ്ങള്‍ക്കു വേണ്ടി നിരന്തരം പ്രാര്‍ത്ഥിക്കണം. നമ്മുടെ വീടിന്റെ വാതിക്കല്‍ നമ്മെക്കാത്തു നില്‍ക്കുന്ന പാപത്തെ ദൂരെ മാറ്റി നിറുത്തുക. ഒരു ‘Natural Calamity’; ഒരു ഉരുള്‍പൊട്ടല്‍ ഉണ്ടായി, വെള്ളപ്പാച്ചില്‍ നമുക്കു നേരെ വരുന്നതു കാണുമ്പോള്‍, നാം തലയില്‍ കൈവച്ച് ദൈവമേ എന്ന് ഉച്ചത്തില്‍ നിലവിളിക്കും. അതുപോലെ ഈ തലമുറയുടെ പ്രശ്‌നങ്ങള്‍ ഒരു സുനാമി വരുന്നതു പോലെ കണ്ട് നാം പ്രാര്‍ത്ഥിക്കേണ്ടിയിരിക്കുന്നു.

പ്രാര്‍ത്ഥിക്കാന്‍ എനിക്ക് എന്തെങ്കിലും അവസരമുണ്ടോ?

2017 ആഗസ്റ്റ് മാസം 14-ാം തീയതി തിങ്കളാഴ്ച നിങ്ങളെ ഓരോരുത്തരെയും ബര്‍മിംഗ് ഹാമിലുള്ള സെന്റ്‌ജെറാഡ് പള്ളിയിലേക്ക് ക്ഷണിക്കുന്നു. സെഹിയോന്‍ യുകെ ഡയറക്ടര്‍ ബഹുമാനപ്പെട്ട സോജി ഓലിക്കല്‍ അച്ഛന്റെ നേതൃത്വത്തില്‍ മാതാപിതാക്കള്‍ക്കു വേണ്ടി പ്രത്യേക പ്രോഗ്രാം. മക്കള്‍ക്കു വേണ്ടി പ്രാര്‍ത്ഥിക്കേണ്ട ആവശ്യകതയെക്കുറിച്ചും, മാതാപിതാക്കളുടെ തന്നെ അനുഭവ സാക്ഷ്യങ്ങളും ചേര്‍ത്ത് ഒരുക്കുന്ന പ്രത്യേക പ്രാര്‍ത്ഥനകളും ഗാനശുശ്രൂഷകളുമായി വീണ്ടും സെഹിയോന്‍ ടീം. നമ്മുടെ കുട്ടികള്‍ക്കായി സെഹിയോന്‍ ടീം നടത്തുന്ന ധ്യാനങ്ങള്‍, ‘School of Evangelisation’ തുടങ്ങിയവയുടെ പശ്ചാത്തലത്തില്‍ നിന്നുകൊണ്ട് ഉള്‍ക്കൊണ്ട പാഠങ്ങള്‍ നമുക്കായി പങ്കുവയ്ക്കുന്നു.

ഈ ഒരു ദിവസം നമ്മുടെ തലമുറയ്ക്കായി മാറ്റിവയ്ക്കാന്‍, അവര്‍ക്കായി പ്രാര്‍ത്ഥിക്കാന്‍, മാതാപിതാക്കള്‍ പരസ്പരം പരിചയപ്പെടാന്‍, പങ്കുവയ്ക്കാന്‍, ഈ അവസരം ഉപകാരപ്പെടട്ടെ. ദൈവികദാനമായ മക്കള്‍ ദൈവാനുഭവത്തില്‍ വളരുമ്പോള്‍ കുടുംബം ദൈവിക ആലയമായി മാറുമെന്നു മാതാപിതാക്കളെ പരിചയപ്പെടുത്തുന്ന, അതിനായി അവരെ ഒരുക്കുന്ന, റവ. ഫാ. സോജി ഓലിക്കലും സെഹിയോന്‍ ടീമും നയിക്കുന്ന ‘പേരന്റല്‍ ട്രെയിനിംഗ്’ ഓഗസ്റ്റ് 14 ന് ബിര്‍മിംഗ് ഹാം സെന്റ്‌ജെറാഡ് കാത്തലിക് പള്ളിയില്‍ നടക്കും.

രാവിലെ 9 ന് ജപമാലയോടെ തുടങ്ങുന്ന ശുശ്രൂഷയില്‍ ഏതൊരാള്‍ക്കും കുമ്പസാരിക്കുന്നതിനും സ്പിരിച്വല്‍ ഷെയറിംഗിനുമുളള സൗകര്യം ഉണ്ടായിരിക്കും. മക്കള്‍ ഈശോയില്‍ വളരാനുതകുന്ന ഈ അനുഗൃഹീത ശുശ്രൂഷയുടെ ഭാഗമാകാന്‍ മുഴുവന്‍ മാതാപിതാക്കളെയും സെഹിയോന്‍ കുടുംബം യേശുനാമത്തില്‍ ഓഗസ്റ്റ് 14 ന് ബിര്‍മിംഗ് ഹാമിലേക്കു ക്ഷണിക്കുന്നു.

സമയം: രാവിലെ 9 മുതല്‍ വൈകിട്ട് 4 വരെ

അഡ്രസ് :
St. Gerard Catholic Church
Castle Vale Birmingham – B35 6JT

കൂടുതല്‍ വിവരങ്ങള്‍ക്ക്: ജോസ് മാത്യു 07888 843707

ഫാ.ബിജു കുന്നയ്ക്കാട്ട്

സ്റ്റോക്ക് ഓണ്‍ ട്രെന്റ്: ഗ്രേറ്റ് ബ്രിട്ടണ്‍ സീറോ മലബാര്‍ രൂപതയിലെ കുട്ടികള്‍ക്ക് വേണ്ടിയുള്ള സംഘടനയായ ‘സാവിയോ ഫ്രണ്ട്‌സ് ഗ്രേറ്റ് ബ്രിട്ടണ്‍’ രൂപതാദ്ധ്യക്ഷന്‍ മാര്‍ ജോസഫ് സ്രാമ്പിക്കല്‍ ഉദ്ഘാടനം ചെയ്തു. പതിനാലു വയസു വരെ മാത്രം ജീവിച്ച വിശുദ്ധ ഡൊമിനിക്ക് സാവിയോയാണ് സംഘടനയുടെ സ്വര്‍ഗ്ഗീയ മദ്ധ്യസ്ഥന്‍. ‘പാപത്തേക്കാള്‍ മരണം’ എന്ന വിശുദ്ധ ഡൊമിനിക്ക് സാവിയോയുടെ പ്രസിദ്ധമായ ആപ്തവാക്യം തന്നെയാണ് സംഘടനയുടെ ആപ്തവാക്യവും ദര്‍ശനവും.

ഗ്രേറ്റ് ബ്രിട്ടണ്‍ സീറോ മലബാര്‍ രൂപതയിലെ കുട്ടിക്കള്‍ക്ക് വേണ്ടിയുള്ള സംഘടനയായ ‘സാവിയോ ഫ്രണ്ട്സ് ഗ്രേറ്റ് ബ്രിട്ടണ്‍’ രൂപതാദ്ധ്യക്ഷന്‍ മാര്‍ ജോസഫ് സ്രാമ്പിക്കല്‍ ഉത്ഘാടനം ചെയ്യുന്നു. സാവിയോ ഫ്രണ്ട്സ് രൂപതാ ഡയറക്റ്റര്‍ റവ. ഫാ. ജെയിസണ്‍ കരിപ്പായി, ഫാ. അരുണ്‍ കലമറ്റത്തില്‍, ഫാ. ഫാന്‍സുവ പത്തില്‍, ആനിമേറ്റേഴ്‌സായ ജോസ് വര്‍ഗ്ഗീസ്, സിനി ആന്റണി, പോള്‍ ആന്റണി, ട്രസ്റ്റിമാരായ സുധീപ്് എബ്രാഹം, റോയി ഫ്രാന്‍സിസ്, കാറ്റകിസം ഹെഡ്മാസ്റ്ററായ തോമസ് വര്‍ഗ്ഗീസ് തൂടങ്ങിയവര്‍ സമീപം.

സ്റ്റോക്ക് ഓണ്‍ ട്രെന്റ് സീറോ മലബാര്‍ കമ്യൂണിറ്റിയുടെ ദുക്‌റാന തിരുനാളിനോടനുബന്ധിച്ചാണ് രൂപതാ തലത്തില്‍ സാവിയോ ഫ്രണ്ട്‌സ് ഉദ്ഘാടനം ചെയ്യപ്പെട്ടത്. തോമാശ്ലീഹായുടെ വിശ്വാസദൃഢതയും ജീവിതദര്‍ശനവും അനുസ്മരിക്കപ്പെട്ട ദുക്‌റാന തിരുനാളില്‍ തന്നെ സാവിയോ ഫ്രണ്ട്‌സ് ഉദ്ഘാടനം ചെയ്യപ്പെടുന്നത് ഉചിതമായിരിക്കുന്നുവെന്ന് പിതാവ് അനുസ്മരിച്ചു. കുഞ്ഞുങ്ങളെ വിശുദ്ധിയില്‍ വളര്‍ത്താന്‍ മാതാപിതാക്കള്‍ക്ക് ഗൗരവമായ കടമയുണ്ടെന്ന് അഭിവന്ദ്യ പിതാവ് ഉദ്ഘാടനവേളയില്‍ ഓര്‍മ്മിപ്പിച്ചു. ഈ ആധുനിക കാലത്ത് യൂറോപ്പിന്റെ പ്രത്യേക സാഹചര്യത്തില്‍ കുഞ്ഞുങ്ങളെ വിശുദ്ധരായി വളര്‍ത്തുന്നത് അസാധ്യമാണെന്ന് നാം കരുതരുത്.

ലോകത്തില്‍ എല്ലാ സ്ഥലത്തും എല്ലാക്കാലത്തും വിശുദ്ധരായി ജീവിച്ചവരും പാപത്തില്‍ മുഴുകിയവരും ഉണ്ടായിരുന്നു. നന്മ തെരഞ്ഞെടുക്കേണ്ടതും അത് കുഞ്ഞുങ്ങള്‍ക്ക് പകര്‍ന്നുകൊടുക്കേണ്ടതും നമ്മളാണ്. തിരുവചനം ഹൃദയത്തില്‍ സൂക്ഷിക്കുന്ന ഏതൊരു വ്യക്തിക്കും നൈര്‍മല്യത്തിലും വിശുദ്ധിയിലും ജീവിക്കുവാന്‍ സാധിക്കും. ജനനത്തിന്റെ ആദ്യനിമിഷം മുതല്‍ നന്മ കേള്‍ക്കാനും ഉത്തമ കുടുംബാന്തരീക്ഷത്തില്‍ വളര്‍ന്നുവരാനും അവര്‍ക്ക് അവസരമുണ്ടായാല്‍ കുഞ്ഞുങ്ങള്‍ വിശുദ്ധരും സമൂഹത്തിന് പ്രയോജനമുള്ളവരുമായി മാറുമെന്നും മാര്‍ സ്രാമ്പിക്കല്‍ കൂട്ടിച്ചേര്‍ത്തു.

സാവിയോ ഫ്രണ്ട്‌സ് രൂപതാ ഡയറക്റ്റര്‍ റവ. ഫാ. ജെയിസണ്‍ കരിപ്പായി, ഫാ. അരുണ്‍ കലമറ്റത്തില്‍, ഫാ. ഫാന്‍സുവ പത്തില്‍, ആനിമേറ്റേഴ്‌സായ ജോസ് വര്‍ഗ്ഗീസ്, സിനി ആന്റണി, പോള്‍ ആന്റണി, ലിനോ പോള്‍ ട്രസ്റ്റിമാരായ സുധീപ് എബ്രാഹം, റോയി ഫ്രാന്‍സിസ്, കാറ്റകിസം ഹെഡ്മാസ്റ്ററായ തോമസ് വര്‍ഗ്ഗീസ് തൂടങ്ങിയവര്‍ സന്നിഹിതരായിരുന്നു.

RECENT POSTS
Copyright © . All rights reserved