UK

ജോസ്‌ന സാബു സെബാസ്റ്റ്യൻ

അപ്പോൾ എല്ലാവരും കൊട്ടിയാഘോഷിച്ചു കഴിഞ്ഞില്ലേ ഒരുവളുടെ സ്ത്രീധന കുരുക്കിൽ പെട്ട മരണം.

ഓരോ വാർത്തയും ഒരു ആഘോഷമാണ്. കേൾക്കുക.. ഞെട്ടുക.. വാർത്തയെ മാർക്കറ്റിങ് ചെയ്യുക ..അടങ്ങുക.. അവളുടെ മരണത്തിൻെറ മണം മാറുന്നതിനുമുമ്പ് പിന്നെയും അടുത്ത ഇരയ്ക്കായ് ഉന്നമിട്ട്‌ കാത്തിരിക്കുക. ഇതായി കുറേനാളായ് നമ്മുടെ അവസ്ഥ.

മറ്റുള്ളവരെ തോൽപ്പിക്കാനായ് ഇങ്ങനെ വാരിക്കോരി കൊടുക്കുന്നതിനു മുമ്പ് സ്ത്രീധന സമ്പ്രദായം തുടങ്ങിയതിനു പിമ്പിലുള്ള കഥയറിയാമോ?

പതിററാണ്ടുകൾക്കു മുമ്പ് ശൈശവ വിവാഹം നടത്തിയിരുന്ന കാലത്ത് പെൺകുഞ്ഞുങ്ങൾക്ക് മതിയായ വിദ്യാഭ്യാസവും വിവരവുമൊന്നുമില്ലാതെ….മതിയായ യാത്ര സൗകര്യങ്ങളോ മകളുടെ ഒരാവശ്യം കേട്ടറിയാൻ ഇന്നത്തെ പോലെ ഫോൺ സൗകര്യങ്ങളോ ഒന്നുമില്ലാതെ….
ദൂരദേശത്തേക്കു കെട്ടിച്ചയക്കുമ്പോൾ, വീടിനുള്ളിൽ അകപ്പെട്ടുപോകുന്ന തന്റെ മകൾക്ക് പെട്ടൊന്നൊരാവശ്യം വന്നാൽ അവളുടെ ആവശ്യം നിറവേറ്റാനായി അപ്പന്റെയും അമ്മയുടെയും മടിയിൽ തിരുകിയിരുന്ന നാണയത്തുട്ടുകൾ എണ്ണി പെറുക്കി തന്റെ മകളുടെ കൈക്കുള്ളിൽ വച്ച് വളരെ കരുതലോടെ പറഞ്ഞയച്ചിരുന്ന ഒരു കാലത്തെ നല്ല പ്രവർത്തിയെ ഇന്നത്തെ തലമുറ കൂടുതൽ ആധുനീകരിപ്പിച്ചു കണ്ട ആണുങ്ങൾ ഉമ്മറപ്പടിയിൽ കേറിയിറങ്ങി നിങ്ങളുടെ മകൾക്കു വിലയിടുന്നത് കേട്ട് പഞ്ചപുച്ഛം അടക്കി അവരെ സന്തോഷിപ്പിക്കുന്നതും അനുസരിപ്പിക്കുന്നതും വരെയായി നമ്മളുടെ ഔചിത്യ ബോധം .

പണ്ട് അവൾക്കൊരു ശാരീരിക ബുദ്ദിമുട്ടുവന്നാൽ അല്ലെങ്കിൽ അവളുടെ കുഞ്ഞുങ്ങൾക്കോ കെട്ടിയവനോ പെട്ടെന്നൊരു ആവശ്യം വന്നാൽ മൈലുകൾ നടന്നു താണ്ടി അവളെ പോയി സഹായിക്കാനുള്ള സമയപരുതി മുന്നിൽ കണ്ടുകൊണ്ട് നമ്മുടെ പൂർവികർ ചെയ്ത പുണ്യ പ്രവർത്തി ( Gift money) ഇന്ന് പലരുടെയും കാതകനായി മാറുന്നു. അതെ വലിയ സമ്മാനം ഒരു വലിയ ശാപമായി മാറിയേക്കാം

സമ്മാന തുക എന്നുവച്ചാൽ
Gift is a token of love

പക്ഷെ ആ token of love നെ നമ്മൾ അതിനെ എവിടെയോ കൊണ്ടേ തുലച്ചു. കാരണം നമ്മൾ മലയാളികൾക്ക് പണ്ടേ ഗിഫ്റ്റ് കൊടുക്കുന്ന കാര്യത്തിലും മേടിക്കുന്ന കാര്യത്തിലും ഗ്രഹണി പിടിച്ച കുഞ്ഞുങ്ങൾ ചക്കക്കൂട്ടാൻ കണ്ടപോലാണ്. കൊടുക്കാനും ആർത്തി മേടിക്കാനും ആർത്തി. മറ്റുള്ളവർക്ക് കൊടുക്കുന്നതിൽ കൂടുതൽ കൊടുക്കുകയും വേണം എന്നാൽ പിറുപിക്കുകയും വേണം. എത്ര കൊടുത്താലും മേടിച്ചാലും തൃപ്തിയില്ല. അതിലൊക്കെ ചില പാശ്ചാത്യരെ മാതൃക ആക്കേണ്ടതുണ്ട് . ഒരു ചോക്കലേറ്റ്‌ ബാറോ ഒരു ബഞ്ച്‌ ഫ്ലവറോ അതുമതി അവർക്ക് ഒരു സ്നേഹ സാമ്പ്രാജ്യം തന്നെ കെട്ടിപ്പടുക്കാൻ.

ആതൊകൊണ്ട് ഒന്ന് ‌ മനസ്സിലാക്കുക ഇന്ന് കാലം മാറി. ഓരോ മകളും നല്ല വിദ്യാഭ്യാസവും വിവരവുമുള്ളവളായി, ഒരാവശ്യം വന്നാൽ സ്വന്തം കാലിൽ നിൽക്കാനോ അല്ലെങ്കിൽ കൂടപിറപ്പുകളെ തന്റെ കഷ്ടപാട് അറിയിക്കാൻ ഏറ്റവും മികച്ച ഫോൺ സമ്പ്രദായവും ഇന്ന് നിലവിൽ ഉണ്ട് .

അല്ലാതെ പണ്ടത്തെപൊലെ രണ്ടും മൂന്നും ദിവസങ്ങളോ അഴ്ചകളോ നടന്നു സ്വന്തം വീട്ടിലെത്തേണ്ട ഗതികേടില്ലാതെ നമ്മുടെ യാത്ര സംവിധാനങ്ങളും ഹെൽത്ത് സിസ്റ്റങ്ങളുമൊക്കെ നിലവിലുണ്ട്‌ .

ആതുകൊണ്ട്‌ ഇനിയെങ്കിലും മനസിലാക്കുക കെട്ടിച്ചു വിടുന്ന ഓരോ മകളും ചുമ്മാ ഒരു സുപ്രഭാതത്തിൽ അന്യന്റെ വീട്ടിലേക്കു ഓടിക്കയറുന്നവളല്ല . അവൾക്ക് ഭാര്യ അല്ലെങ്കിൽ മരുമകൾ എന്നതിൽ കൂടുതൽ അർത്ഥങ്ങളുണ്ട് .

അവൾ നാളെയുടെ പ്രതീക്ഷയാണ്. അവൾ ഒരു കുഞ്ഞിന് ജന്മം കൊടുക്കുമ്പോൾ അവളിലൂടെ യാഥാർഥ്യമാകുന്നത് നാളെ എന്നുള്ള ഒരു പ്രതീക്ഷയാണ്. നാളത്തെ ഒരു ജനതയുടെ ഉത്തരവാദിത്തം മുഴുവൻ അവളുടെ ചൂടിലൂടെ നിറവേറ്റപ്പെടേണ്ടവളെയാണ് വിലയിട്ടു മേടിക്കുന്നതും കൊടുക്കുന്നതും . അങ്ങനെയുള്ള അവൾ കണ്ടവരുടെ അടിയും ഇടിയും ചീത്തയും കേൾക്കേണ്ടവളല്ല .
“ she is more responsible for how to make the new generation more better “.

അങ്ങനുള്ളപ്പോൾ അവളെന്ന ദേവിയെ പൊന്നിനും പണത്തിനും തൂക്കി കൊടുക്കാതിരിക്കട്ടെ …
തൂക്കം നോക്കി വാങ്ങാതിരിക്കട്ടെ …എത്ര കൂടുതൽ കൊടുത്തു എന്നതിൽ അഭിമാനിക്കുന്നതിനു പകരം എത്ര കുറച്ചു മേടിച്ചു എന്നതിൽ ആവട്ടെ അഭിമാനം….നന്നായി നോക്കുന്നു എന്നതിൽ ആവട്ടെ സ്റ്റാറ്റസ് . മേടിക്കുന്നവന് അറിയില്ലെങ്കിൽ കൊടുക്കുന്നവനെങ്കിലും അറിയട്ടെ താനെന്തു ചെയ്യുന്നുവെന്ന് ..
നമ്മളുടെ വിദ്യാഭ്യാസം സൈൻ തീറ്റയും കോസ് തീറ്റയെയും കുറിച്ച് പഠിപ്പിക്കുന്നതിന് പകരം മാനസീക ബലം കിട്ടാനുള്ള തീറ്റയെകുറിച്ചാകട്ടെ നമ്മുടെ പാഠ്യപദ്ധതി ..
ഇങ്ങനെ പല നല്ലകാര്യങ്ങൾക്കുമാകട്ടെ നമ്മുടെ ഇടയിലെ ഫെമിനിസമെന്ന ചിന്താഗതി ….

ഈതൊക്കെ അറിയാമെങ്കിലും നാളെയും നമ്മടെ അപ്പനമ്മമാർ ഞെളിഞ്ഞു നിന്നുപറയും ഞാനെന്റെ മകളെ നൂറുപവൻ കൊടുത്താണ് കെട്ടിച്ചതെന്ന്.

ഇനിയെങ്കിലും നമ്മുടെ സമൂഹത്തിൽ നിഷ്കളങ്കതയുടെ മരണമണങ്ങൾ അതെന്നും നീറിപുകയാൻ നമ്മൾ കാരണം ആകാതിരിക്കട്ടെ

അപ്പോൾ വായിച്ചു കഴിഞ്ഞെങ്കിൽ ഒട്ടും സമയം കളയാതെ ഇനി എല്ലാവരും വീട്ടിൽ കൊഞ്ചി കളിച്ചു ഒന്നുമറിയാതെ വളരുന്ന മകളെ കാതകനു കൊടുക്കാൻ പ്രതി മാസം പോസ്റ്റ് ഓഫീസിൽ പോയി സുകന്യ സമൃദ്ധി പദ്ധതിയിലോ കെഎസ്എഫ്ഇയിലൊ ഒക്കെ സ്വത്തു സ്വരൂപണം തുടങ്ങിക്കോളൂ …

(ഇതെഴുതി നിങ്ങടെ തലയിൽ അടിച്ചേൽപ്പിക്കുമ്പോഴും എനിക്ക് തല ഉയർത്തിതന്നെ പറയാൻ പറ്റും ഞാൻ സ്ത്രീധനം ഒട്ടും തന്നെ കൊടുത്തിട്ടുമില്ല കെട്ടിയോൻ അതൊട്ടു ചോദിച്ചിട്ടുമില്ല. അതുപൊലെതന്നെ ഞാൻ എന്റെ മകന് വേണ്ടി ഇരക്കാനും മകൾക്ക് വേണ്ടി കൊടുക്കാനും ഉദ്ദേശിച്ചിട്ടുമില്ല )

 

യുകെയിലെ രോഗപ്രതിരോധത്തെ മുഴുവൻ താറുമാറാക്കി ലോക്ഡൗൺ നിയന്ത്രണങ്ങൾ പിൻവലിക്കുന്നത് മാറ്റി വെയ്ക്കേണ്ട സാഹചര്യത്തിന് കാരണമായ ഡെല്‍റ്റ വേരിയന്റിൻെറ സാന്നിധ്യം കേരളത്തിലും. അപ്പർ കുട്ടനാടിൻെറ ഭാഗമായ പത്തനംതിട്ട ജില്ലയിലെ കടപ്ര പഞ്ചായത്തില്‍ കോവിഡ് 19 ന്റെ പുതിയ വകഭേദമായ ഡെല്‍റ്റ പ്ലസ് കണ്ടെത്തി. രോഗവ്യാപന ശേഷി കൂടുതലുള്ള ഈ വകഭേദം നിയന്ത്രിക്കുന്നതിനായി പ്രദേശത്ത് കൂടുതല്‍ നിയന്ത്രണങ്ങള്‍ ഏര്‍പ്പെടുത്തും.

സംസ്ഥാനത്ത് ആദ്യമായി പത്തനംതിട്ട കടപ്രയില്‍ ഒരു കേസും പാലക്കാട് രണ്ട് കേസുകളുമാണ് റിപ്പോര്‍ട്ട് ചെയ്തിട്ടുള്ളത്. കടപ്ര പഞ്ചായത്തിലെ 14-ാം വാര്‍ഡിലെ നാല് വയസുള്ള ആണ്‍കുട്ടിയിലാണ് ഡെല്‍റ്റ പ്ലസ് കണ്ടെത്തിയത്. കുട്ടി ഉള്‍പ്പെട്ട വാര്‍ഡ് ലാര്‍ജ് കമ്മ്യൂണിറ്റി ക്ലസ്റ്റര്‍ ഏരിയയാണ്.

മെയ് മാസം 24 നാണ് കുട്ടി കോവിഡ് പോസിറ്റീവായത്. ഇപ്പോൾ കുട്ടി കോവിഡ് നെഗറ്റീവാണ്. കുട്ടിയുടെ സ്രവത്തിന്റെ ജനിതക (ജീനോമിക്) പഠനത്തിലാണ് പുതിയ വേരിയന്റായ ഡെല്‍റ്റ പ്ലസ് കണ്ടെത്തിയത്.

ദുരൂഹത വിടാതെ പിന്തുടരുന്ന പാരിസ്​ വാഹനാപകടത്തിൽ കൊല്ലപ്പെട്ട ഡയാന രാജകുമാരിയുടെ മരണത്തിൽ പങ്ക്​ അന്വേഷിക്കാൻ മുൻ ഭർത്താവ്​ ചാൾസ്​ രാജകുമാരനെ ചോദ്യം ചെയ്​തിരുന്നതായി വെളിപ്പെടുത്തൽ. തന്നെ വധിക്കാൻ ചാൾസ്​ രാജകുമാരൻ പദ്ധതിയിടുന്നതായി ഡയാന എഴുതിവെച്ച കത്തിന്‍റെ അടിസ്​ഥാനത്തിലായിരുന്നു ചോദ്യം ചെയ്യലെന്ന്​ സ്​കോട്​ലൻഡ്​ യാഡ്​ മുൻ മേധാവി ലോഡ്​ സ്റ്റീവൻസ്​ പറയുന്നു. ​

െസന്‍റ്​ ജെയിംസ്​ കൊട്ടാരത്തിൽ അതി രഹസ്യമായിട്ടായിരുന്നു ചോദ്യം ചെയ്യൽ. വാഹനത്തിന്‍റെ ബ്രേക്​ നഷ്​ടമായി തലക്ക്​ പരിക്കേറ്റ്​ താൻ മരിക്കുമെന്നും അതുവഴി ചാൾസിന്​ ടിഗ്ഗി ലെഗ്​ ബൂർകിനെ വിവാഹം ചെയ്യാനാകുമെന്നുമായിരുന്നു ഡയാനയുടെ കത്തിലെ ഉള്ളടക്കം. ഡയാനക്കു ശേഷം വിവാഹം കഴിച്ച കാമില പാർകറുമായുള്ള ബന്ധത്തെ പോലും ഗൗരവത്തോടെയല്ല ചാൾസ്​ കണ്ടിരുന്നതെന്നും കത്തിൽ കുറ്റപ്പെടുത്തിയിരുന്നു.

മരണത്തിന്​ രണ്ട്​ വർഷം മുമ്പ്​ ഈ കത്ത്​ എന്തിനുവേണ്ടിയാണ്​ ഏഴുതിയതെന്ന്​ മനസ്സിലായിരുന്നില്ലെന്ന്​ സ്റ്റീവൻസ്​ പറയുന്നു. കാമുകൻ ദോദി അൽഫയാദും ഡ്രൈവർ ഹെന്‍റി പോളുമൊത്ത്​ മേഴ്​സിഡസ്​ കാറിൽ സഞ്ചരിക്കവെ പാരിസിലാണ്​ ഇവരുടെ വാഹനം അപകടത്തിൽ പെടുന്നത്​. ടണലിൽ നിയന്ത്രണം വിട്ട ഇടിച്ചു തകരുകയായിരുന്നു. ഡ്രൈവറ​ുടെ അശ്രദ്ധമായ ഡ്രൈവിങ്​ ദുരന്തം വരുത്തിയെന്നായിരുന്നു വർഷങ്ങൾ നീണ്ട അന്വേഷണത്തിലെ കണ്ടെത്തൽ.

യുകെയിൽ കോവിഡ്​ മൂന്നാം തരംഗത്തിൻ്റെ കാര്യത്തിൽ വിദഗ്ദർ രണ്ടു തട്ടിൽ. രാജ്യത്ത് ഡെൽറ്റ വകഭേദം അതിവേഗം വ്യാപിക്കുന്ന സാഹചര്യത്തിൽ ഒരു മൂന്നാം തരംഗം ഉടൻ ഉണ്ടാവുമെന്ന മുന്നറിയിപ്പുമായി വാക്​സിൻ വിദഗ്​ധനായ ഡോ.ആദം ഫിൻ ഉൾപ്പെടെയുള്ളവർ രംഗത്തെത്തി. അതിവേഗത്തിൽ പടരുന്ന കോവിഡി​െൻറ ഡെൽറ്റ വകദേദമായിരിക്കും കോവിഡ്​ മൂന്നാം തരംഗത്തിലേക്ക്​ നയിക്കുയെന്ന് ഫിൻ വാക്​സിനേഷനുമായി ബന്ധപ്പെട്ട കമ്മിറ്റിയെ അറിയിച്ചു.

യുകെയിൽ ഡെൽറ്റ വകഭേദം വാക്​സിനുകളും തമ്മിലുള്ള പോരാട്ടമാണ്​ ഇപ്പോൾ നടക്കുന്നതെന്നും അദ്ദേഹം പറഞ്ഞു. രാജ്യത്ത്​ കോവിഡ്​ രോഗികളുടെ എണ്ണം വർധിക്കുന്നുണ്ട്​. എന്നാൽ, പ്രതീക്ഷിച്ചത്ര വർധനവ്​ ഉണ്ടാവുന്നില്ലെന്നത്​ ആശ്വാസകരമാണ്​. എത്രയും വേഗം പ്രായമായവർക്ക്​ രണ്ടാം ഡോസ്​ വാക്​സിൻ നൽകുകയാണ്​ വേണ്ടത്​. അത്​ ആശുപത്രിയിൽ ചികിത്സ തേടുന്നവരുടെ എണ്ണം കുറക്കാൻ സഹായിക്കുമെന്ന്​ ഫിൻ പറഞ്ഞു.

പ്രായമായവരെ വാക്​സിൻ നൽകി സംരക്ഷിച്ചാൽ ആശുപത്രിയിൽ പ്രവേശിക്കപ്പെടുന്നവരുടെ എണ്ണവും മരണവും കുറക്കാനാകുമെന്നും അദ്ദേഹം കൂട്ടിച്ചേർത്തു. യു.കെയിൽ ഇതുവരെ 540 പേർക്ക്​ കോവിഡി​െൻറ ഡെൽറ്റ വകഭേദം ബാധിച്ചുവെന്നാണ്​ കണക്കാക്കുന്നത്​. അതേസമയം രാജ്യത്തെ പ്രതിദിന കോവിഡ് കേസുകളുടെ വർധന മൂന്നാം തരംഗ സൂചനയല്ലെന്ന് ലണ്ടൻ സ്‌കൂൾ ഓഫ് ഹൈജീൻ ആൻ്റ് ട്രോപ്പിക്കൽ മെഡിസിനിലെ വാക്സിനോളജി പ്രൊഫസർ ബ്രണ്ടൻ റെൻ പറയുന്നു.

മുതിർന്ന ജനസംഖ്യയുടെ 81% ത്തിലധികം പേരും ആദ്യത്തെ കൊറോണ വാക്സിൻ ഡോസും 59% രണ്ട് ഡോസുകളും ലഭിച്ചവരാണ്. അതിനാൽ ജാഗ്രത അനിവാര്യമാണെങ്കിലും മൂന്നാം തരംഗ സാധ്യത വിരളമാണെന്ന് റെൻ ചൂണ്ടിക്കാട്ടി. വാക്സിനേഷൻ്റെ പുരോഗതി പരിഗണിക്കുമ്പോൾ ലോക്ക്ഡൗൺ നിയന്ത്രണങ്ങൾ പിൻവലിക്കാൻ ജൂൺ 19 വരെ കാത്തിരിക്കേണ്ട കാര്യമില്ലെന്നും റെൻ പറഞ്ഞു.

എന്നിരുന്നാലും ശ്വാസകോശ വ്യവസ്ഥയെ ബാധിക്കുന്ന പുതിയ വൈറസുകളുടെ ആവിർഭാവം യുകെയെ സംബന്ധിച്ചിടത്തോളം “അപകടകരമായ ഒരു ശൈത്യകാലം” എന്ന ഭീഷണി മുന്നോട്ടു വക്കുന്നതായി വിദഗ്ദർ മുന്നറിയിപ്പ് നൽകുന്നു. തണുപ്പു കാലം കഴിയുന്നതുവരെ കൂടുതൽ ലോക്ക്ഡൗണുകൾക്കുള്ള സാധ്യതയും തള്ളിക്കളയാനാകില്ല.

രാജ്യത്തെ പുതിയ കേസുകളില്‍ 94 ശതമാനം വരെ ഡെല്‍റ്റ വേരിയന്റ് കാരണമാണ്. കോവിഡ് മൂന്നാം തരംഗമുണ്ടാവാനുള്ള സാധ്യത മുന്നിൽ കണ്ട്​ ലോക്​ഡൗൺ നിയന്ത്രണങ്ങളിൽ ഇളവ്​ വരുത്താനുള്ള തീരുമാനത്തിൽ നിന്ന്​ പ്രധാനമന്ത്രി ബോറിസ്​​ ജോൺസൺ കഴിഞ്ഞ ആഴ്ച പിന്നോക്കം പോയിരുന്നു.

ജോസ്‌ന സാബു സെബാസ്റ്റ്യൻ

അമ്മയെന്ന വികാരത്തെ പലകവികളും പല ആവർത്തി പറഞ്ഞു കേട്ടിട്ടുണ്ട് .. ആ വികാരത്തിന് പകരമാവില്ലോന്നുമെങ്കിലും അച്ഛനെന്ന വികാരത്തിനുമുണ്ട് ചൂടേറെ.

നമ്മോടു പറയാതെ നാം മനസിലാക്കാതെ പോയ പലവിധ മാനസിക നൊമ്പരങ്ങളുണ്ടാമനസ്സിൽ .
അമ്മയെന്ന വികാരത്തിന് മുമ്പിൽ പലപ്പോഴും ഒളിമങ്ങിപോകുന്ന വിളക്കാണഛൻ …
അമ്മയെ കൈയടിച്ചു പുകഴ്ത്തുമ്പോഴും ഒരുചിരി എനിക്ക് സമ്മാനിച്ചിരുന്നെങ്കിൽ എന്ന് പറയാതെ പറയുന്ന കാഴ്‍ചകൾ കാണാമാകണ്ണിൽ….
എത്ര പെട്ടെന്നാണ് മകനിൽനിന്നും കാമുകനിൽനിന്നും അച്ഛനിലേക്കൊരു പറിച്ചുനടൽ

വേഗം തന്നെ ആരോ മനഃപൂർവം പതിച്ചു നൽകിയ ഗൗരവമേറ്റി നടക്കുമ്പോഴും കൗമാരകാലത്തെ പൊട്ടിച്ചിരി അസ്തമിച്ചുവെന്നറിഞ്ഞു ജീവിത നൗകമുഴുവൻ തുഴയാൻ കഷ്ടപെടുമാ കരിവാളുപ്പുകൾ കാണാമാക്കണ്ണിൽ

അച്ഛന്റെ സാമിപ്യ ശക്തി അറിയണമെങ്കിൽ നേരം ഇരുട്ടണം. സൂര്യനസ്തമിക്കും വരെയുള്ള ധൈര്യം എന്തോ അങ്ങ് അച്ഛനെത്തുവോളം ചോർന്നു പൊയ്കൊണ്ടേയിരിക്കും അത്രയ്ക്കുണ്ട് ആ അഛനെന്ന വാക്കിന്റെ പവർ . അതായിരിക്കാം അച്ഛനോടുപമിക്കാൻ സൂര്യനല്ലാതെ വേറൊരു അല്മകൃതമില്ലാത്തതീ ഭൂമിയിൽ

അമ്മയും മക്കളും മാത്രമുള്ളൊരു വീട്ടിലേക്ക് അച്ഛൻ കടന്നുവരുമ്പോൾ കിട്ടുന്ന ആശ്വാസം അത് പറഞ്ഞറിയിക്കാൻ പറ്റുന്ന ഒന്നല്ല അച്ഛന്റെ വരവ് അത് ഏതൊരാവസ്ഥയിലായിക്കോട്ടെ ….നേരം വൈകുംതോറും അച്ഛന്റെ അഭാവം നമ്മിൽ ഉണ്ടാക്കുന്ന എന്തോ ഒരു ആളൽ അത് മാറ്റാൻ അച്ഛനെന്ന കഥാപാത്രത്തിനോളമൊക്കില്ലാരുമേ ..

ആദ്യമായഛന്റെ നെഞ്ചിലെ ചൂടേറ്റതു മുതലുള്ള ഒരു സുരക്ഷിതത്വം മറ്റെവിടേയും അനുഭവിച്ചിട്ടില്ലിതുവരെ

അച്ഛന്റെ മടിക്കെട്ടിലെ നെയ്യപ്പത്തിനും ഉണ്ണിയപ്പത്തിനുമൊക്കെ എന്തോ ഒരു മാസ്മരിക രുചിയാണ് .

കണ്ണുരുട്ടുമ്പോഴും അച്ഛൻ നൽകുമാ സ്നേഹം കരുതൽ സുരക്ഷിതത്വമെല്ലാമുൾക്കൊള്ളുന്ന
ഉള്ളിലലിവിന്റെ അക്ഷയപാത്രം കാട്ടിത്തന്നില്ലാരുമിന്നേവരെ

സ്വയം ഉരുകുമ്പോഴും തന്നെ ആശ്രയിക്കുന്നവരെ മുഴുവൻ താങ്ങിനിർത്തുമാ മനസിലെ ആളലറിയിക്കാതെ വിങ്ങലുകൾ ഒതുക്കി ഒരു അരയാലുപോലെ തണലേകുന്നതറിയാൻ വൈകിടല്ലേ

അമ്മയില്ലാവീട്ടിലെ അച്ഛന്റെ ദയനീയ അവസ്ഥ വർണിച്ചീടുവാൻ വാക്കുകളിനീയും കടമെടുക്കണം

അമ്മയില്ലാവീടൊരു ഭീകരമാണെങ്കിൽ അച്ഛനില്ലാവീടൊരു അതിഭീകരം കാണാതെ പോകല്ലാരുമാ മെഴുതിരിനാളത്തെ …കെടുത്തരുതേ …..തെളിയില്ലിതുപോൽ മറ്റാരും….

ഉണ്ണി യേശുവിനെ മാറോട് ചേർത്തുപിടിച്ചു, സംരക്ഷിച്ച ഒരു പിതാവ്. ജെറുസലേം ദൈവാലയത്തിൽ വെച്ചു കാണാതെ പോയ ബാലനായ യേശുവിനെ ഓർത്തു വിങ്ങിപൊട്ടിയ ഒരു പിതാവ്, ആശാരി പണി പഠിപ്പിച്ചു കൊടുക്കുന്ന ഒരു മരപ്പണികാരനായ പിതാവ്. ജോസഫ്, മറിയത്തെ, ഭാര്യയാക്കാൻ, സംശയിക്കേണ്ട, നീ നീതിമാൻ ആണ്, എന്ന് അരുളിചെയ്ത, മാലാഖയുടെ വാക്കുകൾ അനുസരിച്ചുകൊണ്ട്, മറിയത്തെ, ഭാര്യയായി ചേർത്തുപിടിച്ചു സംരക്ഷിച്ച ജോസഫ് എന്ന ഭർത്താവ്.

ഇന്ന്, പിതാക്കൻമാരുടെ ദിവസം. അപ്പാ, അച്ചാ, ഡാഡ്, പപ്പാ, എന്നിങ്ങനെ വിവിധ പേരുകളാൽ വിളിക്കപ്പെടുന്ന Father’sന്റെ day. ഒരു കുടുംബത്തിന്റെ നാഥൻ. മക്കളുടെ പിതാവ്. ഭാര്യയുടെ പ്രിയപ്പെട്ട ഭർത്താവ്.

കുടുംബത്തെ പോറ്റാൻ, രാവേറെ പണിയെടുക്കുന്ന അപ്പൻ. അവരുടെ വിയർപ്പ് കൊണ്ട് അന്നം കഴിക്കുന്ന, ഒരു തലമുറയിലെ കുറേ ജീവനുകൾ. കുടുംബത്തിൽ, അപ്പനുള്ള, സ്ഥാനം, ആധുനിക ലോകത്തിൽ, മാററം വരുന്നുണ്ടോ, എന്ന് ചിന്തിക്കാം.

അമ്മയോടൊപ്പം, അപ്പനും മക്കൾക്കു പ്രിയപ്പെട്ടവർ ആയിരിക്കണം. വർഷങ്ങൾ ഒറ്റയ്ക്ക് കുടുംബത്തിന് വേണ്ടി ജോലി ചെയ്യുന്ന പ്രവാസികൾ ആയവരെ, ഒരിക്കലും, തള്ളിക്കളയല്ലേ. അവരെ ചേർത്തുപിടിച്ചു സംരക്ഷിക്കാം.

ലോകം മുഴുവൻ ഇന്ന് ഫാദേഴ്സ് ഡേ ആഘോഷിക്കുമ്പോൾ, ജോസഫ് എന്ന നീതിമാനായ പിതാവിനെ കൂടി ഓർമ്മിക്കാം. എല്ലാ പിതാക്കൻമാർക്കും ആശംസകൾ, പ്രാർത്ഥനകൾ.

വിവിധ ട്രസ്റ്റുകൾ കൂടുതൽ ഒഴിവുകളിലേക്ക് നഴ്സുമാരെ റിക്രൂട്ട് ചെയ്യാൻ ഏജൻസികൾക്ക് കരാറും നൽകിയതായാണ് റിപ്പോർട്ടുകൾ.കോവിഡ് മഹാമാരിയുടെ പശ്ചാത്തലത്തിൽ യുകെയിലേക്കുള്ള നഴ്സിംഗ് റിക്രൂട്ട്മെൻ്റ് നടപടികൾക്ക് വേഗം കൂട്ടി എൻഎച്ച്എസ്. ഇന്ത്യൻ നഴ്സുമാരെ അതിവേഗം ബ്രിട്ടനിലെത്തിക്കാൻ റിക്രൂട്ട്മെന്റ് നടപടികൾ പുന:രാരംഭിക്കാമെന്നു എൻഎച്ച്എസ് ഇംഗ്ലണ്ട് ഏജൻസികൾക്ക് നിർദേശം നൽകി.

മാഞ്ചസ്റ്റർ യൂണിവേഴ്സിറ്റ് എൻഎച്ച്എസ്. ട്രസ്റ്റിനു കീഴിലുള്ള അഞ്ച് ആശുപത്രികളിലാണ് കൂടുതൽ ഒഴിവുകൾ. മാഞ്ചസ്റ്റർ റോയൽ ഇൻഫേമറി ഹോസ്പിറ്റൽ, വിഥിൻഷോ ഹോസ്പിറ്റൽ, റോയൽ മാഞ്ചസ്റ്റർ ചിൽഡ്രൻസ് ഹോസ്പിറ്റൽ, മാഞ്ചസ്റ്റർ റോയൽ ഐ ഹോസ്പിറ്റൽ, നോർത്ത് മാഞ്ചസ്റ്റർ ജനറൽ ഹോസ്പിറ്റൽ എന്നിവിടങ്ങളിലേക്കാണ് ഉടൻ റിക്രൂട്ട്മെന്റ് ആരംഭിക്കുന്നത്

കൂടാതെ ലണ്ടൻ റോയൽ ഫ്രീ ഹോസ്പിറ്റൽ, ലസ്റ്റർ യൂണിവേഴ്സിറ്റി ഹോസ്പിറ്റൽ, ഡറം ആൻഡ് ഡാർലിംങ്ടൺ കൌണ്ടി ഹോസ്പിറ്റൽ, നോട്ടിംങ്ങാം യൂണിവേഴ്സിറ്റി ഹോസ്പിറ്റൽ, ബ്രൈറ്റൺ ഹോസ്പിറ്റൽ, ലണ്ടൻ ഇംപീരിയൽ കോളജ്, ലണ്ടൻ കിംങ്സ് കോളജ്, നോർത്തേൺ അയർലൻഡിലെ എച്ച്എസ്‌സി ട്രസ്റ്റ് എന്നിവിടങ്ങളിലേക്കും വിവിധ ഏജൻസികൾ റിക്രൂട്ട്മെന്റ് നടപടികൾ പുനരാരംഭിച്ചിട്ടുണ്ട്.

ജനറൽ വാർഡ്, ഗൈനക്കോളജി ആൻഡ് തിയറ്റർ, ഐസിയു, എന്നീ ഡിപ്പാർട്ടുമെന്റുകളിലേക്കാണ് ഇവിടങ്ങളിൽ നഴ്സുമാരെ ആവശ്യമുള്ളത്. എന്നിരുന്നാലും റിക്രൂട്ട്മെന്റ് വിലക്ക് നീങ്ങിയെങ്കിലും ഇപ്പോഴും ഇന്ത്യ ബ്രിട്ടന്റെ റെഡ് ലിസ്റ്റിലായതിനാൽ ബ്രിട്ടനിലേക്കുള്ള വരവ് ഇപ്പോഴും അനിശ്ചിതത്വത്തിലാണ്.

നിലവിലെ മാർഗനിർദേശങ്ങൾ അനുസരിച്ച് യുകെയിൽ എത്തുന്നവർ നിർബന്ധമായും 1750 പൗണ്ട് മുൻകൂറായി അടച്ച് ഹോട്ടൽ ക്വാറന്റീനു വിധേയരാകണം. പത്തുദിവസത്തെ ക്വാറന്റീനിടെ രണ്ടുവട്ടം പിസിആർ. ടെസ്റ്റും സ്വന്തം ചെലവിൽ നടത്തണം. ഈ തുക നൽകി നഴ്സുമാരെ എത്തിക്കാൻ മിക്കവാറും എല്ലാ ട്രസ്റ്റുകളും തയാറായിട്ടുണ്ട്.

ട്രസ്റ്റുകൾക്ക് സ്വന്തം നിലയിൽ നഴ്സുമാർക്ക് ക്വാറന്റീൻ സൗകര്യം ഒരുക്കാൻ എൻഎച്ച്എസ് ഇംഗ്ലണ്ട് അനുമതി നൽകിയിട്ടുണ്ടെങ്കിലും ഇതിനുള്ള നടപടിക്രമങ്ങൾ എളുപ്പമല്ലാത്തതിനാൽ അതിന് സാധ്യത കുറവാണ്. അതിനാൽ സ്വന്തം നിലയിൽ ഹോട്ടൽ ക്വാറന്റീൻ ഒരുക്കാനാണ് മിക്കവാറും എല്ലാ ട്രസ്റ്റുകളും ശ്രമിക്കുന്നത്. പ്രതിദിന കോവിഡ് കേസുകൾ കു റഞ്ഞ സാഹചര്യത്തിൽ റെഡ് ലിസ്റ്റിൽ നിന്ന് ഇന്ത്യയ്ക്ക് മോചനം ലഭിക്കുമെന്ന പ്രതീക്ഷയിലാണ് നിയമനം കാത്തിരിക്കുന്ന മലയാളികൾ ഉൾപ്പെടെയുള്ള ഇന്ത്യൻ നഴ്സുമാർ.

യുകെയിലെ സ്റ്റോക്ക് ഓൺ ട്രെൻറിനടുത്ത് ക്രൂവിലേക്ക് കുടിയേറിയ എറണാകുളം പള്ളുരുത്തി കരുവേലിപ്പടി സ്വദേശി കാർത്തിക് സെൽവരാജിൻ്റെ ഭാര്യ കാലിയത്ത് അജിതാ ആൻ്റണി (31) യാണ് ഇന്ന് പുലർച്ചെ യു കെ മലയാളികളെയെല്ലാം കണ്ണീരിലാഴ്ത്തികൊണ്ട് ലോകത്തോട് വിട പറഞ്ഞത്. എറണാകുളം പള്ളുരുത്തി കാലിയത്ത് കെ.സി ആൻറണിയുടെയും ജെസ്സി ആൻ്റണിയുടെയും മകളാണ് പരേത. അജിതയ്ക്ക് ഒരു സഹോദരനും സഹോദരിയുമാണുള്ളത് .

യുകെയിലെത്തി നഴ്സായി ജോലിയിൽ പ്രവേശിക്കാനുള്ള പരീക്ഷയ്ക്ക് തയ്യാറെടുക്കുന്നതിനിടയിലാണ് അജിത കോവിഡ് ബാധിതയായത്. കഴിഞ്ഞ 114 ദിവസങ്ങളായി സൗത്ത് മാഞ്ചസ്റ്ററിലെ മാഞ്ചസ്റ്റർ ഫൗണ്ടേഷൻ ട്രസ്റ്റിന് കീഴിലുള്ള വിഥിൻഷോ ഹോസ്പിറ്റലിൽ ചികിത്സയിലായിരുന്നു. ചികിത്സക്കിടയിൽ കോവിഡ് നെഗറ്റീവ് ആയെങ്കിലും പെട്ടെന്ന് ആരോഗ്യ സ്ഥിതി വഷളായതിനെ തുടർന്ന് മരണമടയുകയായിരുന്നു.

അജിതാ ആൻ്റണിയുടെ വിയോഗത്തിൽ മലയാളം യുകെയുടെ അനുശോചനം ബന്ധുക്കളെയും സുഹൃത്തുക്കളെയും അറിയിക്കുന്നു.

കോവിഡ് കാലത്ത് ഇന്ത്യ പോലുള്ള വികസ്വര രാജ്യങ്ങളിലെ വിദ്യാർത്ഥികൾ നേരിട്ട ഏറ്റവും വലിയ പ്രതിസന്ധി ഓൺലൈൻ വിദ്യാഭ്യാസത്തിന് ആവശ്യമായ പഠനോപകരണങ്ങളുടെ അഭാവമായിരുന്നു. ഓൺലൈൻ പഠനത്തിന് ആവശ്യമായ ഉപകരണങ്ങളില്ലാതെ കേരളത്തിലെ ആയിരക്കണക്കിന് വിദ്യാർത്ഥികളാണ് ക്ലേശിച്ചത്‌. ഇത്തരത്തിലുള്ള വിദ്യാർത്ഥികളുടെ ബുദ്ധിമുട്ടുകൾ മനസ്സിലാക്കി ഇംഗ്ലണ്ടിൽ നിന്നുള്ള ഒരു പറ്റം മലയാളികൾ തങ്ങളാൽ കഴിയുന്ന സഹായവുമായി രംഗത്തെത്തിയിരിക്കുകയാണ്. ഇംഗ്ലണ്ടിലെ പ്രവാസി കേരള കോൺഗ്രസിൻ്റെ ആഭിമുഖ്യത്തിലാണ് വിദ്യാർത്ഥികൾക്കാവശ്യമായ ഓൺലൈൻ പഠനോപകരണങ്ങൾക്കുള്ള ധനശേഖരണം നടത്തിയത്.

പ്രവാസി കേരളാ കോണ്‍ഗ്രസ് ഇംഗ്ലണ്ടിന്റെ ആഭിമുഖ്യത്തിൽ നിർദ്ധനരായ വിദ്യാർത്ഥികൾക്ക് പഠനാവശ്യത്തിന് ആവശ്യമായ മൊബൈയിൽ ഫോൺ വിതരം ചെയ്യുന്നതിന്റെ ഭാഗമായി ഗാന്ധിജി സ്റ്റഡി സെന്റർ നടത്തുന്ന സ്മാർട്ട് ഫോൺ ചലഞ്ചിലേക്കുള്ള മൊബൈൽ ഫോണുകൾ ഗാന്ധിജി സ്റ്റഡി സെന്റർ ചെയർമാൻ ശ്രീ പി ജെ ജോസഫ് എംഎൽഎയ്ക്ക് ഗാന്ധിജി സ്റ്റഡി സെന്റർ വൈസ് ചെയർമാൻ ശ്രീ അപു ജോൺ ജോസഫിന്റെ സാന്നിധ്യത്തിൽ പ്രവാസി കേരളാ കോൺഗ്രസ് ഇംഗ്ലണ്ട് പ്രതിനിധി ശ്രീ ജെയ് സൺ തോമസ് എട്ടുതൊട്ടിയിൽ കൈമാറി. പ്രവാസി കേരളാ കോൺഗ്രസ് നടത്തിയ സ് മാർട്ട്ഫോൺ ചലഞ്ചിന്‌ ജിപ് സൺ തോമസ് എട്ടുതൊട്ടിയിൽ , ബിജു മാത്യു ഇളംതുരുത്തിൽ , ജോസ് പരപ്പനാട്ട് , ബേബി ജോൺ, ബിറ്റാജ് അഗസ്റ്റിന്, ജോയസ് ജോൺ, സിബി കാവുകാട്ട് , ജെറി ഉഴുന്നാലിൽ തുടങ്ങിയവർ നേതൃത്വം നൽകി.

മെട്രിസ് ഫിലിപ്പ്

സെവന്റീസ് കളിയെകുറിച്ചു ഓർക്കാറുണ്ടോ ആരെങ്കിലും. 1980-95 കാലഘട്ടങ്ങളിൽ, നാട്ടിൻപുറങ്ങളിലെ ഗ്രൗണ്ടുകളിൽ, രണ്ട് ടീം ആയി നിന്ന്കൊണ്ടുള്ള, ഈ കളിയിൽ, റബ്ബർ ബോൾ കൊണ്ടുള്ള ഏറുകിട്ടാത്തവരുണ്ടോ? ഗ്രൗണ്ടിന്റെ മധ്യഭാഗത്ത്, ഒരു വട്ടത്തിന്റെ നടുവിൽ, 7 കല്ലുകൾ മുകളിൽ, മുകളിൽ അടുക്കി അടുക്കി വെക്കും. മിക്കവാറും, പൊട്ടിയ ഓടിൻ കഷണങ്ങൾ ആയിരിക്കും. എന്നാൽ, പെട്ടെന്ന് ഈ കല്ലുകൾ അടുക്കി വെക്കാൻ സാധിക്കാത്ത രീതിയിൽ ഉള്ള കല്ലുകൾ ആയിരിക്കുകയും ചെയ്യും. കൃത്യമായ ഒരു അകലത്തിൽ നിന്ന് കൊണ്ട്, ചെറിയ റബ്ബർ ബോൾ കൊണ്ട് ഈ അടുക്കി വെച്ചിരിക്കുന്ന കല്ലുകൾ,എറിഞ്ഞു, തട്ടിതെറിപ്പിച്ചിട്ട്ഓടുക. എതിർ ടീം, ഈ ബോൾ കൊണ്ട്, ആ എറിഞ്ഞ ടീമിലെ അംഗങ്ങളെ, ഈ കല്ലുകൾ തിരിച്ച് അടുക്കാൻ സമ്മതിപ്പിക്കാതെ എറിഞ്ഞോടിക്കുക. ഏറുകൊണ്ടാൽ ഔട്ട് ആകും. ഈ കളി മിക്കവാറും മഴയുള്ള സമയത്താണ് കളിക്കുന്നത്. കാരണം, ഏറുകൊണ്ടാലും, പെട്ടെന്ന് വേദനിക്കരുത്.

ഉഴവൂർ കോളേജ് ഗ്രൗണ്ടിൽ, ധോത്തി ക്രിക്കറ്റ് ക്ലബ്ബിലെ അംഗങ്ങൾ, മഴകാലത്ത് സെവന്റീസ് കളിച്ചതുകൊണ്ട്, ദേഹത്തു റബ്ബർ ബോളിന്റെ ഏറുകൊണ്ടതിന്റെ പാട് ഉണ്ടെങ്കിൽ ഈ അവസരത്തിൽ ഒന്ന് തടവിനോക്കുന്നത് നന്നായിരിക്കും.

ഈ സെവന്റീസ് കളിയിലെ 7 കല്ലുകൾ, മനുഷ്യ ജീവിതത്തിന്റെ സ്വപ്നങ്ങളും, പ്രതീക്ഷകളും, നൊമ്പരങ്ങളും എല്ലാം ആയുള്ള വർണ്ണങ്ങൾ ആയി ഈ അവസരത്തിൽ കരുതികൂടെ. മനുഷ്യജീവിതത്തിന്റെ 7 അവസ്ഥകൾ. അതിൽ നല്ലതും ചീത്തയും സന്തോഷവും ദുഃഖവും എല്ലാം നിറഞ്ഞ 7 വർണ്ണങ്ങൾ.

കൊറോണ എന്ന മഹാമാരി കൊണ്ട് തകർന്ന് പോയ എത്രയോ സ്വപ്നങ്ങൾ ഉണ്ടാകാം ഒരോരുത്തരുടെയും ജീവിതത്തിൽ. മരണപെട്ടവർ, ജോലി നക്ഷ്ടപെട്ടവർ, ദുരിതം അനുഭവിക്കുന്നവർ, കുടുംബം, സ്വത്തുക്കൾ എല്ലാം എല്ലാം ഓരോ കല്ലുകൾ ആയി മനുഷ്യ മനസ്സിൽ ഇടം പിടിച്ചിരിക്കുന്നു.

മറ്റുള്ളവരുടെ ജീവിതത്തിലെ 7 വർണ്ണങ്ങളെ കുറിച്ച് നമ്മൾ ചിന്തിക്കാറുണ്ടോ? നമ്മൾ അറിഞ്ഞോ, അറിയാതെയോ, ഇത് പോലെ മറ്റുള്ളവർക്ക് വിനയാകുന്ന രീതിയിൽ എന്തെങ്കിലും വർണങ്ങളെ തകർത്തിട്ടുണ്ടോ,അതോ ചെയ്തിട്ടുണ്ടോ? ഈ ഏഴുകല്ലുകൾ പോലെ എഴുപത് കല്ലുകൾ ആയി, സ്വപ്‍നങ്ങൾ കൊണ്ട് നടക്കുന്നവർ ഉണ്ടാകും നമ്മുടെ സമൂഹത്തിൽ. അവരുടെ ആ സ്വപ്നങ്ങൾ തട്ടിതെറുപ്പിക്കതെ, അവരെ ചേർത്തുപിടിച്ചുകൊണ്ട്, അവരെ സഹായിക്കാം. നന്മ നിറഞ്ഞ മനസ്സുള്ളവരാകാം. ചിതറിതെറിച്ച കല്ലുകൾ, മറ്റുള്ളവരുടെ ഏറുകൊള്ളാതെ, അടുക്കിവെക്കാം. അപ്പോൾ ഉണ്ടാകുന്ന സന്തോഷം വളരെ വലുതാണ്.

ജീവിതം ഒന്നേ ഉണ്ടാകു. ആ ജീവിതം എങ്ങനെ സന്തോഷത്തോടെ പൂർത്തിയാകാം എന്നാണ് ചിന്തിക്കേണ്ടത്. ഭഗവത് ഗീതയിൽ പറയുന്നപോലെ, “നീ നേടിയതെല്ലാം ഇവിടെ നിന്ന് ലഭിച്ചതാണ്, അത് നാളെ മറ്റൊരുടേതോ ആവും, മാറ്റം പ്രകൃതി നിയമമാണ്‌.”

അവശത അനുഭവിക്കുന്നവർക്ക്, ഒരു ചെറിയ കൈതാങ്ങ് ആകാം. ആകാശത്തു വിരിയുന്ന പ്രകൃതിയുടെ 7 വർണ്ണങ്ങൾ, നമ്മുടെ സഹോദരങ്ങളെ, ചേർത്തുപിടിച്ചുകൊണ്ട്, കാണിച്ചു കൊടുക്കാം. അങ്ങനെ നമ്മുടെയും, അവരുടെയും ജീവിതം ധന്യമാകും. എല്ലാവർക്കും നന്മനിറഞ്ഞ ഒരു ജീവിതം ലഭിക്കട്ടെ എന്ന് ആശംസിക്കുന്നു.

Copyright © . All rights reserved
➤