സുഗതന്‍ തെക്കെപ്പുര (National Executive Member IW-A GB)
ലണ്ടന്‍: ബ്രിട്ടണിലെ കുടിയേറ്റക്കാരുടെ പുതുതലമുറയില്‍ പെട്ടവരുടെ മാതൃ രാജ്യങ്ങളില്‍ നിന്ന് വിവാഹം ചെയ്യുവാനുള്ള സ്വാതന്ത്ര്യത്തിന് പരോക്ഷമായി തടയിടുന്നതിന്റെ ഭാഗമായി കൊണ്ടുവന്ന ഇമ്മിഗ്രഷന്‍ നിയമത്തിനെതിരെ ഇന്ത്യന്‍ വര്ക്കേഴ്സ് യുണിയന്‍ അതിശക്തമായ നിലപാട് എടുത്തു. ബ്രിട്ടീഷ് പാര്‍ലമെന്റിലെ അതികായനും ഇറാഖ് യുദ്ധക്കുറ്റത്തിന് മുന്‍ പ്രധാനമന്ത്രി ടോണി ബ്ലെയറെ വിചാരണ നടത്തിയ ഹോം അഫയേഴ്‌സ് കമ്മിറ്റിയുടെ ചെയര്‍മാനുമയ കീത്ത് വാസ് എംപിയാണ് പാര്‍ലമെന്റില്‍ ലോബിയിങ്ങിനായി ചര്‍ച്ചക്കു തുടക്കം കുറിച്ചത്.
ഒരു പൗരന്റെ, കുടുംബമായി ജീവിക്കാനുള്ള മിനിമം വരുമാനം 13,500 പൗണ്ട് ആയിരിക്കെ തങ്ങളുടെ ജീവിത പങ്കാളി യുറോപ്പിനു വെളിയില്‍ നിന്നാണെങ്കില്‍ അവരുടെ വരുമാനം മിനിമം 18,600 പൗണ്ടും പിന്നെ ഓരോ കുട്ടിയുടെയും കണക്കനുസരിച്ച് അത് 24,000 പൗണ്ട് വരെ എത്തിപ്പെടുന്ന കുടിയേറ്റ നിയമം വിവേചന പരമാണെന്ന് അദ്ദേഹം പറഞ്ഞു. അത് മാത്രവുമല്ല ഏതാണ്ട് ഇന്ത്യന്‍ മൗലിക അവകാശത്തിനു തുല്യമായ യുറോപ്യന്‍ കണ്‍വെന്‍ഷന്‍ ഓണ്‍ ഹുമന്‍ റൈറ്റ്‌സിന്റെ ആര്‍ട്ടിക്കിള്‍ 8 പ്രകാരമുള്ള കുടുംബവുമായി ജീവിക്കാനുള്ള പൗരന്റെ അവകാശത്തിനുമേലുള്ള കടന്നു കയറ്റമാണെന്നും അദ്ദേഹം പറഞ്ഞു.
അതു പോലെ തന്നെ ഭാഷാ പരിഞാനത്തിന്റെ പേരില്‍ അമേരിക്കന്‍ കമ്പനി നടത്തിയ ടെസ്റ്റുകളിലെ പിഴവിന്റെ പേരില്‍ മുഴുവന്‍ ആളുകളുടെയും പരീക്ഷാ ഫലം റദ്ദു ചെയ്ത യുകെ ഗവണ്‍മെന്റ് നടപടിയെക്കുറിച്ചും ഹോം അഫയേഴ്‌സ് കമ്മിറ്റി അന്വേഷിക്കും എന്ന് അദ്ദേഹം പറഞ്ഞു. ചര്‍ച്ചക്ക് പിന്തുണയേകി ഷാഡോ ട്രഷറി സെക്രടറി സീമ മല്‍ഹോത്ര, ഷാഡോ ട്രാന്‍സ്‌പോര്‍ട്ട് മന്ത്രി ഡാനിയേല്‍ ഷെയ്‌സ്‌നര്‍, റൂത്ത് കാഡ്ബറി തുടങ്ങിയവരും പങ്കെടുത്തു.
ചര്‍ച്ചക്കു IWA GB സെക്രട്ടറി ജോഗീന്ദര്‍ ബൈന്‍സ് നേതൃത്വം നല്കി. പ്രസിഡന്റ് ദയാല്‍ ബാഗ്രി, മറ്റു ദേശീയ കമ്മിറ്റി അംഗങ്ങളായ ഹര്‍സേവ് അവതാര്‍, സാദിക് ഇബ്രാഹിം വാക്കുളങ്ങര, സുഗതന്‍ തെക്കേപ്പുര എന്നിവരും പ്രോഗ്രസ്സിവ് മലയാളി സോസൈറ്റിയുടെ പ്രവര്‍ത്തകരായ രാജേഷ് കൃഷ്ണ, ഫൈസല്‍, ഹാരിസ് റാസല്‍ ജിജി നട്ടാശേരി തുടങ്ങിയവരും പങ്കെടുത്തു.
ചര്‍ച്ചക്കു ശേഷം IWA GB നേതാക്കളായ ജോഗിന്ദര്‍ ദയാല്‍ ബാഗ്രി ഇബ്രാഹിം വാക്കുളങ്ങര രജീന്ദര്‍ സിംഗ് എന്നിവര് 10 ഡൗണിംഗ് സ്ട്രീറ്റിലെ പ്രധാനമന്ത്രിയുടെ വസതിയില്‍ എത്തി ആയിരക്കണക്കിന് ആളുകള്‍ ഒപ്പ് വെച്ച മെമ്മോറാണ്ടവും കൈമാറി.
ശശി ചെറായിലണ്ടന്‍: മലയാളത്തിന്റെ മഹാകവി ഒ.എന്‍.വിയുടെ നിര്യാണത്തില്‍ ലണ്ടന്‍ മലയാളി കൗണ്‍സില്‍ അനുശോചിച്ചു. സെക്രട്ടറി ശശി ചെറായിയുടെ നേതൃത്വത്തില്‍ ഞായറാഴ്ച ഈസ്റ്റഹാമിലെ മെതോടിസ്റ്റ് ഹാളില്‍ ചേര്‍ന്ന കൂട്ടായ്മയില്‍ കവിയും സാഹിത്യകാരനുമായ കാരൂര്‍ സോമന്‍ ഒ.എന്‍.വിയെ അനുസ്മരിച്ചു.
കാരൂര്‍ സോമന്റെ അനുസ്മരണ പ്രഭാഷണത്തില്‍ നിന്ന്:
വയലാറിനു ശേഷം ഒ.എന്‍.വി കാവ്യവര്‍ണ്ണ മനോഹരങ്ങളായ കവിതാഗാനങ്ങള്‍കൊണ്ട ് മലയാള കവിതയില്‍ പുതുചലനങ്ങളാണ് സൃഷ്ടിച്ചത്. സാഹിത്യലോകത്ത് അദ്ദേഹം രാവണനായിരുന്നില്ല. മറിച്ച് രാമനായിരുന്നു. അദ്ദേഹം സിനിമപോലെ സാഹിത്യത്തെ വില്‍പനചരക്കായി ഉപയോഗിച്ചില്ല. ഒരു അഭിനവ നടന്റെ, നടിയുടെ അംഗലാവണ്യവിളയാട്ടം കണ്ടിരുന്നു രസിക്കുന്നവരെക്കാള്‍ അടിച്ചമര്‍ത്തപ്പെട്ടവന്റെ, ദുഃഖിതന്റെ കണ്ണീരിനൊപ്പമാണ് ജീവിച്ചത്. ജാതിമത വര്‍ഗ്ഗീയതയ്‌ക്കെതിരെ, അന്ധവിശ്വാസങ്ങള്‍ക്കെതിരെ ഒരു സോഷ്യലിസ്റ്റ് ദാര്‍ശനികതയുടെ അടിത്തറയിലൂടെയാണ് സഞ്ചരിച്ചത്. അതുകൊണ്ടായിരിക്കാം അദ്ദേഹം അമ്പലത്തില്‍ ഈശ്വരനെ വണങ്ങാന്‍ പോകാത്തത്. എന്നാല്‍ എല്ലാ പ്രപഞ്ചസൃഷ്ടിയിലും ഈശ്വരനുണ്ടെന്നുള്ളത് അദ്ദേഹം വിശ്വസിച്ചിരുന്നു.
1952ല്‍ തോപ്പില്‍ ഭാസിയെഴുതിയ നിങ്ങളെന്നെ കമ്യൂണിസ്റ്റാക്കി എന്ന നാടകത്തിലെ ഗാനങ്ങളിലൂടെയാണ് ഒ.എന്‍.വി ജനകീയനായത്. അദ്ദേഹം മാനവികതയ്ക്ക് ഊന്നല്‍ നല്‍കിയതുകൊണ്ടാണ് ഭാവോജ്ജ്വലമായി കവിതകള്‍, വിപ്ലവഗാനങ്ങള്‍ എഴുതാന്‍ സാധിച്ചത്. അത് മനുഷ്യനെ പുരോഗതിയിലേക്കാണ് നയിച്ചത്. ആ കാവ്യലോകത്തിന്റെ വാതായനങ്ങളിലേക്ക് കടന്നുവരാന്‍ ഇന്നുള്ളവര്‍ക്ക് കഴിയുന്നില്ല. ആറേഴു പതിറ്റാണ്ട ുകളായി ആരുടെയും തടവറയില്‍ കഴിയാതെ ഭാഷയെയും പുരോഗമനപ്രസ്ഥാനങ്ങളെയും പാലൂട്ടി വളര്‍ത്തുന്നതില്‍ നിര്‍ണ്ണായകമായ പങ്കു വഹിച്ചു.
അത് ഇന്നുള്ള ചിലരെപോലെ കാശുകൊടുത്തു പുസñകമിറക്കി മുഖ്യമന്ത്രിയെക്കൊണ്ടു പ്രകാശനം ചെയ്വിച്ച് സാഹിത്യത്തിന്റെ പേരില്‍ മേനി പറഞ്ഞ് നടക്കുന്നവരെപ്പോലെയല്ലായിരുന്നു. ഒരിക്കല്‍ കമ്യൂണിസ്റ്റുകാരോട് അദ്ദേഹം പറഞ്ഞത് വ്യക്തിതാല്പര്യങ്ങള്‍ക്കായി രാഷ്ട്രീയം, അധികാരം ദുര്‍വിനിയോഗം ചെയ്യരുത്. അങ്ങനെയുള്ളവരെ പുറത്താക്കണമെന്നാണ്. മലയാളത്തിന് ശ്രേഷ്ഠഭാഷാ പദവിക്കായി സെക്രട്ടേറിയറ്റില്‍ സത്യാഗ്രഹമിരുന്നത് മലയാളഭാഷയെ പെറ്റമ്മയെപ്പോലെ സ്‌നേഹിച്ചതു കൊണ്ടാണ്.
ഇങ്ങനെ സമൂഹത്തിന്റെ സമസñമേഖലകളിലും ഒരു പടയാളിയുടെ പടച്ചട്ടയണിഞ്ഞാണ് മരണംവരെ ജീവിച്ചത്. എനിക്ക് ഒ.എന്‍.വിയും തോപ്പില്‍ ഭാസിയും ഗുരുതുല്യരാണ്. രണ്ടുപേരും എന്റെ കവിതയ്ക്കും നാടകത്തിനും അവതാരിക എഴുതിയിട്ടുണ്ട്.ജ്ഞാനപീഠം കിട്ടി ഇംഗ്ലണ്ടില്‍ മകളുടെ ഭവനത്തില്‍ വന്നതിനുശേഷം ഞാനടക്കമുള്ള ലണ്ടന്‍ മലയാളികള്‍ അദ്ദേഹത്തെ ആദരിക്കുകയുണ്ടായി.
ഏതു ഭാഷയിലായാലും അതുല്യരായ എഴുത്തുകാര്‍ മരിച്ചാലും ജീവിക്കുന്നവരെന്ന് കാരൂര്‍ അഭിപ്രായപ്പെട്ടു. തുടര്ന്ന് എഴുത്തുകാരിയായ സിസിലി ജോര്‍ജ്ജ് ഒ.എന്‍.വി. സ്ത്രീകള്‍ക്കായി എഴുതിയ സ്വയംവരം ഉജ്ജയിനിയെപ്പറ്റി വിശദീകരിച്ചു. മനുഷ്യന്‍ പ്രകൃതിയോടു കാട്ടുന്ന ക്രൂരത ഭൂമിക്കൊരു ചരമഗീതം എന്ന കവിതയെപ്പറ്റിയാണ് അച്ചന്‍കുഞ്ഞ് കുരുവിള സംസാരിച്ചത്. രാജീവ് താമരക്കുളം, റ്റി. ശാമുവല്‍, ഓമനതീയാട്ടുകുന്നേല്‍ തുടങ്ങിയവരും അനുശോചനം രേഖപ്പെടുത്തി.
വാഷിംഗ്ടണ്‍: ഇന്ത്യന്‍ വംശജനായ ശ്രീശ്രീനിവാസന്‍ അമേരിക്കന്‍ സുപ്രീം കോടതി ജഡ്ജിയായേക്കുമെന്ന് റിപ്പോര്‍ട്ട്. ഇത് യാഥാര്‍ത്ഥ്യമായാല്‍ ഈ പദവിയിലെത്തുന്ന ആദ്യ ഇന്ത്യന്‍ വംശജനായിരിക്കും ശ്രീശ്രീനിവാസന്‍. അന്തരിച്ച അന്റോണിന്‍ സ്‌കാലിയയുടെ പിന്‍ഗാമിയായി സുപ്രീം കോടതിയിലേക്ക് പ്രസിഡന്റ് ബരാക് ഒബാമ ഇദ്ദേഹത്തെ നാമനിര്‍ദേശം ചെയ്യുമെന്നാണ് സൂചന. 48കാരനായ ശ്രീനിവാസന്‍ ചണ്ഡീഗഡിലാണ് ജനിച്ചത്. തമിഴ്‌നാട്ടിലെ തിരുനെല്‍വേലി സ്വദേശികളാണ് ഇദ്ദേഹത്തിന്റെ മാതാപിതാക്കള്‍. സ്റ്റാഫോഡ് സര്‍വകലാശാലയില്‍ നിന്ന് ഉന്നത വിദ്യാഭ്യാസം നേടിയ ശ്രീനിവാസന്‍ 2013ല്‍ യുഎസ് കോര്‍ട്ട് ഓഫ് അപ്പീല്‍ ജഡ്ജിയായി തെരഞ്ഞെടുക്കപ്പെട്ടു. ഇന്ത്യയിലെ ഹൈക്കോടതികള്‍ക്ക് സമാനമായ കോടതിയാണിത്.
പ്രസിഡന്റ് ഒബാമയായിരുന്നു അദ്ദേഹത്തെ നാമനിര്‍ദേശം ചെയ്തത്. ഈ പദവിയിലെത്തുന്ന ആദ്യ ഏഷ്യാക്കാരനും ശ്രീനിവാസനാണ്. 1960ല്‍ തന്നെ ശ്രീനിവാസന്റെ കുടുംബം അമേരിക്കയിലേക്ക് കുടിയേറിയിരുന്നു. ടെക്‌സാസിലെ ലോറന്‍സിലാണ് ശ്രീനിവാസനും കുടുംബവും ഇപ്പോള്‍ താമസിക്കുന്നത്. അന്തരിച്ച അമേരിക്കന്‍ സുപ്രീം കോടതി ജഡ്ജി 79 കാരനായ സ്‌കാലിയ തികഞ്ഞ യാഥാസ്ഥിതിക വാദിയായിരുന്നു. എങ്കിലും കാല്‍നൂറ്റാണ്ടിനിടെ രാജ്യം കണ്ട ഏറ്റവും സ്വാധീനമുളള ജഡ്ജിയായിരുന്നു ഇദ്ദേഹം.
പ്രസിഡന്റ് തെരഞ്ഞെടുപ്പിന്റെ ചൂടേറിയ ചര്‍ച്ചകള്‍ക്കിടയിലും പുതിയ ജഡ്ജി നിയമനം ഏറെ പ്രാധാന്യത്തോടെ തന്നെ ചര്‍ച്ച ചെയ്യപ്പെടുന്നുണ്ട്. തന്റെ ഏറ്റവും വലിയ കര്‍ത്തവ്യമാണ് പുതിയ ജഡ്ജിയെ നാമനിര്‍ദേശം ചെയ്യുകയെന്ന് ഒബാമയും വ്യക്തമാക്കുന്നു. പാര്‍ട്ടിക്ക് പിന്നീടേ സ്ഥാനമുളളൂ. തികഞ്ഞ മിതവാദിയായ ശ്രീനിവാസന്‍ റിപ്പബ്ലിക്കന്‍, ഡെമോക്രാറ്റിക് ആശയങ്ങള്‍ക്ക് വേണ്ടി ഒരു പോലെ നിലകൊള്ളാറുണ്ട്.
പ്രസിഡന്റിന് ജഡ്ജിയെ നാമനിര്‍ദേശം ചെയ്യാന്‍ അധികാരമുണ്ടെങ്കിലും അതിന് അമേരിക്കന്‍ സെനറ്റിന്റെ കൂടി അംഗീകാരം ആവശ്യമാണ്. ഇപ്പോള്‍ സെനറ്റില്‍ റിപ്പബ്ലിക്കനുകള്‍ക്കാണ് മുന്‍തൂക്കം. ഉദാര നയങ്ങള്‍ പുലര്‍ത്തുന്നവരെയാകും ഡെമോക്രാറ്റുകള്‍ പിന്തുണയ്ക്കുക എന്ന് സൂചനയുണ്ട്. എന്നാല്‍ അടുത്ത പ്രസിഡന്റ് പുതിയ ജഡ്ജിയെ നിശ്ചയിക്കട്ടെ എന്നൊരു അഭിപ്രായം റിപ്പബ്ലിക്കനുകള്‍ ഉയര്‍ത്തുന്നുണ്ട്.
ഒരു ഉത്തരേന്ത്യന്‍ വെജിറ്റേറിയന്‍ ഡിഷ് ആണ് ഇന്ന് വീക്ക് ഏന്‍ഡ് കുക്കിംഗ് പരിചയപ്പെടുത്തുന്നത്. ചപ്പാത്തി, ഫുല്‍ക്കാ, റൊട്ടി, നാന്‍, ഫ്രഡ് റൈസ് എന്നിവയ്‌ക്കൊക്കെ ഒരു നല്ല സൈഡ് ഡിഷ് ആണ് മേത്തി മലായ് മട്ടര്‍ പനീര്‍. മിക്കവാറും ഉള്ള പനീര്‍ ഡിഷുകളുടെതു പോലെ ഇതിന്റെ േ്രഗവിയും വളരെ ക്രീമി ആണ്
ചേരുവകള്‍
പനീര്‍ – 250 ഗ്രാം
സബോള – 2 എണ്ണം
തക്കാളി – 1 എണ്ണം
കശുവണ്ടി – 50 ഗ്രാം
ഇഞ്ചി – 6 അല്ലി
ഇഞ്ചി – 1 ഇഞ്ച്
പച്ചമുളക് – 2 എണ്ണം
ഫെനുഗ്രീക്ക് – 50 ഗ്രാം
കുരുമുളകുപൊടി – 1 ടീ സ്പൂണ്‍
മല്ലിപ്പൊടി – 1 ടീ സ്പൂണ്‍
മുളകുപൊടി – 1 ടീ സ്പൂണ്‍
ഗരം മസാല – 1/ 2 ടീ സ്പൂണ്‍
മഞ്ഞള്‍പൊടി – 1/ 2 ടീ സ്പൂണ്‍
ഗ്രീന്‍പീസ് – 50 ഗ്രാം
ഓയില്‍ – ആവശ്യത്തിന്
ഉപ്പ് – ആവശ്യത്തിന്
ക്രീം – 50 ml
പാചകം ചെയ്യുന്ന വിധം
ഒരു പാനില്‍ ഓയില്‍ ചൂടാക്കി ജീരകം പൊട്ടിച്ച് അതിലേയ്ക്ക് ഇഞ്ചി, വെളുത്തുള്ളി, സബോള, കശുവണ്ടി, തക്കാളി, പച്ചമുളക് എന്നിവ ചേര്‍ത്ത് നന്നായി വഴറ്റുക. വഴറ്റിയെടുത്തത് തണുപ്പിച്ചു നന്നായി മിക്‌സിയില്‍ അരച്ച് എടുക്കുക. അതേ പാനില്‍ അല്പം ഓയില്‍ ചൂടാക്കി ഫെനുഗ്രീക്ക്, എല്ലാ മസാലപ്പൊടികളും ചേര്‍ത്ത് കുക്ക് ചെയ്യുക. മസാലയുടെ പച്ച മണം മാറിക്കഴിയുമ്പോള്‍ അരച്ചുവച്ച പേസ്റ്റ് അല്പം വെള്ളം,. ഗ്രീന്‍പീസ് ആവശ്യത്തിന് ഉപ്പും ചേര്‍ത്ത് നന്നായി മിക്‌സ് ചെയ്ത് ഒരു 45 മിനുട്ട് കൂടി കുക്ക് ചെയ്യുക. നന്നായി തിളച്ചു കഴിയുമ്പോള്‍ ക്യുബ്‌സ് ആയി മുറിച്ചു വച്ച പനീര്‍ ചേര്‍ത്ത് വീണ്ടും ഒരു 45 മിനുട്ട് കൂടി ചെറിയ തീയില്‍ പനീര്‍ കുക്ക് ആകുന്നതുവരെ വയ്ക്കുക. പനീര്‍ കുക്ക് ആയി കഴിയുമ്പോള്‍ ക്രീം ചേര്‍ത്ത് ചൂടോടെ സെര്‍വ് ചെയ്യുക. (പനീര്‍ വളരെ സോഫ്റ്റ് അണെങ്കില്‍ പൊടിയാതിരിക്കാന്‍ േ്രഗവിയില്‍ ചേര്‍ക്കുന്നതിനു മുന്‍പേ ഷാലോ ചെയ്യുന്നത് നന്നായിരിക്കും)
ഹോട്ടല്‍ മാനേജ്മെന്‍റ് ബിരുദ ധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക
ഷാര്‍ജഃ വിമാനത്തില്‍ തകരാര്‍ കണ്ടെത്തിയതിനെത്തുടര്‍ന്ന് ഷാര്‍ജ വിമാനത്താവള അധികൃതര്‍ പറക്കാന്‍ അനുമതി നിഷേധിച്ച എയര്‍ ഇന്ത്യ വിമാനവുമായി പൈലറ്റുമാര്‍ ഇന്ത്യയിലേക്ക് തിരിച്ചു. സംഭവം യു.എ.ഇ ജനറല്‍ സിവില്‍ ഏവിയേഷന്‍ അതോറിറ്റിയുടെ (ജി.സി.എ.എ) ശക്തമായ പ്രതികരണത്തിന് ഇടയാക്കിയിരുന്നു. ഈ വിമാനം രാജ്യത്തിന്റെ വ്യോമാതിര്‍ത്തിയില്‍ പ്രവേശിക്കുന്നതില്‍ നിന്നും വിലക്കേര്‍പ്പെടുത്തുമെന്ന് ജി.സി.എ.എ ഭീഷണിമുഴക്കിയിരുന്നു. തുടര്ന്ന് ഒരു ഉന്നതഉദ്യോഗസ്ഥനെ എയര്‍ ഇന്ത്യ ദുബായിലേക്ക് അയച്ചിരുന്നു.
മുംബൈ വിമാനത്താവളത്തില്‍ എയര്‍ ഇന്ത്യ ടെക്‌നീഷ്യന്‍ വിമാനത്തിന്റെ എഞ്ചിനില്‍ കുടുങ്ങി കൊല്ലപ്പെട്ട് ആഴ്ചകള്‍ മാത്രം പിന്നിടുമ്പോഴാണ് പുതിയ സംഭവം. ജനുവരി 26 ന് ഷാര്‍ജയിലെത്തിയ എ.ഐ967 ചെന്നൈതിരുവനന്തപുരംഷാര്‍ജ വിമാനത്തിലാണ് ഷാര്‍ജ വിമാനത്താവള അധികൃതര്‍ നടത്തിയ പരിശോധനയിലാണ് ഗുരുതരമായ തകരാര്‍ കണ്ടെത്തിയത്. പരിശോധനയില്‍ വിമാനത്തിന്റെ കാര്‍ഗോ നെറ്റിന് കേടുവന്നതായി കണ്ടെത്തിയതിന് പുറമേ വിമാനത്തിന്റെ ടയറുകളില്‍ ഒന്നിലും എഞ്ചിന്‍ ബ്ലേഡിലും ചെറിയ വിള്ളലും കണ്ടെത്തി.
വിമാനത്തിന്റെ മെയിന്റനന്‍സ് കാലാവധിയ്ക്കുള്ളിലാണ് തകരാര്‍ കണ്ടെത്തിയത്. ഇതുസംബന്ധിച്ച രേഖകളും കൃത്യമായിയിരുന്നില്ല. തുടര്ന്ന് തകരാര്‍ പരിഹരിച്ച്, റഫറല്‍ നമ്പരുകള്‍ സഹിതം രേഖകള്‍ കൃത്യമാക്കിയ ശേഷം മാത്രം ഇന്ത്യയിലേക്ക് തിരിച്ചു പറന്നാല്‍ മതിയെന്നും അധികൃതര്‍ നിര്‍ദ്ദേശിച്ചു.
എന്നാല്‍ ഡ്യൂട്ടി സമയം പൂര്‍ത്തിയാക്കിയ പൈലറ്റ്, ഇക്കാര്യം തിരിച്ചുള്ള വിമാനം പറത്തുന്ന പൈലറ്റുമാരെ അറിയിക്കാതെ താന്‍ താമസിക്കുന്ന ഹോട്ടലിലേക്ക് പോകുകയായിരുന്നു. സംഭവമൊന്നുമറിയാത്ത മറ്റുപൈലറ്റുമാര്‍ റിട്ടേണ്‍ ഫ്‌ലൈറ്റ് തിരുവനന്തപുരത്തേക്ക് പറത്തുകയായിരുന്നു. വിമാനം മസ്‌ക്കറ്റിന്റെ ആകാശപരിധിയിലെത്തിയപ്പോഴാണ് തങ്ങള്‍ തടഞ്ഞിട്ട വിമാനം തിരികെപറന്ന വിവരം ഷാര്‍ജ അധികൃതര്‍ തിരിച്ചറിയുന്നത്.
സംഭവത്തില്‍ ജനുവരി 31 ന് ജി.സി.എ.എ എയര്‍ ഇന്ത്യയുടെ സുരക്ഷാ വിഭാഗത്തില്‍ നിന്ന് വിശദീകരണം തേടിയപ്പോള്‍ മാത്രമണ് എയര്‍ഇന്ത്യ മാനെജ്‌മെന്റ് സംഭവം അറിയുന്നത് തന്നെ..! ഷാര്‍ജ വിമാനത്താവള അധികൃതരുടെ പരിശോധന ‘പതിവ്’ ആണെന്നാണ് ഇതേക്കുറിച്ച് ചോദിച്ചപ്പോള്‍ ഒരു എയര്‍ഇന്ത്യ വക്താവ് പ്രതികരിച്ചത്.
സംഭവത്തെത്തുടര്‍ന്ന് വ്യോമാനയാന ചട്ടങ്ങള്‍ ലംഘിച്ചതിന് പൈലറ്റിനെ അന്താരാഷ്ട്ര വിമാനങ്ങള്‍ പറത്തുന്നതില്‍ നിന്ന് എയര്‍ഇന്ത്യ വിലക്കേര്‍പ്പെടുത്തി.
വിമാനം പുറപ്പെടുന്നതിന് വിമാനത്തിന്റെ സൂക്ഷപരിശോധന പൂര്‍ത്തിയാക്കണമെന്ന് പൈലറ്റിനോട് നിര്‍ദ്ദേശിച്ചിരുന്നു. ഷാര്‍ജയില്‍ വച്ച് ജീവനക്കാരില്‍ മാറ്റമുണ്ടായെന്നും എല്ലാ സൂക്ഷ്മപരിശോധനയും മെയിന്റനന്‍സ് ഏജന്‍സിയാണ് നടത്തിയതെന്നും എയര്‍ ഇന്ത്യ വക്താവ് പറഞ്ഞു. മുഖ്യ പൈലറ്റിനെതിരായ നടപടി കമ്പനിയുടെ ആഭ്യന്തര കാര്യം മാത്രമാണെന്നും വക്താവ് കൂട്ടിച്ചേര്‍ത്തു.
ലണ്ടന്‍: യൂറോപ്യന്‍ യൂണിയനില്‍ നിന്ന് പുറത്തു വരുന്ന വിഷയത്തില്‍ കാമറൂണ്‍ സ്വീകരിക്കുന്ന നിലപാടുപകളില്‍ ജനങ്ങള്‍ക്കുണ്ടായ അതൃപ്തി പ്രധാനമന്ത്രി ഡേവിഡ് കാമറൂണിന്റെ ജനപ്രീതി ഇടിക്കുന്നു. കോംറെസ് നടത്തിയ അഭിപ്രായ സര്‍വേയിലാണ് ഇക്കാര്യം വ്യക്തമായത്. കഴിഞ്ഞ മൂന്നു മാസത്തിനിടെ കാമറൂണിന്റെ ജനപ്രീതി ഏഴു പോയിന്റ് ഇടിഞ്ഞ് 31 ശതമാനത്തിലെത്തി. നിലവില്‍ ലേബര്‍ നേതാവ് ജെറമി കോര്‍ബിനൊപ്പമാണ് കാമറൂണിന്റെ സ്‌കോര്‍. യൂറോപ്യന്‍ യൂണിയന്‍ വിടുന്ന വിഷയത്തില്‍ നടക്കുന്ന ചര്‍ച്ചകളില്‍ കാമറൂണിന് തന്റെ വാദമുഖങ്ങള്‍ നിരത്താന്‍ കഴിയില്ലെന്നാണ് ജനങ്ങള്‍ വിലയിരുത്തുന്നത്. ഈയാഴ്ച ബ്രസല്‍സില്‍ നടക്കുന്ന യൂണിയന്‍ സമ്മേളനത്തില്‍ യുകെയുടെ ആവശ്യങ്ങള്‍ അറിയിക്കാന്‍ കാമറൂണ്‍ പങ്കെടുക്കുന്നുണ്ട്.
ഈ മസം ആദ്യം അവതരിപ്പിച്ച കരട് വ്യവസ്ഥകളില്‍ അറുപതു ശതമാനം പേരും അതൃപ്തരാണെന്നാണ് റിപ്പോര്‍ട്ട്. ഇതില്‍ നിന്ന് ഒരു മികച്ച കരാര്‍ ലഭിക്കുമെന്ന് ആരും പ്രതീക്ഷിക്കുന്നില്ല. എന്നാല്‍ 21 ശതമാനം ആളുകള്‍ ഇപ്പോഴും കാമറൂണില്‍ പ്രതീക്ഷ അര്‍പ്പിക്കുന്നെണ്ടന്ന വിവരവും സര്‍വേ നല്‍കുന്നു. യൂണിയനു പുറത്തു വന്നാലും കാലേയ് അതിര്‍ത്തി കൈകാര്യം ചെയ്യാന്‍ ബ്രിട്ടന് കഴിയുമെന്ന് 47 ശതമാനം രപേര്‍ വിശ്വസിക്കുന്നു. എന്നാല്‍ 29 പേര്‍ ഇതിനെ എതിര്‍ക്കുന്നു. നിഗല്‍ ഫരാഷ് ഉള്‍പ്പെടെയുള്ള നേതാക്കളുമായി കാമറൂണ്‍ ബ്രസല്‍സില്‍ ചര്‍ച്ചകള്‍ ഈ ആഴ്ച നടത്താനിരിക്കെയാണ് സര്‍വേ റിപ്പോര്‍ട്ട് പുറത്തുവന്നതെന്നതും ശ്രദ്ധേയമാണ്. പതിനാറിനാണ് യൂറോപ്യന്‍ പാര്‍ലമെന്റ് നേതാക്കളുമായി ബ്രസല്‍സില്‍ ചര്‍ച്ച. അതിനു ശേഷം തിരിച്ചെത്തുന്ന കാമറൂണ്‍ പതിനെട്ടിന് അന്തിമ ചര്‍ച്ചകള്‍ക്കായി വീണ്ടും ബ്രസല്‍സിലെത്തും.
യൂണിയന്‍ സമ്മേളനം ഇരുപതാം തിയതി വരെ നീളുമെന്നാണ് വിലയിരുത്തപ്പെടുന്നത്. യൂറോപ്യന്‍ യൂണിയന്‍ രാജ്യങ്ങളില്‍ നിന്നുള്ള കുടിയേറ്റക്കാര്‍ക്ക് യുകെയില്‍ ലഭിക്കുന്ന ആനുകൂല്യങ്ങള്‍ ഇല്ലാതാക്കുന്നതടതക്കമുള്ള വ്യവസ്ഥകള്‍ കാമറൂണ്‍ അവതരിപ്പിക്കും. ഇത് പതിനേഴാം തിയതി ഔദ്യോഗികമായി പാര്‍ലമെന്റില്‍ വയ്ക്കും. അന്തി വ്യവസ്ഥകളാണ് ഇവയെന്നും രണ്ടു ദിവസത്തെ ചര്‍ച്ചകളില്‍ ഇവയില്‍ തീരുമാനമുണ്ടാകുമെന്നും പ്രധാനമന്ത്രിയുടെ ഓഫീസ് അറിയിച്ചു. യൂറോസോണില്‍ യുകെയുടെ സാമ്പത്തിക വ്യവസ്ഥ സംരക്ഷിക്കുന്നതിനു വേണ്ടി മാത്രം മുന്നോട്ടു വയ്ക്കുന്ന ഈ വ്യവസ്ഥകളെ ഫ്രാന്‍സ് അംഗീകരിക്കില്ലെന്നാണ് സൂചന.
യൂണിയനില്‍ നിന്ന് അകന്നു നില്‍ക്കാനും കുടിയേറ്റക്കാരായ കുട്ടികള്‍ക്ക് നല്‍കുന്ന ആനുകൂല്യങ്ങള്‍ വെട്ടിക്കുറയ്ക്കാനുമുള്ള നീക്കങ്ങളേയും ഫ്രാന്‍സ് അനുകൂലിക്കില്ല. ഇക്കാര്യത്തില്‍ മറ്റു രാജ്യങ്ങളും പ്രതികൂലമായി നിലപാടെടുക്കുമെന്നതിനാല്‍ രണ്ടു ദിവസത്തെ ചര്‍ച്ചയില്‍ ഏറ്റവും കൂടുതല്‍ സമയമെടുക്കുക ഈ വിഷയത്തിയിരിക്കും.
ബിന്‍സു ജോണ്‍
TOEIC പരീക്ഷയില്‍ നടന്ന ക്രമക്കേടുകളെ തുടര്ന്ന് ഹോം ഓഫീസ് നടത്തിക്കൊണ്ടിരിക്കുന്ന ഡീപോര്‍ട്ടേഷന്‍ നടപടികള്‍ നേരിടാന്‍ സാധ്യതയുള്ളവരെ സഹായിക്കാനായി ഇന്ത്യന്‍ വര്ക്കേഴ്സ് അസോസിയേഷന്‍ ഓഫ് ഗ്രേറ്റ് ബ്രിട്ടന് തീരുമാനമെടുത്തു. മലയാളികള്‍ ഉള്‍പ്പെടെ ഏകദേശം അന്പതിനായിരത്തോളം വിദേശ വിദ്യാര്‍ത്ഥികളെ ബാധിക്കുന്ന ഈ പ്രശ്നത്തില്‍ അടിയന്തിര ശ്രദ്ധ പതിപ്പിക്കാന്‍ തീരുമാനിച്ചതായി ഇന്ത്യന്‍ വര്ക്കേഴ്സ് അസോസിയേഷന്‍ ഭാരവാഹികള്‍ മലയാളം യുകെയോട് പറഞ്ഞു.
സ്റ്റുഡന്റ് വിസയിലും മറ്റും യുകെയിലെത്തിയ നിരവധി ആളുകള്‍ യുകെയില്‍ തുടര്‍ വിസകള്‍ക്കും (Visa Extension) മറ്റ് ആവശ്യങ്ങള്‍ക്കുമായി എഴുതിയിരുന്ന പരീക്ഷയാണ് TOEIC (Test of English for International Communication) എന്നത്. IELTS പോലെ തന്നെ വിവിധ രാജ്യങ്ങള്‍ അംഗീകരിച്ചിരുന്ന ഈ പരീക്ഷ നടത്തിയിരുന്നത് ETS (English Testing Services) എന്ന അന്താരാഷ്ട്ര ഏജന്‍സി ആയിരുന്നു. എന്നാല്‍ 2014ല്‍ ബിബിസി നടത്തിയ ഒരു സ്റ്റിംഗ് ഓപ്പറേഷനില്‍ ഈ പരീക്ഷ നടത്തിയിരുന്ന ചില ടെസ്റ്റ്‌ സെന്ററുകളില്‍ നടന്ന കള്ളക്കളികള്‍ പുറത്ത് വരികയായിരുന്നു. ബിബിസി വെളിപ്പെടുത്തിയതനുസരിച്ച് യാതൊരു വിധ ഇംഗ്ലീഷ് പരിജ്ഞാനവും ഇല്ലാത്ത നിരവധി പേര്‍ക്ക് ഈ പരീക്ഷ പാസ്സായ സര്‍ട്ടിഫിക്കറ്റുകള്‍ നല്‍കിയിട്ടുണ്ട്. ഇതിനായി യഥാര്‍ത്ഥ വ്യക്തിക്ക് പകരം വേറെ ആളെ ഉപയോഗിച്ച് പരീക്ഷ എഴുതുക, സഹായിയെ നല്കി ഉത്തരങ്ങള്‍ പറഞ്ഞ് കൊടുക്കുക തുടങ്ങിയ കാര്യങ്ങള്‍ ആയിരുന്നു ഇംഗ്ലീഷ് അറിയാത്തവര്‍ക്ക് വേണ്ടി ഈ പരീക്ഷാ കേന്ദ്രങ്ങളിലുള്ളവര്‍ ചെയ്തത്. ഇതിനായി സാധാരണ പരീക്ഷ ഫീസിന്‍റെ മൂന്നിരട്ടി വരെ പരീക്ഷ എഴുതാന്‍ വരുന്നവരില്‍ നിന്ന് ഈടാക്കിയിരുന്നു.
ബിബിസി ഈ വിവരം വെളിയില്‍ കൊണ്ട് വന്നതോടെ ഈ പരീക്ഷ പാസ്സായവരുടെ യോഗ്യത റദ്ദ് ചെയ്യാന്‍ ഹോം ഓഫീസ് തീരുമാനമെടുക്കുകയായിരുന്നു. ഓരോ വര്‍ഷവും ഒരു ലക്ഷത്തിലധികം ആളുകള്‍ക്ക് വിസ എക്സ്റ്റന്‍ഷന്‍ അനുവദിച്ച് കൊണ്ടിരുന്ന ഹോം ഓഫീസ് TOEIC സര്‍ട്ടിഫിക്കറ്റുകള്‍ യോഗ്യത ആയി വച്ചിരുന്നവരുടെ അപേക്ഷകള്‍ നിരസിച്ച് തുടങ്ങി. പക്ഷെ ഇതില്‍ സംഭവിച്ച ഒരു ദുരന്തം എന്നത് ഹോം ഓഫീസ് എടുത്ത തീരുമാനം കൃത്രിമമായി പരീക്ഷ പാസ്സായവരെയും പഠിച്ച് സത്യസന്ധമായി പരീക്ഷ എഴുതി പാസ്സായവരെയും ഒരേ പോലെ കണ്ട് എല്ലാവര്‍ക്കും എതിരെ നടപടി സ്വീകരിച്ചു എന്നതാണ്. മാത്രവുമല്ല ഇങ്ങനെ ഡീപോര്‍ട്ട്‌ ചെയ്യപ്പെടുന്ന ആളുകള്‍ക്ക് യുകെയില്‍ നിന്ന് പുറത്ത് പോയല്ലാതെ നിയമ നടപടികള്‍ സ്വീകരിക്കാനുള്ള അനുവാദം പോലും നല്‍കുന്നുമില്ല.
വന്‍ തുക മുടക്കി എല്ലാ യോഗ്യതകളോടും കൂടി യുകെയിലെത്തുകയും എന്നാല്‍ ഒരു ന്യൂനപക്ഷം കാണിച്ച കള്ളത്തരത്തിന് ഇരകളാവുകയും ചെയ്തിരിക്കുന്നത് ഈ പരീക്ഷ എഴുതിയിരിക്കുന്ന എല്ലാവരും ആണ് എന്നതാണ് ഇതിലെ വിരോധാഭാസം. TOEIC പരീക്ഷയില്‍ പങ്കെടുത്ത മുഴുവന്‍ ആളുകളെയും കണ്ട് പിടിച്ച് യുകെയില്‍ നിന്നും പുറത്താക്കുന്ന നടപടികള്‍ യുകെബിഎ അടുത്ത ദിവസങ്ങളില്‍ കൂടുതല്‍ ഊര്‍ജ്ജിതമാക്കിയിരിക്കുകയാണ്. അന്‍പതിനായിരത്തിലധികം ഇന്ത്യന്‍ വിദ്യാര്‍ത്ഥികളെയും തൊഴില്‍ വിസക്കാരെയും ബാധിക്കുന്ന ഈ പ്രശ്നം ഐഡബ്ല്യുഎയിലെ മലയാളികളായ നാഷണല്‍ കമ്മറ്റിയംഗങ്ങള്‍ ദേശീയ നേതൃത്വത്തിന്‍റെ ശ്രദ്ധയില്‍ പെടുത്തിയിരുന്നു
ഇതിനെ തുടര്ന്ന് ഈ വിഷയം ഹോം ഓഫീസ് സെലക്റ്റ് കമ്മറ്റി ചെയര്‍മാന്‍ കൂടിയായ കീത്ത് വാസ് എം.പിയുടെ മുന്‍പില്‍ അവതരിപ്പിക്കുകയും ഇക്കാര്യത്തില്‍ അടിയന്തിര നടപടികള്‍ സ്വീകരിക്കാം എന്ന് അദ്ദേഹം ഉറപ്പ് നല്‍കുകയും ചെയ്തിട്ടുണ്ട്. ഇക്കാര്യത്തില്‍ നീതിയുക്തമായ തീരുമാനം പ്രഖ്യാപിക്കപ്പെടുന്നത് വരെ ഇത് സംബന്ധിച്ച് ക്യാമ്പയിനിംഗും ലോബിയിംഗും നടത്താനും ഐഡബ്ല്യുഎ തീരുമാനം എടുത്തു കഴിഞ്ഞു.
TOEIC പരീക്ഷ എഴുതിയതും ഇപ്പോഴത്തെ ഹോം ഓഫീസ് തീരുമാനം ബാധിക്കുന്നവരുമായ ആളുകളുടെ കൃത്യമായ ഒരു കണക്ക് ഇതിനായി അടിയന്തിരമായി ശേഖരിക്കേണ്ടതുണ്ട്. അതിനാല്‍ അങ്ങനെയുള്ള ആളുകള്‍ എത്രയും പെട്ടെന്ന് ഐഡബ്ല്യുഎ ദേശീയ വൈസ് പ്രസിഡണ്ട് ഹര്‍സേവ് ബെയിന്‍സിനെ [email protected] എന്ന ഇ മെയില്‍ വിലാസത്തില്‍ ബന്ധപ്പെടെണ്ടതാണ്.
കൂടുതല്‍ വിവരങ്ങള്‍ക്ക്
റസ്സല്‍ ഫൈസല്‍ :07876255252
ഡബ്ലിന്‍: അയര്‍ലണ്ടിലെ നഴ്സുമാര്ക്ക് ഇനി ജോലിഭാരം കൂടും.അയര്‍ലണ്ടില്‍ മുമ്പ് നിയമപരമായി അനുവദനീയമല്ലായിരുന്ന ഏതാനം ജോലികള്‍ കൂടി പുതിയ ധാരണ അനുസരിച്ച് നഴ്സുമാര്ക്ക് ചെയ്യേണ്ടി വരുമെന്ന് വിവിധ നഴ്‌സിംഗ് യൂണിയനുകളും ആരോഗ്യവകുപ്പും ചേര്‍ന്ന് ഇന്നലെ പുറത്തിറക്കിയ നയരേഖ വ്യക്തമാക്കുന്നു.
മന്ത്രി ലിയോ വരെദ്കറുടെ സാന്നിധ്യത്തില്‍ പുറത്തിറക്കിയ നയരേഖയിലെ നിര്‍ദേശങ്ങള്‍ ഉടന്‍ പ്രാബല്യത്തില്‍ വരും
ഇതനുസരിച്ച് ബ്ലഡ് എടുക്കുന്ന ചുമതല നഴ്‌സുമാര്‍ ഏറ്റെടുക്കും.ഇന്റ്രവേനിയസ് മരുന്നുകളുടെ അഡ്മിനിസ്‌റ്റ്രെഷന്‍.ആദ്യ ഡോസ് ആന്റി ബയോട്ടിക്കുകള്‍ നല്കുന്നതിനുള്ള ചുമതല എന്നിവയും നഴ്സുമാര്ക്ക് കൈമാറും.ചികിത്സയ്ക്ക് ശേഷം രോഗികളെ ഡിസ്ചാര്‍ജ് ചെയ്യാനുള്ള ഉത്തരവാദിത്വവും നഴ്സുമാര്ക്ക് നല്കി.
പുതിയ ധാരണകള്‍ക്ക് അനുസൃതമായി നഴ്സുമാര്ക്ക് അധിക വേതനം അനുവദിക്കുമെന്നും കരാര്‍ വ്യവസ്ഥകളിലുണ്ട്.ഹെഡ്ഡിംഗ്റ്റണ്‍ റോഡ് എഗ്രിമെന്റ് അനുസരിച്ചാണ് പുതിയ ധാരണകള്‍ രൂപപ്പെടുത്തിയത്.
വൈകിട്ട് 6 മുതല്‍ 8 മണിവരെയുള്ള സമയത്ത് ആറിലൊന്നു ശമ്പളത്തോടൊപ്പം ,സാധാരണ സമയത്തില്‍ കൂടുതല്‍ ജോലി ചെയ്യുന്ന എല്ലാ മണിക്കൂറുകള്‍ക്കും നഴ്സുമാര്ക്ക് ശമ്പളം കൂടും.ഞായറാഴ്ച്ചയും ശനിയാഴ്ച്ച്കളിലും, മറ്റ് അവധി ദിവസങ്ങളിലും ഇത് ബാധകമാകും. പുതിയ ശമ്പള പരിഷ്‌കരണത്തിന്റെ ഭാഗമായി ആഴ്ച്ചയില്‍ 20 യൂറോയുടെ വര്‍ദ്ധനവ് ഏറ്റവും കുറഞ്ഞ ശമ്പളം കുറഞ്ഞ ശമ്പളം ലഭിക്കുന്നവര്‍ക്ക് പോലും ലഭ്യമവുമെന്നു നഴ്‌സിംഗ് യൂണിയന്‍ ഭാരവാഹികള്‍ പറഞ്ഞു.ഓവര്‍ റ്റൈമിനും,റേറ്റ് ബാധകമാവും എന്നതിനാല്‍ കൂടുതല്‍ ശമ്പളം ഉറപ്പാണ്.
ജൂണിയര്‍ ഡോക്റ്റര്‍മാര്‍ ചെയ്തുപോന്നിരുന്ന ജോലികളില്‍ ചിലതാണ് ഇപ്പോള്‍ നഴ്സുമാര്ക്ക് കൈമാറിയിരിക്കുന്നത്.’ജോലിയില്‍ കൂടുതല്‍ ശ്രദ്ധിക്കേണ്ടി വരും.ഹഡ്ഡിംഗ്റ്റണ്‍ റോഡ് എഗ്രിമെന്റ് വഴി നഷ്ടമായിരുന്ന വരുമാനം തിരിച്ചു പിടിയ്ക്കാനെ ഇപ്പോള്‍ കഴിഞ്ഞിട്ടുള്ളൂ.കാലാനുസൃതമായും ജീവിത ചിലവിലെ വര്‍ദ്ധനവ് മൂലവും,ജോലി കൂടുതല്‍ വഴിയും ഇപ്പോള്‍ അനുവദിച്ചിരിക്കുന്ന ശമ്പള വര്‍ധനവ് കുറവ് തന്നെയാണ് എന്നതാണ് യാഥാര്‍ഥ്യം.പുതിയ ധാരണയെ അംഗീകരിക്കുന്നതിനൊപ്പം കൂടുതല്‍ ആനുകൂല്യങ്ങള്‍ക്കായുള്ള പോരാട്ടം തുടരുമെന്നും യൂണിയന്‍ നേതാക്കള്‍ വ്യക്തമാക്കി.
ഇതൊരു വിന്‍ വിന്‍ ഡീലാണ് എന്നാണ് മന്ത്രി വരേദ്കറുടെ അഭിപ്രായം.ജൂണിയര്‍ ഡോക്റ്റര്‍മാര്‍ക്ക് ജോലിഭാരം കുറയും,നഴ്സുമാര്ക്ക് കൂടുതല്‍ ശമ്പളവും അംഗീകാരവും ലഭിക്കും.രോഗികള്‍ക്ക് ത്വരിത ഗതിയിലുള്ള മെച്ചപ്പെട്ട ശുശ്രൂഷയും ലഭിക്കും.
അക്ഷര നഗരത്തിന്‍ പുണ്യത കുട്ടനാടിന്‍ വശ്യമനോഹാരിതയില്‍ ചാലിച്ച കൈപ്പുഴ നിവാസികളുടെ സംഗമം മധ്യ ഇംഗ്ലണ്ടില്‍ വച്ച് മെയ് 7ന് പത്തുമണിക്ക് ഗീവര്‍ഗീസ് സഹദായുടെ തിരുനാള്‍ കുര്‍ബ്ബാനയോടു കൂടി ആരംഭിക്കുന്നു. പ്രദഷിണം, കഴുന്ന്, തട്ടുകട തുടങ്ങിയ പല ആകര്‍ഷണീയതകളും. നാട്ടുകാരെ കാണുന്നതിനും ഓര്‍മകളും സൗഹ്യദങ്ങളും പങ്കുവെയ്ക്കുന്നതിനും ഓരോരുത്തരും കാത്തിരിക്കുന്നു. 150ഓളം കുടുംബങ്ങളെ പ്രതീക്ഷിക്കുന്നു.Venue: Nunnery wood primary school
Prestwich Avenue
Worcestershire
WR5 1QE
കൂടതല്‍ വിവരങ്ങള്‍ക്ക്;
ജെയിംസ് (ചാക്കോച്ചന്‍) പൈനമൂട്ടില്‍ 07913808408
റ്റോമി പടവെട്ടുംകാലായില്‍ 07886466629
ദുബായ്: ദുബായ് വിമാനത്താവളം ഉപയോഗിക്കുന്ന യാത്രക്കാരില്‍ നിന്നും 35 ദിര്‍ഹം ഏതാണ്ട് 650 രൂപ അധിക നികുതി ഏര്‍പ്പെടുത്താന്‍ ദുബായ് എയര്‍പോര്‍ട്ട് അതോറിറ്റി തീരുമാനിച്ചു. ജൂലൈ ഒന്നുമുതല്‍ ഏര്‍പ്പെടുത്താന്‍ ഉദ്ദേശിക്കുന്ന നികുതി മാര്‍ച്ച് ഒന്നു മുതല്‍ ബുക്ക് ചെയ്യുന്ന ടിക്കറ്റുകള്‍ക്ക് ബാധകമായിരിക്കും.
യാത്രക്കാര്‍ക്ക് വിമാനത്താവളത്തില്‍ ലഭിക്കുന്ന സൗകര്യങ്ങളുടെ തുക എന്ന ഇനത്തിലാണ് പുതിയ നികുതി അതോറിറ്റി ഏര്‍പ്പെടുത്തിയിരിക്കുന്നത്. നിലവില്‍ രാജ്യത്തേക്കുള്ള നികുതി 75 ദിര്‍ഹം, സുരക്ഷ സംവിധാനങ്ങള്‍ക്കുള്ള 5 ദിര്‍ഹം, യാത്രാ വിവരങ്ങള്‍ ലഭ്യമാക്കുന്നതിനു വേണ്ടിയുള്ള 5 ദിര്‍ഹം കൂട്ടി 85 ദിര്‍ഹം യാത്രക്കാര്‍ നല്‍കുന്നുണ്ട്. ഇതിനു പുറമെയാണ് പുതിയ നികുതി ഏര്‍പ്പെടുത്തിയിരിക്കുന്നത്. ഇന്ത്യയില്‍ നിന്നുള്ള യാത്രക്കാര്‍ അവിടെ ഏതാണ്ട് 1300 രൂപ ടാക്‌സ് ഇനത്തിലും നല്‍കുന്നുമുണ്ട്.
അത്‌കൊണ്ട് തന്നെ പുതിയ തീരുമാനം യാത്രക്കാര്‍ക്ക് ടിക്കറ്റിന് അധിക വില നല്‍കേണ്ടുന്ന സാഹചര്യം നിലവില്‍ വരും. ദുബായ് വിമാനത്താവളം വഴി മറ്റ് രാജ്യങ്ങളിലേക്കുള്ള വിമാനയാത്രക്കും നിയമം ബാധകമായിരിക്കും. ഇനി വിമാന കമ്പനികള്‍ ഇളവുകള്‍ പ്രഖ്യാപിച്ചാലും നികുതി ഇനത്തില്‍ നല്‍കേണ്ട തുകയുടെ ആകെ തുക എപ്പോഴും കൂടുതലായി അനുഭവപ്പെടും.
