കൊളോണ്‍: പുതുവത്സരാഘോഷങ്ങള്‍ക്കിടെയുണ്ടായ ലൈംഗികാതിക്രമങ്ങളില്‍ അറബ് ആഫ്രിക്കന്‍ കുടിയേറ്റക്കാരാണ് പ്രതികളെന്ന പൊലീസിന്റെ നിഗമനം നഗരത്തിലെ മഡോ ഹോട്ടലില്‍ കഴിയുന്ന 140 ഓളം അഭയാര്‍ത്ഥികളെ ആശങ്കയിലാക്കിയിരിക്കുന്നുവെന്ന് റിപ്പോര്‍ട്ട്. അഞ്ഞൂറോളം സ്ത്രീകളാണ് പുതുവത്സരാഘോഷത്തിനിടെ അക്രമിക്കപ്പെട്ടത്. സംഭവവുമായി ബന്ധപ്പെട്ട് രണ്ട് പാകിസ്ഥാനികളെ ക്രൂരമായി മര്‍ദ്ദിച്ചതായും റിപ്പോര്‍ട്ടുണ്ട്. മൂന്ന് ഗിനിയക്കാര്‍ക്കും രണ്ട് സിറിയന്‍കാര്‍ക്കും പരിക്കേറ്റിട്ടുമുണ്ട്. സ്ഥലത്ത് വന്‍തോതില്‍ പൊലീസ് എത്തിയതോടെയാണ് ആക്രമണങ്ങള്‍ക്ക് അറുതിയായത്.
ഇന്ന് രാത്രി മുസ്ലീം വിരുദ്ധ പ്രസ്ഥാനമായ പെഗിഡ ആഹ്വാനം ചെയ്തിരിക്കുന്ന പ്രതിഷേധത്തില്‍ ആയിരക്കണക്കിന് പേര്‍ പങ്കെടുക്കുമെന്നാണ് സൂചന. എന്നാല്‍ വിദേശികള്‍ക്കെതിരെയുളള പ്രതിഷേധ പരിപാടികള്‍ കൊണ്ട് ഉദ്ദേശിക്കുന്ന ഗുണം ഉണ്ടാകില്ലെന്ന് ജസ്റ്റിസ് മന്ത്രി ഹെയ്‌കോ മാസ് പറഞ്ഞു. ഈ നടപടി ന്യായീകരിക്കാനാകില്ല. പുതുവര്‍ഷാഘോഷത്തിനിടെയുണ്ടായ അക്രമത്തെ തുടര്‍ന്ന് നിലക്കാത്ത് ഭീഷണികളും വംശീയമായുള്ള അധിക്ഷേപങ്ങളും തുടരുന്നതിനാല്‍ ടെലിഫോണ്‍ കണക്ഷനുകള്‍ പോലും വിച്ഛേദിച്ചതായി ജര്‍മനിയിലെ പ്രധാന മുസ്ലീം സംഘടനയായ സെന്‍ട്രല്‍ കൗണ്‍സില്‍ ഓഫ് മുസ്ലീംസ് വ്യക്തമാക്കി.

തങ്ങള്‍ക്ക് നേരെ എന്ത് നടപടിയുണ്ടാകുമെന്ന് ആശങ്കപ്പെടുന്നതായി മഡോ ഹോട്ടലില്‍ താമസിക്കുന്ന അഭയാര്‍ത്ഥികള്‍ പറഞ്ഞു. ഇവിടെ നിന്ന് ഏറെ ദൂരത്തേക്ക് പോകാന്‍ ഞങ്ങള്‍ക്ക് കഴിയില്ല. വിദേശിയായി തോന്നുന്നവരുടെ നേരെ ആക്രമണങ്ങള്‍ നടക്കുന്നു എന്നതാണ് ഇപ്പോള്‍ രാജ്യത്തെ സ്ഥിതിയെന്നും അഭയാര്‍ത്ഥികളുടെ കൂട്ടത്തിലുളള ഇരുപത്തഞ്ചുകാരനായ ആഫ്രിക്കക്കാരന്‍ പ്രിന്‍സ് ബെര്‍ചീ പറഞ്ഞു. ഇതേ ആശങ്കകള്‍ കൊളോണിലെ റെഡ്‌ക്രോസ് അഭയാര്‍ത്ഥി കേന്ദ്രത്തിലുളളവരും പങ്ക് വച്ചു. ഭാവിയില്‍ തങ്ങള്‍ക്ക് എന്ത് സംഭവിക്കുമെന്നോര്‍ത്ത് വിഷമിക്കുന്നതായി ഹുസൈന്‍ എന്ന സിറിയന്‍ അഭയാര്‍ത്ഥി പറഞ്ഞു. പുതുവര്‍ഷാഘോഷ രാവിലുണ്ടായ സംഭവം ഞങ്ങളെ ഞെട്ടിപ്പിച്ചു. സിറിയക്കാര്‍ സ്ത്രീകളെ ബഹുമാനിക്കുന്നവരാണെന്നും 27കാരനായ ആ യുവാവ് കൂട്ടിച്ചേര്‍ത്തു.

കൊളോണ്‍ ആക്രമണത്തെ അപലപിച്ച് ഒരു സംഘം സിറിയന്‍ പാക് അഭയാര്‍ത്ഥികള്‍ ജര്‍മന്‍ ചാന്‍സലര്‍ ആഞ്ചല മെര്‍ക്കലിന് കത്തെഴുതിയിട്ടുമുണ്ട്. സ്ത്രീകളുടെ അഭിമാനം ഉയര്‍ത്തിപ്പിടിക്കാന്‍ ശ്രമിക്കുന്നവരാണ് തങ്ങളെന്ന് ഇവര്‍ ആ കത്തില്‍ അടിവരയിട്ട് പറയുന്നു. ആതിഥേയ രാജ്യത്തെ നിയമങ്ങള്‍ അനുസരിക്കുകയും ബഹുമാനിക്കുകയും ചെയ്യുന്നവരാണ് തങ്ങള്‍. ഈ രാജ്യം ഞങ്ങള്‍ക്ക് സംരക്ഷണം നല്‍കുന്നതില്‍ ഏറെ സന്തോഷമുണ്ടെന്നും ഈ കത്തില്‍ അവര്‍ വ്യക്തമാക്കുന്നു. എന്നാല്‍ രാജ്യത്തെ മുസ്ലീങ്ങള്‍ ആക്രമണങ്ങളെ അപലപിക്കുന്നു. ഈ നടപടി മുസ്ലീങ്ങളോട് വെറുപ്പ് വളരാന്‍ ഇടയാക്കിയതായും അവര്‍ ചൂണ്ടിക്കാട്ടുന്നു.

ചിലരിതിനെ സര്‍ക്കാരിന്റെ പോരായ്മയായി വിലയിരുത്തുന്നു. ആക്രമണം തടയുന്നതില്‍ പൊലീസിന് വീഴ്ച പറ്റിയെന്ന ആരോപണവും ഉണ്ട്. അനിയന്ത്രിതമായ അഭയാര്‍ത്ഥികളുടെ കുത്തൊഴുക്കാണ് പ്രശ്‌നങ്ങള്‍ക്ക് കാരണമെന്ന് പോപ്പ് ഫ്രാന്‍സിസ് പ്രതികരിച്ചു. എന്നാല്‍ അഭയാര്‍ത്ഥികളെ സഹായിക്കാനും സ്വന്തം രാജ്യത്തെ പൗരന്‍മാരെ സംരക്ഷിക്കാനും യൂറോപ്യന്‍ രാജ്യങ്ങള്‍ക്ക് ശേഷിയുണ്ടെന്നും അദ്ദേഹം കൂട്ടിച്ചേര്‍ത്തു.

ലണ്ടന്‍: ട്രേഡ് യൂണിയന്‍ ബില്ലില്‍ കണ്‍സര്‍വേറ്റീവ് സര്‍ക്കാര്‍ വരുത്താനിരിക്കുന്ന പരിഷ്‌കാരങ്ങള്‍ ലേബര്‍ പാര്‍ട്ടിയുടെ സാമ്പത്തികാടിത്തറ ഇല്ലാതാക്കുമെന്ന് വെളിപ്പെടുത്തല്‍. ട്രേഡ് യൂണിയന്‍ ഫണ്ടിംഗിലൂടെ പ്രതിവര്‍ഷം പാര്‍ട്ടിക്ക് ലഭിക്കുന്ന വരുമാനത്തില്‍ ആറ് മില്യന്‍ പൗണ്ടിന്റെ കുറവ് ഉണ്ടാകുമെന്നാണ് വിലയിരുത്തപ്പെടുന്നത്. പാര്‍ട്ടിയുടെ നിലവിലുള്ള ഓഫീസുകള്‍ നടത്തിക്കൊണ്ടു പോകാനും ജീവനക്കാരെ സംരക്ഷിക്കാനും ഇതു മൂലം കഴിയാതെ വരുമെന്നും പാര്‍ട്ടിയുടെ രഹസ്യരേഖ സൂചിപ്പിക്കുന്നു. ഗാര്‍ഡിയനാണ് ഇത് പുറത്തു വിട്ടത്. ഇന്ന് ലോര്‍ഡ്‌സില്‍ അവതരിപ്പിക്കുന്ന ബില്ലിലാണ് പൊളിറ്റിക്കല്‍ ലെവി നയത്തില്‍ മാറ്റങ്ങള്‍ നിര്‍ദേശിച്ചിരിക്കുന്നത്.
നവംബറിലെ സ്‌പെന്‍ഡിംഗ് റിവ്യൂവിന്റെ അനുബന്ധമായാണ് പുതിയ മാറ്റങ്ങള്‍ ഓസ്‌ബോണ്‍ നിര്‍ദേശിച്ചത്. പ്രതിപക്ഷ പാര്‍ട്ടികള്‍ക്ക് ലഭിക്കുന്ന പബ്ലിക് ഫണ്ടിംഗിലും വെട്ടിക്കുറയ്ക്കലുകള്‍ വരുത്താനുള്ള നീക്കത്തിന്റെ ഭാഗമായാണ് ഇത്. ബില്ലിലെ ഭേദഗതികള്‍ ലേബര്‍ പാര്‍ട്ടിയുടെ സാമ്പത്തികാടിത്തറയെ എങ്ങനെ ബാധിക്കുമെന്ന ആഭ്യന്തര വിലയിരുത്തലിന്റെ രേഖകളാണ് പുറത്തു വന്നത്. പാര്‍ട്ടിയുടെ വരുമാനത്തിന്റെ 20 ശതമാനവും നല്‍കുന്നത് ട്രേഡ് യൂണിയനുകളാണ്. നിയമ ഭേദഗതി മൂലമുണ്ടാകുന്ന നഷ്ടം അതിനാല്‍ത്തന്നെ ഗുരുതരമായിരിക്കുമെന്നും പാര്‍ട്ടി വിലയിരുത്തുന്നു. 5 മുതല്‍ 6 മില്യന്‍ പൗണ്ടിന്റെ കുറവ് വരുമാനത്തില്‍ ഉണ്ടാകുമെന്നാണ് പ്രതീക്ഷിക്കുന്നത്. ഇത് പരിഹരിക്കാന്‍ ബുദ്ധിമുട്ടാണെന്നും പാര്‍ട്ടിയുടെ നിലവിലുള്ള ഘടന നിലനിര്‍ത്താന്‍ ബുദ്ധിമുട്ടാണെന്നും രേഖ പറയുന്നു.

ആകെ ചെലവിന്റെ 50 ശതമാനവും ജീവനക്കാരുടെ ശമ്പളത്തിനായാണ് ചെലവഴിക്കുന്നത്. അതുകൊണ്ടുതന്നെ നിലവിലുള്ള ജീവനക്കരെ മുഴുവന്‍ നിലനിര്‍ത്തുക അപ്രായോഗികമാകും. ഇതു കൂടാതെയാണ് മറ്റു ചെലവുകള്‍ ചുരുക്കുന്നതും ഓഫീസുകള്‍ മറ്റ് ആവശ്യങ്ങള്‍ക്ക് നല്‍കുന്നതും പോലെയുള്ള കാര്യങ്ങള്‍ പരിഗണിക്കുന്നതെന്നു ലേബര്‍ വിലയിരുത്തുന്നു. കണ്‍സര്‍വേറ്റീവുകള്‍ നിര്‍ദേശിച്ചിരിക്കുന്ന മാറ്റങ്ങള്‍ രണ്ടാം ലോകയുദ്ധത്തിനു ശേഷം ആദ്യമായി രാഷ്ട്ട്രീയ പാര്‍ട്ടികളുടെ മേല്‍ ഭരണകൂടം അടിച്ചേല്‍പ്പിക്കപ്പെടുന്ന നിയന്ത്രണമാണെന്ന വിമര്‍ശനവും ഉയര്‍ന്നിട്ടുണ്ട്.

നിലവില്‍ വരുന്ന ഭേദഗതിയോടെ പാര്‍ലമെന്റിന്റെ കാലാവധിയായ അഞ്ചു വര്‍ഷത്തിനിടയില്‍ പാര്‍ട്ടികള്‍ക്ക് നഷ്ടമാകുന്നത് 35 മില്യന്‍ പൗണ്ടാണ്. യൂണിയനുകളുടെ വാര്‍ഷിക അഫിലിയേഷന്‍ ഫീസുകളിലും ഗ്രാന്റുകളിലും പാര്‍ട്ടികള്‍ക്ക് നഷ്ടമാണ് ഉണ്ടാകാന്‍ പോകുന്നത്. അടുത്ത സമ്മറില്‍ ഈ ബില്‍ നിയമമാകും. ഇതോടെ നിലനില്‍പ്പിനായി കൈവശമുള്ള വസ്തുക്കള്‍ പോലും വില്‍ക്കേണ്ട സാഹചര്യം പാര്‍ട്ടിക്ക് സംജാതമാകുമെന്നും വിലയിരുത്തലുണ്ട്.

Allen Shibu, Keighley
History will be made on Tuesday as a catholic service is being held for the first time since the 1550s, the era of the Tudors. The service is being held in the chapel royal in Hampton court palace. the sunset evening prayer service, in king henry VIII’s chapel, will be celebrated by Westminster’s Cardinal Vincent Nichols and will include a homily by Anglican Bishop Richard Chatres, the dean of her Majesty’s Chapels Royal. Celebrated mostly in Latin, another first in 450 years, vespers will be dedicated to St. john the Baptist as the chapel was built by Cardinal Wolsey on the site of a chapel of the knights of St. john hospitaller, dedicated to that saint. The service is being organised by the Genesis foundation and the choral foundation. The music has been chosen and will be performed by Harry Christopher’s and his ensembles, the Sixteen and Genesis Sixteen. Paying tribute to the rich and turbulent religious history of the chapel royal, the ensembles will sing Thomas Tallis’ Magnificat, William Cornysh’s Salve Regina and John Taverner’s ‘Leroy’ Kyrie..

Before vespers, the cardinal and the dean will be in conversation under the heading faith and the crown in the great hall. Their discussion will be wide-ranging and will address the relationship between the two churches and the monarchy. Taking the chapel royal as their starting point, the two will discuss its role in maintaining elements of catholic worship to the present day. The emphasis will be on exploring the bonds between the churches and the dialogue they have had over the centuries. Founder and chairman of the genesis foundation john studzinski said:” dialogue between faiths is much needed and welcomed in these turbulent times… it will be an unforgettable occasion and is genuinely one for the history books.”

ഇനി മുതല്‍ ബീച്ചുകളിലും വായിക്കുന്നതിനായുള്ള സൌകര്യം കൊണ്ടുവരാനുള്ള ശ്രമത്തിന്റെ ഭാഗമായാണ് ‘ലെറ്റ്‌സ് റീഡ് ഓണ്‍ ബീച്ച്’ എന്നു പേരിട്ടിരിക്കുന്ന പദ്ധതിക്ക് ദുബായ് ടമുനിസിപ്പാലിറ്റി തുടക്കം കുറിച്ചത്. ബീച്ചില്‍ പോവുന്നവര്‍ക്ക് ഇനി ബീച്ചുകളില്‍ ബുക്കുകള്‍ തിരഞ്ഞെടുത്ത് വെയിലു കാഞ്ഞു കൊണ്ട് പുസ്തകം വായിക്കാനും റിലാക്‌സ് ചെയ്യാനും സാധ്യമാവും.
ലൈബ്രറികള്‍ രാവും പകലും സന്ദര്‍ശകരെ ആകര്‍ഷിക്കുന്നതോടൊപ്പം ദുബായ് ബീച്ചിനെ ഒരു എഡ്യുക്കെഷണല്‍ ഹബ് ആക്കുകയും ചെയ്യുന്നു.

ദുബായ് ബീച്ചില്‍ മുഴുവന്‍ വ്യാപിച് കിടക്കുന്ന ലൈബ്രറി ബീച്ചില്‍ വരുന്നവര്‍ക്കും സമീപവാസികല്‍ക്കും എല്ലാം ഉപയോഗിക്കാവുന്നതാണ്.

ഒസാന്‍: അമേരിക്കന്‍ വ്യോമസേനയുടെ കുന്തമുന എന്നു വിശേഷിപ്പിക്കാവുന്ന ബി-52 യുദ്ധവിമാനം ദക്ഷിണ കൊറിയയില്‍. ഉത്തര കൊറിയ ഹൈഡ്രജന്‍ ബോംബ് പരീക്ഷിച്ചു എന്ന് അവകാശപ്പെട്ടതിനു തൊട്ടു പിന്നാലെയാണ് ആണവായുധങ്ങള്‍ വഹിക്കാന്‍ ശേഷിയുള്ള ബി-52 വിമാനം അമേരിക്ക വിന്യസിച്ചത്. ഉത്തര കൊറിയയ്ക്ക് 100 കിലോമീറ്റര്‍ മാത്രം അകലെയുള്ള ഒസാന്‍ വ്യോമത്താവളത്തിലാണ് അമേരിക്കന്‍ ബോംബര്‍ വിമാനം എത്തിയത്. നടപടി ദക്ഷിണ കൊറിയയുടെ സുരക്ഷയ്ക്കാണെന്ന് അമേരിക്ക അറിയിച്ചു. അണു പരീക്ഷണം അമേരിക്കയ്ക്കുള്ള മുന്നറിയിപ്പാണെന്ന് ഉത്തര കൊറിയ വ്യക്തമാക്കിയിരുന്നു. അമേരിക്കയുടെ നടപടി മേഖലയില്‍ ശീതയുദ്ധത്തിനു സമാനമായ സാഹചര്യമാണ് സൃഷ്ടിച്ചിരിക്കുന്നതെന്നാണ് വിലയിരുത്തല്‍.
ദക്ഷിണ കൊറിയയുടെ എഫ്-15, അമേരിക്കയുടെ തന്നെ എഫ്-16 വിമാനങ്ങളുടെ അകമ്പടിയോടെ ആകാശത്ത് വട്ടമിട്ട ശേഷം അമേരിക്കന്‍ വിമാനം ഗുവാം ദ്വീപിലെ തങ്ങളുടെ വ്യോമത്താവളത്തില്‍ തിരിച്ചെത്തിയതായി അമേരിക്കന്‍ സൈനികവൃത്തങ്ങള്‍ അറിയിച്ചു. ദക്ഷിണ കൊറിയയും ജപ്പാനുമുയുള്ള തങ്ങളുടെ ശക്തമായ ബന്ധത്തിന്റേയും തങ്ങളുടെ പ്രതിരോധത്തിന്റേയും പ്രകടനമാണ് നടന്നതെന്നായിരുന്നു ഇതിനെ പസഫിക് കമാന്‍ഡ് മേദാവി അഡ്മിറല്‍ പരിസ് ബി. പാരിസ് ജൂനിയര്‍ പ്രസ്താവനയില്‍ വിശേഷിപ്പിച്ചത്. അന്താരാഷ്ട്ര തലത്തിലുള്ള ധാരണകളുടെ ലംഘനമാണ് അണുപരീക്ഷണത്തിലൂടെ ഉത്തര കൊറിയ നടത്തിയതെന്നും അദ്ദേഹം കൂട്ടിച്ചേര്‍ത്തു.

തന്റെ ജന്മദിനത്തോടനുബന്ധിച്ച് ഹൈഡ്രജന്‍ ബോംബ് പരീക്ഷണം വിജയകരമായി നടത്തിയതിന്റെ ആഘോഷങ്ങളില്‍ ഉത്തര കൊറിയന്‍ ഭരണാധികാരിയായ കിം ജോങ് ഉന്‍ മുഴുകിയ സമയത്താണ് അമേരിക്ക ദക്ഷിണ കൊറിയയ്ക്ക് പിന്തുണ അറിയിച്ച് രംഗത്തെത്തിയത്. ലോകത്തിനു മുന്നില്‍ തങ്ങളുടെ ശക്തി പ്രകടിപ്പിക്കുന്നതിനൊപ്പം രാജ്യത്ത് തന്റെ രാഷ്ട്രീയാടിത്തറ മെച്ചപ്പെടുത്താനുള്ള ശ്രമമായിക്കൂടിയാണ് അണുപരീക്ഷണത്തെ കിം ഉപയോഗിച്ചത്. അമേരിക്കന്‍ യുദ്ധവിമാനത്തിന്റെ ദക്ഷിണ കൊറിയന്‍ സന്ദര്‍ശനത്തേക്കുറിച്ച് ഉത്തര കൊറിയ പ്രതികരണമൊന്നും ഇതേവരെ നടത്തിയിട്ടില്ല. 2013ല്‍ ഉത്തര കൊറിയ തങ്ങളുടെ മൂന്നാമത്തെ ആണവ പരീക്ഷണം നടത്തിയപ്പോളും അമേരിക്ക ദക്ഷിണ കൊറിയയിലേക്ക് യുദ്ധവിമാനങ്ങള്‍ അയച്ചിരുന്നു.

കഴിഞ്ഞയാഴ്ച നാലാമത്തെ അണു പരീക്ഷണത്തിനു ശേഷം നടത്തിയ പ്രസ്താവനയില്‍ ഇത് അമേരിക്കയും സഖ്യകക്ഷികളും നയിക്കാനിടയുള്ള ആണവ യുദ്ധത്തില്‍ സ്വയം പ്രതിരോധിക്കാനുള്ള ശ്രമമെന്നാണ് കിം വിശദീകരിച്ചത്. ഇത് ഒരു രാജ്യമെന്ന നിലയില്‍ തങ്ങളുടെ അവകാശമാണെന്നും അതിനെ വിമര്‍ശിക്കാന്‍ ആര്‍ക്കും അവകാശമില്ലെന്നും കിം വ്യക്തമാക്കിയിരുന്നു. തങ്ങളെ ലക്ഷ്യം വച്ചാണ് ദക്ഷിണ കൊറിയയിലും ജപ്പാനിലും അമേരിക്ക വലിയ തോതില്‍ സൈനിക വിന്യാസം നടത്തിയിരിക്കുന്നതെന്നാണ് ഉത്തര കൊറിയ അവകാശപ്പെടുന്നത്. അതുകൊണ്ടുതന്നെ ആണവായുധം സ്വായത്തമാക്കേണ്ടത് തങ്ങളുടെ സുരക്ഷയ്ക്ക് അനിവാര്യമാണെന്ന വാദമാണ് ഉത്തര കൊറിയ ഉയര്‍ത്തുന്നത്.

വാട്‌ഫോഡ്: പുതുതായി രൂപീകരിച്ച കേരള കമ്യൂണിറ്റി ഫൗണ്ടേഷന്റെ പ്രവര്‍ത്തനോദ്ഘാടനവും ക്രിസ്തുമസ് പുതുവത്സരാഘോഷവും നാളെ (ഞായറാഴ്ച) 3 മണിമുതല്‍ 9 വരെ ഹോളിവെല്‍ കമ്യൂണിറ്റി സെന്ററില്‍ വച്ച് നടത്തപ്പെടുന്നു. ചുരുങ്ങിയ സമയം കൊണ്ട് യു കെ മലയാളികളുടെ പ്രശംസ പിടിച്ചുപറ്റിയ സംഘടനയുടെ ഉദ്ഘാടനം പ്രശസ്ത ചലച്ചിത്ര താരം ഭാമ നിര്‍വഹിക്കുമ്പോള്‍ ലൊഗൊ പ്രകാശനം ടി.ഹരിദാസ് (ഹൈക്കമ്മീഷന്‍ ഓഫ് ഇന്ത്യ, ലണ്ടന്‍) നിര്‍വഹിക്കും. തുടര്‍ന്ന് നൃത്തവും കോമഡിയും സംഗീതവും കോര്‍ത്തിണക്കി ചലച്ചിത്രതാരം ഭാമ, പിന്നണി ഗായകരും ഐഡിയ സ്റ്റാര്‍ സിംഗര്‍ താരങ്ങളുമായ വില്യം ഐസ്സക്, ഡെല്‍സി നൈനാന്‍, അബ്ബാസ്, കൊമേഡിയന്‍ സാബു തിരുവല്ല തുടങ്ങിയവര്‍ അവതരിപ്പിക്കുന്ന താരനിശ കാണികള്‍ക്ക് പുത്തന്‍ ദൃശ്യവിസ്മയമൊരുക്കും.
12.50, 7.50 എന്ന രീതിയിലാണ് യഥാക്രമം മുതിര്‍ന്നവര്‍ക്കും കുട്ടികള്‍ക്കും ടിക്കറ്റ് നിരക്കുകള്‍ നിശ്ചയിച്ചിരിക്കുന്നത്. ചാരിറ്റി പ്രവര്‍ത്തനങ്ങളുടെ ധനശേഖരണാര്‍ഥം നടത്തുന്ന പ്രസ്തുത പരിപാടിയുടെ നീക്കിയിരിപ്പ് തുക മുഴുവന്‍ ചാരിറ്റി പ്രവര്‍ത്തനങ്ങള്‍ക്കായി വിനിയോഗിക്കുമെന്ന് ഭാരവാഹികള്‍ അറിയിച്ചു. ഇനിയും ടിക്കറ്റ് ബുക്ക് ചെയ്തിട്ടില്ലാത്തവര്‍ ഉടന്‍ തന്നെ ബുക്ക് ചെയ്തു തങ്ങളുടെ സീറ്റ് ഉറപ്പിക്കേണ്ടതാണ്. വിപുലമായ പാര്‍ക്കിങ് സംവിധാനമാണ് ഒരുക്കിയിട്ടുള്ളത്.

അഡ്രസ്
ഹോളിവെല്‍ കമ്യൂണിറ്റി സെന്റര്‍
ടോള്‍പിട്ട്‌സ് ലെയ്ന്‍
വാട്‌ഫോട്
WD18 9QD

ലണ്ടന്‍: ഐല്‍വര്‍ത്തില്‍ നിന്നുള്ള പതിനൊന്ന്കാരിയായ മലയാളി പെണ്‍കുട്ടിയ്ക്ക് അപൂര്‍വ്വ നേട്ടം. യുകെയില്‍ ഒരു ശതമാനം മാത്രം വരുന്ന അതിബുദ്ധിശാലികളുടെ ഗണത്തിലേക്കാണ് അനുഷ്ക ബിനോയ്‌ എന്ന മലയാളി പെണ്‍കുട്ടി നടന്നു കയറിയത്. യുകെയിലെ ഏതൊരു മലയാളിക്കും അഭിമാനത്തോടെ പറയാവുന്ന നേട്ടമാണ് ചെറു പ്രായത്തില്‍ തന്നെ അനുഷ്ക ബിനോയ്‌ സ്വന്തമാക്കിയിരിക്കുന്നത്. പതിനൊന്നാം വയസ്സില്‍ യുകെയിലെ പ്രശസ്തമായ മെന്‍സ ടെസ്റ്റില്‍ മാക്സിമം മാര്‍ക്ക് വാങ്ങിയാണ് അനുഷ്ക ബിനോയ്‌ ഈ നേട്ടം സ്വന്തമാക്കിയിരിക്കുന്നത്. മെന്‍സ ടെസ്റ്റില്‍ സ്കോര്‍ ചെയ്യാവുന്ന പരമാവധി മാര്‍ക്ക്‌ ആയ 162 മാര്‍ക്ക് ആണ് ഈ മിടുക്കി സ്കോര്‍ ചെയ്ത് ചരിത്രം സൃഷ്ടിച്ചിരിക്കുന്നത്.
വെസ്റ്റ്‌ ലണ്ടനിലെ ഐല്‍വര്‍ത്തില്‍ ഐടി കണ്‍സള്‍റ്റന്റ് ആയി ജോലി ചെയ്യുന്ന ബിനോയ്‌ ജോസഫിന്‍റെ മകളാണ് അനുഷ്ക ബിനോയ്‌. ചെറുപ്പം മുതല്‍ തന്നെ വായനയില്‍ അതീവ തല്‍പ്പര ആയിരുന്ന അനുഷ്ക വായിക്കുന്ന കാര്യങ്ങള്‍ മനസ്സില്‍ സൂക്ഷിക്കുന്നതില്‍ മിടുക്ക് കാണിക്കുകയും ചെയ്തിരുന്നു. മകളുടെ കഴിവ് തങ്ങള്‍ നേരത്തെ തന്നെ മനസ്സിലാക്കിയിരുന്നുവെങ്കിലും മെന്‍സ ടെസ്റ്റിലെ ഈ അപൂര്‍വ്വ നേട്ടം അപ്രതീക്ഷിതം ആയിരുന്നുവെന്ന് അദ്ദേഹം പറഞ്ഞു.

സെന്റ്‌ മേരീസ് കാത്തലിക്ക് പ്രൈമറി സ്കൂള്‍ വിദ്യാര്‍ത്ഥിനി ആയ അനുഷ്കയ്ക്ക് പരീക്ഷാ ഹാളില്‍ കയറിയപ്പോള്‍ ആകെ അമ്പരപ്പ് ആയിരുന്നു. ഒപ്പം ഇരിക്കുന്നവര്‍ എല്ലാം തന്നെക്കാള്‍ വളരെ മുതിര്‍ന്നവര്‍. പക്ഷെ റിസള്‍ട്ട് വന്നപ്പോള്‍ അമ്പരപ്പ് ഒപ്പം പരീക്ഷ എഴുതിയവര്‍ക്കായി. അനുഷ്ക്യ്ക്കാകട്ടെ മാക്സിമം സ്കോര്‍ നേടിയതിന്‍റെ ആഹ്ലാദവും.

ക്രിയേറ്റിവ് റൈറ്റിംഗില്‍ താത്പര്യമുള്ള അനുഷ്കയ്ക്ക് ക്രിയേറ്റീവ് റൈറ്റര്‍മാരുടെ ഗ്രൂപ്പില്‍ കയറി പറ്റുക എന്നതാണ് അടുത്ത ആഗ്രഹം.

യു കെയിലെ ആദ്യകാല മലയാളി അസോസിയേഷനുകളില്‍ ഒന്നായ കാര്‍ഡിഫ് മലയാളി അസോസിയേഷന്റെ പന്ത്രണ്ടാമത് ക്രിസ്തുമസ് പുതുവല്‍സാരാഘോഷങ്ങള്‍ ജനുവരി 9നു കാര്‍ഡിഫിലെ ഹീത്ത് സോഷ്യല്‍ ക്ലബ്ബില്‍ വച്ചു വിവിധ ആഘോഷ പരിപാടികളോടെ നടത്തപ്പെടുന്നു. സ്‌നേഹത്തിന്റെയും സമാധാനത്തിന്റെയും പ്രതീകമായ ക്രിസ്തുമസ്സിന്റെയും പുതിയ പ്രതീക്ഷകളുടെ പുതുനിലാവ് പകരുന്ന പുതുവല്‍സരത്തിന്റെയും ആശംസകള്‍ ഉള്‍ക്കൊണ്ടുകൊണ്ടു വിവിധ പരിപാടികളോടെ ആണ് ആഘോഷപരിപാടികള്‍ നടത്തപ്പെടുന്നത്.
ശനിയാഴ്ച വൈകുന്നേരം 5 മണിയോടെ ആരംഭിക്കുന്ന ആഘോഷപരിപാടികള്‍ കുട്ടികളുടെയും മുതിര്‍ന്നവരുടെയും വിവിധ കലാപരിപടികളാല്‍ സമൃദ്ധമാണ്. ഉജ്ജ്വല കലാമൂല്യമുള്ള നൃത്തങ്ങളും ഗാനങ്ങളും കൂടാതെ സ്‌കിറ്റുകളും ഉള്‍പ്പെട്ട കലാ പരിപാടികള്‍ അരങ്ങത്ത് അവതരിപ്പിക്കുന്നതിനും സമൃദ്ധമായ ഡിന്നറിനും ആവശ്യമായ എല്ലാ ക്രമീകരണങ്ങളും പൂര്‍ത്തിയാക്കിയിരിക്കുകയാണ്. തദവസരത്തിലെക്ക് എല്ലാ മലയാളികളേയും സാദരം ക്ഷണിച്ചുകൊള്ളുന്നു.

ലെസ്റ്റര്‍ കേരള കമ്മ്യൂണിറ്റിയുടെ ഈ വര്‍ഷത്തെ ക്രിസ്തുമസ് പുതുവത്സര ആഘോഷങ്ങള്‍ കഴിഞ്ഞ ശനിയാഴ്ച വിന്‍ സ്റ്റാനലി കോളേജില്‍ വെച്ച് നടന്നു. കൃത്യം മൂന്ന് മണിയോടെ ആരംഭിച്ച പരിപാടിയില്‍ നിരവധി കുരുന്നു പ്രതിഭകള്‍ പരിപാടികള്‍ അവതരിപ്പിച്ചു. ലെസ്‌റ്റെര്‍ കേരള കമ്മ്യൂണിറ്റി അംഗങ്ങള്‍ അവ തരിപ്പിച്ച പരിപാടികള്‍ ചടങ്ങിനു മോടി കൂട്ടി. പിന്നീട് നടന്ന പൊതു സമ്മേളനം ലെസ്റ്റര്‍ കേരള കമ്മ്യുനിറ്റി പ്രസിഡന്റ് സോണി ജോര്‍ജിന്റെ അധ്യക്ഷതയില്‍ കൂടി. യുകെ ഓര്‍ത്തഡോക്‌സ് ഭദ്രാസന സെക്രട്ടറി ഫാ. വര്‍ഗീസ് മാത്യു ഉത്ഘാടനം നിര്‍വഹിച്ചു സംസാരിച്ചു.

ഇന്ന് ക്രിസ്തുമസ് നമ്മെ പഠിപ്പിക്കുന്ന സന്ദേശം നാം ഉള്‍ക്കൊള്ളണം എന്നും സ്‌നേഹത്തിന്റെയും സഹനത്തിന്റെയും മാതൃകാജീവിതത്തില്‍ പകര്‍ത്തണം എന്നും അദ്ദേഹം പറഞ്ഞു. പിന്നിട് റോയ് കാഞ്ഞിരത്താനം വാര്‍ഷിക റിപ്പോര്‍ട്ട് അവതരിപ്പിച്ചു പരിപാടി എല്‍ കെ സി ട്രഷറര്‍ ഷിബു പാപ്പന്‍ നന്ദി പറഞ്ഞു. ലെസറ്റ്‌ര്‍ കേരള കമ്മ്യൂണിറ്റി കലോത്സവത്തില്‍ സമ്മാനങ്ങള്‍ നേടിയ കുട്ടികള്‍ക്ക് പ്രത്യേക പാരിതോഷികം  വിതരണം ചെയ്തു.

വിവിധ കലാപരിപാടികളില്‍ ലെസ്റ്റര്‍ കേരള കമ്മ്യൂണിറ്റിയിലെ കുരുന്നുകള്‍ അവതരിപ്പിച്ച നൃത്തങ്ങള്‍ ഏറെ രസകരം ആയിരുന്നു പിന്നിട് എത്തിയ സാന്തയുടെ പ്രകടനം ശ്രദ്ധേയം ആയി. ക്രിസ്തുമസിന്റെ സന്ദേശം ഉള്‍ക്കൊണ്ട് കൊണ്ട് അവതരിപ്പിച്ച സ്‌കിറ്റ് നാറ്റിവിറ്റി പ്ലേ പുതുമ പുലര്‍ത്തി. മാജിഷ്യന്‍ റോയ് കുട്ടനാട് അവതരിപ്പിച്ച മാജിക് പ്രകടനത്തോടെ പരിപാടികള്‍ അവസാനിച്ചു. പരിപാടിയില്‍ പങ്കെടുത്ത മുഴുവന്‍ അംഗങ്ങളോടും ഉള്ള നന്ദി അറിയിക്കുന്നതായി ലെസ്റ്റര്‍ കേരള കമ്മ്യൂണിറ്റി കമ്മറ്റി അറിയിച്ചു

ചിത്രങ്ങള്‍ കാണാം

സോണി പാബക്കല്‍
ജനുവരി 9 ന് എഡിന്‍ബര്‍ഗ് ലിബെര്‍റ്റെന്‍ ഹൈസ്‌കൂള്‍ ഹാളില്‍ വൈകുന്നേരം 4 മുതല്‍ നടക്കാനിരിക്കുന്ന ക്രിസ്തുമസ് പുതുവത്സര ആഘോഷങ്ങള്‍ക്കുള്ള ഒരുക്കങ്ങള്‍ പുര്‍ത്തിയായി. നേറ്റിവിറ്റി ഷോ, കുട്ടികളുടെയും മുതിര്‍ന്നവരുടെയും കലാപരിപാടികളും വിഭവ സമൃദ്ധമായ സ്‌നേഹ വിരുന്നും ഒരുക്കിയിട്ടുള്ളതായി സംഘാടകര്‍ അറിയിച്ചു.

കൂടുതല്‍ വിവരങ്ങള്‍ക്ക് :
Antony 07877 692538,
Sabu 07828 965028,
Biju 07737 644695.

Venue Details:
Liberton high school, Gilmerton Road, EH17 7PT