ചേരുവകള്‍
പാകം ചെയ്യുന്ന വിധം
ഒരു സോസ് പാനില്‍ ചെറിയ ചൂടില്‍ ഓയില്‍ ചൂടാക്കി സവാളയും ചെറിയ ഉള്ളിയും ചേര്‍ത്ത് വഴറ്റുക. അല്പം ഉപ്പും കുരുമുളകുപൊടിയും ചേര്‍ക്കണം. സവാള ഏകദേശം 5 മിനിട്ട് വഴറ്റിക്കഴിയുമ്പോള്‍ വെളുത്തുള്ളിയും കൂടി ചേര്‍ത്ത് 2 മിനിട്ട് കൂടി വഴറ്റുക. ഇതിലേയ്ക്ക് നാലാമത്തെ ചേരുവ ചേര്‍ത്ത് തിളപ്പിക്കുക. തിളച്ച ശേഷം ചെറുതീയില്‍ 30 മിനുട്ട് കുക്ക് ചെയ്യുക. മധുരക്കിഴങ്ങ് നന്നായി വേവാന്‍ വേണ്ടിയാണിത്. ഈ മിശ്രിതം തണുത്ത ശേഷം മിക്‌സിയിലാക്കി നന്നായി അടിച്ച ശേഷം തിരികെ പാത്രത്തിലാക്കി ചൂടാക്കി പാകത്തിന് ഉപ്പും കുരുമുളകുപൊടിയും ചേര്‍ത്ത് പാര്‍സിലി കൊണ്ട് ഗാര്‍നിഷ് ചെയ്ത് ചൂടോടെ ബ്രെഡ്‌റോളിനൊപ്പം വിളമ്പുക.
ഹോട്ടല്‍ മാനേജ്മെന്‍റ് ബിരുദ ധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്
ചേരുവകള്‍
പച്ചരി – 2 കപ്പ്
ചോറ് – 3 ടേബിള്‍സ്പൂണ്‍
പഞ്ചസാര – 1/2 ടേബിള്‍സ്പൂണ്‍
യീസ്റ്റ് – ഒരു നുള്ള്
തേങ്ങാ – 1
ഉപ്പ് – ആവശ്യത്തിന്
പാചകം ചെയ്യുന്ന വിധം
കുതിര്‍ത്തു വച്ച അരി വെള്ളം ചേര്‍ത്ത് അരക്കുക. അതിലേയ്ക്ക് ചോറ്, തേങ്ങ, എന്നിവ അരച്ച് ചേര്‍ക്കുക. ചെറു ചൂടുവെള്ളത്തില്‍ യീസ്റ്റും പഞ്ചസാരയും കലക്കി അരച്ച് വച്ചതിലേയ്ക്ക് ചേര്‍ത്തിളക്കി 8 മുതല്‍ 12 മണിക്കൂര്‍ വരെ അടച്ചുവയ്ക്കുക. ആവശ്യത്തിന ്ഉപ്പും ചേര്‍ത്ത് പാലപ്പച്ചട്ടിയുടെ മധ്യത്തിലായി ഒരു തവി മാവ് ഒഴിച്ച് ചട്ടിയുടെ വശങ്ങളില്‍ പിടിച്ച് ചുറ്റിച്ച് അപ്പം ചുട്ടെടുക്കുക. അരി കുറഞ്ഞത് 4 മണിക്കൂര്‍ എങ്കിലും കുതിര്‍ത്തു വയ്ക്കണം. കൂടുതല്‍ സമയം അരി കുതിര്‍ത്ത് വച്ചതിന് ശേഷം അരയ്ക്കുകയാണെങ്കില്‍ നല്ല മാര്‍ദവമുള്ള അപ്പം ഉണ്ടാക്കാന്‍ സാധിക്കും. നമ്മുടെ ഈ തണുത്ത കാലാവസ്ഥയില്‍ മാവ് പുളിക്കാനായി എളുപ്പമാര്‍ഗങ്ങളുണ്ട്. ഒന്നുകില്‍ നമ്മുടെ ഹീറ്ററിന്റെ അടുത്ത് വയ്ക്കുക അല്ലെങ്കില്‍ ഓവന്‍ വളരെ ചെറിയ ചൂടില്‍ ഒരു 23 മിനിറ്റ് ചൂടാക്കി ഓഫ് ചെയ്ത ശേഷം അതില്‍ എടുത്തു വയ്ക്കുക. തീര്‍ച്ചയായും മാവ് നന്നായി പുളിക്കും.
ചേരുവകള്‍
മദ്ധ്യതിരുവിതാംകൂറിലെ ക്രിസ്ത്യന്‍ കുടുംബങ്ങളിലെ കല്യാണം, ക്രിസ്മസ്, ഈസ്റ്റര്‍, വിരുന്നു വരവ് എന്നിങ്ങനെ എല്ലാ ആഘോഷങ്ങളുടെയും ഒരു പ്രധാന വിഭവം ആണ് മപ്പാസ്. ചിക്കന്‍, മട്ടണ്‍, ഫിഷ്, താറാവ് എന്നിവയാണ് മപ്പാസ് ഉണ്ടാക്കാന്‍ സാധാരണയായി ഉപയോഗിക്കാറ്. ഏതു മപ്പാസായാലും നമ്മുടെ നാടന്‍ രീതിയില്‍ ഉണ്ടാക്കിയാല്‍ അതിന്റെ രുചിതന്നെ ഒന്ന് വേറേയാണ്.
മട്ടന്‍ – 1 കിലോ
ഉരുളക്കിഴങ്ങ – രണ്ടെണ്ണം (ക്യുബ് ആയി അരിഞ്ഞത്)
ക്യാരറ്റ് – ഒരെണ്ണം (ക്യുബ് ആയി അരിഞ്ഞത്)
തക്കാളി – രണ്ടെണ്ണം
സവാള – രണ്ടെണ്ണം നീളത്തില്‍ അരിഞ്ഞത്
ചെറിയ ഉള്ളി – അഞ്ചെണ്ണം ചെറുതായി അരിഞ്ഞത്
ഇഞ്ചി – ഒരു വലിയ കഷണം
വെളുത്തുള്ളി – ഒരു കുടം
മല്ലിപ്പൊടി – രണ്ടു ടേബിള്‍ സ്പൂണ്‍
ഏലയ്ക്ക പൊടിച്ചത് – ഒരു നുള്ള്
പെരുംജീരകം – ഒരു ടേബിള്‍ സ്പൂണ്‍
പച്ചമുളക് – നാലെണ്ണം നീളത്തില്‍ അരിഞ്ഞത്
കരുമുളകുപൊടി – ഒരു ടേബിള്‍ സ്പൂണ്‍
ഉപ്പ് – പാകത്തിന്
ഓയില്‍ – ആവശ്യത്തിന്
കറിവേപ്പില – രണ്ട് തണ്ട്
വറ്റല്‍ മുളക് – രണ്ടെണ്ണം
കടുക് – അര ടീസ്പൂണ്
തേങ്ങാപ്പാല്‍ – ഒന്നും രണ്ടും മൂന്നും പാല് തയ്യാറാക്കുക.
മട്ടന്‍ മപ്പാസ് തയ്യാറാക്കുന്ന വിധം:
മട്ടന്‍ ചെറിയ കഷണങ്ങളാക്കി കഴുകി വൃത്തിയാക്കി വയ്ക്കുക. ഈ മട്ടന്‍ ഒരു പാത്രത്തില്‍ ഒരു നുള്ള് കുരുമുളക്‌പൊടിയും അല്പം മഞ്ഞളും ഉപ്പും ഒരുനുള്ള് പെരുംജീരകവും ചേര്‍ത്ത് ചെറുതീയില്‍ കുക്ക് ചെയ്യുക. 75% കുക്ക് ആകുമ്പോള്‍ ഓഫ് ചെയ്യുക. ഇഞ്ചി, വെളുത്തുള്ളി, സവാള എന്നിവ അരിഞ്ഞു വയ്ക്കുക. ഒരു ചീനച്ചട്ടിയില്‍ ഓയില്‍ ഒഴിച്ച് കടുക് പൊട്ടിയ്ക്കുക. കടുക് പൊട്ടിയ്ക്കുമ്പോള്‍ ചെറിയ ഉള്ളി, വറ്റല്‍ മുളക് എന്നിവ ചേര്‍ക്കാം. ഇനി അരിഞ്ഞു വച്ചിരിക്കുന്ന ഇഞ്ചി, വെളുത്തുള്ളി, സവാള എന്നിവ നന്നായി വഴറ്റുക. അതിനു ശേഷം പച്ചമുളക്, ഉരുളക്കിഴങ്ങ്, ക്യാരറ്റ് എന്നിവ കൂടി ചേര്‍ത്ത് വഴറ്റുക. ഇതിലേയ്ക്ക് തക്കാളിയും കൂടി ചേര്‍ത്ത് വീണ്ടും വഴറ്റുക.
മല്ലിപ്പൊടി, പെരുംജീരകം, കുരുമുളക്‌പൊടി, ഏലയ്ക്ക പൊടിച്ചത് ചേര്‍ത്ത് വഴറ്റുക. (പെരുംജീരകവും കുരുമുളകും ആദ്യം മട്ടന്‍ വേവാന്‍ വെച്ചപ്പോള്‍ ചേര്‍ത്തതിന്റെ ബാക്കി ആണ് ഇപ്പോള്‍ ചേര്‍ക്കുന്നത്) ഇതിലേക്ക് മൂന്നാംപാല് ഒഴിച്ച് ഇളക്കുക. ഇനി മുക്കാല്‍ വെന്ത മട്ടനും ചേര്‍ത്ത് അടച്ചു വെച്ച് വേവിയ്ക്കുക. കുറച്ചു ചാറ്‌വറ്റുമ്പോള്‍ തുറന്നു രണ്ടാംപാല് ഒഴിച്ച് ഇളക്കി അടച്ചു വയ്ക്കുക. ഉരുളക്കിഴങ്ങും ക്യാരറ്റും അതില്‍ കിടന്നു വേവണം. ഉപ്പു വേണമെങ്കില്‍ ഈ സമയം നോക്കിയിട്ട് ചേര്‍ക്കാം. നന്നായി വെന്ത് ചാര്‍ ഏകദേശം ഒന്ന് കുറുകുന്ന പരുവം ആകുമ്പോള്‍ തീ വളരെ കുറച്ചുവെച്ച് ഒന്നാംപാല്‍ ഒഴിച്ച് ചൂടാക്കി ഓഫാക്കുക. ഒന്നാംപാല്‍ ചേര്‍ത്ത് കഴിഞ്ഞ് മപ്പാസ് തിളയ്ക്കരുത്. നല്ല നാടന്‍ മട്ടന്‍ മപ്പാസ് തയ്യാര്‍. ഇനി ചൂടോടെ പാലപ്പത്തിനൊപ്പം കഴിയ്ക്കാവുന്നതാണ്.
ഹോട്ടല്‍ മാനേജ്മെന്‍റ് ബിരുദ ധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്
ചേരുവകള്‍
1. ബസ്മതി അരി – 2 കപ്പ്
2. കാരറ്റ് – 1 ചെറുതായി അരിഞ്ഞത്
3. ബീന്‍സ് – 100 ഗ്രാം ചെറുതായി മുറിച്ചത്
4. ഗ്രീന്‍പീസ് – 50 ഗ്രാം
5. സവാള – 1 (മീഡിയംസൈസ്) ചെറുതായി അരിഞ്ഞത്
6. ഉണക്ക മുന്തിരി – 50 ഗ്രാം
7. കശുവണ്ടിപ്പരിപ്പ് – 50 ഗ്രാം
8. ഗ്രാമ്പു – 6 എണ്ണം
9. കറുവപ്പട്ട – ½ inch
10. ഏലക്കായ – 4 എണ്ണം
11. കുരുമുളക് – 8 എണ്ണം
12. നെയ്യ് – 1.5 ടേബിള്‍ സ്പൂണ്‍
13. എണ്ണ – 1 ടീസ്പൂണ്
14. ഉപ്പ് – ആവശ്യത്തിന്
പാചകം ചെയ്യുന്ന വിധം
അരി 30 മിനുട്ട് നേരം വെള്ളത്തില്‍ കുതിര്‍ത്തു വെക്കുക. വെള്ളം ഊറ്റിക്കളഞ്ഞ് ഒരു സൈഡില്‍ മാറ്റി വെക്കുക. ഉണക്ക മുന്തിരിയും കശുവണ്ടിപ്പരിപ്പും എണ്ണയില്‍ ചെറുതായി വറുത്തെടുക്കുക. ചെറുതായി അരിഞ്ഞു വെച്ചിരിക്കുന്ന സവാള ബ്രൗണ്‍ നിറം ആകുന്നതുവരെ വഴറ്റി എടുക്കുക. ബീന്‍സ് കുറച്ച് ഉപ്പു ചേര്‍ത്ത് വഴറ്റുക. ബീന്‍സ് പകുതി വഴന്നു കഴിഞ്ഞാല്‍ അരിഞ്ഞു വെച്ചിരിക്കുന്ന കാരറ്റും ഗ്രീന്‍പീസും വേണമെങ്കില്‍ കുറച്ച് ഉപ്പും ചേര്‍ത്ത് വഴറ്റുക. ആവശ്യമെങ്കില്‍ കുറച്ച് എണ്ണകൂടി ചേര്‍ക്കാം. ഒരു നോണ്‍സ്റ്റിക്ക് പാന്‍ ചൂടാക്കി നെയ്യൊഴിച്ച് 5 മിനുട്ട് നേരം ചെറുതീയില്‍ കുതിര്‍ത്തു വെച്ചിരിക്കുന്ന അരി വഴറ്റി എടുക്കുക. ഇതേസമയം വേറൊരു പാത്രത്തില്‍ കുറച്ച് ഉപ്പും മുകളില്‍ പറഞ്ഞിട്ടുള്ള ഗരം മസാലയും ചേര്‍ത്ത് വെള്ളം തിളപ്പിക്കുക (1 കപ്പ് അരിക്ക് 2 കപ്പ് വെള്ളം). ഈ തിളപ്പിച്ച വെള്ളം, അരി ഫ്രൈ ചെയ്തു വെച്ചിരിക്കുന്ന പാനിലേക്ക് ചെറുതായി ഒഴിക്കുക. എന്നിട്ട് ഒരു മൂടികൊണ്ട് അടച്ചു വെച്ച് ചെറുതായി വേവിക്കുക. ഇടയ്ക്കു വെള്ളം ചെക്ക് ചെയ്യണം. 25-30 മിനുട്ട് കഴിഞ്ഞാല്‍ അരി 98% വെന്തിരിക്കും. വെള്ളവും വറ്റിയിരിക്കും. അതിനു ശേഷം തീയില്‍ നിന്നും മാറ്റിവെക്കുക. ഗ്രീന്‍പീസ് ചോറിലേക്ക് ചേര്‍ത്തതിനു ശേഷം കുറച്ചു സമയം അടച്ചു വെക്കുക. ചോറ് നന്നായി വെന്തു കഴിഞ്ഞു എന്നുറപ്പായാല്‍ വഴറ്റി വെച്ചിരിക്കുന്ന പച്ചക്കറികളും മുന്തിരിയും അണ്ടിപ്പരിപ്പും ഇതിലേക്ക് ചേര്‍ത്ത് പതുക്കെ ഒരു ഫോര്‍ക്ക് ഉപയോഗിച്ച് ഇളക്കി ചൂടോടെ വിളമ്പുക.
ഹോട്ടല്‍ മാനേജ്മെന്‍റ് ബിരുദ ധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്
ചിക്കന്‍ ബേക്കണ്‍ പാസ്ത ബേയ്ക്ക്
വളരെ എളുപ്പത്തില്‍ ഉണ്ടാക്കാവുന്ന ഒരു ഡിഷ് ആണ് ചിക്കന്‍ ബേക്കണ്‍ പാസ്ത ബേയ്ക്ക്. നമ്മുടെ കുട്ടികള്‍ വളരെയധികം ഇഷ്ടപ്പെടുന്ന ഒരു വിഭവം ആണ് ഇത്. യുകെയിലെ ഒട്ടു മിക്ക സ്‌കൂള്‍ മെനുവിലും ഉള്ള വളരെ പോപ്പുലര്‍ ആയ ഒരു ഡിഷ് ആണ്. കാര്‍ബോൈഹഡ്രേറ്റ്‌സ്, പ്രൊട്ടീന്‍, ഫൈബര്‍ എന്നിവ അടങ്ങിയ ഒരു മീല്‍ ആണ് ചിക്കന്‍ ബേക്കണ്‍ പാസ്ത ബേയ്ക്ക്.
ചേരുവകള്‍
പാസ്ത – 500 ഗ്രാം (penne or fusilli)
ചിക്കന്‍ – 300 ഗ്രാം
ബേക്കണ്‍ – 150 ഗ്രാം
സവാള – 1 എണ്ണം (dyce ആയി അരിഞ്ഞത്)
ചീസ് – 100 ഗ്രാം
ടോമാറ്റോ സോസ് – 50 ml
പ്ലെയ്ന്‍ ഫ്‌ളോര്‍ – 50 ഗ്രാം
ബട്ടര്‍ – 50 ഗ്രാം
മില്‍ക്ക് – 500 ml
വൈറ്റ് പെപ്പര്‍ പൗഡര്‍ – 20 ഗ്രാം
ഒലിവ് ഓയില്‍ – 30 ml
കുക്കിംഗ് ഓയില്‍ – 20 ml
പാചകം ചെയ്യുന്ന വിധം
പാസ്ത ഉപ്പ് ചേര്‍ത്ത് ബോയില്‍ ചെയ്ത് ഒലിവ് ഓയിലില്‍ ടോസ് ചെയ്തു വയ്ക്കുക. പാസ്തയ്ക്കു പശിമ ഉള്ളതിനാല്‍ ഒട്ടിപ്പിടിക്കാതിരിക്കാനാണ് ഇങ്ങനെ ചെയ്യുന്നത്. ചിക്കന്‍, ബേക്കണ്‍ എന്നിവ ചെറിയ പീസുകളാക്കി കുക്ക് ചെയ്ത് വയ്ക്കുക. ഒരു സോസ് പാനില്‍ ബട്ടര്‍ ചൂടാക്കി അതില്ലേയ്ക്ക് പ്ലെയ്ന്‍ ഫ്‌ളോര്‍ ചേര്‍ത്ത ഇളക്കി കുക്ക് ചെയ്യുക. ഇതിലേയ്ക്ക് മില്‍ക്ക് ചേര്‍ത്ത് സോസ് ആക്കി എടുക്കുക. ഇതിനെയാണ് വൈറ്റ് സോസ് എന്ന് സാധാരണയായി വിളിക്കുന്നത്. ഒരു വലിയ പാനില്‍ അല്പം ഓയില്‍ ചൂടാക്കി സവാള വഴറ്റിയെടുക്കുക. ഇതിലേയ്ക്ക് കുക്ക് ചെയ്തു വച്ചിരിക്കുന്ന ചിക്കന്‍, ബേക്കണ്‍, അല്പം വൈറ്റ് പെപ്പര്‍ പൗഡര്‍, ടോമാറ്റോ സോസ്, ആവശ്യത്തിന് ഉപ്പ് എന്നിവ ചേര്‍ത്ത് നന്നായി മിക്‌സ് ചെയ്യുക. ഇതിലേയ്ക്ക് കുക്ക് ചെയ്തു വച്ചിരിക്കുന്ന പാസ്ത, വൈറ്റ്‌സോസ് എന്നിവ ചേര്‍ത്ത് നന്നായി മിക്‌സ് ചെയ്യുക. ഒരു ബേക്കിംഗ് ഡിഷിലേയ്ക്ക് ഇത് മാറ്റി അതിനു മുകളില്‍ ചീസ് വിതറുക. എന്നിട്ട് 200°C പ്രീഹീറ്റ് ചെയ്ത ഓവനില്‍ 15 മിനിറ്റ് ബേക്ക് ചെയ്യുക. സിമ്പിള്‍ വെജിറ്റബള്‍ സാലഡിനൊപ്പം ചിക്കന്‍ ബേക്കണ്‍ പാസ്ത ബേയ്ക്ക് ചൂടോടെ സെര്‍വ ്‌ചെയ്യുക. സൈഡ് ഡിഷ് ആയി ഗാര്‍ലിക് ബ്രഡ് കൂടി ചേര്‍ത്താല്‍ നല്ലത്.
ഹോട്ടല്‍ മാനേജ്മെന്‍റ് ബിരുദ ധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്
നവരത്‌ന കുറുമ
എന്താണ് ‘നവരത്‌ന’ എന്ന വാക്ക്‌കൊണ്ട് ഉദ്ദേശിക്കുന്നത്? നമ്മള്‍ കണ്ടിട്ടുണ്ട് ചിലര്‍ 9 കല്ലുകള്‍ ഉള്ള മോതിരം അല്ലെങ്കില്‍ ലോക്കറ്റ് ഉപയോഗിക്കുന്നത്. ഇതെല്ലാം നവരത്‌ന എന്നാണ് അറിയപ്പെടുന്നത്. ഇത് 9 ഗ്രഹങ്ങളെ ആണ് പ്രതിനിധീകരീക്കുന്നത്. ഈ ഗ്രഹങ്ങള്‍ നല്ല സൗഭാഗ്യങ്ങള്‍ ഇത് ഉപയോഗിക്കുന്നവര്‍ക്ക് കൊണ്ടുവരുന്നു എന്നാണ് വിശ്വാസം. ഇവിടെ 9 പ്രധാനപ്പെട്ട ചേരുവകള്‍ ആണ് ഉപയോഗിച്ചിരിക്കുന്നത്. അതുകൊണ്ടാണ് ഇതിനു ഈ പേര് വന്നത്. മുഗള്‍ ഭരണകാലത്തെ രാജാക്കമാരുടെ ഏറ്റവും ഇഷ്ടമുള്ള ഒരു ഡിഷ് ആയിരുന്നു എന്നുള്ളതും ഇതിന്റെ ജനപ്രീതി വര്‍ദ്ധിക്കാന്‍ ഇടയായി. ഉത്തരേന്ത്യയിലെ എല്ലാ ആഘോഷങ്ങളുടെയും ഒരു പ്രധാനപ്പെട്ട വെജിറ്റേറിയന്‍ വിഭവം ആണ് നവരത്‌നകുറുമ
ചേരുവകള്‍
ഉരുളക്കിഴങ്ങ് – 100 ഗ്രാം
ക്യരറ്റ് – 100 ഗ്രാം
ബീന്‍സ് – 100 ഗ്രാം
കോളിഫ്‌ളവര്‍ – 100 ഗ്രാം
പനീര്‍ ക്യുബ്‌സ് – 100 ഗ്രാം
സവാള – 1 എണ്ണം
കശുവണ്ടി – 100 ഗ്രാം
കിസ്മിസ് – 50 ഗ്രാം
ക്രീം – 50 ml
ബയ്‌ലീഫ് – 1 എണ്ണം
കറുവപ്പട്ട – 1 പീസ്
ഏലക്ക – 2 എണ്ണം
പെരുംജീരകം – 1/2 ടീസ്പൂണ്
ഇഞ്ചി വെളുത്തുള്ളി പേസ്റ്റ് – 1/2 ടീസ്പൂണ്
മല്ലിപ്പൊടി – ഒരു നുള്ള് (optional )
ജീരകപ്പൊടി – ഒരു നുള്ള് (optional)
വൈറ്റ് പെപ്പര്‍ പൗഡര്‍ – 1 ടീസ്പൂണ്
മല്ലിയില ഗാര്‍നിഷ് ചെയ്യാന്‍ ചെറുതായി അരിഞ്ഞത്.
പാകം ചെയ്യുന്ന വിധം
എല്ലാ പച്ചക്കറികളും ക്യൂബ്‌സ് ആയി അരിഞ്ഞ് ബോയില്‍ ചെയ്തു വയ്ക്കുക. പനീര്‍ ക്യൂബ്‌സ് ചെറുതായി വറത്തു വയ്ക്കുക. സവാള ചെറുതായി അരിഞ്ഞു പകുതി കശുവണ്ടിയോടൊപ്പം ചൂടാക്കിയ വെള്ളത്തില്‍ കുക്ക് ചെയ്യുക. തണുത്ത് കഴിയുമ്പോള്‍ മിക്‌സിയില്‍ അരച്ച്‌പേസ്റ്റ് ആക്കിവയ്ക്കുക. ഒരു പാനില്‍ അല്പം ഓയില്‍ ചൂടാക്കി ബയ്‌ലീഫ്, കറുവപ്പട്ട, ഏലക്ക, പെരുംജീരകം, ഇഞ്ചി വെളുത്തുള്ളി പേസ്റ്റ് എന്നിവ വഴറ്റുക. ഇതിലേയ്ക്ക് അരച്ചു വച്ചിരിക്കുന്ന സവാള കശുവണ്ടി പേസ്റ്റ് ചേര്‍ത്ത് വളരെ ചെറിയ തീയില്‍ കുക്ക് ചെയ്യുക. മല്ലിപ്പൊടി, ജീരകപ്പൊടി ഉപയോഗിക്കുന്നുണ്ടെങ്കില്‍ ഇപ്പോള്‍ ചേര്‍ക്കുക. ഓയില്‍ വലിഞ്ഞു കഴിയുമ്പോള്‍ അല്പം വെള്ളം ചേര്‍ത്ത് നന്നായി ബോയില്‍ ചെയ്യുക. ഈ ഗ്രേവി അല്പം കുറുകിക്കഴിയുമ്പോള്‍ കുക്ക ്‌ചെയ്തു വച്ചിരിക്കുന്ന പച്ചക്കറികളും പനീറും ചേര്‍ത്ത് മിക്‌സ് ചെയ്യുക. ഇതിലേയ്ക്ക് കിസ്മിസ് ബാക്കിയുള്ള കശുവണ്ടി ആവശ്യത്തിന് ഉപ്പും ചേര്‍ത്ത് 2 മിനുട്ട് കൂടി കുക്ക്‌ചെയ്യുക. ഇതിലേയ്ക്ക് ക്രീം, വൈറ്റ് പെപ്പര്‍ പൗഡര്‍ എന്നിവ ചേര്‍ത്തിളക്കി മല്ലിയില ഉപയോഗിച്ച് ഗാര്‍നിഷ് ചെയ്ത് സെര്‍വ് ചെയ്യുക. എല്ലാ ഇന്ത്യന്‍ ബ്രഡ്കള്‍ക്കും ഒരു മികച്ച കോമ്പിനേഷന്‍ ആണ് നവരത്‌ന കുറുമ.
ഹോട്ടല്‍ മാനേജ്മെന്‍റ് ബിരുദ ധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്
ചിക്കന്‍ ലോലിപോപ്പ്
ചേരുവകള്‍
1. ചിക്കന്‍ വിംഗ്‌സ് – 8 എണ്ണം (തൊലി കളഞ്ഞ് ഫ്‌ളെഷ് പുറകോട്ട് ആക്കിയത്)
2. മുട്ട – 1 എണ്ണം
ഇഞ്ചി വെളുത്തുള്ളി പേസ്റ്റ് – 1 ടീസ്പൂണ്
മൈദ – 2 ടീസ്പൂണ്
കോണ്‍ ഫ്‌ളോര്‍ – 2 ടീസ്പൂണ്
കുരുമുളക് പൊടി – 1/ 2 ടീസ്പൂണ്
സോയ സോസ് – 1 ടീസ്പൂണ്
ചില്ലി സോസ് – 1 ടീസ്പൂണ്
ഉപ്പ് – ആവശ്യത്തിന്
3. ഓയില്‍ വറക്കുവാനാവശ്യത്തിന് (ഏകദേശം 300 ml)
പാചകം ചെയ്യുന്ന വിധം
ചിക്കന്‍ നന്നായി കഴുകി വയ്ക്കുക. ഒരു ബൗള്‍ എടുത്ത് രണ്ടാമത്തെ ചേരുവകള്‍ നന്നായി മിക്‌സ് ചെയ്ത് കുഴമ്പ് പരുവത്തിലാക്കുക. ആവശ്യമെങ്കില്‍ അല്പം വെള്ളംകൂടി ചേര്‍ക്കുക. ഈ മിശ്രിതത്തിലേയ്ക്ക് റെഡിയാക്കി വച്ചിരിക്കുന്ന ചിക്കന്‍ ചേര്‍ത്ത് 20 മിനുട്ട് എങ്കിലും വയ്ക്കുക. ഒരു പാനില്‍ ഓയില്‍ നന്നായി ചൂടാക്കുക. ബാറ്ററില്‍ ഇട്ട് വച്ചിരിക്കുന്ന ചിക്കന്‍ എടുത്ത് ഓയിലില്‍ ചിക്കന്‍ കുക്ക് ആകുന്നതുവരെ വറത്ത് എടുത്ത് ഒരു കിച്ചന്‍ ടവലിലേയ്ക്ക് എണ്ണ വലിയുന്നതിനായി വയ്ക്കുക. ഒരു ചെറിയ പീസ് സില്‍വര്‍ ഫോയില്‍ കൊണ്ട് ചിക്കന്റെ ബോണ്‍ കവര്‍ ചെയ്ത് ചില്ലി സോസിന്റെയോ സ്വീറ്റ് ആന്‍ഡ് സൗര്‍ സോസിന്റെയോടൊപ്പമോ ചൂടോടെ സെര്‍വ് ചെയ്യുക.
(തൊലി കളഞ്ഞ ചിക്കന്‍ വിങ്ങ്‌സ് എല്ലാ ഹലാല്‍ മീറ്റ് ഷോപ്പുകളിലും സാധാരണയായി കിട്ടുന്നതാണ് ചിക്കന്‍ നിബ്ലെട്‌സ് എന്നാണ് ഇത് അറിയപ്പെടുന്നത്)
ഹോട്ടല്‍ മാനേജ്മെന്‍റ് ബിരുദ ധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ്
ചേരുവകള്‍
ക്യാരറ്റ് – 500 ഗ്രാം
മില്‍ക്ക് – 500 ml
ഏലക്ക സീഡ്‌സ് – 1 ടീസ്പൂണ്
ഷുഗര്‍ – 400 ഗ്രാം
നെയ്യ് – 3 ടീസ്പൂണ്
പാചകം ചെയ്യുന്ന വിധം
ക്യാരറ്റ് നന്നായി കഴുകി തൊലി കളഞ്ഞ് ഗ്രേറ്റ് ചെയ്യുക. ചുവട് കട്ടിയുള്ള ഒരു പാനില്‍ ക്യാരറ്റും മില്‍ക്കും ചേര്‍ത്ത് നന്നായി കുക്ക് ചെയ്യുക. കുക്ക് ചെയ്യുമ്പോള്‍ നന്നായി ഇളക്കിക്കൊണ്ടിരിക്കുക. ഇതിലേയ്ക്ക് ഷുഗര്‍ ചേര്‍ത്ത് നന്നായി മിക്‌സ് ചെയ്ത് ഷുഗര്‍ അലിഞ്ഞു മില്‍ക്ക് വറ്റുന്നത് വരെ വീണ്ടും കുക്ക് ചെയ്യുക. നെയ്യ്, ഏലക്ക സീഡ്‌സ് എന്നിവ ചേര്‍ത്ത് ഇളക്കി ഇഷടമുള്ള ഷേപ്പില്‍ ആക്കി ചെറുചൂടോടെ വിളമ്പുക. ക്രീം, ഐസ്‌ക്രീം എന്നിവ ആവശ്യാനുസരണം കൂടെ ഉപയോഗിക്കാം.
ഹോട്ടല്‍ മാനേജ്മെന്‍റ് ബിരുദ ധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ്
ബേസില്‍ ജോസഫ്
ചേരുവകള്‍
നെയ്മീന്‍ – ഒരുകിലോ
വെളുത്തുള്ളി – 100 ഗ്രാം
ഇഞ്ചി – 2 കഷണം
ചുവന്നുള്ളി – 100 ഗ്രാം
കുടംപുളി – 4 കഷണം
കടുക്, ഉലുവ – 10 ഗ്രാം
മുളകുപൊടി – 4 ടേബിള്‍ സ്പൂണ്‍
കറിവേപ്പില – ഒരുസ്ട്രിപ്
കോക്കനട്ട് ഓയില്‍ – 4 സ്പൂണ്‍
പാകം ചെയ്യുന്ന വിധം
നെയ്മീന്‍ നന്നായി കഴുകി ചെറിയ കഷണങ്ങള്‍ ആയി വെട്ടിവയ്ക്കുക. ചുവന്നുള്ളി, വെളുത്തുള്ളി, ഒരു കഷണം ഇഞ്ചി എന്നിവ ചതച്ചു മാറ്റിവയ്ക്കുക. കുടംപുളി അല്പം ഉപ്പു ചേര്‍ത്ത് വെള്ളത്തില്‍ ഇട്ടു വയ്ക്കുക. മണ്‍ചട്ടിയില്‍ (ഉണ്ടെങ്കില്‍ ഇല്ലെങ്കില്‍ ചുവട് കട്ടിയുള്ള പാന്‍) 2 സ്പൂണ്‍ കോക്കനട്ട് ഓയില്‍ ഒഴിച്ച് കടുക്, ഉലുവ ഇവ ഇട്ട് പൊട്ടിക്കുക. ഇതിലേയ്ക്ക് ചതച്ചുവച്ച ഇഞ്ചി ഉള്ളിക്കൂട്ടും കറിവേപ്പിലയും ചേര്‍ത്ത് നന്നായി വറുക്കുക. വറുത്തെടുത്ത കൂട്ട് തണുക്കുമ്പോള്‍ നന്നായി അരച്ചെടുക്കുക. ചട്ടിയില്‍ ഒരു സ്പൂണ്‍ കോക്കനട്ട് ഓയില്‍ ഒഴിച്ചു മുളകുപൊടി നന്നായി മൂപ്പിക്കുക. പിന്നീട് ചെറുതായി അരിഞ്ഞ ഇഞ്ചി, അരപ്പ് എന്നിവകൂടി ചേര്‍ത്ത് മൂപ്പിക്കുക. ഇതിലേയ്ക്ക് ഒരു കപ്പ് വെള്ളം ഒഴിക്കുക. അരപ്പ് തിളക്കുമ്പോള്‍ മീന്‍കഷണങ്ങള്‍ ഇട്ട് പുളിയും ചേര്‍ത്ത് ചെറുതീയില്‍ നന്നായി വറ്റിച്ചെടുക്കുക. ചട്ടി കുക്കറില്‍ നിന്ന് മാറ്റുമ്പോള്‍ ഒരു സ്പൂണ്‍ കോക്കനട്ട് ഓയില്‍, കറിവേപ്പില ഇവ ചേര്‍ത്ത് ചട്ടിചുറ്റിച്ചു വാങ്ങുക.
ഹോട്ടല്‍ മാനേജ്മെന്‍റ് ബിരുദ ധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ്
ബേസില്‍ ജോസഫ്
ഡ്രാഗണ്‍ ചിക്കന്‍
വളരെ എളുപ്പത്തില്‍ ഉണ്ടാക്കാവുന്ന ഒരു ഇന്‍ഡോ ചൈനീസ് സൈഡ് ഡിഷ് ആണ് ഡ്രാഗണ്‍ ചിക്കന്‍. സ്റ്റാര്‍ട്ടര്‍ ആയോ ഫ്രൈഡ്‌റൈസിന് സൈഡ് ഡിഷ് ആയിട്ടോ ഉപയോഗിക്കാവുന്നതാണ്.
ചേരുവകള്‍
ബോണ്‍ലെസ്സ് ചിക്കന്‍ – 500 ഗ്രാം
സവാള – 1 എണ്ണം (ഫൈന്‍ ആയി ചോപ് ചെയ്തത് )
ഇഞ്ചി – 1 ടീസ്പൂണ് (ഫൈന്‍ ആയി ചോപ് ചെയ്തത് )
വെളുത്തുള്ളി – 1 ടീസ്പൂണ് (ഫൈന്‍ ആയി ചോപ് ചെയ്തത് )
വറ്റല്‍മുളക് – 3 എണ്ണം (ചെറുതായി മുറിച്ചത്)
കശുവണ്ടി – 50 ഗ്രാം
ടൊമാറ്റോ സോസ് – 3 ടീസ്പൂണ്
സോയ സോസ് – 1 ടീസ്പൂണ്
ഷുഗര്‍ – 1/2 ടീസ്പൂണ്
ഓയില്‍ – 200 ml
മല്ലിയില ഗാര്‍നിഷ്
For marination:
ഇഞ്ചി വെളുത്തുള്ളി പേസ്റ്റ് – 2 ടീസ്പൂണ്
പെ പ്പര്‍ പൗഡര്‍ – 1 ടീസ്പൂണ്
മുട്ട – 1 എണ്ണം
ഉപ്പ് – ആവശ്യത്തിന്
കോണ്‍ ഫ്‌ളോര്‍ – 2 സ്പൂണ്‍
പാകം ചെയ്യുന്ന വിധം
ചിക്കന്‍ സ്ട്രിപസ് ആയോ ചെറിയ ക്യബ് ആയോ മുറിച്ച് നന്നായി കഴുകി വയ്ക്കുക. ഒരു മിക്‌സിങ്ങ് ബൗളില്‍ ഇഞ്ചി വെളുത്തുള്ളി പേസ്റ്റ്, സോയ സോസ്, പെപ്പര്‍ പൗഡര്‍, മുട്ട, കോണ്‍ ഫ്‌ളോര്‍, ഉപ്പ്, ചിക്കന്‍ എന്നിവ ചേര്‍ത്ത് നന്നായി മിക്‌സ് ചെയ്ത് 15 മിനുറ്റോളം വയ്ക്കുക. ഓയില്‍ ചൂടാക്കി ചിക്കന്‍ ഗോള്‍ഡന്‍ നിറമാകുന്നതു വരെ ഫ്രൈചെയ്ത് മാറ്റിവയ്ക്കുക. ഒരുപാനില്‍ 1 ടീസ്പൂണ് ഓയില്‍ ചൂടാക്കി ഇഞ്ചി, വെളുത്തുള്ളി സവാള, കശുവണ്ടി, മുറിച്ച വറ്റല്‍ മുളക് എന്നിവ വഴറ്റുക. നന്നായി ഓയില്‍ വലിഞ്ഞു കഴിയുമ്പോള്‍ ഇതിലേയ്ക്ക് ടോമാറ്റോ സോസ്, സോയസോസ്, ഷുഗര്‍ എന്നിവ ചേര്‍ത്ത് ചെറുതായി തിളപ്പിക്കുക. വറത്തു വച്ചിരിക്കുന്ന ചിക്കന്‍ ഈ സോസിലേയ്ക്ക് ചേര്‍ത്ത് നന്നായി യോജിപ്പിക്കുക. മല്ലിയില കൊണ്ട് ഗാര്‍നിഷ് ചെയ്ത് ചൂടോടെ സെര്‍വ് ചെയ്യുക.
ഹോട്ടല്‍ മാനേജ്മെന്‍റ് ബിരുദ ധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്
ബേസില്‍ ജോസഫ്
ചേരുവകള്‍
ചെമ്മീന്‍ – 400 ഗ്രാം
ഇഞ്ചി വെളുത്തുള്ളി അരച്ചത് – 2 ടേബിള്‍ സ്പൂണ്‍
മുളകുപൊടി – 3 ടിസ്പൂണ്‍
മഞ്ഞള്‍പൊടി – 1/ 2 ടീസ്പൂണ്
വെളുത്തുള്ളി – 1 കുടം
സവാള – 2 എണ്ണം
തക്കാളി – 1 എണ്ണം
കറിവേപ്പില – 2 തണ്ട്
ഓയില്‍ 4 – ടേബിള്‍ സ്പൂണ്‍
ഉപ്പ് – പാകത്തിന്
പാചകം ചെയ്യുന്ന വിധം
ചെമ്മീന്‍ നന്നായി കഴുകി വെള്ളം ഒട്ടും ഇല്ലാതെ മാറ്റിവയ്ക്കുക. ഇഞ്ചി വെളുത്തുള്ളി അരച്ചത്, മുളകുപൊടി (1 ടീസ്പൂണ്) മഞ്ഞള്‍പൊടി എന്നിവ ഉപ്പും കൂടി ചേര്‍ത്ത് ഒരു പേസ്റ്റ് ആയി ഉണ്ടാക്കി ഇതില്‍ ചെമ്മീന്‍ മിക്‌സ് ചെയ്ത് 30 മിനിറ്റ് വയ്ക്കുക. സവാള, വെളുത്തുള്ളി, തക്കാളി എന്നിവ ചെറുതായി അരിഞ്ഞു വയ്ക്കുക. ഒരു പാനില്‍ 3 ടേബിള്‍ സ്പൂണ്‍ ഓയില്‍ ചൂടാക്കി മസാല മിക്‌സ് ചെയ്തു വച്ചിരിക്കുന്ന ചെമ്മീന്‍ ഷാലോ ഫ്രൈ ചെയ്ത് എടുക്കുക. ഇതേ പാനിലേയ്ക്ക് ബാക്കിയുള്ള 1 ടേബിള്‍ സ്പൂണ്‍ ഓയില്‍ ചൂടാക്കി വെളുത്തുള്ളി, സവാള, ആവശ്യത്തിന് ഉപ്പ് എന്നിവ ചേര്‍ത്ത് ഗോള്‍ഡന്‍ നിറമാകുന്നതുവരെ കുക്ക് ചെയ്യുക. തീ കുറച്ച ശേഷം 2 ടീസ്പൂണ് മുളകുപൊടി ചേര്‍ത്ത ്‌നന്നായി മിക്‌സ് ചെയ്യുക. ഇതിലേയ്ക്ക് തക്കാളി, കറിവേപ്പില എന്നിവ ചേര്‍ത്ത് നന്നായി കുക്ക് ആയി വരുന്നത് വരെ ഇടയ്ക്കിടെ ഇളക്കിക്കൊടുക്കുക. മസാല നന്നായി കുക്ക് ആയിക്കഴിയുമ്പോള്‍ ഫ്രൈ ചെയ്ത് വച്ചിരിക്കുന്ന ചെമ്മീന്‍ ചേര്‍ത്ത് നന്നായി മിക്‌സ് ചെയ്തു 2 മിനിറ്റ് കൂടി കുക്ക് ചെയ്ത് ചൂടോടെ സെര്‍വ് ചെയ്യുക.വളരെ ഈസിയായി ഉണ്ടാക്കാന്‍ പറ്റുന്ന ഒരുസൈഡ് ഡിഷ് ആണ് ചെമ്മീന്‍ റോസ്റ്റ്. അപ്പം, ചപ്പാത്തി, ഇടിയപ്പം, ഇവക്കൊപ്പം അത്യുത്തമം.
ഹോട്ടല്‍ മാനേജ്മെന്‍റ് ബിരുദ ധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്
