В область грандиозных работ интегрируются исследования из многих учено-технологических сфер, именно в связи с этим астронавтика сегодня оказывает существенное действие на жизнь населения земли. На данный момент частью экономико-хозяйственной активности и культурной жизни общества сделались навигация, природный, техногенный и террористический мониторинг, тв и связь, которые были бы невыполнимы без мировых исследований. (more…)

ജെഗി ജോസഫ്

വയലിനിലെ മഹാത്ഭുതം ബാലഭാസ്‌കര്‍ അകാലത്തില്‍ നമ്മെ വിട്ടകന്നപ്പോള്‍ ഒരു നിമിഷം ചുറ്റുമുള്ള ലോകം സ്തംഭിച്ചതായി തോന്നിയവരാണ് ലോകമെമ്പാടുമുള്ള മലയാളികള്‍. തന്റെ വയലിന്‍ സംഗീതത്തിലൂടെയും നിഷ്‌കളങ്കമായ ചിരിയുമായി വേദികളില്‍ സംഗീതാസ്വാദകരുടെയും സാധാരണക്കാരുടെയും ഹൃദയത്തില്‍ ചേക്കേറിയ ബാലഭാസ്‌കര്‍ ഇപ്പോഴും നമ്മുടെയുള്ളില്‍ ജീവനോടെ ഇരിക്കുന്നുവെന്ന് ഒരുവട്ടം കൂടി ഓര്‍മ്മപ്പെടുത്തിക്കൊണ്ട് ബ്രിസ്‌ക വിന്റര്‍ ഗാതറിംഗ് വേദിയില്‍ വയലിന്‍ തന്ത്രികളിലൂടെ ആ മഹാനുഭാവന് പ്രണാമം അര്‍പ്പിച്ചു. ബാലഭാസ്‌കറിന്റെ സുഹൃത്ത് കൂടിയായ വയലിനിസ്റ്റ് സുരാജാണ് ബ്രിസ്‌ക അംഗങ്ങളെ ആ ഓര്‍മ്മകുറിപ്പിലൂടെ ഒരുവട്ടം കൂടി കൂട്ടിക്കൊണ്ടുപോയത്.

സുരാജ് മുഖ്യാതിഥിയായി പങ്കെടുത്തുകൊണ്ടാണ് ഇക്കുറി ബ്രിസ്‌ക വിന്റര്‍ ഗാതറിംഗ് ഹൃദ്യമായി കൊണ്ടാടിയത്. മറ്റൊരു സുപ്രധാനമായ കര്‍മ്മം കൂടി ഈ വട്ടം ബ്രസ്‌കയ്ക്ക് നിര്‍വ്വഹിക്കാനുണ്ടായിരുന്നു. പ്രളയദുരിതത്തില്‍ അകപ്പെട്ട കേരളത്തിന്റെ കണ്ണീരൊപ്പാന്‍ ബ്രിസ്‌ക അംഗങ്ങളുടെ ഒരു ചെറിയ സഹായം. ആ ആഹ്വാനം ഉയര്‍ന്നത് മുതല്‍ ലഭിച്ച മികച്ച പ്രതികരണം അക്ഷരാര്‍ത്ഥത്തില്‍ സ്വരൂപിച്ച ധനത്തില്‍ പ്രതികരിച്ചുവെന്ന് തറപ്പിച്ച് പറയാം. 5000 പൗണ്ടാണ് മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യാനായി ബ്രിസ്‌ക അംഗങ്ങള്‍ കൈകോര്‍ത്തപ്പോള്‍ ശേഖരിക്കപ്പെട്ടത്.

അകാലത്തില്‍ നമ്മെ വിട്ടുപോയ ബാലഭാസ്‌കറിന്റെ സ്മരണയ്ക്ക് മുന്നില്‍ ആദരാഞ്ജലികള്‍ അര്‍പ്പിച്ചുകൊണ്ടാണ് ബ്രിസ്‌ക വിന്റര്‍ ഗാതറിംഗ് ആരംഭിച്ചത്. അദ്ദേഹത്തിന്റെ പ്രിയപ്പെട്ട സുഹൃത്ത് സുരാജ്, ബ്രിസ്‌ക പ്രസിഡന്റ് മാനുവല്‍ മാത്യു, ബ്രിസ്‌ക ഭാരവാഹികള്‍ എന്നിവര്‍ ചേര്‍ന്ന് നിലവിളക്ക് കൊളുത്തി വിന്റര്‍ ഗാതറിംഗ് ഔദ്യോഗികമായി ഉദ്ഘാടനം ചെയ്തു.

ബ്രിസ്‌ക സെക്രട്ടറി പോള്‍സണ്‍ മേനാച്ചേരി സ്വാഗതം ആശംസിച്ചു. തുടര്‍ന്ന് അദ്ധ്യക്ഷ പ്രസംഗം നടത്തിയ ബ്രിസ്‌ക പ്രസിഡന്റ് മാനുവല്‍ മാത്യു കഴിഞ്ഞ രണ്ടുവര്‍ഷമായി ബ്രിസ്‌ക നടത്തിയ പ്രവര്‍ത്തനങ്ങളെ കുറിച്ച് വിശദമായി സംസാരിച്ചു. കരിയര്‍ ഗൈഡന്‍സ് മുതല്‍ കേരളത്തിലെ വെള്ളപ്പൊക്ക ദുരിതാശ്വാസ സഹായങ്ങള്‍ വരെ ഉള്‍പ്പെട്ട വിപുലമായ പ്രവര്‍ത്തനങ്ങള്‍ളെക്കുറിച്ച് സമഗ്രമായി സംസാരിച്ച അദ്ദേഹം ഈ ദൗത്യങ്ങളില്‍ കൈകോര്‍ത്ത ഏവര്‍ക്കും നന്ദി അറിയിച്ചു.

ബ്രിസ്‌ക സ്പോര്‍ട്സിലും, ജിസിഎസ്ഇയില്‍ ഉയര്‍ന്ന മാര്‍ക്ക് വാങ്ങിയ കുട്ടികള്‍ക്കും ബ്രിസ്‌ക പ്രസിഡന്റും, മുഖ്യാതിഥി സുരാജും ചേര്‍ന്ന് സമ്മാനങ്ങള്‍ നല്‍കി. കേരളത്തിന്റെ പ്രളയദുരിതം പരിഗണിച്ച് ഇക്കുറി ഓണാഘോഷം ഒഴിവാക്കിയതിനാലാണ് സമ്മാനങ്ങള്‍ വിന്റര്‍ ഗാതറിംഗില്‍ വിതരണം ചെയ്തത്.

വേദിയില്‍ നൃത്തത്തിന്റെ ചടുലതാളങ്ങളുമായി ബ്രിസ്‌ക സ്‌കൂള്‍ ഓഫ് ഡാന്‍സിലെ നൃത്ത അധ്യാപിക ദുര്‍ഗ്ഗ ടീച്ചറിന്റെ നേതൃത്വത്തില്‍ കുട്ടികള്‍ അവതരിപ്പിച്ച നൃത്തവും ഗാനാലാപനവും സദസ്സിന്റെ കൈയടി നേടി. മോഹിനിയാട്ടവും, ഭരതനാട്യവും, സിനിമാറ്റിക് ഡാന്‍സിനും പുറമെ ബ്രിസ്റ്റോളിലെ പ്രശസ്ത ഗായകര്‍ ആലപിച്ച ഗാനങ്ങളും ശ്രദ്ധേയമായി. പിന്നീട് ത്രസിപ്പിക്കുന്ന ബോളിവുഡ് ഡാന്‍സുമായി ലോയ്സ് ആന്‍ഡ് ടീമും രംഗത്തെത്തി. ബോളിവുഡിലെ ഫാസ്റ്റ് നമ്പറുകള്‍ക്കൊപ്പം ഇവര്‍ വേദിയില്‍ ആഘോഷത്തിന്റെ നിറവ് സമ്മാനിച്ചു. പ്രേക്ഷകര്‍ക്കിടയിലേക്ക് ഇറങ്ങി നൃത്തം ചെയ്തുകൊണ്ടാണ് ടീം വിസ്മയിപ്പിച്ചത്.

ബാലഭാസ്‌കറിന് ആദരാഞ്ജലികള്‍ അര്‍പ്പിച്ച് സുരാജ് വയലിനില്‍ ബാലഭാസ്‌കറിന്റെ പ്രിയ ഗാനങ്ങള്‍ ആലപിച്ചു. വേദിയെ വികാരനിര്‍ഭരമാക്കിയ നിമിഷങ്ങള്‍ കൂടിയായിരുന്നു ഇത്. ഒപ്പം വാദ്യ ഉപകരണമായ ഓടക്കുഴലിലും മനോഹരമായ ഗാനങ്ങള്‍ അവതരിപ്പിച്ചു. ബ്രിസ്‌കയുടെ കലാകാരന്മാര്‍ ചേര്‍ന്ന് അവതരിപ്പിച്ച നാടന്‍ പാട്ടുകളുടെ ഊഴമായിരുന്നു അടുത്തത്. റോജി ചെങ്ങനാശേരിയുടെ നേതൃത്വത്തില്‍ ബ്രിസ്റ്റോളിലെ കലാകാരന്മാര്‍ ചേര്‍ന്ന് അവതരിപ്പിച്ച പരാപാടി മികച്ച നിലവാരം പുലര്‍ത്തി.

കേരളത്തിന്റെ കണ്ണീരൊപ്പാനായി ബ്രിസ്‌ക ചാരിറ്റിയുടെ ഭാഗമായി നടത്തിയ റാഫിളില്‍ ഭാഗ്യം റെജി തോമസിനൊപ്പമായിരുന്നു. യുകെയിലെ പ്രശസ്ത മോര്‍ട്ട്ഗേജസ് സ്ഥാപനമായ ഇന്‍ഫിനിറ്റി ഫിനാന്‍സിയേഴ്സ് സ്പോണ്‍സര്‍ ചെയ്ത ഗോള്‍ഡ് കോയിനാണ് റെജിക്ക് സമ്മാനമായി ലഭിച്ചത്. അംഗങ്ങള്‍ക്കായി രുചികരമായ ഭക്ഷണവും ഒരുക്കിയിരുന്നു. ബ്രിസ്‌ക ആര്‍ട്‌സ് സെക്രട്ടറി സെബാസ്റ്റ്യന്‍ ലോനപ്പന്‍ മുഖ്യ കോഡിനേറ്ററും, ലിറില്‍ അവതാരകയായിരുന്നു. ലൈറ്റ്ആന്റ് സൗണ്ട്‌സ് ജിജി ലൂക്കോസ് കൈകാര്യം ചെയ്തു. പരിപാടി മികച്ച വിജയമാക്കാന്‍ യത്നിച്ച എല്ലാവര്‍ക്കും ബ്രിസ്‌ക പിആര്‍ഒ ജെഗി ജോസഫ് നന്ദി അറിയിച്ചു. ദേശീയ ഗാനത്തോടു കൂടിയാണ് ബ്രിസ്‌കയുടെ വിന്റര്‍ഗാതറിംഗിന് തിരശീല വീണത്. ഏറെക്കാലം മനസ്സില്‍ ഓര്‍ത്തിരിക്കാന്‍ കഴിയുന്ന സുന്ദര നിമിഷങ്ങള്‍ സമ്മാനിച്ചാണ് വിന്‍ര്‍ ഗാതറിംഗ് കടന്നുപോയത്.

ബ്രിസ്‌കയുടെ ഈ കമ്മിറ്റിയുടെ കാലാവധി അവസാനിക്കുന്ന ഘട്ടത്തിലാണ് വിന്റര്‍ ഗാതറിംഗ് സംഘടിപ്പിച്ചത്. ഉടന്‍ ചേരുന്ന എക്സിക്യൂട്ടീവില്‍ പുതിയ കമ്മിറ്റിയെ തെരഞ്ഞെടുക്കും. നേരത്തേ നാലരയോടെ ചേര്‍ന്ന ബ്രിസ്‌ക ജനറല്‍ ബോഡി യോഗത്തില്‍ പ്രസിഡന്റ് മാനുവല്‍ മാത്യു അദ്ധ്യക്ഷത വഹിച്ചു. സെക്രട്ടറി പോള്‍സന്‍ മേനാച്ചേരി റിപ്പോര്‍ട്ട് അവതരിപ്പിച്ചു. ട്രഷറര്‍ ബിജു കണക്കുകള്‍ അവതരിപ്പിച്ചു. റിപ്പോര്‍ട്ടും കണക്കുകളും ജനറല്‍ ബോഡി ഏക കണ്ഠേന പാസാക്കി. ബ്രിസ്‌ക സ്വരൂപിച്ച അയ്യായിരം പൗണ്ട് മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറും.
ജനറല്‍ ബോഡിക്ക് ശ്രീനിവാസ് നന്ദി രേഖപ്പെടുത്തി.

ടോം ജോസ് തടിയംപാട്

ഇടുക്കി ചെറുതോണിയില്‍ കഴിഞ്ഞ പ്രളയത്തില്‍ വീട് പൂര്‍ണ്ണമായി ഒലിച്ചു പോവുകയും ഇട്ടിരിക്കുന്ന വസ്ത്രങ്ങള്‍ ഒഴിച്ച് എല്ലാം നഷ്ടപ്പെടുകയും ചെയ്ത സ്‌നേഹ എന്ന പെണ്‍കുട്ടിയുടെ കണ്ണീരിന്റെ കഥ ഇടുക്കി ചാരിറ്റി ഗ്രൂപ്പ് പ്രസിദ്ധീകരിച്ചിരുന്നു. സ്‌നേഹക്കു ആകെയുള്ളത് ‘അമ്മ മാത്രം അമ്മ ക്യാന്‍സര്‍ രോഗിയും. ദുരിതാശ്വാസ ക്യാമ്പില്‍ നിന്നും ഈ പ്രായമുള്ള അമ്മയെയും കൊണ്ട് എങ്ങോട്ടു പോകും എന്ന ചോദൃം ഉത്തരമില്ലാതെ നില്‍ക്കുമ്പോഴാണ് അയല്‍വാസിയായ നീക്‌സന്‍ പടിഞ്ഞാറേക്കര ഈ താഴെ കാണുന്ന വാട്ട്‌സ്പ്പ് മെസ്സേജ് ഇടുക്കി ചാരിറ്റി ഗ്രൂപ്പിനു അയക്കുന്നത്

”ടോം ചേട്ടാ, ഒരു ചെറിയ കാര്യം ഉണ്ട് എന്റെ വീടിന് താഴേ ആറ്റില്‍ താമസിക്കുന്ന അമ്മുക്കട്ടി മകള്‍ സ്‌നേഹ ഇവരുടെ വീട് മുഴുവന്‍ പോയി മാത്രമല്ല അമ്മുകുടി ഇപ്പോഴത്തേ പ്രശ്‌നം അമ്മുക്കുട്ടിക്ക് ക്യാന്‍സര്‍ ആണ് ഭര്‍ത്താവ് നേരത്തേ പോയി വീടുമില്ല ഈ കുട്ടി സ്‌നേഹ ബികോം കഴിഞ്ഞ് നില്‍ക്കുന്നു തുടര്‍പഠനം മുടങ്ങി എന്തങ്കിലും സഹായിക്കാന്‍ പറ്റുമെങ്കില്‍ അല്ലങ്കില്‍ ഒരു നല്ല വ്യക്തിയെ കണ്ടത്തി സഹായിക്കാന്‍ പറ്റുമോ”.

ഇത് ഞങ്ങള്‍ ഫേസ്ബുക്കില്‍ പോസ്റ്റ് ചെയ്തു അതോടൊപ്പം പ്രളയ ദുരിതാശ്വാസ ഫണ്ട് ശേഖരിച്ചിരുന്ന ഏഷ്യന്‍ കള്‍ച്ചര്‍ അസോസിയേഷന്‍ ലിവര്‍പൂള്‍ (അക്കാള്‍). ലിവര്‍പൂള്‍ ക്‌നാനായ കുടുംബയോഗം പ്രസിഡണ്ട് തോമസ് ജോണ്‍ വാരികാട്ടു, തമ്പി ജോസ് എന്നിവരുമായി സംസാരിക്കുകയും ചെയ്തിരുന്നു.

അക്കാല്‍ അവരുടെ ഫണ്ടില്‍ നിന്നും 25000 രൂപ അനുവദിച്ചു. UKKA ശേഖരിച്ച ഫണ്ടില്‍ നിന്നും LKFF പ്രസിഡണ്ട് തോമസ് ജോണ്‍ വാരികാട്ടു ഇടപെട്ടു 40000 രൂപ അനുവദിപ്പിച്ചു. ലിവര്‍പൂള്‍ റെയില്‍വേയില്‍ ജോലി ചെയ്യുന്ന തമ്പി ജോസ്, സ്‌റെസണ്‍ സ്റ്റിഫന്‍, തോമസ് ഫിലിപ്പ് എന്നിവര്‍ ചേര്‍ന്ന് ശേഖരിച്ച 150000 രൂപയില്‍ നിന്നും 70000 രൂപ സ്‌നേഹക്ക് നല്‍കി ബാക്കി വന്ന 80000 രൂപ കുട്ടനാട്ടിലെ നാലു കര്‍ഷകര്‍ക്ക് വീതിച്ചു നല്‍കി. പേര് വെളിപ്പെടുത്താന്‍ ഇഷ്ട്ടപ്പെടാത്ത ഒരു വൃക്തി സ്‌നേഹക്ക് 60000 രൂപ ശേഖരിച്ചു നല്‍കി കൂടാതെ തൊടുപുഴയില്‍ സ്‌നേഹയും അമ്മയെയും വിളിച്ചു കുടുബത്തോടൊപ്പം ഭക്ഷണവും നല്‍കി ആവശൃത്തിനു വസ്ത്രവും വാങ്ങി നല്‍കി അയച്ചു. അങ്ങനെ ഏകദേശം രണ്ടു ലക്ഷം രൂപയാണ് യു.കെ മലയാളികള്‍ സ്‌നേഹക്ക് നല്‍കിയത്.

ഇത്തരം നന്മകള്‍ കാണുബോളാണ് സകല ദൈവങ്ങള്‍ക്കും മുന്‍പ് മനുഷൃന്‍ ഉണ്ടായ കാലം മുതലുള്ള നന്മകള്‍ ഇപ്പോളും ഉറവവറ്റിപോയിട്ടില്ല എന്നു തോന്നുനത്. ഈ വലിയ സഹായത്തിലൂടെ ഈ ഭൂമിയില്‍ ഞാന്‍ ഒറ്റപ്പെട്ടുപോയി എന്ന് ആ കുട്ടിക്ക് തോന്നാതിരിക്കാന്‍ ഇടവരുത്തിയ തമ്പി ചേട്ടന്‍, തോമസ് ജോണ്‍ വാരികാട്ടു, ആക്കാല്‍ പേര് വെളിപ്പെടുത്താന്‍ ഇഷ്ട്ടപ്പെടാത്ത ഒരു വ്യക്തി എന്നിവരോട് ഇടുക്കി ചാരിറ്റി ഗ്രൂപ്പ് യു.കെക്കുള്ള നന്ദിയും കടപ്പാടും അറിയിക്കുന്നു,

ജെഗി ജോസഫ്

ഓണം ആഘോഷിക്കേണ്ട മുറ്റങ്ങളില്‍ കണ്ണീര്‍ വീഴ്ത്തിയ പ്രളയകാലത്തില്‍ നിന്നും നമ്മുടെ നാട് തിരിച്ചുവരികയാണ്. പ്രളയത്തില്‍ വന്നിറങ്ങിയ ജലം പോലെയാണ് നാടിന് ആവശ്യമായ സഹായങ്ങളുടെ അനിവാര്യതയും. തകര്‍ന്നുപോയ ജീവിതങ്ങളെ കെട്ടിപ്പടുക്കാന്‍ ആവശ്യമായ സംവിധാനങ്ങളുടെയും സൗകര്യങ്ങളുടെയും കണക്കെടുക്കുന്നത് എളുപ്പമല്ല. ഈ അവസരത്തിലാണ് ബ്രിസ്‌ക കേരളത്തിന്റെ തിരിച്ചുവരവിനായി ധനസമാഹരണം നടത്തുന്നത്. ഇതിന്റെ ഭാഗമായുള്ള ബ്രിസ്‌ക വിന്റര്‍ ഗാതറിംഗ് ആന്റ് ചാരിറ്റി ഈവനിംഗ് ഡിസംബര്‍ ഒന്നിന് സൗത്ത്മീഡ് കമ്മ്യൂണിറ്റി സെന്ററില്‍ നടത്തും.

സൗത്ത്മീഡ് കമ്മ്യൂണിറ്റി സെന്ററില്‍ വൈകുന്നേരം 5 മുതല്‍ 8 വരെയാണ് ഗാതറിംഗും, ചാരിറ്റി ഈവനിംഗും അരങ്ങേറുക. ബ്രിസ്‌ക വെള്ളപ്പൊക്ക ദുരിതാശ്വാസ ഫണ്ടിലേക്ക് ധനസമാഹരണം കൂടി ഉദ്ദേശിച്ചാണ് ഇക്കുറി പരിപാടി സംഘടിപ്പിക്കുന്നത്. ചടങ്ങിന്റെ ഭാഗമായി നറുക്കെടുപ്പും നടത്തും. ഇതിലെ വിജയിക്ക് സ്വര്‍ണ്ണനാണയമാണ് സമ്മാനം ലഭിക്കുക. ഈ നറുക്കെടുപ്പിന്റെ ഭാഗമായി ബ്രിസ്‌ക വെള്ളപ്പൊക്ക ദുരിതാശ്വാസ ഫണ്ടിന് എല്ലാവരും മികച്ച പിന്തുണ നല്‍കുമെന്ന പ്രതീക്ഷയിലാണ് സംഘാടകര്‍.

വയലിന്‍ ഇതിഹാസമായിരുന്ന ബാലഭാസ്‌കറിന് ആദരാഞ്ജലികള്‍ അര്‍പ്പിച്ച് അദ്ദേഹത്തിന്റെ സുഹൃത്ത് കൂടിയായ സുരാജ് അവതരിപ്പിക്കുന്ന സംഗീതനിശ ഈ സായാഹ്നത്തിന്റെ സവിശേഷതകളില്‍ ഒന്നാണ്. ഇതിന് പുറമെ ടീം യുകെ അവതരിപ്പിക്കുന്ന അതിശയിപ്പിക്കുന്ന ബോളിവുഡ് ഡാന്‍സ് വിന്റര്‍ ഗാതറിങ്ങിന് ആഘോഷത്തിന്റെ നിറംപകരും.

ചടങ്ങില്‍ ബ്രിസ്റ്റോള്‍ കേരളൈറ്റ്സ് അസോസിയേഷന്‍ ഈ വര്‍ഷത്തെ ജിസിഎസ്ഇ, എ ലെവല്‍ പരീക്ഷകളില്‍ മികച്ച നേട്ടം കൊയ്ത വിദ്യാര്‍ത്ഥികളെ ആദരിക്കും. ജേതാക്കള്‍ക്കുള്ള ക്യാഷ് അവാര്‍ഡും ചടങ്ങില്‍ സമ്മാനിക്കും. വിദ്യാര്‍ത്ഥി സമൂഹത്തിന് മികച്ച പ്രോത്സാഹനമെന്ന നിലയ്ക്കാണ് ഈ അവാര്‍ഡ് നല്‍കുന്നത്. 2018 വര്‍ഷത്തെ ബ്രിസ്‌കയുടെ വാര്‍ഷിക ജനറല്‍ ബോഡി യോഗവും ഇതേ ദിവസം നടക്കും. വൈകുന്നേരം 4 മുതല്‍ 5 വരെയാണ് യോഗം നടക്കുക.

ബ്രിസ്‌കയുടെ പുതിയ നേതൃത്വത്തെ യോഗം തെരഞ്ഞെടുക്കും. കൂടാതെ ഫണ്ട് റെയ്സിംഗ് സായാഹ്നത്തില്‍ ഇവരെ അംഗങ്ങള്‍ക്ക് മുന്നില്‍ അവതരിപ്പിക്കും. കേരളത്തിന്റെ തിരിച്ചുവരവില്‍ സുപ്രധാന പങ്കുവഹിക്കാന്‍ അവസരമൊരുക്കുന്ന ചടങ്ങില്‍ എല്ലാവരും പങ്കെടുക്കണമെന്ന് സംഘാകര്‍ ബ്രിസ്‌ക പ്രസിഡണ്ട് മാനുവല്‍ മാത്യുവും സെക്രട്രറി പോള്‍സണ്‍ മേനാച്ചേരിയും അഭ്യര്‍ത്ഥിക്കുന്നു.

വേദി:
Southmead Communtiy Cetnre
248 Greystoke Avenue
Bristol BS10 6BQ

BE A HERO… BE AN ORGAN DONOR.

It was a pleasant Sunday evening.  Little Chameli was enjoying a walk with her Dadaji on the river bank watching little fishes playing around the white lotus flowers.  A beautiful kingfisher plunged into the deep water for a while.  Chameli’s eyes shined with her enthralling smile when Dadaji showed her the beautiful crimson horizon with the half set sun.  For Chameli, evening walk with Dadaji on Sundays used to be very special.

After a while, both of them sat on a black rock keeping their legs in the river water.  Chameli liked teasing her Dadaji by splashing water with her legs.

“Dadaji, I feel very sad whenever I think about my classmate Priya”, said Chameli.

“What happened to Priya?” asked Dadaji anxiously.

“Her mother’s one kidney is damaged and it needs replacement as informed by the doctor”, worriedly little Chameli said.

“Oh! It is a very sad situation but no need of worrying.  Have you heard about organ donation and transplantation” asked Dadaji.

“No Dadaji.  What is that?  Can we really help Priya?” Chameli exclaimed.

“Organ donation is giving an organ to help someone who needs a transplant.  Transplant can save or enhance the lives of other people.  One has to submit his or her consent in writing for organ donation at authorized hospitals.  In most of the cases, organs are removed from the body after death for transplantation.  In some cases, some organs can be removed from the body of a living person.  The donor must inform his or her next of kin, close relatives and friends so that necessary actions can be initiated without any delay and confusions after death” Dadaji stopped for a minute watching the setting sun.

Chameli sat patiently looking at her Dadaji’s face.

“Common transplantations include kidneys, heart, liver, pancreas, intestines, lungs, bones, corneas etc.  Now you do not have to go in detail about it as concerned doctors and the advisory boards will always provide adequate details as and when a person shows willingness to do organ donation.  Remember, organ donation is a divine decision which anyone can do without loosing anything in life.  Why should we destroy our organs after death when the same can give life to a needy person?” with a sigh, Dadaji stopped his talk and looked at the face of little Chameli.

The sun had disappeared fully from the sky leaving behind gorgeous colours.  Birds were seen returning to their roost.  Chameli, while shaking her legs in the water, asked Dadaji – “So, how can we help Priya, Dadaji?”

“Tomorrow, I will take Priya’s father to the Nephrology Department at the Medical College in the town.  I know Dr. Gayathri, in-charge of the Department, very well.  Of course, she will guide Priya’s father and do the needful”, Dadaji assured and continued his talks.

“People have different kind of superstitions regarding life and death.  Due to such feelings and fear, many people are reluctant to donate their organs.  Most important task ahead is to conduct proper awareness about organ donation so that even common man understands its significance and value”, Dadaji got up and started walking with Chameli back to their home.

“Thank you Dadaji” Chameli kissed on Dadaji’s hand.  Little Chameli and Dadaji reached home.  Chameli’s parents became very happy about Dadaji’s talks with their little angel.

“We must spread the significance of organ donation amongst villagers and children” said Chameli’s father.

“Wow! It’s my pleasure” clapped little Chameli excitedly.

“Very good my dear” Chameli’s father appreciated her.  “You can request your close friends to join you in the evening after the school hours.  I will collect printed materials from Dr. Gayathri and handover to you.  You start distributing the pamphlets and disseminate the significance of organ donation to the villagers.  Dadaji’s presence and reputation in the village would help you”.

Dadaji also felt the proposal very good and fruitful.

Thus, Dadaji and Chameli with a few students visited the villagers and educated them about organ donation.  Initially, the idea was found unacceptable by majority of the villagers but slowly they could understand the value of such a divine act by which lives could be saved.  Dadaji narrated many examples where one man’s decision could even give life to multiple people as different organs were transplanted to different people.

Dadaji, along with Priya’s father, met Dr. Gayathri and discussed about kidney transplantation for Priya’s mother.  Chameli and her friends visited each and every house in the village and raised a fund for the necessary surgery of Priya’s mother.  Luckily, they got a donor too.

Thus, Priya’s mother’s kidney transplantation got done successfully.  Dr. Gayathri appreciated Dadaji and the children for their initiative and support.  Villagers realized the value of organ donation and transplantation.  Many people came forward and registered their names for organ donation.  Local news papers published the matter for wider publicity.

“Thank you Chameli”, said little Priya with tears in her eyes.

Chameli hugged little Priya and wiped off her tears.  Everyone clapped.  Priya’s father distributed sweets to everybody.  Dadaji hugged little Chameli and appreciated her for her goodwill and hard work.

Chameli stood with a placard in her hand – “Be a Hero… Be an Organ Donor”!!!

Author Muraly TV is an Indian Airforce veteran and actively writing articles,poems and stories for children and grown ups. He also promotes patriotism and charity work through various activities.

ലണ്ടന്‍ : ഈ വര്‍ഷത്തെ ലണ്ടന്‍ ഹിന്ദു ഐക്യവേദിയുടെ ചെമ്പൈ സംഗീതോത്സവം ശ്രീ ഗുരുവായൂരപ്പന്റെ പൂര്‍ണ്ണ അനുഗ്രഹത്തോടെ നവംബര്‍ 24ന് അരങ്ങേറി. ഗുരുവായൂര്‍ ക്ഷേത്രം തന്ത്രി ശ്രീ ചേന്നാസ് ദിനേശന്‍ നമ്പൂതിരിപ്പാടിന്റെ അനുഗ്രഹാശിസുകളോടൊപ്പം, പദ്മശ്രീ ഭരത് സുരേഷ്ഗോപി എം.പി, പദ്മശ്രീ ജയറാം, ഗായകന്‍ ശ്രീ വേണുഗോപാല്‍, നടന്‍ ശ്രീ ദേവന്‍ തുടങ്ങി സാമൂഹിക സാംസ്‌കാരിക രംഗങ്ങളിലെ പ്രമുഖര്‍ ഈ വര്‍ഷത്തെ ചെമ്പൈ സംഗീതോത്സവത്തിനെ ആശംസകള്‍ അറിയിക്കുകയുണ്ടായി.

മുന്‍ വര്‍ഷങ്ങളിലെ പോലെ തന്നെ ലണ്ടനിലെ സംഗീതാസ്വാദകര്‍ക്ക് കര്‍ണാടക സംഗീതത്തിന്റെ മധുരമായ അനുഭവമാണ് സംഗീതോത്സവം സമ്മാനിച്ചത്. വിശിഷ്ട അഥിതി ആയിരുന്ന ശ്രീ രാജമാണിക്യം IAS, ശ്രീ സമ്പത്ത് ആചാര്യ, ശ്രീ രാജേഷ് രാമന്‍, ശ്രീ അശോക് കുമാര്‍, ലണ്ടന്‍ ഹിന്ദു ഐക്യവേദി ചെയര്‍മാന്‍ ശ്രീ തെക്കുംമുറി ഹരിദാസ്, ശ്രീ സുധാകരന്‍ പാലാ എന്നിവര്‍ ചേര്‍ന്നു ഭദ്രദീപം തെളിയിച്ചു.

കുട്ടികളുടെ ഗണേശ സ്തുതിയോടെയാണ് അഞ്ചാമത് ഏകാദശി സംഗീതോത്സവത്തിനു തുടക്കം കുറിച്ചത്. തുടര്‍ന്ന് യുകെയിലെ വിവിധ ഭാഗങ്ങളില്‍ നിന്നെത്തിയ നൂറില്‍ പരം കലാകാരന്‍മാര്‍ ജാതിമത ഭേദമന്യേ ഗുരുവായൂരപ്പസന്നിധിയില്‍ നാദോപാസന ചെയ്തു. കര്‍ണാടിക്, ഹിന്ദുസ്ഥാനി, ഇന്‍സ്ട്രുമെന്റല്‍, മുതലായ വിവിധ സംഗീതശാഖകളിലൂടെ ആസ്വാദക ഹൃദയങ്ങളില്‍ സംഗീത മഴ പെയ്യിച്ച സംഗീതോത്സവം യുകെ സമയം വൈകുന്നേരം 5 മണിക്ക് തുടങ്ങി ഇന്ത്യന്‍ സമയം പുലര്‍ച്ചെ 5 മണി വരെ നീണ്ടു നിന്നു.

വാതാപി ഗണപതിം, നഗുമോ, ബണ്ടുരീതിക്കോലു, ഭാഗ്യദാ ലക്ഷ്മി ബാരമ്മ, എന്തരോ മഹാനുഭാവുലു എന്നീ കൃതികളും, നിരവധി ഹൃദ്യമായ മറ്റു കീര്‍ത്തനങ്ങളും രാഗലയവിസ്മയം തീര്‍ത്തു. ഈ വര്‍ഷത്തെയും സംഗീതോത്സവത്തിനു അനുഹ്രഹിത ഗായകന്‍ ശ്രീ രാജേഷ് രാമന്‍ നേതൃത്വം നല്‍കി. അവതാരകരായ ഗോപി നായര്‍ , സുപ്രഭ. പി. നായരുടെയും അവതരണം സംഗീതോത്സവത്തിനു കൂടുതല്‍ ഹൃദ്യത നല്കി.

അടുത്തവര്‍ഷത്തെ വിപുലമായ സംഗീതാര്‍ച്ചനയ്ക്കുള്ള തയ്യാറെടുപ്പുകള്‍ ഇപ്പോള്‍ തന്നെ ലണ്ടന്‍ ഹിന്ദുഐക്യവേദി ആരംഭിച്ചു. നമ്മുടെ മഹത്തായ കര്‍ണാടക സംഗീത പാരമ്പര്യം ലണ്ടനില്‍ വന്‍ വിജയമായി ആഘോഷിക്കപ്പെടുന്നതില്‍ എല്ലാ സംഗീത പ്രേമികളോടും, കലാകാരന്മാരോടും, ഓണ്‍ലൈന്‍ മീഡിയ പ്രവര്‍ത്തകരോടും മലയാളം ചാനലുകളോടും ഉള്ള നന്ദി തെക്കുംമുറി ഹരിദാസ് രേഖപ്പെടുത്തുകയുണ്ടായി.

സീറോ മലബാര്‍ സഭ പിതാവ് കര്‍ദിനാള്‍ മാര്‍ ജോസഫ് ആലഞ്ചേരി നവംബര്‍ മാസം 30-ാം തിയതി വെള്ളിയാഴ്ച്ച വൈകീട്ട് 6.30ന് ബര്‍മിംഹാമിലെ സാള്‍ട്ട്‌ലി ദേവാലയം സന്ദര്‍ശിക്കുമ്പോള്‍ ഏറ്റവും വലിയ സവിശേഷത എതിരേല്‍ക്കാന്‍ സീറോ മലബാര്‍ സഭാ വിശ്വാസികളെക്കാള്‍ കൂടുതല്‍ ആവേശത്തോടെ മുന്‍നിരയില്‍ നില്‍ക്കുന്നത് ആര്‍ച്ച് ബിഷപ്പ് ബര്‍ണാഡ് ലോങ്‌ലി പിതാവിന്റെ നേതൃത്വത്തിലുള്ള ഇംഗ്ലീഷ് സമൂഹമാണെന്നുള്ളതാണ്. മറ്റു പ്രധാന പരിപാടികള്‍ മാറ്റിവെച്ചിട്ട് ബഹുമാനപ്പെട്ട് ബര്‍ണാഡ് ലോങ്‌ലി പിതാവ് നേരിട്ട് പങ്കെടുക്കുന്നത് സീറോ മലബാര്‍ സമൂഹം ഇംഗ്ലണ്ടിലെ കത്തോലിക്കാ സഭയില്‍ മുഴുവനിലും ഉളവാക്കിയ ഉണര്‍വ്വിന്റെയും ആത്മവിശ്വാസത്തിന്റെയും അലയടികളുടെ വ്യക്തമായ അടയാളമാണ്.

ഡാള്‍ട്ടിലിയിലെ ചരിത്രപ്രാധാന്യമുള്ള ദേവാലയം സീറോ മലബാര്‍ സഭയുടെ ഉപയോഗത്തിനായി ദാനമായി നല്‍കുകയും കുട്ടികളുടം വിശ്വാസ പരിശീലനത്തിനായി അടുത്തുള്ള കാത്തലിക് സ്‌കൂളില്‍ സൈകര്യം അനുവദിക്കുകയും ചെയ്ത ഇംഗ്ലീഷ് സമൂഹം ഇപ്പോള്‍ വെദികരുടെ താമസത്തിനും ഉപയോഗത്തിനുമായി പള്ളിയോടു ചേര്‍ന്നുള്ള പ്രസ്ബിറ്ററി ആധുനിക രീതിയില്‍ പുനരുദ്ധരിക്കുകയാണ്.

വര്‍ഷങ്ങളായി സീറോമലബാര്‍ സഭയുടെ ചാപ്ലിയന്മാരായി സേവനമനുഷ്ഠിച്ച ഫാ. സെബാസ്റ്റ്യന്‍ അരീക്കാട്ട്, ഫാ. സോജി ഓലിക്കല്‍, ഫാ. ജോമോന്‍ തൊമ്മന, ഫാ. ജെയ്‌സണ്‍ കരിപ്പായി തുടങ്ങിയവരുടെയും നാമത്തില്‍ ഫാ. ടെറിന്‍ മുല്ലക്കര, ഫാ ജോര്‍ജ് എട്ടുപറയില്‍ എന്നിവരുടേയും ശ്രമത്തിന്റെ ഫലമായി ഇംഗ്ലീഷ് സമീഹവും സീറോ മലബാര്‍ വിശ്വാസികളും തമ്മില്‍ രൂപപ്പെട്ട വലിയ സൗഹൃദത്തിന്റെയും സാഹോദര്യത്തിന്റെയും പ്രതിഫലനമായിരിക്കും ഈ വെള്ളിയാഴ്ച്ച നടക്കുന്ന വലിയ പിതാവിന്റെ സന്ദര്‍ശനവും മിഷന്‍ പ്രഖ്യാപനവും. നോര്‍ത്ത്ഫീല്‍ഡ്, സ്റ്റെച്ച്‌ഫോര്‍ഡ്, വാംലി എന്നീ ചെറിയ സമൂഹങ്ങള്‍ ചേര്‍ന്ന് സെന്റ് ബനഡിക്ട് മിഷനും സെഡ്ജലി, വാല്‍ഡാല്‍, ടെല്‍ഫോര്‍ഡ്, എന്നീ സമൂഹങ്ങള്‍ ചേര്‍ന്ന് ഔവര്‍ ലേഡി ഓഫ് പെര്‍ച്ച്യല്ഡ ഹെല്‍പ്പ് മിഷനും രൂപികരിക്കപ്പെടുന്ന ധന്യ നിമിഷത്തിങ്ങള്‍.

ബര്‍മിംഹാമിലെ വലിയൊരു വിശ്വാസ സമൂഹത്തിന്റെ വര്‍ഷങ്ങളോളമുള്ള ആഗ്രഹങ്ങളുടെയും പ്രാര്‍ത്ഥനകളുടെയും പരിശ്രമങ്ങളുടെയും കാത്തിരിപ്പിന്റെയും സാക്ഷാത്കാരമായി കര്‍ത്താവില്‍ നിന്ന് ലഭിക്കുന്ന വലിയൊരു അനഗ്രഹമാണ്. പിതാക്കന്മാരുടെ സന്ദര്‍ശനത്തിന്റെയും മിഷന്‍ പ്രഖ്യാപനത്തിന്റെയും അവസാനഘട്ട ഒരുക്കങ്ങളിലാണ് വികാരി ഫാ. ടെറിന്‍ മുള്ളക്കരയുടെ നേതൃത്വത്തിലുള്ള ബര്‍മിംഹാമിലെ വിശ്വാസി സമൂഹം.

ജെറിൻ തോമസ്, ഗെയിന്‍സ്ബറോ 

ലോകശക്തികളില്‍ മികവുറ്റ സാമ്രാജ്യ ശക്തിയായി വളര്‍ന്നു വന്ന്, വലുപ്പത്തില്‍ ചെറുതാണെങ്കിലും ശക്തിയിലും ബുദ്ധിയിലും ഇന്നും വന്‍ ശക്തികളായി തന്നെ വിരാജിക്കുന്ന, സാംസ്‌കാരിക വിദ്യാഭ്യാസ സംരംഭങ്ങളുടെ കേന്ദ്രമായ ബ്രിട്ടന് എവിടെയാണ് തെറ്റുപറ്റിയത്? നിയമത്തെ അനുസരിക്കുന്നതിലും ബഹുമാനിക്കുന്നതിലും എല്ലായ്പ്പോഴും മുന്‍നിരയില്‍ ഒന്നാമതായുള്ള രാജ്യമെന്ന നിലയിലും തെറ്റ് പറ്റിയാല്‍ അതിനെ അംഗീകരിക്കുകയും ‘സോറി’ എന്ന പദം കാഷ്വല്‍ ഭാഷാപ്രയോഗത്തില്‍പ്പോലും ഉള്‍പ്പെടുത്തികൊണ്ട് തെറ്റുകള്‍ നഷ്ടപരിഹാരത്തോടെ എപ്പോഴും തിരുത്തുകയും ചെയ്യുന്ന ഏക ലോകശക്തി എന്ന പദവി അര്‍ഹിക്കുന്ന ഈ രാജ്യത്തില്‍ ഇനിയും നിലനില്‍ക്കുന്ന ഒരു തെറ്റ് കാണാനാവുന്നില്ലെയോ?

2006ലെ നിയമപ്രകാരം ഓവറോള്‍ 6 സ്‌കോര്‍ ഉള്ളവരും 3 വര്‍ഷത്തില്‍ കുറയാത്ത പ്രവൃത്തി പരിചയമുള്ളവരുമായ എഷ്യന്‍ നഴ്സസ് അഡാപ്‌റ്റേഷന്‍ ട്രെയിനിംഗ് വഴി ഇവിടെ PIN number നേടാമായിരുന്നു. ഈ നിയമപ്രകാരം ഇവിടെ ഓവറോള്‍ 6 നേടിയ എഷ്യന്‍ നഴ്സുമാര്‍ ഇവിടെയെത്തിയെങ്കിലും സ്ഥിരതയില്ലാതെ മാറിവന്ന നിയമങ്ങള്‍ 6 എന്നത് 6.5 പിന്നീട് 7 വീണ്ടും ഓരോ വിഷയത്തിനും 7 സ്‌കോര്‍ എന്നിങ്ങനെ എത്തിപ്പെടാനാകാത്ത ലെവലായി ഉയര്‍ത്തിയതിനാല്‍, അന്ന് എത്തിച്ചേര്‍ന്നവര്‍ പിന്‍ നമ്പര്‍ ലഭിക്കാതെ കെയര്‍ അസിറ്റന്റ് പോലുള്ള ഒരു ജോലിയിലേക്ക് മാറേണ്ടി വരികയും അനുദിനം IELTS നുംOET പോലുള്ള മറ്റ് ട്രെയിനിംഗുകള്‍ക്കും വേണ്ടി താങ്ങാനാവാത്തവിധം പണം ചെലവഴിച്ച് ഇന്നും മൂകമായി ജീവിക്കുന്നു.

ഇതില്‍ പ്രാധാന്യം അര്‍ഹിക്കുന്ന വസ്തുത 10 വര്‍ഷങ്ങള്‍ക്കുപരി ഈ രാജ്യത്ത് സേവനം ചെയ്തിട്ടും ബ്രിട്ടീഷ് പൗരത്വം നേടിയിട്ട് പോലും എഷ്യന്‍ രാജ്യത്ത് നിന്നും വന്നുവെന്ന കാരണത്താല്‍ ഇവര്‍ ഇന്നും IELTS നിബന്ധനകള്‍ക്ക് വിധേയരായി പിന്‍ നമ്പര്‍ ലഭിക്കാതെ മാറ്റി നിര്‍ത്തപ്പെടുന്നു. എന്നാല്‍ യൂറോപ്യന്‍ രാജ്യങ്ങളില്‍ നിന്നും വന്ന് ഇംഗ്ലീഷ് ഭാഷ സംസാരിക്കാനോ എഴുതാനോ പോലും പ്രാവീണ്യമില്ലാത്തവര്‍ ഈ IELTS കടമ്പകള്‍ ബാധകമല്ലാതെ തങ്ങളുടെ പിന്‍ നമ്പര്‍ നേടിയെടുക്കുമ്പോള്‍ ഭാഷാ പ്രാവീണ്യമുള്ള ഏഷ്യന്‍ നഴ്സുമാര്‍ അവഗണിക്കപ്പെടുന്നത് ഇനിയും കാണാനാവുന്നില്ലയോ?

ഏഷ്യന്‍ രാജ്യങ്ങളില്‍ നിന്നും വന്ന് ബ്രിട്ടീഷ് പൗരത്വം നേടിയ എഷ്യന്‍ നഴ്സിന് നീതിയും തുല്യതയും നിഷേധിക്കപ്പെടുന്നത് കാണാന്‍ നല്ല മനസുള്ള ഈ രാജ്യത്തിന് തെറ്റുപറ്റിയോ? മള്‍ട്ടി സ്പെഷ്യാലിറ്റി ഹോസ്പിറ്റലുകളില്‍ ജോലി ചെയ്തിരുന്ന ഇവര്‍ തങ്ങളുടെ ജോലി ഉപേക്ഷിച്ച് ഈ രാജ്യത്തെ നിയമ മാനദണ്ഡങ്ങള്‍ വിശ്വസിച്ച് കുടിയേറിയപ്പോള്‍ വന്നതിന് ശേഷം മാറിയ മാനദണ്ഡങ്ങള്‍ മൂലം സ്വന്തം പ്രൊഫഷന്‍ നഷ്ടമായ ഇവര്‍ക്ക് ഈ മാറിയ മാനദണ്ഡങ്ങള്‍ ബാധകമല്ലെന്ന് അംഗീകരിക്കുന്നതെല്ലേ നീതിയെന്ന് ചിന്തിക്കുന്നതില്‍ തെറ്റുണ്ടോ?

Discrimination എന്നാല്‍ unjust treatment of different categories of people especially on the ground of race,age and sex. അപ്പോള്‍ ബ്രിട്ടീഷ് പൗരന്മാര്‍ ആയിട്ട് പോലും ഏഷ്യയില്‍ നിന്നും വന്നു എന്ന കാരണത്താല്‍ യൂറോപ്യന്‍ യൂണിയന്‍ രാജ്യത്ത് നിന്ന് വന്ന പൗരന്മാര്‍ക്ക് നല്‍കുന്ന ആനുകൂല്യം പോലും നല്‍കാത്തത് വംശീയ വിവേചനമാണ് എന്ന് ചിന്തിക്കുന്നതില്‍ തെറ്റുണ്ടോ? ഇതില്‍ ഒരു വംശീയ വിവേചനം ഒളിഞ്ഞു കിടപ്പില്ലേ?

ഈ രാജ്യത്ത് ജനിച്ചു വളര്‍ന്ന ഒരു നഴ്‌സ് മാനേജര്‍ ആയി ജോലി ചെയ്യുന്ന എന്‍.എച്ച്.എസ് പ്രൊഫഷണലുകള്‍ക്ക് ഈ IELTS or OET Exam നല്‍കിയാല്‍ എത്രപേര്‍ ഓരോ വിഷയത്തിനും 7 സ്‌കോര്‍ വാങ്ങി പാസാകുമെന്ന് ആരെങ്കിലും ചിന്തിച്ചിട്ടുണ്ടോ? എത്തിപ്പിടിക്കാനാവാത്ത രീതിയില്‍ സ്‌കോര്‍ ഉയര്‍ത്തികൊണ്ട് ഇവരെ പിന്‍ നമ്പര്‍ നേടാനാവാത്തവിധം മാറ്റി നിര്‍ത്തുന്നത് നീതി ആണോ?

നഴ്സ് എന്ന പ്രത്യേക പദവിയുടെ പ്രത്യേകതകള്‍ പരിഗണിച്ച് അവര്‍ക്ക് ജോലിയില്‍ ആവശ്യമായ പരിജ്ഞാനം അളന്നു നോക്കുന്ന പരീക്ഷകള്‍ക്ക് പകരം എത്തിപിടിക്കാനാവാത്ത ഭാഷാ പരീക്ഷകള്‍ മാത്രം മാനദണ്ഡമായി പരിഗണിക്കുന്നത് ശരിയാണോ?

മനുഷ്യാവകാശങ്ങള്‍ക്കും നീതി ന്യായ വ്യവസ്ഥകള്‍ക്കും അങ്ങേയറ്റം മൂല്യം കല്‍പ്പിക്കുന്ന, മനുഷ്യരുടെ വളര്‍ച്ചയ്ക്കും നന്മയ്ക്കും വേണ്ടി നിലകൊള്ളുന്ന രാജ്യമെന്ന നിലയിലും Equality, non- discrimination എന്ന വലിയ പുണ്യങ്ങളെ എന്നും കൃത്യമായി പാലിക്കുകയും ചെയ്യുന്ന ഈ രാജ്യത്തിന് ഇനിയും തിരിച്ചറിയിനാകാത്ത ഒരു Blindspot mistake ആണോ ഇത്?

സ്വന്തം തെറ്റുകള്‍ തിരുത്തുവാനും അതിന്റെ കാരണത്താല്‍ ഉണ്ടായ കുറവുകള്‍ക്ക് എന്നും പരിഹാരം നിര്‍ദേശിച്ച് നീതിയും തുല്യതയ്ക്കും വേണ്ടി വര്‍ത്തിക്കുന്ന ഏക രാജ്യമെന്ന നിലയിലും ലോക പ്രശസ്തമായ ബ്രിട്ടന് ഈ തെറ്റ് എങ്ങനെ ബ്രിട്ടീഷ് പാര്‍ലമെന്റില്‍ ഇനിയും ശ്രദ്ധിക്കപ്പെടുന്നില്ല എന്നത് വളരെ നിരാശാജനകമാണ്.

മൂകമായി ഉള്ളിലൊതുക്കുന്ന വിതുമ്പലുകളുമായി ആയിരങ്ങള്‍ തങ്ങളുടെ പ്രൊഫഷനുകളില്‍ ഇങ്ങനെ മാറ്റി നിര്‍ത്തപ്പെട്ട വിഭാഗം എന്ന ഒറ്റ കാരണം മുഖേന നീതി നിഷേധിക്കപ്പെടുവാന്‍ ഈ രാജ്യം ഒരിക്കലും അനുവദിക്കില്ല എന്ന ശുഭാപ്തിവിശ്വാസം മാത്രമാണ് ഇനിയവര്‍ക്കാശ്വാസം.

ഒരു ചെറിയ കാലയളവില്‍ ഓണ്‍ ദി ജോബ് ട്രെയിനിംഗ് നല്‍കി ഇവരെ ബാന്‍ഡ് 5 ടോപ്പ് ഗ്രേഡില്‍ എടുത്താലും ഈ കുറവുകള്‍ വരുത്തിയ മുറിവുകൾ മറക്കാനാവും വിധം തിരുത്താനാകുമോ?

ഒരു അലിഖിത ഭരണഘടയുള്ള ഉള്ള സൂപ്പര്‍ പവര്‍ ആയി വര്‍ത്തിക്കുന്ന ലോകശക്തികളില്‍ മുന്‍നിരയിലുള്ള ഈ രാജ്യത്ത് പുതിയ നിയമങ്ങള്‍ നിര്‍മ്മിക്കുവാനുള്ള അധികാരം പാര്‍ലമെന്റിനാണ്. ഇനിയും എത്രകാലം കാത്തിരിക്കണം ഈ കുറവുകള്‍ നികത്തപ്പെടുവാന്‍?

കൺസൾട്ടേഷൻ പ്രഖ്യാപിക്കുക… എൻഎംസിയെ സമീപിക്കാനുള്ള അടുത്ത ഘട്ട നടപടികളുമായി കേംബ്രിഡ്ജ് കൗൺസിലർ ബൈജു തിട്ടാല. ഇംഗ്ലീഷ് ഭാഷാ മാനദണ്ഡങ്ങൾ ഏകീകരിക്കണമെന്ന ആവശ്യത്തിന് രാഷ്ട്രീയ പിന്തുണ ഉറപ്പായി. നോൺ യൂറോപ്യൻ വിവേചനം മൂലം രജിസ്ട്രേഷൻ ലഭിക്കാത്തവരുടെ വിവരശേഖരണം ഊർജ്ജിതം.

ന്യൂസ് ഡെസ്ക്

കുറവിലങ്ങാട് ദേവമാതാ കോളജ് അദ്ധ്യാപകൻ കോളജിന്റെ മൂന്നാം നിലയിൽ നിന്ന് വീണു മരിച്ചു. ഇന്ന് രാവിലെ ആണ് അപകടമുണ്ടായത്. കോളജിലെ ഇംഗ്ലീഷ് വിഭാഗം അസിസ്റ്റൻറ് പ്രൊഫസറായ ജോർജ് തോമസ് (45) ആണ് മരണമടഞ്ഞത്. ഇന്നു രാവിലെ എട്ടരയ്ക്ക് കോളജിലെത്തിയ അദ്ധ്യാപകൻ സ്റ്റാഫ് റൂമിന്റെ ജനാല തുറന്നപ്പോൾ താഴേയ്ക്ക് വീഴുകയായിരുന്നുവെന്ന് പോലീസ് പറഞ്ഞു. ഗുരുതരമായി പരിക്കേറ്റ അദ്ധ്യാപകനെ ഉടൻ തന്നെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

മുട്ടുചിറ കുഴിവേലിൽ ജോർജിന്റെ മകനാണ് ജോർജ് തോമസ്. ഭാര്യ അന്ന. മക്കൾ ജോർജ്, റോസ്മേരി, ആൻറണി.

ബിനോയി ജോസഫ്

ഇംഗ്ലീഷ് ലാംഗ്വേജ് ടെസ്റ്റിൽ ക്വാളിഫൈയിംഗ് സ്കോർ നേടാനാവാത്തതിനാൽ ഒരു നഴ്സായി യുകെയിൽ രജിസ്റ്റർ ചെയ്യപ്പെടാൻ സാധിക്കാതെ വന്നവരുടെ കൂട്ടായ്മയുടെ നേതൃത്വത്തിൽ എൻഎംസിയെ സമീപിക്കാനുള്ള നടപടികൾ ഊർജ്ജിതമായി. യുകെയിലെമ്പാടുമായി എൻഎച്ച്എസ്, പൈവറ്റ് ഹോസ്പിറ്റലുകളിലും നഴ്സിംഗ് ഹോമുകളിലും സീനിയർ കെയറർമാരായും കെയർ അസിസ്റ്റന്റുമാരായും വർഷങ്ങളായി ജോലി ചെയ്യുന്നവരുടെ ന്യായമായ ഈ ആവശ്യം അധികൃതരുടെ ശ്രദ്ധയിൽ കൊണ്ടുവരാൻ നേതൃത്വം നല്കുന്നത് കേംബ്രിഡ്ജ് സിറ്റി കൗൺസിലറും ലോയറുമായ ബൈജു വർക്കി തിട്ടാലയാണ്.

രജിസ്ട്രേഷനുള്ള മാനദണ്ഡമായി എൻഎംസി നിഷ്കർഷിച്ചിരിക്കുന്ന ഐഇഎൽടിഎസും ഒഇടിയും പാസാകാൻ നിരവധി തവണ പരിശ്രമിച്ചവർ നൂറുകണക്കിനുണ്ട്. നിർഭാഗ്യവശാൽ പലർക്കും വേണ്ട സ്കോർ നേടാനായില്ല. റൈറ്റിംഗിന് സ്കോർ 6.5 ആക്കാനുള്ള നടപടികൾ എൻഎംസി ആരംഭിച്ചിട്ടുണ്ടെങ്കിലും വർഷങ്ങളായി യുകെയിൽ ജീവിക്കുന്ന ഹെൽത്ത് കെയർ പ്രഫഷണലുകൾക്കായി രജിസ്ട്രേഷനുള്ള സജ്ജീകരണങ്ങൾ ഒരുക്കാൻ എൻഎംസിയുടെ ഭാഗത്ത് നിന്ന് അനുഭാവപൂർണമായ ഒരു നടപടിയും ഇതുവരെ ഉണ്ടായിട്ടില്ല.

ഇക്കാര്യത്തിൽ ബ്രിട്ടീഷ് പാർലമെൻറിൽ ലോബിയിംഗ് നടത്താൻ മുൻകൈയെടുത്ത ബൈജു തിട്ടാല, എൻഎംസിയുമായി നേരിട്ട് കാര്യങ്ങൾ ചർച്ച ചെയ്യുന്നതിന് അവസരം ഒരുക്കാനുള്ള പരിശ്രമത്തിലാണ്. രജിസ്ട്രേഷൻ ലഭിക്കാത്തവരുടെ കാര്യത്തിൽ അനുഭാവ പൂർണ്ണമായ സമീപനം ഉണ്ടാകണമെന്നും ഇവർക്ക് തങ്ങളുടെ വാദങ്ങൾ അവതരിപ്പിക്കാൻ കൺസൾട്ടേഷൻ പ്രഖ്യാപിക്കണമെന്നുമാണ് മുന്നോട്ട് വച്ചിരിക്കുന്ന ആവശ്യം.

കൺസൾട്ടേഷൻ ആവശ്യവുമായി ഹോം സെക്രട്ടറി, ഹെൽത്ത് സെക്രട്ടറി, എൻഎംസി, പ്രധാനപ്പെട്ട എൻഎച്ച്എസ് ട്രസ്റ്റുകൾ എന്നിവയെ സമീപിക്കാനുള്ള പ്രവർത്തനമാണ് ഇപ്പോൾ നടക്കുന്നതെന്ന് ബൈജു വർക്കി തിട്ടാല പറഞ്ഞു. യുകെയിൽ രജിസ്ട്രേഷൻ ലഭിക്കാതെ ഹെൽത്ത് സെക്ടറിൽ ഇതര ജോലികളിൽ ഏർപ്പെട്ടിരിക്കുന്നവരുടെ വിവരങ്ങൾ ശേഖരിക്കുക എന്ന ഭഗീരഥപ്രയത്നത്തിൽ യുകെ മലയാളികളുടെ പൂർണ പിന്തുണ അദ്ദേഹം അഭ്യർത്ഥിച്ചു.

കൺസൾട്ടേഷൻ ആവശ്യവുമായി എൻഎംസിയെ സമീപിക്കുന്നതിന് ഈ മേഖലയിൽ ജോലി ചെയ്യുന്നവരുടെ വിവരങ്ങൾ ഏറ്റവും കൃത്യതയോടെ ശേഖരിക്കേണ്ടത് ആവശ്യമാണ്. അതിനായി കോർഡിനേറ്റർമാരെ താഴെപ്പറയുന്ന നമ്പരുകളിൽ ബന്ധപ്പെടേണ്ടതാണ്.

ബിനോയി ജോസഫ്, സ്കൻതോർപ്പ് 07915660914

റിന്റോ ജയിംസ്, കവൻട്രി 07870828585

ജെറിഷ് ഫിലിപ്പ് 07887359660

വീണ്ടുമൊരു പോരാട്ടത്തിന് തുടക്കം… നഴ്സിംഗ് രംഗത്ത് വർഷങ്ങളുടെ പരിചയമുണ്ടായിട്ടും ഇംഗ്ലീഷ് ലാംഗ്വേജ് യോഗ്യത നേടാനാവാത്തതിനാൽ പിൻ നമ്പർ ലഭിക്കാത്തവർക്കായി എൻഎംസിയെ വീണ്ടും സമീപിക്കാൻ മലയാളി സമൂഹം തയ്യാറെടുക്കുന്നു. നേതൃത്വം നല്കുന്നത് കേംബ്രിഡ്ജ് സിറ്റി കൗൺസിലർ ബൈജു തിട്ടാല. ദയവായി ഈ സംരംഭത്തെ നിങ്ങളും പിന്തുണയ്ക്കുക.