മലയാളക്കര കടന്ന് ഇന്ത്യയിലും വിദേശത്തും വരെ കുതിച്ച ‘ജിമിക്കി കമ്മല്‍’ പാട്ടിന് പുതിയ ആരാധകര്‍. മലയാളികളുടെ സ്വന്തം ലാലേട്ടന്റെ വെളിപാടിന്റെ പുസ്തകത്തിലെ ഗാനം അങ്ങ് ദൂരെ റഷ്യയിലും ഹിറ്റായിരിക്കുകയാണ്. പാട്ടിനൊത്ത് ചുവടുവെച്ച് റഷ്യന്‍ സുന്ദരിമാരും പൊളിച്ചടുക്കി.
കഴിഞ്ഞ ദിവസം സോഷ്യല്‍മീഡിയയില്‍ എത്തിയ റഷ്യന്‍ സുന്ദരികള്‍ ചുവടുവെച്ച ജിമിക്കി കമ്മല്‍ മലയാളികള്‍ ഉള്‍പ്പെടെയുള്ള ആരാധകരെ ഞെട്ടിച്ചിരിക്കുകയാണ്. സോഷ്യല്‍മീഡിയയില്‍ ഏറെ വൈറലായിരിക്കുകയാണ് ഈ വേര്‍ഷന്‍. ദേവ്ദാന്‍ ഡാന്‍സ് ഗ്രൂപ്പാണ് പാട്ടിനൊത്ത് ചുവടുകള്‍ വെച്ചിരിക്കുന്നത്.
സോഷ്യല്‍ മീഡിയയില്‍ ജിമിക്കി കമ്മല്‍ ഒട്ടേറെ ഡാന്‍സ് പതിപ്പുകള്‍ ഹിറ്റായിട്ടുണ്ട്. ബിബിസി റിപ്പോര്‍ട്ടര്‍, ടീച്ചേഴ്‌സ് എല്ലാവരും ഈ പാട്ടിനൊത്ത് ചുവട് വെച്ചവരാണ്. പക്ഷെ അതില്‍ നിന്നൊക്കെ അടിമുടി വ്യത്യസ്തമാണ് ഈ ഡാന്‍സ് എന്നാണ് എല്ലാവരും ഒന്നടങ്കം പറയുന്നത്.
Leave a Reply