ന്യൂസ് ഡെസ്ക് മലയാളം യുകെ

ലണ്ടൻ : വാഹനത്തെ മറന്നുകൊണ്ടുള്ള ജീവിതം ഈ കാലത്ത് സാധ്യമല്ല. നിത്യജീവിതത്തിൽ ഉപയോഗിക്കുന്ന വാഹനങ്ങൾ വൃത്തിയോടെ സൂക്ഷിക്കുന്നവരാണോ നിങ്ങൾ? ആർമർ ഓൾ രണ്ടായിരം കാർ ഉടമകളിൽ നടത്തിയ പഠനത്തിൽ 49 ശതമാനം പേരും തങ്ങളുടെ വാഹനങ്ങൾക്ക് കൂടുതൽ ശ്രദ്ധ ആവശ്യമുണ്ടെന്ന് അഭിപ്രായപ്പെട്ടു. വൃത്തിയില്ലായ്മ, മങ്ങിയ നിറം, പോറലുകൾ എന്നിവ നാണക്കേടുണ്ടാക്കുന്നതായി പലരും വെളിപ്പെടുത്തി. ആറിൽ ഒരാൾ അവരുടെ വാഹനത്തിന്റെ അവസ്ഥയെപറ്റി സ്വയം ബോധവാന്മാരാണ്. 41 ശതമാനം പേർ വാഹനം കഴുകാൻ മടിയുള്ളവരാണ്. 56 ശതമാനം പേരും കാറിന്റെ നിറത്തിൽ അധികം ശ്രദ്ധ നൽകാറില്ല. അതുകൊണ്ട് തന്നെ പോറലുകളും മങ്ങിയ നിറവും ശ്രദ്ധിക്കാറില്ല.

പത്തിൽ ആറ് പേർ പതിവായി സ്വന്തം വാഹനം കഴുകുന്നവരാണ്. 38 ശതമാനം പേർക്ക് കാർ ക്ലീനിംഗ് ഐറ്റംസ് സ്വന്തമായിട്ടുണ്ട്. കുറഞ്ഞ സമയത്തിനുള്ളിൽ കാറുകൾ വൃത്തിയാക്കാമെങ്കിലും പലരും അതിന് ശ്രമിക്കുന്നില്ല. എന്നാൽ കാറുകൾ വൃത്തിയാക്കുന്നത് ആസ്വദിച്ചു ചെയ്യുന്നവരുമുണ്ട്. കാറുകൾ തങ്ങൾക്ക് നാണക്കേട് ഉണ്ടാക്കുന്നതായി പറയുന്നവർ നിരത്തുന്ന പത്ത് കാരണങ്ങൾ ഇവയാണ്.

• വാഹനം പഴയതായിരുന്നു
• കാറിനകവും പുറവും വൃത്തികേടായിരുന്നു.
• കാറിൽ പോറലുകൾ ഉണ്ടായിരുന്നു
• കാർ തുരുമ്പിച്ചു
• നിറം മങ്ങിതുടങ്ങി
• പലയിടത്തും ചളുക്ക് ഉണ്ടായിരുന്നു
• കാർ തീരെ ചെറുതാണ്
• എഞ്ചിനിൽ നിന്നും പല ശബ്‍ദങ്ങൾ കേട്ടു
• കാറിന്റെ പുറം വളരെ വൃത്തികേടായിരുന്നു
• കാറിന്റെ ബ്രാൻഡ് ഇഷ്ടപെട്ടില്ല