രാജ്യത്ത് ഇന്ധനവില 100 കടന്നതോടെ രാജ്യത്ത് കേന്ദ്രത്തിനെതിരെ പ്ര തിഷേധം ശക്തമായിരിക്കുകയാണ്.

അതേസമയം, പെട്രോള്‍ പമ്പില്‍ സ്ഥാപിച്ചിരിക്കുന്ന പ്രധാനമന്ത്രി മോഡിയുടെ ചിത്രത്തിനുനേരെ കൈ കൂപ്പി നില്‍ക്കുന്ന യുവതിയുടെ ചിത്രം സോഷ്യല്‍മീഡിയയില്‍ വൈറലായിരിക്കുകയാണ്.

‘ഇനിയെങ്കിലും ഈ ജനദ്രോഹ ഇന്ധനവില വര്‍ധന മതിയാക്കാമോ’- കൈ കൂപ്പിയുള്ള ആ നില്‍പ്പിന്റെ അര്‍ഥം ഇതായിരിന്നിരിക്കണം എന്നു പറഞ്ഞാണ് ഫോട്ടോ വൈറലാവുന്നത്.

ഇന്ധനവില വര്‍ധനവിനിടെ ഈ വേറിട്ട പ്രതിഷേധച്ചിത്രം ശ്രദ്ധേയമാകുകയാണ്. യൂത്ത് കോണ്‍ഗ്രസ് ദേശീയ അധ്യക്ഷന്‍ ബിവി ശ്രീനിവാസ് അടക്കമുള്ളവര്‍ സമൂഹ മാധ്യമങ്ങളില്‍ പങ്കുവെച്ച ചിത്രം നെറ്റിസണ്‍സ് ഏറ്റെടുത്തിരിക്കുകയാണ്.

സ്വന്തം കാറില്‍ ഇന്ധനം നിറയ്ക്കുന്നതിനിടെ വാഹനത്തില്‍ നിന്ന് പുറത്തിറങ്ങി പെട്രോള്‍ പമ്പില്‍ സ്ഥാപിച്ചിരിക്കുന്ന മോഡിയുടെ ഫ്‌ലക്സിന് നേരെ യുവതി കൈകൂപ്പി നില്‍ക്കുന്നതാണ് ചിത്രം. ‘ഇതിന് അടിക്കുറിപ്പ് നല്‍കൂ’ എന്ന കുറിപ്പോടെയാണ് ബിവി ശ്രീനിവാസ് ഈ ചിത്രം ട്വിറ്ററില്‍ പങ്കുവെച്ചത്.

  അമ്മയ്ക്കും പ്രിയപ്പെട്ട സുഹൃത്തിനും ജന്മദിനാശംസകള്‍, ഐ ലവ് യൂ; കാവ്യക്കൊപ്പമുള്ള ചിത്രങ്ങളുമായി മീനാക്ഷി

അതിനിടെ, രാജ്യത്ത് ഇന്ധന വില തുടര്‍ച്ചയായി ഉയരുകയാണ്. കേരളമുള്‍പ്പെടെ മിക്ക സംസ്ഥാനങ്ങളിലും പെട്രോള്‍ വില 100 കടന്നു. ഡീസല്‍ തൊണ്ണൂറ് രൂപയോട് അടുക്കുകയും ചെയ്തു. മേയ് നാലിന് ശേഷം ഇന്ധന വില 39 തവണയാണ് വര്‍ധിച്ചത്.