സുരേഷ് കുമാർ

നോർത്താംപ്ടണിൽ നിര്യാതനായ ജെയ്മോൻ പോളിന് (42 വയസ്സ്) ആദരാഞ്ജലികൾ അർപ്പിക്കാനായി നോർത്താംപ്ടണിലെ സെന്റ് ഗ്രിഗറി ദി ഗ്രേറ്റ് ആർ സി പള്ളിയിൽ നാളെ മലയാളികൾ ഒത്തുചേരും. തിങ്കളാഴ്ച രാവിലെ 10 മണി മുതൽ 11 . 30 വരെ ജെയ്മോൻ പോളിൻെറ ഭൗതികശരീരം സെന്റ് ഗ്രിഗറി ദി ഗ്രേറ്റ് ആർ സി പള്ളിയിൽ പൊതുദർശനത്തിന് വയ്ക്കുന്നതായിരിക്കും. വിവിധ വൈദികരുടെ സാന്നിധ്യത്തിൽ പ്രാർത്ഥനയും ഉണ്ടായിരിക്കും. സെന്റ് മേരീസ് യാക്കോബായ സിറിയൻ ഓർത്തഡോക്സ് ചർച്ച് നോർത്താംപ്ടൺ വികാരി ഫാ. ജെബിൻ ഐപ്പിന്റെ നേതൃത്വത്തിൽ സംസ്കാര ശുശ്രൂഷകൾ നടത്തും. അതിനു ശേഷം കിംഗ്സ്തോർപ്പ് സെമിത്തേരിൽ സംസ്കാര ചടങ്ങുകൾ നടക്കുന്നതായിരിക്കും.

Church Address :
St Gregory the Great RC Church
22 Park Ave North, Northampton NN3 2HS
Viewing Time : 10 to 11:30
Service : 11:30 to 1 pm.
Funeral : 1:30

Cemetery Address:
Kingsthorpe Cemetery,
Harborough Road North
Boughton
NN2 8LU

മൃതസംസ്കാര ശുശ്രൂഷകൾ കാണുന്നതിനായി താഴെ കാണുന്ന ലിങ്കിൽ ക്ലിക്ക് ചെയ്യുക.

42 വയസ്സ് മാത്രം പ്രായമുള്ള ജെയ്മോൻ പോൾ മെയ് മാസം പതിമൂന്നാം തീയതിയാണ് മരണമടഞ്ഞത് . ഭാര്യയും രണ്ടു കുട്ടികളും ഉള്ള ജെയ്മോൻ 15 വർഷത്തോളമായി യുകെയിലെത്തിയിട്ട് . മലയാളി അസോസിയേഷൻ ഓഫ് നോർത്താംപ്ടൻറെ ആദ്യകാല മെമ്പറായിരുന്നു . കേരളത്തിൽ മൂവാറ്റുപുഴ കുന്നേക്കാൽ ആണ് ജെയ്മോൻെറ സ്വദേശം . സെന്റ് മാത്യൂസ് ഹെൽത്ത് കെയറിൽ ഡെപ്യൂട്ടി മാനേജരായി ജോലി ചെയ്തു വരികയായിരുന്നു.

ജെയ്മോൻെറ നിര്യാണത്തിൽ മലയാളംയുകെ ന്യൂസിന്റെ അനുശോചനം ബന്ധുക്കളെയും സുഹൃത്തുക്കളെയും അറിയിക്കുന്നു.